Kisah Para Rasul Ngribatin Luryain
Ngribatin Luryain
Tomwate ma narengi Yesus Ni mangsidkwar nir ansarwar ye iane Lukas. I ye nbal ma narengi Ibar Ngamone nof Lukas. Lama Yesus nfangat far surga, ngriar yadin ma rbotin, ne Lukas narengi ngriar a ne na kitap sa ma tomwatar rfalak feti Yesus Ni mangsidkwar nir ansarwar. Lukas nasaur na Ratu Smwangtany ma ntompur Yesus Ni manglartar na ler Pentakosta. Ratu Smwangtany nal kuase ma nrure sir ma rafwibar Ibar Ngamone na Yesus 1:8; 2:1-13. Ma kuase ne nose nbal ma rbaran ma rafwibar Ibar ngamone na Yerusalem, propinsi Yudea, Samaria, ti nait saryamprene ni kateman. Mpa nti a nti e tomwatar ma ralele Yesus ne rtafal ma yadin sir, boloka tomwatar rsiksa sir ma rkoman suse.
Lukas narengi kitap ye ber tomwatar sa ma ntar feti, “Amangw Teofilus.” Lukas narengi surat ye to ber lan Teofilus nempa ber tomwatar monuk ma rmpeang ma ralele Yesus. Mbyaca na Ibar Ngamone nof Lukas ni ngribatin luryain.
Lukas narengi kitap ye la naloran Ibar Ngamone nof Lukas, ma narengi baluan a ne lo. I nfalak na Ratu Smwangtany Ni kuase ma nkarya nalyole Yesus Ni mangsidkwar. Ratu Smwangtany Ni kuase ne nkarya nbal na tomwatar ma ralele Yesus, ma ntulung sir ma rafwibar Ibar Ngamone na Yesus ber tomwat Yahudyar ma ber tomwatar ma to Yahudi sir. Ma nof kuase ne nbal sir bise ma rose ngri felnir mpane ma neluk faniak feti Ibar Ngamone ma raftutu ne iane botuan. Ma boloka tomwatar ma ralele Yesus ne rkoman suse, nempa Ibar Ngamone na Yesus ntafal ma nsor na Roma ni ain farete ni kateman. Sir bise ma rose safe-safe monuk a ne iane to nir karyayar, nempa Ratu Smwangtany ma Ni kuase ma nkarya na tomwatar dalmir. Sir a ne ma dalmir lese ror Yesus ninr Ray Silai ma nmorip a nbali ne lo. Na kitap ye nbal Lukas nfalak feti na Ratu sounlury e, tomwat Yahudyar ma tomwatar ma to Yahudi sir e, feleles motak. (10:15; 10:34-35; 10:45). Na Ratu sounlury e tomwatar monuk feleles, mpa to rperlu ma rlarat agame Yahudi betno reluk Yesus Ni tomwatar (15:6-11).
Kitap ye isiny
1:1; 8:3 Yesus Ni mangsidkwar nir karyayar na kote Yerusalem
8:4; 12:25 Ibar Ngamone na Yesus nsor a na propinsi Samaria numur Yudea
13:1; 14:28 Paulus ni mpampan pertama ma nafwibar Ibar Ngamone na Yesus
15:1-35 Yesus Ni mangsidkwar rafburat sir ror mangonbain gerejar na kote Yerusalem
15:36; 18:22 Paulus ni mpampan kedua ma nafwibar Ibar Ngamone na Yesus
18:23; 21:26 Paulus ni mpampan ketiga ma nafwibar Ibar Ngamone na Yesus
21:27; 26:32 Rnau Paulus a na sel na kote Yerusalem ma Kaisarea
27:1; 28:31 Ror Paulus far kote Roma.
Currently Selected:
Kisah Para Rasul Ngribatin Luryain: YMD
Highlight
Share
Copy
Want to have your highlights saved across all your devices? Sign up or sign in
© Yayasan Pemberdayaan Masyarakat Desa © Wycliffe Bible Translators, Inc. All rights reserved.
Kisah Para Rasul Ngribatin Luryain
Ngribatin Luryain
Tomwate ma narengi Yesus Ni mangsidkwar nir ansarwar ye iane Lukas. I ye nbal ma narengi Ibar Ngamone nof Lukas. Lama Yesus nfangat far surga, ngriar yadin ma rbotin, ne Lukas narengi ngriar a ne na kitap sa ma tomwatar rfalak feti Yesus Ni mangsidkwar nir ansarwar. Lukas nasaur na Ratu Smwangtany ma ntompur Yesus Ni manglartar na ler Pentakosta. Ratu Smwangtany nal kuase ma nrure sir ma rafwibar Ibar Ngamone na Yesus 1:8; 2:1-13. Ma kuase ne nose nbal ma rbaran ma rafwibar Ibar ngamone na Yerusalem, propinsi Yudea, Samaria, ti nait saryamprene ni kateman. Mpa nti a nti e tomwatar ma ralele Yesus ne rtafal ma yadin sir, boloka tomwatar rsiksa sir ma rkoman suse.
Lukas narengi kitap ye ber tomwatar sa ma ntar feti, “Amangw Teofilus.” Lukas narengi surat ye to ber lan Teofilus nempa ber tomwatar monuk ma rmpeang ma ralele Yesus. Mbyaca na Ibar Ngamone nof Lukas ni ngribatin luryain.
Lukas narengi kitap ye la naloran Ibar Ngamone nof Lukas, ma narengi baluan a ne lo. I nfalak na Ratu Smwangtany Ni kuase ma nkarya nalyole Yesus Ni mangsidkwar. Ratu Smwangtany Ni kuase ne nkarya nbal na tomwatar ma ralele Yesus, ma ntulung sir ma rafwibar Ibar Ngamone na Yesus ber tomwat Yahudyar ma ber tomwatar ma to Yahudi sir. Ma nof kuase ne nbal sir bise ma rose ngri felnir mpane ma neluk faniak feti Ibar Ngamone ma raftutu ne iane botuan. Ma boloka tomwatar ma ralele Yesus ne rkoman suse, nempa Ibar Ngamone na Yesus ntafal ma nsor na Roma ni ain farete ni kateman. Sir bise ma rose safe-safe monuk a ne iane to nir karyayar, nempa Ratu Smwangtany ma Ni kuase ma nkarya na tomwatar dalmir. Sir a ne ma dalmir lese ror Yesus ninr Ray Silai ma nmorip a nbali ne lo. Na kitap ye nbal Lukas nfalak feti na Ratu sounlury e, tomwat Yahudyar ma tomwatar ma to Yahudi sir e, feleles motak. (10:15; 10:34-35; 10:45). Na Ratu sounlury e tomwatar monuk feleles, mpa to rperlu ma rlarat agame Yahudi betno reluk Yesus Ni tomwatar (15:6-11).
Kitap ye isiny
1:1; 8:3 Yesus Ni mangsidkwar nir karyayar na kote Yerusalem
8:4; 12:25 Ibar Ngamone na Yesus nsor a na propinsi Samaria numur Yudea
13:1; 14:28 Paulus ni mpampan pertama ma nafwibar Ibar Ngamone na Yesus
15:1-35 Yesus Ni mangsidkwar rafburat sir ror mangonbain gerejar na kote Yerusalem
15:36; 18:22 Paulus ni mpampan kedua ma nafwibar Ibar Ngamone na Yesus
18:23; 21:26 Paulus ni mpampan ketiga ma nafwibar Ibar Ngamone na Yesus
21:27; 26:32 Rnau Paulus a na sel na kote Yerusalem ma Kaisarea
27:1; 28:31 Ror Paulus far kote Roma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Yayasan Pemberdayaan Masyarakat Desa © Wycliffe Bible Translators, Inc. All rights reserved.