လုကာ 11
11
ယေရှုဟ ဆုတောင်းခြင်းအကျောန်း သင်ကြားခြင်း
(မဿဲ ၆.၉–၁၃; ၇.၇–၁၁)
1တနေ့မှာ ယေရှုဟ နေရာတခုတွင် ဆုတောင်း နေအယ်။ သူ ဆုတောင်းပင်းသောအခါ တဘဲ့တော် တယောက်ဟ “သခင်၊ ယောဟန်ဟ တဘဲ့တော်များဟို သင်ကြားပေးသလိုမျိုး ငါလို့ဟို ဆုတောင်းရန် သင်ကြားပေးပါ” လို့ ယေရှုဟို ပြောအယ်။
2ယေရှုဟ သူလို့ဟို “နင်လို့ ဆုတောင်းသောအခါ ဟေလို့ပြောမန့်၊
“ ‘ခေါန်းခင်ဘုံနှိုက် ဆိသော ငါလို့ အဖ၊
ကိုယ်တော်ရဲ့ သန့်ဆှင်းသော နာမတော်ဟို ရိုသေလေးမြတ်ခြင်း ဆိပါစေသော၊
နိုင်ငံတော် တည်ထောင်ပါစေသော။
3ငါလို့ နေ့စဉ် လိုအပ်လဲ့ အစားအစာဟို နေ့တိုင်းပေးပါ၊#၁၁.၃ ငါလို့ နေ့စဉ် လိုအပ်လဲ့ အစားအစာ၊ အဲဟာမဟုတ်ရင် နောက်နေ့အတွက် အစားအစာ။
4ငါလို့အား ပစ်မားသောသူဆိသမျှလို့ရဲ့ အပစ်များဟို ငါလို့ လွှတ်သလိုမျိုး
ငါလို့ အပစ်များဟို ခွင့်လွှတ်ပါ
ငါလို့ဟို ခက်ခဲသော စုံစမ်းခြင်းဟို မခံရပါစေနဲ့’ ဟု မြွက်ဆိုကြလော့” ဟု မိန့်အယ်။
5ယေရှုဟ သူ့ရဲ့ တဘဲ့တော်များဟို ပြောပင်းနောက် “ညနက်အချိန်နှိုက် တယောက်ဟ မိတ်ဆွေရဲ့ နေအိုင်ဟို သွားတာဆိုပါစို့၊ ‘မိတ်ဆွေ၊ ငါ့ဟို မုန့်သုံးလုံးဟို ငမ်းပါ ဟု ပြောပါ။ 6ခရီးသွားနေလဲ့ ငါ့ရဲ့ မိတ်ဆွေတယောက်ဟ ငါ့နေအိုင်ဟို ရောက်လာအယ်၊ သူ့ဟို ကျွေးဖို့ ငါ့မှာ ပစာအစားအစာမှ မဆိဝူး။’ 7အဲပင်းရင် ‘ငါ့ဟို အနှောက်အယှက်မပေးနဲ့၊ ထင်ခါးဟို ပိတ်ထားပင်းပီ၊ ငါ့လူပဲ့သငယ်များနဲ့ ငါဟ အိပ်ယာထဲဟို ရောက်နေကြပီ။ ငါထပင်း နင့်ဟို ပစာမှ မပေးနိန်ဝူး’ လို့ နင့်မိတ်ဆွေဟ အထဲကနေပင်း ပြန်ပြောတယ်ဆိုပါစို့၊ 8အေးလို့ဖြစ်ရင် ပစာလိုလုန်း၊ ငါပြောတာဟ သူဟ မိတ်ဆွေတယောက်ဖြစ်သောကျောန့် ထပင်း မုန့်ဟို ပေးလိမ့်မယ် မဟုတ်၊ အဲလိုလဲ အေးသူဟ ဆှက်ကြောက်မှု မဆိဘဲ ဆက်ပင်း မေးနေသောကျောန့် သူဟ ထပင်း လိုချင်တာဟို ပေးလိမ့်မယ်။ 9အဲကျောန့် နင်လို့အား ငါပြောတာဟ တောင်းပါ တောင်းရင် ရလိမ့်မယ်၊ ဆာပါ ဆာရင် တွေ့လိမ့်မယ်၊ ထင်ခါးဟို ခေါက်ပါ၊ ခေါက်ရင် ထင်ခါး ဖွင့်လိမ့်မယ်။ 10တောင်းသောသူဟ ရလိမ့်မယ်၊ ဆာသောသူဟ တွေ့လိမ့်မယ်၊ ထင်ခါးဟို ခေါက်သောသူလို့ဟ ထင်ခါးဟို ဖွင့်လိမ့်မယ်။ 11နင်လို့တွင် အဖဖြစ်လဲ့သူဟ သူ့ရဲ့ သားဟ ငါးဟို တောင်းရင် မြွေဟို ပေးမယ်လော။ 12ကြက်ဥဟို တောင်းရင် ကင်းမြီးကောက်ဟို ပေးမယ်လော။ 13နင်လို့ဟ ဆိုးသောသူများဖြစ်သော်လည်း နင်လို့ရဲ့ လူပဲ့သငယ်လို့အား အကောင်းဟို ပေးတတ်ရင်၊ ခေါန်းခင်ပေါ်မှာ ဆိလဲ့ နင်လို့ရဲ့ အဖဟ တောင်းလဲ့အရာများဟို နင်လို့အား သန့်ဆှင်းသော ဝိညာဉ်တော်ဟို ပိုပင်း ပေးမယ် မဟုတ်လော” ဟု မိန့်အယ်။
ယေရှုနဲ့ ဗေလဇေဗုလ
(မဿဲ ၁၂.၂၂–၃၀; မာကု ၃.၂၀–၂၇)
14ယေရှုဟ စကားမပြောနိန်လဲ့ နတ်ဆိုးဟို မောင်းထုတ်ပင်း နတ်ဆိုး ထွက်သွားသောအခါ အေးလူဟ စကားဟို စပင်း ပြောလေအယ်။ လူအုပ်ကြီးဟ အံ့ဩကြအယ်။ 15#မ ၉.၃၄; ၁၀.၂၅အဲလိုလဲ တချို့လူများဟ “နတ်ဆိုးလို့ရဲ့ ခေါင်းဆောင် ဗေလဇေဗုလဟ ပေးထားလဲ့ တန်ခိုးအားဖြင့် ကိုယ်တော်ဟ နတ်ဆိုးလို့ဟို မောင်းထုတ်အယ်” ဟု ဆိုကြအယ်။
