मारकु 7
7
लुक्सो़गी कोरला
(मेथा १५:१-९)
1ङीमा च्यीक येरुसालेमने, होवा फारुसीपा धाङ क्षो़ठीमगी ॱलोपो़न रीङगा येशुगी डुङदु जोमी घाङला, 2खोङबागी ङेने रीङगागी याहुदापा क्षो़लुकला मीढीक्कीन झ्येरी, लाक्पा झोरा ॱमाठी़वा शागीनगो खुङक्याई थोवालाक। 3धाङबी फामाक्याई लुक्सो़ला चीरी, फारुसीपाक्या धाङ याहुदापाक्या घीरी लाक्पा ठी़री माना शामा मेशालाक 4धेनी खुङक्या ठोम्साने हुङना, लाक्पा ठी़री माना मेशालाक। धोराङा फोरा धाङ राक्जाङ धाङ शाङगी ॱनो़क्या चाङमा शोगीन लुक्सो़ च्योक्रे, श्येम्मा ॱमीच्यीकी माङा खुङक्या ॱरुङालाक।
5होझ्येरी फारुसीपा धाङ क्षो़ठीमगी ॱलोपो़नक्याई खोङबाला श्यी़वालाक, “खेराङगी ङेनेक्या धाङबी फामाक्याई लुक्सो़ ॱमीरुङा, लाक्पा ॱमीठुवा घीझ्येरी शाले?”
6धेनी येशुगी खुङक्याला सुवालाक, “खे शोक्पोक्याई कोरला, यस्याया ॱङो़नस्येखेनगी ताई देरे ढीक्दुक,
‘दे मीक्याई ङाला खाने च्यीगा घुस्याप झ्यीदालाक,
हीना खुङक्याई सेम ङाने थाक्रीङा दुक।
7ङाला क्षो मेताला क्षाक्क्षो़पा झ्यीदालाक,
हीना खुङक्याई ॱलापच्याक्या मीगी ॱलाप्ला तावा च्यीगा लाक।’#यस्याया २९:१३
8“खेक्या को़न्क्षोकगी काला भोरती मीगी लुक्सो़गो ॱरुङालाक।”
9येशुगी खुङक्याला याङ सुवालाक, “खेक्या राङगी लुक्सो़ला ॱरुङक्योप झ्यीयेला, को़न्क्षोकगी काक्याला ङोलोक झ्यीयेगी लाम्गा घा च्यीक जोरदुक। 10मोशेगी सुङ हो़तालाक, ‘राङगी फामाला घुस्याप झ्यी’#धेप्थो़न २०:१२; काठीम ५:१६ धेनी ‘राङगी फामागी कोरला ॱमेटा पाप्कीनक्याला से घो़गीलाक।’#धेप्थो़न २१:१७; लेवी २०:९ 11हीना खेक्या देरे ॱनालाक, ‘मी च्यीकगी राङ फामाला पु घोयेगो कोरबान (को़न्क्षोकला क्षो़पा पुपा) लाक’ ॱनेरी फामाला ॱनाना, 12खेक्याई खोला खोरी फामागी क्षीला घीया झ्यीदु ॱमीच्युक्वालाक। 13दुक झ्येरी खेक्या खेरी चीरी होवा लुक्सो़ला, ॱरुङदी श्याक्ती को़न्क्षोकगी कागो मेताला ताङालाक। धेनी खेक्या देरे च्योक्रे लेगा श्येम्माक्या झ्यीदालाक।”
सेम्ङीगी चाङमागी कोरला
(मेथा १५:१०-२०)
14याङदा येशुगी मीछोकला खोङबाचारु भो़या जेदी सुवालाक, “खे घीरी ङाला ङेन धेनी ॱहाघोरा झ्यी, 15फीने खोक्पा नाङदु जुगीन घीन्दागी, मीला ॱमेचाङा शोगीमालाक हीना खोक्पा नाङने फीला थो़न्गीनक्याई मीला ॱमेचाङा शोवालाक। 16[आमच्योक हो़गीनक्याई ङेन्दी ॱहाघोरास्योक।]#७:१६ गीरीक धेप रीङगाला दे छीक दे मेतालाक।”
17धेनी मीमाङक्याला भोरती, येशु नाङदु फेई घाङला खोङबागी ङेनेक्याई खोङबाला होदे पेगी कोरला श्यी़वालाक। 18येशुगी खुङक्याला सुवालाक, “खेक्याः हुरे ॱलेन्दा ले? फीने खोक्पा नाङदु जुगीन घीन्गीया, होदे मीला ॱमेचाङा मेशोगीलाक ॱनेरी खेक्याला क्षा मेते? 19घीझ्येरी ॱनाना होदे खी़ सेमला मेन्दा, फोवाला डोवालाक धेनी होदे फीला थो़न्दालाक।” (देरे सुरी येशुगी शामा घीरी चाङमा लाक सुरी सेटाक जेपालाक।)
20धेनी खोङबागी याङ सुवालाक, “मीगी खोक्पा नाङने थो़न्गीनगी, खोला ॱमेचाङा शोवालाक। 21घीझ्येरी ॱनाना मीगी खोक्पा नाङने साम्लो ङेन्पाक्या धाङ छेउछेमु झ्यीगीन धाङ कुमा कुये धाङ मी सेये धाङ 22लोक्येम धाङ ॱहाम्बा धाङ ङेन्पा धाङ गोकोर धाङ दो़छाक धाङ ठादोक धाङ ठामा धाङ ङागेल धाङ ॱलेन्पाक्या थो़न्दालाक। 23दे लेगा ङेन्पा घीरी, खोक्पा नाङने थो़न्दालाक धेनी देक्याई मीला ॱमेचाङा शोवालाक।”
सीरीया फोनीकेगी केमी च्यीकगी धेपा
(मेथा १५:२१-२८)
24होदेने श्येङदी, येशु ताएर धाङ सीदोनगी युछोकला फेप्पालाक। खोङबा खाङबा नाङदु फेप्पालाक धेनी राङ होदुरु ॱलेप्कीनगो सुला ॱहाघोतु च्युक्ङी मादो़पालाक। हीना खोङबा हीप ॱमाथुक्पालाक। 25होदे घाङलाराङ ॱनो़पा जुजा, भोमो च्यीमे च्यीकगी आमा च्यीकगी खोङबागी कोरला ॱहाघोरती, खोङबागी कुम्दीनदु होरी क्षाक छावालाक। 26धा मो सीरीयागी फोनीकेरु केक्या याहुदापा मेन्गीन, केमी च्यीक लाक। धेनी मोरी भोमी नाङगी ॱनो़पा तो़न्रोजे ॱनेरी, मी़ येशुला श्यी़वालाक।
27खोङबागी मोला सुवालाक, “धाङपो टुवाक्याला शामा शारु च्युक घीझ्येरी ॱनाना टुवागी शामा ठोक्ती, कीला तेरना घा मालाक।”
28हीना मी़ ॱनेवालाक, “लाक चोवो, घीहीन्ना चोक्चे होकगी कीक्यागीयाः टुवागी शामा ल्हीम्लाक्या शालाक।”
29धेनी येशुगी मोला सुवालाक, “ख्यी़ देरे ॱनेरी, धा ख्यो़ नाङला सोङ। ख्यी़ भोमो नाङने ॱनो़पा थो़न्सादुक।” 30धेनी मो खीमदु ॱलेप्ती मोरी भोमोने ॱनो़पागो थो़न्सारती, ङ्याजारु ङ्यारी धेता थोवालाक।
मी घोवा च्यीक चो़गा झ्युवा
31धेनी येशु ताएर युछोकने लोक्ती, सीदोनने झ्युरी देकापोलीसगी युछोकने, गालीलगी ग्याछो स्योकला फेप्पालाक। 32होदुरु मीक्याई आमच्योक मेघोरकीन धाङ लाब ताङ ॱमीथुप्कीन मी घोवा च्यीकला खेरती होरी, खोङबागी क्षाक जेदी चो़गा जेरोनाङ ॱनेरी येशुला श्यी़वालाक। 33धेनी खोङबागी खोला मीमाङक्याने ॱहाला ठीया जेदी, खी़ आमच्योक नाङदु राङगी क्षाक्जुप चुवा जेपालाक। धेनी राङगी क्षाकला ज्याक्छाप तोरती खी़ च्येमोला जी़वालाक। 34धेनी खोङबागी नाम्खा स्योकला शीक्ती, उप स्युक जेदी खोला सुवालाक, “एफ्फाथा!” होदे ॱनाना, “भेवा स्योक।” 35उक्कुरा च्यीकला खी़ आमच्योक भेवालाक धेनी च्येमोगो डोवालाक धेनी खो लाब स्यारी ताङ थुप्कीन झ्युवालाक। 36धेनी येशुगी खुङक्याला दे लाब सुला ॱमाना, सुरी का ॱनावालाक। हीना खोङबागी सुङगीनने ल्हाक, खुङक्याई होदे लाब दे टाम्बालाक। 37खुङक्या ॱमीच्यीकी ॱहालेरी ॱनेवालाक, “खोङबागी घीरी शाङा जेदुक। खोङबागी आमच्योक मेघोरकीनला घोरकीन धाङ लाब ताङ ॱमीथुक्कीनला ताङ थुप्कीन जेदुक।”
Currently Selected:
मारकु 7: LOY
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
मारकु 7
7
लुक्सो़गी कोरला
(मेथा १५:१-९)
1ङीमा च्यीक येरुसालेमने, होवा फारुसीपा धाङ क्षो़ठीमगी ॱलोपो़न रीङगा येशुगी डुङदु जोमी घाङला, 2खोङबागी ङेने रीङगागी याहुदापा क्षो़लुकला मीढीक्कीन झ्येरी, लाक्पा झोरा ॱमाठी़वा शागीनगो खुङक्याई थोवालाक। 3धाङबी फामाक्याई लुक्सो़ला चीरी, फारुसीपाक्या धाङ याहुदापाक्या घीरी लाक्पा ठी़री माना शामा मेशालाक 4धेनी खुङक्या ठोम्साने हुङना, लाक्पा ठी़री माना मेशालाक। धोराङा फोरा धाङ राक्जाङ धाङ शाङगी ॱनो़क्या चाङमा शोगीन लुक्सो़ च्योक्रे, श्येम्मा ॱमीच्यीकी माङा खुङक्या ॱरुङालाक।
5होझ्येरी फारुसीपा धाङ क्षो़ठीमगी ॱलोपो़नक्याई खोङबाला श्यी़वालाक, “खेराङगी ङेनेक्या धाङबी फामाक्याई लुक्सो़ ॱमीरुङा, लाक्पा ॱमीठुवा घीझ्येरी शाले?”
6धेनी येशुगी खुङक्याला सुवालाक, “खे शोक्पोक्याई कोरला, यस्याया ॱङो़नस्येखेनगी ताई देरे ढीक्दुक,
‘दे मीक्याई ङाला खाने च्यीगा घुस्याप झ्यीदालाक,
हीना खुङक्याई सेम ङाने थाक्रीङा दुक।
7ङाला क्षो मेताला क्षाक्क्षो़पा झ्यीदालाक,
हीना खुङक्याई ॱलापच्याक्या मीगी ॱलाप्ला तावा च्यीगा लाक।’#यस्याया २९:१३
8“खेक्या को़न्क्षोकगी काला भोरती मीगी लुक्सो़गो ॱरुङालाक।”
9येशुगी खुङक्याला याङ सुवालाक, “खेक्या राङगी लुक्सो़ला ॱरुङक्योप झ्यीयेला, को़न्क्षोकगी काक्याला ङोलोक झ्यीयेगी लाम्गा घा च्यीक जोरदुक। 10मोशेगी सुङ हो़तालाक, ‘राङगी फामाला घुस्याप झ्यी’#धेप्थो़न २०:१२; काठीम ५:१६ धेनी ‘राङगी फामागी कोरला ॱमेटा पाप्कीनक्याला से घो़गीलाक।’#धेप्थो़न २१:१७; लेवी २०:९ 11हीना खेक्या देरे ॱनालाक, ‘मी च्यीकगी राङ फामाला पु घोयेगो कोरबान (को़न्क्षोकला क्षो़पा पुपा) लाक’ ॱनेरी फामाला ॱनाना, 12खेक्याई खोला खोरी फामागी क्षीला घीया झ्यीदु ॱमीच्युक्वालाक। 13दुक झ्येरी खेक्या खेरी चीरी होवा लुक्सो़ला, ॱरुङदी श्याक्ती को़न्क्षोकगी कागो मेताला ताङालाक। धेनी खेक्या देरे च्योक्रे लेगा श्येम्माक्या झ्यीदालाक।”
सेम्ङीगी चाङमागी कोरला
(मेथा १५:१०-२०)
14याङदा येशुगी मीछोकला खोङबाचारु भो़या जेदी सुवालाक, “खे घीरी ङाला ङेन धेनी ॱहाघोरा झ्यी, 15फीने खोक्पा नाङदु जुगीन घीन्दागी, मीला ॱमेचाङा शोगीमालाक हीना खोक्पा नाङने फीला थो़न्गीनक्याई मीला ॱमेचाङा शोवालाक। 16[आमच्योक हो़गीनक्याई ङेन्दी ॱहाघोरास्योक।]#७:१६ गीरीक धेप रीङगाला दे छीक दे मेतालाक।”
17धेनी मीमाङक्याला भोरती, येशु नाङदु फेई घाङला खोङबागी ङेनेक्याई खोङबाला होदे पेगी कोरला श्यी़वालाक। 18येशुगी खुङक्याला सुवालाक, “खेक्याः हुरे ॱलेन्दा ले? फीने खोक्पा नाङदु जुगीन घीन्गीया, होदे मीला ॱमेचाङा मेशोगीलाक ॱनेरी खेक्याला क्षा मेते? 19घीझ्येरी ॱनाना होदे खी़ सेमला मेन्दा, फोवाला डोवालाक धेनी होदे फीला थो़न्दालाक।” (देरे सुरी येशुगी शामा घीरी चाङमा लाक सुरी सेटाक जेपालाक।)
20धेनी खोङबागी याङ सुवालाक, “मीगी खोक्पा नाङने थो़न्गीनगी, खोला ॱमेचाङा शोवालाक। 21घीझ्येरी ॱनाना मीगी खोक्पा नाङने साम्लो ङेन्पाक्या धाङ छेउछेमु झ्यीगीन धाङ कुमा कुये धाङ मी सेये धाङ 22लोक्येम धाङ ॱहाम्बा धाङ ङेन्पा धाङ गोकोर धाङ दो़छाक धाङ ठादोक धाङ ठामा धाङ ङागेल धाङ ॱलेन्पाक्या थो़न्दालाक। 23दे लेगा ङेन्पा घीरी, खोक्पा नाङने थो़न्दालाक धेनी देक्याई मीला ॱमेचाङा शोवालाक।”
सीरीया फोनीकेगी केमी च्यीकगी धेपा
(मेथा १५:२१-२८)
24होदेने श्येङदी, येशु ताएर धाङ सीदोनगी युछोकला फेप्पालाक। खोङबा खाङबा नाङदु फेप्पालाक धेनी राङ होदुरु ॱलेप्कीनगो सुला ॱहाघोतु च्युक्ङी मादो़पालाक। हीना खोङबा हीप ॱमाथुक्पालाक। 25होदे घाङलाराङ ॱनो़पा जुजा, भोमो च्यीमे च्यीकगी आमा च्यीकगी खोङबागी कोरला ॱहाघोरती, खोङबागी कुम्दीनदु होरी क्षाक छावालाक। 26धा मो सीरीयागी फोनीकेरु केक्या याहुदापा मेन्गीन, केमी च्यीक लाक। धेनी मोरी भोमी नाङगी ॱनो़पा तो़न्रोजे ॱनेरी, मी़ येशुला श्यी़वालाक।
27खोङबागी मोला सुवालाक, “धाङपो टुवाक्याला शामा शारु च्युक घीझ्येरी ॱनाना टुवागी शामा ठोक्ती, कीला तेरना घा मालाक।”
28हीना मी़ ॱनेवालाक, “लाक चोवो, घीहीन्ना चोक्चे होकगी कीक्यागीयाः टुवागी शामा ल्हीम्लाक्या शालाक।”
29धेनी येशुगी मोला सुवालाक, “ख्यी़ देरे ॱनेरी, धा ख्यो़ नाङला सोङ। ख्यी़ भोमो नाङने ॱनो़पा थो़न्सादुक।” 30धेनी मो खीमदु ॱलेप्ती मोरी भोमोने ॱनो़पागो थो़न्सारती, ङ्याजारु ङ्यारी धेता थोवालाक।
मी घोवा च्यीक चो़गा झ्युवा
31धेनी येशु ताएर युछोकने लोक्ती, सीदोनने झ्युरी देकापोलीसगी युछोकने, गालीलगी ग्याछो स्योकला फेप्पालाक। 32होदुरु मीक्याई आमच्योक मेघोरकीन धाङ लाब ताङ ॱमीथुप्कीन मी घोवा च्यीकला खेरती होरी, खोङबागी क्षाक जेदी चो़गा जेरोनाङ ॱनेरी येशुला श्यी़वालाक। 33धेनी खोङबागी खोला मीमाङक्याने ॱहाला ठीया जेदी, खी़ आमच्योक नाङदु राङगी क्षाक्जुप चुवा जेपालाक। धेनी राङगी क्षाकला ज्याक्छाप तोरती खी़ च्येमोला जी़वालाक। 34धेनी खोङबागी नाम्खा स्योकला शीक्ती, उप स्युक जेदी खोला सुवालाक, “एफ्फाथा!” होदे ॱनाना, “भेवा स्योक।” 35उक्कुरा च्यीकला खी़ आमच्योक भेवालाक धेनी च्येमोगो डोवालाक धेनी खो लाब स्यारी ताङ थुप्कीन झ्युवालाक। 36धेनी येशुगी खुङक्याला दे लाब सुला ॱमाना, सुरी का ॱनावालाक। हीना खोङबागी सुङगीनने ल्हाक, खुङक्याई होदे लाब दे टाम्बालाक। 37खुङक्या ॱमीच्यीकी ॱहालेरी ॱनेवालाक, “खोङबागी घीरी शाङा जेदुक। खोङबागी आमच्योक मेघोरकीनला घोरकीन धाङ लाब ताङ ॱमीथुक्कीनला ताङ थुप्कीन जेदुक।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society