Lukas 23
23
Yesus wolok Pilatus adema lagagwa wene
(Matius 27:1-2, 11-14; Markus 15:1-5; Yohanes 18:28-38)
1It Yakuri enawene amburup mbalisagwi menda anderogo yugu lagagwarik, avakwa homago ako ovok erogo mendek yiluk, Yesus vakbaluk Gubernur Pilatus#23:1: At Pilatus ako o propinsi Yudea Gubernur vagago welagagi. adema wolok lagagwa. 2Wolok lagu lagagwarik, enane huluk ova-ova yugu dugwit, “Ap yi, nit avakwa ovok nenavut dagalit lagya dugwit, ‘Ap inis ombok Kaisar o vagago agarik onggo yoparip pajak wogorup moga o. Henasin Inis Ombok Keretus An aro,’ yagan lagyama, heyakbagyo.”
3Yugugu lagagwama, at Pilatus en Yesus yugugu dugwit, “Ap Yakuri enasin inis ombok Harat a?”
Yugugu lagagimu, At Yesus en, “Yegen andi at.”
4Yugugu lagagimu, at Pilatus en it ap imam-imam enasini inim, avakwa wisane homago ako inim, yugirigya dugwit, “Ap yi, At avyarat weyak ogaga halok andi, At warup sek ovara, At ogaga ambi an mondok nil hegetek.”
5Yugeragagi ovara, it enane vanggo erogo hunik adigat yugu dugwit, “Dek. Ap yi, wene mamuleregek lagya dugwit, avakwa o Yudea menda ovok erogo o Galilea en o yi hudiat enavut dagalit landiga,” yiluk, yugogogwa.
Yesus Herodes adema lakbagagi wene
6Yugugwis ako at Pilatus aruk hunggu lagagirik, “At ap yi, Galilea menda ai?” yiluk, avakwa yugirigya lagagimu, 7“Yu,” yugogogwa. Yugugu lagagwama, Pilatus en ap inis ombok Herodes o Galilea vagago agarik yiluk, O Yerusalem sidok wagagirik werekma, aren Yesus owak dilupwak yiluk, adema lakbagagi.
8Lakbagagi lagya lagagimu, ap Herodes akoen Yesus ogarit lagya aruk hunggu lagagirik, “Inilup arup enalon werek menda ambi ogagya haik en ai, o muk en hogop imbita lagi,” atma, Yesus higya lagagirik, endawi adenggen imbitigi. 9Endawi adenggen imbita lagagirik, yi wene ndi wene wisane Yesus hemethagagi ovara, Yesus wene onggo yegetek mbuverek welagagi. 10Mbuverek werekma, it imam-imam enasini inim, it ap Ala wene vagago welagagwa menda inim, huluk ova-ova yugu dugwit, At ovaga bagu lagagwa. 11Eke, at Herodes aori enayegen werek inim Yesus wiyiknom-weyaknom erogo bagu dugwit, aganda yagagwa. Andi ovok okbagu lagagwarik, yum mondok segedok menda yikbaluk, eyami vaga Pilatus adema lakba wagagi. 12At Herodes Pilatus endak iperen ogorek welagagwa ovara, andi hudi iperen dambulagagwa.
“Yesus mondok warusogom,” yagagwa wene
(Matius 27:15-26; Markus 15:6-15; Yohanes 18:39—19:16)
13Yesus eyami vaga lakba wagagirikmu, at Pilatus en it ap imam-imam enasini inim, Yakuri ap ombok-ombok inim, avakwa ugun inim, homakbugu lagagirik, 14yugirigya dugwit, “Ap yi, avakwa enavut dagalit landiga yiluk, nadema wolok wagep ovara, henane At ovaga bagep ako, hinivaga owak dinggirikmu, At weyak ogaga halok andi At warup sek ovara, At weyak ogaga ambi an mondok nil hegetek. 15Eke, Herodes ogo, At weyak ambi ogagetek higya lagarik, eyami vaga lakba wagarikmu, weyak ogaguselok, enasagwi ovara, At weyak ambi mondok ogagetek o, yiluk, yukheraliga. 16Anderogo atma, asam hapwak yiluk, yo adigat warogo hekbayogon,” yiluk, yugeragagi.
