I YOHANE 15
15
Keu anggoro anu mentee
15:1-8
1”Ongkuemo keu anggoro anu mentee ka Ondaemo Ama-Ku anu mekariao. 2Sompo sampano ndi Ongkue anu nahi pewua, Dopoleo ka sompo sampano anu mewua, Dopokomorinao, ka ipewua lalu hadio. 3Omiu lano memorina komiumo hangano pau anu Kupauakomiumo. 4Impo'iamo i laro-Ku ka Kupo'ia i laromiu. Mengkena kana sampano anu nahi pokompewua onaeno, ba nahi po'ia a ngkeu anggoro, kanatuu koa mbo'u omiu nahi mpewua, ba nahi mpo'ia i laro-Ku. 5Ongkuemo keu anggoro ka omiumo luwuno sampano. Ba isema mo'ia i laro-Ku ka Ongkue mo'ia i larono, onae mewua hadio, hangano ba nahi saru Ongkue nahina hapa-hapa pinokoweweumiu. 6Ba isema nahi po'ia i laro-Ku, onae tinadi i bungkuno kana sampa ka igagi mokari, ka do'amba mepumpuo mia ka ipinetendeako a laro api ka imo'ai. 7Tewala mpo'ia komiu i laro-Ku ka pau-Ku mo'ia i laromiu, impo'emamo hapamo koa anu inehemiu, ka komiu mentarimao. 8Kanandiomo Ondae Ama-Ku Dopinokomaramba, onaemo tewala mpewua komiu hadio ka ba kanandio omiu megagi ana guru-Ku.”
Parenta ka imemambe pehohawa
15:9-17
9”Kana Ondae i Ama Dopehohawa Akumo, kanandiomo mbo'u Kupehohawa komiu; impo'iamo a laro pompehohawa-Ku atuu. 10Tewala imentondao songka-Ku, komiu mpo'ia a laro pompehohawa-Ku, kana Kutondao songka-Do Ama-Ku ka mo'ia a laro pompehohawa-Do.
11Luwuno atuu Kupauakomiu, ka ipo'ia i laromiu po'unde-Ku ka po'undemiu gagi soompo. 12#Yoh. 13:34; 15:17; 1Yoh. 3:23; 2Yoh. 5 Ndiomo songka-Ku, onaemo ka imambe pehohawa, kana Kupehohawa komiu. 13Nahina pompehohawa anu lalu langkai sekonopo asa mia anu meweengakono penaano tiado sambe'eno. 14Omiumo sambe'e-Ku, tewala imeweweuo hapa anu Kuparentaakomiu. 15Nami Aku moboiakomiu mbo'u tetenaa, hangano tetenaa nahi to'orio, hapa anu wineweuno ueno, sine Kupoboiakomiu sambe'e, hangano Kupauakomiumo luwuakoano anu rinonge-Ku inso ndi Ondae Ama-Ku. 16Komba omiu anu mebiniki Aku, sine Ongkuemo anu biniki komiu. Ka Ongkuemo anu pakosi komiu, ka imelako ka impewua ka ipo'ia mpiha wuamiu atuu, ka Doweeakomiu hapa anu inemamiu ndi Ondae i Ama a nee-Ku. 17Ndiomo parenta-Ku ndi omiu: Imambe pehohawa.”
Wawontolino umo'aliaako Ira i Yesu ka ana guru-Do
15:18-27
18”Tewala i'o'aliaakomiu wawontolino, impewowoloomo nine se'eluomo i'o'aliaa-Kune sekonopo omiu. 19Bakana me'inso komiu i wawontolino, asalakono ipehohawa komiu wawontolino kana miano. Sine hangano omiu komba inso i wawontolino, tendeano Kubiniki komiumo inso i wawontolino, onaemo pu'uno ka i'o'aliaakomiu wawontolino. 20#Mat. 10:24; Luk. 6:40; Yoh. 13:16 Impewowoloomo hapa anu umari Kupauakomiu: Aasa tetenaa nahi lalua inso a ueno. Tewala domeweweu nsa'o Akumo, ira meweweu nsa'o komiu mbo'u; tewala domentondaomo pau-Ku, ira koa mentondao mbo'u pinaumiu. 21Sine luwuno atuu ira meweweuo ndi omiu hangano nee-Ku, hangano nahi domento'ori Ira, anu tumena Aku. 22Bakana nahi Kuhawe ka nahi Kupepau ndi ondae, asalakono nahi dontehala. Sine kanandio-andio nahina popangkuano halado! 23Ba isema umo'aliaa-Kune, i'o'aliaako Ira mbo'u Ama-Ku. 24Bakana nahi kuweweuo anggaa i olodo kana anu nahi dohori meweweu mia susua, asalakono nahi dontehala. Sine kanandio-andio maupo domengkitaomo luwuno atuu, sine o'aliado moiko ndi Ongkue maupo ndi Ondae Ama-Ku. 25#Pud. 35:19; 69:5 Sine pau anu teburi a wunta songka Taura asalakono dome'ihiio: Dome'o'aliaa-Kune nahina pu'uno.
26Tewala hawe Pontarero anu Aku tumenao inso ndi Ondae i Ama, onaemo Penaa Menteea anu meluarako inso ndi Ondae i Ama, Ondae Ira mesakosii mongkona Ongkue. 27Sine omiu mbo'u asalakono mpesakosii, hangano omiu inso a pompu'uano mperonga saru Ongkue.”
Currently Selected:
I YOHANE 15: XMZ
Highlight
Share
Copy
Want to have your highlights saved across all your devices? Sign up or sign in
LAI 2021
I YOHANE 15
15
Keu anggoro anu mentee
15:1-8
1”Ongkuemo keu anggoro anu mentee ka Ondaemo Ama-Ku anu mekariao. 2Sompo sampano ndi Ongkue anu nahi pewua, Dopoleo ka sompo sampano anu mewua, Dopokomorinao, ka ipewua lalu hadio. 3Omiu lano memorina komiumo hangano pau anu Kupauakomiumo. 4Impo'iamo i laro-Ku ka Kupo'ia i laromiu. Mengkena kana sampano anu nahi pokompewua onaeno, ba nahi po'ia a ngkeu anggoro, kanatuu koa mbo'u omiu nahi mpewua, ba nahi mpo'ia i laro-Ku. 5Ongkuemo keu anggoro ka omiumo luwuno sampano. Ba isema mo'ia i laro-Ku ka Ongkue mo'ia i larono, onae mewua hadio, hangano ba nahi saru Ongkue nahina hapa-hapa pinokoweweumiu. 6Ba isema nahi po'ia i laro-Ku, onae tinadi i bungkuno kana sampa ka igagi mokari, ka do'amba mepumpuo mia ka ipinetendeako a laro api ka imo'ai. 7Tewala mpo'ia komiu i laro-Ku ka pau-Ku mo'ia i laromiu, impo'emamo hapamo koa anu inehemiu, ka komiu mentarimao. 8Kanandiomo Ondae Ama-Ku Dopinokomaramba, onaemo tewala mpewua komiu hadio ka ba kanandio omiu megagi ana guru-Ku.”
Parenta ka imemambe pehohawa
15:9-17
9”Kana Ondae i Ama Dopehohawa Akumo, kanandiomo mbo'u Kupehohawa komiu; impo'iamo a laro pompehohawa-Ku atuu. 10Tewala imentondao songka-Ku, komiu mpo'ia a laro pompehohawa-Ku, kana Kutondao songka-Do Ama-Ku ka mo'ia a laro pompehohawa-Do.
11Luwuno atuu Kupauakomiu, ka ipo'ia i laromiu po'unde-Ku ka po'undemiu gagi soompo. 12#Yoh. 13:34; 15:17; 1Yoh. 3:23; 2Yoh. 5 Ndiomo songka-Ku, onaemo ka imambe pehohawa, kana Kupehohawa komiu. 13Nahina pompehohawa anu lalu langkai sekonopo asa mia anu meweengakono penaano tiado sambe'eno. 14Omiumo sambe'e-Ku, tewala imeweweuo hapa anu Kuparentaakomiu. 15Nami Aku moboiakomiu mbo'u tetenaa, hangano tetenaa nahi to'orio, hapa anu wineweuno ueno, sine Kupoboiakomiu sambe'e, hangano Kupauakomiumo luwuakoano anu rinonge-Ku inso ndi Ondae Ama-Ku. 16Komba omiu anu mebiniki Aku, sine Ongkuemo anu biniki komiu. Ka Ongkuemo anu pakosi komiu, ka imelako ka impewua ka ipo'ia mpiha wuamiu atuu, ka Doweeakomiu hapa anu inemamiu ndi Ondae i Ama a nee-Ku. 17Ndiomo parenta-Ku ndi omiu: Imambe pehohawa.”
Wawontolino umo'aliaako Ira i Yesu ka ana guru-Do
15:18-27
18”Tewala i'o'aliaakomiu wawontolino, impewowoloomo nine se'eluomo i'o'aliaa-Kune sekonopo omiu. 19Bakana me'inso komiu i wawontolino, asalakono ipehohawa komiu wawontolino kana miano. Sine hangano omiu komba inso i wawontolino, tendeano Kubiniki komiumo inso i wawontolino, onaemo pu'uno ka i'o'aliaakomiu wawontolino. 20#Mat. 10:24; Luk. 6:40; Yoh. 13:16 Impewowoloomo hapa anu umari Kupauakomiu: Aasa tetenaa nahi lalua inso a ueno. Tewala domeweweu nsa'o Akumo, ira meweweu nsa'o komiu mbo'u; tewala domentondaomo pau-Ku, ira koa mentondao mbo'u pinaumiu. 21Sine luwuno atuu ira meweweuo ndi omiu hangano nee-Ku, hangano nahi domento'ori Ira, anu tumena Aku. 22Bakana nahi Kuhawe ka nahi Kupepau ndi ondae, asalakono nahi dontehala. Sine kanandio-andio nahina popangkuano halado! 23Ba isema umo'aliaa-Kune, i'o'aliaako Ira mbo'u Ama-Ku. 24Bakana nahi kuweweuo anggaa i olodo kana anu nahi dohori meweweu mia susua, asalakono nahi dontehala. Sine kanandio-andio maupo domengkitaomo luwuno atuu, sine o'aliado moiko ndi Ongkue maupo ndi Ondae Ama-Ku. 25#Pud. 35:19; 69:5 Sine pau anu teburi a wunta songka Taura asalakono dome'ihiio: Dome'o'aliaa-Kune nahina pu'uno.
26Tewala hawe Pontarero anu Aku tumenao inso ndi Ondae i Ama, onaemo Penaa Menteea anu meluarako inso ndi Ondae i Ama, Ondae Ira mesakosii mongkona Ongkue. 27Sine omiu mbo'u asalakono mpesakosii, hangano omiu inso a pompu'uano mperonga saru Ongkue.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
LAI 2021