Joon 8
8
1Jisasolno'gwowi Muumuudo Oolip toollomno avlavokaikono.
A'mwo pworo abolo kwonyalo yomollodowodo puvi Jisasollomno amokabopo tovinokwono
2Toruda'ai lomwo iru'mago toga Jisasol Jeruusalemda'ai Gooti toollu ilomoropiyo'moneyokwe ago tovuro agwapto tovino aiko te plavo'no aulai'movokaikono. Toro kuulai'mo'mduke toollu yiuwi'nokai a'mwo abolo ton bi'bwo'no'mno amomwodovomaropogano. Toro momwodovoma'no sumaveyokwe Jisasol wolomwalo'no a'mwo abolo su tonyu kuuguudo sodubwasokaikono. 3Toro yodubwasoduke toga loowo tovino pi'mwo kuudokwe toorogai'aro Farasi toorogai'aro tooro abolo puvi Jisasollomno amokaboporogano. Abolo su tov kwonyalo yomolloduke tovi so'mgonomaropokwono. Toro tovi mokabino sumaveyokwe kwolallo tonyuro akuuto toru aulomolludapiyopokwono.
4Toro kuulomolludapino sumaveyokwe Jisasollu aro kuudoporogano. “Ibwasokweyoloo, abolo akav kwonyalo yomolloduke tovi so'mgonoma'mawokwono. 5Abolo kwonyalo yomollodopure tonyuno Moosesolluro loowo tov aro danekullodowodokwono. Abolo kwonyalo yodopure tonyu so'mgonomapi tov sulo togai neya doluvoromiyosulo. Sakwollungikokwono. Toro te guvno'gwowi abolo akavino buro'nyovo dubinekudeyo?” Kuudoporogano. 6Su toro kuudopo tov Jisasol abwolorawoneyokweyo'mo yamju kwiyoganoporogano. Toro tooro aro kuudo sauroporogano. Oo a'mwo akalluro yogalo anekudo'ji tovi'aro gavnokwe toollu nevu kooti yogalo nokwo duuwiyanekono. Su toro kuudo sauropo kuvi kuruv Jisasolno'gwowi gami buulo tov lugulo'na'no sumaiyokwe gami pollo tokwe kwako tovi puukwollo sakwollokaikono.
7Kemoro yamuugojo kwiyopo su tovino Jisasol anekudoneyokwe wuudoganyuno wuudoganyuno soporogano. Toro te Jisasol iloda'mno sumaiyokwe aro kuudokaikono. “Yowa'nogano. A'mwo pweku ma'no ma'no pasudo nonagutonyudeyo adubi su tooku abolo akavi sulo tokwe muudu'no neya doluvaromiyono.” Kuudokaikono. 8Jisasol toro wuujuno sumaiyokwe aki aiko te buulo lugulo'naro'no gami pollo tokwe kwako tovi puukwollo sakwollokaikono. 9Jisasolluro yogalo kuudoka su tovi a'mwo loowo tovino pi'mwo kuudokwe toorogai'aro Farasi toorogai'aro tooro wuu'nyuno sumaveyokwe pwolda'ai pwolda'ai sounopiyoporogano. Muudu'no a'mwono mido mollomwalokwe tooroda'ai younopiyo'mno lukomgu yiuwi'nokai a'mwo gabovo pworogai'aro aval'no sounopiyoporogano. Toro younopino sumaveyokwe a'mwo kwolallo ton adaiyajupo su toru aiyowo'mo tov yiuno Jisaseke'aro abolo adaiyajuko tokwe'aro tovalno amwalolovakono.
10Toro te Jisasol aiko te iloda'mno sumaiyokwe abolo tovi aro kuudokaikono. “A'mwo gumi kooti yogalo dagujo'mo tooro gadomuu dovla'mavo? Gumi sulo togai luvoromiyagubweyo'moneyokwe a'mwo pwolnodo kwol kuruv nonagutomuudukono?” Kuudokaikono. 11Toro kuudoka tovi abolo tov kuudokakwono. “Agutoloo, a'mwo pwolnodo kwol kuruv nonagutomuugono.” Kuudokakwono. Toro wuujuno sumaiyokwe Jisasol kuudokaikono. “Nuu kwonyu kuruv gumi mairogumwallumonyugono. Toro te guu dovlavono. Yo'bi agada'ai ma'no ma'no pasudo tov aiko te mairoungovla'mwalbinono.” Kuudokaikono.
Jisasol kwako akavi mwalodupudo tonyu bako toolbusuko wimo'nodowodo tovinokwono
12 #
Mt. 5:14; Jn. 9:5 Toruda'ai Jisasol a'mwo abolo tonyu aiko te sodubwasoka toga aro kuudokaikono. “Nuu yiuwi'nokai a'mwo abolo kwako akavi mwalodupudo tonyu bako wimo'nodumdonyugono. A'mwo pwol numi anumjuno'ji su tool dugumdo tomuu miyomjomwekovla'mwalonekono. Toro kwol kuruv aiyo yiunokuudo mujomwekovlaiyo'moneyokwe bako to'gwowi kurukwe imo'nonekono.” Kuudokaikono. 13#Jn. 5:31-32Toro kuudoka tovi Farasi tooro Jisasollu aro kuudoporogano. “Gumoro adodoluwosunmwakudo su tov nebal'nodo'maiyo. Aro tovinokwono. Guvnokwe tookujuro mago tokwe adodoluwosunmwakuno. Toro tovino tov gumoro yogalo su tov nebal'nodo'maiyo.” Kuudoporogano. 14Toro kuudopo toorai Jisasol aro kuudokaikono. “Nuvnokwe toonyuno kuu'maiyo adodoluwosunmwako kuruv moro yogalo su ton yiuno nebal'nodogano. Neya duu'nyulo. Nuvu moro ago towai'no kuudo nyau'mwakono. Nuvu su towaida'ai wolabono aiko towai'no nyulamonyugono. Toro kuvi kuruv kevno'gwowi moro ago su towai'no kuudo miyau'mwakoporekikono. Nuu toro towaida'ai wolabono aikomgu nyulamo su towai'no kevu kuudo miyau'mwakoporekikono.
15Kevu kwako akavida'ai kuudo tokwe mi jainyubwo'dupudorekikono. Toro kuvi kuruv nuu judo toonyuno'gwowi a'mwo pwolnodo kwollu kuruv majainyubwollokwenyugono. 16Aki nuu a'mwo pwollu ajainyubwo'mi kuruv yiuno pi'mwono to'no jainyubwo'monyugono. Su tov aro tovinokwono. Nuvu judo toonyu ku'nono majainyubwo'monyugono. Toro kuvi kuruv mi Nyunumiyago amonuwopiyaboka su tool nuuge mwalodowolekono. Toro te nuu a'mwo pwollu ajainyubwo'mi tov mi Nyunumiyago amonuwopiyaboka su tooke'aro toonal jainyubworosunonakono.
17Kevnokwerekulluro loowo puruv aro sakwollungikokwono. A'mwo pworal buro'nyo buro'nyodeyo tonyuno kuudo aval'no woso'bullu kemoro yogalo tov yiuno kuu'maiyo toru'no adodoluwosubullu tov nebal'nodokwono. Kemoro loowo puruv su toro sakwollungikokwono. 18Toro te mi Nyunumiyago amonuwopiyaboka tooke'aro nuvnokwe toonyuge'aro yiuwi'nokai toonal mino kuu'maiyo toru'no dodoluwosodowolonakono. Toro te numino yogalo dodoluwosodowolo su tov yiuno nebal'nodokwono.” Kuudokaikono.
19Toro kuudoka tovi aro kuudoganoporogano. “Gumi Junumiyago tool gadomuu domwallo?” Toro kuudoganopo tovi Jisasol kuudokaikono. “Kevu numino kuudo miyouronuma'mwakopo tovino tov moro Nyunumiyago kwolluno kuruv kuudo miyouroma'dupudorekikono. Kevu mino kuudo souronumaropujuko'mno'juki moro Nyunumiyago kwolluno kuruv kuudo nokwo souromaropujukorekikono.” Kuudokaikono.
20Jisasolluro yogalo kuudoka su ton Jeruusalemda'ai Gooti toollu ilomoropiyo'moneyokwe ago tovuro nuugwiyo bookis tovi wobo toru davo'no sodubwasokaikono. Toro yodubwasoduke kuvi kuruv gami nuuwimo'nyo'moneyokwe kuunodo toga yere mabai'mo'mduke tovino tov a'mwo su tooro wuulo yere magalaillajuporogano.
A'mwo abolo kuudo muubweyodupudo ton Jisasolluro plawono tomuu ku'nono mavlapino tovinokwono
21Toruda'ai Jisasol aki aiko te aro kuudokaikono. “Nuu novla'monyugono. Toro te kevu mino a'mgono supi kuvi kuruv kemi ma'no ma'nodo ton kuuno ikwo'dowo'jure toorekul nobolpinorekikono. Aki nuu avla'mi su tomuu kevno'gwowi ku'nono mavlapinorekikono.” Kuudokaikono. 22Su toro kuudoka toga Juu a'mwo abolo ton aro sajunopogano. “A'mwo su toolluro yogalo aro adumoka tov, “Moro avla'mi su tomuu kevu ku'nono mavlapinorekikono,” adumoka su tov buro'nyo kavlo tovino'mdukono? Gavnokwe tool romiyosunono'moldukono?” Sajunopogano. 23Toro yajunodopure toga Jisasol yogalo purukwe'aro kuudokaikono. “Kevu dolago tomuuda'aiyorekikono. Toro kuvi kuruv nuvno'gwowi muunyu kai'muudaiyonyugono. Aki kevu kwako akavida'aiyorekikono. Toro kuvi kuruv nuvno'gwowi kwako akavida'aiyonyumaiyo. 24Su toro tovino tov nuvu aro me'no aikudumonyugono. Kevu kemi ma'no ma'nodo ton kuuno ikwo'dowo'jure toorekul nobolpinorekikono. Neya duu'nyulo. Nuu aro ikudodumdonyugono. Krais tool nuu kwonyugono. Moro su toro ikudodumdo tovi kuudo manubwepi tov kemoro ma'no ma'nodo ton kuuno ikwo'dowo'jure tovida'ai nobolpinorekikono.” Kuudokaikono.
25Jisasol toro kuudoka tovi aro kuudoganoporogano. “Guu ala'mwekudeyo?” Kuudoganoporogano. Toro kuudoganopo toorai Jisasol kuudokaikono. “Yiuwi'nokai toga nuvnokwenyuno kuu'maiyo toru me'no ikudodumdonyugono. 26Nuvu kemi jainyubworo'mi yogalo bwotonyo nokwo amodaikurugolo'mujukonyugono. Toro kuvi kuruv nuu kemi jainyubwollo'moneyokwe womdo su tov yasuwa'no miyokwenyugono. Mi amonuwopiyaboka tool yiuno nebal'no yogalo to'no jokwekono. Toro toolluro yogalo nyudodowo'jure tovi wuu'nodumdo to'no kevu a'mwo abolo kwako akavi amwakopo togaikullu ikujokwenyugono.” Kuudokaikono.
27Toro kuudoka kuvi kuruv a'mwo abolo su ton aro kuudo miyouromallajupogano. Oo Jisasol gami Ganumiyago muunyu kai'muuda'ai toolluno donekudadopiyo. Kuudo miyouromallajupogano. 28Toro tonyu Jisasol aro kuudokaikono. “Kevu A'mwo Kwolaiyo Kuunodo toonyu i'noguropte tovi me'no sulomejukuranubwepi toga mino aro kuudo yanuupinonyugono. Oo su tool Krais tooldeyo. Aki toro tool gavnokweyolluro kuudo tovi muumjunodowodo kuvi kuruv yiuno gami Ganumiyago toolluro yodubwasodowo'jure tokwe to'no moruudodowodoldeyo. Kevu mino su toro kuudo nyouronumapinonyugono. 29Aki mi amonuwopiyaboka su tool manugollu'mo'mdowodekono. Toro tool nuuge kuuno mwalodowodekono. Su tov aro tovinokwono. Nuvu mi amonuwopiyaboka su toolluro ilaiyo winodowo'jure tonyuno to'no yiuwi'nokai toga yodumdonyugono.” Kuudokaikono. 30Jisasol toro wuujuno sumaiyokwe a'mwo abolo bwotonyago ton gamoro yogalo wuudoduke su tovi wuu'nyuno sumaveyokwe Jisasolluno kuudo kuubweyopogano.
Nebaikuuguudo tov kemi nobomollurolovekumokalokwono tovinokwono
31Toruda'ai Jisasol Juu a'mwo pworo gamino kuudo uubweyodopure toorai aro kuudokaikono. “Kevu moro yogalo yodekubwasodumdo tonyu avorugwo'mo'napi tov moro uumjunyokwe kuunodo imo'nupinorekikono. 32Aki toro toorekul nebaikuuguudo tovino kuudo nyouromapinorekikono. Nebaikuuguudo su tov kemi nobomollurolovekumokalokwonokwono.” Kuudokaikono. 33#Mt. 3:9; Lk. 3:8Toro kuudoka tovi aro kuudoporogano. “Guu su toro anekudumodo kuvi kuruv nevu Eburaiyamolluro jukweyago kwoloraiyonogano. Toro toonol iruko pullugwonodo kullugwoji kuruv a'mwo abolo punyuro ki'nato womdo ku'nono mwiyokwenogano. Toro tovino tov nemi bomollurolovonekumokalokwiyo'moneyokwe gumoro yogalo anekudumodo su tov supto mimwakuuwono.” Kuudoporogano.
34Toro kuudopo kuvi kuruv Jisasol aro kuudokaikono. “Nuu nebal'no kuunodo ikudumo'mokwono. Yiuwi'nokai a'mwo abolo ma'no ma'no amjumovlapi ton ma'no ma'no pasudo tovuro ki'nato womdokwe wimo'nodupudogano. 35A'mwo ki'nato womdokwe pwol gami jukwo toolluro ago tovi yiunokuudo maulomwallokwekono. Toro kuvi kuruv ago su tovi jukwo toolluro kwolaiyo kuunodo toolno'gwowi yiuwi'nokai toga gami ganumiyago toolluro ago tovi yiunokuudo mwallokwekono. 36Toro te nuu Gooti toolluro Kwolaiyo toonyu kemi amollurolovekwapimi tov kevu ki'nato womdo tomuuda'ai kwa'mgu tomuu yiunokuudo nobirolo'nugolokuupinorekikono.
37Nuu kuudo nyaikuu'mwakono. Kevu Eburaiyamolluro kwikweyago kwoloraiyorekikono. Toro kuvi kuruv kemida'ai pworekul mi romiyanubweyo'moneyokwe puuto tovino a'mgono sadokwoporekikono. Su tov aro tovinokwono. Kevu kemoro poowokalago ton kudo'aiko mausosodupudo tovino tov moro yogalo ton ku'nono maulaikwo'dowodorekikono. 38Nuvu mi Nyunumiyago tool nyuduuwallodowo'jure tonyuno to'no ikudodumdonyugono. Toro kuvi kuruv kevno'gwowi kemi tellunumiyago toolluro daikumul'mwojodowo'jure tovi uumjunodupudorekikono.” Kuudokaikono.
39Toro kuudoka tovi aro kuudoporogano. “Nemi nellunumiyago tool Eburaiyamekono.” Kuudoporogano. Toro kuudopo tovi Jisasol kuudokaikono. “Kevu Eburaiyamolluro kwikweyago kwoloraiyo kuunodorekulno'juki Eburaiyamolluro pasudo amolludeyajuko tovi kuumjunopujukorekikono. 40Toro kuvi kuruv nuvu Gooti toolluro nebal'no yogalo nyudoduke tokwe kemi me'no ikudodumdo tovino tov kevu noromiyanubweyo'mo puuto tovino a'mgono sadokwoporekikono. Awiyo, Eburaiyamol pasudo su toro to'busuko ton mamolludeyajukekono. 41Toro kuvi kuruv kevu kemi tellunumiyago kuunodo toolluro pasudo molludo'mdowodo tovino'gwowi uumjunodupudorekikono.” Kuudokaikono. Jisasol toro kuudoka tovi aro kuudoporogano. “Nemi nelluneyago ton kwonyalo yasuwa'no yodopure tovida'ai sanekuwosunoponolmaiyo. Toro kwonol kuruv nemi Nellunumiyago toolno'gwowi yiuno pwolnodokwenogano. Su tool Gooti gavnokwe tookono.” Kuudoporogano. 42Toro wuujuno sumaveyokwe toga Jisasol aro kuudokaikono. “Gooti tool kemi Tellunumiyago kuunodo ikullumo'nodowodorekulno'juki kevu mino kalo buuropino nokwo aikullunowo'jujukorekikono. Su tov aro tovinokwono. Nuvu Gooti toolluda'ai kemiyomno abonyugono. Aki nuu akawai abumwako tov nuvnokwenyuro kuudo tovida'aiyo'maiyo. Toro kuvi kuruv Gooti tool amonuwopiyaboka tovida'ai abumwakono.
43Kevu moro yogalo ikudodumdo tonyuro kavlo tovi kuudo miyouroma'mwakopo tov aro tovinokwono. Kevu moro yogalo ikudodumdo tonyu ilaiyo mamolloma'dupudo tovinokwono. 44Toro te kevu kemi tellunumiyago Satanyolluro kwoloraiyo kuunodo imo'nodupudorekikono. Aki gamoro kirovanyuvanyu pasudo molludo'mdowo'jure toorai kevu aval'no kiroungovlaiyo'moneyokwe tovino guurejuno ikullunodowodorekikono. Kemi tellunumiyago su tool muudu'nodo togada'ai a'mwo abolo tonyu romiyosokwe me'no sumo'nokaikono. Toro tool nebal'no yogalo tov nonagutekono. Toro toolluno tov nebal'no yogalo tovi anakuuto tomuu mauloda'mdowodekono. Aki toro tool kuunano soukuu'nado'ji toga gamoro pasudo su tovino yiuno kuu'maiyo toru'no wuuduuwallunodowodekono. Neya duu'nyulo. Satanyol kuunano youkuu'najokwe tookono. Aki kuunano youkuu'najo'moneyokwe pasudo tovi ganumiyago kuunodekono.
45Nuvno'gwowi nebal'no yogalo to'no ikudodumdonyugono. Toro ikudodo'mure kuvi kuruv kevu kuudo manubweyodupudorekikono. 46Nuvu ma'no ma'no pasudo miyodumdo toonyu kemida'ai pwolnodo kwol kuruv mi ku'nono mamojokuu'nanubweyonekono. Aki nuvu yiuno nebal'no yogalo to'no ikudodumdo toonyuno tov kevu kuudo me'no anubweyopujukorekikono. Toro kworekul kuruv ku'nono manubweyodupudorekikono. 47Neya duu'nyulo. Yiuwi'nokai Gooti toolluro kwoloraiyo kuunodo tobuuro Gooti toolluro yogalo tonyu kaduko wiyodupudogano. Toro kuvi kuruv kevno'gwowi Gooti toolluro kwoloraiyo mwimo'nodupudorekikono. Toro toorekulluno tov gamoro yogalo tonyu kaduko mwiyokwerekikono.” Kuudokaikono.
Eburaiyamol yere mimo'noduke kugada'ai Jisasol me'no amwallajuko tovinokwono
48Jisasol toro kuudoka tovi Juu tooro kuudoporogano. “Nevu gumino aro agudowonogano. Samariyada'ai a'mwo su tool kuullo ma'no ma'nodo tool kuulomwalodowodekono. Su toro agudowo tov kuvigono.” Kuudoporogano. 49Toro kuudopo toorai Jisasol kuudokaikono. “Kuullo ma'no ma'nodo pwol mi maulonumwallokwenyugono. Nuu mi Nyunumiyago toolluno yovo tovi ilomoropiyodamdonyugono. Toro kuvi kuruv kevno'gwowi mino yovo tovi bwolomorumwogapiyodapudorekikono. 50Nuvu nuvnokwe toonyuno yovo tovi ilomoropiyo'mo manyunodowodonyugono. Toro kuvi kuruv Gooti toolno'gwowi mino yovo tovi ilomonuwopiyo'moneyokwe winodowodekono. Gooti su tool kevuge'aro nuu kwonyuge'aro toonolluro yogalo tonyuno pi'mwono jainyubwollokwekono.
51Toro te nuu nebal'no kuunodo ikudumo'mokwono. A'mwo pwol moro yogalo tovi kuumjuno'ji su tool yiunokuudo mabolonekono.” Kuudokaikono. 52Toro kuudoka tovi Juu tooro Jisasollu aro kuudoporogano. “Aga toga gumino aro kuudo me'no saguu'mawekugono. Kuullo ma'no ma'nodo pwol gumi kuulogumwalodowodekugono. Saguu'mawekugono. Aki Eburaiyameke'aro proofet toorogai'aro tooro me'no abollajuporogano. Toro kuvi kuruv guvno'gwowi aro anekudumodekugono. “A'mwo pwol moro yogalo tovi kuumjuno'ji su tool yiunokuudo mabolonekono.” 53Guu buro'nyo kuudo jukiyau'mwakuno? Guu nemi nellukweyago Eburaiyamollu uuwolo'mdumdekudukono? Eburaiyameke'aro proofet toorogai'aro tooro me'no aboloporogano. Toro te guvnokwe tekwogujuno ala'mwonyudukoneyokwe tovino kuudo jukiyau'mwakuno?” Kuudoporogano.
54Toro kuudopo toorai Jisasol aro kuudokaikono. “Nuvnokwe toonyuno yovo tovi sulomoropiyami tov yiuno yasuwa'no to'no imo'nonokwono. Toro kuvi kuruv moro Nyunumiyago toolno'gwowi mino yovo tovi ilomoropiyodawodekono. Toro ilomoropiyodawodo su toolluno kevu dodupudorekikono. “Oo su tool nemi Gootekono.” Dodupudorekikono. 55Toro kuvi kuruv kevu su toolluno kuudo miyouroma'dupudorekikono. Nuvno'gwowi su toolluno kuudo me'no youroma'dumdonyugono. Toro te nuu aro aikudumi tov, “Oo nuu Gooti su toolluno kuudo miyau'mwakono,” su toro aikudumi tov nuvu kuunano yogalo youkuu'najokwe toorekulbusuko imo'numonyugono. Toro kuvi kuruv nuu Gooti su toolluno kuudo me'no youroma'dumdekono. Aki toro toollu uumjunodumdonyugono.
56Kemi tellukweyago Eburaiyamol nuu kwako akavi wolabumo toonyuno ilaiyo bwotonyo ibwosuno'no sogwollo ainyajukekono. Toro tool moro wolabodore tovi me'no amuugonaroka tovino ilaiyo sokaikono.” 57Jisasol toro kuudoka tovi Juu tooro aro kuudoporogano. “Guu kworomo 50-pela tobuullu muuwolo'mwakuno. Toro tookuji Eburaiyamol adadomgu'aro agwonokaldeyo?” Kuudoporogano. 58#Moll. 3:14Toro kuudopo toorai Jisasol aro kuudokaikono. “Nuu nebal'no kuunodo ikudumo'mokwono. Eburaiyamol yere mimo'noduke kugada'ai me'no amwallajuko tool nuu kwonyugono.” Kuudokaikono.
59Jisasol toro kuudoka toollu Juu tooro noromiyoso'moneyokwe sulo pworo aluvomaroporogano. Toro kuvi kuruv Jisasolno'gwowi a'mwo su toorai irukuruwoleyo'moneyokwe sumagwo'nokaikono. Toro imagwo'nyuno sumaiyokwe Jeruusalemda'ai Gooti toollu ilomoropiyo'moneyokwe ago tovuro agwapto tovi kwa'mgu tomuuno abolokwokaikono.
Currently Selected:
Joon 8: SMB
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida
Joon 8
8
1Jisasolno'gwowi Muumuudo Oolip toollomno avlavokaikono.
A'mwo pworo abolo kwonyalo yomollodowodo puvi Jisasollomno amokabopo tovinokwono
2Toruda'ai lomwo iru'mago toga Jisasol Jeruusalemda'ai Gooti toollu ilomoropiyo'moneyokwe ago tovuro agwapto tovino aiko te plavo'no aulai'movokaikono. Toro kuulai'mo'mduke toollu yiuwi'nokai a'mwo abolo ton bi'bwo'no'mno amomwodovomaropogano. Toro momwodovoma'no sumaveyokwe Jisasol wolomwalo'no a'mwo abolo su tonyu kuuguudo sodubwasokaikono. 3Toro yodubwasoduke toga loowo tovino pi'mwo kuudokwe toorogai'aro Farasi toorogai'aro tooro abolo puvi Jisasollomno amokaboporogano. Abolo su tov kwonyalo yomolloduke tovi so'mgonomaropokwono. Toro tovi mokabino sumaveyokwe kwolallo tonyuro akuuto toru aulomolludapiyopokwono.
4Toro kuulomolludapino sumaveyokwe Jisasollu aro kuudoporogano. “Ibwasokweyoloo, abolo akav kwonyalo yomolloduke tovi so'mgonoma'mawokwono. 5Abolo kwonyalo yomollodopure tonyuno Moosesolluro loowo tov aro danekullodowodokwono. Abolo kwonyalo yodopure tonyu so'mgonomapi tov sulo togai neya doluvoromiyosulo. Sakwollungikokwono. Toro te guvno'gwowi abolo akavino buro'nyovo dubinekudeyo?” Kuudoporogano. 6Su toro kuudopo tov Jisasol abwolorawoneyokweyo'mo yamju kwiyoganoporogano. Toro tooro aro kuudo sauroporogano. Oo a'mwo akalluro yogalo anekudo'ji tovi'aro gavnokwe toollu nevu kooti yogalo nokwo duuwiyanekono. Su toro kuudo sauropo kuvi kuruv Jisasolno'gwowi gami buulo tov lugulo'na'no sumaiyokwe gami pollo tokwe kwako tovi puukwollo sakwollokaikono.
7Kemoro yamuugojo kwiyopo su tovino Jisasol anekudoneyokwe wuudoganyuno wuudoganyuno soporogano. Toro te Jisasol iloda'mno sumaiyokwe aro kuudokaikono. “Yowa'nogano. A'mwo pweku ma'no ma'no pasudo nonagutonyudeyo adubi su tooku abolo akavi sulo tokwe muudu'no neya doluvaromiyono.” Kuudokaikono. 8Jisasol toro wuujuno sumaiyokwe aki aiko te buulo lugulo'naro'no gami pollo tokwe kwako tovi puukwollo sakwollokaikono. 9Jisasolluro yogalo kuudoka su tovi a'mwo loowo tovino pi'mwo kuudokwe toorogai'aro Farasi toorogai'aro tooro wuu'nyuno sumaveyokwe pwolda'ai pwolda'ai sounopiyoporogano. Muudu'no a'mwono mido mollomwalokwe tooroda'ai younopiyo'mno lukomgu yiuwi'nokai a'mwo gabovo pworogai'aro aval'no sounopiyoporogano. Toro younopino sumaveyokwe a'mwo kwolallo ton adaiyajupo su toru aiyowo'mo tov yiuno Jisaseke'aro abolo adaiyajuko tokwe'aro tovalno amwalolovakono.
10Toro te Jisasol aiko te iloda'mno sumaiyokwe abolo tovi aro kuudokaikono. “A'mwo gumi kooti yogalo dagujo'mo tooro gadomuu dovla'mavo? Gumi sulo togai luvoromiyagubweyo'moneyokwe a'mwo pwolnodo kwol kuruv nonagutomuudukono?” Kuudokaikono. 11Toro kuudoka tovi abolo tov kuudokakwono. “Agutoloo, a'mwo pwolnodo kwol kuruv nonagutomuugono.” Kuudokakwono. Toro wuujuno sumaiyokwe Jisasol kuudokaikono. “Nuu kwonyu kuruv gumi mairogumwallumonyugono. Toro te guu dovlavono. Yo'bi agada'ai ma'no ma'no pasudo tov aiko te mairoungovla'mwalbinono.” Kuudokaikono.
Jisasol kwako akavi mwalodupudo tonyu bako toolbusuko wimo'nodowodo tovinokwono
12 #
Mt. 5:14; Jn. 9:5 Toruda'ai Jisasol a'mwo abolo tonyu aiko te sodubwasoka toga aro kuudokaikono. “Nuu yiuwi'nokai a'mwo abolo kwako akavi mwalodupudo tonyu bako wimo'nodumdonyugono. A'mwo pwol numi anumjuno'ji su tool dugumdo tomuu miyomjomwekovla'mwalonekono. Toro kwol kuruv aiyo yiunokuudo mujomwekovlaiyo'moneyokwe bako to'gwowi kurukwe imo'nonekono.” Kuudokaikono. 13#Jn. 5:31-32Toro kuudoka tovi Farasi tooro Jisasollu aro kuudoporogano. “Gumoro adodoluwosunmwakudo su tov nebal'nodo'maiyo. Aro tovinokwono. Guvnokwe tookujuro mago tokwe adodoluwosunmwakuno. Toro tovino tov gumoro yogalo su tov nebal'nodo'maiyo.” Kuudoporogano. 14Toro kuudopo toorai Jisasol aro kuudokaikono. “Nuvnokwe toonyuno kuu'maiyo adodoluwosunmwako kuruv moro yogalo su ton yiuno nebal'nodogano. Neya duu'nyulo. Nuvu moro ago towai'no kuudo nyau'mwakono. Nuvu su towaida'ai wolabono aiko towai'no nyulamonyugono. Toro kuvi kuruv kevno'gwowi moro ago su towai'no kuudo miyau'mwakoporekikono. Nuu toro towaida'ai wolabono aikomgu nyulamo su towai'no kevu kuudo miyau'mwakoporekikono.
15Kevu kwako akavida'ai kuudo tokwe mi jainyubwo'dupudorekikono. Toro kuvi kuruv nuu judo toonyuno'gwowi a'mwo pwolnodo kwollu kuruv majainyubwollokwenyugono. 16Aki nuu a'mwo pwollu ajainyubwo'mi kuruv yiuno pi'mwono to'no jainyubwo'monyugono. Su tov aro tovinokwono. Nuvu judo toonyu ku'nono majainyubwo'monyugono. Toro kuvi kuruv mi Nyunumiyago amonuwopiyaboka su tool nuuge mwalodowolekono. Toro te nuu a'mwo pwollu ajainyubwo'mi tov mi Nyunumiyago amonuwopiyaboka su tooke'aro toonal jainyubworosunonakono.
17Kevnokwerekulluro loowo puruv aro sakwollungikokwono. A'mwo pworal buro'nyo buro'nyodeyo tonyuno kuudo aval'no woso'bullu kemoro yogalo tov yiuno kuu'maiyo toru'no adodoluwosubullu tov nebal'nodokwono. Kemoro loowo puruv su toro sakwollungikokwono. 18Toro te mi Nyunumiyago amonuwopiyaboka tooke'aro nuvnokwe toonyuge'aro yiuwi'nokai toonal mino kuu'maiyo toru'no dodoluwosodowolonakono. Toro te numino yogalo dodoluwosodowolo su tov yiuno nebal'nodokwono.” Kuudokaikono.
19Toro kuudoka tovi aro kuudoganoporogano. “Gumi Junumiyago tool gadomuu domwallo?” Toro kuudoganopo tovi Jisasol kuudokaikono. “Kevu numino kuudo miyouronuma'mwakopo tovino tov moro Nyunumiyago kwolluno kuruv kuudo miyouroma'dupudorekikono. Kevu mino kuudo souronumaropujuko'mno'juki moro Nyunumiyago kwolluno kuruv kuudo nokwo souromaropujukorekikono.” Kuudokaikono.
20Jisasolluro yogalo kuudoka su ton Jeruusalemda'ai Gooti toollu ilomoropiyo'moneyokwe ago tovuro nuugwiyo bookis tovi wobo toru davo'no sodubwasokaikono. Toro yodubwasoduke kuvi kuruv gami nuuwimo'nyo'moneyokwe kuunodo toga yere mabai'mo'mduke tovino tov a'mwo su tooro wuulo yere magalaillajuporogano.
A'mwo abolo kuudo muubweyodupudo ton Jisasolluro plawono tomuu ku'nono mavlapino tovinokwono
21Toruda'ai Jisasol aki aiko te aro kuudokaikono. “Nuu novla'monyugono. Toro te kevu mino a'mgono supi kuvi kuruv kemi ma'no ma'nodo ton kuuno ikwo'dowo'jure toorekul nobolpinorekikono. Aki nuu avla'mi su tomuu kevno'gwowi ku'nono mavlapinorekikono.” Kuudokaikono. 22Su toro kuudoka toga Juu a'mwo abolo ton aro sajunopogano. “A'mwo su toolluro yogalo aro adumoka tov, “Moro avla'mi su tomuu kevu ku'nono mavlapinorekikono,” adumoka su tov buro'nyo kavlo tovino'mdukono? Gavnokwe tool romiyosunono'moldukono?” Sajunopogano. 23Toro yajunodopure toga Jisasol yogalo purukwe'aro kuudokaikono. “Kevu dolago tomuuda'aiyorekikono. Toro kuvi kuruv nuvno'gwowi muunyu kai'muudaiyonyugono. Aki kevu kwako akavida'aiyorekikono. Toro kuvi kuruv nuvno'gwowi kwako akavida'aiyonyumaiyo. 24Su toro tovino tov nuvu aro me'no aikudumonyugono. Kevu kemi ma'no ma'nodo ton kuuno ikwo'dowo'jure toorekul nobolpinorekikono. Neya duu'nyulo. Nuu aro ikudodumdonyugono. Krais tool nuu kwonyugono. Moro su toro ikudodumdo tovi kuudo manubwepi tov kemoro ma'no ma'nodo ton kuuno ikwo'dowo'jure tovida'ai nobolpinorekikono.” Kuudokaikono.
25Jisasol toro kuudoka tovi aro kuudoganoporogano. “Guu ala'mwekudeyo?” Kuudoganoporogano. Toro kuudoganopo toorai Jisasol kuudokaikono. “Yiuwi'nokai toga nuvnokwenyuno kuu'maiyo toru me'no ikudodumdonyugono. 26Nuvu kemi jainyubworo'mi yogalo bwotonyo nokwo amodaikurugolo'mujukonyugono. Toro kuvi kuruv nuu kemi jainyubwollo'moneyokwe womdo su tov yasuwa'no miyokwenyugono. Mi amonuwopiyaboka tool yiuno nebal'no yogalo to'no jokwekono. Toro toolluro yogalo nyudodowo'jure tovi wuu'nodumdo to'no kevu a'mwo abolo kwako akavi amwakopo togaikullu ikujokwenyugono.” Kuudokaikono.
27Toro kuudoka kuvi kuruv a'mwo abolo su ton aro kuudo miyouromallajupogano. Oo Jisasol gami Ganumiyago muunyu kai'muuda'ai toolluno donekudadopiyo. Kuudo miyouromallajupogano. 28Toro tonyu Jisasol aro kuudokaikono. “Kevu A'mwo Kwolaiyo Kuunodo toonyu i'noguropte tovi me'no sulomejukuranubwepi toga mino aro kuudo yanuupinonyugono. Oo su tool Krais tooldeyo. Aki toro tool gavnokweyolluro kuudo tovi muumjunodowodo kuvi kuruv yiuno gami Ganumiyago toolluro yodubwasodowo'jure tokwe to'no moruudodowodoldeyo. Kevu mino su toro kuudo nyouronumapinonyugono. 29Aki mi amonuwopiyaboka su tool manugollu'mo'mdowodekono. Toro tool nuuge kuuno mwalodowodekono. Su tov aro tovinokwono. Nuvu mi amonuwopiyaboka su toolluro ilaiyo winodowo'jure tonyuno to'no yiuwi'nokai toga yodumdonyugono.” Kuudokaikono. 30Jisasol toro wuujuno sumaiyokwe a'mwo abolo bwotonyago ton gamoro yogalo wuudoduke su tovi wuu'nyuno sumaveyokwe Jisasolluno kuudo kuubweyopogano.
Nebaikuuguudo tov kemi nobomollurolovekumokalokwono tovinokwono
31Toruda'ai Jisasol Juu a'mwo pworo gamino kuudo uubweyodopure toorai aro kuudokaikono. “Kevu moro yogalo yodekubwasodumdo tonyu avorugwo'mo'napi tov moro uumjunyokwe kuunodo imo'nupinorekikono. 32Aki toro toorekul nebaikuuguudo tovino kuudo nyouromapinorekikono. Nebaikuuguudo su tov kemi nobomollurolovekumokalokwonokwono.” Kuudokaikono. 33#Mt. 3:9; Lk. 3:8Toro kuudoka tovi aro kuudoporogano. “Guu su toro anekudumodo kuvi kuruv nevu Eburaiyamolluro jukweyago kwoloraiyonogano. Toro toonol iruko pullugwonodo kullugwoji kuruv a'mwo abolo punyuro ki'nato womdo ku'nono mwiyokwenogano. Toro tovino tov nemi bomollurolovonekumokalokwiyo'moneyokwe gumoro yogalo anekudumodo su tov supto mimwakuuwono.” Kuudoporogano.
34Toro kuudopo kuvi kuruv Jisasol aro kuudokaikono. “Nuu nebal'no kuunodo ikudumo'mokwono. Yiuwi'nokai a'mwo abolo ma'no ma'no amjumovlapi ton ma'no ma'no pasudo tovuro ki'nato womdokwe wimo'nodupudogano. 35A'mwo ki'nato womdokwe pwol gami jukwo toolluro ago tovi yiunokuudo maulomwallokwekono. Toro kuvi kuruv ago su tovi jukwo toolluro kwolaiyo kuunodo toolno'gwowi yiuwi'nokai toga gami ganumiyago toolluro ago tovi yiunokuudo mwallokwekono. 36Toro te nuu Gooti toolluro Kwolaiyo toonyu kemi amollurolovekwapimi tov kevu ki'nato womdo tomuuda'ai kwa'mgu tomuu yiunokuudo nobirolo'nugolokuupinorekikono.
37Nuu kuudo nyaikuu'mwakono. Kevu Eburaiyamolluro kwikweyago kwoloraiyorekikono. Toro kuvi kuruv kemida'ai pworekul mi romiyanubweyo'moneyokwe puuto tovino a'mgono sadokwoporekikono. Su tov aro tovinokwono. Kevu kemoro poowokalago ton kudo'aiko mausosodupudo tovino tov moro yogalo ton ku'nono maulaikwo'dowodorekikono. 38Nuvu mi Nyunumiyago tool nyuduuwallodowo'jure tonyuno to'no ikudodumdonyugono. Toro kuvi kuruv kevno'gwowi kemi tellunumiyago toolluro daikumul'mwojodowo'jure tovi uumjunodupudorekikono.” Kuudokaikono.
39Toro kuudoka tovi aro kuudoporogano. “Nemi nellunumiyago tool Eburaiyamekono.” Kuudoporogano. Toro kuudopo tovi Jisasol kuudokaikono. “Kevu Eburaiyamolluro kwikweyago kwoloraiyo kuunodorekulno'juki Eburaiyamolluro pasudo amolludeyajuko tovi kuumjunopujukorekikono. 40Toro kuvi kuruv nuvu Gooti toolluro nebal'no yogalo nyudoduke tokwe kemi me'no ikudodumdo tovino tov kevu noromiyanubweyo'mo puuto tovino a'mgono sadokwoporekikono. Awiyo, Eburaiyamol pasudo su toro to'busuko ton mamolludeyajukekono. 41Toro kuvi kuruv kevu kemi tellunumiyago kuunodo toolluro pasudo molludo'mdowodo tovino'gwowi uumjunodupudorekikono.” Kuudokaikono. Jisasol toro kuudoka tovi aro kuudoporogano. “Nemi nelluneyago ton kwonyalo yasuwa'no yodopure tovida'ai sanekuwosunoponolmaiyo. Toro kwonol kuruv nemi Nellunumiyago toolno'gwowi yiuno pwolnodokwenogano. Su tool Gooti gavnokwe tookono.” Kuudoporogano. 42Toro wuujuno sumaveyokwe toga Jisasol aro kuudokaikono. “Gooti tool kemi Tellunumiyago kuunodo ikullumo'nodowodorekulno'juki kevu mino kalo buuropino nokwo aikullunowo'jujukorekikono. Su tov aro tovinokwono. Nuvu Gooti toolluda'ai kemiyomno abonyugono. Aki nuu akawai abumwako tov nuvnokwenyuro kuudo tovida'aiyo'maiyo. Toro kuvi kuruv Gooti tool amonuwopiyaboka tovida'ai abumwakono.
43Kevu moro yogalo ikudodumdo tonyuro kavlo tovi kuudo miyouroma'mwakopo tov aro tovinokwono. Kevu moro yogalo ikudodumdo tonyu ilaiyo mamolloma'dupudo tovinokwono. 44Toro te kevu kemi tellunumiyago Satanyolluro kwoloraiyo kuunodo imo'nodupudorekikono. Aki gamoro kirovanyuvanyu pasudo molludo'mdowo'jure toorai kevu aval'no kiroungovlaiyo'moneyokwe tovino guurejuno ikullunodowodorekikono. Kemi tellunumiyago su tool muudu'nodo togada'ai a'mwo abolo tonyu romiyosokwe me'no sumo'nokaikono. Toro tool nebal'no yogalo tov nonagutekono. Toro toolluno tov nebal'no yogalo tovi anakuuto tomuu mauloda'mdowodekono. Aki toro tool kuunano soukuu'nado'ji toga gamoro pasudo su tovino yiuno kuu'maiyo toru'no wuuduuwallunodowodekono. Neya duu'nyulo. Satanyol kuunano youkuu'najokwe tookono. Aki kuunano youkuu'najo'moneyokwe pasudo tovi ganumiyago kuunodekono.
45Nuvno'gwowi nebal'no yogalo to'no ikudodumdonyugono. Toro ikudodo'mure kuvi kuruv kevu kuudo manubweyodupudorekikono. 46Nuvu ma'no ma'no pasudo miyodumdo toonyu kemida'ai pwolnodo kwol kuruv mi ku'nono mamojokuu'nanubweyonekono. Aki nuvu yiuno nebal'no yogalo to'no ikudodumdo toonyuno tov kevu kuudo me'no anubweyopujukorekikono. Toro kworekul kuruv ku'nono manubweyodupudorekikono. 47Neya duu'nyulo. Yiuwi'nokai Gooti toolluro kwoloraiyo kuunodo tobuuro Gooti toolluro yogalo tonyu kaduko wiyodupudogano. Toro kuvi kuruv kevno'gwowi Gooti toolluro kwoloraiyo mwimo'nodupudorekikono. Toro toorekulluno tov gamoro yogalo tonyu kaduko mwiyokwerekikono.” Kuudokaikono.
Eburaiyamol yere mimo'noduke kugada'ai Jisasol me'no amwallajuko tovinokwono
48Jisasol toro kuudoka tovi Juu tooro kuudoporogano. “Nevu gumino aro agudowonogano. Samariyada'ai a'mwo su tool kuullo ma'no ma'nodo tool kuulomwalodowodekono. Su toro agudowo tov kuvigono.” Kuudoporogano. 49Toro kuudopo toorai Jisasol kuudokaikono. “Kuullo ma'no ma'nodo pwol mi maulonumwallokwenyugono. Nuu mi Nyunumiyago toolluno yovo tovi ilomoropiyodamdonyugono. Toro kuvi kuruv kevno'gwowi mino yovo tovi bwolomorumwogapiyodapudorekikono. 50Nuvu nuvnokwe toonyuno yovo tovi ilomoropiyo'mo manyunodowodonyugono. Toro kuvi kuruv Gooti toolno'gwowi mino yovo tovi ilomonuwopiyo'moneyokwe winodowodekono. Gooti su tool kevuge'aro nuu kwonyuge'aro toonolluro yogalo tonyuno pi'mwono jainyubwollokwekono.
51Toro te nuu nebal'no kuunodo ikudumo'mokwono. A'mwo pwol moro yogalo tovi kuumjuno'ji su tool yiunokuudo mabolonekono.” Kuudokaikono. 52Toro kuudoka tovi Juu tooro Jisasollu aro kuudoporogano. “Aga toga gumino aro kuudo me'no saguu'mawekugono. Kuullo ma'no ma'nodo pwol gumi kuulogumwalodowodekugono. Saguu'mawekugono. Aki Eburaiyameke'aro proofet toorogai'aro tooro me'no abollajuporogano. Toro kuvi kuruv guvno'gwowi aro anekudumodekugono. “A'mwo pwol moro yogalo tovi kuumjuno'ji su tool yiunokuudo mabolonekono.” 53Guu buro'nyo kuudo jukiyau'mwakuno? Guu nemi nellukweyago Eburaiyamollu uuwolo'mdumdekudukono? Eburaiyameke'aro proofet toorogai'aro tooro me'no aboloporogano. Toro te guvnokwe tekwogujuno ala'mwonyudukoneyokwe tovino kuudo jukiyau'mwakuno?” Kuudoporogano.
54Toro kuudopo toorai Jisasol aro kuudokaikono. “Nuvnokwe toonyuno yovo tovi sulomoropiyami tov yiuno yasuwa'no to'no imo'nonokwono. Toro kuvi kuruv moro Nyunumiyago toolno'gwowi mino yovo tovi ilomoropiyodawodekono. Toro ilomoropiyodawodo su toolluno kevu dodupudorekikono. “Oo su tool nemi Gootekono.” Dodupudorekikono. 55Toro kuvi kuruv kevu su toolluno kuudo miyouroma'dupudorekikono. Nuvno'gwowi su toolluno kuudo me'no youroma'dumdonyugono. Toro te nuu aro aikudumi tov, “Oo nuu Gooti su toolluno kuudo miyau'mwakono,” su toro aikudumi tov nuvu kuunano yogalo youkuu'najokwe toorekulbusuko imo'numonyugono. Toro kuvi kuruv nuu Gooti su toolluno kuudo me'no youroma'dumdekono. Aki toro toollu uumjunodumdonyugono.
56Kemi tellukweyago Eburaiyamol nuu kwako akavi wolabumo toonyuno ilaiyo bwotonyo ibwosuno'no sogwollo ainyajukekono. Toro tool moro wolabodore tovi me'no amuugonaroka tovino ilaiyo sokaikono.” 57Jisasol toro kuudoka tovi Juu tooro aro kuudoporogano. “Guu kworomo 50-pela tobuullu muuwolo'mwakuno. Toro tookuji Eburaiyamol adadomgu'aro agwonokaldeyo?” Kuudoporogano. 58#Moll. 3:14Toro kuudopo toorai Jisasol aro kuudokaikono. “Nuu nebal'no kuunodo ikudumo'mokwono. Eburaiyamol yere mimo'noduke kugada'ai me'no amwallajuko tool nuu kwonyugono.” Kuudokaikono.
59Jisasol toro kuudoka toollu Juu tooro noromiyoso'moneyokwe sulo pworo aluvomaroporogano. Toro kuvi kuruv Jisasolno'gwowi a'mwo su toorai irukuruwoleyo'moneyokwe sumagwo'nokaikono. Toro imagwo'nyuno sumaiyokwe Jeruusalemda'ai Gooti toollu ilomoropiyo'moneyokwe ago tovuro agwapto tovi kwa'mgu tomuuno abolokwokaikono.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida