ROMA 12
12
Pesomba anu mentee
12:1-8
1Onaemo pu'uno, pepaekompo, hangano pe'aroa-Do Ue Ala kupatudu komiu, ka impesombaakono koroimiu gagi pesomba anu tuwu, anu mempori ka anu pinemoiko-Do Ue Ala: onaemo atuu pesombamiu anu mentee ntu'u. 2Omiu si mpengkenaakono wawontolino andio, sine impebalimo a wo'ohuno pinewowolomiu, ranta ka impokonto'orio po'ehe-Do Ue Ala: hapa anu moiko, anu pinemoiko-Do Ue Ala ka anu nahina makurano.
3Me'empehiako pompehohawa anu kuwineeako, kupauakomiu nte'o'asa mia i olomiu: Si mpompewowolo mongkona anu lalu mantande sekonopo anu tekona impewowoloo, sine tendeano impompewowolomo temoiko, ranta ka impokopabawaio koroimiu montonda ukuruno pompe'ala-ala, anu Doweeakomiu Ue Ala sompo-sompo mia. 4#1Kor. 12:12 Hangano mengkena kana a asa koroito hadio parewa ngkoroi, sine komba luwuno parewa ngkoroi atuu mpohawe anggaa anu mengkena, 5kanatuu koa mbo'u ontae, maupo tomehadio, mpe'asa ngkoroi ndi Ondae i Kerisituu; sine ontae singge mia onaemo parewa saru anu mehano. 6#1Kor. 14:4-11 Kanandiomo tompohawe pompowee anu mpesingge-singge montonda pompehohawa anu tomewineeako: Tewala pompowee atuu ka topompau anu ta gagi moikoomo tomeweweuo menunu saru pompe'ala-alato. 7Tewala pompowee ka topompekakaako, moikoomo topompekakaako; tewala pompowee ka topompaguru, moikoomo topompaguru; 8tewala pompowee ka topompatudu, moikoomo topompatudu. Isema anu montia hapa-hapa, asalakono ka iweweuo a moleono aroano; isema anu metewawa, asalakono ka i'anggao temokua; isema anu mopokitao pe'aroano, asalakono ka iweweuo a mawongkono aroa.
Patudu mentuwu a laro pompehohawa
12:9-21
9Asalakono mompehohawa atuu si mpo'onde-onde! Ime'olaiakonomo anu mosa'o ka impoweweumo anu moiko. 10Asalakono ka imambe pehohawa kana pepaekompo ka mambepese'elungi a mpompelangkai. 11Ka si mansa luuntu mokuamiu, po'ineeomo ka itensila penaamiu ka impo'anggaako Iramo i Ue. 12Impo'undemo a laro pomperorohia, imensabaramo a laro ma'isoa, ka si mpenaa-naa mpekakai! 13Imentulungi iramo mia mempori a laro makurado ka po'ineeomo koroimu ka iwela koa mompowee peratoa! 14#Mat. 5:44; Luk. 6:28 Imeronsoomo isema anu bobarasai komiu, imeronsoomo ka si mpototonaa! 15Impo'undemo saru mia anu mo'unde, ka impengesemo saru mia anu mengese! 16#Pow. 3:7 Asalakono ka impe'asa aroa ka pompewowolo a laro ntuwumiu memoroko; siimo impompewowolo luwuakoano anu mantande, sine impompewowolomo a luwuakoano anu tekona. Si pompepande-pande! 17Mosa'oa si pombaloakono mosa'oa; weweuomo hapa anu moiko a luwuno mia! 18Tompa pinolimiu, tewala mongkona atuu montonda omiu, imentuwumo mpesintuwuako ira luwuno mia! 19#Win. 32:35 Pepaekompo luwu-luwu anu pinehohawaku, si mpombalo omiu-miu, sine impeweengakono a pontekudaako-Do Ue Ala, hangano hinao teburi: Pombaloa atuu tia-Ku. Ongkuemo anu mombalo, pau-Do i Ue. 20#Pow. 25:21-22 Sine, tewala iwalimu mokoninggo, imempakao; tewala mokoranga, impopo'inuo! Hangano mpoweweu komiu kanandio impohowuakono waro api a ntoro'uluno. 21Si mentenagi a mosa'oa, sine mosa'oa imenangiakono moikoa!
Currently Selected:
ROMA 12: XMZ
Highlight
Share
Copy
Want to have your highlights saved across all your devices? Sign up or sign in
LAI 2021
ROMA 12
12
Pesomba anu mentee
12:1-8
1Onaemo pu'uno, pepaekompo, hangano pe'aroa-Do Ue Ala kupatudu komiu, ka impesombaakono koroimiu gagi pesomba anu tuwu, anu mempori ka anu pinemoiko-Do Ue Ala: onaemo atuu pesombamiu anu mentee ntu'u. 2Omiu si mpengkenaakono wawontolino andio, sine impebalimo a wo'ohuno pinewowolomiu, ranta ka impokonto'orio po'ehe-Do Ue Ala: hapa anu moiko, anu pinemoiko-Do Ue Ala ka anu nahina makurano.
3Me'empehiako pompehohawa anu kuwineeako, kupauakomiu nte'o'asa mia i olomiu: Si mpompewowolo mongkona anu lalu mantande sekonopo anu tekona impewowoloo, sine tendeano impompewowolomo temoiko, ranta ka impokopabawaio koroimiu montonda ukuruno pompe'ala-ala, anu Doweeakomiu Ue Ala sompo-sompo mia. 4#1Kor. 12:12 Hangano mengkena kana a asa koroito hadio parewa ngkoroi, sine komba luwuno parewa ngkoroi atuu mpohawe anggaa anu mengkena, 5kanatuu koa mbo'u ontae, maupo tomehadio, mpe'asa ngkoroi ndi Ondae i Kerisituu; sine ontae singge mia onaemo parewa saru anu mehano. 6#1Kor. 14:4-11 Kanandiomo tompohawe pompowee anu mpesingge-singge montonda pompehohawa anu tomewineeako: Tewala pompowee atuu ka topompau anu ta gagi moikoomo tomeweweuo menunu saru pompe'ala-alato. 7Tewala pompowee ka topompekakaako, moikoomo topompekakaako; tewala pompowee ka topompaguru, moikoomo topompaguru; 8tewala pompowee ka topompatudu, moikoomo topompatudu. Isema anu montia hapa-hapa, asalakono ka iweweuo a moleono aroano; isema anu metewawa, asalakono ka i'anggao temokua; isema anu mopokitao pe'aroano, asalakono ka iweweuo a mawongkono aroa.
Patudu mentuwu a laro pompehohawa
12:9-21
9Asalakono mompehohawa atuu si mpo'onde-onde! Ime'olaiakonomo anu mosa'o ka impoweweumo anu moiko. 10Asalakono ka imambe pehohawa kana pepaekompo ka mambepese'elungi a mpompelangkai. 11Ka si mansa luuntu mokuamiu, po'ineeomo ka itensila penaamiu ka impo'anggaako Iramo i Ue. 12Impo'undemo a laro pomperorohia, imensabaramo a laro ma'isoa, ka si mpenaa-naa mpekakai! 13Imentulungi iramo mia mempori a laro makurado ka po'ineeomo koroimu ka iwela koa mompowee peratoa! 14#Mat. 5:44; Luk. 6:28 Imeronsoomo isema anu bobarasai komiu, imeronsoomo ka si mpototonaa! 15Impo'undemo saru mia anu mo'unde, ka impengesemo saru mia anu mengese! 16#Pow. 3:7 Asalakono ka impe'asa aroa ka pompewowolo a laro ntuwumiu memoroko; siimo impompewowolo luwuakoano anu mantande, sine impompewowolomo a luwuakoano anu tekona. Si pompepande-pande! 17Mosa'oa si pombaloakono mosa'oa; weweuomo hapa anu moiko a luwuno mia! 18Tompa pinolimiu, tewala mongkona atuu montonda omiu, imentuwumo mpesintuwuako ira luwuno mia! 19#Win. 32:35 Pepaekompo luwu-luwu anu pinehohawaku, si mpombalo omiu-miu, sine impeweengakono a pontekudaako-Do Ue Ala, hangano hinao teburi: Pombaloa atuu tia-Ku. Ongkuemo anu mombalo, pau-Do i Ue. 20#Pow. 25:21-22 Sine, tewala iwalimu mokoninggo, imempakao; tewala mokoranga, impopo'inuo! Hangano mpoweweu komiu kanandio impohowuakono waro api a ntoro'uluno. 21Si mentenagi a mosa'oa, sine mosa'oa imenangiakono moikoa!
Currently Selected:
:
Highlight
Share
Copy
Want to have your highlights saved across all your devices? Sign up or sign in
LAI 2021