लूका 12

फ़रीसिन जे पाखंडअ खां सावधान

(मत्ती 10:26,27)

1इन विचअ में उते हज़ारन मांणुन जी भीड़अ एतरे हदअ ताईं गड॒ थी वई, के मांणू हिकअ-बे॒ जे मथां किरण लगा॒, तड॒ऐं येशु पहेरयों पांजे चेलन खे चवण लगो॒, “फ़रीसिन जे पाखंडरूपी ख़मीरअ खां सावधान रहेजो।#मत्ती 16:6; मर 8:15 2छोके काई बी शए लिक्यल कोने, जेकी ज़ाहिर न थींदी ऐं कोई राज़ एड़ो कोने जेको खोल्यो न वेंदो।#मर 4:22; लूका 8:17 3इन करे जेको बी तवां गुप्‍त में गा॒लायो आहे, उन खे खुल्‍ले में बु॒धायो वेंदो; ऐं जेको तवां बंद कमरन में मांणुन जे कनन में सुसपुस कई आहे, उहा वडे॒ आवाज़अ सां दाबे॒ तां बु॒धायूं वेंदियूं।”

केंखां ड॒कण घुरजे?

(मत्ती 10:28-31)

4“मुंजा दोस्तओ मां तवां खे तो चवां, उनन खां न ड॒को जेके सिर्फ शरीरअ खे ता मारे सग॒न परअ उन जे अलावा बि॒यो कुछ बी नथा करे सग॒न।#यूह 15:14-15 5मां तवां खे बु॒धायां तो, त तवां खे केंखां ड॒कण घुरजे। हुन खां ड॒को जेंखे मरण खां पो तवां खे नर्ग॒अ में विझण जो अधिकार आहे। हा, मां तवां खे चवां तो, हुन खां ही ड॒को। 6छा बि॒न सिक्‍कन में पंज झिड़क्यूं न थ्यूं विकामजन? त बी परमेश्वर उनन मां हिकअ खे बी न विसारींदो आहे। 7सचअ में, तवां जे मथे जा वारअ बी ग॒णयल आइन। ड॒को न। तवां परमेश्वरअ जे लाए केत्रन ही झिड़क्युन खां बी वधीकअ कीमती आयो।#लूका 21:18; प्रेरि 27:34; मत्ती 12:12”

येशुअ खे अपनाएण यां ठुकराएण

(मत्ती 10:32,33; 12:32; 10:19,20)

8“मां तवां खे तो चवां, जेको बी ज़ाहिरअ में सबनिन मांणुन जे सामूं मुखे स्वीकार कंदो, त मांणूअ जो पुट बी परमेश्वरअ जे स्वर्ग॒दूतन जे सामूं उन खे स्वीकार कंदो। 9परअ जेको बी मांणुन जे सामूं मुंजो इन्कार कंदो, त परमेश्वरअ जे स्वर्ग॒दूतन जे सामूं उन जो बी इन्कार कयो वेंदो।”

10“जेको बी मांणूअ जे पुटअ जे विरोधअ में कुछ चहे, त उहो माफ़ कयो वेंदो परअ जेको बी पवित्र आत्मा जी निंदा तो करे, उन खे कड॒ऐं बी माफ़ न कयो वेंदो।#मत्ती 12:32; मर 3:29 ”

11“ जड॒ऐं तवां खे प्रार्थना-घरन में ऐं न्याय करण वारन ऐं अधिकारिन जे सामूं पेश कयो वञे, त इया चिंता न कजो के तवां खे कीअं ऐं केड़ो जवाब डि॒यणो आहे ऐं तवां खे छा चवणो आहे। 12छोके ओढी॒ मलई पवित्र आत्मा तवां खे सेखारींदी, के तवां खे छा चवण खपे।”#मत्ती 10:19,20; मर 13:11; लूका 21:14,15

हिकअ मूरख शाहूकारअ जो मिसाल

13तड॒ऐं भीड़अ मां कें मांणूअ येशुअ खे चयो, “हे गुरू, मुंजे भा खे चओ के मुंजे पिता जी मिलक्यतअ मां मुंजो हिस्सो मुखे डे॒।” 14येशुअ उन खे चयईं, “हे मुंजा प्यारा, कें मुखे तवां जो जज यां मिलक्यतअ जो बटवारो करण वारो मुकरर कयो आहे?” 15इन ते येशुअ मांणुन खे चयो, “डि॒सो! हर हिकअ तरीके जी लालचअ खां सावधान रहो; छोके जीवन, मिलक्यतअ जी घणाहींअ सां माप्यो न वेंदो आहे।”

16तड॒ऐं येशुअ उनन खे हिकअ मिसाल डी॒ंदे चयो, “कें शाहूकारअ जे खेतअ में डा॒ढी फसलअ थी। 17उहो दिल में विचार करण लगो॒, ‘मां हाणे छा कयां? छोके मूं वट एतरी जग॒ऐ कोने के मां एडी॒ फसलअ खे रखी सगा॒ं।’ 18पो उहो चवण लगो॒, ‘मां हाणे इंय कंदुम, के पांजा गोदामअ तोड़ाए करे अञा वडा॒ कराईंदुम; ऐं उते पांजो सब अनाज ऐं पांजी मिलक्यतअ रखंदुम, 19ऐं पांजे पाण खे चवंदुम, प्यारा, हाणे तो वट घणहीं सालन जे लाए डा॒ढो अनाज ऐं मिलक्यतअ अथई; सो आराम कर, खा-पी, ऐं मौजअ कर।’ 20परअ परमेश्वरअ उन खे चयईं, ‘हे बेवकूफअ! अज॒ रात जो ही तूं मरी वेंदें; पो जेको कुछ तूं गड॒ करे रख्यो तई उहो केंजो थींदो?#इब्रा 9:27 ’ 21सागी॒ ही हालतअ उन मांणुन जी थींदी जेके संसारअ में पांजे लाए धन ता इकट्ठो कन, परअ परमेश्वरअ जी नज़रअ में धनी कोनन।#मत्ती 6:20”

परमेश्वरअ ते विश्वास रखण

(मत्ती 6:25-34)

22येशुअ पांजे चेलन खे चयईं, “इन करे मां तवां खे चवां तो, के जीवन जीयण जे लाए इया चिंता न कयो, के छा खाईंदासीं; ऐं न हीं पांजे शरीरअ जे लाए, के छा पाईंदासीं। 23छोके त जीवन खादे खां ऐं शरीर कपड़न खां वधीकअ कीमती आहे। 24कांवन खे डि॒सो। उहे न हीं पोखिन ता ऐं न हीं कटिन ता; ऐं न हीं उनन जा कोई गोदामअ हुंदा आइन; त बी परमेश्वर उनन खे खाराईंदो आहे। तवां त पख़िन खां वधीकअ कीमती आयो। 25तवां मां एड़ो केर आहे जेको चिंता करे पांजे जीवनअ जो हिक पल बी वधाए सग॒ंदो आहे? 26जड॒ऐं चिंता करे तवां एतरो नंढो कम नथा करे सगो॒, त बाकी बि॒युन गा॒ल्युन जी चिंता छोता कयो?” 27“जंगली गुलन खे डि॒सो। उहे कीअं ता वधन! उहे पाण खे सींगारण जे लाए काई महेनतअ नथा कन। त बी मां तवां खे चवां तो, के राजा सुलैमान#1 राजा 10:4-7; 2 इति 9:3-6 बी पांजी सजी॒ शानो-शोकतअ में इनन गुलन मां कें हिकअ वांगुर बी कपड़ा पातल न हुयो। 28जेकड॒ऐं परमेश्वर मैदानअ जी गाह खे जेकी अज॒ आहे ऐं सुभाणे बाहे में फिटी कई वेंदी, पाराए तो; त हे अल्पविश्‍वासियो! उहो तवां खे छो न पाराईंदो? 29इन करे तवां इन गा॒ल्युन जे ही सोच में न रहो, के छा खाईंदासीं ऐं छा पीअंदासीं ऐं न हीं इन गा॒ल्युन जी चिंता कयो। 30छोके संसारअ जा जेके बी मांणू परमेश्वरअ खे नथा सुञारन उहे सब इन गा॒ल्युन जी ही गो॒ला में रवंदा आइन; परअ तवां जे स्वर्गी॒य पिता खे खबरअ आहे के तवां खे इन शयुन जी ज़रूरत आहे। 31इन करे तवां परमेश्वरअ जे राज॒अ जी गो॒ला में रहो, त इहे सब शयूं बी तवां खे मिली वेंदियूं।”

स्वर्ग॒अ में खज़ानो इकट्ठो करण

(मत्ती 6:19-21)

32“हे नंढा झुण्डअ, ड॒को न; छो के तवां जे पिता खे इयो ही वण्यो, के तवां खे पांजे राज॒अ में शामिल करे।”#लूका 22:29; यशा 41:14; यूह 21:15-17 33तवां पांजी मिलक्यतअ विकणे, उन मां उनन खे ज़रूर दान कयो जेके ज़रूरतमंदअ आइन; इंय करण सां तवां पांजे लाए एड़ा ब॒टूं#12:33 ब॒टूं डे॒खारन ता आत्मिक खज़ाने खे, जेको स्वर्ग॒अ में आहे। तैयार कंदव जेके जूना नथा थ्यन। स्वर्ग॒अ में एड़ो खज़ानो इकट्ठो कयो#12:33 स्वर्ग॒अ में खज़ाने जो मतलब आहे, आत्मिक आसीसूं न के सोन,चांदी यां काई मिलक्यतअ जेको घटजंदो कोने। उते कोई चोर न उन जे वेझो ईंदो ऐं न हीं कोई कीड़ो उन खे बिगाड़े सग॒ंदो आहे। 34छोके जिते तवां जो ख़ज़ानो आहे, उते ही तवां जो दिल बी लगो॒ प्यो हुंदो।

जाग॒ंदा रहो

35येशुअ पांजे चेलन खे चयईं, “तवां जी कमर हमेशा कस्यल रहे ऐं तवां जा डी॒आ ब॒रंदा रवन#12:35 इन वचनअ जो मतलब इयो आहे, के तवां परमेश्वर जा कमअ रात ऐं डी॒ंह करण जे लाए ऐं येशुअ जे वापस अचण जे लाए तैयार रहो।।#निर्ग 12:11; 1 पत 1:13; मर 13:33-37; इफि 6:14 36तवां उनन दासन वांगुर ठहो जेके पांजे मालिकअ जी राह प्या डि॒सन, के उहो कड॒ऐं शादीअ मां वापस मोटी ईंदो, ताकि जड॒ऐं उहो दरवाज़े खे खटखटाए, त उहे ओढी॒ मलई उन जे लाए दरवाज़ो खोलिन।#मर 13:34-36 37धन्य आइन उहे दासअ जेंजो मालिक वापस अचण ते उनन खे जाग॒ंदो डि॒से; मां तवां खे सच तो चवां, के उहो हिकअ दासअ वांगुर कपड़ा पाए करे उनन खे भोज॒न खाराएण जे लाए व्यारींदो ऐं उनन खे पाण रोटी पाए डी॒ंदो। 38धन्य आइन उहे दासअ जेंखे मालिक रात जे बे॒ यां टें पहेरअ#12:38 बि॒यों पहेर मतलब रात जो नवें बजे खां बा॒रहें बजे ताईं ऐं टियों पहेर मतलब रात जो बा॒रहें बजे खां टीं बजे ताईं। जे अचण ते बी इंय हीं जाग॒ंदो डि॒से। 39#मत्ती 24:43,44परअ इयो सम्झी वठो अगर घरअ जे मालिकअ खे इया खबरअ हुजे आं, के चोर केडी॒ मेलह ईंदो, त उहो जाग॒ंदो रहे आं ऐं पांजे घरअ में चोरी थ्यण न डे॒आं।#1 थिस्स 5:2; 2 पत 3:10; प्रका 3:3; 16:15 40इन करे तवां बी तैयार रहो; छोके जैं वक़्त तवां सोच्यो बी न हुंदव, उन हीं वक़्त मांणूअ जो पुट अची वेंदो।”

ईमानदार ऐं बईमान भण्डारी

(मत्ती 24:45-51)

41पतरसअ येशुअ खां पुछो, “हे प्रभु, छा इयो मिसाल तूं असां जे लाए तो चईं यां सबनिन जे लाए?” 42प्रभुअ जवाबअ में चयईं, “केर एड़ो विश्वासयोग्य ऐं बु॒द्धिमान भण्डारी आहे? जेंखे उन जो मालिक पांजे दास-दासियुन जे मथां मुकरर करे ताकि उहो उनन खे सही वक़्तअ ते खादो डे॒। 43धन्य आहे उहो दास जेंखे उन जो मालिक वापस अचण मेलह इंय हीं कंदो डि॒से। 44मां तवां खे सच तो चवां उहो उन दासअ खे पांजी सजी॒ मिलक्यत जे मथां अधिकारी मुकरर कंदो। 45परअ अगर उहो दास पांजे दिल में विचार करण लगे॒, के मुंजो मालिक अचण में देर करे रयो आहे ऐं उहो दास-दासियुन खे मारण-कुटण लगे॒ ऐं खाएण-पीअण ऐं नशेबाजी करण लगे॒, 46तड॒ऐं उन दासअ जो मालिक एड़े डीं॒हं ते ईंदो जड॒ऐं उहो दास हुन जी राह न डि॒संदो हुंदो ऐं एड़े वक़्तअ ते जेंजे बारे में उन खे खबरअ न हुंदी। उहो मालिक उन दासअ खे डा॒ढी सख़्त सजा डी॒ंदो ऐं उन जो अंत बी उअं हीं थींदो जीअं अविश्वासिन जो थींदो आहे। 47उहो दास जेको पांजे मालिकअ जी इच्छा खे जा॒ण्ण खां पो बी, तैयार न रयो ऐं न ही उन जी मरज़ीअ जे मुजुब कम कयईं, उहो डा॒ढी मारअ खाईंदो।#याकू 4:17; लूका 8:18; 19:26; गिन 15:29-30 48परअ जेको दास मालिकअ जी इच्छा न जा॒णे करे मारअ खाएण जो कम करे उन दासअ खे थोड़ी ही मारअ मिलंदी। इन करे जेंखे वधीकअ डि॒नो वयो आहे, उन खां वधीकअ वरतो वेंदो; ऐं जेंखे डा॒ढो सौंप्यो वयो आहे उन खां वधीकअ घुरयो वेंदो।”

येशुअ जे अचण जो अंजाम

(मत्ती 10:34-36)

49मां धरतीअ ते बाहे लगा॒एण आयो आयां#12:49 बाहे लगा॒एण जे मतलबअ में चग॒ंन विद्वानन जो इयो मञण आहे, के इयो डे॒खारे तो परमेश्वरअ जे न्याय खे अविश्वासिन जे मथां, परअ चग॒ंन विद्वानन जो इयो बी मञण आहे, के इयो डे॒खारे तो विश्वासिन ऐं अविश्वासिन खे अलग करण ऐं चग॒ंन विद्वानन जो इयो बी मञण आहे, के परमेश्वर पांजे बा॒रन खे बुराईअ मां कढी शुद्ध कंदो।; ऐं काश इया पहेरयों खां ही ब॒रयल हुजे आं। 50मुखे हिक बपतिस्मो वठणो आहे, परअ जेसताईं उहो पूरो न थे तेसताईं, मां केतरोही त परेशान रवंदुम।#मर 10:38 51“छा तवां इंय ता समझो, के मां धरतीअ ते सुलेह कराएण आयो आयां? मां तवां खे चवां तो के; न, मां त अलग कराएण आयो आयां#12:51 अलग करण जो मतलब आहे, मांणू बि॒न झुण्डन में विराहेजी वेंदा, उन मां हिकड़ा येशुअ जी तरफ हुंदा ऐं बि॒या येशुअ जे खिलाफ हुंदा ऐं उहे ब॒ई झुण्ड हिकअ बे॒ जो विरोध कंदा। । 52छोके हाणे खां अगर हिकअ घरअ में पंजअ बाती हुंदा, त उहे पाण में हिकअ बे॒ जे खिलाफ थींदा। टे बि॒न जे खिलाफ ऐं ब॒ टिन जे खिलाफ थींदा। 53उहे हिकअ बे॒ जो विरोध कंदा। पिता पांजे पुटअ जे खिलाफ थींदो ऐं पुट पांजे पिता जे। माता पांजी धीअ ऐं धीअ पांजी माता जे। सस पांजी नूअं जे खिलाफ थींदी ऐं नूअं पांजी सस जे।#मीका 7:6”

वक़्तअ खे सुञारण

(मत्ती 16:2-3)

54येशुअ भीड़अ खे इयो बी चयईं, “जड॒ऐं तवां ओलहा जी दिशा खां बादलअ ता ईंदे डि॒सो, त ओढी॒ मेलह चओ ता, ‘बरसात पवण वारी आहे’ ऐं इंय हीं थे बी तो। 55जड॒ऐं ड॒खण दिशा खां हवा ती लगे॒, त तवां चओ ता, के गरमी थींदी ऐं वाकए में इंय थे बी तो। 56हे पाखंडीयो, तवां धरती ऐं आसमानअ जी निशानियुन खां मौसमअ खे सुञाणे ता वठो, त पो छो इन वक़्त जेको थी रयो आहे, उन खे नथा सम्झी सगो॒?”

फ़रीयादीअ सां सुलेह करण

(मत्ती 5:25,26)

57“तवां पाण हीं फैसलो छो नथा कयो, के सही छा आहे? 58जेकड॒ऐं कोई फ़रियादी तोते केस करे ऐं तोखे अदालतअ में वठी वञे, त रस्ते में ही उन सां सुलेह करण जी कोशिश कर। इंय न थे के हू तोखे घसीटे करे जजअ डा॒ं वठी वञे ऐं जज तोखे सिपाहीअ जे हवाले करे ऐं सिपाही तोखे जेल में विझी छडे॒। 59मां तोखे चवां तो, के जेसताईं तूं पाई-पाई न भरे छडी॒ंदे तेसताईं तूं उतां न छडा॒एजंदे।”

Currently Selected:

लूका 12: SND

Highlight

Copy