ROMA 14
14
Si mpobitara pepaekompomiu
14:1-12
1 #
Kol. 2:16
Imentarimaomo mia anu memolema pompe'ala-alano ka siimo imempopauo pohaweno aroano. 2Anu asa mia me'ala-alao, nine moiko ikaano luwuno rupano kaanga, sine mia anu molema pompe'ala-alano butu koa mongkaa inahu. 3Isema anu mongkaa, si pokongkodeio mia anu nahi pongkaa, ka isema anu nahi pongkaa, si bitarao mia anu mongkaa, hangano Dotarimaomo Ue Ala mia atuu. 4Isemake omiu, ranta ka imebitarao atano mia susua? Ke onae mentade ke onae tebangku, to'oriano koa ueno. Sine ta koa mentade mpiha, hangano Ondae i Ue pabawa dumagaio mpiha ka ipentade.
5Anu asa mia tumuduo oleo anu aasa laluaopo sekono anu mehano, sine anu mehano tumuduo luwuno oleo mengkena koa. Asalakono sompo mia ka ipe'ala-alao ntu'u i laro aroano onaeno. 6Isema anu me'ini a aasa oleo anu tepakosi, iweweuomo hangano Ondae i Ue. Ka isema mongkaa, iweweuomo hangano Ondae i Ue, hangano onae montarima kasi ndi Ue Ala. Ka isema nahi pongkaa, iweweuo hangano Ondae i Ue, ka onae koa mbo'u montarima kasi ndi Ondae Ue Ala. 7Hangano nahina maupo te'asa mia i oloto anu tuwu tiano koroino onaeno, ka nahina maupo te'asa mia anu mate tiano koroino onaeno. 8Hangano ba tomentuwu, tomentuwu tia-Do i Ue, ka ba tomemate, tomemate tia-Do i Ue. Gaagi moiko tuwu ke mate, ontae mia-Do i Ue. 9Hangano onaemo Domateako i Kerisituu ka wali tuwu, ka Dogagi Ue, moiko a mia memate, maupo a mia mentuwu. 10#2Kor. 5:10 Sine omue, tembio ka ubitarao pepaekompomu? Ke tembio ka upokongkodeio pepaekompomu? Hangano luwuto asalakono mewinawa i arono kadera pobitaraa-Do Ue Ala. 11#Yes. 45:23 Hangano hinao teburi,
”Hangano Ongkue tuwu, kanandiomo pau-Do i Ue,
luwuno mia ira mpenggolontu i aro-Ku
ka luwuno mia ira me'unde-unde Ira Ue Ala.”
12Kanandiomo sompo mia i oloto ta sumangki Ira Ue Ala mongkona koroino onaeno.
Si mpompowee watu tetidua
14:13-23
13Onaemo pu'uno siimo tomambebitara mbo'u! Sine moikoopo imentondao pohawe laro andio: Si toweweuo pepaekompoto ka itedonta ke tetidu!
14Kuto'orio ka kupe'ala-alao ndi Ondae Ue Yesu, nine nahina te'asa anu mokoburu inso a ngkoroino onaeno. Butu a mia anu tumuduo, nine hapamo koa mokoburu, a miamo atuu hapamo koa atuu mokoburu. 15Hangano tewala upokomahakio aroano pepaekompomu hangano hapa anu kinaamu, onaemo ka nami utuwu mbo'u montonda inemano pompehohawa. Si solangio pepaekompomu hangano kaangamu, hangano Domateakonomo i Kerisituu. 16Hapa anu moiko, anu hina ndi omiu, si mpo'ineeo ipinosebe. 17Hangano Poparentaa-Do Ue Ala komba mongkona kaanga ka inua, sine mongkona menteea, rodoa ka mawongkoa hangano Penaa Mempori. 18Hangano ba isema anu mekakaako Ira i Kerisituu kanandio, onae Dopemoikoo Ue Ala ka dompelangkaio mia.
19Onaemo pu'uno aiwamo tome'ungkeo hapa anu mowawa rodoa ka anu mentudu ka tomambepokoroso. 20Si solangio inangga-Do Ue Ala hangano kaanga! Luwuakoano mempori, sine masolaomo mia, tewala hangano kaangano mia susua tetidu! 21Laluopo omue si pongkaa bau ke mo'inu anggoro, ke hapamo koa anu gagi watu tetiduno pepaekompomu. 22Pe'inimo a pompe'ala-alamu atuu, tiano koroimu omuemu i aro-Do Ue Ala. Me'uraomo onae, anu nahi hukuo koroino onaeno a laro hapa anu ipemoikoo ba iweweuo. 23Sine ba isema anu nanta-nanta, ba ikaano, onae hinukuomo, hangano nahi weweuo me'empehiako pompe'ala-ala. Ka luwuakoano anu nahi pe'empehiako pompe'ala-ala, onaemo hala.
Currently Selected:
ROMA 14: XMZ
Highlight
Share
Copy
Want to have your highlights saved across all your devices? Sign up or sign in
LAI 2021
ROMA 14
14
Si mpobitara pepaekompomiu
14:1-12
1 #
Kol. 2:16
Imentarimaomo mia anu memolema pompe'ala-alano ka siimo imempopauo pohaweno aroano. 2Anu asa mia me'ala-alao, nine moiko ikaano luwuno rupano kaanga, sine mia anu molema pompe'ala-alano butu koa mongkaa inahu. 3Isema anu mongkaa, si pokongkodeio mia anu nahi pongkaa, ka isema anu nahi pongkaa, si bitarao mia anu mongkaa, hangano Dotarimaomo Ue Ala mia atuu. 4Isemake omiu, ranta ka imebitarao atano mia susua? Ke onae mentade ke onae tebangku, to'oriano koa ueno. Sine ta koa mentade mpiha, hangano Ondae i Ue pabawa dumagaio mpiha ka ipentade.
5Anu asa mia tumuduo oleo anu aasa laluaopo sekono anu mehano, sine anu mehano tumuduo luwuno oleo mengkena koa. Asalakono sompo mia ka ipe'ala-alao ntu'u i laro aroano onaeno. 6Isema anu me'ini a aasa oleo anu tepakosi, iweweuomo hangano Ondae i Ue. Ka isema mongkaa, iweweuomo hangano Ondae i Ue, hangano onae montarima kasi ndi Ue Ala. Ka isema nahi pongkaa, iweweuo hangano Ondae i Ue, ka onae koa mbo'u montarima kasi ndi Ondae Ue Ala. 7Hangano nahina maupo te'asa mia i oloto anu tuwu tiano koroino onaeno, ka nahina maupo te'asa mia anu mate tiano koroino onaeno. 8Hangano ba tomentuwu, tomentuwu tia-Do i Ue, ka ba tomemate, tomemate tia-Do i Ue. Gaagi moiko tuwu ke mate, ontae mia-Do i Ue. 9Hangano onaemo Domateako i Kerisituu ka wali tuwu, ka Dogagi Ue, moiko a mia memate, maupo a mia mentuwu. 10#2Kor. 5:10 Sine omue, tembio ka ubitarao pepaekompomu? Ke tembio ka upokongkodeio pepaekompomu? Hangano luwuto asalakono mewinawa i arono kadera pobitaraa-Do Ue Ala. 11#Yes. 45:23 Hangano hinao teburi,
”Hangano Ongkue tuwu, kanandiomo pau-Do i Ue,
luwuno mia ira mpenggolontu i aro-Ku
ka luwuno mia ira me'unde-unde Ira Ue Ala.”
12Kanandiomo sompo mia i oloto ta sumangki Ira Ue Ala mongkona koroino onaeno.
Si mpompowee watu tetidua
14:13-23
13Onaemo pu'uno siimo tomambebitara mbo'u! Sine moikoopo imentondao pohawe laro andio: Si toweweuo pepaekompoto ka itedonta ke tetidu!
14Kuto'orio ka kupe'ala-alao ndi Ondae Ue Yesu, nine nahina te'asa anu mokoburu inso a ngkoroino onaeno. Butu a mia anu tumuduo, nine hapamo koa mokoburu, a miamo atuu hapamo koa atuu mokoburu. 15Hangano tewala upokomahakio aroano pepaekompomu hangano hapa anu kinaamu, onaemo ka nami utuwu mbo'u montonda inemano pompehohawa. Si solangio pepaekompomu hangano kaangamu, hangano Domateakonomo i Kerisituu. 16Hapa anu moiko, anu hina ndi omiu, si mpo'ineeo ipinosebe. 17Hangano Poparentaa-Do Ue Ala komba mongkona kaanga ka inua, sine mongkona menteea, rodoa ka mawongkoa hangano Penaa Mempori. 18Hangano ba isema anu mekakaako Ira i Kerisituu kanandio, onae Dopemoikoo Ue Ala ka dompelangkaio mia.
19Onaemo pu'uno aiwamo tome'ungkeo hapa anu mowawa rodoa ka anu mentudu ka tomambepokoroso. 20Si solangio inangga-Do Ue Ala hangano kaanga! Luwuakoano mempori, sine masolaomo mia, tewala hangano kaangano mia susua tetidu! 21Laluopo omue si pongkaa bau ke mo'inu anggoro, ke hapamo koa anu gagi watu tetiduno pepaekompomu. 22Pe'inimo a pompe'ala-alamu atuu, tiano koroimu omuemu i aro-Do Ue Ala. Me'uraomo onae, anu nahi hukuo koroino onaeno a laro hapa anu ipemoikoo ba iweweuo. 23Sine ba isema anu nanta-nanta, ba ikaano, onae hinukuomo, hangano nahi weweuo me'empehiako pompe'ala-ala. Ka luwuakoano anu nahi pe'empehiako pompe'ala-ala, onaemo hala.
Currently Selected:
:
Highlight
Share
Copy
Want to have your highlights saved across all your devices? Sign up or sign in
LAI 2021