IVA A’A ANU IAKI 2
2
1Penekoso lare aneaka’ane, oro uriria mako monou kaupukinave.
2Kaia mere rawre, kavaea ovara anu voakiri orau, emoki anenave, marea iki evoponave, oro i‐papa’amakei’inave.
3Kokorava anai, iau unu anai orau, omo paku ai erenave, oro monou monou upa mere papa’amakei’inave ane.
4Oro uriria Avaea Iaa evopoakei’inave, kairi voa e e kuruai oro pinai li’inave, orau Avaea iva ekunave voa e e kuruai.
5Ierusalema ai Isaraela a’a aki‐pokoimakei’inave, oro Vupu kamaia a’a kei’inave, pani va’au e e uriria mere oro aneaka.
6Ei rawre viriakei’inave ane, a’a aruru kaupukinave, oro varuavakei’inave, uku a’a kavakava virinave oro una voa kurumakei’inave.
7Oro uriria lai iakari‐eiakei’inave, varua’anave ane, erau voa ekinamakei’inave ane, Akoi’i, ei a’a voa e e kurumakina oro uriria Galilaia a’a peana?
8Enei eka’ama‐viri’i ene voa kavakava oro kurumakina?
9Enei varomo Paretia a’a, a’a mo Mede a’a, mo Elama a’a, mo Mekopotamia a’a, mo Iudea eiei a’a, mo Kapadokia a’a, mo Ponitia a’a anu voa, mo Asia a’a ane;
10Perugia a’a ane, Pamepulia a’a ane, Aikupito a’a ane, Libia Kurene a’a ane, kikoro a’a ane Roma mere, Isaraela a’a, omo apoa a’a ane,
11Kerete a’a, Arabia a’a ane, Eloi inu iaki re eiai ene voa e e oro kurumakina enei virinake.
12Oro uriria varuavakei’inave, lai iakari‐eiakei’inave ane, erau voa ekinamakei’inave, Ei opara anu miki oiana?
13A’a mo kekelimakei’?-?inave erau voa kurunave, Oro iri uru unu ere nawawrea evopoakeina.
14Petero iva a’a 11 kiripai oinave, u erau voa araro kuruenave, Iudea eiei a’a e, noro uriria awku Ierusalema ai pokoina, lai iakari pa miai ei awku eiai, noro eiekane na voa viriai:
15Noro kaika laikorana uku ei a’a eiai, oro ailo?-?avuavu keiape uku iri uru unu ere nawawrea eiai; lare enu ina pani eire.
16Ei awku eiai laikorava a’a Ioela erau voa kurunave;
17Eloi erau voa kuruna, Ika lare enu pani ai, na Avaea Nai orekavakana a’a uriria upa mere: nomo mere, pakoro ane, laikorava voa kuruakana, nomo roropaea avaea awku inamu‐eiakana, nomo umu a’a aiaro‐liakana:
18Na aivara upa mere, vaki, a’e ane, na Avaea Nai orekavakana kurua pani ai, laikorava voa oro kuruakana:
19Kaia ai momo’ore awku Nai ipekiakana, veia awku pani va’au ai; aro, iau ane, iana anu ururu ane:
20Lare muru evere’eakeiakana, ia aro evere’eakeiakana, Iehova anu lare, kurua lare re, ipawkiai:
21A’a kavakava Iehova anu nawi laeali’ina u iawkavakeiakana.
22Na voa viriai eiekane, Isaraela a’a e; Iesu Nasareta a’a, a’a Eloi mere okaiviriakei’inave, i iva veia, momo’ore awku ane, veia ane, noro awkono avao ai U evere’eakei’inave, i U Eloi liaka noro awkono avao ai noro ipali’ina:
23Eloi inu eni lai orau U piriakei’inave, i lai unuku a’a anu paioka iri keoa upa mere noro a’ane euna:
24U rokoai Eloi la‐oka’ane euna imua mere: uku imua U‐piriai ali’inavea.
25Uku U eiai Davida erau voa kurunave, panipani ai Iehova nai inamu‐ekiawkanave, uku U na eve miki mekai pokoina nai laikiakei?-?navaia:
26Ei uku eiai na umu kopai keina, na anai awku awni awkana; na kape awku araea’araea ai laikaiakana:
27Uku na imunu lauoi laru ai Ni ave’eapea, ni Iaa A’a pomoa‐miai Ni evere’eapea.
28Rokoa anu kapea Ni ipaikiane euna; ni paku ai Ni kopai‐ikavakana.
29Ovaki airavaki e, voa iki nai kurunaina uku mai?-?vaki Davida eiai, u imuakeina, i’iakeina ane, una lauoi enei ai eai uakeina,
30U laikorava a’a kei’inave, ipalimakei’inave Eloi kuruei voa kuruaka uku una kiri a’a eiai, U Keriso la‐okavakana una amua pakara upa mere pa’avai;
31U ei awku eni pani ai inamu‐oimakei’inave uku Keriso onu la’ava imua mere u kurunave, Una imunu lauoi ai U a’ave’enavea, Una kape awku pomoa‐a‐mi’inavea.
32Ei Iesu Eloi la‐oka’ane euna enei uriria ione a’a keina.
33I Eloi inu eve U mukua la‐okavakeina, maura‐voa Avaea Iaa Mai mere U miane euna, U oreka’ane euna ei awku noro eai inamu‐oina, virina ane.
34Uku Davida pani muku ai inavakape: a u erau voa kurunave, Iehova na Amua erau voa kurunave, na eve miki mekai Ni pa’ane,
35Anea’anea Ni mani Ni are pakara Nai evere’eiane.
36Ou uku eiai Isaraela kaki a’a uriria ipali’inameki, ei Iesu noro iri keoa upa mere a’ane euna, Eloi Amua, Keriso ane, are’eane euna.
37Uku ei voa eiai oro lai kukunukei’inave, Petero, iva a’a e ane, oro erau voa veve’einave, Ovaki airavaki e, enei oiama‐limau?
38Petero erau voa kuruenave, Lai urukine, noro kavakava bapatiso mi’ine Iesu Keriso onu nawi eiai uku namea anu pauea eiai, Avaea Iaa anu la’aruku noro miakana.
39Uku maura‐voa uakeina noro eiai, nomo ukua‐mere ane, oro uriria ane a mai i‐pokoina, a’a kavakava Iehova ene Eloi laea?-?elauakana.
40Voa aila mo u ioneli’inave, nawki‐ekanave ane, erau voa kurumakei’inave, Ei namea kiri a’a mere noro inakane.
41Oro una voa kopai pirimaroakoanave, oro bapatiso‐ekavakei’inave; kurua lare ai a’a 3,000 iva a’a anu kaupu roikiakei’inave.
42Iva a’a anu ipawkia voa oro kamaia‐lioko, Iesu unu purai opara oro oivirioko ane, nawki‐awkavai oro kaupukioko ane.
43A’a kavakava kore kei’inave, i Iva A’a momo’ore awku aila, veia ane liakei’inave.
44Pirimaroakoa a’a uriria kaupu pokoinave, awku uriria ipi’ipia oro mi’inave ane.
45Omo ka’e, omo aru ane, oro inaeali’inave, kavani moni oro kokoranave, a’a awkunave orau u oea rokoanave.
46Lare kavakava omoro marea ai oro lai monou kaupukinave, Iesu unu purai marea e e ai oro na’anave, lai kopai, voviri eria, omo pei oro na’anave.
47Eloi kepoimakei’inave, a’a aruru uriria mere oro avioia mimakei’inave. A’a U iekamakei’inave Amua ekalesia lare kavakava roikimakei’inave.
Currently Selected:
IVA A’A ANU IAKI 2: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
IVA A’A ANU IAKI 2
2
1Penekoso lare aneaka’ane, oro uriria mako monou kaupukinave.
2Kaia mere rawre, kavaea ovara anu voakiri orau, emoki anenave, marea iki evoponave, oro i‐papa’amakei’inave.
3Kokorava anai, iau unu anai orau, omo paku ai erenave, oro monou monou upa mere papa’amakei’inave ane.
4Oro uriria Avaea Iaa evopoakei’inave, kairi voa e e kuruai oro pinai li’inave, orau Avaea iva ekunave voa e e kuruai.
5Ierusalema ai Isaraela a’a aki‐pokoimakei’inave, oro Vupu kamaia a’a kei’inave, pani va’au e e uriria mere oro aneaka.
6Ei rawre viriakei’inave ane, a’a aruru kaupukinave, oro varuavakei’inave, uku a’a kavakava virinave oro una voa kurumakei’inave.
7Oro uriria lai iakari‐eiakei’inave, varua’anave ane, erau voa ekinamakei’inave ane, Akoi’i, ei a’a voa e e kurumakina oro uriria Galilaia a’a peana?
8Enei eka’ama‐viri’i ene voa kavakava oro kurumakina?
9Enei varomo Paretia a’a, a’a mo Mede a’a, mo Elama a’a, mo Mekopotamia a’a, mo Iudea eiei a’a, mo Kapadokia a’a, mo Ponitia a’a anu voa, mo Asia a’a ane;
10Perugia a’a ane, Pamepulia a’a ane, Aikupito a’a ane, Libia Kurene a’a ane, kikoro a’a ane Roma mere, Isaraela a’a, omo apoa a’a ane,
11Kerete a’a, Arabia a’a ane, Eloi inu iaki re eiai ene voa e e oro kurumakina enei virinake.
12Oro uriria varuavakei’inave, lai iakari‐eiakei’inave ane, erau voa ekinamakei’inave, Ei opara anu miki oiana?
13A’a mo kekelimakei’?-?inave erau voa kurunave, Oro iri uru unu ere nawawrea evopoakeina.
14Petero iva a’a 11 kiripai oinave, u erau voa araro kuruenave, Iudea eiei a’a e, noro uriria awku Ierusalema ai pokoina, lai iakari pa miai ei awku eiai, noro eiekane na voa viriai:
15Noro kaika laikorana uku ei a’a eiai, oro ailo?-?avuavu keiape uku iri uru unu ere nawawrea eiai; lare enu ina pani eire.
16Ei awku eiai laikorava a’a Ioela erau voa kurunave;
17Eloi erau voa kuruna, Ika lare enu pani ai, na Avaea Nai orekavakana a’a uriria upa mere: nomo mere, pakoro ane, laikorava voa kuruakana, nomo roropaea avaea awku inamu‐eiakana, nomo umu a’a aiaro‐liakana:
18Na aivara upa mere, vaki, a’e ane, na Avaea Nai orekavakana kurua pani ai, laikorava voa oro kuruakana:
19Kaia ai momo’ore awku Nai ipekiakana, veia awku pani va’au ai; aro, iau ane, iana anu ururu ane:
20Lare muru evere’eakeiakana, ia aro evere’eakeiakana, Iehova anu lare, kurua lare re, ipawkiai:
21A’a kavakava Iehova anu nawi laeali’ina u iawkavakeiakana.
22Na voa viriai eiekane, Isaraela a’a e; Iesu Nasareta a’a, a’a Eloi mere okaiviriakei’inave, i iva veia, momo’ore awku ane, veia ane, noro awkono avao ai U evere’eakei’inave, i U Eloi liaka noro awkono avao ai noro ipali’ina:
23Eloi inu eni lai orau U piriakei’inave, i lai unuku a’a anu paioka iri keoa upa mere noro a’ane euna:
24U rokoai Eloi la‐oka’ane euna imua mere: uku imua U‐piriai ali’inavea.
25Uku U eiai Davida erau voa kurunave, panipani ai Iehova nai inamu‐ekiawkanave, uku U na eve miki mekai pokoina nai laikiakei?-?navaia:
26Ei uku eiai na umu kopai keina, na anai awku awni awkana; na kape awku araea’araea ai laikaiakana:
27Uku na imunu lauoi laru ai Ni ave’eapea, ni Iaa A’a pomoa‐miai Ni evere’eapea.
28Rokoa anu kapea Ni ipaikiane euna; ni paku ai Ni kopai‐ikavakana.
29Ovaki airavaki e, voa iki nai kurunaina uku mai?-?vaki Davida eiai, u imuakeina, i’iakeina ane, una lauoi enei ai eai uakeina,
30U laikorava a’a kei’inave, ipalimakei’inave Eloi kuruei voa kuruaka uku una kiri a’a eiai, U Keriso la‐okavakana una amua pakara upa mere pa’avai;
31U ei awku eni pani ai inamu‐oimakei’inave uku Keriso onu la’ava imua mere u kurunave, Una imunu lauoi ai U a’ave’enavea, Una kape awku pomoa‐a‐mi’inavea.
32Ei Iesu Eloi la‐oka’ane euna enei uriria ione a’a keina.
33I Eloi inu eve U mukua la‐okavakeina, maura‐voa Avaea Iaa Mai mere U miane euna, U oreka’ane euna ei awku noro eai inamu‐oina, virina ane.
34Uku Davida pani muku ai inavakape: a u erau voa kurunave, Iehova na Amua erau voa kurunave, na eve miki mekai Ni pa’ane,
35Anea’anea Ni mani Ni are pakara Nai evere’eiane.
36Ou uku eiai Isaraela kaki a’a uriria ipali’inameki, ei Iesu noro iri keoa upa mere a’ane euna, Eloi Amua, Keriso ane, are’eane euna.
37Uku ei voa eiai oro lai kukunukei’inave, Petero, iva a’a e ane, oro erau voa veve’einave, Ovaki airavaki e, enei oiama‐limau?
38Petero erau voa kuruenave, Lai urukine, noro kavakava bapatiso mi’ine Iesu Keriso onu nawi eiai uku namea anu pauea eiai, Avaea Iaa anu la’aruku noro miakana.
39Uku maura‐voa uakeina noro eiai, nomo ukua‐mere ane, oro uriria ane a mai i‐pokoina, a’a kavakava Iehova ene Eloi laea?-?elauakana.
40Voa aila mo u ioneli’inave, nawki‐ekanave ane, erau voa kurumakei’inave, Ei namea kiri a’a mere noro inakane.
41Oro una voa kopai pirimaroakoanave, oro bapatiso‐ekavakei’inave; kurua lare ai a’a 3,000 iva a’a anu kaupu roikiakei’inave.
42Iva a’a anu ipawkia voa oro kamaia‐lioko, Iesu unu purai opara oro oivirioko ane, nawki‐awkavai oro kaupukioko ane.
43A’a kavakava kore kei’inave, i Iva A’a momo’ore awku aila, veia ane liakei’inave.
44Pirimaroakoa a’a uriria kaupu pokoinave, awku uriria ipi’ipia oro mi’inave ane.
45Omo ka’e, omo aru ane, oro inaeali’inave, kavani moni oro kokoranave, a’a awkunave orau u oea rokoanave.
46Lare kavakava omoro marea ai oro lai monou kaupukinave, Iesu unu purai marea e e ai oro na’anave, lai kopai, voviri eria, omo pei oro na’anave.
47Eloi kepoimakei’inave, a’a aruru uriria mere oro avioia mimakei’inave. A’a U iekamakei’inave Amua ekalesia lare kavakava roikimakei’inave.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.