Mark 15
15
1An ihwe am lakapnipin neremera le nuhwasigenan netakarol nuhwafugenan ilar nerem asul mene nerem kamatikun mene neremera min etahun, an netakalis Iesu marir maruan marofen kam Pailet.
2An Pailet netererhapuk ton, Ik Ieremera te Ju min wa? An neteraram mameni ton, Ik nakameni.
3An neremera le nuhwasigenan netakameitat in to nar min ribor.
4An Pailet netererhapuk mun ton mameni, Tenesaraman nar ker? Ahm ru, naremnar min kuhu kametitat ik lan.
5Mero Iesu resaraman mun nar ker, an Pailet nanumun neterika ton.
6An le nauganan asul ka ramerisin kam ilar ierem le nimwa iakis ker ierem ilar kameihrapkin.
7An ieremim ker netigen Barabas kamelis ilar nerem kamarol neluakenan, nerem kamahro nar ker le neluakenan.
8An nahuto netakaret marwowun meihrapkin mama terol nar rakamol ena kam ilar.
9An Pailet neteraram to ilar mameni, Nakarolkeikei mama tiakrisin kam kamiar Ieremera te Ju min?
10Mero in ka rhinatin moma neremera le nuhwasigenan kenaiuraipen in to nereran.
11An neremera le nuhwasigenan netakaisulasul nahuto mama trerisin am Barabas kam ilar.
12An Pailet neteraram mun mameni to ilar, Mero in ka neta tiapol to ierem nakamani mama Ieremera te Ju min?
13An netakani apahm mun, Uit le nik aluauin.
14An Pailet netereni to ilar, Mero in ka neta tehwaga tat ramol? An netakamaisak apahm puk aken mamani, Uit le nik aluauin.
15An Pailet rolkeikei moma terol ut neki nahuto netererisin Barabas kam ilar, an neterho Iesu mauraipen to neruitan.
16An Soldier min netakarir in maruan imwa le nimwa ierem netigen Pretorian, an netakaiunin afugen soldier min le nahuto ka.
17An netakarviu in le nar loulou, netakailel nul kasik malis tenkapa lan.
18An netakarwowun mameikar vi kam in, Agien, Ieremera te Ju min.
19An netakahro tenkapa le nuig mamaigh in, an netakarenum noulin ilar mameihwak kam in.
20An netakaiusan petum lan, an netakarosita nar loulou marviu in le napen tahan ena. An netakarir iatou in mama takaruit in.
21An netakarhiapatin ieremim ker Saimon, ierem Sairini ierem remsipen ibat mua makavan, remi Aleksander mene Rufas, moma tereles nik alauin tahan.
22An netakarir marua iken ker Kolkotha, kameni mok lan le nakaran uk, Ten in nevigkihla.
23An netakarofen kam in wain kamol pilpil le mer, mero in rapas.
24An netakaruit in, an netakaroti nar rameviu in lan, mamaitag nar ton mama karena kiten takaros neta?
25An aur neterol kisil, an netakaruit in.
26An nar kametat in ton kamrai lan, Ieremera te Ju min.
27An netakaruit iakihla kiu ihliel min, ker le nelimin matu mene ker le nelimin mul.
28An nawowa reknet ierem rameni, An kenahwin in le neki noletat.
29An nerem karua maipita netakameitat in, mamarutin nemrin ilar kam in, mamani, Eu, ik ierem nakamhwasesan nimwa ahwak mamol le nian kisil.
30Os miuh atu ik matite le nik aluauin.
31Rol mun mok lan neremera le nuhwasigenan netakaiusan lan to ilar min, ilar nerem kamatikun, mamani, Ramos miuh nerapusen, resesanenan to nosmiuhatuin.
32Pas Kristo Ieremera te Israel ratite towek le nik aluauin, moma takaihm mamani nuparhienan lan. An ierem mil kameruit ihlel min netakamuatat in.
33An aur neterol katilum makarena an napinapan neteratite mapinapusun petum ten meroatis aur katilum mekuer.
34An aur neterol katilum mekuer an Iesu neterasak le nakarapahman, Eloi, Eloi, Lama Sabakthani, kameni mok le nakaran uk, Tahak Wuhgin, tahak Wuhgin, retol nemapas io.
35An nevin le nerem kamailil iwaket netakairou netakani, Ahm ru, ramaunin Ilaija.
36An ker neterai muan marig spanj le vinekar neterol pen le nowa nuig mofen kam in moma teramnum, mameni, Arpas ra, pas kaihm ru mama Ilaija terua mos iau in wa kapa.
37An Iesu neterasak apahm, neteramighau.
38An napen le nimwa ahwak khapu mekiu, merwowun iles mua le noukarin.
39An Sentiurion ierem ramamail iwaket etuatu ton neterahm moma ramasak apahm maka lan mamighau, netereni, Nuparhien ieremim uk Neri Wuhgin.
40An neberavin mun nevin kamaretagpen isou, an le nekin ilar Meri Makdalini mene Meri ine Jems asuas mene Joses mene Salome,
41Ierem min kamairoupen in marol atkokun nar ton loanian ka in ramemarik Kalili; an neberavin nevin mun ierem min kamairoupen in maret marua Jerusalem.
42An reknapinap mero in ka nepinean, in ka nian raupan in nian ausim,
43Josef le Arimathia neterua, ierem asul vi ker, ierem in atu mun rametanin niko te Wuhgin, neteruan mesaginan to Pailet merhapkin nubalaki Iesu.
44An Pailet nanumun neterika ton moma reknemis ita, an neteraunin sentiurion mamehrapuk ton moma reknemis ita.
45An neterhinatin pen to sentiurion, neterofen nubalakin kam Josef.
46An neteros nemri napen tuan ker, neteros iau in, netereviu le napen tuan, an neterehlau in le nepag kamerai le kapiel, an neterhwinpen kapiel le nausilua le nepag.
47An Meri Makdalini mene Meri ine Joses netukuahm iken kamehlau in iken.
Currently Selected:
Mark 15: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
Mark 15
15
1An ihwe am lakapnipin neremera le nuhwasigenan netakarol nuhwafugenan ilar nerem asul mene nerem kamatikun mene neremera min etahun, an netakalis Iesu marir maruan marofen kam Pailet.
2An Pailet netererhapuk ton, Ik Ieremera te Ju min wa? An neteraram mameni ton, Ik nakameni.
3An neremera le nuhwasigenan netakameitat in to nar min ribor.
4An Pailet netererhapuk mun ton mameni, Tenesaraman nar ker? Ahm ru, naremnar min kuhu kametitat ik lan.
5Mero Iesu resaraman mun nar ker, an Pailet nanumun neterika ton.
6An le nauganan asul ka ramerisin kam ilar ierem le nimwa iakis ker ierem ilar kameihrapkin.
7An ieremim ker netigen Barabas kamelis ilar nerem kamarol neluakenan, nerem kamahro nar ker le neluakenan.
8An nahuto netakaret marwowun meihrapkin mama terol nar rakamol ena kam ilar.
9An Pailet neteraram to ilar mameni, Nakarolkeikei mama tiakrisin kam kamiar Ieremera te Ju min?
10Mero in ka rhinatin moma neremera le nuhwasigenan kenaiuraipen in to nereran.
11An neremera le nuhwasigenan netakaisulasul nahuto mama trerisin am Barabas kam ilar.
12An Pailet neteraram mun mameni to ilar, Mero in ka neta tiapol to ierem nakamani mama Ieremera te Ju min?
13An netakani apahm mun, Uit le nik aluauin.
14An Pailet netereni to ilar, Mero in ka neta tehwaga tat ramol? An netakamaisak apahm puk aken mamani, Uit le nik aluauin.
15An Pailet rolkeikei moma terol ut neki nahuto netererisin Barabas kam ilar, an neterho Iesu mauraipen to neruitan.
16An Soldier min netakarir in maruan imwa le nimwa ierem netigen Pretorian, an netakaiunin afugen soldier min le nahuto ka.
