Joon 1
1
Gooti toolluro Yogalo tool a'mwo kulakokwe sumo'noka tovinokwono
1Aiyoga muudu'nodo toga Yogalo tool amjomwekelabiyajukekono. Yogalo su tool Gooti tooke amwallajukekono. Aki Yogalo su tool Gooti gavnokwe tookono. 2Aiyoga muudu'no kuunodo toga Yogalo su tool Gooti tooke amwallajukekono. 3#Hib. 1:2Aki yiuwi'nokai noonyumwonyu tonyu sokwollosoka tool kwekono. Noonyumwonyu sokwollosoka su ton yasuwa'no mimo'nopogano. Toro kuvi kuruv yiuwi'nokai me'no sumo'nopo su ton yiuno gavnokwe toolluro sokwollosoka tovida'ai sumo'nopogano. 4Aki aiyo mujomwekovlaiyo'moneyokwe tov Yogalo su toollu kuuluuwo'dowodokwono. Aki aiyo kuuluuwo'dowodo su tool yiuwi'nokai a'mwo abolo tonyu bako wimo'nodowodekono. 5Bako su tool dugumdo tomuu pwopiyodowodekono. Aki dugumdo tov bako su toollu ku'nono maibuulowosonokwono. Bako su tool yiunokuudo pwopimovla'mwalonekono.
6 #
Mt. 3:1; Mk. 1:4; Lk. 3:2 A'mwo sumo'noka pwolluno yovo tov Wonyo Galuvollokwe Joonolekono. Gooti tool a'mwo su toollu amoropiyabokaikono. 7Toro amoropiyaboka tool bako su toolluno kuu'maiyo toru dodoluwoso'moneyokwe abokaikono. Su toro dodoluwosodowo'jure toollu'aro yiuwi'nokai a'mwo abolo ton wuu'nopi bako su toolluno kuudo nokwo uubwepinekono. 8Joonol gavnokwe tool bakolmaiyo. Toro kwol kuruv a'mwo kuuguudo moruudomollokwe to'no sumo'nyajukekono. A'mwo su tekwo bako kuunodo toolluno kuu'maiyo toru'no amoruudomollajukekono.
9Bako kuunodo su toolno'gwowi yiuwi'nokai a'mwo abolo tonyu uuwodowodekono. Aki bako su tool kwako akavi bai'meyo'mo sajukekono. 10Toro toollu'aro Gooti tool kwako akavi sokwollosokaikono. Toro tool gavnokweyolluro kwako sokwollosoka akavino abokaikono. Toro aboka kwollu kuruv a'mwo abolo kwako akavi mwalodupudo ton miworovomaropekono. 11Toro tool gavnokweyolluro iko tovasuda'ai avalo tonyomno avlavoka toga ilaiyo mamollomaropekono.
12Toro kuvi kuruv a'mwo abolo puno'gwowi kwolluno ilaiyo mollomaro'mno gamino yovo tovino kuudo kuubweyopogano. Su toro kuubweyopo tonyu Gooti toolluro kwoloraiyo imo'nupino'moneyokwe ajesokagano. 13Gooti toolluro kwoloraiyo imo'nodupudo su ton kwako akavida'ai kuunum kwolabolo tonyuro yawosunodopure tovida'aiyo'mdeyo oo kwako akavida'ai kulako tovuro jurogudo tovida'aiyo'mdeyo oo a'mwo pwolluro jurogudo tovida'aiyo'mdeyo tonyuda'ai imo'nodupudonmaiyo. Toro kuvi kuruv yiuno Gooti gavnokwe toolluro yoduke tovi'aro to'no gamoro kwoloraiyo imo'nodupudogano.
14 #
Flp. 2:7
Aki Yogalo su tool a'mwo kulakokwe sumo'nokaikono. Toro imo'nyuno sumaiyokwe nemi akuuto toru abwolomwalokaikono. Toro toollu Gooti toolluro yasuwa'wino sugumaluko tokwe'aro nebaikuuguudo tokwe'aro toval aiyowomno kuullo'mowopiyodowodekono. Aki toro tool Gooti Ganumiyago toolluro Kwolaiyo pwolnodo tookono. Toro toolluro jurogudo kuunodo tovi nevu me'no kwonowekono. 15Toro te Joonol su to kwolluno a'mwo abolo tonyu kuu'maiyo toru'no aro amoruujajukekono. “Oo nuu su toolluno sumdomgu aro me'no aikujajonyugono. “Mi anuwolo'mwalluko pwol nobwonekono. Toro abwo'ji su tool aguto kuunodekono. Aro tovinokwono. Nuu yere mimo'nyodore togada'ai su tool me'no amwallajukekono. Toro toolluno tov mi anuwolo'mwallo.” Aikujajonyugono.” Joonol a'mwo abolo tonyu toro amoruujajukekono.
16Toro te yasuwa'wino sugumaluko tov su toollu aiyowomno kuullo'mowopiyodowodekono. Toro kuullo'mowopiyoduke tovida'ai nevu yiuwi'nokai tonollu yasuwa'wino sugumaluko ton nekullabino nekullabino yokwekono. Toro te yasuwa'wino sugumaluko su tonyu yiunokuudo nomo'movla'mwalanonogano. 17Neya duu'nyulo. Gooti tool Moosesolluro ato tovi'aro loowo tov kwiyokaikono. Toro kuvi kuruv gamoro yasuwa'wino sugumaluko tokwe'aro gamoro nebaikuuguudo tokwe'aro tovalno'gwowi Jisas Kraisolluro ato tovi'aro abolovakono.
18 #
Hib. 1:3
A'mwo Gooti toollu me'no kwonyungiko pwol nonagutomuugono. Toro kuvi kuruv yiuno Gooti toolluro Kwolaiyo pwolnodo su toolno'gwowi Gootekono. Toro tool gami Ganumiyago toollu wobo toru mwalodowodekono. Yiuno judo su toolno'gwowi Gooti toolluno kuu'maiyo toru nekuduuwollumovla'mdowodekono.
Wonyo Galuvollokwe Joonol gavnokweyolluno kuu'maiyo toru'no adodowiyoku'bworosunoka tovinokwono
(Matyuu 3:1-12; Mak 1:7-8; Luuk 3:15-17)
19Toruda'ai Joonolluro adodoluwosungiko puruv arokwono. Wagwolago Jeruusalemda'ai Juu tooro pris pworogai'aro Livaiyolluro iko tovasuda'ai pworogai'aro toorai amoropiyaboporogano. Toro amoropiyabopo su tooro bino sumaveyokwe Joonollu aro abuudoganoporogano. “Guu ala'mwekudukono?” Abuudoganoporogano. 20Toro kuudoganopo toorai Joonol kuu'maiyo toru'no aro adodowiyoku'bworosunokaikono. “Nuu Gooti toolluro ikullo'mwojo'moneyokwe ajanubweyoka Krais toonyumaiyo.” 21Toro adodowiyoku'bworosunoka tovi aro kuudoganoporogano. “Gumoro aro adumado tov, Nuu Krais toonyumaiyo, su toro adumado to'gwowi ala'mwekudukono? Guu Ilaijaikudukono?” Kuudoganoporogano. Toro kuudoganopo kuvi kuruv Joonol aro kuudokaikono. “Awiyo, nuu toonyumaiyo.” Kuudokaikono. Toro wuujuno sumaiyokwe aki aro kuudoganoporogano. “Nevu proofet pwolluno sogwollo kinodowadonogano. Toro te guu kwekudukono?” Kuudoganoporogano. Toro kuudoganopo kuvi kuruv Joonol, “Awiyo, nuu kwonyumaiyo.” Kuudokaikono.
22Toro kuudoka toga aro kuudoporogano. “Guu, ala'mwekudukoneyokwe tovino donekudono. Guu anekudubi tov nemi a'mwo amonekwopiyamapo toorai nokwo wuudanonogano. Toro te guvnokwekujuno neya donekudono.” Kuudoporogano. 23Toro kuudopo toorai Joonol proofet Aisaiyalluro yogalo ajakwolloka tovida'ai aro kuudokaikono. “Nuu tekwonyu kwako a'mwomaiyo kuu'maiyo tomuu aro moruudomollodumdonyugono. “Aguto tool abaiki'mowo'ji toolluno'mo jovo'dogallunyulo. Toro toolluno puuto tov ido'nyuno jovo'dogalubweyulo.” Toro moruudomollodumdo tekwonyugono.” Kuudokaikono.
24A'mwo Joonollu kuudoganopo su tooro Farasi tooravuro amoropiyaboporogano. 25Toro amoropiyabopo su tooro aro abuudoganoporogano. “Gooti toolluro nekullo'mwojo'moneyokwe ajesoka Krais tool guu kweku miyekuno'juki aki Ilaijal guu kweku miyekuno'juki aki proofet tool guu kweku miyekuno'juki buro'nyo'mo guu wonyo galuvollodumdekudukono?” Kuudoganoporogano. 26Toro kuudoganopo tovi Joonol aro kuudokaikono. “Nuvu wonyo tokwe galaikuvollodumdonyugono. Toro kuvi kuruv a'mwo pwol kemi akuuto toru kuuloda'mdowodo toolluno kuudo miyouroma'dupudekono. 27Su tool mi lukomgu anumjunadopiko kwol kuruv aguto kuunodekono. Nuu tekwonyu aguto su toolluro suulpweyo tovi yiuno nomollurolopiyo'mo tov ilaiyekwonyumaiyo.” Kuudokaikono. 28Kuuguudo su ton wagwolago Betani towai sumo'nopogano. Wagwolago su tov Joonol wonyo Joodanovi agaluvollajuko igo'mgu tomuu wo'dowodokwono.
Jisasol Gooti toolluro sipsip muugunyo toolbusuko imo'nodowodo tovinokwono
29 #
Moll. 12:6
Iruko aikomguda'ai tollugwoji Jisasol abokaikono. Toro noboduke toollu Joonol wonyuno sumaiyokwe aro adokaikono. “Akaigwollu doonyuloo! Gooti toolluro sipsip muugunyo tookono. Kwako akavida'ai yiuwi'nokai a'mwo abolo tonolluro ma'no ma'nodo tonyu modukwopiyo'moneyokwe tookono. 30Su toolluno nuvu aro me'no aikujajonyugono. “Pwol lukomgu anumjunadopiko tool agutekono. Toro tool numi anuwolo'mwallo. Sumdomgu amwallajuko toolluno tov lukomguda'ai toonyu anuwolo'mwallo.” Nuvu su toro me'no aikujajo tool kwekono.
31Muudu'nodo toga nuvnokwe toonyu kwolluno kuudo miyouromallajonyugono. Toro kwonyu kuruv Isuraiyolda'ai tonyu su toolluno kuu'maiyo toru'no bomollolupto'nubweyo'moneyokwe nuvu bodum wonyo agaluvollumwakono.”
32Joonol toro wuujuno sumaiyokwe aki aro kuudokaikono. “Gooti toolluro Kuullo tool dokato sobuuro pwolbusuko sulugumdo tomuuda'ai wolaboduke toollu wonyuno sumoneyokwe Jisasollu bwolmwaloduke tovi kwonumwa'jonyugono. 33Muudu'nodo toga nuvnokwe toonyu, Oo akal kwoldeyo, miworovoma'mwa'jo kuvi kuruv Gooti tool a'mwo abolo tonyu wonyo galuvollo'moneyokwe mi amonuwopiyabokaikono. Aki Gooti amonuwopiyaboka su tool aro anyudokaikono. “Gooti toolluro Kuullo tool sugudo to'nodo pwollu nobwolmwalonekono. Toro abwolmwalo'ji toga'no'gwowi kuudo youroma'binekugono. Oo akal kwekono. Toro tool a'mwo abolo tonyu Gooti toolluro Kuullo toolluda'ai mogaluvollonoldeyo. Su toro kuudo youroma'binekugono.” Anyudokaikono. 34Toro anyudoka tov kuvinono me'no kwononyugono. Toro toonyu kuu'maiyo toru'no aro dodoluwosodumdonyugono. Oo akal Gooti toolluro Kwolaiyo tool kwekono.” Joonol toro kuudokaikono.
Jisasol gami uumjunyo'moneyokwe a'mwo muudu'no adomaroka toorainokwono
35Aki iruko aikomguda'ai tollugwoji Joonol gami uumjunyokwe pworake'aro tooro avalo tomuu aki aiko te adavoporogano. 36Toro daino sumaveyokwe Joonol Jisasol kado uuwolo'mduke toollu wono'no aro adokaikono. “Doonyulo. Gooti toolluro sipsip muugunyo tool akaigwol kwekono.” Adokaikono. 37Toro doduke tovi Joonolluro a'mwo uumjunyokwe tooral wuu'nyuno sumaleyokwe Jisasollu kuumjunolorakono. 38Toro uumjunodole toorallu Jisasol gunyubworoono'no aro kuudoganokaikono. “Kevu buro'nyo tovino jo'mgonomolladokuulo?” Kuudoganokaikono. Toro kuudoganoka tovi a'mwo su tooral aro kuudolorakono. “Rabaiyoloo, guu gadomuu mwalodumdekudeyo?” Yogalo, Rabaiyolo, tovino kavlo tov Ibwasokweyolo'mokwono. 39Toro kuudolo toorallu Jisasol aro kuudokaikono. “Kevu bo'bullu moro mwalodupudo toru nokwo wonbullunorakikono.” Kuudokaikono. Toro kuudoka tovi a'mwo su tooral gamoro mwaloduke toru 4-kilook sulato toga abwonolorakono. Toro bwonyuno sumaleyokwe iruko su tollugwoji Jisaseke amwalolorakono.
40Joonolluro kuuguudo moruudoduke tovi a'mwo pudoral kuu'nolorakono. Toro todoralluro pwolluno yovo tov Adruu'wolekono. Aki pwolluno yovo tov Saimoon Pitalekono. Toro te Adruu'wol kuuguudo tovi wuu'nyuno sumaiyokwe Jisasollu kuumjunokaikono. 41Toro uumjunyuno sumaiyokwe Adruu'wol kevudoralluda'ai Saimoonollu yere so'mgonomarokaikono. Toro yo'mgonoma'no sumaiyokwe aro kuudokaikono. “Nevu Gooti toolluro Mesaiya toollu me'no so'mgonoma'mawekono.” Kuudokaikono. Yogalo, Mesaiyalo, tovino kavlo tov Gooti toolluro nekullo'mwojo'moneyokwe ajesoka Kraisoleyo'mokwono.
42Toro wuujuno sumaiyokwe Jisasollomno amokabokaikono. Toro amokaboka toollu Jisasol wonyuno sumaiyokwe aro kuudokaikono. “Guu Joonolluro kwolaiyo Saimoonolekugono. Lukomgu gumino yovo tov Sifasolo gudumwalpinekugono.” Yovo su tovi amollovodo'mwojajungiko tov Pitaleyo'mokwono. Aki yovo Pitalo tovino kavlo tov Suloleyo'mokwono.
Jisasol Filipeke Natanyoleke toorallu adomaroka tovinokwono
43Aki iruko aikomguda'ai tollugwoji Jisasol kwako Galili tomuu plaiyo'moneyokwe sovraimwonyokaikono. Toro yovraimwonyuno sumaiyokwe Jisasol Filipollu yo'mgomaro'no aro kuudokaikono. “Guu donumjunono.” Kuudokaikono. 44Filipol Adruu'weke'aro Pitaike'aro todoralluro wagwolago mwalodubulo tovida'aiyekono. Wagwolago su tovino yovo tov Betisaidavokwono. 45Aki Filipol a'mwo pwollu so'mgonomarokaikono. A'mwo su toolluno yovo tov Natanyolekono. Toro toollu yo'mgonoma'no sumaiyokwe aro kuudokaikono. “Nevu a'mwo pwollu me'no kwonoma'mawekono. A'mwo su toolluno aiyoga Moosesolluro loowo tovi puukwollo me'no ajakwollajukekono. Aki proofet kworo kuruv su toolluno puukwollo me'no ajakwollajupekono. Toro ajakwollajupo su tool Joosepolluro muugunyo Nasaretda'ai Jisasol kwekono.” Kuudokaikono. 46Filipol toro wuujuno sumaiyokwe Natanyol biyolo aro aduu'mwojokaikono. “Awiyo, wagwolago Nasaret tovida'ai noonyumwonyu sugudo puruv malokabwonokwono.” Toro aduu'mwojoka kuvi kuruv Filipol aro kuudokaikono. “Guvu bo'bi nokwo wonbinekugono.” Kuudokaikono.
47Filipol toro wuujuno sumaiyokwe Natanyol noboduke toollu Jisasol wono'no Natanyolluno aro adokaikono. “Oo a'mwo akal Isuraiyolda'ai kuunodo pwekono. Toro tool kuunano yogalo youkuu'najo'moneyokwe puru'monodo kuruv nonagutekono.” Adokaikono. 48Toro doduke tovi Natanyol Jisasollu aro kuudoganokaikono. “Guu mino kuudo sanuu'mwakudo su tov adadomgu'aro jukiyouronuma'mwakuno?” Toro kuudoganoka tovi Jisasol kuudokaikono. “Filipol yere mabodoguma'duke toga guu iko fik pwollu dolago tomuu kuuno mwalodore tookuji nuu me'no agwonmekugono.” Kuudokaikono. 49Toro wuujuno sumaiyokwe Natanyol kuudokaikono. “Ibwasokweyoloo, Gooti toolluro Kwolaiyo kuunodo tool guu kwekugono. Aki Isuraiyolda'ai Aguto Kig tool guu kwekugono.” Kuudokaikono.
50Toro kuudoka tovi Jisasol aro kuudokaikono. “Guu buro'nyo'mo mino su toro kuudo dukonubwemwakuno? Nuu aro agudumo tov, “Guu iko fik pwollu dolago tomuu kuuno mwalodore tookuji me'no agwonmekugono.” Agudumo su tovino kuudo dukonubwemwakuno? Guu su toro agudumo tovino, Oo aguto'mdeyo, kuudo sau'mwakudo kuvi kuruv lukomguda'ai aguto kuunodo noonbino puno'gwowi agasuro agudumo su tonyu nuuwolopinogano.” Kuudokaikono. 51#Mdk. 28:12Jisasol toro wuujuno sumaiyokwe aki puruv aro kuudokaikono. “Nuvu nebal'no kuunodo gudumo'mokwono. Kevu Gooti toolluro ago muunyu kai'muu nousoda'mdowo'jure tovi noonpinorekikono. Aki muunyu kai'muuda'ai Gooti toolluro ensel pworo A'mwo Kwolaiyo Kuunodo toonyu'aro ilno wolabino yodopure toorai noonpinorekikono.” Kuudokaikono.
Currently Selected:
Joon 1: SMB
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida
Joon 1
1
Gooti toolluro Yogalo tool a'mwo kulakokwe sumo'noka tovinokwono
1Aiyoga muudu'nodo toga Yogalo tool amjomwekelabiyajukekono. Yogalo su tool Gooti tooke amwallajukekono. Aki Yogalo su tool Gooti gavnokwe tookono. 2Aiyoga muudu'no kuunodo toga Yogalo su tool Gooti tooke amwallajukekono. 3#Hib. 1:2Aki yiuwi'nokai noonyumwonyu tonyu sokwollosoka tool kwekono. Noonyumwonyu sokwollosoka su ton yasuwa'no mimo'nopogano. Toro kuvi kuruv yiuwi'nokai me'no sumo'nopo su ton yiuno gavnokwe toolluro sokwollosoka tovida'ai sumo'nopogano. 4Aki aiyo mujomwekovlaiyo'moneyokwe tov Yogalo su toollu kuuluuwo'dowodokwono. Aki aiyo kuuluuwo'dowodo su tool yiuwi'nokai a'mwo abolo tonyu bako wimo'nodowodekono. 5Bako su tool dugumdo tomuu pwopiyodowodekono. Aki dugumdo tov bako su toollu ku'nono maibuulowosonokwono. Bako su tool yiunokuudo pwopimovla'mwalonekono.
6 #
Mt. 3:1; Mk. 1:4; Lk. 3:2 A'mwo sumo'noka pwolluno yovo tov Wonyo Galuvollokwe Joonolekono. Gooti tool a'mwo su toollu amoropiyabokaikono. 7Toro amoropiyaboka tool bako su toolluno kuu'maiyo toru dodoluwoso'moneyokwe abokaikono. Su toro dodoluwosodowo'jure toollu'aro yiuwi'nokai a'mwo abolo ton wuu'nopi bako su toolluno kuudo nokwo uubwepinekono. 8Joonol gavnokwe tool bakolmaiyo. Toro kwol kuruv a'mwo kuuguudo moruudomollokwe to'no sumo'nyajukekono. A'mwo su tekwo bako kuunodo toolluno kuu'maiyo toru'no amoruudomollajukekono.
9Bako kuunodo su toolno'gwowi yiuwi'nokai a'mwo abolo tonyu uuwodowodekono. Aki bako su tool kwako akavi bai'meyo'mo sajukekono. 10Toro toollu'aro Gooti tool kwako akavi sokwollosokaikono. Toro tool gavnokweyolluro kwako sokwollosoka akavino abokaikono. Toro aboka kwollu kuruv a'mwo abolo kwako akavi mwalodupudo ton miworovomaropekono. 11Toro tool gavnokweyolluro iko tovasuda'ai avalo tonyomno avlavoka toga ilaiyo mamollomaropekono.
12Toro kuvi kuruv a'mwo abolo puno'gwowi kwolluno ilaiyo mollomaro'mno gamino yovo tovino kuudo kuubweyopogano. Su toro kuubweyopo tonyu Gooti toolluro kwoloraiyo imo'nupino'moneyokwe ajesokagano. 13Gooti toolluro kwoloraiyo imo'nodupudo su ton kwako akavida'ai kuunum kwolabolo tonyuro yawosunodopure tovida'aiyo'mdeyo oo kwako akavida'ai kulako tovuro jurogudo tovida'aiyo'mdeyo oo a'mwo pwolluro jurogudo tovida'aiyo'mdeyo tonyuda'ai imo'nodupudonmaiyo. Toro kuvi kuruv yiuno Gooti gavnokwe toolluro yoduke tovi'aro to'no gamoro kwoloraiyo imo'nodupudogano.
14 #
Flp. 2:7
Aki Yogalo su tool a'mwo kulakokwe sumo'nokaikono. Toro imo'nyuno sumaiyokwe nemi akuuto toru abwolomwalokaikono. Toro toollu Gooti toolluro yasuwa'wino sugumaluko tokwe'aro nebaikuuguudo tokwe'aro toval aiyowomno kuullo'mowopiyodowodekono. Aki toro tool Gooti Ganumiyago toolluro Kwolaiyo pwolnodo tookono. Toro toolluro jurogudo kuunodo tovi nevu me'no kwonowekono. 15Toro te Joonol su to kwolluno a'mwo abolo tonyu kuu'maiyo toru'no aro amoruujajukekono. “Oo nuu su toolluno sumdomgu aro me'no aikujajonyugono. “Mi anuwolo'mwalluko pwol nobwonekono. Toro abwo'ji su tool aguto kuunodekono. Aro tovinokwono. Nuu yere mimo'nyodore togada'ai su tool me'no amwallajukekono. Toro toolluno tov mi anuwolo'mwallo.” Aikujajonyugono.” Joonol a'mwo abolo tonyu toro amoruujajukekono.
16Toro te yasuwa'wino sugumaluko tov su toollu aiyowomno kuullo'mowopiyodowodekono. Toro kuullo'mowopiyoduke tovida'ai nevu yiuwi'nokai tonollu yasuwa'wino sugumaluko ton nekullabino nekullabino yokwekono. Toro te yasuwa'wino sugumaluko su tonyu yiunokuudo nomo'movla'mwalanonogano. 17Neya duu'nyulo. Gooti tool Moosesolluro ato tovi'aro loowo tov kwiyokaikono. Toro kuvi kuruv gamoro yasuwa'wino sugumaluko tokwe'aro gamoro nebaikuuguudo tokwe'aro tovalno'gwowi Jisas Kraisolluro ato tovi'aro abolovakono.
18 #
Hib. 1:3
A'mwo Gooti toollu me'no kwonyungiko pwol nonagutomuugono. Toro kuvi kuruv yiuno Gooti toolluro Kwolaiyo pwolnodo su toolno'gwowi Gootekono. Toro tool gami Ganumiyago toollu wobo toru mwalodowodekono. Yiuno judo su toolno'gwowi Gooti toolluno kuu'maiyo toru nekuduuwollumovla'mdowodekono.
Wonyo Galuvollokwe Joonol gavnokweyolluno kuu'maiyo toru'no adodowiyoku'bworosunoka tovinokwono
(Matyuu 3:1-12; Mak 1:7-8; Luuk 3:15-17)
19Toruda'ai Joonolluro adodoluwosungiko puruv arokwono. Wagwolago Jeruusalemda'ai Juu tooro pris pworogai'aro Livaiyolluro iko tovasuda'ai pworogai'aro toorai amoropiyaboporogano. Toro amoropiyabopo su tooro bino sumaveyokwe Joonollu aro abuudoganoporogano. “Guu ala'mwekudukono?” Abuudoganoporogano. 20Toro kuudoganopo toorai Joonol kuu'maiyo toru'no aro adodowiyoku'bworosunokaikono. “Nuu Gooti toolluro ikullo'mwojo'moneyokwe ajanubweyoka Krais toonyumaiyo.” 21Toro adodowiyoku'bworosunoka tovi aro kuudoganoporogano. “Gumoro aro adumado tov, Nuu Krais toonyumaiyo, su toro adumado to'gwowi ala'mwekudukono? Guu Ilaijaikudukono?” Kuudoganoporogano. Toro kuudoganopo kuvi kuruv Joonol aro kuudokaikono. “Awiyo, nuu toonyumaiyo.” Kuudokaikono. Toro wuujuno sumaiyokwe aki aro kuudoganoporogano. “Nevu proofet pwolluno sogwollo kinodowadonogano. Toro te guu kwekudukono?” Kuudoganoporogano. Toro kuudoganopo kuvi kuruv Joonol, “Awiyo, nuu kwonyumaiyo.” Kuudokaikono.
22Toro kuudoka toga aro kuudoporogano. “Guu, ala'mwekudukoneyokwe tovino donekudono. Guu anekudubi tov nemi a'mwo amonekwopiyamapo toorai nokwo wuudanonogano. Toro te guvnokwekujuno neya donekudono.” Kuudoporogano. 23Toro kuudopo toorai Joonol proofet Aisaiyalluro yogalo ajakwolloka tovida'ai aro kuudokaikono. “Nuu tekwonyu kwako a'mwomaiyo kuu'maiyo tomuu aro moruudomollodumdonyugono. “Aguto tool abaiki'mowo'ji toolluno'mo jovo'dogallunyulo. Toro toolluno puuto tov ido'nyuno jovo'dogalubweyulo.” Toro moruudomollodumdo tekwonyugono.” Kuudokaikono.
24A'mwo Joonollu kuudoganopo su tooro Farasi tooravuro amoropiyaboporogano. 25Toro amoropiyabopo su tooro aro abuudoganoporogano. “Gooti toolluro nekullo'mwojo'moneyokwe ajesoka Krais tool guu kweku miyekuno'juki aki Ilaijal guu kweku miyekuno'juki aki proofet tool guu kweku miyekuno'juki buro'nyo'mo guu wonyo galuvollodumdekudukono?” Kuudoganoporogano. 26Toro kuudoganopo tovi Joonol aro kuudokaikono. “Nuvu wonyo tokwe galaikuvollodumdonyugono. Toro kuvi kuruv a'mwo pwol kemi akuuto toru kuuloda'mdowodo toolluno kuudo miyouroma'dupudekono. 27Su tool mi lukomgu anumjunadopiko kwol kuruv aguto kuunodekono. Nuu tekwonyu aguto su toolluro suulpweyo tovi yiuno nomollurolopiyo'mo tov ilaiyekwonyumaiyo.” Kuudokaikono. 28Kuuguudo su ton wagwolago Betani towai sumo'nopogano. Wagwolago su tov Joonol wonyo Joodanovi agaluvollajuko igo'mgu tomuu wo'dowodokwono.
Jisasol Gooti toolluro sipsip muugunyo toolbusuko imo'nodowodo tovinokwono
29 #
Moll. 12:6
Iruko aikomguda'ai tollugwoji Jisasol abokaikono. Toro noboduke toollu Joonol wonyuno sumaiyokwe aro adokaikono. “Akaigwollu doonyuloo! Gooti toolluro sipsip muugunyo tookono. Kwako akavida'ai yiuwi'nokai a'mwo abolo tonolluro ma'no ma'nodo tonyu modukwopiyo'moneyokwe tookono. 30Su toolluno nuvu aro me'no aikujajonyugono. “Pwol lukomgu anumjunadopiko tool agutekono. Toro tool numi anuwolo'mwallo. Sumdomgu amwallajuko toolluno tov lukomguda'ai toonyu anuwolo'mwallo.” Nuvu su toro me'no aikujajo tool kwekono.
31Muudu'nodo toga nuvnokwe toonyu kwolluno kuudo miyouromallajonyugono. Toro kwonyu kuruv Isuraiyolda'ai tonyu su toolluno kuu'maiyo toru'no bomollolupto'nubweyo'moneyokwe nuvu bodum wonyo agaluvollumwakono.”
32Joonol toro wuujuno sumaiyokwe aki aro kuudokaikono. “Gooti toolluro Kuullo tool dokato sobuuro pwolbusuko sulugumdo tomuuda'ai wolaboduke toollu wonyuno sumoneyokwe Jisasollu bwolmwaloduke tovi kwonumwa'jonyugono. 33Muudu'nodo toga nuvnokwe toonyu, Oo akal kwoldeyo, miworovoma'mwa'jo kuvi kuruv Gooti tool a'mwo abolo tonyu wonyo galuvollo'moneyokwe mi amonuwopiyabokaikono. Aki Gooti amonuwopiyaboka su tool aro anyudokaikono. “Gooti toolluro Kuullo tool sugudo to'nodo pwollu nobwolmwalonekono. Toro abwolmwalo'ji toga'no'gwowi kuudo youroma'binekugono. Oo akal kwekono. Toro tool a'mwo abolo tonyu Gooti toolluro Kuullo toolluda'ai mogaluvollonoldeyo. Su toro kuudo youroma'binekugono.” Anyudokaikono. 34Toro anyudoka tov kuvinono me'no kwononyugono. Toro toonyu kuu'maiyo toru'no aro dodoluwosodumdonyugono. Oo akal Gooti toolluro Kwolaiyo tool kwekono.” Joonol toro kuudokaikono.
Jisasol gami uumjunyo'moneyokwe a'mwo muudu'no adomaroka toorainokwono
35Aki iruko aikomguda'ai tollugwoji Joonol gami uumjunyokwe pworake'aro tooro avalo tomuu aki aiko te adavoporogano. 36Toro daino sumaveyokwe Joonol Jisasol kado uuwolo'mduke toollu wono'no aro adokaikono. “Doonyulo. Gooti toolluro sipsip muugunyo tool akaigwol kwekono.” Adokaikono. 37Toro doduke tovi Joonolluro a'mwo uumjunyokwe tooral wuu'nyuno sumaleyokwe Jisasollu kuumjunolorakono. 38Toro uumjunodole toorallu Jisasol gunyubworoono'no aro kuudoganokaikono. “Kevu buro'nyo tovino jo'mgonomolladokuulo?” Kuudoganokaikono. Toro kuudoganoka tovi a'mwo su tooral aro kuudolorakono. “Rabaiyoloo, guu gadomuu mwalodumdekudeyo?” Yogalo, Rabaiyolo, tovino kavlo tov Ibwasokweyolo'mokwono. 39Toro kuudolo toorallu Jisasol aro kuudokaikono. “Kevu bo'bullu moro mwalodupudo toru nokwo wonbullunorakikono.” Kuudokaikono. Toro kuudoka tovi a'mwo su tooral gamoro mwaloduke toru 4-kilook sulato toga abwonolorakono. Toro bwonyuno sumaleyokwe iruko su tollugwoji Jisaseke amwalolorakono.
40Joonolluro kuuguudo moruudoduke tovi a'mwo pudoral kuu'nolorakono. Toro todoralluro pwolluno yovo tov Adruu'wolekono. Aki pwolluno yovo tov Saimoon Pitalekono. Toro te Adruu'wol kuuguudo tovi wuu'nyuno sumaiyokwe Jisasollu kuumjunokaikono. 41Toro uumjunyuno sumaiyokwe Adruu'wol kevudoralluda'ai Saimoonollu yere so'mgonomarokaikono. Toro yo'mgonoma'no sumaiyokwe aro kuudokaikono. “Nevu Gooti toolluro Mesaiya toollu me'no so'mgonoma'mawekono.” Kuudokaikono. Yogalo, Mesaiyalo, tovino kavlo tov Gooti toolluro nekullo'mwojo'moneyokwe ajesoka Kraisoleyo'mokwono.
42Toro wuujuno sumaiyokwe Jisasollomno amokabokaikono. Toro amokaboka toollu Jisasol wonyuno sumaiyokwe aro kuudokaikono. “Guu Joonolluro kwolaiyo Saimoonolekugono. Lukomgu gumino yovo tov Sifasolo gudumwalpinekugono.” Yovo su tovi amollovodo'mwojajungiko tov Pitaleyo'mokwono. Aki yovo Pitalo tovino kavlo tov Suloleyo'mokwono.
Jisasol Filipeke Natanyoleke toorallu adomaroka tovinokwono
43Aki iruko aikomguda'ai tollugwoji Jisasol kwako Galili tomuu plaiyo'moneyokwe sovraimwonyokaikono. Toro yovraimwonyuno sumaiyokwe Jisasol Filipollu yo'mgomaro'no aro kuudokaikono. “Guu donumjunono.” Kuudokaikono. 44Filipol Adruu'weke'aro Pitaike'aro todoralluro wagwolago mwalodubulo tovida'aiyekono. Wagwolago su tovino yovo tov Betisaidavokwono. 45Aki Filipol a'mwo pwollu so'mgonomarokaikono. A'mwo su toolluno yovo tov Natanyolekono. Toro toollu yo'mgonoma'no sumaiyokwe aro kuudokaikono. “Nevu a'mwo pwollu me'no kwonoma'mawekono. A'mwo su toolluno aiyoga Moosesolluro loowo tovi puukwollo me'no ajakwollajukekono. Aki proofet kworo kuruv su toolluno puukwollo me'no ajakwollajupekono. Toro ajakwollajupo su tool Joosepolluro muugunyo Nasaretda'ai Jisasol kwekono.” Kuudokaikono. 46Filipol toro wuujuno sumaiyokwe Natanyol biyolo aro aduu'mwojokaikono. “Awiyo, wagwolago Nasaret tovida'ai noonyumwonyu sugudo puruv malokabwonokwono.” Toro aduu'mwojoka kuvi kuruv Filipol aro kuudokaikono. “Guvu bo'bi nokwo wonbinekugono.” Kuudokaikono.
47Filipol toro wuujuno sumaiyokwe Natanyol noboduke toollu Jisasol wono'no Natanyolluno aro adokaikono. “Oo a'mwo akal Isuraiyolda'ai kuunodo pwekono. Toro tool kuunano yogalo youkuu'najo'moneyokwe puru'monodo kuruv nonagutekono.” Adokaikono. 48Toro doduke tovi Natanyol Jisasollu aro kuudoganokaikono. “Guu mino kuudo sanuu'mwakudo su tov adadomgu'aro jukiyouronuma'mwakuno?” Toro kuudoganoka tovi Jisasol kuudokaikono. “Filipol yere mabodoguma'duke toga guu iko fik pwollu dolago tomuu kuuno mwalodore tookuji nuu me'no agwonmekugono.” Kuudokaikono. 49Toro wuujuno sumaiyokwe Natanyol kuudokaikono. “Ibwasokweyoloo, Gooti toolluro Kwolaiyo kuunodo tool guu kwekugono. Aki Isuraiyolda'ai Aguto Kig tool guu kwekugono.” Kuudokaikono.
50Toro kuudoka tovi Jisasol aro kuudokaikono. “Guu buro'nyo'mo mino su toro kuudo dukonubwemwakuno? Nuu aro agudumo tov, “Guu iko fik pwollu dolago tomuu kuuno mwalodore tookuji me'no agwonmekugono.” Agudumo su tovino kuudo dukonubwemwakuno? Guu su toro agudumo tovino, Oo aguto'mdeyo, kuudo sau'mwakudo kuvi kuruv lukomguda'ai aguto kuunodo noonbino puno'gwowi agasuro agudumo su tonyu nuuwolopinogano.” Kuudokaikono. 51#Mdk. 28:12Jisasol toro wuujuno sumaiyokwe aki puruv aro kuudokaikono. “Nuvu nebal'no kuunodo gudumo'mokwono. Kevu Gooti toolluro ago muunyu kai'muu nousoda'mdowo'jure tovi noonpinorekikono. Aki muunyu kai'muuda'ai Gooti toolluro ensel pworo A'mwo Kwolaiyo Kuunodo toonyu'aro ilno wolabino yodopure toorai noonpinorekikono.” Kuudokaikono.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida