Jean 17
17
Jésus ayonge tonga na wikoncha, na tonga na bayekoli ba wango, nà tonga na bakoncha bango bachingane wango.
1Okomo Jésus achilizaki bolobe mawò ma, wango abèkwaki michò n’ikolo, alobaki bwe: ”Daye, bobiko bukoka, tocha Mwan’a bole a kò, mòchi na Mwan’a bole a kò atoche kò,
2edi tonga k’òbichil’òphè wango chwa ikolo na bato bachò, na kobona wango taphè bomwè ba biteneli na bakoncha bango k’òphèki o mabòkò ma wango.
3Ye kobo edi bomwè ba biteneli na bakoncha bango bayebe kò, Nzambe a mò phencha, na Jésus Christ, koncha wango k’òtindaki.
4Nga bichila botoche kombo a kò o che tonga n’itunyola botoma bwango k’òtikaki o mabòkò ma nga.
5Na kobona kinòwa tocha nga o ma kò koncha Daye, na botochibe bwango nga bèki na bwango o ma kò, okomo che ebèch’òtuliba ka.
6Nga bichila bokubole kombo a kò na bato bango k’òbilaki otete a bato ba che, na k’òphèki na nga. Ebèki bato ba kò, ko kò uchil’òphè bango na nga, na bango babatelaki mawò ma kò kot’èbatele.
7Na kobona bango biyeba bwe, beka bichò byango k’òphèki na nga, byango bichònòki o ma kò.
8Tonga mawò mango k’òphèki na nga, na nga bichil’ophè mango na bango, na bango babichil’òyambe mango na bango bayebe tètè kot’èyebele bwe, nga chònòki o ma kò, na bango bachingane bwe, edi kò koncha etindaki nga.
9Nga yonge kò tonga na bango, nga di oyonga tonga na bato ba che ka, nga yonge ko tonga na bakoncha bango kò òphèki na nga, tonga yena edi bato ba kò; —
10— na ko beka ba nga bichò bidi ba kò bona, na ko beka ba kò bichò bidi ba nga bona — na nga di na tochibe tonga na bango.
11Nga di dyò bobiko o che woni twa, tonga okomo nga takiè o ma kò, bango tatikana o che. Kò, Chango èchwa, ochobaka bakoncha bango k’òphèki nga o kombo a kò, mòchi bango badyale moto ko mò, ko bakò bodi moto ko mò bona.
12Okomo nga bèki o phanyak’a bango, nga chobaki bango o kombo a kò, na nga batelaki bakoncha bango k’òphèki nga kot’èbatele. Ebèki moto nyò mò ichumbana o phanyak’a bango twa, echumbanaki ko mwan’a bole modyoboki phencha, ebèki tonga n’ikubwinya mawò mango makòtibaki.
13Kinòwa nga na ya o ma kò; nga lobe mawò ma o nga chaka o che woni, mòchi moni ma nga modyale motondaki o cha bango.
14Nga bichil’òphè bango mawò ma kò; na bato ba che bayinaki bango, edi tonga bango badi dyò odyala bato ba che ka, ko nà nga di odyala mwe che ka bona.
15Nga di oyonga bwe, k’òmiche bango o che ka, ko nga yonge tonga bwe, kòtòchoba bango o beka bibe.
16Bango badi dyò odyala bato ba che ka, ko nà nga di odyala mwe che ka bona.
17Nyèza bango o cha nènè, mawò ma kò madi nènè.
18Ko k’òtindaki nga o phanyak’a bato ba che bona, na nga bitinda bango o phanyak’a bato ba che elenge ko yango.
19Na nga nyèzè ebati a nga koncha tonga na bango, mòchi nà bango badyale banyèki o cha nènè.
20Nga oyonga kobo tonga na bango phencha ka, nga yonge nà tonga na bakoncha bango takola o ch’èchingane a nga tonga na mawò mango.
21Nga yonge bwe, bango bachò badyale moto ko mò, ko kò, Daye adi o cha nga bona, na ko nga di o cha kò bona, na kobona nà bango badyale o cha bakò, tonga mòchi bato ba che tachingana bwe, edi kò koncha etindaki nga.
22Na botochibe bwango kò òphèki nga nà nga bichil’ophè bwango na bango, mòchi bango badyale moto ko mò, ko bakò bodi moto ko mò bona.
23Nga o cha bango na kò o cha nga, mòchi bango badyale tètè moto ko mò, mòchi bato ba che bayebe bwe, edi kò koncha etindaki nga, na k’òdingaki bango ko k’òdingaki nga bona.
24Daye, nga dinge bwe, o enongo yango nga di na dyale ndo, nga dinge na bakoncha bango k’òphèki na nga tadyala o yango, mòchi bango bayènè botochibe bwango k’òphèki nga, tonga kò òbidinga nga nòkale o che ebèch’otuliba ka.
25Kò, Chango monyèki, bato ba che bachaka oyekola enongo iyeba kò ka, ko nga yebe kò, nà elòngò ye echil’oyebe bwe, edi kò koncha etindaki nga.
26Nga bichil’oyebize bango kombo a kò, na nga tayebiza bango yango dyòkò, mòchi elumba yango k’òdingaki nga edyale o cha bango, na nga dyale o cha bango.
Currently Selected:
Jean 17: BUI1947
Highlight
Share
Copy
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
Jean 17
17
Jésus ayonge tonga na wikoncha, na tonga na bayekoli ba wango, nà tonga na bakoncha bango bachingane wango.
1Okomo Jésus achilizaki bolobe mawò ma, wango abèkwaki michò n’ikolo, alobaki bwe: ”Daye, bobiko bukoka, tocha Mwan’a bole a kò, mòchi na Mwan’a bole a kò atoche kò,
2edi tonga k’òbichil’òphè wango chwa ikolo na bato bachò, na kobona wango taphè bomwè ba biteneli na bakoncha bango k’òphèki o mabòkò ma wango.
3Ye kobo edi bomwè ba biteneli na bakoncha bango bayebe kò, Nzambe a mò phencha, na Jésus Christ, koncha wango k’òtindaki.
4Nga bichila botoche kombo a kò o che tonga n’itunyola botoma bwango k’òtikaki o mabòkò ma nga.
5Na kobona kinòwa tocha nga o ma kò koncha Daye, na botochibe bwango nga bèki na bwango o ma kò, okomo che ebèch’òtuliba ka.
6Nga bichila bokubole kombo a kò na bato bango k’òbilaki otete a bato ba che, na k’òphèki na nga. Ebèki bato ba kò, ko kò uchil’òphè bango na nga, na bango babatelaki mawò ma kò kot’èbatele.
7Na kobona bango biyeba bwe, beka bichò byango k’òphèki na nga, byango bichònòki o ma kò.
8Tonga mawò mango k’òphèki na nga, na nga bichil’ophè mango na bango, na bango babichil’òyambe mango na bango bayebe tètè kot’èyebele bwe, nga chònòki o ma kò, na bango bachingane bwe, edi kò koncha etindaki nga.
9Nga yonge kò tonga na bango, nga di oyonga tonga na bato ba che ka, nga yonge ko tonga na bakoncha bango kò òphèki na nga, tonga yena edi bato ba kò; —
10— na ko beka ba nga bichò bidi ba kò bona, na ko beka ba kò bichò bidi ba nga bona — na nga di na tochibe tonga na bango.
11Nga di dyò bobiko o che woni twa, tonga okomo nga takiè o ma kò, bango tatikana o che. Kò, Chango èchwa, ochobaka bakoncha bango k’òphèki nga o kombo a kò, mòchi bango badyale moto ko mò, ko bakò bodi moto ko mò bona.
12Okomo nga bèki o phanyak’a bango, nga chobaki bango o kombo a kò, na nga batelaki bakoncha bango k’òphèki nga kot’èbatele. Ebèki moto nyò mò ichumbana o phanyak’a bango twa, echumbanaki ko mwan’a bole modyoboki phencha, ebèki tonga n’ikubwinya mawò mango makòtibaki.
13Kinòwa nga na ya o ma kò; nga lobe mawò ma o nga chaka o che woni, mòchi moni ma nga modyale motondaki o cha bango.
14Nga bichil’òphè bango mawò ma kò; na bato ba che bayinaki bango, edi tonga bango badi dyò odyala bato ba che ka, ko nà nga di odyala mwe che ka bona.
15Nga di oyonga bwe, k’òmiche bango o che ka, ko nga yonge tonga bwe, kòtòchoba bango o beka bibe.
16Bango badi dyò odyala bato ba che ka, ko nà nga di odyala mwe che ka bona.
17Nyèza bango o cha nènè, mawò ma kò madi nènè.
18Ko k’òtindaki nga o phanyak’a bato ba che bona, na nga bitinda bango o phanyak’a bato ba che elenge ko yango.
19Na nga nyèzè ebati a nga koncha tonga na bango, mòchi nà bango badyale banyèki o cha nènè.
20Nga oyonga kobo tonga na bango phencha ka, nga yonge nà tonga na bakoncha bango takola o ch’èchingane a nga tonga na mawò mango.
21Nga yonge bwe, bango bachò badyale moto ko mò, ko kò, Daye adi o cha nga bona, na ko nga di o cha kò bona, na kobona nà bango badyale o cha bakò, tonga mòchi bato ba che tachingana bwe, edi kò koncha etindaki nga.
22Na botochibe bwango kò òphèki nga nà nga bichil’ophè bwango na bango, mòchi bango badyale moto ko mò, ko bakò bodi moto ko mò bona.
23Nga o cha bango na kò o cha nga, mòchi bango badyale tètè moto ko mò, mòchi bato ba che bayebe bwe, edi kò koncha etindaki nga, na k’òdingaki bango ko k’òdingaki nga bona.
24Daye, nga dinge bwe, o enongo yango nga di na dyale ndo, nga dinge na bakoncha bango k’òphèki na nga tadyala o yango, mòchi bango bayènè botochibe bwango k’òphèki nga, tonga kò òbidinga nga nòkale o che ebèch’otuliba ka.
25Kò, Chango monyèki, bato ba che bachaka oyekola enongo iyeba kò ka, ko nga yebe kò, nà elòngò ye echil’oyebe bwe, edi kò koncha etindaki nga.
26Nga bichil’oyebize bango kombo a kò, na nga tayebiza bango yango dyòkò, mòchi elumba yango k’òdingaki nga edyale o cha bango, na nga dyale o cha bango.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).