17[Yugeragagi ako, Isogo Vasika isaguselok, ap heda mago ambi visilogo hekbagek ogagya lagagi atma, anderogo yugeragagi.]
18Wene ako yugirigya lagagimu, it ovok ambi vaga yugu dugwit, “A! Ap yi warogo bas. Ap Barabas visilogo hekbininin,” yugogogwa. 19Ap Barabas ako avakwa nin inim en, “Nenadik dogosogom,” yiluk, o kota andoma ndup ogagu dugwit, ap ambi watya lagagimu, heda magogo mabiselagwima mabagagwa werekma, yugogogwa.
20Yugugu lagagwama, at Pilatus en Yesus hekbaup imbita dugwit, ane elap mberen vaga it yugeragagi ovara, 21enane yandyak-handyak yugu dugwit, “At yo winik vaga lobalogo wakbas. Yo winik lobalogo wakbas.”
22Yugu lagagwama, at Pilatus en ane elap henggam vaga ambi inim yugirigya dugwit, “Nggarogo yiluk? At weyak ogaga ngga vaga yegep? Weyak ogaguselok enasagwi ovara, weyak ogaga eve ngga halok, ‘Warup,’ yagalagwi? At weyak ogaga ambi, an hegetekma, un asam hapwak yiluk yo warogo hekbayogon.”
23Yugeragagi ovara, yo winik vaga lobalogo bapwak yiluk, enane hunik adigat yandyak-handyak yugu dugwit, Pilatus ane ako sovalogo bagu lagagwama, 24at okbaup yugogogwa ako Pilatus en anggon imbita dugwit ovara, “Sek aro,” yiluk, yugeragagi. 25Yugirigya lagagimu, at ap, “Nenadik dogosogom,” yiluk, ndup ogagya dugwit, ap watya lagagimu, heda magogo mabiselagwima mabagagwa ako, “Visilogo hekbininin,” yugogogwa ako visilogo wibagagi ovara, Yesus andi, it umbutugwa ako ndatak okbapwak yiluk, wogeragagi.
Yesus yo winik vaga lobabagagwa wene
(Matius 27:32-44; Markus 15:21-32; Yohanes 19:17-27)
26Wogorigya lagagimu, vagakluk lagu dugwit, ap ambi inis Simon awi Kirene menda, weram en endawi ugun o kota akoma nunggu wagyama, vagarogo yo winik ako Yesus ambetaga wolok lapwak yiluk, omado vaga bagagwa.
27It avakwa wisane At amusek lagu dugwit, akwa ninen ayup yagwi, eneyave wakhidugwi, ogarit inim lagagwa. 28Ogarit lagusim, At Yesus elokwe endenogo biginigu lagagirik, it yugirigya dugwit, “Hit akwa O Yerusalem menda yi, An nayup yarubuk. Ata, hit heneyagi hinim henayup yakhidugu dogones. 29[Anggin henovaga arisogon atma,] it avakwa en yugu dugwit, ‘Akwa wimbu inim, eneyak betelagwidek inim, idak wogerelagwi inunggut inim, enadenggen ombasagwi o,’ yiluk, yugu dogop hudi wasogon, yukheraliga.”
30 #
Hosea 10:8 yokhanes. “Andi hudi it avakwa en ndom ombok yugugu dugwit, ‘Endenogo sopalogo bininin o,’ yiluk, yugugwis, eke, ndom maduk yugugu dugwit, ‘Neneyave sovalogo bininin o,’ yiluk, yugugwis, ogarusogom. 31Andi, avakwa en yo iluk hegek anderogo okbaguselok, yo mbuk agya halok, nggarogo okbaup embetep?” yiluk yugeragagi.#23:31: Adem ayat yi, yo iluk andi Yesus, At weyak ogagetek. Eke yo mbuk andi, avakwa weyak ogasagwi menda. Yesus weyak ogagetek ovara edup-mbedup okbagagwa halok, it weyak ogasagwi menda nggarogo okbaup ombasagwi? It evenuk weyak okbugugu dogosogom.
32Yesus vagakluk lagu dugwit, it ap weyak ogasagwi menda eneyave mberen Yesus inim enaruguluk, vaginiviluk lagagwa. 33Vaginiviluk o inis Unggul Owakma akoma lagu lagagwarik, At Yesus it ap weyak ogasagwi ako inim yo winik vaga paku lobalogo bugu dugwit, ambi inggis amot vikit bagwi, ambi inggis hware vikit bagwi, ogarogo bogogwa. 34Lobalogo bugu lagagwama, At Yesus en, “Ai Nasin o. It inunggut dugwit, okbanilagwi atma, it weyak ogasagwi yi, enomaduk degerogo bisin o,” yugogogi. Eke, it ap enayegen werek akoen, “Asum sa hidigya hamwi?” yiluk, helep enggen vaga wakhegek ogagu dugwit, asum sumbukhedagagwa.
35It avakwa andenam inil vurek werekma, it ap Yakuri enasini akoen At wiyiknom-weyaknom erogo bagu dugwit, “At avakwa enagap wendatya lagama, At Ala en denogo mondok okbagagi Keretus ako avyarat halok andi, agap wendakhedapwak,” yiluk, yagagwa.
36Eke, it ap enayegen werek ako ogo, At aganda yagu dugwit, anggur agas eda menda At situn yugogogwa. 37Situn yugugu dugwit, “Hat ap Yakuri enasin hinis ombok halok andi, hagap wendakhedoman!” yiluk, yugogogwa.
38Eke, wene ambi, “Yakuri Enowa Inis Ombok yi aro,” yiluk, dirup warogo unggumu yo winik vaga lobabagagwa.
39Lobabaluk werekma, ap mberen inim lobalogo bogogwa ako ap ambien At Yesus wiyiknom-weyaknom erogo bagya dugwit, “Ala en denogo mondok okbagagi Keretus Harat? Hat heyalok andi, Hat hagap wendakhidigya, eke, nit nenagap wendatya, ogaru.”
40Yugogogi ovara, aswe akoen at mberugu dugwit, “At ovaga lobalogo baup embetao ndatak hat ogo wane-wane hovaga lobalogo bagagao atma, hat Ala halon dek yi? 41Nit okbininalagwi ako andi, ogagyo onggo ndatak okbininalagwi atma, segat ovara, At yi andi, weyak mondok ogagetek o.”
42Yugugu lagagirik, Yesus yugugu dugwit, “Ai, Nowa Yesus. Hinis ombok akluk wagya dugwit, An hape wenggelnerano.”
43Yugugu lagagimu, At Yesus en at yugugu dugwit, “Yogak hambuluk, lendagwima o mondok segedokma akoma hat niperen dogosogom o, yiluk, avyarat yukhisiga o,” yugogogi.
Yesus hombagagi wene
(Matius 27:45-46; Markus 15:33-41; Yohanes 19:28-30)
44-45Eke, o dingga jam 12 vaga yi awi ndi awi andoma, mo il awiya mondok dek agya lagagimu, o hup hak agagi hegek, mbikit jam 3 howam vaga o awiya agagi. Eke, Ala awi valekma yum obak ilim sivinik welagagi ako, agako wane erogo mbetlarit wambu wagagi. 46Mbetlarit wambu wagya lagagimu, At Yesus ane ombok vaga iri dugwit, “Ai Nasin o. Nendawi Hat hinggimu dogonyok yiluk, wokhisiga o,” yiluk, endawi weralhidigya lagagirik, hombagagi.
47At yegen werek enasin akoen ogagya higya lagagirik, Ala inis siyabagya dugwit, “Ap yi, avyarat weyak ogagetek higi o,” yiluk, yagagi.
48Eke, it avakwa wisane inil dogoguluk, wonggalari wagagwa ako ogagwi hugu lagagwarik, eneyave wakhedegek eneyami vaga suguliluk enamwa wunggugwa. 49Eke, it Yesus inim hunik ako, it akwa o Galilea en At inim wagagwa ako inim, o adumu en andenam mendek dugwit, ogagwi ako ovok erogo inil lakhagagwa.
Yesus eyave wimu mabagagwa wene
(Matius 27:57-61; Markus 15:42-47; Yohanes 19:38-42)
50-51O Yudea kota ambi inis Arimateya andoma ap ambi inis Yusup welagagi. At ap andi it Yakuri enawene amburup mbalisiga ako menda welagagi ovara, aswei wene amburup mbalisagwi menda akoen, Yesus warupwak yiluk ogagagwa ako, at endawi sek atma nggedok ogasiga menda atma, aren “Yu, warup,” yiluk, yegetek welagagi. Eke, aren “Ala avema bininapwak o,” yiluk, sok higya lagagi.
52At ap akoen Pilatus adema lagya lagagirik, “Yesus eyave warek wokniru o,” yiluk, nggino yugogogi, “Segat,” yugugu lagagimu, 53eyave warek ako visilogo wombaba wagya lagagirik, yum mudu obak vaga dinggilogo wis swi mendagoma avakwa ao mabigitek akoma mabalagagi. 54Hutun it Yakuri samban ogarup yiluk, vipuk erogo bagwi ako vaga ogagagi.
55Eke, it akwa Yesus inim o Galilea en wagagwa ako Yusup amusek lagu lagagwarik, wimu mendago inim, Yesus eyave welalogo bagagwa inim, inil hagagwa. 56Inil helok, eneyami vaga enamwa wunggu lagagwarik, yo enggen amburup sek menda inim, amburup amben segedok menda inim, vipuk erogo bagagwa.
Vipuk erogo bagu lagagwarik, Ala en, “Yerogo ogarup, nderogo ogarup,” yagagi dirup warek ako ndatak it Yakuri samban ogasagwi vaga wolok lagatek sat yanggal hedagagwa.
Currently Selected:
Lukas 23: nbq2013
Highlight
Share
Copy
Want to have your highlights saved across all your devices? Sign up or sign in
Lukas 23
23
Yesus wolok Pilatus adema lagagwa wene
(Matius 27:1-2, 11-14; Markus 15:1-5; Yohanes 18:28-38)
1It Yakuri enawene amburup mbalisagwi menda anderogo yugu lagagwarik, avakwa homago ako ovok erogo mendek yiluk, Yesus vakbaluk Gubernur Pilatus#23:1: At Pilatus ako o propinsi Yudea Gubernur vagago welagagi. adema wolok lagagwa. 2Wolok lagu lagagwarik, enane huluk ova-ova yugu dugwit, “Ap yi, nit avakwa ovok nenavut dagalit lagya dugwit, ‘Ap inis ombok Kaisar o vagago agarik onggo yoparip pajak wogorup moga o. Henasin Inis Ombok Keretus An aro,’ yagan lagyama, heyakbagyo.”
3Yugugu lagagwama, at Pilatus en Yesus yugugu dugwit, “Ap Yakuri enasin inis ombok Harat a?”
Yugugu lagagimu, At Yesus en, “Yegen andi at.”
4Yugugu lagagimu, at Pilatus en it ap imam-imam enasini inim, avakwa wisane homago ako inim, yugirigya dugwit, “Ap yi, At avyarat weyak ogaga halok andi, At warup sek ovara, At ogaga ambi an mondok nil hegetek.”
5Yugeragagi ovara, it enane vanggo erogo hunik adigat yugu dugwit, “Dek. Ap yi, wene mamuleregek lagya dugwit, avakwa o Yudea menda ovok erogo o Galilea en o yi hudiat enavut dagalit landiga,” yiluk, yugogogwa.
Yesus Herodes adema lakbagagi wene
6Yugugwis ako at Pilatus aruk hunggu lagagirik, “At ap yi, Galilea menda ai?” yiluk, avakwa yugirigya lagagimu, 7“Yu,” yugogogwa. Yugugu lagagwama, Pilatus en ap inis ombok Herodes o Galilea vagago agarik yiluk, O Yerusalem sidok wagagirik werekma, aren Yesus owak dilupwak yiluk, adema lakbagagi.
8Lakbagagi lagya lagagimu, ap Herodes akoen Yesus ogarit lagya aruk hunggu lagagirik, “Inilup arup enalon werek menda ambi ogagya haik en ai, o muk en hogop imbita lagi,” atma, Yesus higya lagagirik, endawi adenggen imbitigi. 9Endawi adenggen imbita lagagirik, yi wene ndi wene wisane Yesus hemethagagi ovara, Yesus wene onggo yegetek mbuverek welagagi. 10Mbuverek werekma, it imam-imam enasini inim, it ap Ala wene vagago welagagwa menda inim, huluk ova-ova yugu dugwit, At ovaga bagu lagagwa. 11Eke, at Herodes aori enayegen werek inim Yesus wiyiknom-weyaknom erogo bagu dugwit, aganda yagagwa. Andi ovok okbagu lagagwarik, yum mondok segedok menda yikbaluk, eyami vaga Pilatus adema lakba wagagi. 12At Herodes Pilatus endak iperen ogorek welagagwa ovara, andi hudi iperen dambulagagwa.
“Yesus mondok warusogom,” yagagwa wene
(Matius 27:15-26; Markus 15:6-15; Yohanes 18:39—19:16)
13Yesus eyami vaga lakba wagagirikmu, at Pilatus en it ap imam-imam enasini inim, Yakuri ap ombok-ombok inim, avakwa ugun inim, homakbugu lagagirik, 14yugirigya dugwit, “Ap yi, avakwa enavut dagalit landiga yiluk, nadema wolok wagep ovara, henane At ovaga bagep ako, hinivaga owak dinggirikmu, At weyak ogaga halok andi At warup sek ovara, At weyak ogaga ambi an mondok nil hegetek. 15Eke, Herodes ogo, At weyak ambi ogagetek higya lagarik, eyami vaga lakba wagarikmu, weyak ogaguselok, enasagwi ovara, At weyak ambi mondok ogagetek o, yiluk, yukheraliga. 16Anderogo atma, asam hapwak yiluk, yo adigat warogo hekbayogon,” yiluk, yugeragagi.
17[Yugeragagi ako, Isogo Vasika isaguselok, ap heda mago ambi visilogo hekbagek ogagya lagagi atma, anderogo yugeragagi.]
18Wene ako yugirigya lagagimu, it ovok ambi vaga yugu dugwit, “A! Ap yi warogo bas. Ap Barabas visilogo hekbininin,” yugogogwa. 19Ap Barabas ako avakwa nin inim en, “Nenadik dogosogom,” yiluk, o kota andoma ndup ogagu dugwit, ap ambi watya lagagimu, heda magogo mabiselagwima mabagagwa werekma, yugogogwa.
20Yugugu lagagwama, at Pilatus en Yesus hekbaup imbita dugwit, ane elap mberen vaga it yugeragagi ovara, 21enane yandyak-handyak yugu dugwit, “At yo winik vaga lobalogo wakbas. Yo winik lobalogo wakbas.”
22Yugu lagagwama, at Pilatus en ane elap henggam vaga ambi inim yugirigya dugwit, “Nggarogo yiluk? At weyak ogaga ngga vaga yegep? Weyak ogaguselok enasagwi ovara, weyak ogaga eve ngga halok, ‘Warup,’ yagalagwi? At weyak ogaga ambi, an hegetekma, un asam hapwak yiluk yo warogo hekbayogon.”
23Yugeragagi ovara, yo winik vaga lobalogo bapwak yiluk, enane hunik adigat yandyak-handyak yugu dugwit, Pilatus ane ako sovalogo bagu lagagwama, 24at okbaup yugogogwa ako Pilatus en anggon imbita dugwit ovara, “Sek aro,” yiluk, yugeragagi. 25Yugirigya lagagimu, at ap, “Nenadik dogosogom,” yiluk, ndup ogagya dugwit, ap watya lagagimu, heda magogo mabiselagwima mabagagwa ako, “Visilogo hekbininin,” yugogogwa ako visilogo wibagagi ovara, Yesus andi, it umbutugwa ako ndatak okbapwak yiluk, wogeragagi.
Yesus yo winik vaga lobabagagwa wene
(Matius 27:32-44; Markus 15:21-32; Yohanes 19:17-27)
26Wogorigya lagagimu, vagakluk lagu dugwit, ap ambi inis Simon awi Kirene menda, weram en endawi ugun o kota akoma nunggu wagyama, vagarogo yo winik ako Yesus ambetaga wolok lapwak yiluk, omado vaga bagagwa.
27It avakwa wisane At amusek lagu dugwit, akwa ninen ayup yagwi, eneyave wakhidugwi, ogarit inim lagagwa. 28Ogarit lagusim, At Yesus elokwe endenogo biginigu lagagirik, it yugirigya dugwit, “Hit akwa O Yerusalem menda yi, An nayup yarubuk. Ata, hit heneyagi hinim henayup yakhidugu dogones. 29[Anggin henovaga arisogon atma,] it avakwa en yugu dugwit, ‘Akwa wimbu inim, eneyak betelagwidek inim, idak wogerelagwi inunggut inim, enadenggen ombasagwi o,’ yiluk, yugu dogop hudi wasogon, yukheraliga.”
30 #
Hosea 10:8 yokhanes. “Andi hudi it avakwa en ndom ombok yugugu dugwit, ‘Endenogo sopalogo bininin o,’ yiluk, yugugwis, eke, ndom maduk yugugu dugwit, ‘Neneyave sovalogo bininin o,’ yiluk, yugugwis, ogarusogom. 31Andi, avakwa en yo iluk hegek anderogo okbaguselok, yo mbuk agya halok, nggarogo okbaup embetep?” yiluk yugeragagi.#23:31: Adem ayat yi, yo iluk andi Yesus, At weyak ogagetek. Eke yo mbuk andi, avakwa weyak ogasagwi menda. Yesus weyak ogagetek ovara edup-mbedup okbagagwa halok, it weyak ogasagwi menda nggarogo okbaup ombasagwi? It evenuk weyak okbugugu dogosogom.
32Yesus vagakluk lagu dugwit, it ap weyak ogasagwi menda eneyave mberen Yesus inim enaruguluk, vaginiviluk lagagwa. 33Vaginiviluk o inis Unggul Owakma akoma lagu lagagwarik, At Yesus it ap weyak ogasagwi ako inim yo winik vaga paku lobalogo bugu dugwit, ambi inggis amot vikit bagwi, ambi inggis hware vikit bagwi, ogarogo bogogwa. 34Lobalogo bugu lagagwama, At Yesus en, “Ai Nasin o. It inunggut dugwit, okbanilagwi atma, it weyak ogasagwi yi, enomaduk degerogo bisin o,” yugogogi. Eke, it ap enayegen werek akoen, “Asum sa hidigya hamwi?” yiluk, helep enggen vaga wakhegek ogagu dugwit, asum sumbukhedagagwa.
35It avakwa andenam inil vurek werekma, it ap Yakuri enasini akoen At wiyiknom-weyaknom erogo bagu dugwit, “At avakwa enagap wendatya lagama, At Ala en denogo mondok okbagagi Keretus ako avyarat halok andi, agap wendakhedapwak,” yiluk, yagagwa.
36Eke, it ap enayegen werek ako ogo, At aganda yagu dugwit, anggur agas eda menda At situn yugogogwa. 37Situn yugugu dugwit, “Hat ap Yakuri enasin hinis ombok halok andi, hagap wendakhedoman!” yiluk, yugogogwa.
38Eke, wene ambi, “Yakuri Enowa Inis Ombok yi aro,” yiluk, dirup warogo unggumu yo winik vaga lobabagagwa.
39Lobabaluk werekma, ap mberen inim lobalogo bogogwa ako ap ambien At Yesus wiyiknom-weyaknom erogo bagya dugwit, “Ala en denogo mondok okbagagi Keretus Harat? Hat heyalok andi, Hat hagap wendakhidigya, eke, nit nenagap wendatya, ogaru.”
40Yugogogi ovara, aswe akoen at mberugu dugwit, “At ovaga lobalogo baup embetao ndatak hat ogo wane-wane hovaga lobalogo bagagao atma, hat Ala halon dek yi? 41Nit okbininalagwi ako andi, ogagyo onggo ndatak okbininalagwi atma, segat ovara, At yi andi, weyak mondok ogagetek o.”
42Yugugu lagagirik, Yesus yugugu dugwit, “Ai, Nowa Yesus. Hinis ombok akluk wagya dugwit, An hape wenggelnerano.”
43Yugugu lagagimu, At Yesus en at yugugu dugwit, “Yogak hambuluk, lendagwima o mondok segedokma akoma hat niperen dogosogom o, yiluk, avyarat yukhisiga o,” yugogogi.
Yesus hombagagi wene
(Matius 27:45-46; Markus 15:33-41; Yohanes 19:28-30)
44-45Eke, o dingga jam 12 vaga yi awi ndi awi andoma, mo il awiya mondok dek agya lagagimu, o hup hak agagi hegek, mbikit jam 3 howam vaga o awiya agagi. Eke, Ala awi valekma yum obak ilim sivinik welagagi ako, agako wane erogo mbetlarit wambu wagagi. 46Mbetlarit wambu wagya lagagimu, At Yesus ane ombok vaga iri dugwit, “Ai Nasin o. Nendawi Hat hinggimu dogonyok yiluk, wokhisiga o,” yiluk, endawi weralhidigya lagagirik, hombagagi.
47At yegen werek enasin akoen ogagya higya lagagirik, Ala inis siyabagya dugwit, “Ap yi, avyarat weyak ogagetek higi o,” yiluk, yagagi.
48Eke, it avakwa wisane inil dogoguluk, wonggalari wagagwa ako ogagwi hugu lagagwarik, eneyave wakhedegek eneyami vaga suguliluk enamwa wunggugwa. 49Eke, it Yesus inim hunik ako, it akwa o Galilea en At inim wagagwa ako inim, o adumu en andenam mendek dugwit, ogagwi ako ovok erogo inil lakhagagwa.
Yesus eyave wimu mabagagwa wene
(Matius 27:57-61; Markus 15:42-47; Yohanes 19:38-42)
50-51O Yudea kota ambi inis Arimateya andoma ap ambi inis Yusup welagagi. At ap andi it Yakuri enawene amburup mbalisiga ako menda welagagi ovara, aswei wene amburup mbalisagwi menda akoen, Yesus warupwak yiluk ogagagwa ako, at endawi sek atma nggedok ogasiga menda atma, aren “Yu, warup,” yiluk, yegetek welagagi. Eke, aren “Ala avema bininapwak o,” yiluk, sok higya lagagi.
52At ap akoen Pilatus adema lagya lagagirik, “Yesus eyave warek wokniru o,” yiluk, nggino yugogogi, “Segat,” yugugu lagagimu, 53eyave warek ako visilogo wombaba wagya lagagirik, yum mudu obak vaga dinggilogo wis swi mendagoma avakwa ao mabigitek akoma mabalagagi. 54Hutun it Yakuri samban ogarup yiluk, vipuk erogo bagwi ako vaga ogagagi.
55Eke, it akwa Yesus inim o Galilea en wagagwa ako Yusup amusek lagu lagagwarik, wimu mendago inim, Yesus eyave welalogo bagagwa inim, inil hagagwa. 56Inil helok, eneyami vaga enamwa wunggu lagagwarik, yo enggen amburup sek menda inim, amburup amben segedok menda inim, vipuk erogo bagagwa.
Vipuk erogo bagu lagagwarik, Ala en, “Yerogo ogarup, nderogo ogarup,” yagagi dirup warek ako ndatak it Yakuri samban ogasagwi vaga wolok lagatek sat yanggal hedagagwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in