17An netakarviu in le nar loulou, netakailel nul kasik malis tenkapa lan.
18An netakarwowun mameikar vi kam in, Agien, Ieremera te Ju min.
19An netakahro tenkapa le nuig mamaigh in, an netakarenum noulin ilar mameihwak kam in.
20An netakaiusan petum lan, an netakarosita nar loulou marviu in le napen tahan ena. An netakarir iatou in mama takaruit in.
21An netakarhiapatin ieremim ker Saimon, ierem Sairini ierem remsipen ibat mua makavan, remi Aleksander mene Rufas, moma tereles nik alauin tahan.
22An netakarir marua iken ker Kolkotha, kameni mok lan le nakaran uk, Ten in nevigkihla.
23An netakarofen kam in wain kamol pilpil le mer, mero in rapas.
24An netakaruit in, an netakaroti nar rameviu in lan, mamaitag nar ton mama karena kiten takaros neta?
25An aur neterol kisil, an netakaruit in.
26An nar kametat in ton kamrai lan, Ieremera te Ju min.
27An netakaruit iakihla kiu ihliel min, ker le nelimin matu mene ker le nelimin mul.
28An nawowa reknet ierem rameni, An kenahwin in le neki noletat.
29An nerem karua maipita netakameitat in, mamarutin nemrin ilar kam in, mamani, Eu, ik ierem nakamhwasesan nimwa ahwak mamol le nian kisil.
30Os miuh atu ik matite le nik aluauin.
31Rol mun mok lan neremera le nuhwasigenan netakaiusan lan to ilar min, ilar nerem kamatikun, mamani, Ramos miuh nerapusen, resesanenan to nosmiuhatuin.
32Pas Kristo Ieremera te Israel ratite towek le nik aluauin, moma takaihm mamani nuparhienan lan. An ierem mil kameruit ihlel min netakamuatat in.
33An aur neterol katilum makarena an napinapan neteratite mapinapusun petum ten meroatis aur katilum mekuer.
34An aur neterol katilum mekuer an Iesu neterasak le nakarapahman, Eloi, Eloi, Lama Sabakthani, kameni mok le nakaran uk, Tahak Wuhgin, tahak Wuhgin, retol nemapas io.
35An nevin le nerem kamailil iwaket netakairou netakani, Ahm ru, ramaunin Ilaija.
36An ker neterai muan marig spanj le vinekar neterol pen le nowa nuig mofen kam in moma teramnum, mameni, Arpas ra, pas kaihm ru mama Ilaija terua mos iau in wa kapa.
37An Iesu neterasak apahm, neteramighau.
38An napen le nimwa ahwak khapu mekiu, merwowun iles mua le noukarin.
39An Sentiurion ierem ramamail iwaket etuatu ton neterahm moma ramasak apahm maka lan mamighau, netereni, Nuparhien ieremim uk Neri Wuhgin.
40An neberavin mun nevin kamaretagpen isou, an le nekin ilar Meri Makdalini mene Meri ine Jems asuas mene Joses mene Salome,
41Ierem min kamairoupen in marol atkokun nar ton loanian ka in ramemarik Kalili; an neberavin nevin mun ierem min kamairoupen in maret marua Jerusalem.
42An reknapinap mero in ka nepinean, in ka nian raupan in nian ausim,
43Josef le Arimathia neterua, ierem asul vi ker, ierem in atu mun rametanin niko te Wuhgin, neteruan mesaginan to Pailet merhapkin nubalaki Iesu.
44An Pailet nanumun neterika ton moma reknemis ita, an neteraunin sentiurion mamehrapuk ton moma reknemis ita.
45An neterhinatin pen to sentiurion, neterofen nubalakin kam Josef.
46An neteros nemri napen tuan ker, neteros iau in, netereviu le napen tuan, an neterehlau in le nepag kamerai le kapiel, an neterhwinpen kapiel le nausilua le nepag.
47An Meri Makdalini mene Meri ine Joses netukuahm iken kamehlau in iken.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.