Fúcihum 10
10
Búbajum bara guleeh Nówe
1Ufe fiil fara guleeh Nówe, gammee Seem, Haam nꞌJaafet. Nan búyiik bara mal máamak maamu bufaago mee, ngubaj guleeh gumaañen. 2Jaafet guleehool : Gomeer, Magog, Madai, Yawan, Tubal, Mesek nꞌTiras. 3Gomeer nabaj : Asekenas, Rifat nꞌTogaruma. 4Yawan nabaj : Eliisa, Tarisis, Kitiim nꞌDodanim. 5Mꞌbúbajum bara Yawan bugan gaagu gufanjoor mee mꞌmof maamu. Guceeiil gucin nꞌsijoom saasu, bugaagu ngucin nꞌubereberef wara fal faafu. Gayooŋóoyooŋ nꞌgúlobum go son mof go ngusaahoor gukaan giil.
6Haam nabaj : Kuus, Misira, Puut nꞌKanaan. 7Kuus nabaj : Seeba, Hawila, Sabuta, Daama, nꞌSabateka. Daama nabaj : Saaba nꞌDedan.
8Kuus ho may abaj mee amaañen átiyaara hareg mee nabaje sembe nꞌetaam yaayu han guroge mee Nimirod. 9Mꞌbañower bara Acehériit mee, Nimirod akankaan ayima háamak ; yo ecil mee nak gurok : « Mꞌbañower bara Acehériit mee, kaahi ayima háamak naŋ Nimirod. » 10Sísuk saasu sítiyaara sara jáyiih Nimirod so sommee : Babel, Erek, Akad son Kaline, so peepe mꞌmof mara Sineyaar nsoom. 11Nimirod nápur mꞌmof maamu bu nꞌAsúur min ayihen bo sísuk san guroge mee : Niniiw, Rehobot-Hir, Kala 12nꞌDesen yammee etuhoor Niniiw son ésuk yáamak yan guroge mee Kala. 13-14Bugara Luud, Anam, Lehab, Nafut, Páturus, Kasilu son Kafetor, Misira ammee paayiil afaan. Efilisiit yaayu, nꞌKasilu ngúpurulo.
15Kanaan nabaj Sidoŋ, ammee aleehool átiyaara, nabaj may Heet. 16-18Bugara Yébus, Amoor, Girigas, Hiwii, Ariik, Siin, Aruwad, Semaar son bugara Hamaat, Kanaan ammee paayiil afaan. To mꞌbugo, uyooŋ wara ekanaaniit yaayu ufanjoorulo mee, 19mofiil muwuwuŋ kábiriŋ Sidoŋ mujooŋoor Geraar, káŋ bu Gaasa mujow mujooŋoor Sodom, Gomoor, Adima son Seboyim káŋ bu Lesa.
20Ubuge gommee búbajum bara Haam. Bugo gufanjoor mee gayooŋóoyooŋ nꞌgúlobum go son mof go, ngusaahoor gukaan giil.
21Seem, hatuuhen mee Jaafet, nabaj guleeh gumaañen. Hebeer búbajumool búroom bo peepe, Seem ammee paayiil afaan. 22Seem nabaj may : Elaam, Asuur, Arupakasad, Luud nꞌAraam. 23Araam nabaj : Uús, Huul, Geteer mꞌMaas. 24Arupakasad nabaj Seela min Seela abaj Hebeer.
25Hebeer nabaj guleeh gumaañen gúruba. Aleehool aahu gurogool Peleg (yo yommee : gafanjoor), mara no mꞌburoŋool bugan gaagu gufanjoor mee nꞌetaam yaayu. Min atiool aahu gurogool Yokutan. 26Yokutan nabaj : Alumodad, Selef, Hasarumawet, Yera, 27Hadoram, Usaal, Dikila, 28Obaal, Abimael, Saaba, 29Ofiir, Hawila nꞌYobab. Bugo búroomiil peepe guleeh Yokutan, 30ngucineen etuhoor Meesa son simontaañ sara Sefaar nꞌgápurum tinak.
31Bugaage gommee búbajum bara Seem. Bugo gufanjoor mee gayooŋóoyooŋ nꞌgúlobum go son mof go, ngusaahoor gukaan giil.
32Ubuge peepe gommee búbajum bara Nówe, gayooŋóoyooŋ nꞌetaam go. Mꞌbugo bugan gaagu gufanjoor mee mꞌmof maamu, nan búyiik bara mal máamak maamu bufaago mee.
Currently Selected:
Fúcihum 10: gsl
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
