Kejadian 29
29
Yakub Padan-Aram mutuku yayuk talak ati, nyabuk yupu
1Yakub bira, el lengdar mapmok ning nirya, akunum eibukce, bisik banmoka ani, keting yangan tam bukni, mutuku si Padan-Aram mutuku biyuk. 2Binuka dipdeyukce, otam ara, domba basam yupa winilye, yuk-yuk bukni, maning palamukak noutamak mapmekak eibuk. Adomba basam unmekak ara, ninye arye, tuku pum bisik palyamikba, mekwen deiamuk bukni, apum bisik ara, weik ikin keil delilamik.
3Amutuku noutam ulamik ninye arye winilamik ning ara, ani. Ara, sik domba wein ninye arye, ‘Nun domba basam ati, mek kwebuka arepnamap’ tenen, dana-dana tam arye bulubuka, tuba yangalamik talak ara, apum bisik ikin keil ara, tuba awamne bukni, sik nirya akunum yanopura, akeil tomobuka deipnopura, mek kwebuka, sik domba basam arelamik. Akunum arepnopura, akeil tuba tamubuka apum bisik singnipdongopna arye, amekwen bublan tirikilongolamik. Sikce pia winilamik.
4Sik domba wein ninye talye daunmekbuk, Yakub birye, sik dam binuka asipdeyuk. “Anggunda, yata mutuku ninye ululum do?” nyabuka asipdeyukura, “Nunda, Haran mutuku nang unyabe,” nyabik. 5Nyabikopura, Yakub arye, “Ati, tonoknye el si ara Nahor, el mi Laban, anggun kel do?” nyabuka asipdeyuk. Asipdeyukura, sikce, “Yo, anye Laban bira, nun kele,” nyabik.
6Nyabikopura, Yakub arye, “Teleb ulul do, kum do?” nyabuka asipdeyukura, sikce “Kume, diba teleb ulirye, el ning weika arye talilule. Tonda adipdelyame, el kilmu Rahel bira, el domba basam boyanganmal atia,” nyabik. 7Nyabikba, Yakub birye nyabuk. “Anggun domba basam talye bukmaka, mek kwebuka kum arepmaluma ara, yata deiyok ati do? Akunum arepmatumba, tuba tamubuka tonap, sik maning dilbitinge. Wini talak sintam ketinge ati, talye daunamake, ton kum dibicopura, patana weik upnamale,” nyabuk. 8Nyabukura, sikce, “Kume, nun unyaba ara, yuke. Yuk domba basam wein ninye ap, sik domba ap, min kum yanmace talak ara, amekwen pum keil kum dolonyabe. Sik yuk nang ton yacebuk, dolonyabe,” nyabik.
9Sik nirya arye, ayupu talinmek talak ara, Rahel birye el li koproba domba basam boyayuk. Akil ara, domba wein kil ulamuk. 10Yayukopura, Yakub arye utenebuk. ‘Ura, akil ara, na mam koproba kilmu anya arye, na nin ulule. Tonda, elce weilul domba basam ara, na mam koproba, domba anya arye, mek kwebuka arepnune’ tenebukce, amekwen lukamikak binuka, ikin keil dobuka, bongop kwetebukce, mek kwebuka, el mam koproba domba ati, mek arebuk.
11Arebukce, Rahel biti taruk talibuka engenmok. 12Engenmokce, nyabuk. “Nara, an ni koproba, el makal kil arye deipnuke. Na nin el si ara Ribka,” nyabuka laka nyabukura, Rahel kekebukce, adiparyuk, el li Laban el dam bikbik abuka nyalbiyuk. 13Rahel birye, el li Laban biti, “An mi Yakub yanmale,” nyabukura, kekebukce, ‘Epdanunam’ tenen, bikbik abuka, Yakub dam yayukce, “Telebe,” nyabuka iribukce, taruk talibuk. Taruk talipdarikura, Laban birye Yakub bobuka, el aik koproba bobiyukba, Yakub birye, el wininmok ning nirya laka nyabuk. 14Nyabukura, Laban kanye deibukce, “Se, na makal kil birye deiamkuk mi, yanmalama atia,” nyabuk.
Yakub birye kilapu bitinye Lea ap, Rahel ap dobuk yupu
15Ura, Yakub bira, Laban el mutuku noutamak neika daunmeka ani, wala tonok akum ubukura, Laban birye, Yakub biti nyabuk. “Na mio, na makal kil birye deipkuka anya arye, na melina ati, pil donamnilama ara, urdemuk kum donamlame. Apil akunum melibuka dopniminyopura, yatato ning arepnamkin do?” nyabuka asipdeyuk. 16Ura, Laban birye deiamuk kilmapu ara, bitinye ulamdik. Min deiamuk kilmu el si ara, Lea ulamuk bukni, el weit kil ara, Rahel ulamuk.
17Lea bira, el urasin ara, mitikto malye ulamuk bukni, asing teleb kil ulamuk. El weit kilmu ara, urasin pia teleb kil, tonda el nong babye, pia teleb kil ulamuk. 18Yakub bira, Rahel biti, weik arye kanye deiamuka anya arye, ‘Dopnamne,’ tenelamuk. El mam Laban biti nyabuk. “Kume mamo, ance aminyan deiplum kilmu Rahel arepnutum toura, keting tamun tekbarye deice arye pil melibuka donamkine. Akunum winipyopura, Rahel arepnutumba, akilmu dopnamne,” nyabuk. 19Nyabukura, Laban birye, tamubuka nyabuk. “E, winipnamne. Anyapmalam ning ara, teleb uka. Yuk yalanye doptu ura, mitik teleb teneptinye bukni, ance dopnalamopura, pia kanye deipnamne,” nyabuk.
20Nyabuka anya arye, atalak arye dipdongobuka, keting tamun tekbarye deice arye, Yakub birye, ‘Rahel dopnamne’ tenen, Laban el piluk talye dolamuk. Yakub arye Rahel biti, ‘Pia dopnamne,’ tenelamukce, weik kanye deiamuka anya arye, ‘Se, keting tamun yupa weik, pil donune,’ pia kum tenelamuk. El kanye ara, ‘Kume atekbarye keting tamun ara, na ikine kume. Ara, sumu winilyeto, dumbaryeto ulule,’ tenelamuk.
21Winibuka tenebuka, pil dolamuka ani, keting tamun tekbarye akunum ubukba, ‘Akil Rahel doptinye,’ tenebukce, Laban el dam binuka nyabuk. “Mamo, nun nyapnumu touk, akunum winipsa ati, na kil arepniminyeba, dopdananame,” nyabuk. 22Nyabukura, Laban arye, ‘Aninye nirya yaceura, nun nirya kil don kwalina kwalibuka, kanye deibuka neika dipnamap’ tenen, ninye weik yukubuk.
23Yukubukba, sik nirya kwalin ning neika dibikce, inibukopura, alukunyan noutamak ara, Laban arye, el min deiamuk kilmu Lea dobuka, Yakub dam bobinuka arebukba, sik neika mapmarik. 24Tonda Laban birye, Lea el pil melina kil ati, Silpa ton arebuk.
25Ura, Laban bira tenepce arye, Lea dobuka Yakub biti arebukba, Yakub talye mangkau kanye bobuka, akil ap mapmarika ani, bukukce lukdanuka dipdeyuk. Winibukce, Laban biti nyabuk. “Se, yata deiyok ati, akil talye tenepce arye arepmanilam do? ‘Rahel arepnamnilam’ tenen, keting tamun tekbarye deice arye pil dolamkise bukni, amalye winipnilam ning ara, yata tenepmalamce, aning winipmanilam do?” nyabuka, weik arye wenebuk. 26Wenebukba, Laban tenepce, Yakub biti nyabuk. “Kume, nun amutuku winilamap touk, winipmakine. Nunda du kil minopce kapdeibipyopura, aminyan tam arye, weit kil ton kalinyabe. Weit kil ara, minopce kum kalinyabe.
27An dopmalam kil si erena ati, tonok minggu tonap talye daunmarumunye bukni, Rahel ton arepnamkine. Bukni, ance, ‘Keting tamun tekbarye tonap pil dopnamkine,’ nyapnilama ati ara, arepnamakine. Kumopura, kume,” nyabuk.
28Laban birye nyabuka ati ara, Yakub arye, “Telebe, winipnamne,” nyabuk. Sik daunmeka ani, minggu tonok ton akunum ubukba, Laban arye, Rahel dobuka, Yakub biti arebukba, el kil akunum dobuk.
29Tonda, Rahel el pil melin kil ati, Laban birye Rahel biti tonok kil, el si ara Bila arebuk. 30Yakub birye, Rahel dobukce, sik neika mapmarik. Yakub arye Lea biti, kanye mitik tonun deibuk bukni, Rahel biti ara, kanye weik deiamukce, ulamuk. Rahel akunum dobuka anya arye, keting tamun tekbarye deice arye, Laban el pil talye dolamuk.
31Yakub birye, Lea biti dipkoprob kanye kum deiamuka anya arye, Allah el si Yahweh arye, akil ati bico tenebukce, melibukba, mi bobuk. Lea bira, mi bobuk bukni, Rahel bira, you kil ulamuk. 32Yakub ap, Lea ap neika mapmarikba, Allah arye melibukba, Lea birye mi bomuka ani, sal mi deibukce, el si ara, Ruben nyabuka si dobuk.#29:32 Ruben – Ibrani yupu deice ara, Ruben el deiyok ara bitinye. Ton ning ara, “Sal mi atia” nyalamik. Ton ning ara, “Na ikin upnuk ning ara, kel biknile,” nyalamik. Lea birye el mi deibukce, nyabuk. “Winira, na ni Allah, el si Yahweh arye, kanye imun ulamnuk ning kel kipnukce, akunum melipmanile. Sal mi deipmana anya arye, wini talak na akanye Yakub birye, kanye deipnamnile,” nyabuk.
33Sik daunmeka ani, aminyan talak, Lea birye, ton tuba tamubuka tonap mi bomukce, sal mi tonok ton deibukce, el si ara, ‘Simeon,’ nyabuka deibuk. Ara Lea birye, “Kume, na akanye birye, nati bico kum tenenulula ara, Allah el si Yahweh arye, akunum kekebuk. Ati, sal mi ton arepmanile,” tenebukce, ami ara, el si ‘Simeon,’ nyabuka deibuk.#29:33 Simeon – Ibrani yupu deice ara, asi Simeon deiyok ara, ‘Na yupu kekelamnilanye’ tenen, nyalamik.
34Aminyan talak, Lea birye ton mi bomuka ani, sal mi ton deibukce, el si ara, ‘Lewi,’ nyabuka sisibuk.#29:34 Lewi – Ibrani yupu deice arye, Lewi nyalamik ning ara, ‘Narye elti, kanye delinune’ tenen, nyalamik. Sisibukce, nyabuk. “Winira, na akanye bira, dipkoprob kanye deipnamnile. El mapu winilye akunum deipse atia,” nyabuk.
35Aminyan talak, Lea birye, ton mi bomuka ani, sal mi tonok ton deibukce, el si ara, ‘Yehuda,’#29:35 Yudah – Ibrani yupu deice arye, Yudah nyalamika ara, “Si erena ati, Telebe,” nyana ati nyalamik. nyabuk. Nyabukce, “Wini talak ara, Allah el si Yahweh ati, el si erepnamne,” nyabuk.
Currently Selected:
Kejadian 29: EIPA
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
Kejadian 29
29
Yakub Padan-Aram mutuku yayuk talak ati, nyabuk yupu
1Yakub bira, el lengdar mapmok ning nirya, akunum eibukce, bisik banmoka ani, keting yangan tam bukni, mutuku si Padan-Aram mutuku biyuk. 2Binuka dipdeyukce, otam ara, domba basam yupa winilye, yuk-yuk bukni, maning palamukak noutamak mapmekak eibuk. Adomba basam unmekak ara, ninye arye, tuku pum bisik palyamikba, mekwen deiamuk bukni, apum bisik ara, weik ikin keil delilamik.
3Amutuku noutam ulamik ninye arye winilamik ning ara, ani. Ara, sik domba wein ninye arye, ‘Nun domba basam ati, mek kwebuka arepnamap’ tenen, dana-dana tam arye bulubuka, tuba yangalamik talak ara, apum bisik ikin keil ara, tuba awamne bukni, sik nirya akunum yanopura, akeil tomobuka deipnopura, mek kwebuka, sik domba basam arelamik. Akunum arepnopura, akeil tuba tamubuka apum bisik singnipdongopna arye, amekwen bublan tirikilongolamik. Sikce pia winilamik.
4Sik domba wein ninye talye daunmekbuk, Yakub birye, sik dam binuka asipdeyuk. “Anggunda, yata mutuku ninye ululum do?” nyabuka asipdeyukura, “Nunda, Haran mutuku nang unyabe,” nyabik. 5Nyabikopura, Yakub arye, “Ati, tonoknye el si ara Nahor, el mi Laban, anggun kel do?” nyabuka asipdeyuk. Asipdeyukura, sikce, “Yo, anye Laban bira, nun kele,” nyabik.
6Nyabikopura, Yakub arye, “Teleb ulul do, kum do?” nyabuka asipdeyukura, sikce “Kume, diba teleb ulirye, el ning weika arye talilule. Tonda adipdelyame, el kilmu Rahel bira, el domba basam boyanganmal atia,” nyabik. 7Nyabikba, Yakub birye nyabuk. “Anggun domba basam talye bukmaka, mek kwebuka kum arepmaluma ara, yata deiyok ati do? Akunum arepmatumba, tuba tamubuka tonap, sik maning dilbitinge. Wini talak sintam ketinge ati, talye daunamake, ton kum dibicopura, patana weik upnamale,” nyabuk. 8Nyabukura, sikce, “Kume, nun unyaba ara, yuke. Yuk domba basam wein ninye ap, sik domba ap, min kum yanmace talak ara, amekwen pum keil kum dolonyabe. Sik yuk nang ton yacebuk, dolonyabe,” nyabik.
9Sik nirya arye, ayupu talinmek talak ara, Rahel birye el li koproba domba basam boyayuk. Akil ara, domba wein kil ulamuk. 10Yayukopura, Yakub arye utenebuk. ‘Ura, akil ara, na mam koproba kilmu anya arye, na nin ulule. Tonda, elce weilul domba basam ara, na mam koproba, domba anya arye, mek kwebuka arepnune’ tenebukce, amekwen lukamikak binuka, ikin keil dobuka, bongop kwetebukce, mek kwebuka, el mam koproba domba ati, mek arebuk.
11Arebukce, Rahel biti taruk talibuka engenmok. 12Engenmokce, nyabuk. “Nara, an ni koproba, el makal kil arye deipnuke. Na nin el si ara Ribka,” nyabuka laka nyabukura, Rahel kekebukce, adiparyuk, el li Laban el dam bikbik abuka nyalbiyuk. 13Rahel birye, el li Laban biti, “An mi Yakub yanmale,” nyabukura, kekebukce, ‘Epdanunam’ tenen, bikbik abuka, Yakub dam yayukce, “Telebe,” nyabuka iribukce, taruk talibuk. Taruk talipdarikura, Laban birye Yakub bobuka, el aik koproba bobiyukba, Yakub birye, el wininmok ning nirya laka nyabuk. 14Nyabukura, Laban kanye deibukce, “Se, na makal kil birye deiamkuk mi, yanmalama atia,” nyabuk.
Yakub birye kilapu bitinye Lea ap, Rahel ap dobuk yupu
15Ura, Yakub bira, Laban el mutuku noutamak neika daunmeka ani, wala tonok akum ubukura, Laban birye, Yakub biti nyabuk. “Na mio, na makal kil birye deipkuka anya arye, na melina ati, pil donamnilama ara, urdemuk kum donamlame. Apil akunum melibuka dopniminyopura, yatato ning arepnamkin do?” nyabuka asipdeyuk. 16Ura, Laban birye deiamuk kilmapu ara, bitinye ulamdik. Min deiamuk kilmu el si ara, Lea ulamuk bukni, el weit kil ara, Rahel ulamuk.
17Lea bira, el urasin ara, mitikto malye ulamuk bukni, asing teleb kil ulamuk. El weit kilmu ara, urasin pia teleb kil, tonda el nong babye, pia teleb kil ulamuk. 18Yakub bira, Rahel biti, weik arye kanye deiamuka anya arye, ‘Dopnamne,’ tenelamuk. El mam Laban biti nyabuk. “Kume mamo, ance aminyan deiplum kilmu Rahel arepnutum toura, keting tamun tekbarye deice arye pil melibuka donamkine. Akunum winipyopura, Rahel arepnutumba, akilmu dopnamne,” nyabuk. 19Nyabukura, Laban birye, tamubuka nyabuk. “E, winipnamne. Anyapmalam ning ara, teleb uka. Yuk yalanye doptu ura, mitik teleb teneptinye bukni, ance dopnalamopura, pia kanye deipnamne,” nyabuk.
20Nyabuka anya arye, atalak arye dipdongobuka, keting tamun tekbarye deice arye, Yakub birye, ‘Rahel dopnamne’ tenen, Laban el piluk talye dolamuk. Yakub arye Rahel biti, ‘Pia dopnamne,’ tenelamukce, weik kanye deiamuka anya arye, ‘Se, keting tamun yupa weik, pil donune,’ pia kum tenelamuk. El kanye ara, ‘Kume atekbarye keting tamun ara, na ikine kume. Ara, sumu winilyeto, dumbaryeto ulule,’ tenelamuk.
21Winibuka tenebuka, pil dolamuka ani, keting tamun tekbarye akunum ubukba, ‘Akil Rahel doptinye,’ tenebukce, Laban el dam binuka nyabuk. “Mamo, nun nyapnumu touk, akunum winipsa ati, na kil arepniminyeba, dopdananame,” nyabuk. 22Nyabukura, Laban arye, ‘Aninye nirya yaceura, nun nirya kil don kwalina kwalibuka, kanye deibuka neika dipnamap’ tenen, ninye weik yukubuk.
23Yukubukba, sik nirya kwalin ning neika dibikce, inibukopura, alukunyan noutamak ara, Laban arye, el min deiamuk kilmu Lea dobuka, Yakub dam bobinuka arebukba, sik neika mapmarik. 24Tonda Laban birye, Lea el pil melina kil ati, Silpa ton arebuk.
25Ura, Laban bira tenepce arye, Lea dobuka Yakub biti arebukba, Yakub talye mangkau kanye bobuka, akil ap mapmarika ani, bukukce lukdanuka dipdeyuk. Winibukce, Laban biti nyabuk. “Se, yata deiyok ati, akil talye tenepce arye arepmanilam do? ‘Rahel arepnamnilam’ tenen, keting tamun tekbarye deice arye pil dolamkise bukni, amalye winipnilam ning ara, yata tenepmalamce, aning winipmanilam do?” nyabuka, weik arye wenebuk. 26Wenebukba, Laban tenepce, Yakub biti nyabuk. “Kume, nun amutuku winilamap touk, winipmakine. Nunda du kil minopce kapdeibipyopura, aminyan tam arye, weit kil ton kalinyabe. Weit kil ara, minopce kum kalinyabe.
27An dopmalam kil si erena ati, tonok minggu tonap talye daunmarumunye bukni, Rahel ton arepnamkine. Bukni, ance, ‘Keting tamun tekbarye tonap pil dopnamkine,’ nyapnilama ati ara, arepnamakine. Kumopura, kume,” nyabuk.
28Laban birye nyabuka ati ara, Yakub arye, “Telebe, winipnamne,” nyabuk. Sik daunmeka ani, minggu tonok ton akunum ubukba, Laban arye, Rahel dobuka, Yakub biti arebukba, el kil akunum dobuk.
29Tonda, Rahel el pil melin kil ati, Laban birye Rahel biti tonok kil, el si ara Bila arebuk. 30Yakub birye, Rahel dobukce, sik neika mapmarik. Yakub arye Lea biti, kanye mitik tonun deibuk bukni, Rahel biti ara, kanye weik deiamukce, ulamuk. Rahel akunum dobuka anya arye, keting tamun tekbarye deice arye, Laban el pil talye dolamuk.
31Yakub birye, Lea biti dipkoprob kanye kum deiamuka anya arye, Allah el si Yahweh arye, akil ati bico tenebukce, melibukba, mi bobuk. Lea bira, mi bobuk bukni, Rahel bira, you kil ulamuk. 32Yakub ap, Lea ap neika mapmarikba, Allah arye melibukba, Lea birye mi bomuka ani, sal mi deibukce, el si ara, Ruben nyabuka si dobuk.#29:32 Ruben – Ibrani yupu deice ara, Ruben el deiyok ara bitinye. Ton ning ara, “Sal mi atia” nyalamik. Ton ning ara, “Na ikin upnuk ning ara, kel biknile,” nyalamik. Lea birye el mi deibukce, nyabuk. “Winira, na ni Allah, el si Yahweh arye, kanye imun ulamnuk ning kel kipnukce, akunum melipmanile. Sal mi deipmana anya arye, wini talak na akanye Yakub birye, kanye deipnamnile,” nyabuk.
33Sik daunmeka ani, aminyan talak, Lea birye, ton tuba tamubuka tonap mi bomukce, sal mi tonok ton deibukce, el si ara, ‘Simeon,’ nyabuka deibuk. Ara Lea birye, “Kume, na akanye birye, nati bico kum tenenulula ara, Allah el si Yahweh arye, akunum kekebuk. Ati, sal mi ton arepmanile,” tenebukce, ami ara, el si ‘Simeon,’ nyabuka deibuk.#29:33 Simeon – Ibrani yupu deice ara, asi Simeon deiyok ara, ‘Na yupu kekelamnilanye’ tenen, nyalamik.
34Aminyan talak, Lea birye ton mi bomuka ani, sal mi ton deibukce, el si ara, ‘Lewi,’ nyabuka sisibuk.#29:34 Lewi – Ibrani yupu deice arye, Lewi nyalamik ning ara, ‘Narye elti, kanye delinune’ tenen, nyalamik. Sisibukce, nyabuk. “Winira, na akanye bira, dipkoprob kanye deipnamnile. El mapu winilye akunum deipse atia,” nyabuk.
35Aminyan talak, Lea birye, ton mi bomuka ani, sal mi tonok ton deibukce, el si ara, ‘Yehuda,’#29:35 Yudah – Ibrani yupu deice arye, Yudah nyalamika ara, “Si erena ati, Telebe,” nyana ati nyalamik. nyabuk. Nyabukce, “Wini talak ara, Allah el si Yahweh ati, el si erepnamne,” nyabuk.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.