WINEWEUDO TINENA 14
14
1I Ikoniu tinena orua ira atuu mewinso a raha tepumpuado to Yahudi, ka do'amba mompaguru kanatuu, ranta hadio to Yahudi ka to Yunani gagi mpompe'ala-ala. 2Sine to Yahudi, anu nahi tarimao pompaleledo, mokomokulao aroado mia anu nahi domento'ori Ira Ue Ala ka domemosa'oako ira pepaekompo atuudo. 3I Paulu ka i Baranaba mo'ia ba opia tempo tehineno i tu'ai. Mosia ira mompaguru, hangano dope'ala-ala Ira i Ue. Ka Dopokorosoo i Ue lele mongkona pompehohawa-Do ka moweeako ira pabawa moweweu hadio petondoni ka anu mengkinohali-haliako. 4Sine mia hadio a ngkota atuu tetia gagi orua: hinao anu me'alaako a nto Yahudi, hinao mbo'u anu me'alaako a orua tinena atuu. 5Ka mpompu'u iramo mia anu nahi domento'ori Ira Ue Ala ka to Yahudi mperonga saru luwuno petewawado ira memoroko bobarasai ira ka mewunoako ira watu orua tinena atuu. 6Mansado tumo'orio tinena atuu, meliahako iramo a luwuno kota i Likaonia, onaemo i Lisitera ka i Derebe ka i wita petengi-tengino. 7I tu'ai dopaleleo Lele Mawongkoa.
8I Lisitera hinao asa mia butu mentoro, hangano molema karuno ka puungku tampu'uno ipine'anaako ka napi hori mokompelempa. 9Onae mentoro momperorongeako, tempono ipepau i Paulu. Ka i Paulu kumokontoo ka ikitao, nine hinao pompe'ala-alano anu ta mokotompao. 10Ka i'amba i Paulu mepau meroku, ”Pentademo temoleo!” Ka mia atuu melonso ka ipentade, ka i'amba melempa ngkoraane ngkoramai. 11Mansado mengkitao mia hadio hapa anu iweweuomo i Paulu, ondae atuu mpebooliako paudo to Likaonia, ”Mpetii iramo pe'uea i tonga-tongato kana rupano mia.” 12I Baranaba domeneeakono i Seusi ka i Paulu domeneeakono i Heremesi, hangano onae anu mepau. 13Ka haweomo sando mpesombano pe'uea Seusi, anu raha mpesombaano i bungkuno kota, wawa ira sapi lakino ka bunga-bunga a mpewowa langkaino kota ta mompesombaako pesomba mperonga saru mia hadio a ntinena atuudo. 14Rumongeo atuu i Baranaba ka i Paulu beri-berio sangkado, ka do'amba lumako a ntonga-tongano mia hadio atuu ka dopebooli, 15”Hei luwumiu, tembio ka impoweweu kanandio? Omami andio mia koa mengkena kana omiu. Omami kongko i ndi'ai mompaleleakomiu Lele Mawongkoa, ka imebintao wineweumiu anu nahina tuduno ka impepokule ndi Ondae Ue Ala anu tuwu, anu mokogagio langi ka tolino, tahi ka luwuno ihino. 16A tempo anu telaloomo Ondae Ue Ala mo'inee ira luwuno tongku mpotonda salado ondaedo, 17sine komba nahi Dopepokomengkaa a mperupa-rupa wineweu moiko, onaemo Dopotiio usa inso i langi ka Dopoweeakomiu tempo mewalo ndi omiu. Dopokotendeakono kaanga ka mawongkoa aroamiu.” 18Maupo dopepau kanandio tinena atuu, sine mingki-mingki nahi dompoko'onto ira mia hadio mpopesombaako pesomba ndi ondae.
