Luke 23

Sa lewai Jisu ko Pilato kei Eroti, 1-25. Era vakoti Jisu ki na kauveilatai, a sa masulaki ira ko koya, a sa vakabula e dua vei rau na daubutako, a sa vakabauti koya ko na turaga ni valu, 27-49. Sa buluti koya ko Josefa, 50-56.

1A SA tu cake ko ira kecega na lewe vuqa, ka kauti koya vei Pilato.

2A ra sa vakatekivu me ra beitaka, a ra sa kaya, Keitou sa kunei koya o qo, ni sa saumaka vakatani na vanua, a sa vakatabuya na soli drawe vei Sisari, a sa kaya ni sa Karisito na Tui ko koya. 3A sa tarogi koya ko Pilato, ka kaya, O iko na nodra Tui na kai Jutia, se segai? A sa vosa ko koya, ka kaya vua, O sa kaya dina mai.

4Sa qai kaya ko Pilato vei ira na bete levu kei ira na lewe vuqa, Au sa sega ni kunea e dua na ka ca vua na tamata o qo. 5Era sa qai gumatua vakalevu mai, ka kaya, Sa vakayavalati ira na tamata e Jutia taucoko ko koya e na nonai vakavuvuli, sa vakatekivu mai Kalili ka yaco ki na yasana o qo. 6Ia ni sa rogoci Kalili ko Pilato, sa taroga, se sa kai Kalili na tamata, se segai. 7Ia ni sa kila ni sa dautiko ko koya e na yasana sa lewa kina ko Eroti, sa talai koya vei Eroti, o koya talega sa tiko mai Jerusalemi e na gauna ko ya.

8Ia ni sa raici Jisu ko Eroti, sa reki sara: ni sa gadreva makawa me raica, ni sa vuqa na ka sa rogoca vua; a sa nakita me raica na nona kitaka e dua na caka-mana. 9Sa qai vuqa na ka sa tarogi koya kina; a sa sega na ka sa kaya vua ko koya. 10A ra sa tu kina na bete levu kei ira na vu-ni-vola, a ra sa beitaka vakalevu sara. 11Ia ko Eroti kei ira na nona matai valu, era sa vakasewasewani koya, ka vakalialia, a ra sa vakasuluma e na dua nai sulu lumilumisa, a ra sa tala tale vei Pilato. 12A rau sa qai veivinakati tale e na siga ko ya ko Eroti kei Pilato: ni rau sa veicati eliu.

13Ia ko Pilato, ni sa vakasoqoni ira mada na bete levu kei ira na turaga kei ira na tamata, 14sa kaya vei ira, Dou sa kauta mai vei au na tamata o qo, me vaka e dua sa saumaki ira tani na tamata; ia ka raica, au sa taroga e na matamudou, ia kaʼu sa sega ni kunea vua na tamata o qo e dua na ca dou sa beitaka vua: 15o Eroti talega, e segai; niʼu a talai kemudou vua; ka raica, sa sega ua ka sa kune vua sa dodonu me mate kina: 16o koya o qo kaʼu na vakanakuitataka kina, ka sereka. ( 17Ni sa dodonu me sereka vei ira e dua e na solevu.) 18A ra sa sosoraki vata kecega, ka kaya, Me kau tani ko koya o qo, ka me sere vei keimami ko Parapa: ( 19o koya ka biu ki na vale ni veivesu, e na vuku ni veisei kei na laba e na koro.)

20Ia ni sa via sereki Jisu ko Pilato, sa vosa tale vei ira. 21A ra sa kaci, ka kaya, Vakota ga ki na kauveilatai, vakota ga ki ua kauveilatai. 22A sa kaya vakatolu vei ira ko koya, A cava na ka ca sa qai kitaka? au sa sega ni kunea e dua ua ca vua c dodonu me mate kina; o koya o qo kaʼu na vakanakuitataka kina, ka sereka. 23Era sa qai gumatua sara ka tabalaka na kaci, ni ra sa masu me vakoti ki na kauveilatai ko koya. A sa gumatua na domodra, kei na nodra na bete levu. 24A sa lewa ko Pilato me yaco me vaka na nodra vakatama-masu: 25a sa sereki koya ka biu ki na vale ui veivesu e na vuku ni veisei kei na laba, o koya era sa gadreva; a sa soli Jisu me ra veitaliataka.

26Ia ni ra sa tubera yani tiko, era sa taura e dua na kai Kirini, o Saimoni, o koya sa lako mai vanua, a ra sa tauca vua na kauveilatai, me colata me muri Jisu.

27A ra sa lewe vuqa sara era sa muri koya, na tamata kei na yalewa, a ra sa tagi ka tagicaka. 28A sa vuki vei ira ko Jisu, ka kaya, Oi kemudou na yalewa ni Jerusalemi, dou kakua ni tagicaki au, ia dou tagicaki kemudou kei ira na luvemudou: 29raica, sa voleka ni yaco na siga, ena kainaki kina, Sa kalougata na yava, kei na kete sa sega ni sucu maikina na gone, kei ua sucu sa sega ni vakasucuma na gone. 30Era na qai vakatekivu me kaya ki ua veiulu-ni-vanua, Lutuki keimami mai; ki na veivanua-cecere talega, Ubi keimami mai. 31Ia kevaka sa kitaki na veika o qo ni sa drokadroka na kau, a cava ena caka ni ua qai ruruamalai?

32A rau sa lewe rua tani talega, na tamata caka ca, eratou sa tuberi vata kaya me ratou vakamatei. 33Ia ni ra sa yaco ki na yasana, a yacana ko Kalivari [A yasana ni qavokavoka], era sa vakoti koya kina ki na kauveilatai, kei rau talega na tamata caka ca, e dua e na ligana i matau, ka dua e na liga i mawi.

34Sa qai kaya ko Jisu, Tamaqu, kakua ni cudruvi ira; ni ra sa sega ni kila na ka era sa kitaka. A ra sa vota na nona veisulu, ka ia na madigi vola.

35A ra sa tu na lewe vuqa me ra vakaraica. O ira talega na turaga kei ira na tamata era sa vakalialia, ka kaya, O koya sa dauvakabulai ira na tani; me tei vakabulai koya, kevaka na Karisito ko koya, na digitaki ni Kalou. 36O ira talega nai valu era sa vakalialiai koya, a ra sa lako mai vei koya, ka solia vua na wai wiwi, 37a ra sa kaya, Kevaka ko sa nodra Tui na kai Jutia, mani vakabulai iko.

38A sa dua nai vola sa irovi koya, sa volai e na vosa vaka-Kirisi, kei na vosa vaka-Roma, kei na vosa vaka-Iperiu, O KOYA O QO NA NODRA TUI NA KAI JUTIA.

39A sa vosavakacacataki koya c dua vei rau na tamata caka ca sa rube, ka kaya, Kevaka na Karisito ko iko, vakabulai iko kei keirau talega. 40A sa vosa na kenai karua, ka vanauci koya, ka kaya, O sa sega beka ni rerevaka na Kalou, ni ko sa lewai mo mate vakakina? 41ia sa dodonu vei kedaru, ni sa saumi koi kedaru e vaka na nodarui valavala; ia na tamata o qo, sa sega na ka ca sa kitaka. 42A sa kaya vei Jisu ko koya, Turaga, nanumi au ni ko sa lako mai e na nomu matanitu. 43A sa kaya vua ko Jisu, Au sa kaya vakaidina vei iko, E na siga ga edaidai edaru na tiko vata mai parataisi.

44Ia sai kaono ni tiki-ni-siga, a sa butobuto na vanua taucoko ka yacova nai kaciwa ni tiki-ni-siga. 45A sa vakabutobutotaki na mata-ni-siga; a sa sei rua nai lati ni vale ni soro.

46Ia sa kaci e na domo levu ko Jisu, ka kaya, Tamaqu, au sa solia na yaloqu ki na ligamu: a sa vosa oti vakakoya, sa qai ciba.

47Ia ni sa raica ko na turaga ni valu na ka sa caka, sa vakarokorokotaka na Kalou, ka kaya, E dina ga ni sa yalododonu na tamata o qo.

48Ia ko ira kecega na tamata era a lako mai me raica na ka ko ya, ni ra sa raica na ka sa caka, era sa yavita na lomaseredra, ka lesu tale yani. 49O ira kece talega na wekana, kei ira na yalewa era a muri koya mai Kalili, era sa tu vakayawa, ka raica na veika o qo.

50Ka raica, sa dua na tamata na yacana ko Josefa, sa dua vei ira na mataveilewai; a tamata vinaka ka dodonu: 51(a sa sega ni lomavata ka caka vata kei ira:) a kai Arimacia, e dua na nodra koro na kai Jutia: a sa waraka talega ko koya na matanitu ni Kalou. 52Sa lako ko koya o qo vei Pilato, ka kerea na yago i Jisu. 53A sa kevutaka sobu mai, ka solega e na dua na gatu matailalai, ka vakotora e na dua nai bulubulu sa ta e na vatu, sa sega ni vakotori kina e dua eliu. 54Ta sa siga vakarau, a sa roro mai na siga ni vakacecegu.

55Ia ko iratou talega na yalewa, eratou a lako vata kaya mai Kalili, eratou sa muri mai, a ratou sa raica nai bulubulu, kei nai valavala ni kena koto na yagona. 56A ratou sa lesu tale, ka vakarautaka e so na ka boivinaka kei nai lumu: a ratou sa vakacegu e na siga ni vakacecegu me vaka na vunau.

Currently Selected:

Luke 23: FIJ1864

Highlight

Copy