Tegagia 33
33
I Yako mesintuwu saru i Esau
33:1-20
1I Yako mengkita ngkoraane ka ikitao i Esau aiwa meronga pato etu mia. Ka i'amba meweengakono asa ntia inso a luwuno nana'ote atuu ndi Lea, asa ntia ndi Raheli ka asa ntia mbo'u a orua ata beine atuu. 2Inaa ira luwuno ata beine atuu saru luwuno anado i arono, i Lea saru luwuno anano i bungkudo, ka i Raheli saru i Yusupu i bungkuno ntu'u, 3ka onae melempa i arodo. Onae menggolontu mesomba hawe a wita pepintu, ranta ka ihawe umpeda a pepaekompono atuu. 4Sine i Esau melulu tepohaweakono, ikalampasio, kumopuio we'uno, ka i'amba woo-wooo. Pada iramo mengese. 5Ka i'amba i Esau mengkita ngkoraane ka ikita ira beine ka luwuno nana'ote atuu, ka i'amba mesikeno, ”Isemake luwuno mia anu perongamu?” Sumangki i Yako, ”Nana'ote pompowee-Do Ue Ala a atamiu andio.” 6Umarino atuu merangkuhako iramo ata beine atuu saru luwuno anado, ka do'amba mpenggolontu mpesomba. 7I Lea mbo'u saru luwuno anano mperangkuhako ka ondae mbo'u mpenggolontu mpesomba. Ka i'amba i Yusupu saru i Raheli merangkuhako, ka i'amba ondae mbo'u menggolontu mesomba. 8Motae i Esau, ”Pombio luwuno bawaamu anu ntepotowo iramo saru ongkue hieno?” Isangkio, ”Ka kupohawe pompehohawamiu ueku.” 9Sine motae i Esau, ”Anu kongko ndi ongkue hadioomo, uaiku; po'ineeomo anu kongko ndi omue pe'ueomo mpiha.” 10Sumangki i Yako, ”Ku'emao si kanatuu. Tewala mohawe aku pompehohawamiu, itarimaomo pompoweeku andio inso a ngkaeku, hangano kumitaomo koa rupamiu mengkenaomo kukitao rupa-Do Ue Ala, ka itarima aku. 11Po'ineeomo ka itarimao pompoweeku andio, anu kuwawaomo ndi omiu, hangano Dopehohawa akumo Ue Ala ka luwuno hinao ndi ongkue.” Ka i'amba dumadaio i Esau, ranta ka itarimao i Esau. 12Motae i Esau, ”Moikoomo topelungka motilaloakono pelempaa; aku melempa saru omue.” 13Sine i Yako motae ndi onae, ”Ito'oriomo ueku nine nana'ote andiodo nahi domemokora. Ndio mbo'u, saru ongkue hinao asa bawaa bembe bimba ka sapi anu da mpo'uo. Tewala rinokuhi asa oleo koa, luwuno bawaano pinotuwu atuu ira memate. 14Po'ineeomo omiu ueku ipelempamo mese'elungio atamiu andio. Aku melempa me'ara-arai montonda pelempado pinotuwu anu mpelempa i aroku ka pelempado nana'ote, ranta ka kuhawe ndi omiu ueku i Seiri.” 15Motae i Esau, ”Tewala kanatuu, moikoomo kupobinta ndi omue ba te'opia mia anu tumonda aku.” Sine motae i Yako, ”Tembio asalakono ka ikanatuu? Sompoomo kupohawe pompehohawamiu ueku.” 16Ia oleo koa mbo'u atuu i Esau melempa mekule i Seiri. 17Sine i Yako melungka lumako i Sukoti, ka i'amba mowangu rahano, iweweu ira laika po'iangado pinotuwuno. Onaemo pu'uno po'ianga atuu nineeako Sukoti.
18I Yako hawe koa moiko i Sikemi i wita Kana'a a laro pelempaano inso i Padana-Arami. Ka i'amba mekema i sabaano oleo kota Sikemi. 19#Yos. 24:32; Yoh. 4:5Ka i'amba umolio inso a luwuno anano i Hemori, amano i Sikemi, asa mpo'ianga wita me'oli asa etu kesita. I tu'ai ipasao kemano. 20Iwanguo meda pontunua pesomba i tu'ai ka numeeakono, ”Eli onaemo Ue Alado to Isaraeli.”
Currently Selected:
Tegagia 33: XMZ
Highlight
Share
Copy
Want to have your highlights saved across all your devices? Sign up or sign in
LAI 2021
Tegagia 33
33
I Yako mesintuwu saru i Esau
33:1-20
1I Yako mengkita ngkoraane ka ikitao i Esau aiwa meronga pato etu mia. Ka i'amba meweengakono asa ntia inso a luwuno nana'ote atuu ndi Lea, asa ntia ndi Raheli ka asa ntia mbo'u a orua ata beine atuu. 2Inaa ira luwuno ata beine atuu saru luwuno anado i arono, i Lea saru luwuno anano i bungkudo, ka i Raheli saru i Yusupu i bungkuno ntu'u, 3ka onae melempa i arodo. Onae menggolontu mesomba hawe a wita pepintu, ranta ka ihawe umpeda a pepaekompono atuu. 4Sine i Esau melulu tepohaweakono, ikalampasio, kumopuio we'uno, ka i'amba woo-wooo. Pada iramo mengese. 5Ka i'amba i Esau mengkita ngkoraane ka ikita ira beine ka luwuno nana'ote atuu, ka i'amba mesikeno, ”Isemake luwuno mia anu perongamu?” Sumangki i Yako, ”Nana'ote pompowee-Do Ue Ala a atamiu andio.” 6Umarino atuu merangkuhako iramo ata beine atuu saru luwuno anado, ka do'amba mpenggolontu mpesomba. 7I Lea mbo'u saru luwuno anano mperangkuhako ka ondae mbo'u mpenggolontu mpesomba. Ka i'amba i Yusupu saru i Raheli merangkuhako, ka i'amba ondae mbo'u menggolontu mesomba. 8Motae i Esau, ”Pombio luwuno bawaamu anu ntepotowo iramo saru ongkue hieno?” Isangkio, ”Ka kupohawe pompehohawamiu ueku.” 9Sine motae i Esau, ”Anu kongko ndi ongkue hadioomo, uaiku; po'ineeomo anu kongko ndi omue pe'ueomo mpiha.” 10Sumangki i Yako, ”Ku'emao si kanatuu. Tewala mohawe aku pompehohawamiu, itarimaomo pompoweeku andio inso a ngkaeku, hangano kumitaomo koa rupamiu mengkenaomo kukitao rupa-Do Ue Ala, ka itarima aku. 11Po'ineeomo ka itarimao pompoweeku andio, anu kuwawaomo ndi omiu, hangano Dopehohawa akumo Ue Ala ka luwuno hinao ndi ongkue.” Ka i'amba dumadaio i Esau, ranta ka itarimao i Esau. 12Motae i Esau, ”Moikoomo topelungka motilaloakono pelempaa; aku melempa saru omue.” 13Sine i Yako motae ndi onae, ”Ito'oriomo ueku nine nana'ote andiodo nahi domemokora. Ndio mbo'u, saru ongkue hinao asa bawaa bembe bimba ka sapi anu da mpo'uo. Tewala rinokuhi asa oleo koa, luwuno bawaano pinotuwu atuu ira memate. 14Po'ineeomo omiu ueku ipelempamo mese'elungio atamiu andio. Aku melempa me'ara-arai montonda pelempado pinotuwu anu mpelempa i aroku ka pelempado nana'ote, ranta ka kuhawe ndi omiu ueku i Seiri.” 15Motae i Esau, ”Tewala kanatuu, moikoomo kupobinta ndi omue ba te'opia mia anu tumonda aku.” Sine motae i Yako, ”Tembio asalakono ka ikanatuu? Sompoomo kupohawe pompehohawamiu ueku.” 16Ia oleo koa mbo'u atuu i Esau melempa mekule i Seiri. 17Sine i Yako melungka lumako i Sukoti, ka i'amba mowangu rahano, iweweu ira laika po'iangado pinotuwuno. Onaemo pu'uno po'ianga atuu nineeako Sukoti.
18I Yako hawe koa moiko i Sikemi i wita Kana'a a laro pelempaano inso i Padana-Arami. Ka i'amba mekema i sabaano oleo kota Sikemi. 19#Yos. 24:32; Yoh. 4:5Ka i'amba umolio inso a luwuno anano i Hemori, amano i Sikemi, asa mpo'ianga wita me'oli asa etu kesita. I tu'ai ipasao kemano. 20Iwanguo meda pontunua pesomba i tu'ai ka numeeakono, ”Eli onaemo Ue Alado to Isaraeli.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
LAI 2021