16 #
မ ၁၂.၃၈; ၁၆.၁; မာ ၈.၁၁ တချို့ဟ ယေရှုဟို ထောင်ချောက်ဆင်ပင်း၊ မိုးခေါန်းခင်ဟ ဖြစ်သော နိမိတ်လက္ခဏာတခုဟို ပြသရန် သူ့ဟို တောင်းဆိုခဲ့အယ်။ 17ယေရှုဟ သူလို့ စလို တွေးနေကျောန်းဟို သိပေမဲ့လည်း သူလို့ဟို “တိုင်းနိုင်ငံတခုတွင် လူလို့ စိတ်ဝမ်းကွဲပြားပင်း အချင်းချင်း တိုက်ခိုက်နေရင် အဲနိုင်ငံဟ ပျက်စီးခြင်းဟို ရောက်လိမ့်မယ်၊ မိသားစုတခုတွင် စိတ်ဝမ်းကွဲပြားပင်း အချင်းချင်း တိုက်ခိုက်နေရင် အေးမိသားစုဟ ပြိုကွဲလိမ့်မယ်။ 18အေးကျောန့် စာတန်ရဲ့ နိုင်ငံတွင် အချင်းချင်း တိုက်ခိုက်မှုဆိရင် စလို ရပ်တည်နိန်မလဲ။ ငါ့ဟို ဗေလဇေဗုလဟ ပေးတဲ့ တန်ခိုးများနဲ့ နတ်ဆိုးများဟို မောင်းထုတ်အယ်ဟု နင်လို့ ငါ့ဟို ပြောကြအယ်။ 19ငါဟ ဗေလဇေဗုလဟို အမှီပြုယွေ့ နတ်ဆိုးလို့ဟို မောင်းထုတ်တာ မန်ရင်၊ နင်လို့ရဲ့ နောက်လိုက်များဟ စသူဟို အမှီပြုပင်း မောင်းထုတ်ကြလုန်း။ အေးနင်လို့ရဲ့ နောက်လိုက်များကပင် နင်လို့မားကျောန်း သက်သေပြအယ်။ 20ငါဟ ဘုရားသခင်ရဲ့ တန်ခိုးတော်အားဖြင့် နတ်ဆိုးလို့ဟို မောင်းထုတ်တာဖြစ်သောကျောန့် ဘုရားသခင်ရဲ့ နိုင်ငံတော်ဟ တည်လုနီးပီ ဖြစ်ကျောန်းဟို သက်သေပြနေအယ်။
21“အားကောင်းလဲ့လူဟ လက်နက်အစုံနဲ့ သူရဲ့ နေအိုင်ဟို စောင့်ကျေ့ဖို့ အဆင်သင့်ဖြစ်နေသောအခါ သူပိုင်လဲ့အရာအားလုံးဟ လုံခြုံမှုဆိအယ်။ 22အဲလိုလဲ ပိုယွေ့အားကောင်းလဲ့လူဟ သူလို့ဟို တိုက်ခိုက်ပင်း နိန်သောအခါ၊ သူအားကိုး အားထားရလဲ့ လက်နက်များဟို သိမ်းယူပင်း တိုက်ခိုက်ရဆိလဲ့ ဥစ္စာပစ္စည်းများဟို ခွဲဝေကြအယ်။
23“ငါ့ဖက်မှာ မနေသောသူဟ ငါ့ရန်ဖက် ဖြစ်အယ်၊ ငါနဲ့အတူ မစုဆောင်းလဲ့သူဟ တကွဲတပြားဖြစ်စေသောသူ ဖြစ်အယ်။#မာ ၉.၄၀
ညစ်ညူးသောနတ် ပြန်လာခြင်း
(မဿဲ ၁၂.၄၃–၄၅)
24“ ညစ်ညူးသောနတ်ဟ လူထဲဟ ထွက်ဝါးလဲ့ခါ ခြောက်သွေ့သောနေရာဟို ဝေ့လယ်ယွေ့ နားဖို့နေရာဟို ဆှာတတ်အယ်။ ဆှာယွေ့ မတွေ့လျှင် ‘အရင်နေရာ နေအိုင်ဟောင်းဟို ပြန်တော့မယ်’ ဟု ဆိုအယ်။ 25ပြန်လာသောအခါ အဲနေရာမှာ လှဲကျင်းယွေ့ သန့်ဆှင်းသပ်ရပ်နေတာဟို မျော်အယ်။ 26သူ့ထက် သာယွေ့ ညစ်ညူးသောနတ်ဆိုး ခုနေဦးဟို ခေါ်ခဲ့ပင်းရင် အေးနေရာနှိုက် ဝင်နေအယ်။ အဲလိုမို့ နတ်ပူးသူရဲ့ နောက်ဖြစ်လာပုံဟ ဆေ့ဦးဖြစ်ပုံထက် ဆိုးအယ်” ဟု မိန့်အယ်။
စစ်မန်လဲ့ ပျော်ရွှင်မှု
27ယေရှုဟ ဟေလို့ပြောပင်းသောအခါ လူအုပ်ထဲဟ အမျိုးသမီးတယောက်ဟ “ကိုယ်တော်ဟို မွေးယွေ့ နန်းအုပေးစို့ရသော အမျိုးသမီးဟ မင်္ဂလာဆိပါအယ်” ဟု ပြောအယ်။
28အဲလိုလဲ ယေရှုဟ “ဘုရားသခင်ရဲ့ နှုတ်ကပတ်တရားတော်ဟို ကြားယွေ့ လိုက်နာသောသူလို့ဟ သာယွေ့ မင်္ဂလာဆိကြအယ်” ဟု ပြန်ပြောအယ်။
ယောနရဲ့ နိမိတ်လက္ခဏာ
(မဿဲ ၁၂.၃၈–၄၂)
29 #
မ ၁၆.၄; မာ ၈.၁၂ လူအုပ်ကြီးဟ စုဆုံလျက်နေတုန်းတွင် ကိုယ်တော်ဟ “ခနေ့ခေတ်လူလို့ဟာ ရမ်းဆာ့ ဆိုးညစ်အယ်။ သူလို့ဟ နိမိတ်လက္ခဏာဟို တောင်းဆိုကြရာတွင် ပရောဖက် ယောနရဲ့ လက္ခဏာတခုမှ လွဲယွေ့ ပစာနိမိတ်လက္ခဏာဟိုမျှ ပြနိန်ဝူးဟု ပြောအယ်။ 30ဟေနည်းတိုင်းတိုင်းပင် ယောနဟ နိနေဝေမြို့သားလို့အား နိမိတ်လက္ခဏာဖြစ်သလိုမျိုး ဟေခေတ်လူများလို့အတွက် လူသားဟ နိမိတ်လက္ခဏာ ဖြစ်လိမ့်မယ်။ 31တရားစီရင်သောနေ့နှိုက် ရှေဘပြေဟို အုပ်စိုးသောဘုရင်မဟ ဟေလူမျိုးတဖက်တွင် ထယွေ့ အရှုံးခံစေရလိမ့်မယ်။ ပစာကို့ မိဖုရားဟ ရှောလမုန်မင်းရဲ့ ပညာစကားဟို နားထောင်ရဖို့ မြေကြီးစွန်းမှ လာအယ်။ ဟေနေရာတွင် ရှောလမုန်ထက် သာယွေ့ ကြီးမြတ်သောသူ ဆိအယ်။ 32တရားစီရင်သောနေ့နှိုက် နိနေဝေမြို့သားလို့ဟ ဟေလူမျိုးတဖက်တွင် နေယွေ့ အရှုံးခံစေလိမ့်မယ်။ ပစာကို့ သူလို့ဟ ယောန ဟောပြောသော စကားကျောန့် နောင်တရကြအယ်။ ဟေနေရာတွင် ယောနထက် သာယွေ့ ကြီးမြတ်သောသူ ဆိအယ်။
ကိုယ်ခန္ဓာရဲ့ ဆီမီး
(မဿဲ ၅.၁၅; ၆.၂၂,၂၃)
33 #
မ ၅.၁၅; မာ ၄.၂၁; လု ၈.၁၆ “စသူမျှ မီးဖူးထွန်းပင်း ဖုံးထားလေ့ မဆိ၊ တောင်းဇလားအောက်နှိုက်လည်း မထားတတ်။#၁၁.၃၃ တချို့ လက်ရေးမူကျမ်းများတွင် တောင်းဇလားအောက်နှိုက်လည်း မထားတတ်၊ မပါဆိပါ။ ဝင်လာသောသူဟ အလင်းရောင်ရဖို့ မီးတင်ခုံပေါ်မှာ တင်ထားလေ့ ဆိအယ်။ 34မျက်စေ့ဟ ကိုယ်ခန္ဓာဖို့ မီးဖူးသဖွယ် ဖြစ်အယ်။ မျက်စေ့ကောင်းရင် နင့်ရဲ့ ခန္ဓာကိုယ်တခုလုံး လင်းလိမ့်မယ်။ မျက်စေ့ မကောင်းရင်တော့ နင့်တကိုယ်လုံးဟ မိုက်နေလိမ့်မယ်။ 35အဲလိုမို့ နင်လို့ဆေတွင် ဆိသော အလင်းဟ အမိုက် မဖြစ်စေရန် သတိထားကြလော့။ 36အကယ်ယွေ့ နင့်တကိုယ်လုံး လင်းနေရင် မီးဖူးရဲ့ အလင်းရောင်နဲ့ လင်းနေစေသလို နင်လို့ ခန္ဓာကိုယ် တခုလုံးဟလည်း အလင်းနဲ့ ပြေ့နေလိမ့်မယ်” ဟု သွန်သင်အယ်။
ယေရှုဟ ဖာရိရှဲနဲ့ ကျမ်းတတ်ဆရာလို့ဟို အပစ်တင်ခြင်း
(မဿဲ ၂၃.၁–၃၆; မာကု ၁၂.၃၈–၄၀)
37အေးလို့ ယေရှု ပြောပင်းသောအခါ ဖာရိရှဲတယောက်ဟ ကိုယ်တော်အား အစာဟို သုံးဆောင်ဖို့ ပင့်ဖိတ်လေအယ်။ ကိုယ်တော်ဟ အေးသူရဲ့ အိုင်သို့ သွားယွေ့ စားပွဲနှိုက် ထိန်အယ်။ 38ယေရှုဟ အစာမစားခင် ဆေးကြောခြင်း မလုပ်တာဟို ဖာရိရှဲဟ မျော်ရင် အံ့ဩလေအယ်။ 39အဲလိုမို့ သခင်ဟ “ဖာရိရှဲဖြစ်လဲ့ နင်လို့ဟာ ပန်းကန်၊ ခွက်ယောက်များရဲ့ ပြင်ပဟို သန့်ဆှင်းတတ်ကြအယ်။ အဲလိုလဲ နင်လို့စိတ်ထဲတွင် အကြမ်းဖက်မှု၊ ဆိုးညစ်မှုများနဲ့ ပြေ့နေကြအယ်။ 40လူမိုက်တေ၊ အပြင်ဟို ဖန်ဆင်းသောအဆှင်ဟ အတွင်းဟိုလည်း ဖန်ဆင်းတာ မဟုတ်လော။ 41အဲလိုလဲ နင်လို့ရဲ့ ပန်းကန်၊ ခွက်ယောက်များတွင် ဆိလဲ့အရာဟို ဆင်းရဲသူများဟို ပေးကမ်းစွန့်ကြဲလိုက်ကြ။ အေးလို့ပြုလျှင် ပစာညမ်းညမ်း နင်လို့ဖို့ ဖြူစင်စေလိမ့်မယ်။
42“ဖာရိရှဲလို့ နင်လို့ဟ အမင်္ဂလာဆိကြအယ်။ နင်လို့ဟ ပင်စိမ်းရွက်၊ လျူရွက်နဲ့ အခြားဆေးဘက်ဝင် အပင်မျိုးစုံဟို ဆယ်ဖို့တဖို့ ပေးလှူကြပေမဲ့ တရားမျှတမှုနဲ့ ဘုရားသခင်ရဲ့ ချစ်ခြင်းဟို လျစ်လျူရှုကြအယ်။ အရင်ဆိုခဲ့လဲ့ အရာများဟို မချန်ထားဘဲ နောက်ဆိုသောအရာလို့ဟို ကျင့်သုံးသင့်အယ်။”
43“ဖာရိရှဲလို့၊ နင်လို့ဟာ ရမ်းဆာ့ ဆိုးကြအယ်။ နင်လို့ဟ တရားဇရပ်များတွင် မြင့်မြတ်သောနေရာများဟို လည်းကောင်း၊ ဆေးတွင် ရိုသေစွာ နှုတ်ဆက်ခြင်းဟို လည်းကောင်း နှစ်သက်ကြအယ်။ 44နင်လို့ဟ ရမ်းဆာ့ ဆိုးကြအယ်။ နင်လို့ဟ အမှတ်သား မဆိလဲ့ လုတ်တိုင်းနဲ့ တူကြဟယ်။ လူလို့ဟ အေးတွင်းများအပေါ် သွားကြသောအခါ လုတ်တိုင်းတွင်း ဖြစ်မှန်းဟို မသိကြ” ဟု ပြောလေအယ်။
45ကျမ်းတတ်ဆရာတယောက်ဟ “ဆရာ၊ အေးလို့ပြောရင် ငါလို့ဟိုလည်း စော်ကားရာ ရောက်ပါအယ်” ဟု ဆိုအယ်။
46ယေရှုဟ “ကျမ်းတတ်ဆရာလို့၊ နင်လို့ဟ ရမ်းဆာ့ဆိုးကြအယ်။ ထမ်းရခက်လဲ့ ဝန်ထုပ်များဟို နင်လို့ဟ လူများဟို ပေးထမ်းကြပင်း ကိုယ့်တတ်တိုင်းကျတော့ အေးဝန်ထုပ်များဟို လက်ဖျားနဲ့တောင် မထိကြ။ 47နင်လို့အတွက် စလောက်ကြောက်ဖို့ ကောင်းကျောန်း၊ အကျောန်းမှာ နင်ဖိုးဖေးများ သတ်ဟားလဲ့ ပရောဖက်များအတွက် လုတ်တိုင်းဂူများဟို ဆောက်ပေးနေကြစာရီးမို့ ဖြစ်အယ်။ 48နင်လို့ရဲ့ ဖိုးဖေးများ ကျူးလွန်ခဲ့လဲ့ အမှုများတွင် နင်လို့ဟ သက်သေဖြစ်ကြအယ်။ ဖိုးဖေးများဟ ပရောဖက်များဟို သတ်ယွေ့ နင်လို့ဟ လုတ်တိုင်းများဟို ဆောက်ပေးနေကြအယ်။ 49အေးလို့ဖြစ်ခြင်းကျောန့် ဘုရားသခင်ဟ ဉာဏ်တော်ဖြင့် ‘ဟေလူများထဲသို့ ပရောဖက်များ စေတမန်များဟို ငါစေလွှတ်မယ်၊ သူလို့ဟ သူလို့ထဲမှ တချို့ဟို ညှဉ်းဆဲယွေ့ အချို့ဟို သတ်ကြလိမ့်မယ်’ ဟု ပြောလေအယ်။ 50အေးကျောန့် ကမ္ဘာဦးမှစယွေ့ သွန်းပင်းသော ပရောဖက်အပေါင်းလို့ရဲ့ အသွေးကျောန့် အခုဖြစ်သော လူလို့ဟ စစ်ကြောခြင်းဟို ခံရကြမယ်။ 51အာဗေလရဲ့ အသွေးမှစယွေ့ ယဇ်ပလ္လင်အကြားနဲ့ ဗိမာန်တော် အတွင်းပိုင်းမှာ အသတ်ခံရလဲ့ ပရောဖက် ဇာခရိအထိ၊ ကမ္ဘာတည်ချိန်မှစယွေ့ အသတ်ခံခဲ့ရသော ပရောဖက်များရဲ့ အသွေးကျောန့် ဟေခေတ်လူများဟ အပစ်စီရင်ခြင်းဟို ခံရကြမယ်။
52“ကျမ်းတတ်ဆရာလို့ နင်လို့ဟ ရမ်းဆာ့ ဆိုးကြအယ်။ နင်လို့ဟ အသိပညာ ထင်ခါးသော့ဟို သိမ်းထားပင်းရင် နင်လို့တတ်တိုင်းလည်း မဝင်၊ ဝင်ချင်သောသူများဟိုလည်း တားဆီးကြအယ်” ဟု ပြောလေအယ်။
53အဲနေရာမှ ယေရှု ထွက်လာသောအခါ ကျမ်းတတ်ဆရာများနဲ့ ဖာရိရှဲများဟ ကိုယ်တော်အား ရမ်းဆာ့ ဝေဖန်မှုများဟို စတင် ပြုလုပ်ယွေ့ ကြပ်ကြပ် စစ်မေးလာကြအယ်။ 54နှုတ်တော်ထွက်စကား တစုံတခုတွင် ကိုယ်တော်ဟို အမားဆှာနိန်ရန် ချောင်းမြောင်းကြအယ်။
Currently Selected:
လုကာ 11: NTDNB24
Highlight
Share
Copy
Want to have your highlights saved across all your devices? Sign up or sign in
The New Testament in Danu Language © The Word for the World International and the Danu Bible Translation Committee, 2024.
လုကာ 11
11
ယေရှုဟ ဆုတောင်းခြင်းအကျောန်း သင်ကြားခြင်း
(မဿဲ ၆.၉–၁၃; ၇.၇–၁၁)
1တနေ့မှာ ယေရှုဟ နေရာတခုတွင် ဆုတောင်း နေအယ်။ သူ ဆုတောင်းပင်းသောအခါ တဘဲ့တော် တယောက်ဟ “သခင်၊ ယောဟန်ဟ တဘဲ့တော်များဟို သင်ကြားပေးသလိုမျိုး ငါလို့ဟို ဆုတောင်းရန် သင်ကြားပေးပါ” လို့ ယေရှုဟို ပြောအယ်။
2ယေရှုဟ သူလို့ဟို “နင်လို့ ဆုတောင်းသောအခါ ဟေလို့ပြောမန့်၊
“ ‘ခေါန်းခင်ဘုံနှိုက် ဆိသော ငါလို့ အဖ၊
ကိုယ်တော်ရဲ့ သန့်ဆှင်းသော နာမတော်ဟို ရိုသေလေးမြတ်ခြင်း ဆိပါစေသော၊
နိုင်ငံတော် တည်ထောင်ပါစေသော။
3ငါလို့ နေ့စဉ် လိုအပ်လဲ့ အစားအစာဟို နေ့တိုင်းပေးပါ၊#၁၁.၃ ငါလို့ နေ့စဉ် လိုအပ်လဲ့ အစားအစာ၊ အဲဟာမဟုတ်ရင် နောက်နေ့အတွက် အစားအစာ။
4ငါလို့အား ပစ်မားသောသူဆိသမျှလို့ရဲ့ အပစ်များဟို ငါလို့ လွှတ်သလိုမျိုး
ငါလို့ အပစ်များဟို ခွင့်လွှတ်ပါ
ငါလို့ဟို ခက်ခဲသော စုံစမ်းခြင်းဟို မခံရပါစေနဲ့’ ဟု မြွက်ဆိုကြလော့” ဟု မိန့်အယ်။
5ယေရှုဟ သူ့ရဲ့ တဘဲ့တော်များဟို ပြောပင်းနောက် “ညနက်အချိန်နှိုက် တယောက်ဟ မိတ်ဆွေရဲ့ နေအိုင်ဟို သွားတာဆိုပါစို့၊ ‘မိတ်ဆွေ၊ ငါ့ဟို မုန့်သုံးလုံးဟို ငမ်းပါ ဟု ပြောပါ။ 6ခရီးသွားနေလဲ့ ငါ့ရဲ့ မိတ်ဆွေတယောက်ဟ ငါ့နေအိုင်ဟို ရောက်လာအယ်၊ သူ့ဟို ကျွေးဖို့ ငါ့မှာ ပစာအစားအစာမှ မဆိဝူး။’ 7အဲပင်းရင် ‘ငါ့ဟို အနှောက်အယှက်မပေးနဲ့၊ ထင်ခါးဟို ပိတ်ထားပင်းပီ၊ ငါ့လူပဲ့သငယ်များနဲ့ ငါဟ အိပ်ယာထဲဟို ရောက်နေကြပီ။ ငါထပင်း နင့်ဟို ပစာမှ မပေးနိန်ဝူး’ လို့ နင့်မိတ်ဆွေဟ အထဲကနေပင်း ပြန်ပြောတယ်ဆိုပါစို့၊ 8အေးလို့ဖြစ်ရင် ပစာလိုလုန်း၊ ငါပြောတာဟ သူဟ မိတ်ဆွေတယောက်ဖြစ်သောကျောန့် ထပင်း မုန့်ဟို ပေးလိမ့်မယ် မဟုတ်၊ အဲလိုလဲ အေးသူဟ ဆှက်ကြောက်မှု မဆိဘဲ ဆက်ပင်း မေးနေသောကျောန့် သူဟ ထပင်း လိုချင်တာဟို ပေးလိမ့်မယ်။ 9အဲကျောန့် နင်လို့အား ငါပြောတာဟ တောင်းပါ တောင်းရင် ရလိမ့်မယ်၊ ဆာပါ ဆာရင် တွေ့လိမ့်မယ်၊ ထင်ခါးဟို ခေါက်ပါ၊ ခေါက်ရင် ထင်ခါး ဖွင့်လိမ့်မယ်။ 10တောင်းသောသူဟ ရလိမ့်မယ်၊ ဆာသောသူဟ တွေ့လိမ့်မယ်၊ ထင်ခါးဟို ခေါက်သောသူလို့ဟ ထင်ခါးဟို ဖွင့်လိမ့်မယ်။ 11နင်လို့တွင် အဖဖြစ်လဲ့သူဟ သူ့ရဲ့ သားဟ ငါးဟို တောင်းရင် မြွေဟို ပေးမယ်လော။ 12ကြက်ဥဟို တောင်းရင် ကင်းမြီးကောက်ဟို ပေးမယ်လော။ 13နင်လို့ဟ ဆိုးသောသူများဖြစ်သော်လည်း နင်လို့ရဲ့ လူပဲ့သငယ်လို့အား အကောင်းဟို ပေးတတ်ရင်၊ ခေါန်းခင်ပေါ်မှာ ဆိလဲ့ နင်လို့ရဲ့ အဖဟ တောင်းလဲ့အရာများဟို နင်လို့အား သန့်ဆှင်းသော ဝိညာဉ်တော်ဟို ပိုပင်း ပေးမယ် မဟုတ်လော” ဟု မိန့်အယ်။
ယေရှုနဲ့ ဗေလဇေဗုလ
(မဿဲ ၁၂.၂၂–၃၀; မာကု ၃.၂၀–၂၇)
14ယေရှုဟ စကားမပြောနိန်လဲ့ နတ်ဆိုးဟို မောင်းထုတ်ပင်း နတ်ဆိုး ထွက်သွားသောအခါ အေးလူဟ စကားဟို စပင်း ပြောလေအယ်။ လူအုပ်ကြီးဟ အံ့ဩကြအယ်။ 15#မ ၉.၃၄; ၁၀.၂၅အဲလိုလဲ တချို့လူများဟ “နတ်ဆိုးလို့ရဲ့ ခေါင်းဆောင် ဗေလဇေဗုလဟ ပေးထားလဲ့ တန်ခိုးအားဖြင့် ကိုယ်တော်ဟ နတ်ဆိုးလို့ဟို မောင်းထုတ်အယ်” ဟု ဆိုကြအယ်။
16 #
မ ၁၂.၃၈; ၁၆.၁; မာ ၈.၁၁ တချို့ဟ ယေရှုဟို ထောင်ချောက်ဆင်ပင်း၊ မိုးခေါန်းခင်ဟ ဖြစ်သော နိမိတ်လက္ခဏာတခုဟို ပြသရန် သူ့ဟို တောင်းဆိုခဲ့အယ်။ 17ယေရှုဟ သူလို့ စလို တွေးနေကျောန်းဟို သိပေမဲ့လည်း သူလို့ဟို “တိုင်းနိုင်ငံတခုတွင် လူလို့ စိတ်ဝမ်းကွဲပြားပင်း အချင်းချင်း တိုက်ခိုက်နေရင် အဲနိုင်ငံဟ ပျက်စီးခြင်းဟို ရောက်လိမ့်မယ်၊ မိသားစုတခုတွင် စိတ်ဝမ်းကွဲပြားပင်း အချင်းချင်း တိုက်ခိုက်နေရင် အေးမိသားစုဟ ပြိုကွဲလိမ့်မယ်။ 18အေးကျောန့် စာတန်ရဲ့ နိုင်ငံတွင် အချင်းချင်း တိုက်ခိုက်မှုဆိရင် စလို ရပ်တည်နိန်မလဲ။ ငါ့ဟို ဗေလဇေဗုလဟ ပေးတဲ့ တန်ခိုးများနဲ့ နတ်ဆိုးများဟို မောင်းထုတ်အယ်ဟု နင်လို့ ငါ့ဟို ပြောကြအယ်။ 19ငါဟ ဗေလဇေဗုလဟို အမှီပြုယွေ့ နတ်ဆိုးလို့ဟို မောင်းထုတ်တာ မန်ရင်၊ နင်လို့ရဲ့ နောက်လိုက်များဟ စသူဟို အမှီပြုပင်း မောင်းထုတ်ကြလုန်း။ အေးနင်လို့ရဲ့ နောက်လိုက်များကပင် နင်လို့မားကျောန်း သက်သေပြအယ်။ 20ငါဟ ဘုရားသခင်ရဲ့ တန်ခိုးတော်အားဖြင့် နတ်ဆိုးလို့ဟို မောင်းထုတ်တာဖြစ်သောကျောန့် ဘုရားသခင်ရဲ့ နိုင်ငံတော်ဟ တည်လုနီးပီ ဖြစ်ကျောန်းဟို သက်သေပြနေအယ်။
21“အားကောင်းလဲ့လူဟ လက်နက်အစုံနဲ့ သူရဲ့ နေအိုင်ဟို စောင့်ကျေ့ဖို့ အဆင်သင့်ဖြစ်နေသောအခါ သူပိုင်လဲ့အရာအားလုံးဟ လုံခြုံမှုဆိအယ်။ 22အဲလိုလဲ ပိုယွေ့အားကောင်းလဲ့လူဟ သူလို့ဟို တိုက်ခိုက်ပင်း နိန်သောအခါ၊ သူအားကိုး အားထားရလဲ့ လက်နက်များဟို သိမ်းယူပင်း တိုက်ခိုက်ရဆိလဲ့ ဥစ္စာပစ္စည်းများဟို ခွဲဝေကြအယ်။
23“ငါ့ဖက်မှာ မနေသောသူဟ ငါ့ရန်ဖက် ဖြစ်အယ်၊ ငါနဲ့အတူ မစုဆောင်းလဲ့သူဟ တကွဲတပြားဖြစ်စေသောသူ ဖြစ်အယ်။#မာ ၉.၄၀
ညစ်ညူးသောနတ် ပြန်လာခြင်း
(မဿဲ ၁၂.၄၃–၄၅)
24“ ညစ်ညူးသောနတ်ဟ လူထဲဟ ထွက်ဝါးလဲ့ခါ ခြောက်သွေ့သောနေရာဟို ဝေ့လယ်ယွေ့ နားဖို့နေရာဟို ဆှာတတ်အယ်။ ဆှာယွေ့ မတွေ့လျှင် ‘အရင်နေရာ နေအိုင်ဟောင်းဟို ပြန်တော့မယ်’ ဟု ဆိုအယ်။ 25ပြန်လာသောအခါ အဲနေရာမှာ လှဲကျင်းယွေ့ သန့်ဆှင်းသပ်ရပ်နေတာဟို မျော်အယ်။ 26သူ့ထက် သာယွေ့ ညစ်ညူးသောနတ်ဆိုး ခုနေဦးဟို ခေါ်ခဲ့ပင်းရင် အေးနေရာနှိုက် ဝင်နေအယ်။ အဲလိုမို့ နတ်ပူးသူရဲ့ နောက်ဖြစ်လာပုံဟ ဆေ့ဦးဖြစ်ပုံထက် ဆိုးအယ်” ဟု မိန့်အယ်။
စစ်မန်လဲ့ ပျော်ရွှင်မှု
27ယေရှုဟ ဟေလို့ပြောပင်းသောအခါ လူအုပ်ထဲဟ အမျိုးသမီးတယောက်ဟ “ကိုယ်တော်ဟို မွေးယွေ့ နန်းအုပေးစို့ရသော အမျိုးသမီးဟ မင်္ဂလာဆိပါအယ်” ဟု ပြောအယ်။
28အဲလိုလဲ ယေရှုဟ “ဘုရားသခင်ရဲ့ နှုတ်ကပတ်တရားတော်ဟို ကြားယွေ့ လိုက်နာသောသူလို့ဟ သာယွေ့ မင်္ဂလာဆိကြအယ်” ဟု ပြန်ပြောအယ်။
ယောနရဲ့ နိမိတ်လက္ခဏာ
(မဿဲ ၁၂.၃၈–၄၂)
29 #
မ ၁၆.၄; မာ ၈.၁၂ လူအုပ်ကြီးဟ စုဆုံလျက်နေတုန်းတွင် ကိုယ်တော်ဟ “ခနေ့ခေတ်လူလို့ဟာ ရမ်းဆာ့ ဆိုးညစ်အယ်။ သူလို့ဟ နိမိတ်လက္ခဏာဟို တောင်းဆိုကြရာတွင် ပရောဖက် ယောနရဲ့ လက္ခဏာတခုမှ လွဲယွေ့ ပစာနိမိတ်လက္ခဏာဟိုမျှ ပြနိန်ဝူးဟု ပြောအယ်။ 30ဟေနည်းတိုင်းတိုင်းပင် ယောနဟ နိနေဝေမြို့သားလို့အား နိမိတ်လက္ခဏာဖြစ်သလိုမျိုး ဟေခေတ်လူများလို့အတွက် လူသားဟ နိမိတ်လက္ခဏာ ဖြစ်လိမ့်မယ်။ 31တရားစီရင်သောနေ့နှိုက် ရှေဘပြေဟို အုပ်စိုးသောဘုရင်မဟ ဟေလူမျိုးတဖက်တွင် ထယွေ့ အရှုံးခံစေရလိမ့်မယ်။ ပစာကို့ မိဖုရားဟ ရှောလမုန်မင်းရဲ့ ပညာစကားဟို နားထောင်ရဖို့ မြေကြီးစွန်းမှ လာအယ်။ ဟေနေရာတွင် ရှောလမုန်ထက် သာယွေ့ ကြီးမြတ်သောသူ ဆိအယ်။ 32တရားစီရင်သောနေ့နှိုက် နိနေဝေမြို့သားလို့ဟ ဟေလူမျိုးတဖက်တွင် နေယွေ့ အရှုံးခံစေလိမ့်မယ်။ ပစာကို့ သူလို့ဟ ယောန ဟောပြောသော စကားကျောန့် နောင်တရကြအယ်။ ဟေနေရာတွင် ယောနထက် သာယွေ့ ကြီးမြတ်သောသူ ဆိအယ်။
ကိုယ်ခန္ဓာရဲ့ ဆီမီး
(မဿဲ ၅.၁၅; ၆.၂၂,၂၃)
33 #
မ ၅.၁၅; မာ ၄.၂၁; လု ၈.၁၆ “စသူမျှ မီးဖူးထွန်းပင်း ဖုံးထားလေ့ မဆိ၊ တောင်းဇလားအောက်နှိုက်လည်း မထားတတ်။#၁၁.၃၃ တချို့ လက်ရေးမူကျမ်းများတွင် တောင်းဇလားအောက်နှိုက်လည်း မထားတတ်၊ မပါဆိပါ။ ဝင်လာသောသူဟ အလင်းရောင်ရဖို့ မီးတင်ခုံပေါ်မှာ တင်ထားလေ့ ဆိအယ်။ 34မျက်စေ့ဟ ကိုယ်ခန္ဓာဖို့ မီးဖူးသဖွယ် ဖြစ်အယ်။ မျက်စေ့ကောင်းရင် နင့်ရဲ့ ခန္ဓာကိုယ်တခုလုံး လင်းလိမ့်မယ်။ မျက်စေ့ မကောင်းရင်တော့ နင့်တကိုယ်လုံးဟ မိုက်နေလိမ့်မယ်။ 35အဲလိုမို့ နင်လို့ဆေတွင် ဆိသော အလင်းဟ အမိုက် မဖြစ်စေရန် သတိထားကြလော့။ 36အကယ်ယွေ့ နင့်တကိုယ်လုံး လင်းနေရင် မီးဖူးရဲ့ အလင်းရောင်နဲ့ လင်းနေစေသလို နင်လို့ ခန္ဓာကိုယ် တခုလုံးဟလည်း အလင်းနဲ့ ပြေ့နေလိမ့်မယ်” ဟု သွန်သင်အယ်။
ယေရှုဟ ဖာရိရှဲနဲ့ ကျမ်းတတ်ဆရာလို့ဟို အပစ်တင်ခြင်း
(မဿဲ ၂၃.၁–၃၆; မာကု ၁၂.၃၈–၄၀)
37အေးလို့ ယေရှု ပြောပင်းသောအခါ ဖာရိရှဲတယောက်ဟ ကိုယ်တော်အား အစာဟို သုံးဆောင်ဖို့ ပင့်ဖိတ်လေအယ်။ ကိုယ်တော်ဟ အေးသူရဲ့ အိုင်သို့ သွားယွေ့ စားပွဲနှိုက် ထိန်အယ်။ 38ယေရှုဟ အစာမစားခင် ဆေးကြောခြင်း မလုပ်တာဟို ဖာရိရှဲဟ မျော်ရင် အံ့ဩလေအယ်။ 39အဲလိုမို့ သခင်ဟ “ဖာရိရှဲဖြစ်လဲ့ နင်လို့ဟာ ပန်းကန်၊ ခွက်ယောက်များရဲ့ ပြင်ပဟို သန့်ဆှင်းတတ်ကြအယ်။ အဲလိုလဲ နင်လို့စိတ်ထဲတွင် အကြမ်းဖက်မှု၊ ဆိုးညစ်မှုများနဲ့ ပြေ့နေကြအယ်။ 40လူမိုက်တေ၊ အပြင်ဟို ဖန်ဆင်းသောအဆှင်ဟ အတွင်းဟိုလည်း ဖန်ဆင်းတာ မဟုတ်လော။ 41အဲလိုလဲ နင်လို့ရဲ့ ပန်းကန်၊ ခွက်ယောက်များတွင် ဆိလဲ့အရာဟို ဆင်းရဲသူများဟို ပေးကမ်းစွန့်ကြဲလိုက်ကြ။ အေးလို့ပြုလျှင် ပစာညမ်းညမ်း နင်လို့ဖို့ ဖြူစင်စေလိမ့်မယ်။
42“ဖာရိရှဲလို့ နင်လို့ဟ အမင်္ဂလာဆိကြအယ်။ နင်လို့ဟ ပင်စိမ်းရွက်၊ လျူရွက်နဲ့ အခြားဆေးဘက်ဝင် အပင်မျိုးစုံဟို ဆယ်ဖို့တဖို့ ပေးလှူကြပေမဲ့ တရားမျှတမှုနဲ့ ဘုရားသခင်ရဲ့ ချစ်ခြင်းဟို လျစ်လျူရှုကြအယ်။ အရင်ဆိုခဲ့လဲ့ အရာများဟို မချန်ထားဘဲ နောက်ဆိုသောအရာလို့ဟို ကျင့်သုံးသင့်အယ်။”
43“ဖာရိရှဲလို့၊ နင်လို့ဟာ ရမ်းဆာ့ ဆိုးကြအယ်။ နင်လို့ဟ တရားဇရပ်များတွင် မြင့်မြတ်သောနေရာများဟို လည်းကောင်း၊ ဆေးတွင် ရိုသေစွာ နှုတ်ဆက်ခြင်းဟို လည်းကောင်း နှစ်သက်ကြအယ်။ 44နင်လို့ဟ ရမ်းဆာ့ ဆိုးကြအယ်။ နင်လို့ဟ အမှတ်သား မဆိလဲ့ လုတ်တိုင်းနဲ့ တူကြဟယ်။ လူလို့ဟ အေးတွင်းများအပေါ် သွားကြသောအခါ လုတ်တိုင်းတွင်း ဖြစ်မှန်းဟို မသိကြ” ဟု ပြောလေအယ်။
45ကျမ်းတတ်ဆရာတယောက်ဟ “ဆရာ၊ အေးလို့ပြောရင် ငါလို့ဟိုလည်း စော်ကားရာ ရောက်ပါအယ်” ဟု ဆိုအယ်။
46ယေရှုဟ “ကျမ်းတတ်ဆရာလို့၊ နင်လို့ဟ ရမ်းဆာ့ဆိုးကြအယ်။ ထမ်းရခက်လဲ့ ဝန်ထုပ်များဟို နင်လို့ဟ လူများဟို ပေးထမ်းကြပင်း ကိုယ့်တတ်တိုင်းကျတော့ အေးဝန်ထုပ်များဟို လက်ဖျားနဲ့တောင် မထိကြ။ 47နင်လို့အတွက် စလောက်ကြောက်ဖို့ ကောင်းကျောန်း၊ အကျောန်းမှာ နင်ဖိုးဖေးများ သတ်ဟားလဲ့ ပရောဖက်များအတွက် လုတ်တိုင်းဂူများဟို ဆောက်ပေးနေကြစာရီးမို့ ဖြစ်အယ်။ 48နင်လို့ရဲ့ ဖိုးဖေးများ ကျူးလွန်ခဲ့လဲ့ အမှုများတွင် နင်လို့ဟ သက်သေဖြစ်ကြအယ်။ ဖိုးဖေးများဟ ပရောဖက်များဟို သတ်ယွေ့ နင်လို့ဟ လုတ်တိုင်းများဟို ဆောက်ပေးနေကြအယ်။ 49အေးလို့ဖြစ်ခြင်းကျောန့် ဘုရားသခင်ဟ ဉာဏ်တော်ဖြင့် ‘ဟေလူများထဲသို့ ပရောဖက်များ စေတမန်များဟို ငါစေလွှတ်မယ်၊ သူလို့ဟ သူလို့ထဲမှ တချို့ဟို ညှဉ်းဆဲယွေ့ အချို့ဟို သတ်ကြလိမ့်မယ်’ ဟု ပြောလေအယ်။ 50အေးကျောန့် ကမ္ဘာဦးမှစယွေ့ သွန်းပင်းသော ပရောဖက်အပေါင်းလို့ရဲ့ အသွေးကျောန့် အခုဖြစ်သော လူလို့ဟ စစ်ကြောခြင်းဟို ခံရကြမယ်။ 51အာဗေလရဲ့ အသွေးမှစယွေ့ ယဇ်ပလ္လင်အကြားနဲ့ ဗိမာန်တော် အတွင်းပိုင်းမှာ အသတ်ခံရလဲ့ ပရောဖက် ဇာခရိအထိ၊ ကမ္ဘာတည်ချိန်မှစယွေ့ အသတ်ခံခဲ့ရသော ပရောဖက်များရဲ့ အသွေးကျောန့် ဟေခေတ်လူများဟ အပစ်စီရင်ခြင်းဟို ခံရကြမယ်။
52“ကျမ်းတတ်ဆရာလို့ နင်လို့ဟ ရမ်းဆာ့ ဆိုးကြအယ်။ နင်လို့ဟ အသိပညာ ထင်ခါးသော့ဟို သိမ်းထားပင်းရင် နင်လို့တတ်တိုင်းလည်း မဝင်၊ ဝင်ချင်သောသူများဟိုလည်း တားဆီးကြအယ်” ဟု ပြောလေအယ်။
53အဲနေရာမှ ယေရှု ထွက်လာသောအခါ ကျမ်းတတ်ဆရာများနဲ့ ဖာရိရှဲများဟ ကိုယ်တော်အား ရမ်းဆာ့ ဝေဖန်မှုများဟို စတင် ပြုလုပ်ယွေ့ ကြပ်ကြပ် စစ်မေးလာကြအယ်။ 54နှုတ်တော်ထွက်စကား တစုံတခုတွင် ကိုယ်တော်ဟို အမားဆှာနိန်ရန် ချောင်းမြောင်းကြအယ်။
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Danu Language © The Word for the World International and the Danu Bible Translation Committee, 2024.