लुका 7:7-9

का ताइमिङ बुङ नाङको भेर्पा लोलि सोबाइका मान्‍थुघा। कालाउ ना हुकुम खिनिङ पि, काङको कामत्‍या एलावा। का ताइमि बुङ बारा हाकिमगेलाइको बसता हिखा। काङको बसता बुङ पलटन हिखे। एमिहेङ ‘हाने’ दोअ्‌खा वा हानेखे, भेनाङहेङ ‘लोउ’ दोअ्‌खा वा लोखे। कालाउ ताइको कामत्‍याहेङ बुङ ‘एसा पा’ दोअ्‌खा वा एन्‍साङ पाखे।” इदोइ काथा हिङतेङ इसु भारभुसाइहि कालाउ ताइमिहेङ पिताइका द्‌याङगेलाइको हुलभारि खाङतेङ वा दोअ्‌हि, “का नेलाइहेङ दोअ्‌ताङका, इङको झोको बारा खान्‍धुर पाका द्‌याङ ते का इस्राएलिगेलाइको माझाता बुङ निङनाङ मान्‍थुघा।”