योहान्ना 2
2
काना लुङबादु ॱङेन्डी
1धेनी ङीन सुम्बागोला, गालील युगी कानारु ॱङेन्डी च्यीक हो़तालाक धेनी येशुगी युमगोवा होदुरु फेप हो़तालाक। 2येशु धाङ खोङबागी ङेनेक्यालाः होदे ॱङेन्डीला, धेन्टे श्यी़ हो़तालाक।
3घुन्क्षाङगो जोक्ती येशुगी युमगी खोङबाला, “खुङक्याला घुन्क्षाङ मीदुक।” ॱनेरी श्यी़वालाक।
4धेनी येशुगी मोला सुवालाक, “आमा, ङी घी झ्यीघोगुले ॱनेरी ङाला ॱमासुङ। ङी धी़चो़ धोराङा ॱलेप मीदुक।”
5खोङबागी युमगी ॱयोक्पोक्याला, “खोङबागी घी सुङगीनगो झ्यी।” ॱनेरी ॱनेवालाक।
6धा होदुरु याहुदापाक्याई चाङमा झ्यीगीन लुक्सो़गी क्षीला, ॱमाना ग्या चो़ स्योङगीन जामा ढुक हो़तालाक। 7येशुगी ॱयोक्पोक्याला, “जामाक्या क्षुगी कोङ।” सुरी सुवालाक। धेनी खुङक्याई होदे झामाक्या खा थुक्पे कावालाक।
8धेनी खोङबागी खुङक्याला सुवालाक, “धा होदेने तीते च्यीक तो़न्दी डो़नगी ॱङेरपाचारु खेर।”
होझ्येरी खुङक्याई खेरती सोवालाक। 9डो़नगी ॱङेरपागी़ होदे घुन्क्षाङला ग्युरग्युवा क्षुगी ढोवागो लेन्दी, होदे घाने होवाले ॱनेरी खोला स्येये मेता (हीना क्षु काङगीन ॱयोक्पोक्याला स्येये हो़तालाक), ॱङेरपागी़ माक्पागोला भो़री 10ॱनेवालाक, “मी घीरी एन्ला घुन्क्षाङ शाङागो तालाक धेनी मीक्या शीछाना घुन्क्षाङ फावागो तालाक। हीना ख्यी़ घुन्क्षाङ शाङागो धान्दा थुक्पे श्याक्दुक।”
11दे ताक धाङपो दे येशुगी गालीलगी काना युरु जेदी, राङगी शीजे ॱङो़न्दु जेपालाक। धेनी खोङबागी ङेनेक्याई खोङबाला धेपा झ्येवालाक। 12होदे स्याम्ने, खोङबा राङगी युम धाङ नोक्या धाङ ङेनेक्यामुला काफारनाहुमदु फेप्पालाक। धेनी होदुरु श्याक्मो तीते श्युक्वा जेपालाक।
क्षो़खाङ चाङमा जेपा
(मेथा २१:१२-१३; मारकु ११:१५-१७; लुका १९:४५-४६)
13याहुदापाक्याई पेसाकगी धी़छेन ङ्ये हो़ती घाङला, येशु येरुसालेमदु फेप्पालाक। 14क्षो़खाङ नाङदु खोङबागी ॱलुङ धाङ लुक धाङ फुक्रो़नक्या चोङगीन धेनी ॱङु ज्येगीनक्या धेता शीक्पालाक। 15धेनी खोङबागी थाक्पागी ताजाक च्यीक शो़ जेदी, लुक धाङ ॱलुङक्यामुला ॱङु जेगीनक्याई ॱङुक्या साला तोरती, खुङक्याई चोक्चेगो ॱलोक्वा जेदी, घीरीला क्षो़खाङने फीला तो़न्दी झाङा जेपालाक। 16धेनी फुक्रो़न चोङगीनक्याला खोङबागी सुवालाक, “देक्या देने ॱहाला खेर। ङी यापगी फोडाङला छोङखाङ माशो़।”
17खोङबागी ङेनेक्याई सुङरापला देरे ढीक्टागो ढेन सो़वालाक, “खेराङगी फोडाङगी क्षीला, ङी चेवा दीगी ङाला मेताला ताङगीलाक।”#सुङगुर ६९:९
18याहुदापा पो़न्पोक्याई खोङबाला श्यी़वालाक, “खेराङला देक्या जेगीन वाङ हो़ना, हेक्याला तो़न्ये ताकगो घी हेतो?”
19येशुगी खुङक्याला सुवालाक, “क्षो़खाङ दे तोरस्यीक तोङ धेनी ङीमा सुमला ङा दे ॱलाङयेहीन।”
20धेनी याहुदापाक्याई ॱनेवालाक, “क्षो़खाङ दे श्याङयेला लो श्यीपच्यु श्येढुक घोरपालाक धेनी ख्यो़ दे ङीन सुमला श्याङ थुक्कीले?”
21हीना खोङबागी क्षो़खाङगी कोरला सुङी घाङला, राङगी ली़गी कोरला सुङी हो़तालाक। 22धेनी खोङबा छीवाने सो़न्पो श्याङी घाङला, खोङबागी ङेनेक्याई खोङबागी सुङ दे ढेन्बालाक धेनी खुङक्याई सुङराप धाङ येशुगी सुङगीन काला धेपा झ्येवालाक।
23धा खोङबा येरुसालेमदु पेसाकगी धी़छेनला हो़ती घाङला, मी माङक्षेगी खोङबागी क्षाक्लेगी ताकक्या थोरी खोङबागी छेनला धेपा झ्येवालाक। 24हीना येशुगी घीरीला खेन्दा जेदी, खुङक्याला ॱलोते माजेपालाक। 25घीझ्येरी ॱनाना मी सेम नाङदु घी हो़गीनगो, खोङबा खेन्दा जेदालाक धेनी मीगी कोरला सी़या खोङबाला श्युघोये मेतालाक।
Currently Selected:
योहान्ना 2: LOY
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
योहान्ना 2
2
काना लुङबादु ॱङेन्डी
1धेनी ङीन सुम्बागोला, गालील युगी कानारु ॱङेन्डी च्यीक हो़तालाक धेनी येशुगी युमगोवा होदुरु फेप हो़तालाक। 2येशु धाङ खोङबागी ङेनेक्यालाः होदे ॱङेन्डीला, धेन्टे श्यी़ हो़तालाक।
3घुन्क्षाङगो जोक्ती येशुगी युमगी खोङबाला, “खुङक्याला घुन्क्षाङ मीदुक।” ॱनेरी श्यी़वालाक।
4धेनी येशुगी मोला सुवालाक, “आमा, ङी घी झ्यीघोगुले ॱनेरी ङाला ॱमासुङ। ङी धी़चो़ धोराङा ॱलेप मीदुक।”
5खोङबागी युमगी ॱयोक्पोक्याला, “खोङबागी घी सुङगीनगो झ्यी।” ॱनेरी ॱनेवालाक।
6धा होदुरु याहुदापाक्याई चाङमा झ्यीगीन लुक्सो़गी क्षीला, ॱमाना ग्या चो़ स्योङगीन जामा ढुक हो़तालाक। 7येशुगी ॱयोक्पोक्याला, “जामाक्या क्षुगी कोङ।” सुरी सुवालाक। धेनी खुङक्याई होदे झामाक्या खा थुक्पे कावालाक।
8धेनी खोङबागी खुङक्याला सुवालाक, “धा होदेने तीते च्यीक तो़न्दी डो़नगी ॱङेरपाचारु खेर।”
होझ्येरी खुङक्याई खेरती सोवालाक। 9डो़नगी ॱङेरपागी़ होदे घुन्क्षाङला ग्युरग्युवा क्षुगी ढोवागो लेन्दी, होदे घाने होवाले ॱनेरी खोला स्येये मेता (हीना क्षु काङगीन ॱयोक्पोक्याला स्येये हो़तालाक), ॱङेरपागी़ माक्पागोला भो़री 10ॱनेवालाक, “मी घीरी एन्ला घुन्क्षाङ शाङागो तालाक धेनी मीक्या शीछाना घुन्क्षाङ फावागो तालाक। हीना ख्यी़ घुन्क्षाङ शाङागो धान्दा थुक्पे श्याक्दुक।”
11दे ताक धाङपो दे येशुगी गालीलगी काना युरु जेदी, राङगी शीजे ॱङो़न्दु जेपालाक। धेनी खोङबागी ङेनेक्याई खोङबाला धेपा झ्येवालाक। 12होदे स्याम्ने, खोङबा राङगी युम धाङ नोक्या धाङ ङेनेक्यामुला काफारनाहुमदु फेप्पालाक। धेनी होदुरु श्याक्मो तीते श्युक्वा जेपालाक।
क्षो़खाङ चाङमा जेपा
(मेथा २१:१२-१३; मारकु ११:१५-१७; लुका १९:४५-४६)
13याहुदापाक्याई पेसाकगी धी़छेन ङ्ये हो़ती घाङला, येशु येरुसालेमदु फेप्पालाक। 14क्षो़खाङ नाङदु खोङबागी ॱलुङ धाङ लुक धाङ फुक्रो़नक्या चोङगीन धेनी ॱङु ज्येगीनक्या धेता शीक्पालाक। 15धेनी खोङबागी थाक्पागी ताजाक च्यीक शो़ जेदी, लुक धाङ ॱलुङक्यामुला ॱङु जेगीनक्याई ॱङुक्या साला तोरती, खुङक्याई चोक्चेगो ॱलोक्वा जेदी, घीरीला क्षो़खाङने फीला तो़न्दी झाङा जेपालाक। 16धेनी फुक्रो़न चोङगीनक्याला खोङबागी सुवालाक, “देक्या देने ॱहाला खेर। ङी यापगी फोडाङला छोङखाङ माशो़।”
17खोङबागी ङेनेक्याई सुङरापला देरे ढीक्टागो ढेन सो़वालाक, “खेराङगी फोडाङगी क्षीला, ङी चेवा दीगी ङाला मेताला ताङगीलाक।”#सुङगुर ६९:९
18याहुदापा पो़न्पोक्याई खोङबाला श्यी़वालाक, “खेराङला देक्या जेगीन वाङ हो़ना, हेक्याला तो़न्ये ताकगो घी हेतो?”
19येशुगी खुङक्याला सुवालाक, “क्षो़खाङ दे तोरस्यीक तोङ धेनी ङीमा सुमला ङा दे ॱलाङयेहीन।”
20धेनी याहुदापाक्याई ॱनेवालाक, “क्षो़खाङ दे श्याङयेला लो श्यीपच्यु श्येढुक घोरपालाक धेनी ख्यो़ दे ङीन सुमला श्याङ थुक्कीले?”
21हीना खोङबागी क्षो़खाङगी कोरला सुङी घाङला, राङगी ली़गी कोरला सुङी हो़तालाक। 22धेनी खोङबा छीवाने सो़न्पो श्याङी घाङला, खोङबागी ङेनेक्याई खोङबागी सुङ दे ढेन्बालाक धेनी खुङक्याई सुङराप धाङ येशुगी सुङगीन काला धेपा झ्येवालाक।
23धा खोङबा येरुसालेमदु पेसाकगी धी़छेनला हो़ती घाङला, मी माङक्षेगी खोङबागी क्षाक्लेगी ताकक्या थोरी खोङबागी छेनला धेपा झ्येवालाक। 24हीना येशुगी घीरीला खेन्दा जेदी, खुङक्याला ॱलोते माजेपालाक। 25घीझ्येरी ॱनाना मी सेम नाङदु घी हो़गीनगो, खोङबा खेन्दा जेदालाक धेनी मीगी कोरला सी़या खोङबाला श्युघोये मेतालाक।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society