मारकु 14
14
येशुला सेयेगी ढो़
(मेथा २६:१-५; लुका २२:१-२; योहान्ना ११:४५-५३)
1याहुदापाक्याई पेसाकगी धी़छेन धाङ क्युरची मेगीन ग्याङगा शागीन धी़छेन, हुङयेला श्याक्मो ॱङी हो़तालाक। धेनी क्षो़पो़न क्षेक्या धाङ क्षो़ठीमगी ॱलोपो़नक्या, येशुला घाङगी झ्येरी शोक झ्येरी शीम्ये, धाङ सेयेगी थापस्यी झ्येरी धे हो़तालाक। 2हीना खुङक्याई देरे साम्लो तावालाक, “होदे धी़छेन घाङला खोङबाला शीम्ये मेतालाक, देरे झ्यीना मीक्या ठुक्कीलाक।”
बेथानीरु येशु
(मेथा २६:६-१३; योहान्ना १२:१-८)
3धेनी येशु बेथानीरु जे नाजा हो़गीन, सीमोन ॱनागीन मीगी नाङदु श्येलाक श्येयेला श्युक्यी घाङला, भोमो च्यीक धो कामारुगी भुम्पा नाङदु ॱमीच्यीकी घोङ क्षे धाङ पाङपो़#१४:३ दे नारड ॱनागीन दोङबो लाक। दे ढीस्यीमक्या शोयेला भो़चे झ्यीदालाक। ॱङोन्नेने शो़सा, ढीस्यीम खुरती होवालाक। धेनी मी़ होदे भुम्पा च्याक्ती ढीस्यीमगो, येशुगी उ खाला ॱलुक्पालाक। 4होदुरु मी रीङगा खोङडो लारी, च्यीकगी च्यीकला ॱनेवालाक, “होदे घीझ्येरी सेलाला ताङाले? 5दे नी, ॱङुगी टाङगा सुमग्याने माङाला चोरी, होदे ॱङु उटेक्याला तेरये हो़तालाक।” धेनी खुङक्याई मोला आङजी तावालाक।
6हीना येशुगी सुवालाक, “मोला भोर। खेक्या घीझ्येरी मोला दुक्पु तेराले? मी़ ङाला लेगा शाङपो च्यीक झ्येदुक। 7घीझ्येरी ॱनाना उटे मीक्या खेक्यामुला च्योई हुङगीलाक धेनी नाम खेक्या थेदी, होदे घाङला खुङक्या क्षीला घा झ्यीना ढीक्कुलाक। हीना ङा खेक्यामुला च्योई हुङगुमालाक। 8मी़ घी झ्यी थुप्कीनगो झ्येवालाक धेनी ङा धी़ठोदु डोयेगी क्षीला, मी़ ङी शुला ढीस्यीम एन्दुरु ॱलुक्पालाक। 9ङा ॱङोन्ने खेक्याला ॱनाहीन, जाम्बुलीङ नाङ घारु-घारु ताम्शाङ स्येली, होदुरु मोला ढेन्सो़ झ्यीयेला मी़ झ्येजा लेगा देयाः स्येगीलाक।”
युदा येशुगी डा झ्युङगीन
(मेथा २६:१४-१६; लुका २२:३-६)
10धेनी ङेने च्युङङीक्याने च्यीक युदा ईस्कारीयोतगो, येशुला क्षो़पो़न क्षेक्याई लागला ची ग्याप्येला, खुङक्याचारु सोवालाक। 11धेनी क्षो़पो़न क्षेक्याई दे घोरती ॱमीच्यीकी ङ्यामो घेरी, खोला ॱङु तेरयेगी ॱना क्यावालाक। धेनी खो येशुला घाङगी झ्येरी, ची ग्याप्ये ॱनेरी घुकाप चाये गो चुक्पालाक।
थामे श्युक्टा
12धेनी क्युरची मेगीन ग्याङगा शागीन धी़छेनगी ङीमा धाङपोगोला, येशुगी ङेनेक्याई खोङबाला श्यी़वालाक, “खेराङगी क्षीला पेसाकगी धी़छेनगी श्युक्टा घारु सोरी डाढीक झ्यीगु?” होदे ङीमागो थारपा थोप्थोवा धी़छेनला, लुक्टुगी ॱमारछो़ पुलालाक।
13धेनी येशुगी ङेनेक्याने मी ॱङीला देरे सुरी झावालाक, “ग्याजा नाङदु सोङ, धेनी क्षु खेरती ग्युक्कीन मी च्यीक खेक्याला थुक्कीलाक। खी़ स्याबाला सोङ। 14धेनी खो ॱलेप्कीन खाङबागी दाक्पोला, ‘ॱलोपो़नलागी, खोङबाराङ धाङ ङेनेक्या श्युक्टा स्याम्ये, खीमगो घारु ले ॱनेरी सुजुङ’ ॱनेरी ॱनो़। 15धेनी खी़ खेक्याला खीम तो़ला हो़गीन ॱमीच्यीकी जेवा झ्येरी श्याकश्या, खाङबा क्षे च्यीक तो़न्गीलाक। होदुरु डाढीक झ्यी।” 16धेनी होदे ङेनेक्या सोरी ग्याजा नाङदु जुवालाक। धेनी खोङबागी सुङगीन च्योक्रे थुक्पालाक धेनी खुङक्याई पेसाकगी धी़छेनगी श्युक्टागो डाढीक झ्येवालाक। 17धेनी घोमु येशु ङेने च्युङङीमुला होदुरु फेप्पालाक। 18धेनी खोङबाक्या श्युक्ती श्येलाक श्येली घाङला येशुगी सुवालाक, “ङा धेन्पाराङ खेक्याला ॱनाहीन, खेक्याने मी च्यीकगी ङाला डागी लाक्पाला ची ग्याप्कीलाक।”
19खुङक्या ॱमीच्यीकी सेम दुक्ती, च्यीकगी स्याबाने च्यीक झ्येरी येशुला ढीवा श्यी़वालाक, “होदेगो ङा ले?”
20खोङबागी खुङक्याला सुवालाक, “होदे खे च्युङङीने च्यीक लाक। ङामुला फोरा नाङदु ग्याङगा चुक्कीन च्यीक लाक। 21घीझ्येरी ॱनाना मी-भुला, खी़ कोरला ढीक्टा च्योक्रे झ्युङ घो़गीलाक हीना खोला डागी लाक्पाला ची ग्याप्कीन, मी देला घीन्गी दुक्पु झ्युङगीलाक। खो नामा ॱमाके हो़ना ॱमीच्यीकी घा झ्युङयेहो़क।” 22धेनी खुङक्या शेरी धेती घाङला, येशुगी ग्याङगा च्यीक क्षाकला ॱनुम्दी ॱमो़लाम ग्याप्ती, च्याक जेपालाक धेनी खुङक्याला तेरती सुवालाक, “लेन, दे ङी ली़ लाक।” 23धेनी खोङबागी फोरा च्यीक ॱनुम्दी, को़न्क्षोकला थुक्चीक्षे श्यी़री खुङक्याला तेरा जेपालाक। धेनी खुङक्या घीरीगी होदेने थुवालाक।
24धेनी येशुगी सुवालाक, “दे नी धाम्चा साबागी ङी ठाक लाक। दे मी ॱमीच्यीकी माङागी छीला ॱलुक्कीलाक। 25ङा धेन्पाराङ खेक्याला ॱनाहीन, को़न्क्षोकगी ग्याखापगी नाङदु दे साबा ॱमाथुङगीन थुक्पे, ङा याङदा घुन्डुमगी खोवा थुङये मेन।” 26धेनी खुङक्याई तो़लु च्यीक तारी, क्युरुस्यीङगी री स्योकला फेप्पालाक।
पेटोगी ङोलोक झ्यीगीन कोरला येशुगी ॱङो़नस्ये
(मेथा २६:३१-३५; लुका २२:३१-३४; योहान्ना १३:३६-३८)
27धेनी येशुगी खुङक्याला सुवालाक, “खेक्या घीरी ग्याप ॱलोक्ती डोगीलाक घीझ्येरी ॱनाना देरे ढीक हो़तालाक,
‘ङा लुक्जीला सेयेहीन,
धेनी लुकक्या थोरती डुगीलाक।’#जेकारीयास १३:७
28“हीना ङा सो़न्पो लारी, ङा खेक्याने एन्ला गालीलदु डोयेहीन।”
29पेटोगी खोङबाला ॱनेवालाक, “खुङ घीरी ग्याप ॱलोक्ती डोनाः, ङा डोयेमेन।”
30धेनी येशुगी खोला सुवालाक, “ङा धेन्पाराङ खेक्याला ॱनाहीन, धीरीङ घोमुराङ झ्याफोगी थेङमा ॱङी केक ग्याप्ये एन्ला, ख्यी़ ङाला थेङमा सुम ङो ॱलोक्कीलाक।”
31हीना पेटोगी ॱयोल्ले स्युक ग्याप्ती ॱनेवालाक, “ङा खेराङमुला स्यी घोनाः, ङा ङो ॱलोक्येमेन।” धेनी खुङ घीरीगी होदेरेराङ ॱनेवालाक।
गेदसेमानी ॱनागीन साज्यादु येशु ॱमो़लाम पुवा
(मेथा २६:३६-४६; लुका २२:३९-४६)
32होदे स्याम्ने येशु धाङ खोङबागी ङेनेक्या, गेदसेमानी ॱनागीन साज्यादु फेप्पालाक। धेनी खोङबागी खोरी ङेनेक्याला सुवालाक, “ङा ॱमो़लाम ग्याई घाङला, खेक्या दुरु धो़क।” 33धेनी खोङबागी पेटो धाङ याकोब धाङ योहान्नाला राङमुला ठीया जेपालाक। धेनी खोङबागी ॱङीङ ॱमीच्यीकी दुङागी खारी ठुक्पालाक। 34खोङबागी खुङक्याला सुवालाक, “ङी सेम छीवा थुक्पे ॱमीच्यीकी दुङागी खादुक। खेक्या दुरु ॱङी मालोक्वा धो़क।” 35धेनी खोङबा ॱहाचो़ला फेप्ती साला घुक जेदी, होदे धी़चो़ दे खोङबाने थारती डोये हो़ना डोवास्योक ॱनेरी, ॱमो़लाम पुवालाक। 36खोङबागी सुवालाक, “याप पाला, खेराङगी घीरी जे थुप्कीलाक। दुक्पुगी फोरा दे ङाने ॱहाला खेरा जेरोनाङ। हीना ङी दो़पा च्योक्रे मेन्दा, खेराङगी दो़पा च्योक्रे हुङास्योक।”
37धेनी खोङबा ङेने सुमचारु ॱलेप जेदी, खुङक्या ॱङी लोक्ती धेगीन थुक्पालाक। खोङबागी पेटोला सुवालाक, “सीमोन, ख्यो़ ॱङी लोक्वा ले? ख्यो़ छुची च्यीक च्यीया ॱङी मालोक्वा धे ॱमीथुक्वाई? 38छो़ताला मास्योरास्योक ॱनेरी, माङ्या सोवा ग्योप। खेक्याई सेम डाढीक दुक हीना ली़ क्योवा दुक।”
39धेनी येशु याङ खुङक्याला भोरती फेप्ती, एम्मा च्योक्रे सोवागो पुवालाक। 40धेनी याङ खोङबा खुङ सुमचारु फेप्ती, खुङक्या ॱङी लोक्ती धेता थुक्पालाक। खुङक्याई ॱमीक ॱङीगी झ्येरी धारी धे ॱमाथुक्पालाक धेनी खोङबाला लेन घी तेरये ॱनेरी ॱमास्येवालाक।
41धेनी खोङबा खुङ सुमचारु थेङमा सुम्बागोला फेई घाङला, सुवालाक, “खेक्या धोराङा ङ्यारी ङा सी़ धेताले? धा झ्युजुङ, धी़चो़ ॱलेप्सादुक। मी-भु धीक्चेनक्याई लाक्पाला ची ग्याप्ये झ्यीदी। 42लोङ, धेनी डो। ङाला डागी लाक्पाला ची ग्याप्कीन मी होसादुक।”
येशु शीम्पा
(मेथा २६:४७-५६; लुका २२:४७-५३; योहान्ना १८:३-१२)
43येशु सुङी घाङला लाम्साङ ङेने च्युङङीने च्यीक, युदा होदुरु ॱलेप्पालाक। खोमुला क्षो़पो़न क्षेक्या धाङ क्षो़ठीमगी ॱलोपो़नक्या धाङ गोठीक्याई, मीमाङक्या राल्डी धाङ ग्युक्पा खेरती होवालाक। 44खोङबाला डागी लाक्पाला ची ग्याप्कीनगी़ खुङक्याला देरे ॱनेरी ताक तेरपालाक, “ङी ओ झ्यीगीन मीगोराङ लाक। खोला शीम्दी ॱरुङगीन, मी श्याक्ती ठीक्ती सोङ।”
45धेनी युदा होदुरु ॱलेप्लुङ मेताला, खोङबाचारु सोरी ॱनेवालाक, “ॱलोपो़न ला।” धेनी खोङबागी डाबाला ओ झ्येवालाक। 46धेनी खुङक्याई येशुला शीम्बालाक। 47हीना होदुरु लारी धेताक्याने च्यीकगी खोरी डी तो़न्दी, चो क्षो़पो़नगी ॱयोक्पो च्यीकला ग्याप्ती खी़ आमच्योक चेबालाक।
48धेनी येशुगी खुङक्याला सुवालाक, “खेक्या डीक्या धाङ ग्युक्पा खेरती, ङाला झ्याक्पा च्यीक च्योक्रे शीम्दु हुङाले? 49ङीमा तेनग्याङ ङा क्षो़खाङदु ॱलावी घाङला, खेक्यामुला हो़तालाक धेनी खेक्याई ङाला शीम्गी मीदुक। हीना क्षो़ठीमला ढीक्टा दे डुपास्योक।” 50धेनी खोङबागी ङेने घीरी खोङबाला भोरती डो़री सोवालाक।
51धेनी खोरी शुला रे च्यीकगी टीरी ग्युक्कीन, भीजा ख्योक्तोङ च्यीक खोङबागी स्याबाला डावालाक। खुङक्याई होदे भीजाला शीम्बालाक, 52हीना खो रेगो भोरती ॱमाराई भाङ तारी सोवालाक।
येशु छोक्दी़गी दोङदु
(मेथा २६:५७-६८; लुका २२:५४-५५,६३-७१; योहान्ना १८:१३-१४,१९-२४)
53धेनी खुङक्याई येशुला चो क्षो़पो़नगी खाङबारु ठीक्पालाक। धेनी क्षो़पो़न क्षेक्या धाङ गोठीक्या धाङ क्षो़ठीमगी ॱलोपो़नक्या, घीरीमुला होदुरु हो़तालाक। 54पेटो चो क्षो़पो़नगी आङगु नाङदु, खोङबाला थाक्रीङाने डारी होवालाक धेनी खो होदे ॱरुङगीनक्यामुला मे ॱरो़री धेपालाक।
55धेनी क्षो़पो़न क्षेक्या धाङ छोक्दी़दु हो़गीन घीरीगी, येशु सेदु च्युक्येला पाङपो चाये थापस्यी झ्येवालाक हीना खुङक्याला सुवाः ॱमाङेबालाक। 56मी माङागी पाङपो शोक्पो तेरपालाक हीना खुङक्याई पाङपोगो, खोराङक्या नाङदु ॱमाथी़न्पालाक। 57मी रीङगा लारी खोङबाला पाङपो शोक्पो तेरती देरे ॱनेवालाक, 58“‘मीगी लाक्पागी शो़सा, को़न्क्षोकगी क्षो़खाङ दे स्यीक्ती लाक्पागी चीक्चा मेन्दा श्येम्मा क्षो़खाङ च्यीक, ङी श्याक्मु सुम नाङला चीउ’ ॱनेरी खी़ ॱनागीनगो हीकी घोजुङ।” 59हीना पाङपो झ्येजा दे, लाबगोवा ॱमाथी़न्पालाक।
60धेनी चो क्षो़पो़न दे घुङदु लारी येशुला ढीवालाक, “मी देक्याई ख्यो़ला क्यो़न चुक्कीन दे घी ले? ख्यो़ लेन च्यीया मेग्याले?” 61हीना येशुगी घीया ॱमासुवा कालेन ॱमानावालाक। याङ चो क्षो़पो़नगी खोङबाला ढीवालाक, “ख्यो़ नी झ्यीलापचेनगी से मास्यीकागो ले?”
62येशुगी सुवालाक, “ङा हीन। धेनी खेक्याई मी-भु कुवाङगी क्षाक ॱयेरु श्युकश्या, धाङ नाम्खाने ॱरीङक्यामुला भाप्कीनगो थोङगीलाक।”
63धेनी चो क्षो़पो़नगी राङगी घो़ रारी ॱनेवालाक, “धा होराङला श्येम्मा पाङपो घीझ्येरी घोये दुक्वो? 64खी़ को़न्क्षोकला कुरवा धेप्कीनगो, खेक्याई घोरजुङ। धा खेक्याई सामस्यी घारे हेतो?” धेनी घीरीगी खो से घो़गीलाक ॱनेरी थाक च्येपालाक। 65धेनी मी रीङगागी खोङबाला छीमाक तोरती, श्यालरेगी तुम्ती जोक्री ग्याप्ती ॱनेवालाक, “राङला सी़ श्युरजो, ॱङो़न स्येताङ।” धेनी घोरेक्याई खोङबाला ठीक्ती डाम्चाक श्युरपालाक।
पेटोगी येशुला ङो लोक्पा
(मेथा २६:६९-७५; लुका २२:५६-६२; योहान्ना १८:१५-१८,२५-२७)
66धेनी पेटो होकदु आङगुरु धेती घाङला, चो क्षो़पो़नगी ॱयोक्मोक्याने च्यीक होवालाक। 67धेनी पेटो मे ॱरो़री धेगीनगो थोरी, मी़ खोला तेरी ॱनेवालाक, “नाजारेपा येशुमुला हो़गीन ख्यो़याः लाक।”
68हीना पेटोगी, “ख्यी़ घी ॱनागीनगो ङाला स्येयेमेक धेनी ॱहामेघोहो़क।” ॱनेरी ङोलोक झ्येवालाक। धेनी खो घो स्योकला सोवालाक धेनी झ्याफो केक ग्याप्पालाक।
69धेनी ॱयोक्मो दी खोला थोरी, याङदा होदुरु लारी धेताक्याला ॱनेवालाक, “दे मी दे नी खुङक्याने च्यीक लाक।”
70हीना पेटोगी याङदा ङोलोक झ्येवालक। धेनी तीते स्याम्ने, होदुरु लारी धेताक्याई पेटोला ॱनेवालाक, “ख्यो़ गालीलपा मी च्यीक लाक होझ्येरी ख्यो़ खुङक्याने च्यीक हुङघो़गीलाक।”
71हीना खी़ खोराङला ॱमेमो ग्याप्ती ॱना क्यारी ॱनेवालाक, “खेक्याई लाब ताङगीन, मी देला ङा ङो ॱमेस्येहो़क।”
72धेनी लाम्साङ झ्याफो केक थेङमा ॱङीवा ग्याप्ती, पेटोगी येशुगी खोराङला, “झ्याफोगी थेङमा ॱङीवा केक ग्याप्कीन एन्ला, ख्यी़ ङाला थेङमा सुम थुक्पे ङोलोक झ्यीगीलाक।” ॱनेरी सुङगीनगो ढेन्बालाक। धेनी खो ॱमीच्यीकी सेम दुक्ती ङी़वालाक।
Currently Selected:
मारकु 14: LOY
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
मारकु 14
14
येशुला सेयेगी ढो़
(मेथा २६:१-५; लुका २२:१-२; योहान्ना ११:४५-५३)
1याहुदापाक्याई पेसाकगी धी़छेन धाङ क्युरची मेगीन ग्याङगा शागीन धी़छेन, हुङयेला श्याक्मो ॱङी हो़तालाक। धेनी क्षो़पो़न क्षेक्या धाङ क्षो़ठीमगी ॱलोपो़नक्या, येशुला घाङगी झ्येरी शोक झ्येरी शीम्ये, धाङ सेयेगी थापस्यी झ्येरी धे हो़तालाक। 2हीना खुङक्याई देरे साम्लो तावालाक, “होदे धी़छेन घाङला खोङबाला शीम्ये मेतालाक, देरे झ्यीना मीक्या ठुक्कीलाक।”
बेथानीरु येशु
(मेथा २६:६-१३; योहान्ना १२:१-८)
3धेनी येशु बेथानीरु जे नाजा हो़गीन, सीमोन ॱनागीन मीगी नाङदु श्येलाक श्येयेला श्युक्यी घाङला, भोमो च्यीक धो कामारुगी भुम्पा नाङदु ॱमीच्यीकी घोङ क्षे धाङ पाङपो़#१४:३ दे नारड ॱनागीन दोङबो लाक। दे ढीस्यीमक्या शोयेला भो़चे झ्यीदालाक। ॱङोन्नेने शो़सा, ढीस्यीम खुरती होवालाक। धेनी मी़ होदे भुम्पा च्याक्ती ढीस्यीमगो, येशुगी उ खाला ॱलुक्पालाक। 4होदुरु मी रीङगा खोङडो लारी, च्यीकगी च्यीकला ॱनेवालाक, “होदे घीझ्येरी सेलाला ताङाले? 5दे नी, ॱङुगी टाङगा सुमग्याने माङाला चोरी, होदे ॱङु उटेक्याला तेरये हो़तालाक।” धेनी खुङक्याई मोला आङजी तावालाक।
6हीना येशुगी सुवालाक, “मोला भोर। खेक्या घीझ्येरी मोला दुक्पु तेराले? मी़ ङाला लेगा शाङपो च्यीक झ्येदुक। 7घीझ्येरी ॱनाना उटे मीक्या खेक्यामुला च्योई हुङगीलाक धेनी नाम खेक्या थेदी, होदे घाङला खुङक्या क्षीला घा झ्यीना ढीक्कुलाक। हीना ङा खेक्यामुला च्योई हुङगुमालाक। 8मी़ घी झ्यी थुप्कीनगो झ्येवालाक धेनी ङा धी़ठोदु डोयेगी क्षीला, मी़ ङी शुला ढीस्यीम एन्दुरु ॱलुक्पालाक। 9ङा ॱङोन्ने खेक्याला ॱनाहीन, जाम्बुलीङ नाङ घारु-घारु ताम्शाङ स्येली, होदुरु मोला ढेन्सो़ झ्यीयेला मी़ झ्येजा लेगा देयाः स्येगीलाक।”
युदा येशुगी डा झ्युङगीन
(मेथा २६:१४-१६; लुका २२:३-६)
10धेनी ङेने च्युङङीक्याने च्यीक युदा ईस्कारीयोतगो, येशुला क्षो़पो़न क्षेक्याई लागला ची ग्याप्येला, खुङक्याचारु सोवालाक। 11धेनी क्षो़पो़न क्षेक्याई दे घोरती ॱमीच्यीकी ङ्यामो घेरी, खोला ॱङु तेरयेगी ॱना क्यावालाक। धेनी खो येशुला घाङगी झ्येरी, ची ग्याप्ये ॱनेरी घुकाप चाये गो चुक्पालाक।
थामे श्युक्टा
12धेनी क्युरची मेगीन ग्याङगा शागीन धी़छेनगी ङीमा धाङपोगोला, येशुगी ङेनेक्याई खोङबाला श्यी़वालाक, “खेराङगी क्षीला पेसाकगी धी़छेनगी श्युक्टा घारु सोरी डाढीक झ्यीगु?” होदे ङीमागो थारपा थोप्थोवा धी़छेनला, लुक्टुगी ॱमारछो़ पुलालाक।
13धेनी येशुगी ङेनेक्याने मी ॱङीला देरे सुरी झावालाक, “ग्याजा नाङदु सोङ, धेनी क्षु खेरती ग्युक्कीन मी च्यीक खेक्याला थुक्कीलाक। खी़ स्याबाला सोङ। 14धेनी खो ॱलेप्कीन खाङबागी दाक्पोला, ‘ॱलोपो़नलागी, खोङबाराङ धाङ ङेनेक्या श्युक्टा स्याम्ये, खीमगो घारु ले ॱनेरी सुजुङ’ ॱनेरी ॱनो़। 15धेनी खी़ खेक्याला खीम तो़ला हो़गीन ॱमीच्यीकी जेवा झ्येरी श्याकश्या, खाङबा क्षे च्यीक तो़न्गीलाक। होदुरु डाढीक झ्यी।” 16धेनी होदे ङेनेक्या सोरी ग्याजा नाङदु जुवालाक। धेनी खोङबागी सुङगीन च्योक्रे थुक्पालाक धेनी खुङक्याई पेसाकगी धी़छेनगी श्युक्टागो डाढीक झ्येवालाक। 17धेनी घोमु येशु ङेने च्युङङीमुला होदुरु फेप्पालाक। 18धेनी खोङबाक्या श्युक्ती श्येलाक श्येली घाङला येशुगी सुवालाक, “ङा धेन्पाराङ खेक्याला ॱनाहीन, खेक्याने मी च्यीकगी ङाला डागी लाक्पाला ची ग्याप्कीलाक।”
19खुङक्या ॱमीच्यीकी सेम दुक्ती, च्यीकगी स्याबाने च्यीक झ्येरी येशुला ढीवा श्यी़वालाक, “होदेगो ङा ले?”
20खोङबागी खुङक्याला सुवालाक, “होदे खे च्युङङीने च्यीक लाक। ङामुला फोरा नाङदु ग्याङगा चुक्कीन च्यीक लाक। 21घीझ्येरी ॱनाना मी-भुला, खी़ कोरला ढीक्टा च्योक्रे झ्युङ घो़गीलाक हीना खोला डागी लाक्पाला ची ग्याप्कीन, मी देला घीन्गी दुक्पु झ्युङगीलाक। खो नामा ॱमाके हो़ना ॱमीच्यीकी घा झ्युङयेहो़क।” 22धेनी खुङक्या शेरी धेती घाङला, येशुगी ग्याङगा च्यीक क्षाकला ॱनुम्दी ॱमो़लाम ग्याप्ती, च्याक जेपालाक धेनी खुङक्याला तेरती सुवालाक, “लेन, दे ङी ली़ लाक।” 23धेनी खोङबागी फोरा च्यीक ॱनुम्दी, को़न्क्षोकला थुक्चीक्षे श्यी़री खुङक्याला तेरा जेपालाक। धेनी खुङक्या घीरीगी होदेने थुवालाक।
24धेनी येशुगी सुवालाक, “दे नी धाम्चा साबागी ङी ठाक लाक। दे मी ॱमीच्यीकी माङागी छीला ॱलुक्कीलाक। 25ङा धेन्पाराङ खेक्याला ॱनाहीन, को़न्क्षोकगी ग्याखापगी नाङदु दे साबा ॱमाथुङगीन थुक्पे, ङा याङदा घुन्डुमगी खोवा थुङये मेन।” 26धेनी खुङक्याई तो़लु च्यीक तारी, क्युरुस्यीङगी री स्योकला फेप्पालाक।
पेटोगी ङोलोक झ्यीगीन कोरला येशुगी ॱङो़नस्ये
(मेथा २६:३१-३५; लुका २२:३१-३४; योहान्ना १३:३६-३८)
27धेनी येशुगी खुङक्याला सुवालाक, “खेक्या घीरी ग्याप ॱलोक्ती डोगीलाक घीझ्येरी ॱनाना देरे ढीक हो़तालाक,
‘ङा लुक्जीला सेयेहीन,
धेनी लुकक्या थोरती डुगीलाक।’#जेकारीयास १३:७
28“हीना ङा सो़न्पो लारी, ङा खेक्याने एन्ला गालीलदु डोयेहीन।”
29पेटोगी खोङबाला ॱनेवालाक, “खुङ घीरी ग्याप ॱलोक्ती डोनाः, ङा डोयेमेन।”
30धेनी येशुगी खोला सुवालाक, “ङा धेन्पाराङ खेक्याला ॱनाहीन, धीरीङ घोमुराङ झ्याफोगी थेङमा ॱङी केक ग्याप्ये एन्ला, ख्यी़ ङाला थेङमा सुम ङो ॱलोक्कीलाक।”
31हीना पेटोगी ॱयोल्ले स्युक ग्याप्ती ॱनेवालाक, “ङा खेराङमुला स्यी घोनाः, ङा ङो ॱलोक्येमेन।” धेनी खुङ घीरीगी होदेरेराङ ॱनेवालाक।
गेदसेमानी ॱनागीन साज्यादु येशु ॱमो़लाम पुवा
(मेथा २६:३६-४६; लुका २२:३९-४६)
32होदे स्याम्ने येशु धाङ खोङबागी ङेनेक्या, गेदसेमानी ॱनागीन साज्यादु फेप्पालाक। धेनी खोङबागी खोरी ङेनेक्याला सुवालाक, “ङा ॱमो़लाम ग्याई घाङला, खेक्या दुरु धो़क।” 33धेनी खोङबागी पेटो धाङ याकोब धाङ योहान्नाला राङमुला ठीया जेपालाक। धेनी खोङबागी ॱङीङ ॱमीच्यीकी दुङागी खारी ठुक्पालाक। 34खोङबागी खुङक्याला सुवालाक, “ङी सेम छीवा थुक्पे ॱमीच्यीकी दुङागी खादुक। खेक्या दुरु ॱङी मालोक्वा धो़क।” 35धेनी खोङबा ॱहाचो़ला फेप्ती साला घुक जेदी, होदे धी़चो़ दे खोङबाने थारती डोये हो़ना डोवास्योक ॱनेरी, ॱमो़लाम पुवालाक। 36खोङबागी सुवालाक, “याप पाला, खेराङगी घीरी जे थुप्कीलाक। दुक्पुगी फोरा दे ङाने ॱहाला खेरा जेरोनाङ। हीना ङी दो़पा च्योक्रे मेन्दा, खेराङगी दो़पा च्योक्रे हुङास्योक।”
37धेनी खोङबा ङेने सुमचारु ॱलेप जेदी, खुङक्या ॱङी लोक्ती धेगीन थुक्पालाक। खोङबागी पेटोला सुवालाक, “सीमोन, ख्यो़ ॱङी लोक्वा ले? ख्यो़ छुची च्यीक च्यीया ॱङी मालोक्वा धे ॱमीथुक्वाई? 38छो़ताला मास्योरास्योक ॱनेरी, माङ्या सोवा ग्योप। खेक्याई सेम डाढीक दुक हीना ली़ क्योवा दुक।”
39धेनी येशु याङ खुङक्याला भोरती फेप्ती, एम्मा च्योक्रे सोवागो पुवालाक। 40धेनी याङ खोङबा खुङ सुमचारु फेप्ती, खुङक्या ॱङी लोक्ती धेता थुक्पालाक। खुङक्याई ॱमीक ॱङीगी झ्येरी धारी धे ॱमाथुक्पालाक धेनी खोङबाला लेन घी तेरये ॱनेरी ॱमास्येवालाक।
41धेनी खोङबा खुङ सुमचारु थेङमा सुम्बागोला फेई घाङला, सुवालाक, “खेक्या धोराङा ङ्यारी ङा सी़ धेताले? धा झ्युजुङ, धी़चो़ ॱलेप्सादुक। मी-भु धीक्चेनक्याई लाक्पाला ची ग्याप्ये झ्यीदी। 42लोङ, धेनी डो। ङाला डागी लाक्पाला ची ग्याप्कीन मी होसादुक।”
येशु शीम्पा
(मेथा २६:४७-५६; लुका २२:४७-५३; योहान्ना १८:३-१२)
43येशु सुङी घाङला लाम्साङ ङेने च्युङङीने च्यीक, युदा होदुरु ॱलेप्पालाक। खोमुला क्षो़पो़न क्षेक्या धाङ क्षो़ठीमगी ॱलोपो़नक्या धाङ गोठीक्याई, मीमाङक्या राल्डी धाङ ग्युक्पा खेरती होवालाक। 44खोङबाला डागी लाक्पाला ची ग्याप्कीनगी़ खुङक्याला देरे ॱनेरी ताक तेरपालाक, “ङी ओ झ्यीगीन मीगोराङ लाक। खोला शीम्दी ॱरुङगीन, मी श्याक्ती ठीक्ती सोङ।”
45धेनी युदा होदुरु ॱलेप्लुङ मेताला, खोङबाचारु सोरी ॱनेवालाक, “ॱलोपो़न ला।” धेनी खोङबागी डाबाला ओ झ्येवालाक। 46धेनी खुङक्याई येशुला शीम्बालाक। 47हीना होदुरु लारी धेताक्याने च्यीकगी खोरी डी तो़न्दी, चो क्षो़पो़नगी ॱयोक्पो च्यीकला ग्याप्ती खी़ आमच्योक चेबालाक।
48धेनी येशुगी खुङक्याला सुवालाक, “खेक्या डीक्या धाङ ग्युक्पा खेरती, ङाला झ्याक्पा च्यीक च्योक्रे शीम्दु हुङाले? 49ङीमा तेनग्याङ ङा क्षो़खाङदु ॱलावी घाङला, खेक्यामुला हो़तालाक धेनी खेक्याई ङाला शीम्गी मीदुक। हीना क्षो़ठीमला ढीक्टा दे डुपास्योक।” 50धेनी खोङबागी ङेने घीरी खोङबाला भोरती डो़री सोवालाक।
51धेनी खोरी शुला रे च्यीकगी टीरी ग्युक्कीन, भीजा ख्योक्तोङ च्यीक खोङबागी स्याबाला डावालाक। खुङक्याई होदे भीजाला शीम्बालाक, 52हीना खो रेगो भोरती ॱमाराई भाङ तारी सोवालाक।
येशु छोक्दी़गी दोङदु
(मेथा २६:५७-६८; लुका २२:५४-५५,६३-७१; योहान्ना १८:१३-१४,१९-२४)
53धेनी खुङक्याई येशुला चो क्षो़पो़नगी खाङबारु ठीक्पालाक। धेनी क्षो़पो़न क्षेक्या धाङ गोठीक्या धाङ क्षो़ठीमगी ॱलोपो़नक्या, घीरीमुला होदुरु हो़तालाक। 54पेटो चो क्षो़पो़नगी आङगु नाङदु, खोङबाला थाक्रीङाने डारी होवालाक धेनी खो होदे ॱरुङगीनक्यामुला मे ॱरो़री धेपालाक।
55धेनी क्षो़पो़न क्षेक्या धाङ छोक्दी़दु हो़गीन घीरीगी, येशु सेदु च्युक्येला पाङपो चाये थापस्यी झ्येवालाक हीना खुङक्याला सुवाः ॱमाङेबालाक। 56मी माङागी पाङपो शोक्पो तेरपालाक हीना खुङक्याई पाङपोगो, खोराङक्या नाङदु ॱमाथी़न्पालाक। 57मी रीङगा लारी खोङबाला पाङपो शोक्पो तेरती देरे ॱनेवालाक, 58“‘मीगी लाक्पागी शो़सा, को़न्क्षोकगी क्षो़खाङ दे स्यीक्ती लाक्पागी चीक्चा मेन्दा श्येम्मा क्षो़खाङ च्यीक, ङी श्याक्मु सुम नाङला चीउ’ ॱनेरी खी़ ॱनागीनगो हीकी घोजुङ।” 59हीना पाङपो झ्येजा दे, लाबगोवा ॱमाथी़न्पालाक।
60धेनी चो क्षो़पो़न दे घुङदु लारी येशुला ढीवालाक, “मी देक्याई ख्यो़ला क्यो़न चुक्कीन दे घी ले? ख्यो़ लेन च्यीया मेग्याले?” 61हीना येशुगी घीया ॱमासुवा कालेन ॱमानावालाक। याङ चो क्षो़पो़नगी खोङबाला ढीवालाक, “ख्यो़ नी झ्यीलापचेनगी से मास्यीकागो ले?”
62येशुगी सुवालाक, “ङा हीन। धेनी खेक्याई मी-भु कुवाङगी क्षाक ॱयेरु श्युकश्या, धाङ नाम्खाने ॱरीङक्यामुला भाप्कीनगो थोङगीलाक।”
63धेनी चो क्षो़पो़नगी राङगी घो़ रारी ॱनेवालाक, “धा होराङला श्येम्मा पाङपो घीझ्येरी घोये दुक्वो? 64खी़ को़न्क्षोकला कुरवा धेप्कीनगो, खेक्याई घोरजुङ। धा खेक्याई सामस्यी घारे हेतो?” धेनी घीरीगी खो से घो़गीलाक ॱनेरी थाक च्येपालाक। 65धेनी मी रीङगागी खोङबाला छीमाक तोरती, श्यालरेगी तुम्ती जोक्री ग्याप्ती ॱनेवालाक, “राङला सी़ श्युरजो, ॱङो़न स्येताङ।” धेनी घोरेक्याई खोङबाला ठीक्ती डाम्चाक श्युरपालाक।
पेटोगी येशुला ङो लोक्पा
(मेथा २६:६९-७५; लुका २२:५६-६२; योहान्ना १८:१५-१८,२५-२७)
66धेनी पेटो होकदु आङगुरु धेती घाङला, चो क्षो़पो़नगी ॱयोक्मोक्याने च्यीक होवालाक। 67धेनी पेटो मे ॱरो़री धेगीनगो थोरी, मी़ खोला तेरी ॱनेवालाक, “नाजारेपा येशुमुला हो़गीन ख्यो़याः लाक।”
68हीना पेटोगी, “ख्यी़ घी ॱनागीनगो ङाला स्येयेमेक धेनी ॱहामेघोहो़क।” ॱनेरी ङोलोक झ्येवालाक। धेनी खो घो स्योकला सोवालाक धेनी झ्याफो केक ग्याप्पालाक।
69धेनी ॱयोक्मो दी खोला थोरी, याङदा होदुरु लारी धेताक्याला ॱनेवालाक, “दे मी दे नी खुङक्याने च्यीक लाक।”
70हीना पेटोगी याङदा ङोलोक झ्येवालक। धेनी तीते स्याम्ने, होदुरु लारी धेताक्याई पेटोला ॱनेवालाक, “ख्यो़ गालीलपा मी च्यीक लाक होझ्येरी ख्यो़ खुङक्याने च्यीक हुङघो़गीलाक।”
71हीना खी़ खोराङला ॱमेमो ग्याप्ती ॱना क्यारी ॱनेवालाक, “खेक्याई लाब ताङगीन, मी देला ङा ङो ॱमेस्येहो़क।”
72धेनी लाम्साङ झ्याफो केक थेङमा ॱङीवा ग्याप्ती, पेटोगी येशुगी खोराङला, “झ्याफोगी थेङमा ॱङीवा केक ग्याप्कीन एन्ला, ख्यी़ ङाला थेङमा सुम थुक्पे ङोलोक झ्यीगीलाक।” ॱनेरी सुङगीनगो ढेन्बालाक। धेनी खो ॱमीच्यीकी सेम दुक्ती ङी़वालाक।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society