19Sine mehawe iramo to Yahudi inso i Antiokia ka Ikoniu ka dompopandei ira mia hadio atuudo mpe'alaako ndi ondae. Ka do'amba mewunoakono watu i Paulu ka merendeo meluarako inso a ngkota, hangano potaedo mateomo. 20Sine tempono dompentade ana guru atuu melimbuo, mentadeomo ka i'amba mewinso a laro ngkota. Tisomono melungkaomo meronga saru i Baranaba lumako i Derebe.
Mekule i Antiokia
14:21-28
21I Paulu ka i Baranaba paleleo Lele Mawongkoa i kota atuu ka mohawe hadio ana guru. Ka do'amba mekule i Lisitera, i Ikoniu ka i Antiokia. 22A mpo'ianga atuu dopokorosoako ira aroado ana guru atuu ka patudu ira ka domekongko koa mpiha a pompe'ala-alado, ka dopauo, nine ba topewinso a Poparentaa-Do Ue Ala asalakono kita mompembasai hadio marasaia. 23A sompo-sompo bawaa tinena atuudo mompotoroako ira penatua bawaa atuu ka mansado mekakai ka mepuasa, dopeweengako iramo penatua atuudo ndi Ondae i Ue, anu pu'uno pompe'ala-alado. 24Dosompoo asa wawo wita Pisidia ka dohawe i Pampilia. 25I tu'ai dopaleleo pau-Do i Ue i Perega, ka do'amba lumako i Italia, i wiwi ntahi. 26Inso i tu'ai sumomba ira lumako i Antiokia; a mpo'iangamo atuu i ndi'upua dopineweengako a pompehohawa-Do Ue Ala ka dopu'uo anggaa, anu dopoko'umariomo. 27Sahawedo i tu'ai dopoboi ira bawaa mpepumpu, ka do'amba tumutuluo luwuakoano anu wineweu-Do Ue Ala mesala ndi ondae, ka nine Do'ungkahiako iramo tongku susua pewowa a pompe'ala-ala. 28I tu'ai tehine dopo'ia me'asaako ira ana guru atuudo.
Currently Selected:
WINEWEUDO TINENA 14: XMZ
Highlight
Share
Copy
Want to have your highlights saved across all your devices? Sign up or sign in
LAI 2021
WINEWEUDO TINENA 14
14
1I Ikoniu tinena orua ira atuu mewinso a raha tepumpuado to Yahudi, ka do'amba mompaguru kanatuu, ranta hadio to Yahudi ka to Yunani gagi mpompe'ala-ala. 2Sine to Yahudi, anu nahi tarimao pompaleledo, mokomokulao aroado mia anu nahi domento'ori Ira Ue Ala ka domemosa'oako ira pepaekompo atuudo. 3I Paulu ka i Baranaba mo'ia ba opia tempo tehineno i tu'ai. Mosia ira mompaguru, hangano dope'ala-ala Ira i Ue. Ka Dopokorosoo i Ue lele mongkona pompehohawa-Do ka moweeako ira pabawa moweweu hadio petondoni ka anu mengkinohali-haliako. 4Sine mia hadio a ngkota atuu tetia gagi orua: hinao anu me'alaako a nto Yahudi, hinao mbo'u anu me'alaako a orua tinena atuu. 5Ka mpompu'u iramo mia anu nahi domento'ori Ira Ue Ala ka to Yahudi mperonga saru luwuno petewawado ira memoroko bobarasai ira ka mewunoako ira watu orua tinena atuu. 6Mansado tumo'orio tinena atuu, meliahako iramo a luwuno kota i Likaonia, onaemo i Lisitera ka i Derebe ka i wita petengi-tengino. 7I tu'ai dopaleleo Lele Mawongkoa.
8I Lisitera hinao asa mia butu mentoro, hangano molema karuno ka puungku tampu'uno ipine'anaako ka napi hori mokompelempa. 9Onae mentoro momperorongeako, tempono ipepau i Paulu. Ka i Paulu kumokontoo ka ikitao, nine hinao pompe'ala-alano anu ta mokotompao. 10Ka i'amba i Paulu mepau meroku, ”Pentademo temoleo!” Ka mia atuu melonso ka ipentade, ka i'amba melempa ngkoraane ngkoramai. 11Mansado mengkitao mia hadio hapa anu iweweuomo i Paulu, ondae atuu mpebooliako paudo to Likaonia, ”Mpetii iramo pe'uea i tonga-tongato kana rupano mia.” 12I Baranaba domeneeakono i Seusi ka i Paulu domeneeakono i Heremesi, hangano onae anu mepau. 13Ka haweomo sando mpesombano pe'uea Seusi, anu raha mpesombaano i bungkuno kota, wawa ira sapi lakino ka bunga-bunga a mpewowa langkaino kota ta mompesombaako pesomba mperonga saru mia hadio a ntinena atuudo. 14Rumongeo atuu i Baranaba ka i Paulu beri-berio sangkado, ka do'amba lumako a ntonga-tongano mia hadio atuu ka dopebooli, 15”Hei luwumiu, tembio ka impoweweu kanandio? Omami andio mia koa mengkena kana omiu. Omami kongko i ndi'ai mompaleleakomiu Lele Mawongkoa, ka imebintao wineweumiu anu nahina tuduno ka impepokule ndi Ondae Ue Ala anu tuwu, anu mokogagio langi ka tolino, tahi ka luwuno ihino. 16A tempo anu telaloomo Ondae Ue Ala mo'inee ira luwuno tongku mpotonda salado ondaedo, 17sine komba nahi Dopepokomengkaa a mperupa-rupa wineweu moiko, onaemo Dopotiio usa inso i langi ka Dopoweeakomiu tempo mewalo ndi omiu. Dopokotendeakono kaanga ka mawongkoa aroamiu.” 18Maupo dopepau kanandio tinena atuu, sine mingki-mingki nahi dompoko'onto ira mia hadio mpopesombaako pesomba ndi ondae.
19Sine mehawe iramo to Yahudi inso i Antiokia ka Ikoniu ka dompopandei ira mia hadio atuudo mpe'alaako ndi ondae. Ka do'amba mewunoakono watu i Paulu ka merendeo meluarako inso a ngkota, hangano potaedo mateomo. 20Sine tempono dompentade ana guru atuu melimbuo, mentadeomo ka i'amba mewinso a laro ngkota. Tisomono melungkaomo meronga saru i Baranaba lumako i Derebe.
Mekule i Antiokia
14:21-28
21I Paulu ka i Baranaba paleleo Lele Mawongkoa i kota atuu ka mohawe hadio ana guru. Ka do'amba mekule i Lisitera, i Ikoniu ka i Antiokia. 22A mpo'ianga atuu dopokorosoako ira aroado ana guru atuu ka patudu ira ka domekongko koa mpiha a pompe'ala-alado, ka dopauo, nine ba topewinso a Poparentaa-Do Ue Ala asalakono kita mompembasai hadio marasaia. 23A sompo-sompo bawaa tinena atuudo mompotoroako ira penatua bawaa atuu ka mansado mekakai ka mepuasa, dopeweengako iramo penatua atuudo ndi Ondae i Ue, anu pu'uno pompe'ala-alado. 24Dosompoo asa wawo wita Pisidia ka dohawe i Pampilia. 25I tu'ai dopaleleo pau-Do i Ue i Perega, ka do'amba lumako i Italia, i wiwi ntahi. 26Inso i tu'ai sumomba ira lumako i Antiokia; a mpo'iangamo atuu i ndi'upua dopineweengako a pompehohawa-Do Ue Ala ka dopu'uo anggaa, anu dopoko'umariomo. 27Sahawedo i tu'ai dopoboi ira bawaa mpepumpu, ka do'amba tumutuluo luwuakoano anu wineweu-Do Ue Ala mesala ndi ondae, ka nine Do'ungkahiako iramo tongku susua pewowa a pompe'ala-ala. 28I tu'ai tehine dopo'ia me'asaako ira ana guru atuudo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
LAI 2021