Luke 6
6
Jesus o Kealiꞌi keaho kapu
(Mat 12.1-8; Mrk 2.23-28)
1I keaho kapu, Jesus ma nakama kaukali aia la ekaꞌa valoko paupaꞌu kela esomo na{uit}. Nakama kaukali la eꞌoki na{uit} nomulumulu nalima lakou noꞌai nahua la. 2Kena naFarasi la eme aꞌe, “Ame sekonu pela okou iꞌoki nahua la i keaho kapu.”
3Kena iko Jesus ime aꞌe naFarasi la, “Okou napau avale hea David nipena imua. Kama la ma nakama kaukali aia la uhiꞌai. 4Ia kena David ehaele i hale kapu la noꞌai nahalaoa ekapu, kena iau aꞌe nahalaoa la i nakama kaukali aia la noꞌai hoi. Ia ekapu kekama vale ikeꞌai halaoa la. Namaakua solakou ekau.”*f3*
5Kena iko Jesus ime aꞌe naFarasi la, “{Kama ekipu kama} ehamakua iluna keaho kapu.”
Kekama kelima epiꞌo
(Mat 12.9-14; Mrk 3.1-6)
6Kela heaho kapu, Jesus ehaele iloko hale loku noaoaꞌo. Kela hekama kelima laua aia epiꞌo la enoho ilaa hoi. 7Nakama polopolo nakuaa lakou ma naFarasi la ilaꞌila hamakonu solakou, aoki Jesus uapaꞌe nokonaꞌi kama la i keaho kapu la, ilavaa nakama la kemau kakala ia Jesus. 8Ia Jesus emakino nahakaꞌoko nakama la, kena ime aꞌe kama kelima epiꞌo la, “Masiꞌe iluna. Hamai nokuu imua keonohenua nei.” Ko kama la imasiꞌe iluna nokuu imua keonohenua la. 9Kena iko Jesus ime aꞌe nakama la, “Anau eme aku okou, ekonu pela kakou ipena namea kaualeꞌa i keaho kapu, ma ipena namea saꞌino? Ekonu pela kakou ikonaꞌi nakama iola ma ikaa nakama la imake?”
10Ko Jesus iꞌila hakaꞌa aꞌe nakama la hakoa, kena ime aꞌe kama la, “Hola kelima aꞌoe.” Kena iko kama la ihola aꞌe kelima aia nokaualeꞌa hakoa. 11Ia kena naFarasi lakou ma nakama polopolo nakuaa la uloko haeꞌo, kena ikakala solakou hea lakou mehai.
Jesus ekini sehui ma lua nakama kaukali aia
(Mat 10.1-4; Mrk 3.13-19)
12Kela heaho, Jesus ehaele nonoho iluna kemouna noloku, kena kama la eloku aꞌe Keakua kepo la hakoa. 13Ia kahaka, kama la uanaa aꞌe nakama kaukali aia la hakoa, kena ikini sehui ma lua nakama. Anei nakama kela Jesus ekini, kena ihaunalia noheheaꞌu maia.
14Simon kela Jesus ekapa ma Peter,
Andrew, kaina Peter,
James
John,
Philip
Bartholomew;
15Matthew
Thomas,
James, kekama Alphaeus
Simon, kekama sehihai Rome ilolosi Israel,
16Judas, kama James, ia ma
Judas Iscariot, kekama ehaꞌali aꞌe Jesus i nakama hamakua la.
Jesus ekonaꞌi nakama lavea
(Mat 4.23-25)
17Jesus ma nakama kaukali aia la uo ilalo kemouna nokae keꞌina hanakahi. Komaꞌi nakama ehaꞌuku i keꞌina la; ala nikama keonohenua elahi kela ekakaꞌa ma Jesus, naonohenua Jerusalem laua ma Judea, lakou ma naonohenua namakaꞌina kela ekuu vakai kapili aꞌe Tyre laua ma Sidon. 18Nakama la uo aꞌe nolono nakakala Jesus. Ia nakama lavea la ehihai kama la ikonaꞌi lakou ikaualeꞌa. Kena Jesus ekonaꞌi hoi nakama kela eisi nakipua saꞌino iloko lakou. 19Nakama la hakoa hamamahi ikaohi Jesus, maikinimea kama la ehuli aꞌe namahi aia ikonaꞌi nakama la hakoa.
Nakama kela hakapu lia Keakua
(Mat 5.1-12)
20Kena iko Jesus iꞌila aꞌe nakama kaukali aia la, kena ime aꞌe,
“Okou nakama haaloha mehakapu lia Keakua,
maikinimea kenoholana Keakua heꞌina okou.
21Okou nahiꞌai ana mehakapu lia Keakua,
maikinimea naola okou meꞌakoa.
Okou nakani ana vahonei mehakapu lia Keakua,
maikinimea okou meiꞌaka.
22“Okou meihakapu lia Keakua. Alakama meililoko okou. Nakama la mehanaꞌino okou, ia mekamoa haeꞌo okou, kena ikakala halihu namale okou, maikinimea okou ekaukali {kama ekipu kama}. 23Ia nakipuna lakou la umeme haeꞌo kia nakama hakae nakakala Keakua imua ehau pela hoi. Ia okou ekau kehihia mahi, ilue kehihia okou, maikinimea kuhana elahi okou emoe mai i kevaelani.
24Ia okou nakama hai heheaꞌu meihalono lihu,
maikinimea okou nako avale nakuhana okou.
25Okou nakama eꞌai kaualeꞌa meihalono lihu.
maikinimea okou mehiꞌai haeꞌo.
Okou puaꞌa aka alakama meihalono lihu.
maikinimea okou mekani nokipuaina.
26“Niaina keonohenua ekakala hakaualeꞌa okou, okou meihalono lihu. Nakama la nikakala hakaualeꞌa aꞌe nakama hakae nakakala Keakua imua la hoi, kena ihai haeꞌo kia nakama la.
Sevuhu muli
(Mat 5.38-48; 7.12a)
27“Anau eme aku okou nakama kela ehalono mai anau, ilaoi nakama haihai manava okou. Okou ihakaualeꞌa nakama eliloko okou la. 28Kakala hakaualeꞌa nakama kela ekamoa haeꞌo okou. Kena loku aꞌe Keakua ikonaꞌi nakama kela ekakala halihu okou. 29Poi hekama evuhu papaiaha aꞌoe, huli aku kela papaiaha ivuhu kama la hoi. Poi hekama eko keauꞌahu makolu aꞌoe, aꞌoe sehaꞌapi. Kiaꞌi kama la iko keauꞌahu manihi aꞌoe la hoi. 30Au aꞌe alakama nia nakama la eainoa aku aꞌoe. Poi hekama eko kemea aꞌoe la, aꞌoe seme aꞌe kama na ivaꞌai aku kemela.
31“Konaꞌi alakama, ehau poi okou hihai nakama la ikonaꞌi okou.
32“Poi okou elaoi nakama kela elaoi okou, ea, okou amekonu i namaisu Keakua? Seai. Nakama haisala elaoi nakama kela elaoi lakou la hoi. 33Poi okou ekonaꞌi nakama kela ekonaꞌi okou, ea, okou amekonu i namaisu Keakua? Seai. Nakama haisala emea pela hoi. 34Poi okou eau aꞌe namea okou la ikonaꞌi alakama, ia hakaꞌoko ma iko muli name la, okou sekonu i namaisu Keakua. Nakama haisala eau aꞌe namea lakou la ikonaꞌi alakama, ia hakaꞌoko ma iko muli name la hoi.
35“Ia okou ilaoi nakama haihai manava okou la. Konaꞌi nakama la, ia sehakaꞌoko pela iko muli nimea. Kena kuhana okou melahi. Ia okou meme mo kama Keakua ialuna. Keakua ealoha nakama saꞌino ma nakama aimake. 36Kena okou ialoha alakama, ehau poi Kamana okou la ealoha nakama la.
Sehakonu alakama
(Mat 7.1-5)
37“Okou isehakonu alakama, kena alakama mesehakonu okou. Okou isehai aꞌe alakama, kena alakama mesehai aku okou. Okou isili hia nahaisala alakama, kena alakama mesili hia nahaisala okou. 38Hoꞌi aꞌe alakama, kena alakama mehoꞌi aku okou. Kena kehoꞌi okou meko melahi haeꞌo, kela okou meselavaa kekaohi. Poi okou eau aꞌe namea, kena alamea mevaꞌai aku pela hoi.”
39Ko Jesus ikakala haiauna aꞌe, “Kama alemaka seni selavaa kehakaꞌi kelaa kama alemaka seni. Aoki koꞌolua na memaoha iloko kelua enoko. 40Kama aoaꞌo la elaꞌa iluna ma nakama aia eaoaꞌo la. Keualoko kama kaukali la niaꞌo namea hakoa kama hamakua aia la, kama la meau aꞌe nohau ma kama hamakua la.
41“Aꞌoe eꞌike kaꞌele emau keꞌalemaka kaina aꞌoe na, ia seꞌike keunaloko laꞌau epui naꞌalemaka aꞌoe naea? 42Kena aꞌoe sekau keme aꞌe kaina aꞌoe la pela, ‘Kaina, hamai ipisi kaꞌele emau keꞌalemaka aꞌoe na.’ Ia aꞌoe soꞌoe seꞌike keunaloko laꞌau emau keꞌalemaka aꞌoe la. Aꞌoe ekakala uhiuhi oia. Aꞌoe ekau kesau keunaloko laꞌau emau keꞌalemaka aꞌoe na imua. Kena aꞌoe meꞌike laoi nopisi kaꞌele emau keꞌalemaka kaina aꞌoe la.
Nalaꞌau ia ma nahua
(Mat 7.16-20; 12.33-35)
43“Kelaꞌau kaualeꞌa sehua nahua saꞌino. Ia hoi kelaꞌau saꞌino selavaa kehua nahua kaualeꞌa. 44Nahua ehuli mai nakipukipu nalaꞌau. Selavaa hekama keꞌahi nanaku ikaha ma napavuhu. Ia selavaa hekama keui nahui kehala ikaha ma navasa. 45Nakama kaualeꞌa epena namea kaualeꞌa, ikaukali nakipukipu kaualeꞌa nahakumanava lakou la. Ia nakama saꞌino epena namea saꞌino, ikaukali nakipukipu saꞌino naola lakou la. Nakama hakoa ekakala kaukali nakipukipu nahakumanava lakou.
Nakama hakuu nahale
(Mat 7.24-27)
46“Aiea okou eanaa mai anau pela Kealiꞌi, ia okou sepena hea anau eme aku? 47Alakama eo mai. Nakama la elono nakakala anau, kena ipena kaukali nakakala anau nei. 48Nakama la ehau poi hekama kela eꞌeli napou kehale aia la ihakuu iluna hakupaa. Kena hua peau la elohia nopoꞌu hale la. Ia hale la senanaue, maikinimea hale la epena hakaualeꞌa. 49Ia alakama elono nakakala anau, ia sepena kaukali nakakala anau nei. Nakama la ehau poi hekama kela ehakuu hale aia la iluna kaꞌele semau. Saika hua peau uhamai nopoꞌu hale la, kehale la usina ilalo nomaseu hakoa.”
Currently Selected:
Luke 6: ojv
Highlight
Share
Copy
Want to have your highlights saved across all your devices? Sign up or sign in
© 1999, Wycliffe Bible Translators, Inc. All rights reserved.
Luke 6
6
Jesus o Kealiꞌi keaho kapu
(Mat 12.1-8; Mrk 2.23-28)
1I keaho kapu, Jesus ma nakama kaukali aia la ekaꞌa valoko paupaꞌu kela esomo na{uit}. Nakama kaukali la eꞌoki na{uit} nomulumulu nalima lakou noꞌai nahua la. 2Kena naFarasi la eme aꞌe, “Ame sekonu pela okou iꞌoki nahua la i keaho kapu.”
3Kena iko Jesus ime aꞌe naFarasi la, “Okou napau avale hea David nipena imua. Kama la ma nakama kaukali aia la uhiꞌai. 4Ia kena David ehaele i hale kapu la noꞌai nahalaoa ekapu, kena iau aꞌe nahalaoa la i nakama kaukali aia la noꞌai hoi. Ia ekapu kekama vale ikeꞌai halaoa la. Namaakua solakou ekau.”*f3*
5Kena iko Jesus ime aꞌe naFarasi la, “{Kama ekipu kama} ehamakua iluna keaho kapu.”
Kekama kelima epiꞌo
(Mat 12.9-14; Mrk 3.1-6)
6Kela heaho kapu, Jesus ehaele iloko hale loku noaoaꞌo. Kela hekama kelima laua aia epiꞌo la enoho ilaa hoi. 7Nakama polopolo nakuaa lakou ma naFarasi la ilaꞌila hamakonu solakou, aoki Jesus uapaꞌe nokonaꞌi kama la i keaho kapu la, ilavaa nakama la kemau kakala ia Jesus. 8Ia Jesus emakino nahakaꞌoko nakama la, kena ime aꞌe kama kelima epiꞌo la, “Masiꞌe iluna. Hamai nokuu imua keonohenua nei.” Ko kama la imasiꞌe iluna nokuu imua keonohenua la. 9Kena iko Jesus ime aꞌe nakama la, “Anau eme aku okou, ekonu pela kakou ipena namea kaualeꞌa i keaho kapu, ma ipena namea saꞌino? Ekonu pela kakou ikonaꞌi nakama iola ma ikaa nakama la imake?”
10Ko Jesus iꞌila hakaꞌa aꞌe nakama la hakoa, kena ime aꞌe kama la, “Hola kelima aꞌoe.” Kena iko kama la ihola aꞌe kelima aia nokaualeꞌa hakoa. 11Ia kena naFarasi lakou ma nakama polopolo nakuaa la uloko haeꞌo, kena ikakala solakou hea lakou mehai.
Jesus ekini sehui ma lua nakama kaukali aia
(Mat 10.1-4; Mrk 3.13-19)
12Kela heaho, Jesus ehaele nonoho iluna kemouna noloku, kena kama la eloku aꞌe Keakua kepo la hakoa. 13Ia kahaka, kama la uanaa aꞌe nakama kaukali aia la hakoa, kena ikini sehui ma lua nakama. Anei nakama kela Jesus ekini, kena ihaunalia noheheaꞌu maia.
14Simon kela Jesus ekapa ma Peter,
Andrew, kaina Peter,
James
John,
Philip
Bartholomew;
15Matthew
Thomas,
James, kekama Alphaeus
Simon, kekama sehihai Rome ilolosi Israel,
16Judas, kama James, ia ma
Judas Iscariot, kekama ehaꞌali aꞌe Jesus i nakama hamakua la.
Jesus ekonaꞌi nakama lavea
(Mat 4.23-25)
17Jesus ma nakama kaukali aia la uo ilalo kemouna nokae keꞌina hanakahi. Komaꞌi nakama ehaꞌuku i keꞌina la; ala nikama keonohenua elahi kela ekakaꞌa ma Jesus, naonohenua Jerusalem laua ma Judea, lakou ma naonohenua namakaꞌina kela ekuu vakai kapili aꞌe Tyre laua ma Sidon. 18Nakama la uo aꞌe nolono nakakala Jesus. Ia nakama lavea la ehihai kama la ikonaꞌi lakou ikaualeꞌa. Kena Jesus ekonaꞌi hoi nakama kela eisi nakipua saꞌino iloko lakou. 19Nakama la hakoa hamamahi ikaohi Jesus, maikinimea kama la ehuli aꞌe namahi aia ikonaꞌi nakama la hakoa.
Nakama kela hakapu lia Keakua
(Mat 5.1-12)
20Kena iko Jesus iꞌila aꞌe nakama kaukali aia la, kena ime aꞌe,
“Okou nakama haaloha mehakapu lia Keakua,
maikinimea kenoholana Keakua heꞌina okou.
21Okou nahiꞌai ana mehakapu lia Keakua,
maikinimea naola okou meꞌakoa.
Okou nakani ana vahonei mehakapu lia Keakua,
maikinimea okou meiꞌaka.
22“Okou meihakapu lia Keakua. Alakama meililoko okou. Nakama la mehanaꞌino okou, ia mekamoa haeꞌo okou, kena ikakala halihu namale okou, maikinimea okou ekaukali {kama ekipu kama}. 23Ia nakipuna lakou la umeme haeꞌo kia nakama hakae nakakala Keakua imua ehau pela hoi. Ia okou ekau kehihia mahi, ilue kehihia okou, maikinimea kuhana elahi okou emoe mai i kevaelani.
24Ia okou nakama hai heheaꞌu meihalono lihu,
maikinimea okou nako avale nakuhana okou.
25Okou nakama eꞌai kaualeꞌa meihalono lihu.
maikinimea okou mehiꞌai haeꞌo.
Okou puaꞌa aka alakama meihalono lihu.
maikinimea okou mekani nokipuaina.
26“Niaina keonohenua ekakala hakaualeꞌa okou, okou meihalono lihu. Nakama la nikakala hakaualeꞌa aꞌe nakama hakae nakakala Keakua imua la hoi, kena ihai haeꞌo kia nakama la.
Sevuhu muli
(Mat 5.38-48; 7.12a)
27“Anau eme aku okou nakama kela ehalono mai anau, ilaoi nakama haihai manava okou. Okou ihakaualeꞌa nakama eliloko okou la. 28Kakala hakaualeꞌa nakama kela ekamoa haeꞌo okou. Kena loku aꞌe Keakua ikonaꞌi nakama kela ekakala halihu okou. 29Poi hekama evuhu papaiaha aꞌoe, huli aku kela papaiaha ivuhu kama la hoi. Poi hekama eko keauꞌahu makolu aꞌoe, aꞌoe sehaꞌapi. Kiaꞌi kama la iko keauꞌahu manihi aꞌoe la hoi. 30Au aꞌe alakama nia nakama la eainoa aku aꞌoe. Poi hekama eko kemea aꞌoe la, aꞌoe seme aꞌe kama na ivaꞌai aku kemela.
31“Konaꞌi alakama, ehau poi okou hihai nakama la ikonaꞌi okou.
32“Poi okou elaoi nakama kela elaoi okou, ea, okou amekonu i namaisu Keakua? Seai. Nakama haisala elaoi nakama kela elaoi lakou la hoi. 33Poi okou ekonaꞌi nakama kela ekonaꞌi okou, ea, okou amekonu i namaisu Keakua? Seai. Nakama haisala emea pela hoi. 34Poi okou eau aꞌe namea okou la ikonaꞌi alakama, ia hakaꞌoko ma iko muli name la, okou sekonu i namaisu Keakua. Nakama haisala eau aꞌe namea lakou la ikonaꞌi alakama, ia hakaꞌoko ma iko muli name la hoi.
35“Ia okou ilaoi nakama haihai manava okou la. Konaꞌi nakama la, ia sehakaꞌoko pela iko muli nimea. Kena kuhana okou melahi. Ia okou meme mo kama Keakua ialuna. Keakua ealoha nakama saꞌino ma nakama aimake. 36Kena okou ialoha alakama, ehau poi Kamana okou la ealoha nakama la.
Sehakonu alakama
(Mat 7.1-5)
37“Okou isehakonu alakama, kena alakama mesehakonu okou. Okou isehai aꞌe alakama, kena alakama mesehai aku okou. Okou isili hia nahaisala alakama, kena alakama mesili hia nahaisala okou. 38Hoꞌi aꞌe alakama, kena alakama mehoꞌi aku okou. Kena kehoꞌi okou meko melahi haeꞌo, kela okou meselavaa kekaohi. Poi okou eau aꞌe namea, kena alamea mevaꞌai aku pela hoi.”
39Ko Jesus ikakala haiauna aꞌe, “Kama alemaka seni selavaa kehakaꞌi kelaa kama alemaka seni. Aoki koꞌolua na memaoha iloko kelua enoko. 40Kama aoaꞌo la elaꞌa iluna ma nakama aia eaoaꞌo la. Keualoko kama kaukali la niaꞌo namea hakoa kama hamakua aia la, kama la meau aꞌe nohau ma kama hamakua la.
41“Aꞌoe eꞌike kaꞌele emau keꞌalemaka kaina aꞌoe na, ia seꞌike keunaloko laꞌau epui naꞌalemaka aꞌoe naea? 42Kena aꞌoe sekau keme aꞌe kaina aꞌoe la pela, ‘Kaina, hamai ipisi kaꞌele emau keꞌalemaka aꞌoe na.’ Ia aꞌoe soꞌoe seꞌike keunaloko laꞌau emau keꞌalemaka aꞌoe la. Aꞌoe ekakala uhiuhi oia. Aꞌoe ekau kesau keunaloko laꞌau emau keꞌalemaka aꞌoe na imua. Kena aꞌoe meꞌike laoi nopisi kaꞌele emau keꞌalemaka kaina aꞌoe la.
Nalaꞌau ia ma nahua
(Mat 7.16-20; 12.33-35)
43“Kelaꞌau kaualeꞌa sehua nahua saꞌino. Ia hoi kelaꞌau saꞌino selavaa kehua nahua kaualeꞌa. 44Nahua ehuli mai nakipukipu nalaꞌau. Selavaa hekama keꞌahi nanaku ikaha ma napavuhu. Ia selavaa hekama keui nahui kehala ikaha ma navasa. 45Nakama kaualeꞌa epena namea kaualeꞌa, ikaukali nakipukipu kaualeꞌa nahakumanava lakou la. Ia nakama saꞌino epena namea saꞌino, ikaukali nakipukipu saꞌino naola lakou la. Nakama hakoa ekakala kaukali nakipukipu nahakumanava lakou.
Nakama hakuu nahale
(Mat 7.24-27)
46“Aiea okou eanaa mai anau pela Kealiꞌi, ia okou sepena hea anau eme aku? 47Alakama eo mai. Nakama la elono nakakala anau, kena ipena kaukali nakakala anau nei. 48Nakama la ehau poi hekama kela eꞌeli napou kehale aia la ihakuu iluna hakupaa. Kena hua peau la elohia nopoꞌu hale la. Ia hale la senanaue, maikinimea hale la epena hakaualeꞌa. 49Ia alakama elono nakakala anau, ia sepena kaukali nakakala anau nei. Nakama la ehau poi hekama kela ehakuu hale aia la iluna kaꞌele semau. Saika hua peau uhamai nopoꞌu hale la, kehale la usina ilalo nomaseu hakoa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1999, Wycliffe Bible Translators, Inc. All rights reserved.