Muuduko 21
21
Sarav Aisakollu somaroka tovinokwono
1To'no'gwowi Gooti Yawel subuu'yamju me'no soka kuvinono uumjuno'no Saravi sugudo tov kuubweyokaikono. 2#Hib. 11:11Toro kuubweyoka tovida'ai Sarav kwolaiyo sumwoluko imo'no'no kwolaiyo pwol somarokakwono. Toro yoma'duke toga Eburaiyamol yadaiyo kuunodo me'no sumo'noka kuga kuruv Sarav kwolaiyo pwol somarokakwono. Toro tov Gooti Yawelluro subuu'yamju me'no kwiyoka kuga'no somarokakwono. 3Toro yoma'no sumaiyokwe Eburaiyamol Saravuro kwolaiyo somaroka su toolluno yovo tov Aisakolo sowarokaikono.
4 #
Mdk. 17:12; Krt. 7:8 Toro yowa'no sumaiyokwe gami kwolaiyo Aisakol 8-pela iruko tobuul kuuwolo'noka toga Eburaiyamol Gooti toolluro me'no kuudoka kuvinono uumjunyo'mo tool gami kwolaiyo toolluro lakulkulako tov amadovokaikono. 5Eburaiyamol 100 kworomokwe tool mwaloduke toga Sarav gami kwolaiyo Aisakollu somarokakwono. 6Toro te Sarav aro sajunokakwono. “Aga'no'gwowi Gooti tool sugudo anubweyoka tovida'ai nuu ilaiyo ibwosunodum kakwo nokwo dume'gono. Aki a'mwo abolo pun moro kwolaiyo soma'mo toolluno kuu'nupi kun kuruv ilaiyo yopi kakwo dupinogano.” Sajunokakwono. 7Toro yajunyuno sumaiyokwe aki aro adokakwono. “Muudu'nodo toga a'mwo abolo pun mi kwolo Eburaiyamollu aro muujajupekono. “Gumi abolo Sarav kwolaiyo pwollu amdo nomullausonokwono.” Muujajupekono. Toro kuvi kuruv aga'no'gwowi mi kwolo yadaiyo tekwojuro kwolaiyo pwol me'no amulomwora'mo'migono.” Sarav toro adokakwono.
8Toruda'ai Aisakol aguto gulluno sumaiyokwe amdo tov kuurukuurokaikono. Toro toga Eburaiyamol lubullu doto bwotonyo sokaikono.
Eburaiyamol Hegaiyokwe Isumaiyoleke tonallu amovomjapiyoka tovinokwono
9To'no'gwowi lukomgu Sarav Ijupda'ai abolo Hegaiyovuro kwolaiyo somaroka Isumaiyollu kwonokakwono. Hegaiyovuro kwolaiyo su tool Eburaiyamollurekono. Toro tool gamoro kwolaiyo Aisakollu ipa'nyo mojoduke toollu Sarav kwonokakwono. 10#Gal. 4:29,30Toro wonyuno sumaiyokwe Eburaiyamollu aro kuudokakwono. “Abolo ki'nato womdokwe su tokwe gami kwolaiyo tooke tonallu domovomjapiyono. Guu lukomgu abolbi toga abolo su tovuro kwolaiyo tool gumoro kuto ivito ton pun nomaro'jo. Yiuno moro kwolaiyo Aisakolno gumoro aiko toru marowo'ji yiuwi'nokai kuto ivito ton neya maronekono.” Kuudokakwono.
11Toro kuudoka tovi Eburaiyamol wuu'no'no gami kwolaiyo Isumaiyolluno kalo winodowodo tovino tov ilaiyo mibwosunokaikono. 12#Rm. 9:7; Hib. 11:18Eburaiyamol ilaiyo mibwosunoduke kuvi kuruv Gooti tool aro kuudokaikono. “Gumoro ki'nato womdokwe abolo su tokwe gumoro kwolaiyo tooke tonalluno guu kuudo kwolallo miyourukwapibinono. Toro kweku kuruv gumoro abolo Saravuro burowo'nyo yogalo agudo'ji tov kuvinono duumjunono. Moro agudumo akav aro tovinokwono. Gumoro jukweyago kwolaiyo bwotonyago tooro nyawosunbinekugono. Subuu'yamju me'no adagujo su tov gumoro kwolaiyo Aisakolluda'ai imo'nupinorogano. 13Aki ki'nato womdokwe abolo tovuro kwolaiyo kwol kuruv gumoro kwolaiyo kuunodo pwekono. Toro tovino tov kwolaiyo su to kwol kuruv jukweyago kwolaiyo bwotonyago nyawosunonekono. Toro sawosuno'ji tooro kantri puruv imo'nupinorogano.” Gooti tool Eburaiyamollu toro kuudokaikono.
14Toro te iruko aikomguda'ai tollugwoji lomwo iru'mago toga Eburaiyamol dukavo'no wosamujuko pugai'aro wonyubiyokwe kulakuto puuwake'aro malluno sumaiyokwe Hegaiyovi kwiyokaikono. Toro wino sumaiyokwe Hegaiyovuro yagwo te ilomorubweyo'no gamoro kwolaiyo tooke'aro tonallu amorapiyokaikono.
Toro te Hegaiyov wuugollu'mo'mno sumaiyokwe kwako a'mwomaiyo kuu'maiyo toru'no avlavokakwono. Kwako su toru'no yovo tov Biyasibareyorukono. 15Toro towai yomolluno yomolluno sumaleyokwe kemi kulakuto tovida'ai wonyo tov anopiyolonakono. Toro nopino sumaleyokwe kuuleyaluko winolno ganeyago tov gami kwolaiyo toollu i'jurako toollu dolago tomuu uumwalluno sumaiyokwe 16gavnokwe tov manyu towai amwalokakwono. Manyu su towai iroka tollugwo pwapiyopi muuna'dowodo to'busuko towai amwalokakwono. Toro towai mwalno sumaiyokwe aro sajunokakwono. “Mi kwolaiyo tekwo kuuleyaluko'mo dabolodowo'jure toollu mwonmo'migono.” Toro yajunyuno sumaiyokwe kumdo adumwanyajukokwono.
17Aki kwolaiyo su tool kumdo adokaikono. Toro kumdo doduke tovi Gooti tool kuu'nokaikono. Toro wuu'nyuno sumaiyokwe Gooti toolluro ensel tool muunyu tomuuda'ai Hegaiyovi aro abuudokaikono. “Hegaiyovoo, buro'nyo jul'nyo tov doma'mwakuno? Guu luko mibinono. Gumoro kwolaiyo akaikwolluro kumdo doduke tovi Gooti tool me'no kuu'numokaikono. 18Toro te guu ilodavo'bi kwolaiyo toollu kalo dugoga wireyo'moneyokwe neya domarono. Kwolaiyo su toollu lukomgu aro wimekono. A'mwo abolo bwotonyago kwolluda'ai abupi ton kantri jurogudo puruv imo'nupinogano.” 19Gooti tool toro wuujuno sumaiyokwe Hegaiyovuro sumdo tovi kuusubweyo'no Hegaiyov wonyo buugo alsovomwollosungiko pwollu kwonyopiyokakwono. Toro wonyuno sumaiyokwe gami kulakuto tovi wonyo tov iroma'no sumaiyokwe kwolaiyo toollu kwillokakwono. Toro kwilloka tovi kwolaiyo tool amanokaikono.
20Toro te Gooti tool kwolaiyo su toollu ilaiyo to'no amollomwallajukekono. Toro mollomwalodowo kwolaiyo tool aguto agullokaikono. Toro tonal kwako a'mwomaiyo kuu'maiyo toru mwalodubul kwolaiyo tool gami irogudo tokwe ibesa'aiyo toorai bolowosodowo amuuloka sumo'nyajukekono. 21Kwako a'mwomaiyo kuu'maiyo amwallajulo su toru'no yovo tov Paraneyorukono. Toro towai mwalno sumaleyokwe ganeyago tov Ijupda'ai abolo puruv maro'no gami muugunyo toollu kuumallokakwono.
Eburaiyameke Abimelekeke tooral subuu'yamju sajunolo tovinokwono
22 #
Mdk. 26:26
To'no'gwowi su toro toga Abimelekeke'aro gami a'mwo molo'mo toorai mido mollomwalokwe Fikooleke'aro tooral Eburaiyamollomno bino sumaleyokwe Abimelekol aro kuudokaikono. “Gumoro yiuwi'nokai yodumdo tonyu Gooti tool gujo'mwojodowodo tovi me'no gwonodowolonakono. 23Toro tovino tov guu nuuge'aro moro lukomgu sawosunmi kworogai'aro yiuwi'nokai toonollu kuunano miyoukuu'nanekullumwalbino'moneyokwe subuu'yamju neya donyono. Nuu gumi ilaiyo to'no magujodumdo kubalno guu kweku kuruv nemi aval'no neya domanekullogawono. Aki kwako bomwallo amwakudo akavi sugudo to'no neya domollogawono. Toro tonyuno Gooti tool sumdo muugononakwo'dowo'jure akaru subuu'yamju yiuno'no donyono.” Kuudokaikono. 24Abimelekol toro kuudoka tovi Eburaiyamol aro kuudokaikono. “Nuu subuu'yamju kuvinono agujumono.”
25Eburaiyamol subuu'yamju toro duuwino sumaiyokwe gami ilaiyo mwinodowodo kuudo puvino Abimelekollu aro kuudokaikono. “Gumoro a'mwo womdokwe tooro moro wonyo buugo alsovomwollosungiko puvino ga'gaivolo nyodupu nuumjukuto sadokwoporogano.” 26Toro kuudoka tovi Abimelekol kuudokaikono. “Nuu su toro tovino muu'nyodumdonyugono. Guu yere manyudodumdo tovino tov aga toga kuu'numwakono.” Kuudokaikono.
27Toro te Eburaiyamol sipsip pworogai'aro buulmokau pworogai'aro toorai momwora'no sumaiyokwe Abimelekollu kwiyokaikono. Toro tooral subuu'yamju aki aiko te sajunolorakono. 28Toro yajunyuno sumaleyokwe Eburaiyamol 7-pela sipsip abolo pun maro'no judo pumgu amuudeyosokaikono. 29Toro amuudeyosoka tovi Abimelekol wono'no Eburaiyamollu samuugojokaikono. “7-pela sipsip abolo amuudeyosumado su tov buro'nyo kavlo tovino'mdeyo?” 30Toro samuugojoka tovi Eburaiyamol aro kuudokaikono. “Moro 7-pela sipsip bwopto abolo akanyu ama'bi toga aro tovino kuu'maiyo toru'no nyuduuwallubinekugono. Wonyo buuso su tov gumiyo'mo yiunokuudo maguuwollonokwono. Nuvnokwe alsoso toonyu nuwollonokwono. Toro tovino nyuduuwallubinekugono.” Kuudokaikono.
31Toro tooral kwako su toru subuu'yamju sajunolo tovino tov kwako su toru'no yovo tov Biyasibaru dodupudorukono. 32Toro te kwako Biyasiba su toru subuu'yamju me'no sajunolo toga Abimelekeke'aro gami a'mwo molo'mo toorai mido mollomwalokwe Fikooleke'aro tooral Eburaiyamollu wuugollu'movolno kwako Filistiya'no aikomgu avlavolorakono. 33Me'no plaino sumaleyokwe Eburaiyamol kwako Biyasiba su tovi jeso'moneyokwe iko tamarisik pwollu aburaudokaikono. Toro buraujuno sumaiyokwe Gooti Yawel Aiyo Yiunokuudo Mujomwekovla'mdowodo su toolluno yovo tovi sulomoropiyokaikono. 34Toro te Eburaiyamol Filistiyada'ai a'mwo abolo tonyuro kwako toru bomwallo imo'nodowo manyu toga amwallajukekono.
Currently Selected:
Muuduko 21: SMB
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida
Muuduko 21
21
Sarav Aisakollu somaroka tovinokwono
1To'no'gwowi Gooti Yawel subuu'yamju me'no soka kuvinono uumjuno'no Saravi sugudo tov kuubweyokaikono. 2#Hib. 11:11Toro kuubweyoka tovida'ai Sarav kwolaiyo sumwoluko imo'no'no kwolaiyo pwol somarokakwono. Toro yoma'duke toga Eburaiyamol yadaiyo kuunodo me'no sumo'noka kuga kuruv Sarav kwolaiyo pwol somarokakwono. Toro tov Gooti Yawelluro subuu'yamju me'no kwiyoka kuga'no somarokakwono. 3Toro yoma'no sumaiyokwe Eburaiyamol Saravuro kwolaiyo somaroka su toolluno yovo tov Aisakolo sowarokaikono.
4 #
Mdk. 17:12; Krt. 7:8 Toro yowa'no sumaiyokwe gami kwolaiyo Aisakol 8-pela iruko tobuul kuuwolo'noka toga Eburaiyamol Gooti toolluro me'no kuudoka kuvinono uumjunyo'mo tool gami kwolaiyo toolluro lakulkulako tov amadovokaikono. 5Eburaiyamol 100 kworomokwe tool mwaloduke toga Sarav gami kwolaiyo Aisakollu somarokakwono. 6Toro te Sarav aro sajunokakwono. “Aga'no'gwowi Gooti tool sugudo anubweyoka tovida'ai nuu ilaiyo ibwosunodum kakwo nokwo dume'gono. Aki a'mwo abolo pun moro kwolaiyo soma'mo toolluno kuu'nupi kun kuruv ilaiyo yopi kakwo dupinogano.” Sajunokakwono. 7Toro yajunyuno sumaiyokwe aki aro adokakwono. “Muudu'nodo toga a'mwo abolo pun mi kwolo Eburaiyamollu aro muujajupekono. “Gumi abolo Sarav kwolaiyo pwollu amdo nomullausonokwono.” Muujajupekono. Toro kuvi kuruv aga'no'gwowi mi kwolo yadaiyo tekwojuro kwolaiyo pwol me'no amulomwora'mo'migono.” Sarav toro adokakwono.
8Toruda'ai Aisakol aguto gulluno sumaiyokwe amdo tov kuurukuurokaikono. Toro toga Eburaiyamol lubullu doto bwotonyo sokaikono.
Eburaiyamol Hegaiyokwe Isumaiyoleke tonallu amovomjapiyoka tovinokwono
9To'no'gwowi lukomgu Sarav Ijupda'ai abolo Hegaiyovuro kwolaiyo somaroka Isumaiyollu kwonokakwono. Hegaiyovuro kwolaiyo su tool Eburaiyamollurekono. Toro tool gamoro kwolaiyo Aisakollu ipa'nyo mojoduke toollu Sarav kwonokakwono. 10#Gal. 4:29,30Toro wonyuno sumaiyokwe Eburaiyamollu aro kuudokakwono. “Abolo ki'nato womdokwe su tokwe gami kwolaiyo tooke tonallu domovomjapiyono. Guu lukomgu abolbi toga abolo su tovuro kwolaiyo tool gumoro kuto ivito ton pun nomaro'jo. Yiuno moro kwolaiyo Aisakolno gumoro aiko toru marowo'ji yiuwi'nokai kuto ivito ton neya maronekono.” Kuudokakwono.
11Toro kuudoka tovi Eburaiyamol wuu'no'no gami kwolaiyo Isumaiyolluno kalo winodowodo tovino tov ilaiyo mibwosunokaikono. 12#Rm. 9:7; Hib. 11:18Eburaiyamol ilaiyo mibwosunoduke kuvi kuruv Gooti tool aro kuudokaikono. “Gumoro ki'nato womdokwe abolo su tokwe gumoro kwolaiyo tooke tonalluno guu kuudo kwolallo miyourukwapibinono. Toro kweku kuruv gumoro abolo Saravuro burowo'nyo yogalo agudo'ji tov kuvinono duumjunono. Moro agudumo akav aro tovinokwono. Gumoro jukweyago kwolaiyo bwotonyago tooro nyawosunbinekugono. Subuu'yamju me'no adagujo su tov gumoro kwolaiyo Aisakolluda'ai imo'nupinorogano. 13Aki ki'nato womdokwe abolo tovuro kwolaiyo kwol kuruv gumoro kwolaiyo kuunodo pwekono. Toro tovino tov kwolaiyo su to kwol kuruv jukweyago kwolaiyo bwotonyago nyawosunonekono. Toro sawosuno'ji tooro kantri puruv imo'nupinorogano.” Gooti tool Eburaiyamollu toro kuudokaikono.
14Toro te iruko aikomguda'ai tollugwoji lomwo iru'mago toga Eburaiyamol dukavo'no wosamujuko pugai'aro wonyubiyokwe kulakuto puuwake'aro malluno sumaiyokwe Hegaiyovi kwiyokaikono. Toro wino sumaiyokwe Hegaiyovuro yagwo te ilomorubweyo'no gamoro kwolaiyo tooke'aro tonallu amorapiyokaikono.
Toro te Hegaiyov wuugollu'mo'mno sumaiyokwe kwako a'mwomaiyo kuu'maiyo toru'no avlavokakwono. Kwako su toru'no yovo tov Biyasibareyorukono. 15Toro towai yomolluno yomolluno sumaleyokwe kemi kulakuto tovida'ai wonyo tov anopiyolonakono. Toro nopino sumaleyokwe kuuleyaluko winolno ganeyago tov gami kwolaiyo toollu i'jurako toollu dolago tomuu uumwalluno sumaiyokwe 16gavnokwe tov manyu towai amwalokakwono. Manyu su towai iroka tollugwo pwapiyopi muuna'dowodo to'busuko towai amwalokakwono. Toro towai mwalno sumaiyokwe aro sajunokakwono. “Mi kwolaiyo tekwo kuuleyaluko'mo dabolodowo'jure toollu mwonmo'migono.” Toro yajunyuno sumaiyokwe kumdo adumwanyajukokwono.
17Aki kwolaiyo su tool kumdo adokaikono. Toro kumdo doduke tovi Gooti tool kuu'nokaikono. Toro wuu'nyuno sumaiyokwe Gooti toolluro ensel tool muunyu tomuuda'ai Hegaiyovi aro abuudokaikono. “Hegaiyovoo, buro'nyo jul'nyo tov doma'mwakuno? Guu luko mibinono. Gumoro kwolaiyo akaikwolluro kumdo doduke tovi Gooti tool me'no kuu'numokaikono. 18Toro te guu ilodavo'bi kwolaiyo toollu kalo dugoga wireyo'moneyokwe neya domarono. Kwolaiyo su toollu lukomgu aro wimekono. A'mwo abolo bwotonyago kwolluda'ai abupi ton kantri jurogudo puruv imo'nupinogano.” 19Gooti tool toro wuujuno sumaiyokwe Hegaiyovuro sumdo tovi kuusubweyo'no Hegaiyov wonyo buugo alsovomwollosungiko pwollu kwonyopiyokakwono. Toro wonyuno sumaiyokwe gami kulakuto tovi wonyo tov iroma'no sumaiyokwe kwolaiyo toollu kwillokakwono. Toro kwilloka tovi kwolaiyo tool amanokaikono.
20Toro te Gooti tool kwolaiyo su toollu ilaiyo to'no amollomwallajukekono. Toro mollomwalodowo kwolaiyo tool aguto agullokaikono. Toro tonal kwako a'mwomaiyo kuu'maiyo toru mwalodubul kwolaiyo tool gami irogudo tokwe ibesa'aiyo toorai bolowosodowo amuuloka sumo'nyajukekono. 21Kwako a'mwomaiyo kuu'maiyo amwallajulo su toru'no yovo tov Paraneyorukono. Toro towai mwalno sumaleyokwe ganeyago tov Ijupda'ai abolo puruv maro'no gami muugunyo toollu kuumallokakwono.
Eburaiyameke Abimelekeke tooral subuu'yamju sajunolo tovinokwono
22 #
Mdk. 26:26
To'no'gwowi su toro toga Abimelekeke'aro gami a'mwo molo'mo toorai mido mollomwalokwe Fikooleke'aro tooral Eburaiyamollomno bino sumaleyokwe Abimelekol aro kuudokaikono. “Gumoro yiuwi'nokai yodumdo tonyu Gooti tool gujo'mwojodowodo tovi me'no gwonodowolonakono. 23Toro tovino tov guu nuuge'aro moro lukomgu sawosunmi kworogai'aro yiuwi'nokai toonollu kuunano miyoukuu'nanekullumwalbino'moneyokwe subuu'yamju neya donyono. Nuu gumi ilaiyo to'no magujodumdo kubalno guu kweku kuruv nemi aval'no neya domanekullogawono. Aki kwako bomwallo amwakudo akavi sugudo to'no neya domollogawono. Toro tonyuno Gooti tool sumdo muugononakwo'dowo'jure akaru subuu'yamju yiuno'no donyono.” Kuudokaikono. 24Abimelekol toro kuudoka tovi Eburaiyamol aro kuudokaikono. “Nuu subuu'yamju kuvinono agujumono.”
25Eburaiyamol subuu'yamju toro duuwino sumaiyokwe gami ilaiyo mwinodowodo kuudo puvino Abimelekollu aro kuudokaikono. “Gumoro a'mwo womdokwe tooro moro wonyo buugo alsovomwollosungiko puvino ga'gaivolo nyodupu nuumjukuto sadokwoporogano.” 26Toro kuudoka tovi Abimelekol kuudokaikono. “Nuu su toro tovino muu'nyodumdonyugono. Guu yere manyudodumdo tovino tov aga toga kuu'numwakono.” Kuudokaikono.
27Toro te Eburaiyamol sipsip pworogai'aro buulmokau pworogai'aro toorai momwora'no sumaiyokwe Abimelekollu kwiyokaikono. Toro tooral subuu'yamju aki aiko te sajunolorakono. 28Toro yajunyuno sumaleyokwe Eburaiyamol 7-pela sipsip abolo pun maro'no judo pumgu amuudeyosokaikono. 29Toro amuudeyosoka tovi Abimelekol wono'no Eburaiyamollu samuugojokaikono. “7-pela sipsip abolo amuudeyosumado su tov buro'nyo kavlo tovino'mdeyo?” 30Toro samuugojoka tovi Eburaiyamol aro kuudokaikono. “Moro 7-pela sipsip bwopto abolo akanyu ama'bi toga aro tovino kuu'maiyo toru'no nyuduuwallubinekugono. Wonyo buuso su tov gumiyo'mo yiunokuudo maguuwollonokwono. Nuvnokwe alsoso toonyu nuwollonokwono. Toro tovino nyuduuwallubinekugono.” Kuudokaikono.
31Toro tooral kwako su toru subuu'yamju sajunolo tovino tov kwako su toru'no yovo tov Biyasibaru dodupudorukono. 32Toro te kwako Biyasiba su toru subuu'yamju me'no sajunolo toga Abimelekeke'aro gami a'mwo molo'mo toorai mido mollomwalokwe Fikooleke'aro tooral Eburaiyamollu wuugollu'movolno kwako Filistiya'no aikomgu avlavolorakono. 33Me'no plaino sumaleyokwe Eburaiyamol kwako Biyasiba su tovi jeso'moneyokwe iko tamarisik pwollu aburaudokaikono. Toro buraujuno sumaiyokwe Gooti Yawel Aiyo Yiunokuudo Mujomwekovla'mdowodo su toolluno yovo tovi sulomoropiyokaikono. 34Toro te Eburaiyamol Filistiyada'ai a'mwo abolo tonyuro kwako toru bomwallo imo'nodowo manyu toga amwallajukekono.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida