लुका 5:12-13
लुका 5:12-13 CDM93
ओहाङःसैको यात्ज्योः सहर्ताङ् आल्ती ओहाङः यात्चाक् आन कोह्र् चाओ मान्ता येसुकःताङ् वाङ्आ। येसुकायः च्यवःआक्तीको ओउः मान्ताइ येसुकायः बाःती स्यवती “अ प्रभुय नाङ् ग्यातेःनाः त खेःया ङाकायः स्याक्ताक्सातेः खाय्तेःनाःची बा” त दाय्ह्ती येसुकः काःहाल्ती तेआ। ओउःत तेआक्तीको ओउः कोह्र् चाओ मान्ताकायः येसुइ लयःकोः क्रुत् प्योती दीन्ह्आकान्। क्रुत्इ दीन्ह्ती “ग्यालेःनाङः बा स्याक्तेःपाः” त दाय्ह्ती येसु त्याङ्ओ कुस्ब्रक्तलेः ओउः मान्ता सेलः स्याव्आ।
Bible App
Bible App for Kids
