I YOHANE 13
13
Ondae i Yesu wo'ohio karudo ana guru-Do
13:1-20
1Tempo atuu napi pinu'u oleo langkai Pasa, Doto'oriomo i Yesu, nine haweakoomo tempo-Do melimba inso i wawontolino andio ndi Ondae i Ama. Mengkena kana Dowela mehohawa ira ana guru-Do kanandiomo kanandio-andio Dopehohawa ira hawe a mpoko'ariano. 2Kontongaado mpongkaa mperonga, ka ipetanga-tangaakonomo i Mosa'o tinoono i laro aroano i Yudasi Karioti, anano i Simo, ka ipeweengako Ira. 3Doto'orio i Yesu, nine luwuakoano Dopeweengakonomo Ama-Do ndi Ondae ka nine Dohawe inso ndi Ondae Ue Ala ka mekule ndi Ondae Ue Ala. 4Ka i'amba mentade Iramo i Yesu ka Dolohuo lemba meloe-Do. Do'alao asa lewe sawu lena ka Dopetanggoakono a ntonga-Do, 5ka Do'amba montawa uwoi a loea, ka Dopompu'u wo'ohiako ira karudo ana guru-Do ka Do'amba pahihiakono sawu a ntonga-Do atuu. 6Ka hawe Iramo ndi Simo Peturu. Motae i Peturu ndi Ondae, ”Ue, Komiu wo'ohiakune karuku?” 7Sumangki Ira i Yesu, ”Hapa anu wineweu-Ku, nahi uto'orio kanandio-andio, sine lembuino ka u'amba mokonto'orio.” 8Motae i Peturu ndi Ondae, ”Nahi Komiu wo'ohiakune karuku hawe nahina tampulaano.” Sumangki Ira i Yesu, ”Tewala nahi Kuwo'ohiko, nahi komohawe tia ndi Ongkue.” 9Motae i Simo Peturu ndi Ondae, ”Ue, si butu karuku, sine kaeku mbo'u ka uluku!” 10Motae Ira i Yesu ndi onae, ”Ba isema medoloomo, siimo ipedolo mbo'u sangkadio wo'ohio karuno, hangano onae morinaomo luwu. Omiu mbo'u memorina komiumo, butu komba luwumiu.” 11Hangano Doto'orio, isema anu ta meweengako Ira. Onaemo pu'uno ka Dopotae, ”Komba luwumiu memorina.”
12 #
Luk. 22:27
Umari-Do wo'ohiako ira karudo, Dopokonao sangka-Do ka Dopekule a mpo'ianga-Do. Ka Do'amba motaeako ira, ”Impokonto'orio koake hapa anu umari Kuweweuakomiu? 13Impoboia-Kune Guru ka Ue, ka paumiu atuu mentee ntu'u, hangano lano Ongkuemo Guru ka Ue. 14Gagi tewala Kuwo'ohiakomiu karumiu, Ongkuemo anu Ue ka Gurumiu, ka omiu mbo'u asalakono imambe wo'ohi ngkaru; 15hangano Kupoweeakomiumo aasa pandiri, ka imeweweuo koa mbo'u mengkena kana anu umariomo Kuweweuo ndi omiu. 16#Mat. 10:24; Luk. 6:40; Yoh. 15:20 Kupauakomiu: menteeano aasa ata komba mantandeopo sekono ueno, ke maupo aasa mia tinena sekonopo onae anu tumenao. 17Tewala imento'orio luwuno andio, meme'ura komiumo, tewala imeweweuo.
18 #
Pud. 41:10
Komba mongkona omiu luwu Kupepau. Kuto'orio, isema anu Kubinikiomo. Sine asalakono inihii anu teburi a Wunta Mempori andio: Mia anu mongkaa roti-Ku, itandeomo tundono ndi Ongkue. 19Kupauakomiu kanandio-andio tempono napi gagi mongkona atuu, nde tewala gagiomo ka impe'ala-alao, nine Ongkuemo Miano. 20#Mat. 10:40; Mrk. 9:37; Luk. 9:48; 10:16 Kupauakomiu: Menteeano ba isema tumarimao mia anu tinena-Ku, itarima Aku, ka ba isema tumarima Aku, itarima Ira anu tumena Aku.”
Ondae i Yesu mopoto'oriakono i Yudasi
13:21-30
(Mat. 26:21-25; Mrk. 14:18-21; Luk. 22:21-23)
21Umari-Do i Yesu mepau kanandio tedoa te'urense laro-Do, ka Do'amba motae, ”Kupauakomiu, menteeano asa mia i olomiu ta meweenga-Kune.” 22Ana guru atuudo asa mia kumitao walino, mengkohali-hali ira isema anu tinoo-Do. 23Asa mia i olodo ana guru-Do i Yesu, onaemo ana guru anu pinehohawa-Do, mehonda umpeda ndi Ondae, i koana-Do. 24A ana guru atuu i Simo Peturu moweeakono petondoni ka ipotae, ”Pesikenomo isema tinunggai-Do!” 25Ana guru anu mentoro umpeda ndi Ondae i Yesu atuu mewolili ka ipotaeako Ira, ”Ue, isemake atuu?” 26Sumangki Ira i Yesu, ”Onaemo atuu, anu Aku moweeakono roti, umari-Ku umemoo.” Umari-Do mepau kanandio Do'alao roti, me'emoakono ka Doweeakono i Yudasi, anano i Simo Karioti. 27Ka umarino tumarimao i Yudasi roti atuu, ipewinsokio i Mosa'o. Onaemo ka Dopotaeakono i Yesu, ”Hapa anu komingki weweuo, pontuturakomo weweuo.” 28Sine nahina maupo te'asa mia inso i olodo anu mpentoro mpongkaa atuu mokonto'orio, hapa tinoo-Do i Yesu mepau kanatuu ndi Yudasi. 29Hangano i Yudasi mo'iniako ira doi hinao anu kolaro-laro, nine onae Dotenao i Yesu ka ipo'oli hapa-hapa anu kinere a mporame-ramea atuu, ke mompowee hapa-hapa a mia memongkokolaro. 30Itarimao i Yudasi roti atuu ka i'amba ronga lumako. I tempo atuu wongiomo.
Parenta wo'ohu
13:31-35
31Umarino lumako i Yudasi, motae Iramo i Yesu. ”Kanandio-andio i Ana Manusia pinokomaramba ka Ondae Ue Ala pinokomaramba ndi Ondae. 32Tewala Ondae Ue Ala pinokomaramba ndi Ondae, Ondae mbo'u Ue Ala mokomaramba Ira a ngkoroi-Do, ka Ira ronga mokomaramba Ira. 33#Yoh. 7:34 Hei luwumiu ana-Ku, saraimo koa Kukongko meronga omiu. Komiu me'ungke Aku, ka kana anu Kupauako iramo to Yahudi: A mpo'ianga lakoa-Ku, nahi komiu mpokohawe, kanatuu koa mbo'u Kupauakomiu kanandio-andio.
34 #
Yoh. 15:12; 17; 1Yoh. 3:23; 2Yoh. 5 Kupoweeakomiu parenta wo'ohu, onaemo ka imambe pehohawa; mengkena kana Kupehohawa komiumo kanatuu koa mbo'u imambe pehohawa. 35Ba kanandio iramo mento'orio luwuno mia, nine omiumo ana guru-Ku, onaemo tewala mambe pehohawa komiu.”
Ondae i Yesu mopoto'oriakono i Peturu
13:36-38
(Mat. 26:31-35; Mrk. 14:27-31; Luk. 22:31-34)
36I Simo Peturu motaeako Ira i Yesu, ”Ue, isuake ba Ilako?” Sumangki Ira i Yesu, ”A mpo'ianga lakoa-Ku, nahi komokotonda Aku kanandio-andio, sine te'ipua kokoa tumonda Aku.” 37Ipotaeako Ira i Peturu, ”Ue, tembio ka nahi kupokotonda Komiu kanandio-andio? Aku meweengakono penaaku hangano Omiu!” 38Sumangki Ira i Yesu, ”Komeweengakono penaamu hangano Ongkue? Menteeano Kupauakomu: Napi kumokoroido manu, pentolumo uhapu Aku.”
Currently Selected:
I YOHANE 13: XMZ
Highlight
Share
Copy
Want to have your highlights saved across all your devices? Sign up or sign in
LAI 2021
I YOHANE 13
13
Ondae i Yesu wo'ohio karudo ana guru-Do
13:1-20
1Tempo atuu napi pinu'u oleo langkai Pasa, Doto'oriomo i Yesu, nine haweakoomo tempo-Do melimba inso i wawontolino andio ndi Ondae i Ama. Mengkena kana Dowela mehohawa ira ana guru-Do kanandiomo kanandio-andio Dopehohawa ira hawe a mpoko'ariano. 2Kontongaado mpongkaa mperonga, ka ipetanga-tangaakonomo i Mosa'o tinoono i laro aroano i Yudasi Karioti, anano i Simo, ka ipeweengako Ira. 3Doto'orio i Yesu, nine luwuakoano Dopeweengakonomo Ama-Do ndi Ondae ka nine Dohawe inso ndi Ondae Ue Ala ka mekule ndi Ondae Ue Ala. 4Ka i'amba mentade Iramo i Yesu ka Dolohuo lemba meloe-Do. Do'alao asa lewe sawu lena ka Dopetanggoakono a ntonga-Do, 5ka Do'amba montawa uwoi a loea, ka Dopompu'u wo'ohiako ira karudo ana guru-Do ka Do'amba pahihiakono sawu a ntonga-Do atuu. 6Ka hawe Iramo ndi Simo Peturu. Motae i Peturu ndi Ondae, ”Ue, Komiu wo'ohiakune karuku?” 7Sumangki Ira i Yesu, ”Hapa anu wineweu-Ku, nahi uto'orio kanandio-andio, sine lembuino ka u'amba mokonto'orio.” 8Motae i Peturu ndi Ondae, ”Nahi Komiu wo'ohiakune karuku hawe nahina tampulaano.” Sumangki Ira i Yesu, ”Tewala nahi Kuwo'ohiko, nahi komohawe tia ndi Ongkue.” 9Motae i Simo Peturu ndi Ondae, ”Ue, si butu karuku, sine kaeku mbo'u ka uluku!” 10Motae Ira i Yesu ndi onae, ”Ba isema medoloomo, siimo ipedolo mbo'u sangkadio wo'ohio karuno, hangano onae morinaomo luwu. Omiu mbo'u memorina komiumo, butu komba luwumiu.” 11Hangano Doto'orio, isema anu ta meweengako Ira. Onaemo pu'uno ka Dopotae, ”Komba luwumiu memorina.”
12 #
Luk. 22:27
Umari-Do wo'ohiako ira karudo, Dopokonao sangka-Do ka Dopekule a mpo'ianga-Do. Ka Do'amba motaeako ira, ”Impokonto'orio koake hapa anu umari Kuweweuakomiu? 13Impoboia-Kune Guru ka Ue, ka paumiu atuu mentee ntu'u, hangano lano Ongkuemo Guru ka Ue. 14Gagi tewala Kuwo'ohiakomiu karumiu, Ongkuemo anu Ue ka Gurumiu, ka omiu mbo'u asalakono imambe wo'ohi ngkaru; 15hangano Kupoweeakomiumo aasa pandiri, ka imeweweuo koa mbo'u mengkena kana anu umariomo Kuweweuo ndi omiu. 16#Mat. 10:24; Luk. 6:40; Yoh. 15:20 Kupauakomiu: menteeano aasa ata komba mantandeopo sekono ueno, ke maupo aasa mia tinena sekonopo onae anu tumenao. 17Tewala imento'orio luwuno andio, meme'ura komiumo, tewala imeweweuo.
18 #
Pud. 41:10
Komba mongkona omiu luwu Kupepau. Kuto'orio, isema anu Kubinikiomo. Sine asalakono inihii anu teburi a Wunta Mempori andio: Mia anu mongkaa roti-Ku, itandeomo tundono ndi Ongkue. 19Kupauakomiu kanandio-andio tempono napi gagi mongkona atuu, nde tewala gagiomo ka impe'ala-alao, nine Ongkuemo Miano. 20#Mat. 10:40; Mrk. 9:37; Luk. 9:48; 10:16 Kupauakomiu: Menteeano ba isema tumarimao mia anu tinena-Ku, itarima Aku, ka ba isema tumarima Aku, itarima Ira anu tumena Aku.”
Ondae i Yesu mopoto'oriakono i Yudasi
13:21-30
(Mat. 26:21-25; Mrk. 14:18-21; Luk. 22:21-23)
21Umari-Do i Yesu mepau kanandio tedoa te'urense laro-Do, ka Do'amba motae, ”Kupauakomiu, menteeano asa mia i olomiu ta meweenga-Kune.” 22Ana guru atuudo asa mia kumitao walino, mengkohali-hali ira isema anu tinoo-Do. 23Asa mia i olodo ana guru-Do i Yesu, onaemo ana guru anu pinehohawa-Do, mehonda umpeda ndi Ondae, i koana-Do. 24A ana guru atuu i Simo Peturu moweeakono petondoni ka ipotae, ”Pesikenomo isema tinunggai-Do!” 25Ana guru anu mentoro umpeda ndi Ondae i Yesu atuu mewolili ka ipotaeako Ira, ”Ue, isemake atuu?” 26Sumangki Ira i Yesu, ”Onaemo atuu, anu Aku moweeakono roti, umari-Ku umemoo.” Umari-Do mepau kanandio Do'alao roti, me'emoakono ka Doweeakono i Yudasi, anano i Simo Karioti. 27Ka umarino tumarimao i Yudasi roti atuu, ipewinsokio i Mosa'o. Onaemo ka Dopotaeakono i Yesu, ”Hapa anu komingki weweuo, pontuturakomo weweuo.” 28Sine nahina maupo te'asa mia inso i olodo anu mpentoro mpongkaa atuu mokonto'orio, hapa tinoo-Do i Yesu mepau kanatuu ndi Yudasi. 29Hangano i Yudasi mo'iniako ira doi hinao anu kolaro-laro, nine onae Dotenao i Yesu ka ipo'oli hapa-hapa anu kinere a mporame-ramea atuu, ke mompowee hapa-hapa a mia memongkokolaro. 30Itarimao i Yudasi roti atuu ka i'amba ronga lumako. I tempo atuu wongiomo.
Parenta wo'ohu
13:31-35
31Umarino lumako i Yudasi, motae Iramo i Yesu. ”Kanandio-andio i Ana Manusia pinokomaramba ka Ondae Ue Ala pinokomaramba ndi Ondae. 32Tewala Ondae Ue Ala pinokomaramba ndi Ondae, Ondae mbo'u Ue Ala mokomaramba Ira a ngkoroi-Do, ka Ira ronga mokomaramba Ira. 33#Yoh. 7:34 Hei luwumiu ana-Ku, saraimo koa Kukongko meronga omiu. Komiu me'ungke Aku, ka kana anu Kupauako iramo to Yahudi: A mpo'ianga lakoa-Ku, nahi komiu mpokohawe, kanatuu koa mbo'u Kupauakomiu kanandio-andio.
34 #
Yoh. 15:12; 17; 1Yoh. 3:23; 2Yoh. 5 Kupoweeakomiu parenta wo'ohu, onaemo ka imambe pehohawa; mengkena kana Kupehohawa komiumo kanatuu koa mbo'u imambe pehohawa. 35Ba kanandio iramo mento'orio luwuno mia, nine omiumo ana guru-Ku, onaemo tewala mambe pehohawa komiu.”
Ondae i Yesu mopoto'oriakono i Peturu
13:36-38
(Mat. 26:31-35; Mrk. 14:27-31; Luk. 22:31-34)
36I Simo Peturu motaeako Ira i Yesu, ”Ue, isuake ba Ilako?” Sumangki Ira i Yesu, ”A mpo'ianga lakoa-Ku, nahi komokotonda Aku kanandio-andio, sine te'ipua kokoa tumonda Aku.” 37Ipotaeako Ira i Peturu, ”Ue, tembio ka nahi kupokotonda Komiu kanandio-andio? Aku meweengakono penaaku hangano Omiu!” 38Sumangki Ira i Yesu, ”Komeweengakono penaamu hangano Ongkue? Menteeano Kupauakomu: Napi kumokoroido manu, pentolumo uhapu Aku.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
LAI 2021