मत्ती 28:12-15
मत्ती 28:12-15 CDM93
ओउःत झ्यान्ते ओउः कुरा सायःआक्तीको अरु यहुदीलम्कोः ताङ्ह्ओ मान्तालम्कुस् हुम्ती नोःकाय्आक्तीको ओउः सीपाहीलम्कायः नाःतो पैसा बयःआकानी। “लौ सबै मान्ताकायः ‘येसुकुस् वाह्ओमयः याह्दीङ्हाङः वाङ्ती ङी एनःओ बेलाहाङःपाय् येसुकोः म्हाङ् कुःआकानी’ त दाय्ह्ती तोनु। ओहाङःसैको इ कुरा अन्चलादीस्इ सायःचौ त खेःया ङी ओउःकःताङ् होम्काय्ती नोःलाङ् आल्ती ओउःकुस् कुरा पेतो स्याव्ताक्नाङी ओहाङःसैको नीङ् ल्हुङ् र्याङःसा परतेःल” त दाय्ह्ती सीपाहीलम्कायः स्यान्ती तोआकानी। फेरी ओउः सीपाहीलम्इ पैसा त्याक्ती ओउः ताङ्ह्ओ मान्तालम्इ स्यान्ओलो लेखालेः ल्हाक्आकानी। ओउःत झ्यान्ते तेन्छ्याङ्मा “येसुकोः म्हाङ्पाय् ओउःकुस् वाह्ओमयःइ कुःआकानी” त दाय्ह्ती यहुदीलम् नोःकाय्नै।
Bible App
Bible App for Kids
