Muuduko 28
28
1Toruda'ai Aisakol Jekoopollu doma'no sumaiyokwe sugudo tov adubweyokaikono. Me'no dubweno sumaiyokwe kuuguudo jurogudo tov aro amadokaikono. “Guu abolo mallo'mo tooku Kenanda'ai mama'binekugono. 2Toro kweku kuruv Mesoopootemiya'no plavo'bi gumi juneyago tovi ganumiyago Betuuwelolluro ago towai'no pla'binekugono. Toro towai ai'mo'bi toga gumi jai'yago Lebanolluro taiyo puruvi nokwo ma'binekugono. 3Toro tookuji Gooti Jurogudo Kuunodo tool sugudo to'no neya amagujono. Toro amagujo'ji tooku kwolaiyo taiyo sawosunbi ton kwolallo bwotonyago imo'nupinogano. 4#Mdk. 17:4-8Aki Gooti tool aiyoga Eburaiyamollu sugudo kuubweyajuko to'busuko kubalno guu kwekuji kuruv neya agubweyono. Aki gumi jukweyago kwolaiyo sumo'nupi kworai kuruv sugudo tov neya uubweyono. Aki kwako amwakuuwo akav Gooti tool aiyoga Eburaiyamollu kwiyoka tovi bomwallo suguwono. Toro kuvi kuruv puga guuge'aro gumi jukweyago kwolaiyo sumo'nupi toorogai'aro toorekul kwako akav kemiyo'mo yiunokuudo bomapinokwono.” Kuudokaikono. 5Aisakol Jekoopollu morapiyo'moneyokwe kuuguudo su toro amadokaikono. Toro majuno sumaiyokwe toga Jekoopol Mesoopootemiya'no plaino sumaiyokwe Lebanollu wuuru'maro'no amwallajulekono. Lebanol Arameyoda'ai Betuuwelolluro muugunyekono. Aki Lebanol Jekoopeke Isoo'weke todorallu kuuneyago Rebekavi jo'mwekono.
Isoo'wol abolo muuduko purukwe'aro amaroka tovinokwono
6To'no'gwowi Aisakol Jekoopollu modapiyoduke toga Isoo'wol wuu'no'no kuudo souromarokaikono. Oo mi nyunumiyago tool nyugwai'yago Jekoopollu sugudo tov me'no dubweyodowo aro domodapimaiyo. Guu Kenanda'ai abolo puruvi mama'binekugono. Toro kweku kuruv guu Mesoopootemiya'no plavo'bi tomuuda'ai abolo puvi ma'binekugono. 7Toro kuudoka tov mi nyugwai'yago Jekoopol gami ganum kwolabolo teyaullu kaduko wiyo'no Mesoopootemiya'no me'no avlavoka tooldeyo. Kuudo saurokaikono. 8Isoo'wol toro kuudo yau'no sumaiyokwe aro sajunokaikono. Oo mi nyunumiyago Aisakol Kenanda'ai abolo tonyuno ilaiyo mwinyokwekono. Sajunokaikono. 9Toro yajunyuno sumaiyokwe aki puruv aro sajunokaikono. Oo mi nyunumiyago tool moro abolo Kenanda'ai amaro tovalluno ilaiyo mwinyokwekono. Sajunokaikono. Toro yajunyuno sumaiyokwe abolo purukwe'aro mallo'mo tool Isumaiyolollomno avlavokaikono. Toro tool plaino sumaiyokwe Eburaiyamolluro muugunyo Isumaiyololluro taiyo Mahalatovi amarokaikono. Mahalatovi gananyago tov Nebaiyootokwono. Toro te Isoo'wol abolo puruval me'no amaroka tool abolo gabovo su tokwe'aro amarokaikono.
Jekoopolluro wojo suwo'noka tovinokwono
10To'no'gwowi Jekoopol Mesoopootemiya tomuuno plaiyo'moneyokwe Biyasiba toru wuugollu'mo'mno sumaiyokwe puuto tov wagwolago Haran tomuu'aro amjo'movlaiyajukekono. 11Toro mujo'movla'mno sumaiyokwe kuujo tool me'no kwolomwoloka toga kwako puwai ai'movokaikono. Toro towai sa wollo'moneyokwe sulo pwollu malluno sumaiyokwe midapto menaro'no sa kworokaikono. 12#Jn. 1:51Sa wolluno sumaiyokwe wojo tov aro suwo'nokaikono. I'deko puruv kwako tovi'aro i'muu Gooti toolluro ago tomuu'aro wo'duke tovi kwonokaikono. Toro te Gooti toolluro ensel pworo i'deko su tovi ilno wolabino yodopure toorai kwonokaikono. 13#Mdk. 13:14,15Toro wonyuno sumaiyokwe aki Gooti Yawel wobo toru da'mduke toollu kwonokaikono. Toro wonyuno sumaiyokwe Gooti Yawel Jekoopollu aro kuudokaikono. “Nuu gumi jukweyago Eburaiyameke gumi junumiyago Aisakeke toorallu Gooti toonyugono. Toro toonyu guu sa kwokudo kwako su tov guuge'aro gumi jukweyago kwolaiyo sumo'nupi toorogai'aro toorekullu nekullamonyugono. 14#Mdk. 12:3, 22:18Aki gumoro jukweyago kwoloraiyo sumo'nupi ton kwako akavida'ai we'gullugulludo wo'dowodo to'busuko bwotonyago imo'nupinogano. Toro ton yiuwi'nokai tomuu yo'mowopipinogano. Kuujo tool kwolmoka wes tomge'aro kuujo tool sulopiyamoka is tomge'aro aki wonyo sumdo tov kwolamoka noot tomge'aro wonyo kwolmoka saut tomge'aro yiuwi'nokai su tomuu mwalpinogano. Aki toro togaikullu sugudo aikubwemi tov yiuwi'nokai a'mwo abolo kwako akavi mwalodupudo kunyuda'aiyo'mo ikubwemonyugono.” 15Gooti Yawel toro wuujuno sumaiyokwe aki aro kuudokaikono. “Duu'nono. Nuu yiuwi'nokai toga nomollogumwalmwalmonyugono. Toro toonyu guu yiuwi'nokai avla'bi tomuu guuge mujomwekovla'mwalmonyugono. Toro toonyu kwako Kenan akaru'no aikomgu nogumokamonyugono. Aki moro subuu'yamju me'no adagujumo su ton yere mimo'nodopure toga nuu gumi magugollu'mo'monyugono.” Kuudokaikono.
16Gooti Yawel toro me'no wuujuno sumaiyokwe Jekoopol sa kwollajuko tool dukavo'no aro sajunokaikono. “Nuu muudu'nodo toga, Oo Gooti Yawel akawai domwallo, kuudo miyaullajonyugono. Toro kwonyu kuruv aga'no'gwowi, Gooti Yawel akawai domwallo, kuudo sau'mono.” Sajunokaikono. 17Toro yajunyuno sumaiyokwe luko yo'no aro sajunokaikono. “Awi, kwako akavino luko amorumoukuropimonyugono.” Toro yajunyuno sumaiyokwe aki aro sajunokaikono. “Oo kwako akav Gooti toolluro mwalodowodo kuunodorukono. Aki toro tov muunyu kai'muuno illo'moneyokwe noullokwono.” Sajunokaikono.
18Jekoopol toro yajunyuno sumaiyokwe lomwo toga dukavo'no gamoro midapto amenaroka sulo tool malluno sumaiyokwe ido'nyuno amomuulludapiyokaikono. Toro amomuulludapiyoka toollu, Gooti toollo'mekono, jeso'no oolip munyupto pugai sulo toollu muunyu toru aimowosokaikono. 19Toro kimowosuno sumaiyokwe kwako su tovino yovo tov Betelovo sowarokaikono. Muudu'nodo toga'no'gwowi kwako su tovi wagwolago kwollajuko tovino yovo tov Losovo ajajupokwono. 20Toruda'ai Jekoopol Gooti toollu subuu'yamju aro aduuwiyokaikono. “Guu moro kado yomollodo'mure toga nuuge mwalo'bi ilaiyo mollonumwalo'bi aki wosamujuko nonyo'mo togai youro yeso'mo togai nyabo'bi 21aki mi nyunumiyago toolluro ago toru'no aikomgu ilaiyo to'no numokabo'bi Gooti Yaweku toro amollunumwalbi tov mi Gooti kuunodo nyumo'nubinekugono. 22Aki sulo amomuulludapimo akaru Gooti tookuji ilomogwopiyo'moneyokwe ajesumorukono. Aki puga gumoro yiuwi'nokai nyabodo'bure ton nuu atousal momuudeyoso'mi tonyuda'ai puruv gumiyo'mo nogujamonyugono.” Jekoopol Gooti toollu subuu'yamju toro aduuwiyokaikono.
Currently Selected:
Muuduko 28: SMB
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida
Muuduko 28
28
1Toruda'ai Aisakol Jekoopollu doma'no sumaiyokwe sugudo tov adubweyokaikono. Me'no dubweno sumaiyokwe kuuguudo jurogudo tov aro amadokaikono. “Guu abolo mallo'mo tooku Kenanda'ai mama'binekugono. 2Toro kweku kuruv Mesoopootemiya'no plavo'bi gumi juneyago tovi ganumiyago Betuuwelolluro ago towai'no pla'binekugono. Toro towai ai'mo'bi toga gumi jai'yago Lebanolluro taiyo puruvi nokwo ma'binekugono. 3Toro tookuji Gooti Jurogudo Kuunodo tool sugudo to'no neya amagujono. Toro amagujo'ji tooku kwolaiyo taiyo sawosunbi ton kwolallo bwotonyago imo'nupinogano. 4#Mdk. 17:4-8Aki Gooti tool aiyoga Eburaiyamollu sugudo kuubweyajuko to'busuko kubalno guu kwekuji kuruv neya agubweyono. Aki gumi jukweyago kwolaiyo sumo'nupi kworai kuruv sugudo tov neya uubweyono. Aki kwako amwakuuwo akav Gooti tool aiyoga Eburaiyamollu kwiyoka tovi bomwallo suguwono. Toro kuvi kuruv puga guuge'aro gumi jukweyago kwolaiyo sumo'nupi toorogai'aro toorekul kwako akav kemiyo'mo yiunokuudo bomapinokwono.” Kuudokaikono. 5Aisakol Jekoopollu morapiyo'moneyokwe kuuguudo su toro amadokaikono. Toro majuno sumaiyokwe toga Jekoopol Mesoopootemiya'no plaino sumaiyokwe Lebanollu wuuru'maro'no amwallajulekono. Lebanol Arameyoda'ai Betuuwelolluro muugunyekono. Aki Lebanol Jekoopeke Isoo'weke todorallu kuuneyago Rebekavi jo'mwekono.
Isoo'wol abolo muuduko purukwe'aro amaroka tovinokwono
6To'no'gwowi Aisakol Jekoopollu modapiyoduke toga Isoo'wol wuu'no'no kuudo souromarokaikono. Oo mi nyunumiyago tool nyugwai'yago Jekoopollu sugudo tov me'no dubweyodowo aro domodapimaiyo. Guu Kenanda'ai abolo puruvi mama'binekugono. Toro kweku kuruv guu Mesoopootemiya'no plavo'bi tomuuda'ai abolo puvi ma'binekugono. 7Toro kuudoka tov mi nyugwai'yago Jekoopol gami ganum kwolabolo teyaullu kaduko wiyo'no Mesoopootemiya'no me'no avlavoka tooldeyo. Kuudo saurokaikono. 8Isoo'wol toro kuudo yau'no sumaiyokwe aro sajunokaikono. Oo mi nyunumiyago Aisakol Kenanda'ai abolo tonyuno ilaiyo mwinyokwekono. Sajunokaikono. 9Toro yajunyuno sumaiyokwe aki puruv aro sajunokaikono. Oo mi nyunumiyago tool moro abolo Kenanda'ai amaro tovalluno ilaiyo mwinyokwekono. Sajunokaikono. Toro yajunyuno sumaiyokwe abolo purukwe'aro mallo'mo tool Isumaiyolollomno avlavokaikono. Toro tool plaino sumaiyokwe Eburaiyamolluro muugunyo Isumaiyololluro taiyo Mahalatovi amarokaikono. Mahalatovi gananyago tov Nebaiyootokwono. Toro te Isoo'wol abolo puruval me'no amaroka tool abolo gabovo su tokwe'aro amarokaikono.
Jekoopolluro wojo suwo'noka tovinokwono
10To'no'gwowi Jekoopol Mesoopootemiya tomuuno plaiyo'moneyokwe Biyasiba toru wuugollu'mo'mno sumaiyokwe puuto tov wagwolago Haran tomuu'aro amjo'movlaiyajukekono. 11Toro mujo'movla'mno sumaiyokwe kuujo tool me'no kwolomwoloka toga kwako puwai ai'movokaikono. Toro towai sa wollo'moneyokwe sulo pwollu malluno sumaiyokwe midapto menaro'no sa kworokaikono. 12#Jn. 1:51Sa wolluno sumaiyokwe wojo tov aro suwo'nokaikono. I'deko puruv kwako tovi'aro i'muu Gooti toolluro ago tomuu'aro wo'duke tovi kwonokaikono. Toro te Gooti toolluro ensel pworo i'deko su tovi ilno wolabino yodopure toorai kwonokaikono. 13#Mdk. 13:14,15Toro wonyuno sumaiyokwe aki Gooti Yawel wobo toru da'mduke toollu kwonokaikono. Toro wonyuno sumaiyokwe Gooti Yawel Jekoopollu aro kuudokaikono. “Nuu gumi jukweyago Eburaiyameke gumi junumiyago Aisakeke toorallu Gooti toonyugono. Toro toonyu guu sa kwokudo kwako su tov guuge'aro gumi jukweyago kwolaiyo sumo'nupi toorogai'aro toorekullu nekullamonyugono. 14#Mdk. 12:3, 22:18Aki gumoro jukweyago kwoloraiyo sumo'nupi ton kwako akavida'ai we'gullugulludo wo'dowodo to'busuko bwotonyago imo'nupinogano. Toro ton yiuwi'nokai tomuu yo'mowopipinogano. Kuujo tool kwolmoka wes tomge'aro kuujo tool sulopiyamoka is tomge'aro aki wonyo sumdo tov kwolamoka noot tomge'aro wonyo kwolmoka saut tomge'aro yiuwi'nokai su tomuu mwalpinogano. Aki toro togaikullu sugudo aikubwemi tov yiuwi'nokai a'mwo abolo kwako akavi mwalodupudo kunyuda'aiyo'mo ikubwemonyugono.” 15Gooti Yawel toro wuujuno sumaiyokwe aki aro kuudokaikono. “Duu'nono. Nuu yiuwi'nokai toga nomollogumwalmwalmonyugono. Toro toonyu guu yiuwi'nokai avla'bi tomuu guuge mujomwekovla'mwalmonyugono. Toro toonyu kwako Kenan akaru'no aikomgu nogumokamonyugono. Aki moro subuu'yamju me'no adagujumo su ton yere mimo'nodopure toga nuu gumi magugollu'mo'monyugono.” Kuudokaikono.
16Gooti Yawel toro me'no wuujuno sumaiyokwe Jekoopol sa kwollajuko tool dukavo'no aro sajunokaikono. “Nuu muudu'nodo toga, Oo Gooti Yawel akawai domwallo, kuudo miyaullajonyugono. Toro kwonyu kuruv aga'no'gwowi, Gooti Yawel akawai domwallo, kuudo sau'mono.” Sajunokaikono. 17Toro yajunyuno sumaiyokwe luko yo'no aro sajunokaikono. “Awi, kwako akavino luko amorumoukuropimonyugono.” Toro yajunyuno sumaiyokwe aki aro sajunokaikono. “Oo kwako akav Gooti toolluro mwalodowodo kuunodorukono. Aki toro tov muunyu kai'muuno illo'moneyokwe noullokwono.” Sajunokaikono.
18Jekoopol toro yajunyuno sumaiyokwe lomwo toga dukavo'no gamoro midapto amenaroka sulo tool malluno sumaiyokwe ido'nyuno amomuulludapiyokaikono. Toro amomuulludapiyoka toollu, Gooti toollo'mekono, jeso'no oolip munyupto pugai sulo toollu muunyu toru aimowosokaikono. 19Toro kimowosuno sumaiyokwe kwako su tovino yovo tov Betelovo sowarokaikono. Muudu'nodo toga'no'gwowi kwako su tovi wagwolago kwollajuko tovino yovo tov Losovo ajajupokwono. 20Toruda'ai Jekoopol Gooti toollu subuu'yamju aro aduuwiyokaikono. “Guu moro kado yomollodo'mure toga nuuge mwalo'bi ilaiyo mollonumwalo'bi aki wosamujuko nonyo'mo togai youro yeso'mo togai nyabo'bi 21aki mi nyunumiyago toolluro ago toru'no aikomgu ilaiyo to'no numokabo'bi Gooti Yaweku toro amollunumwalbi tov mi Gooti kuunodo nyumo'nubinekugono. 22Aki sulo amomuulludapimo akaru Gooti tookuji ilomogwopiyo'moneyokwe ajesumorukono. Aki puga gumoro yiuwi'nokai nyabodo'bure ton nuu atousal momuudeyoso'mi tonyuda'ai puruv gumiyo'mo nogujamonyugono.” Jekoopol Gooti toollu subuu'yamju toro aduuwiyokaikono.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida