Kejadian 11
11
1Minop talak ara, tukwak mutuku im sirya, mutuku sirya nirya ulamik ninye ara, sik yupu tonok nyabuka yupu sisiklamik. 2Yupu tonokuk nyalamikce, keting yangan tam binuka, aik dopnin balamikce, tonok mutuku, weik lyu mutuku el si ara, Sinar mutuku yayik. Yayikopura, ‘Lyuak ara telebe’ tenebikce, amutuku aik dobuka ulamik.
3Sik daulamika ani, aminyan ara, nyalalamik. “Kume Amapo, nun nirya neika pil dopnyabe. Kat tuku doprobibirye, urasin teleb kibuka telibibirye, uku pum bisik dongobibiba, kat weik akunum uplyopura, batu tela atonunuk akunum upliba, kat aik donamabe,” nyabuka yupu taleamikce, winibik. Min ara, talye keil dobuka aik abilinga pilamik bukni, wini talak ara, kat tuku tilibuka, dobikba, batu tela kintinibik ning ap, yo pia mirin ning ap arye, cang kat aik dolamik.
4Winibikopura, aminyan ara nyabik. “Amapuo, winira, weik nang asik dopnamabe. Amutuku noutamak ara, pia cang weik aik dopnin balamipya ani, im dup welepnamle. Winibuka doptibya deice arye, yuk nang nirya arye, nunti, ‘Se, anang ara, weik mambule,’ nyabuka, nunti ereipsikirye, weik nang unamabe. Winibipyopura, aminyan talak ara, yuk-yuk wilibuka tukwak mutuku noutam nirya, yuk-yukak kum bokdanamabe. Asukumuk neika unamabe,” nyabuka yupu talipdanamikce, apil deiyok koubuka dolamik.
5Anyaik dopnin balamik ani, aminyan ara, Allah el si Yahweh arye, ‘Ninye tukwak nang arye, weik aik ap, ‘Im noutam welepnamle’ tenen, cang aik donmaka ara, dilbinun’ tenen, koulukuka, dilyayuk. 6Dilyayukce, Allah el si Yahweh arye, nyabuk.
“Kume, tukwak ninye nirya, tonok yala nang unyakce, tonok yupu uk nyabuka, yupu talilanyakce, weik cang aik ap, weik nang aik ap, akunum deiyok koubuka donmake. Aning ati, sik kanye aryuk ‘Winipnamap, winipnamap,’ tenebice ning nirya ara, ikin kum upliba, ‘Kanam aryuk winibicak’ tenen, aning ara, mambule. 7Winibicak tenen ati, tukwak mutuku u binamabe. ‘Sik neika yupu talilamikibuk, moubuka kum kekepdanamake’ tenen, sik yupu deiyok, pia yuk-yuk kipdeipnuyabe. Winibipyopura, sik nirya pia kum kekelanamake.” Allah arye, nyabuk.
8-9Utenebuka nyabuka ati, Allah el si Yahweh arye, tukwak mutuku im sirya, mutuku sirya ulamik ninye ati, sik yupu deiyok pia yuk-yuk kipdeibukba, sik nirya ara, yupu kekeplanmanto kum ubik. Aning winibuka deice arye, yupu moubuka kum kekelalamikce, amutuku batakuka, yuk-yuk uk bokuka balamikce, sik mutuku yuk-yuk binuka ulamik. Allah el si Yahweh arye, amutuku ulamik ninye nirya, sik yupu deiyok yuk-yuk kipdeibukba, yupu yuk-yuk nyalalamikba, pia walwal ubukba, kekepdanmanto kum ubika ati, amutuku si ara, ‘Babel mutuku,’ nyalamik. Babel deiyok ara, bokwalwalap danamikak ati nyanyake.
Sem birye, dukdongobuka Abram ap deipdanin, yanamik ninye sekik ati, nukik yupu
10Allah arye, weik mekwen dopkwecamuk akunum cepdobukba, keting tamun bitinye ton ubukura, Nuh el mi Sem bira, keting tamun 100 tahun ara wisi dayuk. Sem keting tamun 100 tahun akunum ubuk talak ara, el mi Arpasad deibuk. 11Arpasad deiamuk talak arye dukdongopbuka, keting tamun 500 tahun tonap ulamukce, el mapu ap, kilmapu ap deiamuk. 12Arpasad keting tamun 35 tahun ubukopura, el mi Sela deibuk. 13Sela deiamuk, atalak arye dukdongopbuka, keting tamun 403 tahun tonap ulamukce, el mapu ap, kilmapu ap deiamuk. 14Sela keting tamun 30 tahun kibukopura, el mi Eber deibuk.
15Eber deibukura, atalak arye dukdongopbuka, keting tamun 403 tahun tonap ulamukce, el mapu ap, kilmapu ap deiamuk. 16Eber keting tamun 34 tahun kibuk talak ara, el mi Peleg deibuk. 17Peleg deibukura, atalak arye dukdongopbuka, keting tamun 430 tahun tonap ulamukce, el mapu ap, kilmapu ap deiamuk.
18Peleg keting tamun 30 tahun kibuk talak ara, el mi Reu deibuk. 19Reu deibukura, atalak arye dukdongopbuka, keting tamun 209 tahun tonap ulamukce, el mapu ap, kilmapu ap deiamuk. 20Reu bira keting tamun 32 tahun kibuk talak ara, el mi Serug deibuk.
21Serug deibukce, atalak arye dukdongopbuka, keting tamun 207 tahun tonap ulamukce, el mapu ap, kilmapu ap deiamuk. 22Serug keting tamun 30 tahun kibuk talak ara, el mi Nahor deibuk. 23Nahor deibukce, atalak arye dukdongopbuka, keting tamun 200 tahun tonap ulamukce, el mapu ap, kilmapu ap deiamuk. 24Nahor keting tamun 29 tahun ulamuk talak ara, el mi Tera deibuk.
25Tera deibukce, atalak bukni dukdongopbuka, keting tamun 119 tahun tonap ulamukce, el mapu ap, kilmapu ap deiamuk. 26Tera keting tamun 70 tahun kibuk talak ara, el deiamuk mapu si ara, Abram ap, Nahor ap, Haran ap ulamik.
Tera birye, deiamuk mapu ati, nyabuk yupu
27Anyapnusin yupu ara, Nahor birye, deibuk mi el si ara, Tera biti nyapnune. Tera birye, deiamuk mapu si ara, Abram ap, Nahor ap, Haran ap ulamik. Haran nebukopura, el mi deibukce, el si Lot nyabuka si dobuk. 28Haran el li koproba Tera, kam tuba ulamuk talak ara, sik Kaldea yala nang ulamik mutuku noutamak, amutuku si ara, Ur mutuku, Haran dibuk. Ur mutuku ara, Haran dibuk mutuku. (Indonesia yupu deice ara, amutuku si ara, “Ur-Kasdim” nyanyake)
29Tera el yuk mapu bitinye ara, Abram ap, Nahor ap, sik bitinye nang ara, kilapu doprik. Abram el kil si ara, Sarai ulamuk. Nahor el kil si ara, Milka ulamuk. Milka el li koproba, el si ara, Haran. (Haran birye, Milka ap, Iska ap, deiamuk anya arye, Nahor el weit koprop kil arye deiamuk kilmu dobuk). 30Abram dobuk kil Sarai ara, you kil ulamuka anya arye, el mapu kum delilamuk.
31Ura Tera birye, el mi Abram ap, el dibuk mi Haran birye, deibuk mi Lot ap, Abram el kil Sarai ap nirya bobuka, ‘Kaldea yala ninye unyak mutuku, Ur mutuku batakuka, Kanaan mutuku bindopnamap’ tenen, biyik. Bisik banmek bukni, Haran taleamuk mutuku, amutuku si babye, Haran mutuku, yayikopura, anyaka uk, aik dobuka ulamik. 32Daupra balamika ani, Abram el ni koproba Tera, keting tamun yupa weik, 205 tahun akunum ubukce, wisi dayukba, Haran mutuku noutamak dibuk.
Currently Selected:
Kejadian 11: EIPA
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
Kejadian 11
11
1Minop talak ara, tukwak mutuku im sirya, mutuku sirya nirya ulamik ninye ara, sik yupu tonok nyabuka yupu sisiklamik. 2Yupu tonokuk nyalamikce, keting yangan tam binuka, aik dopnin balamikce, tonok mutuku, weik lyu mutuku el si ara, Sinar mutuku yayik. Yayikopura, ‘Lyuak ara telebe’ tenebikce, amutuku aik dobuka ulamik.
3Sik daulamika ani, aminyan ara, nyalalamik. “Kume Amapo, nun nirya neika pil dopnyabe. Kat tuku doprobibirye, urasin teleb kibuka telibibirye, uku pum bisik dongobibiba, kat weik akunum uplyopura, batu tela atonunuk akunum upliba, kat aik donamabe,” nyabuka yupu taleamikce, winibik. Min ara, talye keil dobuka aik abilinga pilamik bukni, wini talak ara, kat tuku tilibuka, dobikba, batu tela kintinibik ning ap, yo pia mirin ning ap arye, cang kat aik dolamik.
4Winibikopura, aminyan ara nyabik. “Amapuo, winira, weik nang asik dopnamabe. Amutuku noutamak ara, pia cang weik aik dopnin balamipya ani, im dup welepnamle. Winibuka doptibya deice arye, yuk nang nirya arye, nunti, ‘Se, anang ara, weik mambule,’ nyabuka, nunti ereipsikirye, weik nang unamabe. Winibipyopura, aminyan talak ara, yuk-yuk wilibuka tukwak mutuku noutam nirya, yuk-yukak kum bokdanamabe. Asukumuk neika unamabe,” nyabuka yupu talipdanamikce, apil deiyok koubuka dolamik.
5Anyaik dopnin balamik ani, aminyan ara, Allah el si Yahweh arye, ‘Ninye tukwak nang arye, weik aik ap, ‘Im noutam welepnamle’ tenen, cang aik donmaka ara, dilbinun’ tenen, koulukuka, dilyayuk. 6Dilyayukce, Allah el si Yahweh arye, nyabuk.
“Kume, tukwak ninye nirya, tonok yala nang unyakce, tonok yupu uk nyabuka, yupu talilanyakce, weik cang aik ap, weik nang aik ap, akunum deiyok koubuka donmake. Aning ati, sik kanye aryuk ‘Winipnamap, winipnamap,’ tenebice ning nirya ara, ikin kum upliba, ‘Kanam aryuk winibicak’ tenen, aning ara, mambule. 7Winibicak tenen ati, tukwak mutuku u binamabe. ‘Sik neika yupu talilamikibuk, moubuka kum kekepdanamake’ tenen, sik yupu deiyok, pia yuk-yuk kipdeipnuyabe. Winibipyopura, sik nirya pia kum kekelanamake.” Allah arye, nyabuk.
8-9Utenebuka nyabuka ati, Allah el si Yahweh arye, tukwak mutuku im sirya, mutuku sirya ulamik ninye ati, sik yupu deiyok pia yuk-yuk kipdeibukba, sik nirya ara, yupu kekeplanmanto kum ubik. Aning winibuka deice arye, yupu moubuka kum kekelalamikce, amutuku batakuka, yuk-yuk uk bokuka balamikce, sik mutuku yuk-yuk binuka ulamik. Allah el si Yahweh arye, amutuku ulamik ninye nirya, sik yupu deiyok yuk-yuk kipdeibukba, yupu yuk-yuk nyalalamikba, pia walwal ubukba, kekepdanmanto kum ubika ati, amutuku si ara, ‘Babel mutuku,’ nyalamik. Babel deiyok ara, bokwalwalap danamikak ati nyanyake.
Sem birye, dukdongobuka Abram ap deipdanin, yanamik ninye sekik ati, nukik yupu
10Allah arye, weik mekwen dopkwecamuk akunum cepdobukba, keting tamun bitinye ton ubukura, Nuh el mi Sem bira, keting tamun 100 tahun ara wisi dayuk. Sem keting tamun 100 tahun akunum ubuk talak ara, el mi Arpasad deibuk. 11Arpasad deiamuk talak arye dukdongopbuka, keting tamun 500 tahun tonap ulamukce, el mapu ap, kilmapu ap deiamuk. 12Arpasad keting tamun 35 tahun ubukopura, el mi Sela deibuk. 13Sela deiamuk, atalak arye dukdongopbuka, keting tamun 403 tahun tonap ulamukce, el mapu ap, kilmapu ap deiamuk. 14Sela keting tamun 30 tahun kibukopura, el mi Eber deibuk.
15Eber deibukura, atalak arye dukdongopbuka, keting tamun 403 tahun tonap ulamukce, el mapu ap, kilmapu ap deiamuk. 16Eber keting tamun 34 tahun kibuk talak ara, el mi Peleg deibuk. 17Peleg deibukura, atalak arye dukdongopbuka, keting tamun 430 tahun tonap ulamukce, el mapu ap, kilmapu ap deiamuk.
18Peleg keting tamun 30 tahun kibuk talak ara, el mi Reu deibuk. 19Reu deibukura, atalak arye dukdongopbuka, keting tamun 209 tahun tonap ulamukce, el mapu ap, kilmapu ap deiamuk. 20Reu bira keting tamun 32 tahun kibuk talak ara, el mi Serug deibuk.
21Serug deibukce, atalak arye dukdongopbuka, keting tamun 207 tahun tonap ulamukce, el mapu ap, kilmapu ap deiamuk. 22Serug keting tamun 30 tahun kibuk talak ara, el mi Nahor deibuk. 23Nahor deibukce, atalak arye dukdongopbuka, keting tamun 200 tahun tonap ulamukce, el mapu ap, kilmapu ap deiamuk. 24Nahor keting tamun 29 tahun ulamuk talak ara, el mi Tera deibuk.
25Tera deibukce, atalak bukni dukdongopbuka, keting tamun 119 tahun tonap ulamukce, el mapu ap, kilmapu ap deiamuk. 26Tera keting tamun 70 tahun kibuk talak ara, el deiamuk mapu si ara, Abram ap, Nahor ap, Haran ap ulamik.
Tera birye, deiamuk mapu ati, nyabuk yupu
27Anyapnusin yupu ara, Nahor birye, deibuk mi el si ara, Tera biti nyapnune. Tera birye, deiamuk mapu si ara, Abram ap, Nahor ap, Haran ap ulamik. Haran nebukopura, el mi deibukce, el si Lot nyabuka si dobuk. 28Haran el li koproba Tera, kam tuba ulamuk talak ara, sik Kaldea yala nang ulamik mutuku noutamak, amutuku si ara, Ur mutuku, Haran dibuk. Ur mutuku ara, Haran dibuk mutuku. (Indonesia yupu deice ara, amutuku si ara, “Ur-Kasdim” nyanyake)
29Tera el yuk mapu bitinye ara, Abram ap, Nahor ap, sik bitinye nang ara, kilapu doprik. Abram el kil si ara, Sarai ulamuk. Nahor el kil si ara, Milka ulamuk. Milka el li koproba, el si ara, Haran. (Haran birye, Milka ap, Iska ap, deiamuk anya arye, Nahor el weit koprop kil arye deiamuk kilmu dobuk). 30Abram dobuk kil Sarai ara, you kil ulamuka anya arye, el mapu kum delilamuk.
31Ura Tera birye, el mi Abram ap, el dibuk mi Haran birye, deibuk mi Lot ap, Abram el kil Sarai ap nirya bobuka, ‘Kaldea yala ninye unyak mutuku, Ur mutuku batakuka, Kanaan mutuku bindopnamap’ tenen, biyik. Bisik banmek bukni, Haran taleamuk mutuku, amutuku si babye, Haran mutuku, yayikopura, anyaka uk, aik dobuka ulamik. 32Daupra balamika ani, Abram el ni koproba Tera, keting tamun yupa weik, 205 tahun akunum ubukce, wisi dayukba, Haran mutuku noutamak dibuk.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.