Luuk 18
18
Abekanyo pubuuke'aro a'mwo kooti yogalo mollomwalo tooke'aro tovalluno yovekurajokwono
1Aki Jisasol yovekurajo puruv kuudokaikono. Yovekurajo su tov a'mwo abolo Jisasollu uumjunyokwe ton yiuwi'nokai toga Gooti toollu subusu'nyogalo neya wuudumovlavopi aki nyuu'dapimwalpiyokwe tovinokwono. 2Toro te yovekurajo tov aro adokaikono. “Wagwolago puruvi a'mwo kooti yogalo mollomwalokwe pwol amwallajukekono. A'mwo su tool Gooti toollu dolago tomuu mwallo'mo mwinyajukekono. Aki toro tool a'mwo abolo tonyu biyolo to'no kuu'mwojajukekono. 3Wagwolago su tovi abekanyo pubuul amwallajukokwono. Abekanyo su tobuul yiuwi'nokai toga a'mwo kooti yogalo mollomwalokwe su toollomno bodowo aro kuujajukokwono. “Oo a'mwo pwol numi kaiya'no yanyugolodowodo su toollu guu kooti yogalo idopto'nodo tokwe doduuwiyono.” Kuujajukokwono. 4Abekanyo tobuul toro wuudoduke kuvi kuruv a'mwo kooti yogalo mollomwalokwe su tool manyu toga yere mwiyo'mwojajukekono. Toro kwol kuruv lukomgu a'mwo su tool aro sajunokaikono. “Nuu Gooti toollu dolago tomuu mamwalodumdonyugono. Aki toro toonyu a'mwo abolo tonyuno biyolo to'no uu'mwojodumdonyugono. 5Toro kuvi kuruv abekanyo su tov yiuwi'nokai toga mi nyudoganyuno nyudoganyuno yodowo numjuku'dowodokwono. Toro te abolo su tov mi nonuumjuku'mwalo'jokwe tov gamoro kooti yogalo tovi kaduko wiyo'mi neya wiyo'mwojumonyugono.” Sajunokaikono.” Jisasol toro kuudokaikono.
6Aki Aguto Jisasol gami uumjunyokwe toorai aro kuudokaikono. “A'mwo kooti yogalo mollomwalokwe su tool idopto'nodolmaiyo. Toro tool abolo tobuulluno aro sajunokaikono. “Mi nonuumjuku'mwalo'jokwe neya wiyo'mwojumonyugono.” Sajunokaikono. Toro sajunoka su toolluno kevu me'no kuu'numaporekikono. 7Toro kuvi kuruv Gooti toolno'gwowi gami a'mwo abolo doma'dowodo tobuurai wonyapino to'no miyodowodekono. A'mwo abolo su tobuuro yiuwi'nokai iruko togake'aro surakuuto togake'aro toga Gooti toollu deko kuudoganugovlapi tovi Gooti su tool muu'nyubusuko to'no mimwalonekono. Toro kwol kuruv kuvinono nuuwiyo'mwojumwalonekono. Aki su toro nuuwiyo'mwojono tovino manyu toga sogwollo mainonekono. 8Nuu aro ikudumo'mokwono. Gooti tool gavnokweyolluro kooti yogalo idopto'nodo tovi'aro a'mwo abolo su toro tobuurai yere nuuwiyo'mwojonekono.
Aki nuu A'mwo Kwolaiyo Kuunodo toonyu kwako akavi aikomgu kwolami toga a'mwo abolo numino kuudo anubwepi tonyuno yo'mgonomollumonyugono. Toro so'mgonomollumi kuvi kuruv a'mwo abolo mino kuudo manubweyodupudo bwotonyago tonyuno to'no wonomollumonyugono.”
A'mwo takis nuugwiyo mallokwe tooke'aro Farasi tooke'aro tooral subusu'nyogalo adolo tovino yovekurajokwono
9A'mwo pworo aro kuudo yaullokweyorogano. Oo nevu yiuno sugudo to'nodonoldeyo, su toro kuudo yauropi aki yiuwi'nokai a'mwo abolo punyuno kuudo yau'dupudogano. Oo su ton nevubusuko sugudonmaiyo. Su toro kuudo yau'dupudo tooraino Jisasol yovekurajo akav kuudokaikono. 10“Farasi pweke'aro a'mwo takis nuugwiyo mallokwe pweke'aro tooral subusu'nyogalo wuujo'moneyokwe Jeruusalemda'ai Gooti toollu ilomoropiyo'moneyokwe ago tovino ilno sumaleyokwe aulomwalolorakono. 11Toro kuulomwalno sumaleyokwe toga Farasi judo tool ilodavo'no gami kuudo tovida'ai subusu'nyogalo aro adokaikono. “Gootoloo, nuvu a'mwo pworobusukonyumaiyo. Su toro tovino nenyoo agudumono. A'mwo pworo kuuko yodupudorogano. Pworo jokuuromato yodupudorogano. Pworo abolo pugai kwonyalo yodupudorogano. Toro yodupudo kuvi kuruv nuvno'gwowi a'mwo su toorobusukonyumaiyo. Aki toro toonyu a'mwo takis nuugwiyo mallokwe aka kwolbusukonyumaiyo. 12Aki nuvu yiuwi'nokai wik tovida'ai iruko pullal tollallu wosamujuko tonyuno kumako mwalodumdonyugono. Aki moro yiuwi'nokai noonyumwonyu ma'dumdo ton atousal mollu'bworosodumdo tovida'ai puruv gumi gujabodumdonyugono.” Kuudokaikono. 13Toro kuudoka kuvi kuruv a'mwo takis nuugwiyo mallokwe tekwono'gwowi manyu toruda'ai davo'no muunyu kai'muuno kuruv miloonyopiyokaikono. Toro tekwo gami kupolmdo tovi iwago romi'nyuno sumaiyokwe aro kuudokaikono. “Gootoloo, nuvu ma'no ma'no kuumwiyo tekwonyuno tov kaiyako nyanyugolbiyokwe kalo neya agujunono.” Kuudokaikono.”
14 #
Mt. 23:12; Lk. 14:11 Jisasol yovekurajo su tov wuujuno sumaiyokwe kuudokaikono. “Nuvu aro ikudumo'mokwono. A'mwo takis nuugwiyo mallokwe su tekwo gami ago tovino aikomgu avlavoka toga Gooti toolluro sumdo tovi sugudo me'no kwimo'nokaikono. Toro kuvi kuruv Farasi su toolno'gwowi Gooti toolluro sumdo tovi sugudo mwimo'nokaikono. Su tov aro tovinokwono. Yiuwi'nokai a'mwo tooro kevnokwero sulomoropinapi su toorai Gooti tool nomorumwogapiyonorogano. Aki yiuwi'nokai a'mwo tooro kevnokwero kwako tomuu'aro sunpi su tooraino'gwowi Gooti tool nyulomoropiyawonorogano.”
Jisasol kwoloraiyo bodopure tonyu ilaiyo amollomaroka tovinokwono
(Matyuu 19:13-15; Mak 10:13-16)
15Toruda'ai a'mwo abolo pun kemi kwoloraiyo muudoga kworai kuruv Jisasol ato uubogai'noneyokwe amokabopogano. Toro mokabodopure tonyu Jisasolluro uumjunyokwe tooro wono'mno yogalo amojurugoloporogano. 16Toro mojurugolodopure kuvi kuruv Jisasol kwoloraiyo su tobuurai gamiyomno doma'no sumaiyokwe gamoro uumjunyokwe toorai aro kuudokaikono. “Kwolaiyo taiyo ton numiyomno bodopure tonyu kevu uumjukuto mipinono. Nokwo wonyapino julo. Su tov aro tovinokwono. A'mwo abolo ton yiuno kwoloraiyo akanbusuko sumo'nupi tono aguto kig Gooti toolluro mido mollomwalo tovi dolago tomuu nokwo kuulomwalpinogano. Su toro tovinokwono. 17Toro te nuvu nebal'no ikudumo'mokwono. Kwoloraiyo ton aguto kig Gooti toolluro mido mollomwalo tovi ilaiyo yere molloma'dupudogano. Toro tonbusuko kubalno a'mwo abolo ton aguto kig Gooti toolluro mido mollomwalo tovi ilaiyo aval'no neya amollomapuro. Toro kuvi kuruv a'mwo pwol kwoloraiyo su tonbusuko ilaiyo kuvinono mamollomaro'ji to'gwowi aguto kig Gooti toolluro mido mollomwalo su tovi ku'nono maulomwalonekono.” Kuudokaikono.
A'mwo kuto ivito bwotonyagokwe pwol Jisaseke kuuguudo adolo tovinokwono
(Matyuu 19:16-30; Mak 10:17-31)
18Toruda'ai a'mwo mido mollomwalokwe pwol Jisasollu aro abuudoganokaikono. “Ibwasokwe sugudoloo, nuu aiyo yiunokuudo mujomwekovlaiyo'moneyokwe tov burowo'nyo sugupasudo sumi tovida'ai ma'monyudeyo?” Kuudoganokaikono. 19Toro kuudoganoka toollu Jisasol kuudokaikono. “Guvu mino, Sugudoloo, buro'nyo'mo donyudadokuuno? Sugudo tool yiuno Gooti toolnodokwono.” 20#Moll. 20:14; Moll. 20:13; Moll. 20:15; Moll. 20:16; Moll. 20:12Toro wuujuno sumaiyokwe aki aro kuudokaikono. “Guu Moosesolluro loowo tovino kuudo nyau'mwakuno. A'mwo pworavuro abolo tonyu kwonyalo mibinono. Aki romiyosi mibinono. Aki kuuko mibinono. Aki a'mwo pworaino kuunano mamollouruudubinono. Aki gumi junumiyago juneyago tovallu kwako tomuu'aro duuwiyogawono.” Kuudokaikono. 21Toro wuujuno sumaiyokwe a'mwo tool aro kuudokaikono. “Nuu kula'nyo togada'ai yiuwi'nokai su tonyu kuvinono uumjungelabodumdonyugono.” Kuudokaikono.
22Toro kuudoka toollu Jisasol wonyuno sumaiyokwe aro kuudokaikono. “Guu puvino supto kuuno sadokuuno. Mi neya donumjunono. Guu mi nonumjunyo'mo tooku aro ibinekugono. Gumoro yiuwi'nokai kuto ivito ton maket tovi neya doosono. Toro woso'bi nuugwiyo agubipi tov a'mwo apoo'nyaiyo tekwojai neya duumwodeyono. Toro uumwodeyogala'bi toga mi neya donumjunogawono. Toro tooku lukomgu Gooti toolluro ago toru sulomwalbi toga sugumaluko kuunodo pun noma'binekugono.” Kuudokaikono. 23Toro kuudoka kuvi kuruv a'mwo su tool kuto ivito bwotonyagokwe toolluno tov yogalo su tovi wuu'nyuno sumaiyokwe kumjujo kulako moropiyo'no Jisasollu kuugollu'movokaikono.
24Toro te Jisasol a'mwo su toollu sumdo wonyuno sumaiyokwe kalo wino'no gami uumjunyokwe toorai aro kuudokaikono. “Aguto kig Gooti toolluro mido mollomwalo tovi dolago tomuu a'mwo kuto ivito bwotonyagokwe tekwojo kuulomwallo'mo tov kaveno mwimo'nonekwojogano. 25Aro to'busukokwono. Sa'ai kemel pwol lodo tovi wuulo kuulopiyodapudo nodobuullo tovi'aro kuullo'mo tov kavenodo'maiyo. Su toro to'busuko kubalno a'mwo kuto ivito bwotonyagokwe tekwo aguto kig Gooti toolluro mido mollomwallo tovi kuullo'moneyokwe to'gwowi kaveno mwimo'nonekwogano.” Kuudokaikono.
26Toro kuudoka tovi gamoro uumjunyokwe tooro wuu'nyuno sumaveyokwe kuudoganoporogano. “Guu su toro anekudumado tov aiyo yiunokuudo mujomwekovlaiyo'moneyokwe tovi ala'mworuvo nokwo mapino'mdukono?” Kuudoganoporogano. 27Toro kuudoganopo kuvi kuruv Jisasol aro kuudokaikono. “A'mwo tooro su tovi yo'mo tov ku'nono mipinokwono. Toro kuvi kuruv Gooti toolno'gwowi su toro tonyu yo'mo tov nokwo'mekono.” Kuudokaikono.
28Toro wuudoduke toga Pital kuudokaikono. “Dukonekwonadokuuno? Nevu nemoro ago tonyu yogallu'movowono gumi gumjunodowadonogano.” Kuudokaikono. 29Toro kuudoka tovi Jisasol aro kuudokaikono. “Nuu nebal'no ikudumo'mokwono. Yiuwi'nokai a'mwo tooro aguto kig Gooti toolluro mido mollomwalo tovino'mo kemi agodeyo abolodeyo kuugwai'yagorodeyo kuunum kwolabolodeyo oo kwoloraiyodeyo tonyu kuugollu'mopi tov 30a'mwo su tooro kwako akavi kuuno mwalopi toga yiuwi'nokai kuugollu'mopi ton aiko toru'no nomapinorogano. Aki Gooti tool muunyu toru'aro nuuwiyonekono. Aki lukomgu kuga kuruv aiyo yiunokuudo mujomwekovlaiyo'moneyokwe tovi maropi yiunokuudo mujomwekovla'mwalpinorogano.” Kuudokaikono.
Jisasol gamoro nobollo'mo tokwe'aro nodukaiyo'mo tokwe'aro tovalluno aiko te kuudoka tovinokwono
(Matyuu 20:17-19; Mak 10:32-34)
31Toruda'ai Jisasol gami 12-pela uumjunyokwe toorai judo tomuu magulkuu'no sumaiyokwe gavnokweyollu wimo'nyo'mo tonyuno aro kuudokaikono. “Duu'nyulo. Nevu Jeruusalem'no avla'mwakuuwono. Jeruusalem toru me'no ai'mowa'ji toga nuu A'mwo Kwolaiyo Kuunodo toonyuno yiuwi'nokai proofet tooravuro puukwollo ajakwollajupo ton kuvinono nonyumo'nupinogano. 32A'mwo pwol mi galonumworarowo'ji a'mwo Juu tooravuro miyawosunodupudo toorai manubweyononyugono. Toro toonyu burekakwo mollonuvakuropi wogulo donuwo'galpinonyugono. Aki ibupto nupupinonyugono. 33Aki wuulo tokwe galogunyukuuronumollopi noromiyollusanubwepinonyugono. Toro aromiyollusanbwepi kuvi kuruv iruko pullapullu nuwolo'nowo'ji toga aiyo aiko te noduka'monyugono.” Kuudokaikono. 34Jisasol gami uumjunyokwe toorai su toro wuudoduke kuvi kuruv gamoro yiuwi'nokai yogalo su tonyuno kavlo tov kuudo miyouromaroporogano. Gamoro yogalo kuudoka su tovino kavlo tov yiulo kupuu'na'duke tovino tov kuudo ku'nono miyouromallajuporogano.
Jisasol a'mwo sumnowojokwe pwollu sukuloka tovinokwono
(Matyuu 20:29-34; Mak 10:46-52)
35Toruda'ai Jisaseke'aro gamoro uumjunyokwe toorogai'aro tooro wagwolago Jerikoo tovi wobo toru ai'movopo toga a'mwo abolo kwolallo bwotonyago ton kuumjunopogano. Toro uumjunodopure toga a'mwo sumnowojokwe pwol puuto tovi wobo toru mwalodowo domdo ajugonyajukekono. 36Toro tool Jisasol nuuwolo'mduke toolluno a'mwo wobo toru adaiyajupo pworai kuudoganokaikono. “Buro'nyo jukimo'nadopiyo?” 37Toro kuudoganoka toollu aro kuudoporogano. “Nasaretda'ai Jisasol anekuuwolo'mwallo.” Kuudoporogano. 38Toro kuudopo tovi a'mwo sumnowojokwe su tool wuu'nyuno sumaiyokwe deko aro kuudokaikono. “Devitolluro jukweyago kwolaiyo Jisasoloo, mino kalo neya agujunono!” Kuudokaikono. 39Deko toro wuudoduke toga a'mwo pworo a'mwo sumnowojokwe su toolluro sumdollu toru adavoporogano. Toro tooro deko muudo'jokwe aduullukuroporogano. Toro duulluku'dopure kwol kuruv guureji wuujuno wuujuno sokaikono. “Devitolluro kwolaiyoloo, mino kalo agujunono!”
40Deko toro doduke toollu Jisasol wuu'no'no kuru kuuloda'mno sumaiyokwe a'mwo toorai kuudokaikono. “A'mwo su toollu domodopiyabilo.” Toro te a'mwo su tool wobo toru boduke toga Jisasol aro kuudoganokaikono. 41“Nuu gumi buro'nyo gujumo'mo dogujunadopiyo?” Toro kuudoganoka tovi a'mwo su tool kuudokaikono. “Agutoloo, nuu sumdo kinyo'mo anyunadopiyo.” Kuudokaikono. 42Toro kuudoka toollu Jisasol kuudokaikono. “Guu kuudo anubwemwakudo tovino tov agujukulmono.” 43Toro kuudoka kuga'gwo kuuno a'mwo sumnowojokwe su tool sumdo kino'no puuto tovi Jisasollu kuumjunokaikono. Toro uumjunyuno sumaiyokwe Gooti toollu sulomodomoropimovlavokaikono. Aki yiuwi'nokai a'mwo abolo ton a'mwo su toollu wonyuno sumaveyokwe toga Gooti toollu sulomodomoropiyapogano.
Currently Selected:
Luuk 18: SMB
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida
Luuk 18
18
Abekanyo pubuuke'aro a'mwo kooti yogalo mollomwalo tooke'aro tovalluno yovekurajokwono
1Aki Jisasol yovekurajo puruv kuudokaikono. Yovekurajo su tov a'mwo abolo Jisasollu uumjunyokwe ton yiuwi'nokai toga Gooti toollu subusu'nyogalo neya wuudumovlavopi aki nyuu'dapimwalpiyokwe tovinokwono. 2Toro te yovekurajo tov aro adokaikono. “Wagwolago puruvi a'mwo kooti yogalo mollomwalokwe pwol amwallajukekono. A'mwo su tool Gooti toollu dolago tomuu mwallo'mo mwinyajukekono. Aki toro tool a'mwo abolo tonyu biyolo to'no kuu'mwojajukekono. 3Wagwolago su tovi abekanyo pubuul amwallajukokwono. Abekanyo su tobuul yiuwi'nokai toga a'mwo kooti yogalo mollomwalokwe su toollomno bodowo aro kuujajukokwono. “Oo a'mwo pwol numi kaiya'no yanyugolodowodo su toollu guu kooti yogalo idopto'nodo tokwe doduuwiyono.” Kuujajukokwono. 4Abekanyo tobuul toro wuudoduke kuvi kuruv a'mwo kooti yogalo mollomwalokwe su tool manyu toga yere mwiyo'mwojajukekono. Toro kwol kuruv lukomgu a'mwo su tool aro sajunokaikono. “Nuu Gooti toollu dolago tomuu mamwalodumdonyugono. Aki toro toonyu a'mwo abolo tonyuno biyolo to'no uu'mwojodumdonyugono. 5Toro kuvi kuruv abekanyo su tov yiuwi'nokai toga mi nyudoganyuno nyudoganyuno yodowo numjuku'dowodokwono. Toro te abolo su tov mi nonuumjuku'mwalo'jokwe tov gamoro kooti yogalo tovi kaduko wiyo'mi neya wiyo'mwojumonyugono.” Sajunokaikono.” Jisasol toro kuudokaikono.
6Aki Aguto Jisasol gami uumjunyokwe toorai aro kuudokaikono. “A'mwo kooti yogalo mollomwalokwe su tool idopto'nodolmaiyo. Toro tool abolo tobuulluno aro sajunokaikono. “Mi nonuumjuku'mwalo'jokwe neya wiyo'mwojumonyugono.” Sajunokaikono. Toro sajunoka su toolluno kevu me'no kuu'numaporekikono. 7Toro kuvi kuruv Gooti toolno'gwowi gami a'mwo abolo doma'dowodo tobuurai wonyapino to'no miyodowodekono. A'mwo abolo su tobuuro yiuwi'nokai iruko togake'aro surakuuto togake'aro toga Gooti toollu deko kuudoganugovlapi tovi Gooti su tool muu'nyubusuko to'no mimwalonekono. Toro kwol kuruv kuvinono nuuwiyo'mwojumwalonekono. Aki su toro nuuwiyo'mwojono tovino manyu toga sogwollo mainonekono. 8Nuu aro ikudumo'mokwono. Gooti tool gavnokweyolluro kooti yogalo idopto'nodo tovi'aro a'mwo abolo su toro tobuurai yere nuuwiyo'mwojonekono.
Aki nuu A'mwo Kwolaiyo Kuunodo toonyu kwako akavi aikomgu kwolami toga a'mwo abolo numino kuudo anubwepi tonyuno yo'mgonomollumonyugono. Toro so'mgonomollumi kuvi kuruv a'mwo abolo mino kuudo manubweyodupudo bwotonyago tonyuno to'no wonomollumonyugono.”
A'mwo takis nuugwiyo mallokwe tooke'aro Farasi tooke'aro tooral subusu'nyogalo adolo tovino yovekurajokwono
9A'mwo pworo aro kuudo yaullokweyorogano. Oo nevu yiuno sugudo to'nodonoldeyo, su toro kuudo yauropi aki yiuwi'nokai a'mwo abolo punyuno kuudo yau'dupudogano. Oo su ton nevubusuko sugudonmaiyo. Su toro kuudo yau'dupudo tooraino Jisasol yovekurajo akav kuudokaikono. 10“Farasi pweke'aro a'mwo takis nuugwiyo mallokwe pweke'aro tooral subusu'nyogalo wuujo'moneyokwe Jeruusalemda'ai Gooti toollu ilomoropiyo'moneyokwe ago tovino ilno sumaleyokwe aulomwalolorakono. 11Toro kuulomwalno sumaleyokwe toga Farasi judo tool ilodavo'no gami kuudo tovida'ai subusu'nyogalo aro adokaikono. “Gootoloo, nuvu a'mwo pworobusukonyumaiyo. Su toro tovino nenyoo agudumono. A'mwo pworo kuuko yodupudorogano. Pworo jokuuromato yodupudorogano. Pworo abolo pugai kwonyalo yodupudorogano. Toro yodupudo kuvi kuruv nuvno'gwowi a'mwo su toorobusukonyumaiyo. Aki toro toonyu a'mwo takis nuugwiyo mallokwe aka kwolbusukonyumaiyo. 12Aki nuvu yiuwi'nokai wik tovida'ai iruko pullal tollallu wosamujuko tonyuno kumako mwalodumdonyugono. Aki moro yiuwi'nokai noonyumwonyu ma'dumdo ton atousal mollu'bworosodumdo tovida'ai puruv gumi gujabodumdonyugono.” Kuudokaikono. 13Toro kuudoka kuvi kuruv a'mwo takis nuugwiyo mallokwe tekwono'gwowi manyu toruda'ai davo'no muunyu kai'muuno kuruv miloonyopiyokaikono. Toro tekwo gami kupolmdo tovi iwago romi'nyuno sumaiyokwe aro kuudokaikono. “Gootoloo, nuvu ma'no ma'no kuumwiyo tekwonyuno tov kaiyako nyanyugolbiyokwe kalo neya agujunono.” Kuudokaikono.”
14 #
Mt. 23:12; Lk. 14:11 Jisasol yovekurajo su tov wuujuno sumaiyokwe kuudokaikono. “Nuvu aro ikudumo'mokwono. A'mwo takis nuugwiyo mallokwe su tekwo gami ago tovino aikomgu avlavoka toga Gooti toolluro sumdo tovi sugudo me'no kwimo'nokaikono. Toro kuvi kuruv Farasi su toolno'gwowi Gooti toolluro sumdo tovi sugudo mwimo'nokaikono. Su tov aro tovinokwono. Yiuwi'nokai a'mwo tooro kevnokwero sulomoropinapi su toorai Gooti tool nomorumwogapiyonorogano. Aki yiuwi'nokai a'mwo tooro kevnokwero kwako tomuu'aro sunpi su tooraino'gwowi Gooti tool nyulomoropiyawonorogano.”
Jisasol kwoloraiyo bodopure tonyu ilaiyo amollomaroka tovinokwono
(Matyuu 19:13-15; Mak 10:13-16)
15Toruda'ai a'mwo abolo pun kemi kwoloraiyo muudoga kworai kuruv Jisasol ato uubogai'noneyokwe amokabopogano. Toro mokabodopure tonyu Jisasolluro uumjunyokwe tooro wono'mno yogalo amojurugoloporogano. 16Toro mojurugolodopure kuvi kuruv Jisasol kwoloraiyo su tobuurai gamiyomno doma'no sumaiyokwe gamoro uumjunyokwe toorai aro kuudokaikono. “Kwolaiyo taiyo ton numiyomno bodopure tonyu kevu uumjukuto mipinono. Nokwo wonyapino julo. Su tov aro tovinokwono. A'mwo abolo ton yiuno kwoloraiyo akanbusuko sumo'nupi tono aguto kig Gooti toolluro mido mollomwalo tovi dolago tomuu nokwo kuulomwalpinogano. Su toro tovinokwono. 17Toro te nuvu nebal'no ikudumo'mokwono. Kwoloraiyo ton aguto kig Gooti toolluro mido mollomwalo tovi ilaiyo yere molloma'dupudogano. Toro tonbusuko kubalno a'mwo abolo ton aguto kig Gooti toolluro mido mollomwalo tovi ilaiyo aval'no neya amollomapuro. Toro kuvi kuruv a'mwo pwol kwoloraiyo su tonbusuko ilaiyo kuvinono mamollomaro'ji to'gwowi aguto kig Gooti toolluro mido mollomwalo su tovi ku'nono maulomwalonekono.” Kuudokaikono.
A'mwo kuto ivito bwotonyagokwe pwol Jisaseke kuuguudo adolo tovinokwono
(Matyuu 19:16-30; Mak 10:17-31)
18Toruda'ai a'mwo mido mollomwalokwe pwol Jisasollu aro abuudoganokaikono. “Ibwasokwe sugudoloo, nuu aiyo yiunokuudo mujomwekovlaiyo'moneyokwe tov burowo'nyo sugupasudo sumi tovida'ai ma'monyudeyo?” Kuudoganokaikono. 19Toro kuudoganoka toollu Jisasol kuudokaikono. “Guvu mino, Sugudoloo, buro'nyo'mo donyudadokuuno? Sugudo tool yiuno Gooti toolnodokwono.” 20#Moll. 20:14; Moll. 20:13; Moll. 20:15; Moll. 20:16; Moll. 20:12Toro wuujuno sumaiyokwe aki aro kuudokaikono. “Guu Moosesolluro loowo tovino kuudo nyau'mwakuno. A'mwo pworavuro abolo tonyu kwonyalo mibinono. Aki romiyosi mibinono. Aki kuuko mibinono. Aki a'mwo pworaino kuunano mamollouruudubinono. Aki gumi junumiyago juneyago tovallu kwako tomuu'aro duuwiyogawono.” Kuudokaikono. 21Toro wuujuno sumaiyokwe a'mwo tool aro kuudokaikono. “Nuu kula'nyo togada'ai yiuwi'nokai su tonyu kuvinono uumjungelabodumdonyugono.” Kuudokaikono.
22Toro kuudoka toollu Jisasol wonyuno sumaiyokwe aro kuudokaikono. “Guu puvino supto kuuno sadokuuno. Mi neya donumjunono. Guu mi nonumjunyo'mo tooku aro ibinekugono. Gumoro yiuwi'nokai kuto ivito ton maket tovi neya doosono. Toro woso'bi nuugwiyo agubipi tov a'mwo apoo'nyaiyo tekwojai neya duumwodeyono. Toro uumwodeyogala'bi toga mi neya donumjunogawono. Toro tooku lukomgu Gooti toolluro ago toru sulomwalbi toga sugumaluko kuunodo pun noma'binekugono.” Kuudokaikono. 23Toro kuudoka kuvi kuruv a'mwo su tool kuto ivito bwotonyagokwe toolluno tov yogalo su tovi wuu'nyuno sumaiyokwe kumjujo kulako moropiyo'no Jisasollu kuugollu'movokaikono.
24Toro te Jisasol a'mwo su toollu sumdo wonyuno sumaiyokwe kalo wino'no gami uumjunyokwe toorai aro kuudokaikono. “Aguto kig Gooti toolluro mido mollomwalo tovi dolago tomuu a'mwo kuto ivito bwotonyagokwe tekwojo kuulomwallo'mo tov kaveno mwimo'nonekwojogano. 25Aro to'busukokwono. Sa'ai kemel pwol lodo tovi wuulo kuulopiyodapudo nodobuullo tovi'aro kuullo'mo tov kavenodo'maiyo. Su toro to'busuko kubalno a'mwo kuto ivito bwotonyagokwe tekwo aguto kig Gooti toolluro mido mollomwallo tovi kuullo'moneyokwe to'gwowi kaveno mwimo'nonekwogano.” Kuudokaikono.
26Toro kuudoka tovi gamoro uumjunyokwe tooro wuu'nyuno sumaveyokwe kuudoganoporogano. “Guu su toro anekudumado tov aiyo yiunokuudo mujomwekovlaiyo'moneyokwe tovi ala'mworuvo nokwo mapino'mdukono?” Kuudoganoporogano. 27Toro kuudoganopo kuvi kuruv Jisasol aro kuudokaikono. “A'mwo tooro su tovi yo'mo tov ku'nono mipinokwono. Toro kuvi kuruv Gooti toolno'gwowi su toro tonyu yo'mo tov nokwo'mekono.” Kuudokaikono.
28Toro wuudoduke toga Pital kuudokaikono. “Dukonekwonadokuuno? Nevu nemoro ago tonyu yogallu'movowono gumi gumjunodowadonogano.” Kuudokaikono. 29Toro kuudoka tovi Jisasol aro kuudokaikono. “Nuu nebal'no ikudumo'mokwono. Yiuwi'nokai a'mwo tooro aguto kig Gooti toolluro mido mollomwalo tovino'mo kemi agodeyo abolodeyo kuugwai'yagorodeyo kuunum kwolabolodeyo oo kwoloraiyodeyo tonyu kuugollu'mopi tov 30a'mwo su tooro kwako akavi kuuno mwalopi toga yiuwi'nokai kuugollu'mopi ton aiko toru'no nomapinorogano. Aki Gooti tool muunyu toru'aro nuuwiyonekono. Aki lukomgu kuga kuruv aiyo yiunokuudo mujomwekovlaiyo'moneyokwe tovi maropi yiunokuudo mujomwekovla'mwalpinorogano.” Kuudokaikono.
Jisasol gamoro nobollo'mo tokwe'aro nodukaiyo'mo tokwe'aro tovalluno aiko te kuudoka tovinokwono
(Matyuu 20:17-19; Mak 10:32-34)
31Toruda'ai Jisasol gami 12-pela uumjunyokwe toorai judo tomuu magulkuu'no sumaiyokwe gavnokweyollu wimo'nyo'mo tonyuno aro kuudokaikono. “Duu'nyulo. Nevu Jeruusalem'no avla'mwakuuwono. Jeruusalem toru me'no ai'mowa'ji toga nuu A'mwo Kwolaiyo Kuunodo toonyuno yiuwi'nokai proofet tooravuro puukwollo ajakwollajupo ton kuvinono nonyumo'nupinogano. 32A'mwo pwol mi galonumworarowo'ji a'mwo Juu tooravuro miyawosunodupudo toorai manubweyononyugono. Toro toonyu burekakwo mollonuvakuropi wogulo donuwo'galpinonyugono. Aki ibupto nupupinonyugono. 33Aki wuulo tokwe galogunyukuuronumollopi noromiyollusanubwepinonyugono. Toro aromiyollusanbwepi kuvi kuruv iruko pullapullu nuwolo'nowo'ji toga aiyo aiko te noduka'monyugono.” Kuudokaikono. 34Jisasol gami uumjunyokwe toorai su toro wuudoduke kuvi kuruv gamoro yiuwi'nokai yogalo su tonyuno kavlo tov kuudo miyouromaroporogano. Gamoro yogalo kuudoka su tovino kavlo tov yiulo kupuu'na'duke tovino tov kuudo ku'nono miyouromallajuporogano.
Jisasol a'mwo sumnowojokwe pwollu sukuloka tovinokwono
(Matyuu 20:29-34; Mak 10:46-52)
35Toruda'ai Jisaseke'aro gamoro uumjunyokwe toorogai'aro tooro wagwolago Jerikoo tovi wobo toru ai'movopo toga a'mwo abolo kwolallo bwotonyago ton kuumjunopogano. Toro uumjunodopure toga a'mwo sumnowojokwe pwol puuto tovi wobo toru mwalodowo domdo ajugonyajukekono. 36Toro tool Jisasol nuuwolo'mduke toolluno a'mwo wobo toru adaiyajupo pworai kuudoganokaikono. “Buro'nyo jukimo'nadopiyo?” 37Toro kuudoganoka toollu aro kuudoporogano. “Nasaretda'ai Jisasol anekuuwolo'mwallo.” Kuudoporogano. 38Toro kuudopo tovi a'mwo sumnowojokwe su tool wuu'nyuno sumaiyokwe deko aro kuudokaikono. “Devitolluro jukweyago kwolaiyo Jisasoloo, mino kalo neya agujunono!” Kuudokaikono. 39Deko toro wuudoduke toga a'mwo pworo a'mwo sumnowojokwe su toolluro sumdollu toru adavoporogano. Toro tooro deko muudo'jokwe aduullukuroporogano. Toro duulluku'dopure kwol kuruv guureji wuujuno wuujuno sokaikono. “Devitolluro kwolaiyoloo, mino kalo agujunono!”
40Deko toro doduke toollu Jisasol wuu'no'no kuru kuuloda'mno sumaiyokwe a'mwo toorai kuudokaikono. “A'mwo su toollu domodopiyabilo.” Toro te a'mwo su tool wobo toru boduke toga Jisasol aro kuudoganokaikono. 41“Nuu gumi buro'nyo gujumo'mo dogujunadopiyo?” Toro kuudoganoka tovi a'mwo su tool kuudokaikono. “Agutoloo, nuu sumdo kinyo'mo anyunadopiyo.” Kuudokaikono. 42Toro kuudoka toollu Jisasol kuudokaikono. “Guu kuudo anubwemwakudo tovino tov agujukulmono.” 43Toro kuudoka kuga'gwo kuuno a'mwo sumnowojokwe su tool sumdo kino'no puuto tovi Jisasollu kuumjunokaikono. Toro uumjunyuno sumaiyokwe Gooti toollu sulomodomoropimovlavokaikono. Aki yiuwi'nokai a'mwo abolo ton a'mwo su toollu wonyuno sumaveyokwe toga Gooti toollu sulomodomoropiyapogano.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida