मत्ती 17
17
1एत तोआथास ओहाङःसैको यात् सात पुत्आक्तीको पत्रुस्मा याकुब् युहना नीस् पुःचाःमा ओउः सुम्चाक्कायः येसुइ लात्ती आलःती चीङःचाङःत मुओ यास्ओ स्यालुङ्कोः च्योःताङ् लनःआथास। 2ओहाङः लनःआक्तीको येसुकोः रुप् ल्हेस्ती थाङ्ती ओउःकोः खेन्पाय् न्याम्लो लेखा थोङ्आ ओउःकोः नाय् आन भाम् फीर्लीक् त छोओ खेःतो। 3येसु ओउःतलेः थाङ्ती स्याव्तोक्हाङः अरु नीस्चाक् मोसा एलीया त तोओनीस्पाय् येसुकुस् नोःकाय्लाङ् थाओ खेःतो। 4ओउःनीस् येसुकुस् नोःकाय्ती मुओ च्यवःती “अ प्रभुय ङी इहाङः वाङ्ती मुओपाय् गुच्युक् पेजेःतो। लौ नाङ् झाक्ओ त खेःया ङीइ सुम्ज्योः झ्युह्रुक् कीम् जाङ्ह्नेःनेःनानाङ्स। यात्ज्योः कीम् नाङ्कायः यात्ज्योः मोसाकायः ओउः अरु एलीयाकायः” त दाय्ह्ती पत्रुस् दाय्ह्आ 5ओउःपाय् दाय्ह्दाय्ह्बालेलेः रेनःझेनःत मुस् वाङ्ती घमःआथास। मुस् घमःतोक्हाङः मुस्सै हाव्नयः वाङ्ती “लौ इपाय् ङाकोः आन राप्ओ चोः लेःआः बत्ताङः। ओउःकः ङा आन म्रोलेःनाङः। ओउःइ तोओ कुरालेः पेतो सायःनु दा” त दाय्ह्ती दाय्ह्ओ खेःतो। 6एत दाय्ह्ओ सायःआक्तीको ओउः सुम्चाक् येसुकुस् वाह्ओमयः आन रैती साःहाङः बाःती मुआकाय्। 7ओउःमयः साःहाङः बाःती मुओ च्यवःती येसुइ वाङ्ती ओउः सुम्चाक्कायः दीन्ह्ती “लौ रैमाःत चीङ्न दा” त दाय्ह्ती तोथासतो 8ओउःमयः चीङ्ती त्यास्ती योतोक्हाङः अरु मान्तापाय् सुमा नाःइली येसु ह एकान् मुओ च्यवःआकानी 9ओहाङःसैको ओउः सुम्चाक् चीङ्ती येसुकुस् स्यालुङ्सै ग्ल्युङ्ह्आकाय्। ग्ल्युङ्ह्ती वाह्तोक्हाङः “लौ ओउः मान्ताकोः चोःत तोओ सीआक्तीको उह्ती च्योक्धाङ्माःच्युक्कायः नीङ्इ मेस् च्यवःओमा सायःओ कुरामा सुकायःमा ल्हाक्ती छ्यान्ह्तेःचानी दा” त दाय्ह्ती येसुइ तोआकान्। 10एत तोओ सायःआक्तीको “लौ उया ओउः धर्मा स्यान्ओमयःइ दोह् हायःती ‘ओउः वाङ्सा खेःओ ख्रीस्कोः ङ्हासै एलीया वाङ्आनाः’ त दाय्ह्ती स्यान्नानी” त दाय्ह्ती ओउः सुम्चाक्इ येसुकायः व्हत्नीतो 11“एलीयापाय् दोङ्सीलेः ङ्हा वाङ्ती सबै कुरा पेतो जाङ्ह्ताक्नौ बा 12दोङ्सी दाय्ह्भनाङ् एलीया त तोओपाय् ङ्हाखालेः वाङ्जेःओआः बा। वाङ्सापाय् वाङ्ओआः धर्मा स्यान्ओमयःलम्इ ओउःकायः तय्ह्माःत लयः झाक्ओ पेमालो काम्लम् हायःआथै। ओउःतलेः ओउः मान्ताकोः चोः त तोआमा आन लीह्तो गोरःसा खेःतो” त दाय्ह्ती येसु त्याङ्आ 13एत त्याङ्आक्तीको येसुइ दोङ् एलीयाकोः कुरा तोउलु बाप्तीस्मा बयःओ युहनाकोः कुरा तोओ खेःतो। “ओउः युहनापाय् ख्रीस्कोः ङ्हासै वाङ्ओ लेःआः” त दाय्ह्ती स्यान्ओ ओउःमयःइ चीःआकानी।
14ओहाङःसैको येसुमा ओउःकोः सुम् साथीमा ग्ल्युङ्ह्ती कामःताङ् मुओ हुम्ओ मान्तालम्कःताङ् वाङ्आकाय्। ओउःमयःकःताङ् दाह्ती वाङ्तोक्हाङः यात्चाक् येसुकःताङ् बाःती स्यवलाङ् वाङ्ती 15“अ प्रभु ङाकोः चोःकायः योनःती योची दै। ओउःकायः दोह्लाङःइ आन ब्रःताक्ती जीक्ताक्नाःथै। बेला बेलाहाङः म्हेःहाङः तोन्नाः ज्युम्ह्ओ तीःहाङःमा पोक्झुङ्नाः 16ओउःकायः नाङ्कुस् वाह्ओमयःकःताङ् काःहाल्लाङ् वानःङोतो ओउःमयःइ ङाकोः चोःकायः स्याक्ताक्सा खाय्बाय्नीली” त दाय्ह्ती ओउः आपाइ तोआथै। 17एत तोआक्तीको “लौ नीङ् ङ्हाम्मालो मान्तालम्पाय् नीङ्कुस् ङा गुच्युक् ज्याङःतोलेः स्यान्ती मुसा खेःङोतो। नीङ्कोः ङ्हाम्मालो ल्हुङ् योती गुच्युक् दीन्कायः लीह्ती गोरःसा खेःनाङः र” त दाय्ह्ती येसुइ तोआथास। 18तोआक्तीको ओउः लान्कायः “लौ इकायः फेउ” त दाय्ह्ती येसुइ जान्ती तोआकान्। इत तोओहाङःसै ओउः चोः पेतो सेलः स्याव्आ। 19ओउः हौपाय् सेलः स्याव्आक्तीको येसुकुस् वाह्ओमयः ओउःकःताङ् वाङ्ती “लौ दोह् हायःती ङीखेइ ओउः लान्कायः ल्हेस्ताक्सा खाय्ङुसुलु” त दाय्ह्ती व्हत्थातो 20-21“नीङ्इ पेतो ङ्हाम्धाङ्तेःनीली ओउःत झ्यान्ते ओउः लान्कायः ल्हेस्सा खाय्मालो लेःइ। दोङ्सी दाय्ह्भनाङ् नीङ्इ ङाकायः बल बल ङ्हाम्ओ ह तेःइ त खेःया इ स्यालुङ्कायः ‘लौ ओउःताङ् लोय्स’ त दाय्ह्ती तोआक्तीको दोङ्सीलेः ओउः स्यालुङ्पाय् लोय्ती आल्लेःआनाः बा। दोह् दोह्तेः हायःसा म्हर्तेःनै ओउःलेः हायःसा दोःआनाः बा” त दाय्ह्ती येसुइ तोआथास।
22ओहाङःसैको ओउःमयः गालील त तोओहाङः मुतोक्हाङः “लौ ओउः मान्ताकोः चोः त तोओपाय् पेमालो मान्ताकःताङ् स्याङ्ह्ससै ल्हालाङ् दाक्नानी। 23दाक्आक्तीको ओउःकायः सात्नानी। सात्सापाय् सात्नानी सात्आक्तीको ओउःपाय् सुम् दीन्हाङः त्याती च्योक्नाः” त दाय्ह्ती येसुइ लयःकुस् वाह्ओमयःकायः स्यान्आकान्। ओउः स्यान्ओ सायःआक्तीको ओउःमयः आन लीह्तो स्याव्आकाय्।
24ओहाङःसै कफर्नाहुम् त तोओ सहर्ताङ् दाह्आक्तीको मन्दीर्कोः कर् पैसा उथावओलम् पत्रुस्कःताङ् वाङ्ती “लौ नाङ्कोः गुरुइ मन्दीर्कोः पैसा बयःनौया बयःउलुया” त दाय्ह्ती व्हत्थातो 25“ओउःइ बयःलेःनौ” त दाय्ह्ती पत्रुस् त्याङ्आ। एत त्याङ्आक्तीको पत्रुस् येसुकायः कीम्ताङ् तोलाङ् पाय्ह्तो ती तोधाङ्माःखाहाङः येसुपाय् “लौ सीमोन्य इत तोआक्ची दा। ल्हाव्ह्दैबाङ्कोः राजाइ सुकःसै कर् पैसा त्याक्नानी लयःमयःकःसैया अरु थे मान्तालम्कःसैया” त दाय्ह्ती येसु ङ्हा तोती व्हत्आथै 26“अरु थे मान्तालम्कःसै त्याक्नानी” त दाय्ह्ती पत्रुस् त्याङ्लेःआ “लौ उया परमेस्वर्कोः चोःइ परमेस्वर्कायः मन्दीर्कोः कर् बयःसा परल। 27परसापाय् परल इ मान्तालम्इपाय् चीःमाःत ल्हुङ् मल्ह्तो स्याव्नै यादो। ओउःत खेःओ ओउः ताङ्ह्ओ दुम्हान्कःताङ् आल्ती ङाःकायः क्वेःउ। ओहाङःसैको ङाः ङायःआक्ती ओउः ङ्हा ङायःओ ङाःकोः म्होतोङ् गाताक्ती ओहाङः यात्ज्योः पैसा च्यवःनाः ओउः पैसा त्युत्ती नीचीकोः कर् पाय्क्साकायः कर् उथावओलम्कायः बयःउ” त दाय्ह्ती येसुइ पत्रुस्कायः तोआकान्।
Currently Selected:
मत्ती 17: CDM93
Highlight
Share
Copy
Want to have your highlights saved across all your devices? Sign up or sign in
© 1993 Wycliffe Bible Translators Inc., All Rights Reserved.
मत्ती 17
17
1एत तोआथास ओहाङःसैको यात् सात पुत्आक्तीको पत्रुस्मा याकुब् युहना नीस् पुःचाःमा ओउः सुम्चाक्कायः येसुइ लात्ती आलःती चीङःचाङःत मुओ यास्ओ स्यालुङ्कोः च्योःताङ् लनःआथास। 2ओहाङः लनःआक्तीको येसुकोः रुप् ल्हेस्ती थाङ्ती ओउःकोः खेन्पाय् न्याम्लो लेखा थोङ्आ ओउःकोः नाय् आन भाम् फीर्लीक् त छोओ खेःतो। 3येसु ओउःतलेः थाङ्ती स्याव्तोक्हाङः अरु नीस्चाक् मोसा एलीया त तोओनीस्पाय् येसुकुस् नोःकाय्लाङ् थाओ खेःतो। 4ओउःनीस् येसुकुस् नोःकाय्ती मुओ च्यवःती “अ प्रभुय ङी इहाङः वाङ्ती मुओपाय् गुच्युक् पेजेःतो। लौ नाङ् झाक्ओ त खेःया ङीइ सुम्ज्योः झ्युह्रुक् कीम् जाङ्ह्नेःनेःनानाङ्स। यात्ज्योः कीम् नाङ्कायः यात्ज्योः मोसाकायः ओउः अरु एलीयाकायः” त दाय्ह्ती पत्रुस् दाय्ह्आ 5ओउःपाय् दाय्ह्दाय्ह्बालेलेः रेनःझेनःत मुस् वाङ्ती घमःआथास। मुस् घमःतोक्हाङः मुस्सै हाव्नयः वाङ्ती “लौ इपाय् ङाकोः आन राप्ओ चोः लेःआः बत्ताङः। ओउःकः ङा आन म्रोलेःनाङः। ओउःइ तोओ कुरालेः पेतो सायःनु दा” त दाय्ह्ती दाय्ह्ओ खेःतो। 6एत दाय्ह्ओ सायःआक्तीको ओउः सुम्चाक् येसुकुस् वाह्ओमयः आन रैती साःहाङः बाःती मुआकाय्। 7ओउःमयः साःहाङः बाःती मुओ च्यवःती येसुइ वाङ्ती ओउः सुम्चाक्कायः दीन्ह्ती “लौ रैमाःत चीङ्न दा” त दाय्ह्ती तोथासतो 8ओउःमयः चीङ्ती त्यास्ती योतोक्हाङः अरु मान्तापाय् सुमा नाःइली येसु ह एकान् मुओ च्यवःआकानी 9ओहाङःसैको ओउः सुम्चाक् चीङ्ती येसुकुस् स्यालुङ्सै ग्ल्युङ्ह्आकाय्। ग्ल्युङ्ह्ती वाह्तोक्हाङः “लौ ओउः मान्ताकोः चोःत तोओ सीआक्तीको उह्ती च्योक्धाङ्माःच्युक्कायः नीङ्इ मेस् च्यवःओमा सायःओ कुरामा सुकायःमा ल्हाक्ती छ्यान्ह्तेःचानी दा” त दाय्ह्ती येसुइ तोआकान्। 10एत तोओ सायःआक्तीको “लौ उया ओउः धर्मा स्यान्ओमयःइ दोह् हायःती ‘ओउः वाङ्सा खेःओ ख्रीस्कोः ङ्हासै एलीया वाङ्आनाः’ त दाय्ह्ती स्यान्नानी” त दाय्ह्ती ओउः सुम्चाक्इ येसुकायः व्हत्नीतो 11“एलीयापाय् दोङ्सीलेः ङ्हा वाङ्ती सबै कुरा पेतो जाङ्ह्ताक्नौ बा 12दोङ्सी दाय्ह्भनाङ् एलीया त तोओपाय् ङ्हाखालेः वाङ्जेःओआः बा। वाङ्सापाय् वाङ्ओआः धर्मा स्यान्ओमयःलम्इ ओउःकायः तय्ह्माःत लयः झाक्ओ पेमालो काम्लम् हायःआथै। ओउःतलेः ओउः मान्ताकोः चोः त तोआमा आन लीह्तो गोरःसा खेःतो” त दाय्ह्ती येसु त्याङ्आ 13एत त्याङ्आक्तीको येसुइ दोङ् एलीयाकोः कुरा तोउलु बाप्तीस्मा बयःओ युहनाकोः कुरा तोओ खेःतो। “ओउः युहनापाय् ख्रीस्कोः ङ्हासै वाङ्ओ लेःआः” त दाय्ह्ती स्यान्ओ ओउःमयःइ चीःआकानी।
14ओहाङःसैको येसुमा ओउःकोः सुम् साथीमा ग्ल्युङ्ह्ती कामःताङ् मुओ हुम्ओ मान्तालम्कःताङ् वाङ्आकाय्। ओउःमयःकःताङ् दाह्ती वाङ्तोक्हाङः यात्चाक् येसुकःताङ् बाःती स्यवलाङ् वाङ्ती 15“अ प्रभु ङाकोः चोःकायः योनःती योची दै। ओउःकायः दोह्लाङःइ आन ब्रःताक्ती जीक्ताक्नाःथै। बेला बेलाहाङः म्हेःहाङः तोन्नाः ज्युम्ह्ओ तीःहाङःमा पोक्झुङ्नाः 16ओउःकायः नाङ्कुस् वाह्ओमयःकःताङ् काःहाल्लाङ् वानःङोतो ओउःमयःइ ङाकोः चोःकायः स्याक्ताक्सा खाय्बाय्नीली” त दाय्ह्ती ओउः आपाइ तोआथै। 17एत तोआक्तीको “लौ नीङ् ङ्हाम्मालो मान्तालम्पाय् नीङ्कुस् ङा गुच्युक् ज्याङःतोलेः स्यान्ती मुसा खेःङोतो। नीङ्कोः ङ्हाम्मालो ल्हुङ् योती गुच्युक् दीन्कायः लीह्ती गोरःसा खेःनाङः र” त दाय्ह्ती येसुइ तोआथास। 18तोआक्तीको ओउः लान्कायः “लौ इकायः फेउ” त दाय्ह्ती येसुइ जान्ती तोआकान्। इत तोओहाङःसै ओउः चोः पेतो सेलः स्याव्आ। 19ओउः हौपाय् सेलः स्याव्आक्तीको येसुकुस् वाह्ओमयः ओउःकःताङ् वाङ्ती “लौ दोह् हायःती ङीखेइ ओउः लान्कायः ल्हेस्ताक्सा खाय्ङुसुलु” त दाय्ह्ती व्हत्थातो 20-21“नीङ्इ पेतो ङ्हाम्धाङ्तेःनीली ओउःत झ्यान्ते ओउः लान्कायः ल्हेस्सा खाय्मालो लेःइ। दोङ्सी दाय्ह्भनाङ् नीङ्इ ङाकायः बल बल ङ्हाम्ओ ह तेःइ त खेःया इ स्यालुङ्कायः ‘लौ ओउःताङ् लोय्स’ त दाय्ह्ती तोआक्तीको दोङ्सीलेः ओउः स्यालुङ्पाय् लोय्ती आल्लेःआनाः बा। दोह् दोह्तेः हायःसा म्हर्तेःनै ओउःलेः हायःसा दोःआनाः बा” त दाय्ह्ती येसुइ तोआथास।
22ओहाङःसैको ओउःमयः गालील त तोओहाङः मुतोक्हाङः “लौ ओउः मान्ताकोः चोः त तोओपाय् पेमालो मान्ताकःताङ् स्याङ्ह्ससै ल्हालाङ् दाक्नानी। 23दाक्आक्तीको ओउःकायः सात्नानी। सात्सापाय् सात्नानी सात्आक्तीको ओउःपाय् सुम् दीन्हाङः त्याती च्योक्नाः” त दाय्ह्ती येसुइ लयःकुस् वाह्ओमयःकायः स्यान्आकान्। ओउः स्यान्ओ सायःआक्तीको ओउःमयः आन लीह्तो स्याव्आकाय्।
24ओहाङःसै कफर्नाहुम् त तोओ सहर्ताङ् दाह्आक्तीको मन्दीर्कोः कर् पैसा उथावओलम् पत्रुस्कःताङ् वाङ्ती “लौ नाङ्कोः गुरुइ मन्दीर्कोः पैसा बयःनौया बयःउलुया” त दाय्ह्ती व्हत्थातो 25“ओउःइ बयःलेःनौ” त दाय्ह्ती पत्रुस् त्याङ्आ। एत त्याङ्आक्तीको पत्रुस् येसुकायः कीम्ताङ् तोलाङ् पाय्ह्तो ती तोधाङ्माःखाहाङः येसुपाय् “लौ सीमोन्य इत तोआक्ची दा। ल्हाव्ह्दैबाङ्कोः राजाइ सुकःसै कर् पैसा त्याक्नानी लयःमयःकःसैया अरु थे मान्तालम्कःसैया” त दाय्ह्ती येसु ङ्हा तोती व्हत्आथै 26“अरु थे मान्तालम्कःसै त्याक्नानी” त दाय्ह्ती पत्रुस् त्याङ्लेःआ “लौ उया परमेस्वर्कोः चोःइ परमेस्वर्कायः मन्दीर्कोः कर् बयःसा परल। 27परसापाय् परल इ मान्तालम्इपाय् चीःमाःत ल्हुङ् मल्ह्तो स्याव्नै यादो। ओउःत खेःओ ओउः ताङ्ह्ओ दुम्हान्कःताङ् आल्ती ङाःकायः क्वेःउ। ओहाङःसैको ङाः ङायःआक्ती ओउः ङ्हा ङायःओ ङाःकोः म्होतोङ् गाताक्ती ओहाङः यात्ज्योः पैसा च्यवःनाः ओउः पैसा त्युत्ती नीचीकोः कर् पाय्क्साकायः कर् उथावओलम्कायः बयःउ” त दाय्ह्ती येसुइ पत्रुस्कायः तोआकान्।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1993 Wycliffe Bible Translators Inc., All Rights Reserved.