Tegagia 20
20
I Burahima, i Sara ka i Abimele
20:1-18
1I Burahima melungka inso i ra'ai lumako i Wita Nege ka onae mo'ia rodo i olono Kadesi ka Siuri. Onae mo'ia i Gerari kana mia mehawe. 2#Teg. 12:13; 26:7I Burahima pauo mongkona i Sara, beineno, ”Onae pepaekompoku.” Onaemo pu'uno, i Abimele, mokole i Gerari, montena mia umalao i Sara. 3Sine, Ondae Ue Ala hawe ndi Abimele laro mo'ipi tempono wongi ka mepau ndi onae, ”Omue asalakono mate hangano beine anu inalamu atuu. Hangano onae kombiano asa mia.” 4Sine, i Abimele napi pewowaliakono i Sara. Ipotae, ”Ue, nde Komiu mepateoke tongku anu nahina salano? 5Kombake tama atuu onaeno pauo ndi ongkue, ’Onae pepaekompoku’? Ka beine atuu, onaeno mbo'u pauo, ’Onae pepaekompoku.’ Mongkona andio kuweweuo a moleono aroaku ka saru kae anu nahi sala.” 6Mepau Iramo Ue Ala ndi onae a laro mo'ipi, ”Kuto'orio koa, nine moleo aroamu weweuo mongkona atuu, ka Kupe'aluhakomumo inso a mpoweweua hala ndi Ongkue. Onaemo pu'uno nahi Kupo'ineeko dumanggio. 7Kanandio-andio, pokuleomo kombiano mia atuu, hangano onae asa nabi. Onae ta mekakaiakomu, ka omue kongko tuwu. Sine tewala nahi upokuleo, to'oriomo, manasa omue mate, omue ka luwuno mia anu pe'asamu.”
8Tisomono mo'oru i Abimele moboi ira luwu atano ka ipauako ira luwu mongkona atuu. Ka i'amba luwuno mia atuu tedoa medoito. 9Ka i'amba i Abimele moboio i Burahima, ka ipotaeakono, ”Hapake anu wineweumu ndi omami? Hapa anu sala wineweuku ndi omue, ranta ka upokontehala langkai aku andio ka poparentaa-Ku? Uweweuomo luwuno wineweu anu bakanaano nahi wineweu ndi ongkue.” 10Motae mbo'u i Abimele ndi Burahima, ”Hapa anu pinewowolomu, ranta ka upoweweu kanandio?” 11Ka i'amba motae i Burahima, ”Kupewowoloo, nahina doitoako Ira Ue Ala a mpo'ianga andio, ranta aku pinepate hangano beineku. 12Ka onae lano mente ntu'u pepaekompoku, anado amaku, butu komba anado ineku, sine lembuino gagi beineku. 13Tempono Ondae Ue Ala tumena aku melakopi, lumako inso a rahado amaku, kupotaeakono beineku, ’Popokitaomo pompehohawamu ndi ongkue: pauomo mongkona ongkue a sompo po'ianga ba isua tohawe, Onae pepaekompoku.’” 14Ka i'amba i Abimele umalao asa bawaa bembe bimba ka sapi, ata tama ka beine, ka i'amba luwuno atuu iweeakono i Burahima. Ipokuleo mbo'u i Sara, beineno i Burahima ndi onae. 15Ka i'amba motae i Abimele, ”Ndiomo witaku, po'iamo i ndi'ai, ba isua inehemu.” 16Ndi Sara ipotae, ”Kuweeakonomo pepaekompomu asa nsowu sikala salaka. Onaemo atuu tondonino nine omue nahina salamu a pongkitado luwuno mia anu pe'asamu; kanandiomo a luwuakoano omue pinokomentee.” 17I Burahima mekakai ndi Ondae Ue Ala, ka i'amba Ondae Ue Ala mokotompao i Abimele ka beineno saru luwuno atano beine, ranta ka dompe'ana. 18Hangano hieno Ondae i Ue umonsoo pe'anakaado sompo beine a langkanaeno i Abimele hangano i Sara, beineno i Burahima.
Currently Selected:
Tegagia 20: XMZ
Highlight
Share
Copy
Want to have your highlights saved across all your devices? Sign up or sign in
LAI 2021
Tegagia 20
20
I Burahima, i Sara ka i Abimele
20:1-18
1I Burahima melungka inso i ra'ai lumako i Wita Nege ka onae mo'ia rodo i olono Kadesi ka Siuri. Onae mo'ia i Gerari kana mia mehawe. 2#Teg. 12:13; 26:7I Burahima pauo mongkona i Sara, beineno, ”Onae pepaekompoku.” Onaemo pu'uno, i Abimele, mokole i Gerari, montena mia umalao i Sara. 3Sine, Ondae Ue Ala hawe ndi Abimele laro mo'ipi tempono wongi ka mepau ndi onae, ”Omue asalakono mate hangano beine anu inalamu atuu. Hangano onae kombiano asa mia.” 4Sine, i Abimele napi pewowaliakono i Sara. Ipotae, ”Ue, nde Komiu mepateoke tongku anu nahina salano? 5Kombake tama atuu onaeno pauo ndi ongkue, ’Onae pepaekompoku’? Ka beine atuu, onaeno mbo'u pauo, ’Onae pepaekompoku.’ Mongkona andio kuweweuo a moleono aroaku ka saru kae anu nahi sala.” 6Mepau Iramo Ue Ala ndi onae a laro mo'ipi, ”Kuto'orio koa, nine moleo aroamu weweuo mongkona atuu, ka Kupe'aluhakomumo inso a mpoweweua hala ndi Ongkue. Onaemo pu'uno nahi Kupo'ineeko dumanggio. 7Kanandio-andio, pokuleomo kombiano mia atuu, hangano onae asa nabi. Onae ta mekakaiakomu, ka omue kongko tuwu. Sine tewala nahi upokuleo, to'oriomo, manasa omue mate, omue ka luwuno mia anu pe'asamu.”
8Tisomono mo'oru i Abimele moboi ira luwu atano ka ipauako ira luwu mongkona atuu. Ka i'amba luwuno mia atuu tedoa medoito. 9Ka i'amba i Abimele moboio i Burahima, ka ipotaeakono, ”Hapake anu wineweumu ndi omami? Hapa anu sala wineweuku ndi omue, ranta ka upokontehala langkai aku andio ka poparentaa-Ku? Uweweuomo luwuno wineweu anu bakanaano nahi wineweu ndi ongkue.” 10Motae mbo'u i Abimele ndi Burahima, ”Hapa anu pinewowolomu, ranta ka upoweweu kanandio?” 11Ka i'amba motae i Burahima, ”Kupewowoloo, nahina doitoako Ira Ue Ala a mpo'ianga andio, ranta aku pinepate hangano beineku. 12Ka onae lano mente ntu'u pepaekompoku, anado amaku, butu komba anado ineku, sine lembuino gagi beineku. 13Tempono Ondae Ue Ala tumena aku melakopi, lumako inso a rahado amaku, kupotaeakono beineku, ’Popokitaomo pompehohawamu ndi ongkue: pauomo mongkona ongkue a sompo po'ianga ba isua tohawe, Onae pepaekompoku.’” 14Ka i'amba i Abimele umalao asa bawaa bembe bimba ka sapi, ata tama ka beine, ka i'amba luwuno atuu iweeakono i Burahima. Ipokuleo mbo'u i Sara, beineno i Burahima ndi onae. 15Ka i'amba motae i Abimele, ”Ndiomo witaku, po'iamo i ndi'ai, ba isua inehemu.” 16Ndi Sara ipotae, ”Kuweeakonomo pepaekompomu asa nsowu sikala salaka. Onaemo atuu tondonino nine omue nahina salamu a pongkitado luwuno mia anu pe'asamu; kanandiomo a luwuakoano omue pinokomentee.” 17I Burahima mekakai ndi Ondae Ue Ala, ka i'amba Ondae Ue Ala mokotompao i Abimele ka beineno saru luwuno atano beine, ranta ka dompe'ana. 18Hangano hieno Ondae i Ue umonsoo pe'anakaado sompo beine a langkanaeno i Abimele hangano i Sara, beineno i Burahima.
Currently Selected:
:
Highlight
Share
Copy
Want to have your highlights saved across all your devices? Sign up or sign in
LAI 2021