Lucas 19
19
Nagtuo si Zakeus kay Jesus
1Pag-abot ni Jesus sa Jerico, sa sueod imaw it syudad nag-agi. 2May tagaidto nga si Zakeus ro anang ngaean. Pinuno ra imaw it mga *manogsukot it buhis idto ag isaeang ka manggaranon. 3Nagatinguha kunta imaw nga makita si Jesus kon sin-o gid imaw, ugaling hay indi ra nana makita dahil sa kaabuon ku mga tawo ag putot pa abi si Zakeus. 4Ngani dumaeagan imaw ag umuna sa mga tawo. Sumaka dayon imaw sa kahoy nga sikomoro kon tawgon agod maeumo nana hikita si Jesus nga madali lang dikato mag-agi. 5Pagtungod ni Jesus sa kahoy, nagtangda imaw ag ginhambae si Zakeus, “Zakeus, panaog eon ay idto ako dapat madayon sa inyo makaron.” 6Nanaog it dali-dali si Zakeus ag malipayon gid imaw nga gin-abi-abi si Jesus ag gindaea sa anda. 7Pagkakita kara ku mga tawo hay nagkinumod sanda tanan. Hambae nanda, “Ham-an it idto 't-a imaw gadayon sa baeay it sangka makasasaea?”
8Kat idto eon sanda sa baeay ni Zakeus, nagtindog imaw ag naghambae sa Ginuo, “Umpisa makaron, Ginuo, ipanao ko sa mga pobre ro katunga ku akon nga manggad. Ag sa akong mga ginluko hay iuli ko kanda ro akong habuoe it ap-at nga pilo.” 9Naghambae dayon si Jesus, “Makaron nga adlaw, gineuwas sa pina it saea rondayang panimaeay#19:9 Sa Griniyego raya hay “nag-abot ro kaeuwasan sa rayang baeay.” Posible nga ro kahueugan kara hay “nag-abot si Jesus sa rayang baeay” ay imaw eang ro daean nga maeuwas ro tawo. Posible pa gid nga ro kahueugan kara hay “nag-abot sa rayang panimaeay ro oportunidad nga maeuwas.” tungod ginpakita ni Zakeus nga isaea imaw sa minatuod nga inapo ni Abraham.#19:9 Si Abraham hay ginbaton it Dyos dahil imaw hay nagtuo kana ag si Zakeus hay nagtuo man kay Jesus, ro Maneueuwas nga ginpadaea iya it Dyos. Dahil karon, ginabilang eon si Zakeus nga isaea sa mga minatuod nga inapo ni Abraham dahil sa anang pagtuo pareho kay Abraham (basaha sa Gal 3:6-7). 10Ro pinakarason nga nag-adto iya ako nga Unga it Tawo hay agod usuyon ag euwason sa pina it saea ro mga nagtaeang.”
Nag-istorya si Jesus agod Maathagan ro mga May Saea nga Pageubot Parti sa *Paghari it Dyos
11Tag nagapamati pa kay Jesus ro mga tawo, may ginsugid imaw kanda nga paanggid nga istorya dahil maeapit eon imaw sa Jerusalem,#19:11 Ro Jerico hay 28 kilometros it eayo sa Jerusalem. ag ro eaom ku mga tawo ngara hay maumpisa eon ro paghari it Dyos pag-abot nana sa syudad.#19:11 Eaom ku mga tawo hay obrahon it Dyos nga hari si Jesus nga magahilway kanda sa paggahom it Roma ag patindugon na it uman ro ginharian it Israel pareho ku tyempo anay ni Haring David (basaha sa Juan 6:15 ag Binuhatan 1:6). 12Hambae ni Jesus, “May sangka prinsipe nga ginbutang nga hari ku andang lugar. Ngani nag-adto imaw sa sangka maeayo nga lugar agod batunon ro anang katungdanan ngato ag pagkatapos hay mauli man imaw agod magpungko bilang hari. 13Bago imaw magpanaw, ginpatawag nana ro napueo sa anang mga ulipon ag ginpanueupuran it tig sambilog nga kwarta nga minas#19:13 Ro sambilog nga mina hay katumbas it 100 diyas nga sweldo it trabahador. kon tawgon. Ginhambae dayon nana sanda, ‘Gamita ron ninyo sa negosyo samtang owa pa ako.’ 14Pero ginakaugtan 't-a gali imaw ku iba nanang mga kasimanwa ngani pagkahalin nana hay may ginpaadto sanda nga tawo idto sa nagbutang sa prinsipe nga mangin hari nanda. Ginapapahambae nanda nga owa sanda naila sa prinsipe ngato nga mangin andang hari.
15“Pero gintao man gihapon kana ro katungdanan ag pagkatapos hay nagbalik imaw sa andang lugar. Ginpatawag nana rondatong mga ulipon nga gintaw-an nana it kwarta ay gusto nana nga masayran kon pila ro andang ginansya. 16Ro primero nga nag-adto kana hay naghambae, ‘Sir, 10 ro imong haginansya sa sambilog nga minas nga gintao nimo kakon.’ 17Nagsabat ro hari, ‘Mayad gid! Kamayad ka gid nga ulipon! Dahil masaligan ka sa maintok nga bagay, padumaeahon ta it 10 nga ka syudad.’ 18Nag-abot ro pangaywa ag naghambae, ‘Sir, 5 ro imong haginansya sa sambilog nga minas nga gintao nimo kakon.’ 19Nagsabat ro hari, ‘Padumaeahon ta it 5 ka syudad.’ 20Nag-abot man ro sambilog pa gid nga ulipon. Hambae nana, ‘Sir, hara ro imong sambilog nga minas ngato. Ginputos ko ra ag gintago. 21Nahadlok ako kimo ay masyado ka abi ag maakab. Ginabuoe mo bisan bukon it imo ag ginaani mo bisan bukon it imong tinamnan.’ 22Nagsabat ro hari, ‘Owa ka it pueos nga ulipon! Sintinsyahan ko ikaw sa imo mismo ngarong ginhambae. Kon kimo gali hay masyado ako ag maakab, nga ginabuoe ko bisan bukon it akon ag ginaani ko bisan bukon it akong tinamnan 23hay ham-an abi it owa mo eon lang pagpautangan it patubuan ro akong kwarta? Kon gin-obra mo kunta ron hay may habuoe pa kunta ako nga tubo pagbalik ko.’ 24Ginhambae dayon nana ro mga nagatilindog idto, ‘Bue-a kana rondatong sambilog nga minas ag itao sa ratong may 10.’ 25Nagsabat sanda, ‘Pero, sir, 10 eon ro ana.’ 26Nagsabat imaw, ‘Ginahambae ko kinyo nga ro nagagamit it mayad ku gintugyan kana it Dyos hay tugyanan pa gid it abo, pero ro owa nagagamit it mayad ku gintugyan kana it Dyos hay bawian it Dyos ku bisan sangkiri nga una kana. 27Ag parti ma't-a sa akon nga mga kuntra nga owa naila nga ako ro andang hari hay daeha ninyo iya sanda ag pamatyon sa akon nga atubang.’ ”
Gindayaw si Jesus ku mga Tawo Pag-abot Nana sa Jerusalem
(Mat 21:1-11; Mar 11:1-11; Juan 12:12-19)
28Pagkatapos ni Jesus it hambae karon, nagpadayon sanda sa andang pagpamanawon paadto sa Jerusalem. Tag nagatikang sanda hay nag-una imaw sa anang mga kaibahan. 29Tag nakaabot eon sanda sa Bukid it Olibo nga maeapit sa daywang ka baryo nga Betfage ag Betania, ginpauna nana ro daywa sa anang mga sumueunod. 30Ginbilinan nana sanda, “Una kamo sa baryo ngaron sa unahan. Pag-abot ninyo idto hay may hikita kamo nga tiyo it asno nga nakahigot. Owa pa gid ron hasakyi. Hubara ninyo ag daehon iya kakon. 31Kon may magpangutana ngani kon ham-an it ginahubad ninyo hay sabta nga ginadapatan maton it Ginuo.”
32Nagpanaw ro mga ginsugo ag makarato gid ro andang hakita sa mga ginhambae ni Jesus. 33Tag ginahubad nanda ro higot ku asno, nagpangutana kanda ro mga tag-ana, “Ham-an it ginahubad 't-a ninyo ron?” 34Nagsabat sanda, “Nadapatan ra abi it Ginuo.” 35Gindaea nanda rato kay Jesus ag ginhapinan ku andang pangsanib ro likod ku asno ag ginpasakay imaw. 36Tag nagapanaw eon si Jesus nga nagasakay sa asno, ro mga tawo nga nagasueunod kana hay naghapead ku andang mga pangsanib sa anang aeagyan bilang pagpadungog kana.
37Tag nagapapanaog eon si Jesus sa Bukid it Olibo, paadto sa Jerusalem, tanan ro kaabo-abo ngato nga nagasueunod kana hay nagkinalipay ag nagdinayaw sa Dyos it kabaskog-baskog dahil sa mga milagro nga andang hakita. 38Hambae nanda, “Daeayawon ro hari nga ginpadaea iya it Ginuong Dyos!#19:38 Salmo 118:26. Paagi kana hay makapanumbalik eon kita sa Dyos sa eangit! Daeayawon ro Dyos sa pinakamataas nga kaeangitan!” 39Pero may idto gali sa mga tawo nga mga Pariseo nga naghambae kay Jesus, “Maestro, pahipusa ro imong mga sumueunod ngaron.” 40Nagsabat si Jesus, “Kon maghilipos ron sanda hay ginahambae ko kinyo nga ro mga bato ro mabueos it pagsinggit it pagdayaw kakon.”
41Tag maeapit eon si Jesus sa Jerusalem, ginpamantaw nana ra ag nagtangis imaw sa kaeuoy sa mga pumueuyo idto. 42Naghambae imaw, “Kamo't-a nga mga tagaJerusalem ro dapat kunta nga mas nakasayod kon paalin kamo makaagi it kalinong#19:42 Ro matuod nga kalinong hay bunga it pagpanumbalik sa Dyos nga matabo eang kon magtuo kita kay Jesus nga atong Maneueuwas. ugaling ginlipod eon don kinyo.#19:42 Kaeabanan ku mga tagaJerusalem hay nagpatig-a ku andang ueo ag indi magbaton kay Jesus nga andang Ginuo ag Maneueuwas ngani mas ginpatig-a la't-a it Dyos ro andang ueo. 43Maabot gid ro adlaw nga palibutan kamo ku inyong mga kaaway ag kulungon nga owa gid kamo it maeusutan. 44Anda nga waskon ro inyong syudad ngaron ag pamatyon nanda kamo tanan nga mga pumueuyo pati ro inyong mga unga. Owa gid it hibinlan nga nagataeangkas ku mga bato sa inyong syudad. Ruyon ro inyong dangaton ay inyo nga ginbaliwala ro kahigayunan nga iya pa ro Maneueuwas kinyo.”
Ginpangsuboe ni Jesus ro mga Negosyante sa *Lagwirta it Templo
(Mat 21:12-13; Mar 11:15-19)
45Pag-abot nanda sa Jerusalem hay nagsueod si Jesus sa *lagwirta it Templo ag ginpangsuboe ro mga tawo nga idto nagabaligya it mga sapat nga pangsakripisyo.#19:45 Naakig si Jesus ay idto nagabaligya ag nagabakae ro mga tawo it sapat sa *lagwirta it Templo imbis nga idto gid sa liwan it pader. 46Ginhambaean nana sanda, “Naghambae ro Dyos sa Sagrado nga Kasueatan, ‘Ro akong baeay hay lugar nga paeangamuyuan.’#19:46 Isa 56:7. Pero gin-obra't-a ninyo ra nga paeanaguan it mga buyong!”#19:46 Jer 7:11. May mga manogbaylo man it kwarta idto (Mat 21:12 ag Mar 11:15), ugaling abo sa mga nagabaligya it sapat nga pangsakripisyo ag sa mga manogbaylo it kwarta ngato hay mga manogluko. 47Adlaw-adlaw hay nagaturo si Jesus sa Templo. Ro mga pinuno it mga saserdote, ro mga maestro it Kasuguan ag ro mga manogdumaea it banwa hay nagausoy it paagi kon paalin nanda imaw hipatay. 48Pero owa sanda it mahimo ay nawili gid magpinamati kana ro tanan nga mga tawo.
Currently Selected:
Lucas 19: akl
Highlight
Share
Copy
Want to have your highlights saved across all your devices? Sign up or sign in
2024 (Active) Wycliffe Bible Translators, Inc.
Lucas 19
19
Nagtuo si Zakeus kay Jesus
1Pag-abot ni Jesus sa Jerico, sa sueod imaw it syudad nag-agi. 2May tagaidto nga si Zakeus ro anang ngaean. Pinuno ra imaw it mga *manogsukot it buhis idto ag isaeang ka manggaranon. 3Nagatinguha kunta imaw nga makita si Jesus kon sin-o gid imaw, ugaling hay indi ra nana makita dahil sa kaabuon ku mga tawo ag putot pa abi si Zakeus. 4Ngani dumaeagan imaw ag umuna sa mga tawo. Sumaka dayon imaw sa kahoy nga sikomoro kon tawgon agod maeumo nana hikita si Jesus nga madali lang dikato mag-agi. 5Pagtungod ni Jesus sa kahoy, nagtangda imaw ag ginhambae si Zakeus, “Zakeus, panaog eon ay idto ako dapat madayon sa inyo makaron.” 6Nanaog it dali-dali si Zakeus ag malipayon gid imaw nga gin-abi-abi si Jesus ag gindaea sa anda. 7Pagkakita kara ku mga tawo hay nagkinumod sanda tanan. Hambae nanda, “Ham-an it idto 't-a imaw gadayon sa baeay it sangka makasasaea?”
8Kat idto eon sanda sa baeay ni Zakeus, nagtindog imaw ag naghambae sa Ginuo, “Umpisa makaron, Ginuo, ipanao ko sa mga pobre ro katunga ku akon nga manggad. Ag sa akong mga ginluko hay iuli ko kanda ro akong habuoe it ap-at nga pilo.” 9Naghambae dayon si Jesus, “Makaron nga adlaw, gineuwas sa pina it saea rondayang panimaeay#19:9 Sa Griniyego raya hay “nag-abot ro kaeuwasan sa rayang baeay.” Posible nga ro kahueugan kara hay “nag-abot si Jesus sa rayang baeay” ay imaw eang ro daean nga maeuwas ro tawo. Posible pa gid nga ro kahueugan kara hay “nag-abot sa rayang panimaeay ro oportunidad nga maeuwas.” tungod ginpakita ni Zakeus nga isaea imaw sa minatuod nga inapo ni Abraham.#19:9 Si Abraham hay ginbaton it Dyos dahil imaw hay nagtuo kana ag si Zakeus hay nagtuo man kay Jesus, ro Maneueuwas nga ginpadaea iya it Dyos. Dahil karon, ginabilang eon si Zakeus nga isaea sa mga minatuod nga inapo ni Abraham dahil sa anang pagtuo pareho kay Abraham (basaha sa Gal 3:6-7). 10Ro pinakarason nga nag-adto iya ako nga Unga it Tawo hay agod usuyon ag euwason sa pina it saea ro mga nagtaeang.”
Nag-istorya si Jesus agod Maathagan ro mga May Saea nga Pageubot Parti sa *Paghari it Dyos
11Tag nagapamati pa kay Jesus ro mga tawo, may ginsugid imaw kanda nga paanggid nga istorya dahil maeapit eon imaw sa Jerusalem,#19:11 Ro Jerico hay 28 kilometros it eayo sa Jerusalem. ag ro eaom ku mga tawo ngara hay maumpisa eon ro paghari it Dyos pag-abot nana sa syudad.#19:11 Eaom ku mga tawo hay obrahon it Dyos nga hari si Jesus nga magahilway kanda sa paggahom it Roma ag patindugon na it uman ro ginharian it Israel pareho ku tyempo anay ni Haring David (basaha sa Juan 6:15 ag Binuhatan 1:6). 12Hambae ni Jesus, “May sangka prinsipe nga ginbutang nga hari ku andang lugar. Ngani nag-adto imaw sa sangka maeayo nga lugar agod batunon ro anang katungdanan ngato ag pagkatapos hay mauli man imaw agod magpungko bilang hari. 13Bago imaw magpanaw, ginpatawag nana ro napueo sa anang mga ulipon ag ginpanueupuran it tig sambilog nga kwarta nga minas#19:13 Ro sambilog nga mina hay katumbas it 100 diyas nga sweldo it trabahador. kon tawgon. Ginhambae dayon nana sanda, ‘Gamita ron ninyo sa negosyo samtang owa pa ako.’ 14Pero ginakaugtan 't-a gali imaw ku iba nanang mga kasimanwa ngani pagkahalin nana hay may ginpaadto sanda nga tawo idto sa nagbutang sa prinsipe nga mangin hari nanda. Ginapapahambae nanda nga owa sanda naila sa prinsipe ngato nga mangin andang hari.
15“Pero gintao man gihapon kana ro katungdanan ag pagkatapos hay nagbalik imaw sa andang lugar. Ginpatawag nana rondatong mga ulipon nga gintaw-an nana it kwarta ay gusto nana nga masayran kon pila ro andang ginansya. 16Ro primero nga nag-adto kana hay naghambae, ‘Sir, 10 ro imong haginansya sa sambilog nga minas nga gintao nimo kakon.’ 17Nagsabat ro hari, ‘Mayad gid! Kamayad ka gid nga ulipon! Dahil masaligan ka sa maintok nga bagay, padumaeahon ta it 10 nga ka syudad.’ 18Nag-abot ro pangaywa ag naghambae, ‘Sir, 5 ro imong haginansya sa sambilog nga minas nga gintao nimo kakon.’ 19Nagsabat ro hari, ‘Padumaeahon ta it 5 ka syudad.’ 20Nag-abot man ro sambilog pa gid nga ulipon. Hambae nana, ‘Sir, hara ro imong sambilog nga minas ngato. Ginputos ko ra ag gintago. 21Nahadlok ako kimo ay masyado ka abi ag maakab. Ginabuoe mo bisan bukon it imo ag ginaani mo bisan bukon it imong tinamnan.’ 22Nagsabat ro hari, ‘Owa ka it pueos nga ulipon! Sintinsyahan ko ikaw sa imo mismo ngarong ginhambae. Kon kimo gali hay masyado ako ag maakab, nga ginabuoe ko bisan bukon it akon ag ginaani ko bisan bukon it akong tinamnan 23hay ham-an abi it owa mo eon lang pagpautangan it patubuan ro akong kwarta? Kon gin-obra mo kunta ron hay may habuoe pa kunta ako nga tubo pagbalik ko.’ 24Ginhambae dayon nana ro mga nagatilindog idto, ‘Bue-a kana rondatong sambilog nga minas ag itao sa ratong may 10.’ 25Nagsabat sanda, ‘Pero, sir, 10 eon ro ana.’ 26Nagsabat imaw, ‘Ginahambae ko kinyo nga ro nagagamit it mayad ku gintugyan kana it Dyos hay tugyanan pa gid it abo, pero ro owa nagagamit it mayad ku gintugyan kana it Dyos hay bawian it Dyos ku bisan sangkiri nga una kana. 27Ag parti ma't-a sa akon nga mga kuntra nga owa naila nga ako ro andang hari hay daeha ninyo iya sanda ag pamatyon sa akon nga atubang.’ ”
Gindayaw si Jesus ku mga Tawo Pag-abot Nana sa Jerusalem
(Mat 21:1-11; Mar 11:1-11; Juan 12:12-19)
28Pagkatapos ni Jesus it hambae karon, nagpadayon sanda sa andang pagpamanawon paadto sa Jerusalem. Tag nagatikang sanda hay nag-una imaw sa anang mga kaibahan. 29Tag nakaabot eon sanda sa Bukid it Olibo nga maeapit sa daywang ka baryo nga Betfage ag Betania, ginpauna nana ro daywa sa anang mga sumueunod. 30Ginbilinan nana sanda, “Una kamo sa baryo ngaron sa unahan. Pag-abot ninyo idto hay may hikita kamo nga tiyo it asno nga nakahigot. Owa pa gid ron hasakyi. Hubara ninyo ag daehon iya kakon. 31Kon may magpangutana ngani kon ham-an it ginahubad ninyo hay sabta nga ginadapatan maton it Ginuo.”
32Nagpanaw ro mga ginsugo ag makarato gid ro andang hakita sa mga ginhambae ni Jesus. 33Tag ginahubad nanda ro higot ku asno, nagpangutana kanda ro mga tag-ana, “Ham-an it ginahubad 't-a ninyo ron?” 34Nagsabat sanda, “Nadapatan ra abi it Ginuo.” 35Gindaea nanda rato kay Jesus ag ginhapinan ku andang pangsanib ro likod ku asno ag ginpasakay imaw. 36Tag nagapanaw eon si Jesus nga nagasakay sa asno, ro mga tawo nga nagasueunod kana hay naghapead ku andang mga pangsanib sa anang aeagyan bilang pagpadungog kana.
37Tag nagapapanaog eon si Jesus sa Bukid it Olibo, paadto sa Jerusalem, tanan ro kaabo-abo ngato nga nagasueunod kana hay nagkinalipay ag nagdinayaw sa Dyos it kabaskog-baskog dahil sa mga milagro nga andang hakita. 38Hambae nanda, “Daeayawon ro hari nga ginpadaea iya it Ginuong Dyos!#19:38 Salmo 118:26. Paagi kana hay makapanumbalik eon kita sa Dyos sa eangit! Daeayawon ro Dyos sa pinakamataas nga kaeangitan!” 39Pero may idto gali sa mga tawo nga mga Pariseo nga naghambae kay Jesus, “Maestro, pahipusa ro imong mga sumueunod ngaron.” 40Nagsabat si Jesus, “Kon maghilipos ron sanda hay ginahambae ko kinyo nga ro mga bato ro mabueos it pagsinggit it pagdayaw kakon.”
41Tag maeapit eon si Jesus sa Jerusalem, ginpamantaw nana ra ag nagtangis imaw sa kaeuoy sa mga pumueuyo idto. 42Naghambae imaw, “Kamo't-a nga mga tagaJerusalem ro dapat kunta nga mas nakasayod kon paalin kamo makaagi it kalinong#19:42 Ro matuod nga kalinong hay bunga it pagpanumbalik sa Dyos nga matabo eang kon magtuo kita kay Jesus nga atong Maneueuwas. ugaling ginlipod eon don kinyo.#19:42 Kaeabanan ku mga tagaJerusalem hay nagpatig-a ku andang ueo ag indi magbaton kay Jesus nga andang Ginuo ag Maneueuwas ngani mas ginpatig-a la't-a it Dyos ro andang ueo. 43Maabot gid ro adlaw nga palibutan kamo ku inyong mga kaaway ag kulungon nga owa gid kamo it maeusutan. 44Anda nga waskon ro inyong syudad ngaron ag pamatyon nanda kamo tanan nga mga pumueuyo pati ro inyong mga unga. Owa gid it hibinlan nga nagataeangkas ku mga bato sa inyong syudad. Ruyon ro inyong dangaton ay inyo nga ginbaliwala ro kahigayunan nga iya pa ro Maneueuwas kinyo.”
Ginpangsuboe ni Jesus ro mga Negosyante sa *Lagwirta it Templo
(Mat 21:12-13; Mar 11:15-19)
45Pag-abot nanda sa Jerusalem hay nagsueod si Jesus sa *lagwirta it Templo ag ginpangsuboe ro mga tawo nga idto nagabaligya it mga sapat nga pangsakripisyo.#19:45 Naakig si Jesus ay idto nagabaligya ag nagabakae ro mga tawo it sapat sa *lagwirta it Templo imbis nga idto gid sa liwan it pader. 46Ginhambaean nana sanda, “Naghambae ro Dyos sa Sagrado nga Kasueatan, ‘Ro akong baeay hay lugar nga paeangamuyuan.’#19:46 Isa 56:7. Pero gin-obra't-a ninyo ra nga paeanaguan it mga buyong!”#19:46 Jer 7:11. May mga manogbaylo man it kwarta idto (Mat 21:12 ag Mar 11:15), ugaling abo sa mga nagabaligya it sapat nga pangsakripisyo ag sa mga manogbaylo it kwarta ngato hay mga manogluko. 47Adlaw-adlaw hay nagaturo si Jesus sa Templo. Ro mga pinuno it mga saserdote, ro mga maestro it Kasuguan ag ro mga manogdumaea it banwa hay nagausoy it paagi kon paalin nanda imaw hipatay. 48Pero owa sanda it mahimo ay nawili gid magpinamati kana ro tanan nga mga tawo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
2024 (Active) Wycliffe Bible Translators, Inc.