Luuk 2
2
Mariyav Jisasollu somaroka tovinokwono
(Matyuu 1:18-25)
1Su toro toga a'mwo aguto Sisa Oogastosol mido amollomwallajukekono. Toro tool a'mwo abolo gami dolago tomuu mwalodupudo tonyuno yovo tov yakwollo'moneyokwe abai'movokakwono. A'mwo abolo tonyuno yovo yakwollo'moneyokwe su tov Sisa toolluro loowo to'busuko sumo'nyajukokwono. 2Aki su toga proovins Siriya tomuuda'ai a'mwo aguto gavona pwolluno yovo tov Kwiriniyosolekono. Toro tool kuuno mido mollomwalo'no a'mwo abolo tonyuno yovo yakwollo'moneyokwe su tov kuvinono abai'movokakwono. Yovo tonyu yakwollo'mo womdo su tov gavona su toolluro muudu'no abwi'movokakwono. 3Toro te gavman tooro yiuwi'nokai yovo tonyu yakwollupino'moneyokwe yiuwi'nokai a'mwo abolo ton kevnokwenyuro wagwolago go'no go'no kuunodo tonyuno avlavopogano.
4-5Aki Joosepeke'aro gami abolo kuumasungiko Mariyakwe'aro kuval kuruv kemi yovo tov gavman tooro yakwollupino'moneyokwe avlavolovakono. Mariyav kwolaiyo sumwolukokweyokwono. Toro teyaul kwako Galili tomuuda'ai wagwolago Nasaret tovida'ai wuugollu'mo'mno sumaleyokwe a'mwo aguto kig Devitolluro wagwolago puruv kwako Juudiya tomuu wo'dowodo towai'no avlavolovakono. A'mwo aguto kig Devitolluro wagwolago su tovino yovo tov Betelemovokwono. Toro te Joosepol a'mwo aguto kig Devitolluro iko tovasuda'ai aboka toolluno tov wagwolago su tovino avlavolovakono.
6Wagwolago su tovi ki'mo'mno sumaleyokwe kuulomwalolno kwolaiyo toollu yomallo'mo iruko tollugwo abai'movokakwono. 7Toro te Mariyav gami kwolaiyo sujuraiyo toollu somarokakwono. Toro yoma'no sumaiyokwe kwolaiyo muudoga toollu youro tokwe pweyo moweyomguroso'no bookis puvi amollurosokakwono. Bookis su tov buulmokau pworavuro wosamujuko ton woso'moneyokweyokwono. Kwolaiyo muudoga su toollu bookis tovi amollurosoka tov aro tovinokwono. A'mwo bomwallo tooro sa wollo'moneyokwe ago adovarojungiko tonyu me'no sutowopiyopo tovinokwono.
Ensel pworo sipsip duuwatokwe toorai abwiyalo'nopo tovinokwono
8Surakuuto su toga wagwolago Betelem tovi wobo toru gwo'gwo'womdokwe tomuu a'mwo sipsip duuwatokwe pworo kemi sipsip toorai amoduvomwallajuporogano. 9Toro moduvomwalodopure toorai Aguto toolluro ensel pwol abwiyalo'nokaikono. Toro abwiyalo'noka toga Aguto toolluro bako bwotonyo tov pwopiyo'no a'mwo su toorai aiyowomno amomwodovomarokakwono. Toro momwodovoma'duke tovino tov luko bwotonyo soporogano. 10Toro yodopure toorai ensel tool aro kuudokaikono. “Kevu luko mipinono. Neya duu'nyulo. Kevu ilaiyo bwotonyo ipino'moneyokwe tovino nuvu kuuguudo sugudo puruv aikumokamwakono. Aki kuuguudo sugudo su tov yiuwi'nokai a'mwo abolo kunyuda'aiyo'mokwono. 11Kuuguudo sugudo su tov arokwono. Anuugwo toga a'mwo aguto kig Devitolluro wagwolago tovi anakuuto tomuu abolo puruv kwolaiyo muudoga pwollu soma'mokakwono. Kwolaiyo su tool kemi ma'no ma'nodo tovuro kirumwallo tovida'ai bomollurolovekumokalokwiyo'moneyokwekono. Aki kwolaiyo su tool Agutekono. Su tool Gooti toolluro ajesoka Krais tookono.
12Toro te kevu duuwallo puruv kwonpi tovi'aro kwolaiyo su toollu nokwo iworovomapinorekikono. Duuwallo su tov arokwono. Kwolaiyo muudoga pwol youro togai pweyo aweyomgurosungiko tool bookis puruv buulmokau tooravuro wosamujuko ton woso'moneyokwe tovi anakuuto tomuu sa wo'dowo'jure toollu noonpinorekikono.” Kuudokaikono. 13Toro kuudoka kuga'gwo kuuno muunyu kai'muuda'ai ensel bwotonyago kuunodo pworogai'aro ensel sumdomguda'ai tooke abiyalo'noporogano. Ensel su tooro toro biyalo'nyuno sumaveyokwe Gooti toolluno sulomoropiyaporogano. Toro tooro aro adoporogano. 14“Yiuwi'nokai muunyu kai'muuda'ai toonol Gooti toollu yovo aguto neya wiyogawano. Aki kwako akavi a'mwo abolo Gooti toolluro ilaiyo winodowodo kubuuro kuruv kavo to'no neya wosunogapuro.” Adoporogano.
Sipsip duuwatokwe tooro Jisasollu kwonopo tovinokwono
15Ensel tooro wuugollu'mo'mno sumaveyokwe muunyu kai'muuno aikomgu sulaporogano. Toro ilno sumaveyokwe sipsip duuwatokwe tooro aro sajunoporogano. “Oo Aguto tool su toro tovino me'no abomollolupto'nanekubwemokaldeyo. Toro te aga sumo'numoka su tovi sumdo wonyo'moneyokwe nevu wagwolago Betelem tovino yere neya avlawano.” Sajunoporogano. 16Toro yajunyuno sumaveyokwe a'mgono yo'mgonomallo'mo tooro yere avlavoporogano. Toro plaino sumaveyokwe Mariyakwe'aro Joosepeke'aro aki kwolaiyo muudoga tool buulmokau tooravuro wosamujuko'mo bookis tovi sa wo'duke tooke'aro tonyu kwonoporogano.
17Toro wonyuno sumaveyokwe ensel toolluro kwolaiyo su toolluno kuuguudo aduuwiyoka su tovino kuu'maiyo toru'no amoruudoporogano. 18Sipsip duuwatokwe tooro toro moruudodopure tovi yiuwi'nokai a'mwo abolo ton wuu'nyuno sumaveyokwe kwolaiyo su toolluno kuuguudo kuu'nopo tovino kuudo kwolallo sourukwapiyopogano. 19Toro kuvi kuruv Mariya'gwowi yiuwi'nokai sumo'nugelabiyajuko su tonyuno gami kuudo tovi po'dogalo amomullosajukokwono. Yo'no aki gami poowokalago kuunodo tokwe kuudo kuuno sourukwapiyajukokwono. 20Aki a'mwo sipsip duuwatokwe tooro aikomgu plavo'mno Gooti toollu yovo aguto kwiyoporogano. Aki toro tooro yiuwi'nokai kuuguudo kuu'nopo tokwe'aro kemi sumdo togai me'no kwonopo tokwe'aro tonyuno Gooti toollu sulomoropiyajuporogano.
Jisasolluno yovo sowaropo tovinokwono
21 #
Lk. 1:31
Aki 8-pela iruko tobuul me'no abawoka toga kwolaiyo muudoga toolluro lakulkulako tov amadovopekono. Me'no mado'mno sumaveyokwe toga yovo Jisasolo sowaropekono. Yovo su tov sumdomgu gami ganeyago tovuro sumwoluko tovi yere mimo'noduke kugada'ai ensel tool yovo su tov me'no kwiyokaikono.
Simiyooneke Anakwe toval Jeruusalemda'ai Gooti toollu ilomoropiyo'moneyokwe ago tovuro agwapto toru Jisasollu kwonolo tovinokwono
22Toruda'ai Joosepeke Mariyakwe teyaul Jisasollu momworarolno Jeruusalem'no amokailaboleyaukono. Toro amokailabolo tov aro tovinokwono. Abolo puruv kwolaiyo pwollu me'no amulomworaro'ji toga iruko pubuul neya mwalonokwono. Iruko su tobuul me'no abawo'ji toga abolo su tov Gooti toolluro sumdo tovi yovrowosunyo'moneyokwe Gooti toollu ilomoropiyo'moneyokwe ago tovino neya bwonokwono. Pasudo su tov aiyoga Moosesolluro loowo tovi me'no kwosungikokwono. Toro te iruko su tollugwo kuvinono abai'movoka toga kwolaiyo su toollu Aguto toolluro ato tovi uubwebulluno'moneyokwe Jeruusalem'no amokailaboleyaukono.
23 #
Moll. 13:2,12 Su tovino Aguto toolluro loowo puruv aro sakwollungikokwono. “Yiuwi'nokai kwolaiyo muudu'no sawosunpi tooro Aguto toolluro kuunodo wimo'nyo'moneyokwe neya dojesulo.” Sakwollungikokwono. 24Aki Jeruusalem'no amokailabolo tovino kavlo puruv aro tovinokwono. Aguto toolluro loowo puruvi kuvinono uumjunyo'moneyokwe tovinokwono. Loowo su tov aro dodowodokwono. “Kevu dokato sobuuro pworaldeyo oo dokato sobuuro notaiyo pworaldeyo toorallu Aguto toollu wiyo'moneyokwe neya doromiroudapilo.” Loowo tov su toro dodowodokwono.
25Su toro toga a'mwo pwol wagwolago Jeruusalem toru amwallajukekono. A'mwo su toolluno yovo tov Simiyoonolekono. A'mwo su tool Gooti toolluro sumdo tovi sugudo wimo'nodowo aki Gooti toollu dolago tomuu ilaiyo to'no amwallajukekono. Lukomgu Gooti tool Isuraiyolda'ai a'mwo abolo tonyuro sumwoluko iroto wosunyo'moneyokwe tovino Simiyoonol sogwollo aingelabiyajukekono. A'mwo su toollu Gooti toolluro Kuullo tool me'no kuuwollajukekono. 26Aki toro toollu Gooti toolluro Kuullo tool aro tovino kuu'maiyo abomollolupto'nubweyokaikono. “Guvnokwe tooku yere mabolodo'bure toga Aguto toolluro wiyo'mwojo'moneyokwe ajesoka Krais toollu noonbinekugono.” 27Toro te a'mwo su tool Gooti toolluro Kuullo tool mollubworomokavla'mduke tovi uumjunyuno sumaiyokwe Jeruusalemda'ai Gooti toollu ilomoropiyo'moneyokwe ago tovuro agwapto toru'no aulokaikono.
Toro kuulomwaloduke toga Jisasolluro kuunum kwolabolo teyaul loowo tovuro pasudo tomgu'aro mollo'moneyokwe Jisasollu amokaulalovakono. 28Toro mokaulno sumaleyokwe Simiyoonol kwolaiyo muudoga su toollu gami ato tokwe momworaro'no Gooti toollu aro sulomodomoropiyokaikono.
29“Agutoloo, guvnokwekujuro anyudodo tomgu'aro aga me'no kwonmonyugono. Nuu gumoro ki'nato womdokwe tekwonyuro sumwoluko tov kavo to'no kwosunmono. Toro te aga'no'gwowi moro sumwoluko tov iroto wosuno'mi yowa'no bolmonyugono. 30Su tov aro tovinokwono. Du'muudo tomuuda'ai birolo'nugolokwiyo'moneyokwe a'mwo nuuwiyo'mwojono toollu moro sumdo tokwe me'no kwonmonyugono. 31Aki gumoro a'mwo wiyo'mwojo'moneyokwe sovrovanekubweyodo akallu yiuwi'nokai a'mwo abolo ton noonpinekono. 32Toro tool a'mwo abolo Juu tooravuro miyawosunodupudo tonyu bako wimo'nonekono. Bako wimo'nodowo'jure su tovi'aro gumino kuudo yourogumapinogano. Aki toro toollu'aro gumoro a'mwo abolo Isuraiyolda'ai ton yovo aguto noma'mwalpinogano.”
Toro sulomodomoropiyokaikono.
33Simiyoonol toro doduke toga Jisasollu kuunum kwolabolo teyaul Jisasolluno kuuguudo adoka su tovino kuudo kwolallo sourukwapiyoleyaukono. 34Toro yourukwapiyodole teyaullu Gooti tool ilaiyo igolono'moneyokwe Simiyoonol yogalo sugudo pun aduubweyokaikono. Toro duubweno sumaiyokwe Mariyavi aro kuudokaikono. “Neya duu'nono. Kwolaiyo sumo'nadopiko akal Gooti toolluro me'no ajesokaikono. Toro toolluno tov Isuraiyolda'ai a'mwo abolo bwotonyago tonyu nobwolomorumwogapiyawonekono. Toro bwolomorumwogapiyawo'ji kuvi kuruv Isuraiyolda'ai a'mwo abolo bwotonyago punyuno'gwowi nomoduko'bworapiyonekono.
Aki kwolaiyo su tool Gooti toolluro duuwallo to'busuko imo'nodowo'jure toollu a'mwo abolo pun kisuvolo nuuwimwalpinekono. 35Toro wiyodopure tovino tov a'mwo abolo su tonyuro yiulkuudo ton kemi poowokalago tomuu kuuluuwo'dupudo su tonyu kuu'maiyo toru nobomollolupto'nosonogano. Toro te guu gumi kwolaiyo akallu su toro wimo'nodowo'jure tovino jul'nyo tov kwallu'mopto to'busuko gumoro sumwoluko tovi nojuulovagubweyono'guugono.” Simiyoonol toro kuudokaikono.
36Aki su toro toga Fonyuuwelluro taiyo puruv proofet abolo sumo'nyajuko tovino yovo tov Anavokwono. Abolo su tov Aser yovodolobunyo tovida'ai abokakwono. Toro tov sumdomgu sujuraiyo mwalo'no toga kwolo pwollu uuma'nyuno sumaiyokwe gami kwolo tooke 7-pela kworomo tobuul amwalokakwono. Toro me'no mwalno sumaleyokwe toga gami kwolo su tool abolokaikono. 37Toro te abolo su tov kanyu mujomwekelabodowodo toga Jeruusalemda'ai Gooti toollu ilomoropiyo'moneyokwe ago tovuro agwapto toru kuulodawo muugollu'meyajukokwono. Toro kuvi kuruv yiuwi'nokai surakuuto togake'aro iruko togake'aro toga abolo Gooti toollu ilomoropiyo'mo su tov wosamujuko kumako mwalodowo aki subusu'nyogalo adomwallajukokwono. Tono tono domwaloduke tov 84-pela kworomo tobuul kuuwolo'nokakwono. 38Toro te abolo su to kuruv kwolaiyo muudoga Jisasollu wobo toru'no bino sumaiyokwe Gooti toollu, “Ne'miyoo,” wuujo'moneyokwe subusu'nyogalo kuudokakwono. Aki yiuwi'nokai Jeruusalemda'ai a'mwo abolo tonyu bomollurolovomokalokwiyo'moneyokwe Gooti toolluro noolomoropiyabwono toolluno sogwollo kwinyajupo su tonyu kuuguudo tov kuu'maiyo toru'no amoruujajukokwono.
Joosepeke tonumdoto wagwolago Nasaret'no aikomgu avlavopo tovinokwono
39 #
Mt. 2:23
Joosepeke Mariyakwe teyaul Aguto toolluro yiuwi'nokai loowo tovuro dodowodo tovi uumjunyo'moneyokwe me'no yopino sumaleyokwe toga distrik Galili tomuuno aiko te avlavolovakono. Toro plaino sumaleyokwe kemi wagwolago Nasaret toru ki'movo'mno amwalopogano. 40Toro mwalno sumaveyokwe kwolaiyo tool aguto gullumelabodowo jurogudo tokwe'aro pi'mwo kuudo tokwe'aro togai agullumelabiyajukekono. Aki toro toollu Gooti toolluro yasuwa'wino sugumaluko tov kuubweyajukekono.
Muugunyo Jisasol Jeruusalemda'ai Gooti toollu ilomoropiyo'moneyokwe ago tovi aulomwaloka tovinokwono
41 #
Moll. 12:1-27
Aki Jisasolluro ganum kwolabolo teyaul yiuwi'nokai kworomo toga Muunyu Toru'aro Surukuruwolovoka lubullu doto tovi yanyo'moneyokwe tov Jeruusalem'no avlaiyajuleyaukono. 42Toro te Jisasol 12-pela kworomo kuuwolo'noka toga kemi uumjunodupudo su tovi aval'no yanyo'moneyokwe wagwolago Jeruusalem'no avlavopogano. 43Lubullu doto su tov me'no yonopino sumaveyokwe toga kemi ago tomuuno aikomgu abopogano. Toro bodopure kuvi kuruv Jisasolno'gwowi Jeruusalem toru kuuno amwallajukekono. Toro te kwolaiyo su tool kuuno mwaloduke toolluno gami kuunum kwolabolo teyaul kuudo miyauroleyaukono. 44Toro teyaul aro kuudo saurolovakono, Oo namoro kwolaiyo tool nevuge avla'mwakuuwo pworogai dovla'mwallo. Su toro kuudo yau'no sumaleyokwe kado nokwo plaino soleyaukono. Toro plaino sumaleyokwe iruko pullugwo kuuwolo'nokakwono. Toro kuuwolo'noka toga kemi kwolaiyo toolluno kevuge avalo togai'aro ibwoto'nyo togai'aro togai amwalodo'jo'moneyokwe a'mgono solovakono. 45Toro sa'mgonolo kuvi kuruv kwolaiyo su toollu miyo'mgonomarolovakono. Toro teyaul kemi kwolaiyo toolluno yo'mgonomallo'moneyokwe Jeruusalem'no aikomgu avlavolovakono.
46Toro teyaul iruko pullapullu me'no abawoka toga Jisasollu so'mgonomarolovakono. Toro tool Gooti toollu ilomoropiyo'moneyokwe ago tovi kuulomwaloduke toollu so'mgonomarolekono. Su toro so'mgonomarolo toga Jisasol a'mwo ibwasokwe toorogai mwalno sumaiyokwe kemoro kuuguudo wuudodopure tonyu wuu'no'no yamuugojo pun kuudoganyajukekono. 47Aki yiuwi'nokai a'mwo ibwasokwe su toorai Jisasol kuuguudo yodubwasodowo kemoro yamuugojo tonyu yiuno pi'mwono to'no kuujajukekono. Toro wuudoduke tonyuno a'mwo su tooro wuu'no'mno mollolokurosi soporogano.
48Jisasol toro yoduke toga gamoro kuunum kwolabolo teyaul kuuloonyuno sumaleyokwe mollolokurosi soleyaukono. Toro ino sumaleyokwe gami ganeyago tov aro kuudokakwono. “Kwolaiyoloo, guu akaro sadokuudo tov buro'nyo'mo donakulladokuuno? Gumi junumiyago tooke'aro nuuge'aro teyonaul gumino luko yodowol a'mgono bwotonyo saguu'mgonmwakuuwolo.” Kuudokakwono. 49Toro kuudoka tovi Jisasol aro kuudokaikono. “Kev teyaukul numino buro'nyo'mo yiuwi'nokai tomuu a'mgono januu'mgonadokuulo? Mino tov, Oo gami Ganumiyago toolluro ago tovi doulomwallo, kuudo miyanuullu jukimwakulo?” Kuudokaikono.
50Toro kuudoka kuvi kuruv ganum kwolabolo teyaul gamoro yogalo kuudoka su tovuro kavlo tovino miyouromaroleyaukono. 51Toro te Jisasol gami ganum kwolabolo su teyauke Nasaret'no aikomgu bo'mno abomwalopogano. Toro bomwalno sumaveyokwe Jisasol gami ganum kwolabolo teyaulluro yogalo wuudodole tovi pi'mwono kuumjungovlaiyajukekono. Toro te Jisasolluro ganeyago tov gami yiuwi'nokai kwonyajuko su tonyuno gami poowokalago tovi momullosuno sumaiyokwe kuudo kuuno sou'movlaiyajukokwono. 52Su toro yomjomwekovla'mno sumaiyokwe Jisasol aguto gullumelabodowodo tomuu pi'mwo kuudo bwotonyo tokwe sumo'nyajukekono. Toro imo'noduke toolluno Gooti tooke'aro a'mwo abolo togai'aro ton ilaiyo kwinyajupekono.
Currently Selected:
Luuk 2: SMB
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida
Luuk 2
2
Mariyav Jisasollu somaroka tovinokwono
(Matyuu 1:18-25)
1Su toro toga a'mwo aguto Sisa Oogastosol mido amollomwallajukekono. Toro tool a'mwo abolo gami dolago tomuu mwalodupudo tonyuno yovo tov yakwollo'moneyokwe abai'movokakwono. A'mwo abolo tonyuno yovo yakwollo'moneyokwe su tov Sisa toolluro loowo to'busuko sumo'nyajukokwono. 2Aki su toga proovins Siriya tomuuda'ai a'mwo aguto gavona pwolluno yovo tov Kwiriniyosolekono. Toro tool kuuno mido mollomwalo'no a'mwo abolo tonyuno yovo yakwollo'moneyokwe su tov kuvinono abai'movokakwono. Yovo tonyu yakwollo'mo womdo su tov gavona su toolluro muudu'no abwi'movokakwono. 3Toro te gavman tooro yiuwi'nokai yovo tonyu yakwollupino'moneyokwe yiuwi'nokai a'mwo abolo ton kevnokwenyuro wagwolago go'no go'no kuunodo tonyuno avlavopogano.
4-5Aki Joosepeke'aro gami abolo kuumasungiko Mariyakwe'aro kuval kuruv kemi yovo tov gavman tooro yakwollupino'moneyokwe avlavolovakono. Mariyav kwolaiyo sumwolukokweyokwono. Toro teyaul kwako Galili tomuuda'ai wagwolago Nasaret tovida'ai wuugollu'mo'mno sumaleyokwe a'mwo aguto kig Devitolluro wagwolago puruv kwako Juudiya tomuu wo'dowodo towai'no avlavolovakono. A'mwo aguto kig Devitolluro wagwolago su tovino yovo tov Betelemovokwono. Toro te Joosepol a'mwo aguto kig Devitolluro iko tovasuda'ai aboka toolluno tov wagwolago su tovino avlavolovakono.
6Wagwolago su tovi ki'mo'mno sumaleyokwe kuulomwalolno kwolaiyo toollu yomallo'mo iruko tollugwo abai'movokakwono. 7Toro te Mariyav gami kwolaiyo sujuraiyo toollu somarokakwono. Toro yoma'no sumaiyokwe kwolaiyo muudoga toollu youro tokwe pweyo moweyomguroso'no bookis puvi amollurosokakwono. Bookis su tov buulmokau pworavuro wosamujuko ton woso'moneyokweyokwono. Kwolaiyo muudoga su toollu bookis tovi amollurosoka tov aro tovinokwono. A'mwo bomwallo tooro sa wollo'moneyokwe ago adovarojungiko tonyu me'no sutowopiyopo tovinokwono.
Ensel pworo sipsip duuwatokwe toorai abwiyalo'nopo tovinokwono
8Surakuuto su toga wagwolago Betelem tovi wobo toru gwo'gwo'womdokwe tomuu a'mwo sipsip duuwatokwe pworo kemi sipsip toorai amoduvomwallajuporogano. 9Toro moduvomwalodopure toorai Aguto toolluro ensel pwol abwiyalo'nokaikono. Toro abwiyalo'noka toga Aguto toolluro bako bwotonyo tov pwopiyo'no a'mwo su toorai aiyowomno amomwodovomarokakwono. Toro momwodovoma'duke tovino tov luko bwotonyo soporogano. 10Toro yodopure toorai ensel tool aro kuudokaikono. “Kevu luko mipinono. Neya duu'nyulo. Kevu ilaiyo bwotonyo ipino'moneyokwe tovino nuvu kuuguudo sugudo puruv aikumokamwakono. Aki kuuguudo sugudo su tov yiuwi'nokai a'mwo abolo kunyuda'aiyo'mokwono. 11Kuuguudo sugudo su tov arokwono. Anuugwo toga a'mwo aguto kig Devitolluro wagwolago tovi anakuuto tomuu abolo puruv kwolaiyo muudoga pwollu soma'mokakwono. Kwolaiyo su tool kemi ma'no ma'nodo tovuro kirumwallo tovida'ai bomollurolovekumokalokwiyo'moneyokwekono. Aki kwolaiyo su tool Agutekono. Su tool Gooti toolluro ajesoka Krais tookono.
12Toro te kevu duuwallo puruv kwonpi tovi'aro kwolaiyo su toollu nokwo iworovomapinorekikono. Duuwallo su tov arokwono. Kwolaiyo muudoga pwol youro togai pweyo aweyomgurosungiko tool bookis puruv buulmokau tooravuro wosamujuko ton woso'moneyokwe tovi anakuuto tomuu sa wo'dowo'jure toollu noonpinorekikono.” Kuudokaikono. 13Toro kuudoka kuga'gwo kuuno muunyu kai'muuda'ai ensel bwotonyago kuunodo pworogai'aro ensel sumdomguda'ai tooke abiyalo'noporogano. Ensel su tooro toro biyalo'nyuno sumaveyokwe Gooti toolluno sulomoropiyaporogano. Toro tooro aro adoporogano. 14“Yiuwi'nokai muunyu kai'muuda'ai toonol Gooti toollu yovo aguto neya wiyogawano. Aki kwako akavi a'mwo abolo Gooti toolluro ilaiyo winodowodo kubuuro kuruv kavo to'no neya wosunogapuro.” Adoporogano.
Sipsip duuwatokwe tooro Jisasollu kwonopo tovinokwono
15Ensel tooro wuugollu'mo'mno sumaveyokwe muunyu kai'muuno aikomgu sulaporogano. Toro ilno sumaveyokwe sipsip duuwatokwe tooro aro sajunoporogano. “Oo Aguto tool su toro tovino me'no abomollolupto'nanekubwemokaldeyo. Toro te aga sumo'numoka su tovi sumdo wonyo'moneyokwe nevu wagwolago Betelem tovino yere neya avlawano.” Sajunoporogano. 16Toro yajunyuno sumaveyokwe a'mgono yo'mgonomallo'mo tooro yere avlavoporogano. Toro plaino sumaveyokwe Mariyakwe'aro Joosepeke'aro aki kwolaiyo muudoga tool buulmokau tooravuro wosamujuko'mo bookis tovi sa wo'duke tooke'aro tonyu kwonoporogano.
17Toro wonyuno sumaveyokwe ensel toolluro kwolaiyo su toolluno kuuguudo aduuwiyoka su tovino kuu'maiyo toru'no amoruudoporogano. 18Sipsip duuwatokwe tooro toro moruudodopure tovi yiuwi'nokai a'mwo abolo ton wuu'nyuno sumaveyokwe kwolaiyo su toolluno kuuguudo kuu'nopo tovino kuudo kwolallo sourukwapiyopogano. 19Toro kuvi kuruv Mariya'gwowi yiuwi'nokai sumo'nugelabiyajuko su tonyuno gami kuudo tovi po'dogalo amomullosajukokwono. Yo'no aki gami poowokalago kuunodo tokwe kuudo kuuno sourukwapiyajukokwono. 20Aki a'mwo sipsip duuwatokwe tooro aikomgu plavo'mno Gooti toollu yovo aguto kwiyoporogano. Aki toro tooro yiuwi'nokai kuuguudo kuu'nopo tokwe'aro kemi sumdo togai me'no kwonopo tokwe'aro tonyuno Gooti toollu sulomoropiyajuporogano.
Jisasolluno yovo sowaropo tovinokwono
21 #
Lk. 1:31
Aki 8-pela iruko tobuul me'no abawoka toga kwolaiyo muudoga toolluro lakulkulako tov amadovopekono. Me'no mado'mno sumaveyokwe toga yovo Jisasolo sowaropekono. Yovo su tov sumdomgu gami ganeyago tovuro sumwoluko tovi yere mimo'noduke kugada'ai ensel tool yovo su tov me'no kwiyokaikono.
Simiyooneke Anakwe toval Jeruusalemda'ai Gooti toollu ilomoropiyo'moneyokwe ago tovuro agwapto toru Jisasollu kwonolo tovinokwono
22Toruda'ai Joosepeke Mariyakwe teyaul Jisasollu momworarolno Jeruusalem'no amokailaboleyaukono. Toro amokailabolo tov aro tovinokwono. Abolo puruv kwolaiyo pwollu me'no amulomworaro'ji toga iruko pubuul neya mwalonokwono. Iruko su tobuul me'no abawo'ji toga abolo su tov Gooti toolluro sumdo tovi yovrowosunyo'moneyokwe Gooti toollu ilomoropiyo'moneyokwe ago tovino neya bwonokwono. Pasudo su tov aiyoga Moosesolluro loowo tovi me'no kwosungikokwono. Toro te iruko su tollugwo kuvinono abai'movoka toga kwolaiyo su toollu Aguto toolluro ato tovi uubwebulluno'moneyokwe Jeruusalem'no amokailaboleyaukono.
23 #
Moll. 13:2,12 Su tovino Aguto toolluro loowo puruv aro sakwollungikokwono. “Yiuwi'nokai kwolaiyo muudu'no sawosunpi tooro Aguto toolluro kuunodo wimo'nyo'moneyokwe neya dojesulo.” Sakwollungikokwono. 24Aki Jeruusalem'no amokailabolo tovino kavlo puruv aro tovinokwono. Aguto toolluro loowo puruvi kuvinono uumjunyo'moneyokwe tovinokwono. Loowo su tov aro dodowodokwono. “Kevu dokato sobuuro pworaldeyo oo dokato sobuuro notaiyo pworaldeyo toorallu Aguto toollu wiyo'moneyokwe neya doromiroudapilo.” Loowo tov su toro dodowodokwono.
25Su toro toga a'mwo pwol wagwolago Jeruusalem toru amwallajukekono. A'mwo su toolluno yovo tov Simiyoonolekono. A'mwo su tool Gooti toolluro sumdo tovi sugudo wimo'nodowo aki Gooti toollu dolago tomuu ilaiyo to'no amwallajukekono. Lukomgu Gooti tool Isuraiyolda'ai a'mwo abolo tonyuro sumwoluko iroto wosunyo'moneyokwe tovino Simiyoonol sogwollo aingelabiyajukekono. A'mwo su toollu Gooti toolluro Kuullo tool me'no kuuwollajukekono. 26Aki toro toollu Gooti toolluro Kuullo tool aro tovino kuu'maiyo abomollolupto'nubweyokaikono. “Guvnokwe tooku yere mabolodo'bure toga Aguto toolluro wiyo'mwojo'moneyokwe ajesoka Krais toollu noonbinekugono.” 27Toro te a'mwo su tool Gooti toolluro Kuullo tool mollubworomokavla'mduke tovi uumjunyuno sumaiyokwe Jeruusalemda'ai Gooti toollu ilomoropiyo'moneyokwe ago tovuro agwapto toru'no aulokaikono.
Toro kuulomwaloduke toga Jisasolluro kuunum kwolabolo teyaul loowo tovuro pasudo tomgu'aro mollo'moneyokwe Jisasollu amokaulalovakono. 28Toro mokaulno sumaleyokwe Simiyoonol kwolaiyo muudoga su toollu gami ato tokwe momworaro'no Gooti toollu aro sulomodomoropiyokaikono.
29“Agutoloo, guvnokwekujuro anyudodo tomgu'aro aga me'no kwonmonyugono. Nuu gumoro ki'nato womdokwe tekwonyuro sumwoluko tov kavo to'no kwosunmono. Toro te aga'no'gwowi moro sumwoluko tov iroto wosuno'mi yowa'no bolmonyugono. 30Su tov aro tovinokwono. Du'muudo tomuuda'ai birolo'nugolokwiyo'moneyokwe a'mwo nuuwiyo'mwojono toollu moro sumdo tokwe me'no kwonmonyugono. 31Aki gumoro a'mwo wiyo'mwojo'moneyokwe sovrovanekubweyodo akallu yiuwi'nokai a'mwo abolo ton noonpinekono. 32Toro tool a'mwo abolo Juu tooravuro miyawosunodupudo tonyu bako wimo'nonekono. Bako wimo'nodowo'jure su tovi'aro gumino kuudo yourogumapinogano. Aki toro toollu'aro gumoro a'mwo abolo Isuraiyolda'ai ton yovo aguto noma'mwalpinogano.”
Toro sulomodomoropiyokaikono.
33Simiyoonol toro doduke toga Jisasollu kuunum kwolabolo teyaul Jisasolluno kuuguudo adoka su tovino kuudo kwolallo sourukwapiyoleyaukono. 34Toro yourukwapiyodole teyaullu Gooti tool ilaiyo igolono'moneyokwe Simiyoonol yogalo sugudo pun aduubweyokaikono. Toro duubweno sumaiyokwe Mariyavi aro kuudokaikono. “Neya duu'nono. Kwolaiyo sumo'nadopiko akal Gooti toolluro me'no ajesokaikono. Toro toolluno tov Isuraiyolda'ai a'mwo abolo bwotonyago tonyu nobwolomorumwogapiyawonekono. Toro bwolomorumwogapiyawo'ji kuvi kuruv Isuraiyolda'ai a'mwo abolo bwotonyago punyuno'gwowi nomoduko'bworapiyonekono.
Aki kwolaiyo su tool Gooti toolluro duuwallo to'busuko imo'nodowo'jure toollu a'mwo abolo pun kisuvolo nuuwimwalpinekono. 35Toro wiyodopure tovino tov a'mwo abolo su tonyuro yiulkuudo ton kemi poowokalago tomuu kuuluuwo'dupudo su tonyu kuu'maiyo toru nobomollolupto'nosonogano. Toro te guu gumi kwolaiyo akallu su toro wimo'nodowo'jure tovino jul'nyo tov kwallu'mopto to'busuko gumoro sumwoluko tovi nojuulovagubweyono'guugono.” Simiyoonol toro kuudokaikono.
36Aki su toro toga Fonyuuwelluro taiyo puruv proofet abolo sumo'nyajuko tovino yovo tov Anavokwono. Abolo su tov Aser yovodolobunyo tovida'ai abokakwono. Toro tov sumdomgu sujuraiyo mwalo'no toga kwolo pwollu uuma'nyuno sumaiyokwe gami kwolo tooke 7-pela kworomo tobuul amwalokakwono. Toro me'no mwalno sumaleyokwe toga gami kwolo su tool abolokaikono. 37Toro te abolo su tov kanyu mujomwekelabodowodo toga Jeruusalemda'ai Gooti toollu ilomoropiyo'moneyokwe ago tovuro agwapto toru kuulodawo muugollu'meyajukokwono. Toro kuvi kuruv yiuwi'nokai surakuuto togake'aro iruko togake'aro toga abolo Gooti toollu ilomoropiyo'mo su tov wosamujuko kumako mwalodowo aki subusu'nyogalo adomwallajukokwono. Tono tono domwaloduke tov 84-pela kworomo tobuul kuuwolo'nokakwono. 38Toro te abolo su to kuruv kwolaiyo muudoga Jisasollu wobo toru'no bino sumaiyokwe Gooti toollu, “Ne'miyoo,” wuujo'moneyokwe subusu'nyogalo kuudokakwono. Aki yiuwi'nokai Jeruusalemda'ai a'mwo abolo tonyu bomollurolovomokalokwiyo'moneyokwe Gooti toolluro noolomoropiyabwono toolluno sogwollo kwinyajupo su tonyu kuuguudo tov kuu'maiyo toru'no amoruujajukokwono.
Joosepeke tonumdoto wagwolago Nasaret'no aikomgu avlavopo tovinokwono
39 #
Mt. 2:23
Joosepeke Mariyakwe teyaul Aguto toolluro yiuwi'nokai loowo tovuro dodowodo tovi uumjunyo'moneyokwe me'no yopino sumaleyokwe toga distrik Galili tomuuno aiko te avlavolovakono. Toro plaino sumaleyokwe kemi wagwolago Nasaret toru ki'movo'mno amwalopogano. 40Toro mwalno sumaveyokwe kwolaiyo tool aguto gullumelabodowo jurogudo tokwe'aro pi'mwo kuudo tokwe'aro togai agullumelabiyajukekono. Aki toro toollu Gooti toolluro yasuwa'wino sugumaluko tov kuubweyajukekono.
Muugunyo Jisasol Jeruusalemda'ai Gooti toollu ilomoropiyo'moneyokwe ago tovi aulomwaloka tovinokwono
41 #
Moll. 12:1-27
Aki Jisasolluro ganum kwolabolo teyaul yiuwi'nokai kworomo toga Muunyu Toru'aro Surukuruwolovoka lubullu doto tovi yanyo'moneyokwe tov Jeruusalem'no avlaiyajuleyaukono. 42Toro te Jisasol 12-pela kworomo kuuwolo'noka toga kemi uumjunodupudo su tovi aval'no yanyo'moneyokwe wagwolago Jeruusalem'no avlavopogano. 43Lubullu doto su tov me'no yonopino sumaveyokwe toga kemi ago tomuuno aikomgu abopogano. Toro bodopure kuvi kuruv Jisasolno'gwowi Jeruusalem toru kuuno amwallajukekono. Toro te kwolaiyo su tool kuuno mwaloduke toolluno gami kuunum kwolabolo teyaul kuudo miyauroleyaukono. 44Toro teyaul aro kuudo saurolovakono, Oo namoro kwolaiyo tool nevuge avla'mwakuuwo pworogai dovla'mwallo. Su toro kuudo yau'no sumaleyokwe kado nokwo plaino soleyaukono. Toro plaino sumaleyokwe iruko pullugwo kuuwolo'nokakwono. Toro kuuwolo'noka toga kemi kwolaiyo toolluno kevuge avalo togai'aro ibwoto'nyo togai'aro togai amwalodo'jo'moneyokwe a'mgono solovakono. 45Toro sa'mgonolo kuvi kuruv kwolaiyo su toollu miyo'mgonomarolovakono. Toro teyaul kemi kwolaiyo toolluno yo'mgonomallo'moneyokwe Jeruusalem'no aikomgu avlavolovakono.
46Toro teyaul iruko pullapullu me'no abawoka toga Jisasollu so'mgonomarolovakono. Toro tool Gooti toollu ilomoropiyo'moneyokwe ago tovi kuulomwaloduke toollu so'mgonomarolekono. Su toro so'mgonomarolo toga Jisasol a'mwo ibwasokwe toorogai mwalno sumaiyokwe kemoro kuuguudo wuudodopure tonyu wuu'no'no yamuugojo pun kuudoganyajukekono. 47Aki yiuwi'nokai a'mwo ibwasokwe su toorai Jisasol kuuguudo yodubwasodowo kemoro yamuugojo tonyu yiuno pi'mwono to'no kuujajukekono. Toro wuudoduke tonyuno a'mwo su tooro wuu'no'mno mollolokurosi soporogano.
48Jisasol toro yoduke toga gamoro kuunum kwolabolo teyaul kuuloonyuno sumaleyokwe mollolokurosi soleyaukono. Toro ino sumaleyokwe gami ganeyago tov aro kuudokakwono. “Kwolaiyoloo, guu akaro sadokuudo tov buro'nyo'mo donakulladokuuno? Gumi junumiyago tooke'aro nuuge'aro teyonaul gumino luko yodowol a'mgono bwotonyo saguu'mgonmwakuuwolo.” Kuudokakwono. 49Toro kuudoka tovi Jisasol aro kuudokaikono. “Kev teyaukul numino buro'nyo'mo yiuwi'nokai tomuu a'mgono januu'mgonadokuulo? Mino tov, Oo gami Ganumiyago toolluro ago tovi doulomwallo, kuudo miyanuullu jukimwakulo?” Kuudokaikono.
50Toro kuudoka kuvi kuruv ganum kwolabolo teyaul gamoro yogalo kuudoka su tovuro kavlo tovino miyouromaroleyaukono. 51Toro te Jisasol gami ganum kwolabolo su teyauke Nasaret'no aikomgu bo'mno abomwalopogano. Toro bomwalno sumaveyokwe Jisasol gami ganum kwolabolo teyaulluro yogalo wuudodole tovi pi'mwono kuumjungovlaiyajukekono. Toro te Jisasolluro ganeyago tov gami yiuwi'nokai kwonyajuko su tonyuno gami poowokalago tovi momullosuno sumaiyokwe kuudo kuuno sou'movlaiyajukokwono. 52Su toro yomjomwekovla'mno sumaiyokwe Jisasol aguto gullumelabodowodo tomuu pi'mwo kuudo bwotonyo tokwe sumo'nyajukekono. Toro imo'noduke toolluno Gooti tooke'aro a'mwo abolo togai'aro ton ilaiyo kwinyajupekono.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida