मर्कस् 3
3
1ओहाङःसैको लोनेकोः धोओ दीन्हाङः येसु थनःओ कीम्ताङ् द्यान्ह्ती आल्ती पोक्लाङ् वाङ्आ। वाङ्ती थनःओ कीम्हाङः पोक्आक्तीको ओहाङः हुम्ओ मान्तालम्कुस् यात्चाक् क्रुत् स्रीत्तो जीक्ओ मान्ता मुओ खेःतो। 2ओउःत चीःती ओउः फरीसी त तोओलम्इ येसुकायः योती मुओ खेःइतो “लौ इ धोओ दीन्हाङःपाय् जाङ्ह्सा स्याव्मालो त जवती तोओ काम्पाय् जाङ्ह्ती येसुइ ओउः जीक्ओ मान्ताकायः स्याक्ताक्नौया स्याक्ताक्उलुया त योनी। स्याक्ताक्नौ त खेःया ङीइ ओउःकायः गाल्तुम्ती तोसा खाय्नाःतय्ह्नी” त दाय्ह्ती लयःमयःकुस् नोःकाय्ती येसुकायः ल्हुङ् तुक् कुःती योसा बोङःआकानी। 3ओहाङःसैको ओउः क्रुत् जीक्ओकायः “लौ इहाङः वाङ्अ दा” त दाय्ह्ती येसुइ तोआकान्। 4ओउःत तोआक्तीको फरीसीलम्कायः “लौ गततेः ताःतेःचै धोओ दीन्हाङः गाव्खे जाङ्ह्सा स्याव्नाः पेओ काम्खे जाङ्ह्साया रेव्ओ काम्खे जाङ्ह्साया। मान्ताकायः स्याक्ताक्सा काम्खेया मान्ताकायः सात्ताक्सा काम्खेया गाव्खे जाङ्ह्सा स्याव्लेःनाः” त दाय्ह्ती येसुइ व्हत्थासतो ओउःमयःइ दोह्तमा त्याङ्सा खाय्नीली। 5ओउःमयः नोःमाःत ल्हुङ् कलःतो मुती झ्यान्ते येसु लीह्तीमा ओउःमयःकायः ल्हुङ् मल्ह्तीमा त्यास्ती योआथास। फेरी ओउः क्रुत् स्रीत्ती जीक्ओकायः “लौ क्रुत् प्योस दा” त दाय्ह्ती येसुइ तोथातो ती ओउः मान्ता क्रुत् प्योआक्तीको जुगाङ् सेलः स्याव्आ। 6ओहाङःसैको ओउः जीक्ओकायः धोओ दीन्हाङः येसुइ स्याक्ताक्ओ च्यवःआक्तीको ओउः फरीसीलम् थनःओ कीम्सै ग्ल्युङ्ह्ती आल्ती हेरोद् राजाकोः मान्तालम्कुस् क्रुस्काय्आकाय् “लौ इ येसुकायः गत हायःती सात्ती वाय्चाःतय्ह्नी” त दाय्ह्ती ओउःमयःकुस् नोःकाय्आकाय्।
7ओहाङःसैको फरीसीलम्खे हेरोद् राजाकोः मान्तालम्कुस् नोःकाय्आकाय् येसुखे ओउःकुस् वाह्ओमयःमा थनःओ कीम्सै ग्ल्युङ्ह्ती गालील त तोओ ताङ्ह्ओ दुम्हान्ताङ् आल्आकाय्। 8आल्तोक्हाङः नाःतो मान्तालम्इ येसुइ जाङ्ह्ओ ग्याङ्ह्राय्कोः कुरा सायःती ओउःमयःकायः गुल्ह्आकानी। गालील यहुदीया अन्चल्नीस्सैमा यरुसालेम् सहर्सैमा इदुमीयामा योर्दन् खोलाकोः उःसैमा फेरी तायर् सीदोन् देस्सैमा इ सबै देस्लम्सै आल्ती येसुकःताङ् वाङ्आकाय्। ओउःमयःइ “लौ इ येसुइपाय् नाःतो जीक्ओलम्कायः स्याक्ताक्ओआः” त चीःतीलेः वाङ्आकाय्। 9-10अरु जीक्ओ मान्तालम् “लौ ङीइ येसुकायः दीन्ह्चाक्नी दा” त दाय्ह्ती ओउःकःताङ् हुम्लाङ् वाङ्आकाय्। इमयःकायः येसुइ नाःतो स्याक्ताक्आथास। ओहाङःसै नाःतो मान्तालम् हुम्लाङ् वाङ्तोक्हाङः येसुकायः तीःकोः छेव्हाङः न्हेङःती कोन्ती झ्यान्ते “लौ ङाकायः मुसा दोङ्गा वानःनाङ्स दा” त दाय्ह्ती ओउःकुस् वाह्ओमयःकायः तोआकान्। 11-12फेरी लान्इ ङायःओलम्इमा येसुकायः च्यवःआक्तीको ओउःकायः बाःती “लौ नाङ्जा परमेस्वर्कोः चोः लेःतेःआः बा” त दाय्ह्ती स्यवनीतो “इ कुरा सुकायःमा नोःलाम्” त दाय्ह्ती येसुइ जान्ती तोआथास।
13ओहाङःसैको ओउःमयःकायःमा तोआक्तीको जीक्ओलम्कायःमा स्याक्ताक्आक्तीको येसु आल्ती स्यालुङ्हाङः लन्ह्ती ओउःकोः लयः झाक्ओ ओउःकुस् वाह्ओ मान्तालम्कायः गोत्आकान्। गोत्आक्तीको ओउःमयः येसुकःताङ् वाङ्आक्तीको 14ओउःमयःकःसै येसुइ बारजनकायः दोक्ती छ्युङ्ह्आकान् “लौ नीङ्पाय् ङाकुस् गलमा वाह्न। ङाकुस् वाह्तोक्हाङः बेला बेलाहाङः 15ङाकोः कुरा थोल्ह्ती तोसा थेङा ल्होक्नेःनाङ्स फेरी लान्कायः ल्हेस्सा ग्वम् बयःनेःनाङ्स” त दाय्ह्ती येसुइ तोती छ्युङ्ह्आथास। 16-18ओउः बारजनकोः यात्चाक् सीमोन् त तोओ खेःतो सीमोन्कायः लोने येसुइ पत्रुस् त तोओ हाल् मय्ङ् बयःआकान्। फेरी अरुपाय् जबदीकोः नीस् गोय्चोःचोः याकुब् युहना नीस्पुःचाः खेःचतो। ओउःनीस् पुःचाःकायः येसुइ लोने “लौ इनीस्पाय् मुस् मुक्ओ चोःनीस्लेः रैस बा” त दाय्ह्ती “बोआनर्गेस्” त हाल् मय्ङ् बयःआथाच। फेरी अन्द्रीयस् फीलीप् बर्थोलोमा मत्ती थोमामा खेःइतो आल्फीयस्कोः चोः याकुब्मा थादीयस्मा जेलोत् त हाल् मय्ङ्ओ सीमोन्मा खेःइतो। 19फेरी इस्करीयोत्कोः यहुदस्मा खेःतो। ओउः यहुदस् त ताओ लोने येसुकायः सात्सा थेङा दुस्मान्कःताङ् दाक्आथै। सबै बारजन खेःइतो।
20ओहाङःसैको ओउः बारजनकायः छ्युङ्ह्आक्तीको येसु स्यालुङ्सै ग्ल्युङ्ह्ती कीम्ताङ् आल्ती याक्आकाय्। ओउः कीम् पोक्ती मुतोक्हाङः फेरीलेः नाःतो मान्तालम् हुम्लाङ् वाङ्आकाय्। हुम्लाङ् वाङ्आक्तीको येसुमा ओउःकुस् वाह्ओमयःकायःमा आन कोन्ती झ्यान्ते आम्ह् जेःसा कोरःनीली। 21“लौ येसुकायः नाःतोलम् हुम्ती वाङ्ती कोन्आथै” त दाय्ह्ती दाय्ह्ओ येसुकोः लयःकोः मान्तालम्इ सायःती ओउःकायः चुम्ती त्युत्लाङ् वाङ्आकाय् “लौ इ येसुपाय् लयः दोह् दोह् हायःओ त चीःताङःसल ब्रःती मुताङःनाः बा” त दाय्ह्ती नोःकाय्ती वाङ्आकाय्। 22फेरी यरुसालेम्सै वाङ्ओ धर्मा स्यान्ओमयःइमा ओउःतलेः नोःआकाय् “लौ इ येसुकायः बाल्जीबुल् त तोओ लान्कोः राजाइ बास्आथै ओउःत झ्यान्ते ओउःकोः ग्वम्इ येसुइ अरु लान्लम्कायः ल्हेस्ती वाय्नौ बा” त दाय्ह्ती तोआकानी। 23ओहाङःसै ओउःमयःइ तोओ कुरा चीःती येसुइ ओउःमयःकायः गोत्ती वीनःराय् ल्हाक्ती क्लोन्कोःदीङ् त नोःती “लौ लान्कोः सैतान् त तोओ बाल्जीबुल् राजाइपाय् अरु लान्कायः ल्हेस्ती वाय्सापाय् जुगाङ् खाय्उलु बा। 24यात्ज्योः राजाकोः मान्तालम् लयःमयःकुस् मीन्ह्काय्ती मुचै त खेःया ओउः राजाखेकायः अरु राजाखेइ रेन्ह्तोलेः क्लीमःसा खाय्नौ। 25फेरी यात्ज्योः कीम्कोः मान्तालम् लयःमयःकुस् मीन्ह्काय्ती मुचै त खेःया ओउः मान्तालम् रेन्ह्तो मीह्नै। 26इलो लेखातेः सैतान् राजाइ लयःमयःकुस् चीङ्ती काय्काय्चै त खेःया ओउःकोः राजीमा ह्र्योङःती वाय्खेःनाः। 27ओहाङःसै छुर्ओ मान्ताकायः आःताः क्लीमःती पानःमाःतो सुइमा ओउः मान्ताकोः माल्ताल्लम् लाती आलःसा खाय्नीली” त दाय्ह्ती येसुइ तोआथास। 28“दोङ्सीलेः सबै रेव्तो जाङ्ह्ओमा नोःओमा परमेस्वर्पाय् क्युम्ह्ताक्सा ग्यालेःनाः 29सुसुखेइ परमेस्वर्कोः ग्वालामःकायः रेव्तो नोःचानानी ओउःकोः रेव्झ्याङ्कोः जुगाङ् क्युम्ह्सा दोःबाय्ल गलकायःमा मुलेःनाः” त दाय्ह्ती येसुइ तोथासतो 30“लौ ओउः येसुपाय् लान्कुस् ब्राङ्ओ मान्ता लेःआः” त ओउःमयः दाय्ह्ती नोःआ त झ्यान्ते येसु एतलेः तोआथास।
31ओउःत येसुइ तोआथास ओहाङःसैको येसु कीम्हाङः मुतोक्हाङः ओउःकोः लयःकोः आमामा हौचोङ्मा बाहीरताङ् दाह्ती वाङ्आकाय्। 32ओउःमयः वाङ्आक्तीको “लौ नाङ्कोः आमाचोङ् नाङ्कुस् नोःसाकायः बाहीरहाङः दाह्तीलेः मुनै” त दाय्ह्ती ओउः कीम्हाङः हुम्ती मुओलम्इ छ्यानःथातो 33-34“लौ ङाकोः आमाचोङ्मा हौचोङ्मा सुसुलो दाय्ह्सा” त दाय्ह्ती येसु हुम्ओलम्कायः त्यास्ती योउतो ती “लौ इ हुम्ती मुओलम्पाय् ङाकोः आमाचोङ्मा हौचोङ्मा लेःआः इ बा। 35सुसुइ परमेस्वर्कायः म्रोताक्सा कुरा जाङ्ह्नानी ओउःमयःलेः ङाकोः आमाचोङ् हौचोङ्लो लेखा स्याव्आनाः” त दाय्ह्ती येसुइ तोआथास।
Currently Selected:
मर्कस् 3: CDM93
Highlight
Share
Copy
Want to have your highlights saved across all your devices? Sign up or sign in
© 1993 Wycliffe Bible Translators Inc., All Rights Reserved.
मर्कस् 3
3
1ओहाङःसैको लोनेकोः धोओ दीन्हाङः येसु थनःओ कीम्ताङ् द्यान्ह्ती आल्ती पोक्लाङ् वाङ्आ। वाङ्ती थनःओ कीम्हाङः पोक्आक्तीको ओहाङः हुम्ओ मान्तालम्कुस् यात्चाक् क्रुत् स्रीत्तो जीक्ओ मान्ता मुओ खेःतो। 2ओउःत चीःती ओउः फरीसी त तोओलम्इ येसुकायः योती मुओ खेःइतो “लौ इ धोओ दीन्हाङःपाय् जाङ्ह्सा स्याव्मालो त जवती तोओ काम्पाय् जाङ्ह्ती येसुइ ओउः जीक्ओ मान्ताकायः स्याक्ताक्नौया स्याक्ताक्उलुया त योनी। स्याक्ताक्नौ त खेःया ङीइ ओउःकायः गाल्तुम्ती तोसा खाय्नाःतय्ह्नी” त दाय्ह्ती लयःमयःकुस् नोःकाय्ती येसुकायः ल्हुङ् तुक् कुःती योसा बोङःआकानी। 3ओहाङःसैको ओउः क्रुत् जीक्ओकायः “लौ इहाङः वाङ्अ दा” त दाय्ह्ती येसुइ तोआकान्। 4ओउःत तोआक्तीको फरीसीलम्कायः “लौ गततेः ताःतेःचै धोओ दीन्हाङः गाव्खे जाङ्ह्सा स्याव्नाः पेओ काम्खे जाङ्ह्साया रेव्ओ काम्खे जाङ्ह्साया। मान्ताकायः स्याक्ताक्सा काम्खेया मान्ताकायः सात्ताक्सा काम्खेया गाव्खे जाङ्ह्सा स्याव्लेःनाः” त दाय्ह्ती येसुइ व्हत्थासतो ओउःमयःइ दोह्तमा त्याङ्सा खाय्नीली। 5ओउःमयः नोःमाःत ल्हुङ् कलःतो मुती झ्यान्ते येसु लीह्तीमा ओउःमयःकायः ल्हुङ् मल्ह्तीमा त्यास्ती योआथास। फेरी ओउः क्रुत् स्रीत्ती जीक्ओकायः “लौ क्रुत् प्योस दा” त दाय्ह्ती येसुइ तोथातो ती ओउः मान्ता क्रुत् प्योआक्तीको जुगाङ् सेलः स्याव्आ। 6ओहाङःसैको ओउः जीक्ओकायः धोओ दीन्हाङः येसुइ स्याक्ताक्ओ च्यवःआक्तीको ओउः फरीसीलम् थनःओ कीम्सै ग्ल्युङ्ह्ती आल्ती हेरोद् राजाकोः मान्तालम्कुस् क्रुस्काय्आकाय् “लौ इ येसुकायः गत हायःती सात्ती वाय्चाःतय्ह्नी” त दाय्ह्ती ओउःमयःकुस् नोःकाय्आकाय्।
7ओहाङःसैको फरीसीलम्खे हेरोद् राजाकोः मान्तालम्कुस् नोःकाय्आकाय् येसुखे ओउःकुस् वाह्ओमयःमा थनःओ कीम्सै ग्ल्युङ्ह्ती गालील त तोओ ताङ्ह्ओ दुम्हान्ताङ् आल्आकाय्। 8आल्तोक्हाङः नाःतो मान्तालम्इ येसुइ जाङ्ह्ओ ग्याङ्ह्राय्कोः कुरा सायःती ओउःमयःकायः गुल्ह्आकानी। गालील यहुदीया अन्चल्नीस्सैमा यरुसालेम् सहर्सैमा इदुमीयामा योर्दन् खोलाकोः उःसैमा फेरी तायर् सीदोन् देस्सैमा इ सबै देस्लम्सै आल्ती येसुकःताङ् वाङ्आकाय्। ओउःमयःइ “लौ इ येसुइपाय् नाःतो जीक्ओलम्कायः स्याक्ताक्ओआः” त चीःतीलेः वाङ्आकाय्। 9-10अरु जीक्ओ मान्तालम् “लौ ङीइ येसुकायः दीन्ह्चाक्नी दा” त दाय्ह्ती ओउःकःताङ् हुम्लाङ् वाङ्आकाय्। इमयःकायः येसुइ नाःतो स्याक्ताक्आथास। ओहाङःसै नाःतो मान्तालम् हुम्लाङ् वाङ्तोक्हाङः येसुकायः तीःकोः छेव्हाङः न्हेङःती कोन्ती झ्यान्ते “लौ ङाकायः मुसा दोङ्गा वानःनाङ्स दा” त दाय्ह्ती ओउःकुस् वाह्ओमयःकायः तोआकान्। 11-12फेरी लान्इ ङायःओलम्इमा येसुकायः च्यवःआक्तीको ओउःकायः बाःती “लौ नाङ्जा परमेस्वर्कोः चोः लेःतेःआः बा” त दाय्ह्ती स्यवनीतो “इ कुरा सुकायःमा नोःलाम्” त दाय्ह्ती येसुइ जान्ती तोआथास।
13ओहाङःसैको ओउःमयःकायःमा तोआक्तीको जीक्ओलम्कायःमा स्याक्ताक्आक्तीको येसु आल्ती स्यालुङ्हाङः लन्ह्ती ओउःकोः लयः झाक्ओ ओउःकुस् वाह्ओ मान्तालम्कायः गोत्आकान्। गोत्आक्तीको ओउःमयः येसुकःताङ् वाङ्आक्तीको 14ओउःमयःकःसै येसुइ बारजनकायः दोक्ती छ्युङ्ह्आकान् “लौ नीङ्पाय् ङाकुस् गलमा वाह्न। ङाकुस् वाह्तोक्हाङः बेला बेलाहाङः 15ङाकोः कुरा थोल्ह्ती तोसा थेङा ल्होक्नेःनाङ्स फेरी लान्कायः ल्हेस्सा ग्वम् बयःनेःनाङ्स” त दाय्ह्ती येसुइ तोती छ्युङ्ह्आथास। 16-18ओउः बारजनकोः यात्चाक् सीमोन् त तोओ खेःतो सीमोन्कायः लोने येसुइ पत्रुस् त तोओ हाल् मय्ङ् बयःआकान्। फेरी अरुपाय् जबदीकोः नीस् गोय्चोःचोः याकुब् युहना नीस्पुःचाः खेःचतो। ओउःनीस् पुःचाःकायः येसुइ लोने “लौ इनीस्पाय् मुस् मुक्ओ चोःनीस्लेः रैस बा” त दाय्ह्ती “बोआनर्गेस्” त हाल् मय्ङ् बयःआथाच। फेरी अन्द्रीयस् फीलीप् बर्थोलोमा मत्ती थोमामा खेःइतो आल्फीयस्कोः चोः याकुब्मा थादीयस्मा जेलोत् त हाल् मय्ङ्ओ सीमोन्मा खेःइतो। 19फेरी इस्करीयोत्कोः यहुदस्मा खेःतो। ओउः यहुदस् त ताओ लोने येसुकायः सात्सा थेङा दुस्मान्कःताङ् दाक्आथै। सबै बारजन खेःइतो।
20ओहाङःसैको ओउः बारजनकायः छ्युङ्ह्आक्तीको येसु स्यालुङ्सै ग्ल्युङ्ह्ती कीम्ताङ् आल्ती याक्आकाय्। ओउः कीम् पोक्ती मुतोक्हाङः फेरीलेः नाःतो मान्तालम् हुम्लाङ् वाङ्आकाय्। हुम्लाङ् वाङ्आक्तीको येसुमा ओउःकुस् वाह्ओमयःकायःमा आन कोन्ती झ्यान्ते आम्ह् जेःसा कोरःनीली। 21“लौ येसुकायः नाःतोलम् हुम्ती वाङ्ती कोन्आथै” त दाय्ह्ती दाय्ह्ओ येसुकोः लयःकोः मान्तालम्इ सायःती ओउःकायः चुम्ती त्युत्लाङ् वाङ्आकाय् “लौ इ येसुपाय् लयः दोह् दोह् हायःओ त चीःताङःसल ब्रःती मुताङःनाः बा” त दाय्ह्ती नोःकाय्ती वाङ्आकाय्। 22फेरी यरुसालेम्सै वाङ्ओ धर्मा स्यान्ओमयःइमा ओउःतलेः नोःआकाय् “लौ इ येसुकायः बाल्जीबुल् त तोओ लान्कोः राजाइ बास्आथै ओउःत झ्यान्ते ओउःकोः ग्वम्इ येसुइ अरु लान्लम्कायः ल्हेस्ती वाय्नौ बा” त दाय्ह्ती तोआकानी। 23ओहाङःसै ओउःमयःइ तोओ कुरा चीःती येसुइ ओउःमयःकायः गोत्ती वीनःराय् ल्हाक्ती क्लोन्कोःदीङ् त नोःती “लौ लान्कोः सैतान् त तोओ बाल्जीबुल् राजाइपाय् अरु लान्कायः ल्हेस्ती वाय्सापाय् जुगाङ् खाय्उलु बा। 24यात्ज्योः राजाकोः मान्तालम् लयःमयःकुस् मीन्ह्काय्ती मुचै त खेःया ओउः राजाखेकायः अरु राजाखेइ रेन्ह्तोलेः क्लीमःसा खाय्नौ। 25फेरी यात्ज्योः कीम्कोः मान्तालम् लयःमयःकुस् मीन्ह्काय्ती मुचै त खेःया ओउः मान्तालम् रेन्ह्तो मीह्नै। 26इलो लेखातेः सैतान् राजाइ लयःमयःकुस् चीङ्ती काय्काय्चै त खेःया ओउःकोः राजीमा ह्र्योङःती वाय्खेःनाः। 27ओहाङःसै छुर्ओ मान्ताकायः आःताः क्लीमःती पानःमाःतो सुइमा ओउः मान्ताकोः माल्ताल्लम् लाती आलःसा खाय्नीली” त दाय्ह्ती येसुइ तोआथास। 28“दोङ्सीलेः सबै रेव्तो जाङ्ह्ओमा नोःओमा परमेस्वर्पाय् क्युम्ह्ताक्सा ग्यालेःनाः 29सुसुखेइ परमेस्वर्कोः ग्वालामःकायः रेव्तो नोःचानानी ओउःकोः रेव्झ्याङ्कोः जुगाङ् क्युम्ह्सा दोःबाय्ल गलकायःमा मुलेःनाः” त दाय्ह्ती येसुइ तोथासतो 30“लौ ओउः येसुपाय् लान्कुस् ब्राङ्ओ मान्ता लेःआः” त ओउःमयः दाय्ह्ती नोःआ त झ्यान्ते येसु एतलेः तोआथास।
31ओउःत येसुइ तोआथास ओहाङःसैको येसु कीम्हाङः मुतोक्हाङः ओउःकोः लयःकोः आमामा हौचोङ्मा बाहीरताङ् दाह्ती वाङ्आकाय्। 32ओउःमयः वाङ्आक्तीको “लौ नाङ्कोः आमाचोङ् नाङ्कुस् नोःसाकायः बाहीरहाङः दाह्तीलेः मुनै” त दाय्ह्ती ओउः कीम्हाङः हुम्ती मुओलम्इ छ्यानःथातो 33-34“लौ ङाकोः आमाचोङ्मा हौचोङ्मा सुसुलो दाय्ह्सा” त दाय्ह्ती येसु हुम्ओलम्कायः त्यास्ती योउतो ती “लौ इ हुम्ती मुओलम्पाय् ङाकोः आमाचोङ्मा हौचोङ्मा लेःआः इ बा। 35सुसुइ परमेस्वर्कायः म्रोताक्सा कुरा जाङ्ह्नानी ओउःमयःलेः ङाकोः आमाचोङ् हौचोङ्लो लेखा स्याव्आनाः” त दाय्ह्ती येसुइ तोआथास।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1993 Wycliffe Bible Translators Inc., All Rights Reserved.