Luk 1
1
1Mero in ka neremim rapus keneihlaupen nelimin ilar lan to neraian mausitoetuatuan in naremnar min kenamol petum le nekitar.
2Rolkoma ilar kamarofa kam katar, ilar nerem kamaihm le nemrin ilar mamarol atkokun nar to nakaran le nerwowunan.
3Iakama ravit mun tonio, mero in ka iemarouarou etuatu naremnar min resipe le nerwowunan, moma tiakrai esas lan kam ik, Theofilas ut aken,
4Moma tenakhinatin ut nuparhienan le nakaran min kenetikun ita ik lan.
5Le nian taha Harod ieremera Judia ierem le nuhwasigenan ker, netigen Sakaraias, ierem le nahuto taha Abaija, an ramos beravin tahan le namipu Eron, an netigen Elisabeth.
6An ilau kiten kamuavit le nemri Wuhgin, mamuavan le nowa min mene nar matu min te Ieremera, nipili nar remuka to ilau.
7An nerin ilau remuka, mero in ka Elisabeth remakanik, an ieruman reknahigal an beravin lan rekneberahigal mun.
8An ramol atkokun nar le nuhwasigenan le nemri Wuhgin le nian te nahuto tahan,
9Rolkoma tehwaga te nerem kamarol atkokun nar to nuhwasigenan, an nimtatin neterua ton moma teruan le nimwa ahwak muvanakru nar nemieuan ravit.
10An nahuto min le neremim kamameihwak ilua le nian te nuvanakruan nar nemieuan ravit.
11An agelo te Ieremera neterier ton mamail le neutain matu iken kavanakru nar nemieuan ravit iken.
12An Sakaraias neterahm an tipil neterakahmo in, an naginan neterampen lan.
13An agelo netereni ton, Asaginan, Sakaraias, mero in ka nahwakan taham kenerou, an nuaiam Elisabeth terepuaih nerin kam ik, an tenepaunin netigen moma Jon.
14An tenepagien magien asul aken, an neremim rapus tepaigien le naitan tahan.
15Mero in ka in terepol ierem asul lan le nemri Ieremera, an terepesamnuman wain mene nar kamapus lan, an Nanumun Ausim terepetiauh lan le nepitu inen.
16An terepalelin nereri Israel ribor to Ieremera Wuhgin tenilar.
17An in terepavan aupan lan le nanumun mene el nesanenan taha Ilaija, moma terepalelin neki remin ilar min to nererin ilar min, mene nerem kasarolan nowa moma takairik le nalbakauan te neremim ut, moma terepinapina in neremim karol itat to Ieremera.
18An Sakaraias netereni to agelo, Neta tiefhinatin nar uk lan? Mero in ka io iaknahigal an nuaiok rekneberahigal.
19An agelo neteraram menipen ten, Io Kebriel iakamail le nemri Wuhgin, an kahnalipa io moma tiakakar kam ik mausito in nar ut min uk ton ik.
20An ahm ru, nekim terepuka an tenepetiktik am nakaran meroatis nian nar min uk tokol, mero in ka nemesenian nuparhienan le nakaran min tahak, ierem min tapol ilar le nian tenilar.
21An nahuto kameitanin Sakaraias an nanumun ilar neterakamuka to narikiakisan tahan le nimwa ahwak.
22An neterier metiktik am nakaran kam ilar, an netakarhinatin mama reknahm nar pa le nimwa ahwak; an netramakar le nelimin kam ilar, an nekin remamuka ena.
23An nian te nolatkokunan nar tahan naunin, neteruan le nimwa tahan.
24An naremnar min uk neterua muan, an nuain Elisabeth netersinen; an neteramarik maniwan meroatis mouk katilum, mameni moma,
25Rol mok lan Ieremera ramol kam io loanian ramahm io moma terosita naulisan tahak le neki neremim.
26An le mouk ierem rol katilum makarena Wuhgin rehmalipen agelo Kebriel to nauanu Kalili ierem netigen Nasareth,
27To beravin ramamavan am kamameni ieremim ker lan netigen Josef le namipu Devid, an netige beravin ramamavan am ka Meri.
28An neterua imwa ton mameni, Agien, ik beravin kamol nolkeikeian ribor tonik, Ieremera ramarik ton ik.
29Mero tipil neterakahmo in to nakaran ka, an nekin neterakahmo moma nakarvian to neta uk?
30An agelo netereni ton, Asaginan, Meri, mero in ka neknos nolkeikeian to Wuhgin.
31An ahm ru, tenepsinen in le netipam an tenepuaih nerum, an tenepaunin netigen moma Iesu.
32In terepibor, an tapeni lan kama Neri Ierem Iles aken; an Ieremera Wuhgin terepofen kam in thron taha remin Devid.
33An tereperemera le namipu Jekob le nowa nu min petum; an niko tahan terepesikean.
34An Meri netereni to agelo, Nar uk teretua mol, mero in ka iakatiktik ieruman.
35An agelo neteraram menipen ton, Nanumun Ausim terepua tonik, an nesanenan te Ierem Iles aken tereperkanipus lam. Mero in ka le nar uk nar tapuaih tepeni lan moma rausim, Neri Wuhgin.
36An ahm ru, Elisabeth piam in mun remsinen in kova le neverahigelan tahan, an in uk mouk ierem rol katilum makarena le ierem kamameni moma iakanik.
37Mero in ka resolan moma nakaran ker taha Wuhgin terepapou.
38An Meri netereni, Ahm ru iolatkokun nar te Ieremera; pas tapol kam io rolkoma nakaran taham. An agelo neterapas in makavan.
39An Meri neterermig le nian ka muan hwaihwai am le towar le nauanu te Juda.
40An neteruan le nimwa taha Sakaraias, an neterake kam Elisabeth.
41An Elisabeth netererou nakean taha Merl, an kova neterarpiko le netipun, an Elisabeth nekin neteret le Nanumun Ausim;
42An neterakar le nakarapahman mameni, Ik beran keikei le neki neberavin an ierem keikei ierem ramakil le netipam.
43An retol nar uk terua tonio moma ine Ieremera tahak terua tonio?
44Mero in ka ahm ru, noia nakeau taham reknua le nepagtelegok an kova ramarpiko le nagienan le netipok.
45An beran keikei ierem rameni nuparhienan lan, mero in ka tapol parhien nar min kameni ton le Ieremera.
46An Meri netereni,
Nekiuk rameni vivi Ieremera,
47An nanumok reknagien le Wuhgin ierem teros miuh io;
48Mero in ka ramahmpen navanmerukan te iolatkokun nar tahan,
Mero in ka ahm ru, towe mene nepsen neremim petum tepani mama io beran keikei.
49Mero in ka Ierem resanen reknol narepuk min lak,
An Netigen rausim.
50An nolkeikeian tahan ramarik to nepsen neremim min mene nepsen neremim min,
To nerem kamarignin in.
51Reknol asanen nar le nelimin,
Reknos arir nerem kaiusit ilar le nar nekin ilar rakahmo min;
52Reknos iau neremera le thron tenilar meknosit nerem nekin ilar remeruk.
53Reknofen hnepusan le nar ut min kam nerem kamaimek, an rekhnalita nerem nauta tenilar ribor kasarosan nar.
54Reknasitu le Israel iolatkokun nar tahan,
Moma nekin terakahmo nolkeikeian tahan,
55Rolkoma rameni to riputar min,
To Ebraham mene mamipun le nowa nu min.
56An Meri neteramarik ilau min rolkoma mouk kisil, an neterelegpen mun imwan ena.
57An nian taha Elisabeth neterahwapen to nuaihan an neteruaih nerin.
58An nerem kamairik iwaket mene namin imwan min netakairou mama Ieremera reknol nolkeikeian asul tahan ton, an netakamaigien ton.
59An nian neterol katilum mekisil netakarua mama takaisigipen kova, an netakama takaiunin lan netige remin, Sakaraias.
60An inen neteraram meni, Kapa, mero tepaunin netigen kama Jon.
61An netakani ton, Resolan moma ieremim ker le namin imwam kamaunin mok netigen.
62An netakarut in nemrin ilar kam remin mama rolkeikei moma teraunin pehe kam in.
63An netererhapuk to nar tererai lan, an netererai moma, Netigen in Jon. An nanumun ilar neterika ton.
64An ihwe am hnulin netakatita mene mamin, an netarakar mameni vivi Wuhgin.
65An naginan neterua to nerem kamairik iwaket to ilar; an nakaran min uk netakausito apagapag in le towar min Judia.
66An nerem kamairou min netakaihlau le nekin ilar mamani, Mero kova uk terepua le neta? Mero in ka nelimi Ieremera ramarik lan.
67An Sakaraias remin nekin neteret iauh le Nanumun Ausim an neterametikun mameni,
68Pas kani vivi Ieremera Wuhgin te Israel,
Mero in ka reknua mahm neremim min tahan, an reknol nevitean ilar.
69An reknerkit nebat te nemihwan to katar
Le nimwa te Devid iolatkokun nar tahan.
70Rolkoma rameni le hnuli profeta ausim min tahan nerem le nerwowuna ten,
71Nemihwan to tetar tikimer min mene to nelimi nerem min kamaimakin katar,
72Moma terol nolkeikeian to remitar min.
An moma nekin terakahmo nimtatin ausim tahan,
73Noanavel ierem ramos to Ebraham riputar,
74Moma terofa kam katar moma tapos miuh katar le nelimi tetar tikimer min,
Moma takarol atkokun nar ton mesariginan.
75Le neremausiman mene tehwaga matu le nemrin le nian min tetar.
76An ik, kova, tepeni moma profeta te Ierem Iles aken,
Mero in ka tenepaupan le nemri Ieremera moma tenakol ut suatu min tahan.
77Moma tenakofen hninatinan nemihwan kam neremim min tahan
Le nositean tehwaga tat tenilar,
78Mero in ka le nolkeikeiasulan te Wuhgin tetar,
Moma loanpuspusan iles terepua to katar,
79Moma terasiakapun nerem kamaiwata le napinapan mene le natipisan te nemisan,
An moma terir nelikitar le suatu te nemelinuan.
80An kova neteribor, an neteresanen le nanumun, an neteramarik leluan meroatis nian to nhinhinan in to Israel.
Currently Selected:
Luk 1: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
Luk 1
1
1Mero in ka neremim rapus keneihlaupen nelimin ilar lan to neraian mausitoetuatuan in naremnar min kenamol petum le nekitar.
2Rolkoma ilar kamarofa kam katar, ilar nerem kamaihm le nemrin ilar mamarol atkokun nar to nakaran le nerwowunan.
3Iakama ravit mun tonio, mero in ka iemarouarou etuatu naremnar min resipe le nerwowunan, moma tiakrai esas lan kam ik, Theofilas ut aken,
4Moma tenakhinatin ut nuparhienan le nakaran min kenetikun ita ik lan.
5Le nian taha Harod ieremera Judia ierem le nuhwasigenan ker, netigen Sakaraias, ierem le nahuto taha Abaija, an ramos beravin tahan le namipu Eron, an netigen Elisabeth.
6An ilau kiten kamuavit le nemri Wuhgin, mamuavan le nowa min mene nar matu min te Ieremera, nipili nar remuka to ilau.
7An nerin ilau remuka, mero in ka Elisabeth remakanik, an ieruman reknahigal an beravin lan rekneberahigal mun.
8An ramol atkokun nar le nuhwasigenan le nemri Wuhgin le nian te nahuto tahan,
9Rolkoma tehwaga te nerem kamarol atkokun nar to nuhwasigenan, an nimtatin neterua ton moma teruan le nimwa ahwak muvanakru nar nemieuan ravit.
10An nahuto min le neremim kamameihwak ilua le nian te nuvanakruan nar nemieuan ravit.
11An agelo te Ieremera neterier ton mamail le neutain matu iken kavanakru nar nemieuan ravit iken.
12An Sakaraias neterahm an tipil neterakahmo in, an naginan neterampen lan.
13An agelo netereni ton, Asaginan, Sakaraias, mero in ka nahwakan taham kenerou, an nuaiam Elisabeth terepuaih nerin kam ik, an tenepaunin netigen moma Jon.
14An tenepagien magien asul aken, an neremim rapus tepaigien le naitan tahan.
15Mero in ka in terepol ierem asul lan le nemri Ieremera, an terepesamnuman wain mene nar kamapus lan, an Nanumun Ausim terepetiauh lan le nepitu inen.
16An terepalelin nereri Israel ribor to Ieremera Wuhgin tenilar.
17An in terepavan aupan lan le nanumun mene el nesanenan taha Ilaija, moma terepalelin neki remin ilar min to nererin ilar min, mene nerem kasarolan nowa moma takairik le nalbakauan te neremim ut, moma terepinapina in neremim karol itat to Ieremera.
18An Sakaraias netereni to agelo, Neta tiefhinatin nar uk lan? Mero in ka io iaknahigal an nuaiok rekneberahigal.
19An agelo neteraram menipen ten, Io Kebriel iakamail le nemri Wuhgin, an kahnalipa io moma tiakakar kam ik mausito in nar ut min uk ton ik.
20An ahm ru, nekim terepuka an tenepetiktik am nakaran meroatis nian nar min uk tokol, mero in ka nemesenian nuparhienan le nakaran min tahak, ierem min tapol ilar le nian tenilar.
21An nahuto kameitanin Sakaraias an nanumun ilar neterakamuka to narikiakisan tahan le nimwa ahwak.
22An neterier metiktik am nakaran kam ilar, an netakarhinatin mama reknahm nar pa le nimwa ahwak; an netramakar le nelimin kam ilar, an nekin remamuka ena.
23An nian te nolatkokunan nar tahan naunin, neteruan le nimwa tahan.
24An naremnar min uk neterua muan, an nuain Elisabeth netersinen; an neteramarik maniwan meroatis mouk katilum, mameni moma,
25Rol mok lan Ieremera ramol kam io loanian ramahm io moma terosita naulisan tahak le neki neremim.
26An le mouk ierem rol katilum makarena Wuhgin rehmalipen agelo Kebriel to nauanu Kalili ierem netigen Nasareth,
27To beravin ramamavan am kamameni ieremim ker lan netigen Josef le namipu Devid, an netige beravin ramamavan am ka Meri.
28An neterua imwa ton mameni, Agien, ik beravin kamol nolkeikeian ribor tonik, Ieremera ramarik ton ik.
29Mero tipil neterakahmo in to nakaran ka, an nekin neterakahmo moma nakarvian to neta uk?
30An agelo netereni ton, Asaginan, Meri, mero in ka neknos nolkeikeian to Wuhgin.
31An ahm ru, tenepsinen in le netipam an tenepuaih nerum, an tenepaunin netigen moma Iesu.
32In terepibor, an tapeni lan kama Neri Ierem Iles aken; an Ieremera Wuhgin terepofen kam in thron taha remin Devid.
33An tereperemera le namipu Jekob le nowa nu min petum; an niko tahan terepesikean.
34An Meri netereni to agelo, Nar uk teretua mol, mero in ka iakatiktik ieruman.
35An agelo neteraram menipen ton, Nanumun Ausim terepua tonik, an nesanenan te Ierem Iles aken tereperkanipus lam. Mero in ka le nar uk nar tapuaih tepeni lan moma rausim, Neri Wuhgin.
36An ahm ru, Elisabeth piam in mun remsinen in kova le neverahigelan tahan, an in uk mouk ierem rol katilum makarena le ierem kamameni moma iakanik.
37Mero in ka resolan moma nakaran ker taha Wuhgin terepapou.
38An Meri netereni, Ahm ru iolatkokun nar te Ieremera; pas tapol kam io rolkoma nakaran taham. An agelo neterapas in makavan.
39An Meri neterermig le nian ka muan hwaihwai am le towar le nauanu te Juda.
40An neteruan le nimwa taha Sakaraias, an neterake kam Elisabeth.
41An Elisabeth netererou nakean taha Merl, an kova neterarpiko le netipun, an Elisabeth nekin neteret le Nanumun Ausim;
42An neterakar le nakarapahman mameni, Ik beran keikei le neki neberavin an ierem keikei ierem ramakil le netipam.
43An retol nar uk terua tonio moma ine Ieremera tahak terua tonio?
44Mero in ka ahm ru, noia nakeau taham reknua le nepagtelegok an kova ramarpiko le nagienan le netipok.
45An beran keikei ierem rameni nuparhienan lan, mero in ka tapol parhien nar min kameni ton le Ieremera.
46An Meri netereni,
Nekiuk rameni vivi Ieremera,
47An nanumok reknagien le Wuhgin ierem teros miuh io;
48Mero in ka ramahmpen navanmerukan te iolatkokun nar tahan,
Mero in ka ahm ru, towe mene nepsen neremim petum tepani mama io beran keikei.
49Mero in ka Ierem resanen reknol narepuk min lak,
An Netigen rausim.
50An nolkeikeian tahan ramarik to nepsen neremim min mene nepsen neremim min,
To nerem kamarignin in.
51Reknol asanen nar le nelimin,
Reknos arir nerem kaiusit ilar le nar nekin ilar rakahmo min;
52Reknos iau neremera le thron tenilar meknosit nerem nekin ilar remeruk.
53Reknofen hnepusan le nar ut min kam nerem kamaimek, an rekhnalita nerem nauta tenilar ribor kasarosan nar.
54Reknasitu le Israel iolatkokun nar tahan,
Moma nekin terakahmo nolkeikeian tahan,
55Rolkoma rameni to riputar min,
To Ebraham mene mamipun le nowa nu min.
56An Meri neteramarik ilau min rolkoma mouk kisil, an neterelegpen mun imwan ena.
57An nian taha Elisabeth neterahwapen to nuaihan an neteruaih nerin.
58An nerem kamairik iwaket mene namin imwan min netakairou mama Ieremera reknol nolkeikeian asul tahan ton, an netakamaigien ton.
59An nian neterol katilum mekisil netakarua mama takaisigipen kova, an netakama takaiunin lan netige remin, Sakaraias.
60An inen neteraram meni, Kapa, mero tepaunin netigen kama Jon.
61An netakani ton, Resolan moma ieremim ker le namin imwam kamaunin mok netigen.
62An netakarut in nemrin ilar kam remin mama rolkeikei moma teraunin pehe kam in.
63An netererhapuk to nar tererai lan, an netererai moma, Netigen in Jon. An nanumun ilar neterika ton.
64An ihwe am hnulin netakatita mene mamin, an netarakar mameni vivi Wuhgin.
65An naginan neterua to nerem kamairik iwaket to ilar; an nakaran min uk netakausito apagapag in le towar min Judia.
66An nerem kamairou min netakaihlau le nekin ilar mamani, Mero kova uk terepua le neta? Mero in ka nelimi Ieremera ramarik lan.
67An Sakaraias remin nekin neteret iauh le Nanumun Ausim an neterametikun mameni,
68Pas kani vivi Ieremera Wuhgin te Israel,
Mero in ka reknua mahm neremim min tahan, an reknol nevitean ilar.
69An reknerkit nebat te nemihwan to katar
Le nimwa te Devid iolatkokun nar tahan.
70Rolkoma rameni le hnuli profeta ausim min tahan nerem le nerwowuna ten,
71Nemihwan to tetar tikimer min mene to nelimi nerem min kamaimakin katar,
72Moma terol nolkeikeian to remitar min.
An moma nekin terakahmo nimtatin ausim tahan,
73Noanavel ierem ramos to Ebraham riputar,
74Moma terofa kam katar moma tapos miuh katar le nelimi tetar tikimer min,
Moma takarol atkokun nar ton mesariginan.
75Le neremausiman mene tehwaga matu le nemrin le nian min tetar.
76An ik, kova, tepeni moma profeta te Ierem Iles aken,
Mero in ka tenepaupan le nemri Ieremera moma tenakol ut suatu min tahan.
77Moma tenakofen hninatinan nemihwan kam neremim min tahan
Le nositean tehwaga tat tenilar,
78Mero in ka le nolkeikeiasulan te Wuhgin tetar,
Moma loanpuspusan iles terepua to katar,
79Moma terasiakapun nerem kamaiwata le napinapan mene le natipisan te nemisan,
An moma terir nelikitar le suatu te nemelinuan.
80An kova neteribor, an neteresanen le nanumun, an neteramarik leluan meroatis nian to nhinhinan in to Israel.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.