Jon 17
17
1Iesu netereni nar min uk, an neteretaget le neai mameni, Tata, aur reknua; ol nevitan kam Nerum, moma Nerum terepol nevitan kam ik.
2Rolkoma namofen kam in nesanenan to neremim petum, moma terofen nemihwan lilen kam nerem ik namofen ilar kam in.
3An in uk nemihwan lilen moma takarhinatin ik, Wuhgin karena parhien, mene ierem ik nehmalipa, Iesu Kristo.
4Io iaknol nevitan kam ik le ten uk, iaknol petum nar ik namofa kam io moma tiakol.
5An towe ol nevitan kam io atu lam Tata, le nevitan iemamos kalau min ik aupan ten tereparik.
6Iamhinhin netigam to neremim ik namofa kam io le ten. Ilar taham an namofa ilar kam io, an ilar kenarol nakaran taham.
7An ilar kenarhinatin towe mama nar min ik namofa kam io remsipena lam.
8Mero in ka nakaran ik namofa kam io, iaknofen kam ilar; an ilar kenaros marhinatin parhien mama io iemsipena lam, an kenani nuparhienan lam mama nehmalipa io.
9Io tiakahrapuk to ilar; tiesehrapukan to ten uk, mero to nerem ik namofa kam io, mero in ka ilar taham min.
10An nar min tahak taham mun, an nar min taham tahak mun, an io tiakos nevitan le ilar.
11An io tiesarikan mun le ten uk, an ilar uk kamairik le ten uk, an io tiakuna tonik. Tata Ausim, ahmena ilar le netigam, nerem namofa ilar kam io, moma tapol ilar karena kama kalau.
12Loanian iamemarik to ilar iememahm ut ilar le netigam nerem namofa kam io; an iemamakou ilar, an ker le ilar remeseluean, mero in am neri neluean, moma nawowa terepet.
13Mero towe tiakuna tonik, an iakameni nar min uk le ten uk moma teparos nagienan tahak terepet le nekin ilar.
14Io taknofen kam ilar nakaran taham, an ten uk ramakin ilar mero in ka resolan moma ilar taha ten uk, rolkoma io iesolan moma taha ten uk.
15Tiesehrapukan moma tenakosita ilar to ten uk, mero moma tenakamahmena ilar to ierem itat.
16Resolan moma ilar taha ten uk rolkoma io iesolan moma taha ten uk.
17Ol liar kaiusim le nuparhienan; nakaran taham in nuparhienan.
18Rolkoma ik nehmalipa io le ten uk, rol mok lan io iehmalipa ilar le ten uk.
19An tiakol ausim atu io to ilar, moma tapol ilar mun kaiusim le nuparhienan.
20Tieserhapukpusenaman to ilar uk, mero to ilar mun nerem tepani nuparhienan lak mero in ka le nakaran tenilar;
21Moma tapol ilar min karena, rolkoma, ik, Tata, nakamarik lak, an io lam, moma ilar mun teparik le kalau, moma ten uk tereni nuparhienan lan moma ik nehmalipa io.
22An iaknofen kam ilar nevitan ik namofa kam io, moma tapol ilar karena rolkoma kalau karena,
23Io le ilar an ik lak, moma tapol ut petum ilar le karena, moma ten uk terhinatin moma ik nehmalipa io, ma molkeikei ilar rolkoma nemolkeikei io.
24Tata, nerem ik, namofa kam io iakolkeikei moma iken io iken ilar mun tepairik tonio, moma tepaihm nevitan tahak ik namofa kam io, mero in ka namolkeikei io aupan le nerwowuna ten.
25Tata matu, ten uk remeshinatinan ik, mero io iemhinatin ik, an ilar uk kenarhinatin mama ik nehmalipa io,
26An iamhinhin netigam to ilar an tiafhinhin, moma nolkeikeian ierem namolkeikei io lan teramarik le ilar, an io le ilar.
Currently Selected:
Jon 17: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
Jon 17
17
1Iesu netereni nar min uk, an neteretaget le neai mameni, Tata, aur reknua; ol nevitan kam Nerum, moma Nerum terepol nevitan kam ik.
2Rolkoma namofen kam in nesanenan to neremim petum, moma terofen nemihwan lilen kam nerem ik namofen ilar kam in.
3An in uk nemihwan lilen moma takarhinatin ik, Wuhgin karena parhien, mene ierem ik nehmalipa, Iesu Kristo.
4Io iaknol nevitan kam ik le ten uk, iaknol petum nar ik namofa kam io moma tiakol.
5An towe ol nevitan kam io atu lam Tata, le nevitan iemamos kalau min ik aupan ten tereparik.
6Iamhinhin netigam to neremim ik namofa kam io le ten. Ilar taham an namofa ilar kam io, an ilar kenarol nakaran taham.
7An ilar kenarhinatin towe mama nar min ik namofa kam io remsipena lam.
8Mero in ka nakaran ik namofa kam io, iaknofen kam ilar; an ilar kenaros marhinatin parhien mama io iemsipena lam, an kenani nuparhienan lam mama nehmalipa io.
9Io tiakahrapuk to ilar; tiesehrapukan to ten uk, mero to nerem ik namofa kam io, mero in ka ilar taham min.
10An nar min tahak taham mun, an nar min taham tahak mun, an io tiakos nevitan le ilar.
11An io tiesarikan mun le ten uk, an ilar uk kamairik le ten uk, an io tiakuna tonik. Tata Ausim, ahmena ilar le netigam, nerem namofa ilar kam io, moma tapol ilar karena kama kalau.
12Loanian iamemarik to ilar iememahm ut ilar le netigam nerem namofa kam io; an iemamakou ilar, an ker le ilar remeseluean, mero in am neri neluean, moma nawowa terepet.
13Mero towe tiakuna tonik, an iakameni nar min uk le ten uk moma teparos nagienan tahak terepet le nekin ilar.
14Io taknofen kam ilar nakaran taham, an ten uk ramakin ilar mero in ka resolan moma ilar taha ten uk, rolkoma io iesolan moma taha ten uk.
15Tiesehrapukan moma tenakosita ilar to ten uk, mero moma tenakamahmena ilar to ierem itat.
16Resolan moma ilar taha ten uk rolkoma io iesolan moma taha ten uk.
17Ol liar kaiusim le nuparhienan; nakaran taham in nuparhienan.
18Rolkoma ik nehmalipa io le ten uk, rol mok lan io iehmalipa ilar le ten uk.
19An tiakol ausim atu io to ilar, moma tapol ilar mun kaiusim le nuparhienan.
20Tieserhapukpusenaman to ilar uk, mero to ilar mun nerem tepani nuparhienan lak mero in ka le nakaran tenilar;
21Moma tapol ilar min karena, rolkoma, ik, Tata, nakamarik lak, an io lam, moma ilar mun teparik le kalau, moma ten uk tereni nuparhienan lan moma ik nehmalipa io.
22An iaknofen kam ilar nevitan ik namofa kam io, moma tapol ilar karena rolkoma kalau karena,
23Io le ilar an ik lak, moma tapol ut petum ilar le karena, moma ten uk terhinatin moma ik nehmalipa io, ma molkeikei ilar rolkoma nemolkeikei io.
24Tata, nerem ik, namofa kam io iakolkeikei moma iken io iken ilar mun tepairik tonio, moma tepaihm nevitan tahak ik namofa kam io, mero in ka namolkeikei io aupan le nerwowuna ten.
25Tata matu, ten uk remeshinatinan ik, mero io iemhinatin ik, an ilar uk kenarhinatin mama ik nehmalipa io,
26An iamhinhin netigam to ilar an tiafhinhin, moma nolkeikeian ierem namolkeikei io lan teramarik le ilar, an io le ilar.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.