Joon 6
6
Jisasol a'mwo 5,000 toorai wosamujuko kwiyoka tovinokwono
(Matyuu 14:13-21; Mak 6:30-44; Luuk 9:10-17)
1Toruda'ai Jisasol wonyo buugo puvi igo'mguuno aga'mokailokaikono. Wonyo buugo su tovino yovo tov Galiliyovokwono. Aki wonyo buugo su tovino yovo puruv Taibiriyosovokwono. 2Toro tovi ga'mokailno sumaiyokwe a'mwo abolo kwolallo ton Jisasollu kuuno kuumjunyajupogano. Su tov aro tovinokwono. Jisasol gamoro duuwallo jurogudo togai a'mwo abolo nobollokwe tonyu ikuloduke tovi me'no kwonyajupogano. Toro ton Jisasolluro duuwallo jurogudo su tonyu wonodupu kuumjunyajupogano. 3Toro uumjunyuno sumaveyokwe Jisaseke'aro gamoro uumjunyokwe toorogai'aro tooro muumuudo pwollu ila'mno sulomwaloporogano. 4Su toro toga Juu tooravuro lubullu doto puruv Muunyu Toru'aro Surukuruwolovoka tov nobai'meyo'mo wobo togakono. 5Toro te kwolallo ton muumuudo toollu ilabodopure tonyu Jisasol muugona'no sumaiyokwe Filipollu aro kuudoganokaikono. “Kwolallo akaibinyo'mo wosamujuko nupino tov bret ton gadomuuda'ai mubiyano'mdeyo?” Kuudoganokaikono. 6Jisasol gavnokweyolluro yo'mo tovino kuudo me'no souromaroka kwol kuruv Filipollu yiuno yamju wiyoganyo'mo to'no su toro kuudoganokaikono.
7Toro wuujuno sumaiyokwe Filipol aro kuudokaikono. “Nevu 200 silva nuugwiyo tobuuke bret ton abiya'ji kuruv wosamujuko su tekwo yiuwi'nokai pwolno pwolnodo toorai ku'nono mwiyonekwogano.” Kuudokaikono. 8Toro kuudoka tovi Jisasolluro uumjunyokwe Saimoon Pitaike'aro Adruu'weke'aro todoralluda'ai Adruu'wol aro kuudokaikono. 9“Akawai kwolaiyo pwekwo bali tovida'ai sakwollungiko bret atobuul tobuuke'aro domwoga pworake'aro ton nomworaso. Toro amworasuko kuvi kuruv wosamujuko su tekwo kwolallo akanyu wiyo'mo tov ku'nonodo'mekwomaiyo.” Kuudokaikono. 10Toro kuudoka tovi Jisasol aro kuudokaikono. “Kevu a'mwo abolo su tonyu wolomwalpureyokweyo'mo, duujulo.” Kuudokaikono. Su towai kabimwomdorukono. Toro te Jisasolluro uumjunyokwe tooro kwolallo tonyu wolomwalpureyokwe me'no wuujuno sumaveyokwe kwolallo ton kwolomwalopogano. A'mwo kwolomwalopo su tooro 5,000 tomgu'arorogano.
11Kwolallo ton toro wolomwalodopure toga Jisasol bret ton maro'no Gooti toollu, “Nenyoo,” me'no wuujuno sumaiyokwe buudovo'no kwolallo su tonyu yado kuumwodeyokaikono. Yo'no aki domwoga toorake'aro aval'no sokaikono. Toro uumwodeno sumaiyokwe kwolallo ton kemi mujuko kwinyajupo toru'aro maro'mno wosamujuko su tov amanopogano. 12Toro nyuno sumaveyokwe kemoro sumwoluko ton kwitovokagano. Wosamujuko me'no kwitovoka su tonyuno Jisasol gamoro uumjunyokwe toorai aro kuudokaikono. “Wosamujuko anogallu'mopi su tonyu bwiyalo nomollugolamopiyokwe domollu'bworomallulo.” Kuudokaikono. 13Toro kuudoka tovi uumjunyokwe tooro bali tovida'ai sakwollungiko bret atobuul tovida'ai anogallu'movopo ton i'bworomaro'mno 12-pela basket tobuullu amollurosoporogano.
14Toro te a'mwo abolo kwolallo su ton Jisasolluro duuwallo jurogudo kuuduuwalloka su tovi wonyuno sumaveyokwe aro adopogano. “Oo Proofet pwol kwako akavi bwonekono, dodupudo tool akal kwekono.” Adopogano. 15Toro dodopure toga Jisasol aro kuudo me'no souromarokaikono. Kwolallo akan mi bogalonumworaropi kemoro a'mwo aguto kig monyudapipino'moneyokwe duuwinadokwovo. Su toro kuudo me'no youroma'no sumaiyokwe judo tool muumuudo toollomno aikomgu sulokaikono.
Jisasol wonyo buugo tovi muunyu toru kado avlavoka tovinokwono
(Matyuu 14:22-33; Mak 6:45-52)
16Toruda'ai sula'dugumdo toga gamoro uumjunyokwe tooro wonyo buugo toollomno kwolaporogano. 17Toro wolno sumaveyokwe boot tovi ilomwalo'mno wagwolago Kapurniyam'no avlavoporogano. Toro pla'mdopure toga dugumdo aimwonyokakwono. Toro kimwonyoduke kuga kuruv Jisasolno'gwowi gami uumjunyokwe su tooraiyomno yere mabokaikono. 18Toro tooro wonyo buugo su tovi pla'mdopure toga dolo jurogudo puruv yo'no wonyo buugo su tov luwagu luwaguto bwotonyo sokakwono. 19Toro yoduke toga uumjunyokwe tooro boot su tovi purebwo'movla'mno sumaveyokwe 5 oo 6 kiloomita tomgu'aro avurebwo'movlavoporogano. Su toro pla'mdopure toga Jisasol wonyo buugo toollu muunyu toru abokaikono. Toro boduke toollu wonyuno sumaveyokwe luko soporogano. 20Luko yodopure kuvi kuruv Jisasol aro kuudokaikono. “Nuu toonyu abadokwono. Kevu luko mipinono.” Kuudokaikono. 21Toro wuujuno sumaiyokwe uumjunyokwe tooro Jisasol boot tovi bilomwalono'moneyokwe ilaiyo amollomaroporogano. Toro molloma'no sumaveyokwe kemi nyule'meyo'mo kuudo saullajupo toru kuru'gwo uuwo'mno kwako su toru sule'movaporogano.
A'mwo abolo kwolallo ton Jisasollu a'mgono sopo tovinokwono
22Toruda'ai iruko aikomguda'ai tollugwoji kwolallo kuugollu'movoka su ton aro kuudo sauropogano. Oo sulato toga nevu boot pugai'aro wo'dopure tonyu mwonyuguwonogano. Boot yiuno puru'mono wo'duke tovi Jisasolluro uumjunyokwe tooro ilomwalodupu avla'maporogano. Toro kuvi kuruv Jisasolno'gwowi gami uumjunyokwe su toorogai mavla'mokaikono. Kuudo sauropogano. 23Su toro kuudo yau'no sumaveyokwe boot pun wagwolago Taibiriyosda'ai abodavopogano. Toro abodavopo su toru sumdomgu Aguto tool bret tovino Gooti toollu, “Nenyoo,” wuudo'no kwolallo tonyu kuumwodeyokarukono. Toro kuumwodeyoka wobo su toru boot ton abodavopogano. 24Boot abodavopo su tonyuda'ai a'mwo abolo kwolallo ton Jisaseke'aro gamoro uumjunyokwe toorogai'aro tooraino a'mgono sopo kuvi kuruv miyo'mgonomaropogano. Toro tovino tov boot su tonyu ilomwalno sumaveyokwe Jisasollu yo'mgonomallo'moneyokwe Kapurniyam'no avlavopogano.
Bret aiyo yiunokuudo mujomwekovlaiyo'moneyokwe tovinokwono
25Toro plaino sumaveyokwe wonyo buugo tovi igo'mgu iloga'mova'mno Jisasollu so'mgonomaropogano. Toro yo'mgonoma'no sumaveyokwe aro kuudoganopogano. “Ibwasokweyoloo, guu adoga akawai abai'mo'mwa'judekudeyo?” 26Toro kuudoganopo tonyu Jisasol aro kuudokaikono. “Nuvu nebal'no kuunodo ikudumo'mokwono. Kevu mino a'mgono sadokwopo tov moro duuwallo jurogudo tonyu amuugona'mwa'jupo tovida'aiyo'maiyo. Toro kuvi kuruv kevu bret togai sumwoluko anyuto'numwa'jupo tovida'ai to'no mino a'mgono sadokwopogaikikono.” Kuudokaikono.
27Toro wuujuno sumaiyokwe aki aro kuudokaikono. “Kevu wosamujuko bwiyo buu'dupudo tonyu mallo'mo womdo nyumwalpiyo. Toro kuvi kuruv kevu wosamujuko bwiyo mabuuropiyodupudo tonyu mallo'mo to'gwowi womdo neya jogaulo. Wosamujuko mabuuropiyodupudo su ton aiyo yiunokuudo mujomwekovlaiyo'moneyokweyogano. Toro te aiyo mujomwekovlaiyo'moneyokwe wosamujuko su ton nuvu A'mwo Kwolaiyo Kuunodo toonyu ikullamwalmokwono. Aki su toro ikullabiyo'moneyokwe jurogudo tov moro Nyunumiyago Gooti tool me'no anyabokaikono.” Kuudokaikono.
28Toro kuudoka tovi a'mwo abolo ton aro kuudoganopogano. “Nevu Gooti toolluro womdo yo'mo tonol burowo'nyo burowo'nyo womdo ton imwalanonoldukono?” Kuudoganopogano. 29Toro kuudopo tonyu Jisasol aro kuudokaikono. “Gooti toolluro womdo imwalpino tov arokwono. Kevu Gooti toolluro amonuwopiyaboka toonyuno kuudo donubweyogaulo.” Kuudokaikono.
30Toro kuudoka toollu aro kuudoganopogano. “Guu burowo'nyo duuwallo jurogudo tov nekuduuwallubinekudukono? Gumoro duuwallo jurogudo anekuduuwallubi su tovi wonowa'ji, Oo Nebaloldeyo, kuudo gubweyano'mo tov burowo'nyo ibinekudeyo?” Kuudoganopogano. 31#Moll. 16:4,15Toro wuudoganyuno sumaveyokwe aki aro kuudopogano. “Nemi nellukweyago tooro kwako a'mwomaiyo kuu'maiyo tomuu mwalodupu bret mana ton anyajuporogano. Gooti toolluro yogalo puruv aro sakwollungikokwono. “Gooti tool muunyu kai'muuda'ai bret mana tov wiyoduke anyajuporogano.” Sakwollungikokwono.” 32Toro kuudopo tonyu Jisasol aro kuudokaikono. “Nuvu nebal'no kuunodo ikudumo'mokwono. Muunyu kai'muuda'ai bret aikullabiyajuko su tool Moosesolmaiyo. Toro kuvi kuruv muunyu kai'muuda'ai bret kuunodo aikullabiyajuko su toolno'gwowi moro Nyunumiyago tookono.” Kuudokaikono.
33Toro wuujuno sumaiyokwe aki aro kuudokaikono. “Gooti toolluro muunyu kai'muuda'ai bret tool wolabodowo yiuwi'nokai a'mwo abolo kwako akavi mwalodupudo tonyu aiyo yiunokuudo mujomwekovlaiyo'mo wiyodowodekono. Su tool Gooti toolluro bret kuunodo tookono.” Kuudokaikono. 34Toro kuudoka tovi aro kuudopogano. “Agutoloo, bret su tov yiuwi'nokai toga donekullabogawono.” Kuudopogano. 35Toro kuudopo tonyu Jisasol aro kuudokaikono. “Bret aiyo yiunokuudo mujomwekovlaiyo'moneyokwe wiyodowodo su tool nuu kwonyugono. Toro te yiuwi'nokai a'mwo abolo numiyomno abupi su ton mujuko mwinpinogano. Aki mino kuudo anubwepi su ton kuuleyaluko mwinpinogano.
36Aki Jisasol kuudokaikono. “Nuvu aro me'no aikudumonyugono. Kevu mi me'no nuwonodupudo kugaikul kuruv kuudo po'dogalo manubwemwakopogaikikono.” Aikudumonyugono. 37Toro kuvi kuruv moro Nyunumiyago toolluro yiuwi'nokai a'mwo abolo anyaboka tono'gwowi miyomno kuvinono nobupinogano. Su toro abupi tonyu nuvu mamovomjapimwalmonyugono.
38Neya duu'nyulo. Nuvu muunyu kai'muuda'ai kwolabo tov nuvnokwenyuro kuudo tovi uumjunyo'moneyokwe kwolabonyumaiyo. Toro kwonyu kuruv mi Nyunumiyago amonuwopiyaboka toolluro ilaiyo winodowodo tonyuno'gwowi kuvinono uumjunyo'moneyokwe kwolabonyugono.
39Toro te mi Nyunumiyago amonuwopiyaboka su toolluro ilaiyo winodowodo tov arokwono. Nuvu Nyunumiyago su toolluro yiuwi'nokai a'mwo abolo anyaboka tonyuro yiuno puru'monodo kuruv du'muudo tomuu mamollounosumonyugono. Toro kwonyu kuruv yiuwi'nokai tonyu aiyowo'mo toga aiyo aiko te nomoduka'mogano. 40Aki Nyunumiyago toolluro ilaiyo winodowodo tov aro tovinokwono. Yiuwi'nokai a'mwo abolo pwolno puru'monodo ton gamoro Kwolaiyo toonyu nuwonopi kuudo anubwepi tov aiyo yiunokuudo mujomwekovlaiyo'moneyokwe tov nomapinogano. Aki toro tonyu aiyowo'mo toga nuvu aiyo aiko te nomoduka'monyugono.” Kuudokaikono.
41Toruda'ai Juu tooro Jisasolluro yogalo aro wuudoduke tovi, “Gooti toolluro ago muunyu kai'muuda'ai bret kwolaboka tool nuu kwonyugono.” Su toro wuudoduke tovino Juu tooro Jisasollu biyolyogalo aduu'mwojopekono. 42Toro duu'mwojuno sumaveyokwe kevnokwe tooro aro sajunoporogano. “A'mwo akal Joosepolluro muugunyo Jisasekono. Nevu gamoro kuunum kwolabolo teyaulluno kuudo me'no yau'dowadonogano. Toro te a'mwo su toolluro yogalo aro dodowodo tov, “Nuu Gooti toolluro ago muunyu kai'muuda'ai kwolabonyugono,” yogalo su toro tov buro'nyo'mo dodowodoldeyo?” Sajunoporogano.
43Toro yajunodopure toorai Jisasol aro kuudokaikono. “Kevu kevnokwerekulluro akuuto toru kuullajunopi numino biyolyogalo madanuu'mwojupinono. 44Nuu mi Nyunumiyago tool amonuwopiyabokanyugono. Toro te a'mwo pwol numiyomno biyo'moneyokwe tov gavnokweyolluro kuudo tovida'ai yasuwa'no bwonolmaiyo. Toro kuvi kuruv yiuno moro Nyunumiyago toolluro kinodokwopiyomarowo'ji amoropiyabwo'ji su toolno numiyomno nokwo bwonekono. Aki aiyowo'mo toga nuvu a'mwo su toollu aiyo aiko te nomoduka'monyugono.
45Aiyoga proofet tooravuro yogalo sakwollungiko puruv arokwono. “Gooti tool a'mwo abolo tonyu yodubwasonekono.” Toro te yiuwi'nokai a'mwo abolo ton moro Nyunumiyago toolluro yogalo tovi wuu'nopi kuudo souromapi su ton numiyomno kuvinono nobupinogano.
46A'mwo pwol moro Nyunumiyago toollu me'no kwonoka pwolnodo kwol kuruv nonagutomuugono. Awiyo. Yiuno Gooti toolluda'ai abo toonyuno to'no moro Nyunumiyago su toollu me'no kwononyugono. 47Nuu nebal'no kuunodo aro ikudumo'mokwono. Yiuwi'nokai a'mwo abolo ton mino kuudo anubwepi ton aiyo yiunokuudo mujomwekovlaiyo'moneyokwe tov nomapinogano. 48Toro te bret aiyo mujomwekovlaiyo'moneyokwe su tov nuu kwonyugono. 49Aiyoga kemi tellukweyago ton kwako a'mwomaiyo yalukullo toru bret mana tovi anyajupo su ton me'no abolopiyopogano. 50Toro kuvi kuruv muunyu kai'muuda'ai bret kwolabingiko tovino'gwowi a'mwo abolo ton amanpi tov yiunokuudo mabolopipinogano. 51Gooti toolluro ago muunyu kai'muuda'ai bret kwolaboka su tov nuu kwonyugono. Toro te yiuwi'nokai a'mwo abolo ton bret su tovi amanpi tov aiyo yiunokuudo mujomwekovla'mwalpinogano. Bret nonyo'mo su tov moro kulako tovino'busukokwono. Toro te moro kulako kwimi su tov a'mwo abolo kwako akavi mwalodupudo ton aiyo mujomwekovla'mwalpino'moneyokweyokwono.”
52Jisasol toro kuudoka tovi Juu kevnokwe tooro aro tovino aullajunoporogano. “A'mwo akal gamoro kulako su tov nevu nonyo'moneyokwe adadomgu'aro nonekullabwonoldukono?” 53Su toro kuullajunodopure toorai Jisasol kuudokaikono. “Nuvu nebal'no kuunodo aro ikudumo'mokwono. Kevu A'mwo Kwolaiyo Kuunodo toonyuro kulako tokwe mujako tokwe tovallu manpi tov aiyo yiunokuudo mujomwekovlaiyo'moneyokwe tov kemoro poowokalago tonyu maulaikworonorekikono. 54Toro kuvi kuruv a'mwo abolo pun moro kulako tokwe mujako tokwe tovalluda'ai anpi su tono'gwowi aiyo yiunokuudo mujomwekovlaiyo'mo tov maropi aki aiyowo'mo toga nuvu nomoduka'monyugono.
55Su tov aro tovinokwono. Moro kulako tov aiyo yiunokuudo mujomwekovlaiyo'moneyokwe wosamujuko kuunodokwono. Aki moro mujako tov aiyo yiunokuudo mujomwekovlaiyo'moneyokwe wonyo kuunodokwono. 56Toro te yiuwi'nokai a'mwo abolo ton moro kulako tokwe mujako tokwe tovallu anpi su ton nuvuge noguru'mwonyumwalpinogano. Aki nuu kwonyu kuruv a'mwo abolo su togai noguru'mwonyumwalmonyugono.
57Moro Nyunumiyago amonuwopiyaboka tool yiuwi'nokai tonyu aiyo wiyokwekono. Toro te nuvu aiyo mwallo'moneyokwe jurogudo tov mi Nyunumiyago su to kwolluda'ai aiyo mwalodumdonyugono. Su toro to'busuko kubalno yiuwi'nokai a'mwo abolo moro kulako tovi anpi ton moro aiyo mwallo'mo jurogudo uubweyodo'mure tovida'ai aiyo yiunokuudo mujomwekovla'mwalpinogano. 58Muunyu kai'muuda'ai bret tov su torokwono.
Aiyoga kemi tellukweyago tooro muunyu kai'muuda'ai bret mana wolaboduke tovi amanyajupo su ton me'no abolopogano. Toro kuvi kuruv muunyu kai'muuda'ai bret kwolabingiko akavino'gwowi a'mwo pwol amano'ji tov aiyo yiunokuudo mujomwekovla'mwalonekono.” Kuudokaikono. 59Jisasolluro yogalo kuujajuko su ton wagwolago Kapurniyamda'ai Juu tooravuro i'bwo'nyago puvi kuula'no sodubwasajukogano.
Jisasol aiyo yiunokuudo mujomwekovlaiyo'moneyokwe yogalo tovi mwora'dowodo tovinokwono
60Toruda'ai Jisasolluro uumjunyokwe tooro Jisasolluro yogalo sodubwasajuko su tonyu wuu'nyuno sumaveyokwe bwotonyago tooro aro sajunoporogano. “Awi! Yogalo su tov tagokwono. A'mwo pwol yogalo su tonyuno kavlo tov adadomgu'aro nokwo youromaronoldukono?” 61Kevnokwe tooro su toro sajunopo kuvi kuruv Jisasolno'gwowi gamoro uumjunyokwe tooravuro biyolyogalo dodopure su tovino kuudo me'no souroonokaikono. Toro tool aro kuudokaikono. “Moro yogalo su tov kemoro kuudo nubweyodupudo tovi jul'nyo dekubweyadopiyo? 62Aga moro yogalo su tov kemoro kuudo nubweyodupudo tovi jul'nyo aikubweyo'ji tov lukomgu jul'nyo bwotonyo tov nyubwosunpinorekikono. Su tov aro tovinokwono. Nuu A'mwo Kwolaiyo Kuunodo toonyu Gooti toolluro ago amwallajo muunyu kai'muuno aiko te nyulamonyugono. Toro ilodo'mure toonyuno tov anuwonpi toga kevu jul'nyo bwotonyo nyubwosunpinorekikono.
63Neya duu'nyulo. Yiuno Gooti toolluro Kuullo judo toolno a'mwo abolo tonyu aiyo yiunokuudo mujomwekovlaiyo'moneyokwe tov wiyodowodekono. Toro te a'mwo abolo ton kevnokwenyuro jurogudo tokwe somjomwekovlapi tov ku'nono mwiyo'mwoju'nupinogano. Toro kuvi kuruv yiuno moro yogalo aikudadokwo su tovi'aro to'gwowi Gooti toolluro Kuullo tooke'aro aiyo yiunokuudo mujomwekovlaiyo'moneyokwe tokwe'aro toval nomapinogano.
64Toro kuvi kuruv kevu pugaikulno'gwowi numino kuudo manubwemwakopogaikikono.” Kuudokaikono. Jisasol muudu'nodo togada'ai gamino kuudo muubweyodupudo tonyuno kuudo me'no souromallajukekono. Aki lukomgu a'mwo ikomago tooravuro ato tovi morubweyono kwolluno kuruv kuudo me'no souromallajukekono. 65Toro te Jisasol aro kuudokaikono. “A'mwo pwol miyomno biyo'moneyokwe tov yiuno moro Nyunumiyago toolluro kudo'aiko me'no ausubweyo'ji su toolno numiyomno nokwo bwonekono.” Kuudokaikono.
66Su toro me'no kuudoka toga a'mwo Jisasollu kuumjunyajupo bwotonyago tooro Jisasollu wuugollu'movo'mno lukomgu aki aiko te kweke miyomollajuporogano. 67Toro te Jisasol gami 12-pela uumjunyokwe toorai aro kuudoganokaikono. “Kev kworekul kuruv mi nonyugollu'mopino'morekuldukono?” Kuudoganokaikono.
68 #
Mt. 16:16; Mk. 8:29; Lk. 9:20 Toro kuudoganoka tovi Saimoon Pital aro kuudokaikono. “Agutoloo, nevu agugollu'mowa'ji tov ala'mwollomno plawanonoldeyo? Guu tookuno'gwowi aiyo yiunokuudo mujomwekovlaiyo'moneyokwe yogalo tov mwora'dumdekugono. 69Toro te nevu gumino kuudo me'no agubwemwakuuwo toonol aro kuudo saguu'mwakuuwono, Oo guu Gooti toolluro sugudo kuunodo tookudeyo, kuudo saguu'mwakuuwono.” Kuudokaikono.
70Pital toro kuudoka tovi Jisasol aro kuudokaikono. “Nuvu kevu 12-pela toorekullu ajaikubweyonyugono. Toro kuvi kuruv kemida'ai pwol ikomago Satanyolbusukekono.” Kuudokaikono. 71Jisasolluro yogalo su tov Juudasolluno adokaikono. Juudasollu ganumiyago toolluno yovo tov Saimoon Iskeriyootolekono. Aki Juudasol 12-pela uumjunyokwe tooraida'ai pwekono. Su tool lukomgu Jisasollu ikomago tooravuro ato tovi morubweyonekono. Jisasol su toro toolluno adokaikono.
Currently Selected:
Joon 6: SMB
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida
Joon 6
6
Jisasol a'mwo 5,000 toorai wosamujuko kwiyoka tovinokwono
(Matyuu 14:13-21; Mak 6:30-44; Luuk 9:10-17)
1Toruda'ai Jisasol wonyo buugo puvi igo'mguuno aga'mokailokaikono. Wonyo buugo su tovino yovo tov Galiliyovokwono. Aki wonyo buugo su tovino yovo puruv Taibiriyosovokwono. 2Toro tovi ga'mokailno sumaiyokwe a'mwo abolo kwolallo ton Jisasollu kuuno kuumjunyajupogano. Su tov aro tovinokwono. Jisasol gamoro duuwallo jurogudo togai a'mwo abolo nobollokwe tonyu ikuloduke tovi me'no kwonyajupogano. Toro ton Jisasolluro duuwallo jurogudo su tonyu wonodupu kuumjunyajupogano. 3Toro uumjunyuno sumaveyokwe Jisaseke'aro gamoro uumjunyokwe toorogai'aro tooro muumuudo pwollu ila'mno sulomwaloporogano. 4Su toro toga Juu tooravuro lubullu doto puruv Muunyu Toru'aro Surukuruwolovoka tov nobai'meyo'mo wobo togakono. 5Toro te kwolallo ton muumuudo toollu ilabodopure tonyu Jisasol muugona'no sumaiyokwe Filipollu aro kuudoganokaikono. “Kwolallo akaibinyo'mo wosamujuko nupino tov bret ton gadomuuda'ai mubiyano'mdeyo?” Kuudoganokaikono. 6Jisasol gavnokweyolluro yo'mo tovino kuudo me'no souromaroka kwol kuruv Filipollu yiuno yamju wiyoganyo'mo to'no su toro kuudoganokaikono.
7Toro wuujuno sumaiyokwe Filipol aro kuudokaikono. “Nevu 200 silva nuugwiyo tobuuke bret ton abiya'ji kuruv wosamujuko su tekwo yiuwi'nokai pwolno pwolnodo toorai ku'nono mwiyonekwogano.” Kuudokaikono. 8Toro kuudoka tovi Jisasolluro uumjunyokwe Saimoon Pitaike'aro Adruu'weke'aro todoralluda'ai Adruu'wol aro kuudokaikono. 9“Akawai kwolaiyo pwekwo bali tovida'ai sakwollungiko bret atobuul tobuuke'aro domwoga pworake'aro ton nomworaso. Toro amworasuko kuvi kuruv wosamujuko su tekwo kwolallo akanyu wiyo'mo tov ku'nonodo'mekwomaiyo.” Kuudokaikono. 10Toro kuudoka tovi Jisasol aro kuudokaikono. “Kevu a'mwo abolo su tonyu wolomwalpureyokweyo'mo, duujulo.” Kuudokaikono. Su towai kabimwomdorukono. Toro te Jisasolluro uumjunyokwe tooro kwolallo tonyu wolomwalpureyokwe me'no wuujuno sumaveyokwe kwolallo ton kwolomwalopogano. A'mwo kwolomwalopo su tooro 5,000 tomgu'arorogano.
11Kwolallo ton toro wolomwalodopure toga Jisasol bret ton maro'no Gooti toollu, “Nenyoo,” me'no wuujuno sumaiyokwe buudovo'no kwolallo su tonyu yado kuumwodeyokaikono. Yo'no aki domwoga toorake'aro aval'no sokaikono. Toro uumwodeno sumaiyokwe kwolallo ton kemi mujuko kwinyajupo toru'aro maro'mno wosamujuko su tov amanopogano. 12Toro nyuno sumaveyokwe kemoro sumwoluko ton kwitovokagano. Wosamujuko me'no kwitovoka su tonyuno Jisasol gamoro uumjunyokwe toorai aro kuudokaikono. “Wosamujuko anogallu'mopi su tonyu bwiyalo nomollugolamopiyokwe domollu'bworomallulo.” Kuudokaikono. 13Toro kuudoka tovi uumjunyokwe tooro bali tovida'ai sakwollungiko bret atobuul tovida'ai anogallu'movopo ton i'bworomaro'mno 12-pela basket tobuullu amollurosoporogano.
14Toro te a'mwo abolo kwolallo su ton Jisasolluro duuwallo jurogudo kuuduuwalloka su tovi wonyuno sumaveyokwe aro adopogano. “Oo Proofet pwol kwako akavi bwonekono, dodupudo tool akal kwekono.” Adopogano. 15Toro dodopure toga Jisasol aro kuudo me'no souromarokaikono. Kwolallo akan mi bogalonumworaropi kemoro a'mwo aguto kig monyudapipino'moneyokwe duuwinadokwovo. Su toro kuudo me'no youroma'no sumaiyokwe judo tool muumuudo toollomno aikomgu sulokaikono.
Jisasol wonyo buugo tovi muunyu toru kado avlavoka tovinokwono
(Matyuu 14:22-33; Mak 6:45-52)
16Toruda'ai sula'dugumdo toga gamoro uumjunyokwe tooro wonyo buugo toollomno kwolaporogano. 17Toro wolno sumaveyokwe boot tovi ilomwalo'mno wagwolago Kapurniyam'no avlavoporogano. Toro pla'mdopure toga dugumdo aimwonyokakwono. Toro kimwonyoduke kuga kuruv Jisasolno'gwowi gami uumjunyokwe su tooraiyomno yere mabokaikono. 18Toro tooro wonyo buugo su tovi pla'mdopure toga dolo jurogudo puruv yo'no wonyo buugo su tov luwagu luwaguto bwotonyo sokakwono. 19Toro yoduke toga uumjunyokwe tooro boot su tovi purebwo'movla'mno sumaveyokwe 5 oo 6 kiloomita tomgu'aro avurebwo'movlavoporogano. Su toro pla'mdopure toga Jisasol wonyo buugo toollu muunyu toru abokaikono. Toro boduke toollu wonyuno sumaveyokwe luko soporogano. 20Luko yodopure kuvi kuruv Jisasol aro kuudokaikono. “Nuu toonyu abadokwono. Kevu luko mipinono.” Kuudokaikono. 21Toro wuujuno sumaiyokwe uumjunyokwe tooro Jisasol boot tovi bilomwalono'moneyokwe ilaiyo amollomaroporogano. Toro molloma'no sumaveyokwe kemi nyule'meyo'mo kuudo saullajupo toru kuru'gwo uuwo'mno kwako su toru sule'movaporogano.
A'mwo abolo kwolallo ton Jisasollu a'mgono sopo tovinokwono
22Toruda'ai iruko aikomguda'ai tollugwoji kwolallo kuugollu'movoka su ton aro kuudo sauropogano. Oo sulato toga nevu boot pugai'aro wo'dopure tonyu mwonyuguwonogano. Boot yiuno puru'mono wo'duke tovi Jisasolluro uumjunyokwe tooro ilomwalodupu avla'maporogano. Toro kuvi kuruv Jisasolno'gwowi gami uumjunyokwe su toorogai mavla'mokaikono. Kuudo sauropogano. 23Su toro kuudo yau'no sumaveyokwe boot pun wagwolago Taibiriyosda'ai abodavopogano. Toro abodavopo su toru sumdomgu Aguto tool bret tovino Gooti toollu, “Nenyoo,” wuudo'no kwolallo tonyu kuumwodeyokarukono. Toro kuumwodeyoka wobo su toru boot ton abodavopogano. 24Boot abodavopo su tonyuda'ai a'mwo abolo kwolallo ton Jisaseke'aro gamoro uumjunyokwe toorogai'aro tooraino a'mgono sopo kuvi kuruv miyo'mgonomaropogano. Toro tovino tov boot su tonyu ilomwalno sumaveyokwe Jisasollu yo'mgonomallo'moneyokwe Kapurniyam'no avlavopogano.
Bret aiyo yiunokuudo mujomwekovlaiyo'moneyokwe tovinokwono
25Toro plaino sumaveyokwe wonyo buugo tovi igo'mgu iloga'mova'mno Jisasollu so'mgonomaropogano. Toro yo'mgonoma'no sumaveyokwe aro kuudoganopogano. “Ibwasokweyoloo, guu adoga akawai abai'mo'mwa'judekudeyo?” 26Toro kuudoganopo tonyu Jisasol aro kuudokaikono. “Nuvu nebal'no kuunodo ikudumo'mokwono. Kevu mino a'mgono sadokwopo tov moro duuwallo jurogudo tonyu amuugona'mwa'jupo tovida'aiyo'maiyo. Toro kuvi kuruv kevu bret togai sumwoluko anyuto'numwa'jupo tovida'ai to'no mino a'mgono sadokwopogaikikono.” Kuudokaikono.
27Toro wuujuno sumaiyokwe aki aro kuudokaikono. “Kevu wosamujuko bwiyo buu'dupudo tonyu mallo'mo womdo nyumwalpiyo. Toro kuvi kuruv kevu wosamujuko bwiyo mabuuropiyodupudo tonyu mallo'mo to'gwowi womdo neya jogaulo. Wosamujuko mabuuropiyodupudo su ton aiyo yiunokuudo mujomwekovlaiyo'moneyokweyogano. Toro te aiyo mujomwekovlaiyo'moneyokwe wosamujuko su ton nuvu A'mwo Kwolaiyo Kuunodo toonyu ikullamwalmokwono. Aki su toro ikullabiyo'moneyokwe jurogudo tov moro Nyunumiyago Gooti tool me'no anyabokaikono.” Kuudokaikono.
28Toro kuudoka tovi a'mwo abolo ton aro kuudoganopogano. “Nevu Gooti toolluro womdo yo'mo tonol burowo'nyo burowo'nyo womdo ton imwalanonoldukono?” Kuudoganopogano. 29Toro kuudopo tonyu Jisasol aro kuudokaikono. “Gooti toolluro womdo imwalpino tov arokwono. Kevu Gooti toolluro amonuwopiyaboka toonyuno kuudo donubweyogaulo.” Kuudokaikono.
30Toro kuudoka toollu aro kuudoganopogano. “Guu burowo'nyo duuwallo jurogudo tov nekuduuwallubinekudukono? Gumoro duuwallo jurogudo anekuduuwallubi su tovi wonowa'ji, Oo Nebaloldeyo, kuudo gubweyano'mo tov burowo'nyo ibinekudeyo?” Kuudoganopogano. 31#Moll. 16:4,15Toro wuudoganyuno sumaveyokwe aki aro kuudopogano. “Nemi nellukweyago tooro kwako a'mwomaiyo kuu'maiyo tomuu mwalodupu bret mana ton anyajuporogano. Gooti toolluro yogalo puruv aro sakwollungikokwono. “Gooti tool muunyu kai'muuda'ai bret mana tov wiyoduke anyajuporogano.” Sakwollungikokwono.” 32Toro kuudopo tonyu Jisasol aro kuudokaikono. “Nuvu nebal'no kuunodo ikudumo'mokwono. Muunyu kai'muuda'ai bret aikullabiyajuko su tool Moosesolmaiyo. Toro kuvi kuruv muunyu kai'muuda'ai bret kuunodo aikullabiyajuko su toolno'gwowi moro Nyunumiyago tookono.” Kuudokaikono.
33Toro wuujuno sumaiyokwe aki aro kuudokaikono. “Gooti toolluro muunyu kai'muuda'ai bret tool wolabodowo yiuwi'nokai a'mwo abolo kwako akavi mwalodupudo tonyu aiyo yiunokuudo mujomwekovlaiyo'mo wiyodowodekono. Su tool Gooti toolluro bret kuunodo tookono.” Kuudokaikono. 34Toro kuudoka tovi aro kuudopogano. “Agutoloo, bret su tov yiuwi'nokai toga donekullabogawono.” Kuudopogano. 35Toro kuudopo tonyu Jisasol aro kuudokaikono. “Bret aiyo yiunokuudo mujomwekovlaiyo'moneyokwe wiyodowodo su tool nuu kwonyugono. Toro te yiuwi'nokai a'mwo abolo numiyomno abupi su ton mujuko mwinpinogano. Aki mino kuudo anubwepi su ton kuuleyaluko mwinpinogano.
36Aki Jisasol kuudokaikono. “Nuvu aro me'no aikudumonyugono. Kevu mi me'no nuwonodupudo kugaikul kuruv kuudo po'dogalo manubwemwakopogaikikono.” Aikudumonyugono. 37Toro kuvi kuruv moro Nyunumiyago toolluro yiuwi'nokai a'mwo abolo anyaboka tono'gwowi miyomno kuvinono nobupinogano. Su toro abupi tonyu nuvu mamovomjapimwalmonyugono.
38Neya duu'nyulo. Nuvu muunyu kai'muuda'ai kwolabo tov nuvnokwenyuro kuudo tovi uumjunyo'moneyokwe kwolabonyumaiyo. Toro kwonyu kuruv mi Nyunumiyago amonuwopiyaboka toolluro ilaiyo winodowodo tonyuno'gwowi kuvinono uumjunyo'moneyokwe kwolabonyugono.
39Toro te mi Nyunumiyago amonuwopiyaboka su toolluro ilaiyo winodowodo tov arokwono. Nuvu Nyunumiyago su toolluro yiuwi'nokai a'mwo abolo anyaboka tonyuro yiuno puru'monodo kuruv du'muudo tomuu mamollounosumonyugono. Toro kwonyu kuruv yiuwi'nokai tonyu aiyowo'mo toga aiyo aiko te nomoduka'mogano. 40Aki Nyunumiyago toolluro ilaiyo winodowodo tov aro tovinokwono. Yiuwi'nokai a'mwo abolo pwolno puru'monodo ton gamoro Kwolaiyo toonyu nuwonopi kuudo anubwepi tov aiyo yiunokuudo mujomwekovlaiyo'moneyokwe tov nomapinogano. Aki toro tonyu aiyowo'mo toga nuvu aiyo aiko te nomoduka'monyugono.” Kuudokaikono.
41Toruda'ai Juu tooro Jisasolluro yogalo aro wuudoduke tovi, “Gooti toolluro ago muunyu kai'muuda'ai bret kwolaboka tool nuu kwonyugono.” Su toro wuudoduke tovino Juu tooro Jisasollu biyolyogalo aduu'mwojopekono. 42Toro duu'mwojuno sumaveyokwe kevnokwe tooro aro sajunoporogano. “A'mwo akal Joosepolluro muugunyo Jisasekono. Nevu gamoro kuunum kwolabolo teyaulluno kuudo me'no yau'dowadonogano. Toro te a'mwo su toolluro yogalo aro dodowodo tov, “Nuu Gooti toolluro ago muunyu kai'muuda'ai kwolabonyugono,” yogalo su toro tov buro'nyo'mo dodowodoldeyo?” Sajunoporogano.
43Toro yajunodopure toorai Jisasol aro kuudokaikono. “Kevu kevnokwerekulluro akuuto toru kuullajunopi numino biyolyogalo madanuu'mwojupinono. 44Nuu mi Nyunumiyago tool amonuwopiyabokanyugono. Toro te a'mwo pwol numiyomno biyo'moneyokwe tov gavnokweyolluro kuudo tovida'ai yasuwa'no bwonolmaiyo. Toro kuvi kuruv yiuno moro Nyunumiyago toolluro kinodokwopiyomarowo'ji amoropiyabwo'ji su toolno numiyomno nokwo bwonekono. Aki aiyowo'mo toga nuvu a'mwo su toollu aiyo aiko te nomoduka'monyugono.
45Aiyoga proofet tooravuro yogalo sakwollungiko puruv arokwono. “Gooti tool a'mwo abolo tonyu yodubwasonekono.” Toro te yiuwi'nokai a'mwo abolo ton moro Nyunumiyago toolluro yogalo tovi wuu'nopi kuudo souromapi su ton numiyomno kuvinono nobupinogano.
46A'mwo pwol moro Nyunumiyago toollu me'no kwonoka pwolnodo kwol kuruv nonagutomuugono. Awiyo. Yiuno Gooti toolluda'ai abo toonyuno to'no moro Nyunumiyago su toollu me'no kwononyugono. 47Nuu nebal'no kuunodo aro ikudumo'mokwono. Yiuwi'nokai a'mwo abolo ton mino kuudo anubwepi ton aiyo yiunokuudo mujomwekovlaiyo'moneyokwe tov nomapinogano. 48Toro te bret aiyo mujomwekovlaiyo'moneyokwe su tov nuu kwonyugono. 49Aiyoga kemi tellukweyago ton kwako a'mwomaiyo yalukullo toru bret mana tovi anyajupo su ton me'no abolopiyopogano. 50Toro kuvi kuruv muunyu kai'muuda'ai bret kwolabingiko tovino'gwowi a'mwo abolo ton amanpi tov yiunokuudo mabolopipinogano. 51Gooti toolluro ago muunyu kai'muuda'ai bret kwolaboka su tov nuu kwonyugono. Toro te yiuwi'nokai a'mwo abolo ton bret su tovi amanpi tov aiyo yiunokuudo mujomwekovla'mwalpinogano. Bret nonyo'mo su tov moro kulako tovino'busukokwono. Toro te moro kulako kwimi su tov a'mwo abolo kwako akavi mwalodupudo ton aiyo mujomwekovla'mwalpino'moneyokweyokwono.”
52Jisasol toro kuudoka tovi Juu kevnokwe tooro aro tovino aullajunoporogano. “A'mwo akal gamoro kulako su tov nevu nonyo'moneyokwe adadomgu'aro nonekullabwonoldukono?” 53Su toro kuullajunodopure toorai Jisasol kuudokaikono. “Nuvu nebal'no kuunodo aro ikudumo'mokwono. Kevu A'mwo Kwolaiyo Kuunodo toonyuro kulako tokwe mujako tokwe tovallu manpi tov aiyo yiunokuudo mujomwekovlaiyo'moneyokwe tov kemoro poowokalago tonyu maulaikworonorekikono. 54Toro kuvi kuruv a'mwo abolo pun moro kulako tokwe mujako tokwe tovalluda'ai anpi su tono'gwowi aiyo yiunokuudo mujomwekovlaiyo'mo tov maropi aki aiyowo'mo toga nuvu nomoduka'monyugono.
55Su tov aro tovinokwono. Moro kulako tov aiyo yiunokuudo mujomwekovlaiyo'moneyokwe wosamujuko kuunodokwono. Aki moro mujako tov aiyo yiunokuudo mujomwekovlaiyo'moneyokwe wonyo kuunodokwono. 56Toro te yiuwi'nokai a'mwo abolo ton moro kulako tokwe mujako tokwe tovallu anpi su ton nuvuge noguru'mwonyumwalpinogano. Aki nuu kwonyu kuruv a'mwo abolo su togai noguru'mwonyumwalmonyugono.
57Moro Nyunumiyago amonuwopiyaboka tool yiuwi'nokai tonyu aiyo wiyokwekono. Toro te nuvu aiyo mwallo'moneyokwe jurogudo tov mi Nyunumiyago su to kwolluda'ai aiyo mwalodumdonyugono. Su toro to'busuko kubalno yiuwi'nokai a'mwo abolo moro kulako tovi anpi ton moro aiyo mwallo'mo jurogudo uubweyodo'mure tovida'ai aiyo yiunokuudo mujomwekovla'mwalpinogano. 58Muunyu kai'muuda'ai bret tov su torokwono.
Aiyoga kemi tellukweyago tooro muunyu kai'muuda'ai bret mana wolaboduke tovi amanyajupo su ton me'no abolopogano. Toro kuvi kuruv muunyu kai'muuda'ai bret kwolabingiko akavino'gwowi a'mwo pwol amano'ji tov aiyo yiunokuudo mujomwekovla'mwalonekono.” Kuudokaikono. 59Jisasolluro yogalo kuujajuko su ton wagwolago Kapurniyamda'ai Juu tooravuro i'bwo'nyago puvi kuula'no sodubwasajukogano.
Jisasol aiyo yiunokuudo mujomwekovlaiyo'moneyokwe yogalo tovi mwora'dowodo tovinokwono
60Toruda'ai Jisasolluro uumjunyokwe tooro Jisasolluro yogalo sodubwasajuko su tonyu wuu'nyuno sumaveyokwe bwotonyago tooro aro sajunoporogano. “Awi! Yogalo su tov tagokwono. A'mwo pwol yogalo su tonyuno kavlo tov adadomgu'aro nokwo youromaronoldukono?” 61Kevnokwe tooro su toro sajunopo kuvi kuruv Jisasolno'gwowi gamoro uumjunyokwe tooravuro biyolyogalo dodopure su tovino kuudo me'no souroonokaikono. Toro tool aro kuudokaikono. “Moro yogalo su tov kemoro kuudo nubweyodupudo tovi jul'nyo dekubweyadopiyo? 62Aga moro yogalo su tov kemoro kuudo nubweyodupudo tovi jul'nyo aikubweyo'ji tov lukomgu jul'nyo bwotonyo tov nyubwosunpinorekikono. Su tov aro tovinokwono. Nuu A'mwo Kwolaiyo Kuunodo toonyu Gooti toolluro ago amwallajo muunyu kai'muuno aiko te nyulamonyugono. Toro ilodo'mure toonyuno tov anuwonpi toga kevu jul'nyo bwotonyo nyubwosunpinorekikono.
63Neya duu'nyulo. Yiuno Gooti toolluro Kuullo judo toolno a'mwo abolo tonyu aiyo yiunokuudo mujomwekovlaiyo'moneyokwe tov wiyodowodekono. Toro te a'mwo abolo ton kevnokwenyuro jurogudo tokwe somjomwekovlapi tov ku'nono mwiyo'mwoju'nupinogano. Toro kuvi kuruv yiuno moro yogalo aikudadokwo su tovi'aro to'gwowi Gooti toolluro Kuullo tooke'aro aiyo yiunokuudo mujomwekovlaiyo'moneyokwe tokwe'aro toval nomapinogano.
64Toro kuvi kuruv kevu pugaikulno'gwowi numino kuudo manubwemwakopogaikikono.” Kuudokaikono. Jisasol muudu'nodo togada'ai gamino kuudo muubweyodupudo tonyuno kuudo me'no souromallajukekono. Aki lukomgu a'mwo ikomago tooravuro ato tovi morubweyono kwolluno kuruv kuudo me'no souromallajukekono. 65Toro te Jisasol aro kuudokaikono. “A'mwo pwol miyomno biyo'moneyokwe tov yiuno moro Nyunumiyago toolluro kudo'aiko me'no ausubweyo'ji su toolno numiyomno nokwo bwonekono.” Kuudokaikono.
66Su toro me'no kuudoka toga a'mwo Jisasollu kuumjunyajupo bwotonyago tooro Jisasollu wuugollu'movo'mno lukomgu aki aiko te kweke miyomollajuporogano. 67Toro te Jisasol gami 12-pela uumjunyokwe toorai aro kuudoganokaikono. “Kev kworekul kuruv mi nonyugollu'mopino'morekuldukono?” Kuudoganokaikono.
68 #
Mt. 16:16; Mk. 8:29; Lk. 9:20 Toro kuudoganoka tovi Saimoon Pital aro kuudokaikono. “Agutoloo, nevu agugollu'mowa'ji tov ala'mwollomno plawanonoldeyo? Guu tookuno'gwowi aiyo yiunokuudo mujomwekovlaiyo'moneyokwe yogalo tov mwora'dumdekugono. 69Toro te nevu gumino kuudo me'no agubwemwakuuwo toonol aro kuudo saguu'mwakuuwono, Oo guu Gooti toolluro sugudo kuunodo tookudeyo, kuudo saguu'mwakuuwono.” Kuudokaikono.
70Pital toro kuudoka tovi Jisasol aro kuudokaikono. “Nuvu kevu 12-pela toorekullu ajaikubweyonyugono. Toro kuvi kuruv kemida'ai pwol ikomago Satanyolbusukekono.” Kuudokaikono. 71Jisasolluro yogalo su tov Juudasolluno adokaikono. Juudasollu ganumiyago toolluno yovo tov Saimoon Iskeriyootolekono. Aki Juudasol 12-pela uumjunyokwe tooraida'ai pwekono. Su tool lukomgu Jisasollu ikomago tooravuro ato tovi morubweyonekono. Jisasol su toro toolluno adokaikono.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida