یُوحنّا 19
19
1وَل پِیلاطُس یسُوع کُوں گِھن گِیا تے کوڑے مروائے۔ 2سپاہیاں کنڈیاں دا تاج بنڑا تے اُوندے سر اُتے رکھیا تے اُونکُوں جامنی چوغہ پوایا۔ 3وَل اُوندے سامنڑے آ تے آدھے ہَن، ”یہُودیاں دے بادشاہ! آداب“ تے اُوندے چاٹاں وی ماریاں۔
4پِیلاطُس ہِک پھیری ولا باہر آیا تے یہُودیاں کُوں آکھیا، ”ڈیکھو مَیں اُونکُوں تُہاڈے کولھ باہر گِھن آندا ہاں تاں جو تُہاکُوں پتہ لگ ونجے جو مَیں اُوندے ءچ کوئی جُرم نئیں ڈِٹھا۔“ 5یسُوع کنڈیاں دا تاج تے جامنی چوغہ پا تے باہر آیا تے پِیلاطُس اُنہاں کُوں آکھیا، ”ڈیکھو ایہ ہے او بندہ!“
6جِیں ویلے سردار کاہِناں تے سپاہیاں اُونکُوں ڈِٹھا تاں چیخنڑ لگ پئے، ”اُونکُوں صلیب اُتے چڑھا ڈیؤ! اُونکُوں صلیب اُتے چڑھا ڈیؤ!“
پِیلاطُس جواب ڈِتا ”تُساں ای اِینکُوں گِھن ونجو تے صلیب اُتے چڑھا ڈیؤ کیوں جو مَیں اِیندے ءچ کوئی جُرم نئیں ڈیدھا۔“
7یہُودیاں جواب ڈِتا ”ساڈے کولھ ہِک شریعت ہے تے اُوں شریعت دے مطابق او موت دے لائق ہے کیوں جو اُوں آکھیا ہے جو مَیں خُدا دا پوتر ہاں۔“
8جِیں ویلے پِیلاطُس ایہ سُنڑیا تاں بِیا وی ڈر گِیا۔ 9او ولا قلعہ ءچ چلیا گِیا تے یسُوع تُوں پُچھیا، ”تُوں کِتھوں دا ہیں؟“ پر یسُوع اُونکُوں جواب نہ ڈِتا۔ 10بس پِیلاطُس اُونکُوں آکھیا، ”تُوں میڈے نال کیوں نئیں بُولیندا؟ کیا تیکُوں پتہ نئیں جو میکُوں اِختیار ہے جو تیکُوں چھوڑ ڈیواں یا صلیب اُتے چڑھا ڈیواں؟“
11یسُوع اُونکُوں جواب ڈِتا ”جے ایہ اِختیار تیکُوں اُتوں نہ مِلیا ہوندا تاں تیڈا میڈے اُتے کوئی اِختیار نہ ہوندا۔ اِیں سببّوں جیہڑے بندے میکُوں تیڈے حوالے کیتے، او زیادہ گُنہگار ہے۔“
12اِیندے بعد پِیلاطُس اُونکُوں چھوڑ ڈیوݨ دی کوشش کیتی پر یہُودی چیخ چیخ تے آکھنڑ لگے جو ”جے تُوں اِیں بندے کُوں چھوڑ ڈیسیں تاں تُوں رومی بادشاہ قیصر#19:12 یعنی رومی شہنشاہ۔ دا خیر خواہ نئیں۔ جیہڑا کوئی آپنڑے بادشاہ ہووݨ دا اعلان کریندے تاں او قیصر دا مخالف ہے۔“
13جِیں ویلے پِیلاطُس ایہ سُنڑیا تاں یسُوع کُوں باہر سڈیا تے آپنڑے تختِ عدالت اُتے بہہ گِیا۔ اُوں جاہ کُوں پتھر دا فرش آکھیا ویندا ہا جِینکُوں عبرانی ءچ گبّتا آدھے ہِن۔ 14ایہ فسح دی تیاری دا ڈینہہ تے چِھینویں گھنٹے#19:14 یعنی ڈوپہر دے بارہاں وجے۔ دے نیڑے ہا۔ وَل اُوں یہُودیاں کُوں آکھیا، ”ڈیکھو! تُہاڈا بادشاہ۔“
15بس او چیخنڑ لگے جو ”اُونکُوں گِھن وَنج! گِھن وَنج! اُونکُوں صلیب اُتے چڑھا ڈے!“
پِیلاطُس آکھیا، ”کیا مَیں تُہاڈے بادشاہ کُوں صلیب اُتے چڑھا ڈیواں؟“
سردار کاہِناں آکھیا، ”قیصر دے علاوہ ساڈا کوئی بادشاہ نئیں۔“ 16ایہ گالھ سُنڑ تے پِیلاطُس اُونکُوں اُنہاں دے حوالے کر ڈِتا جو اُونکُوں صلیب اُتے چڑھا ڈیوݨ۔
یسُوع کُوں صلیب اُتے چڑھایا ویندے
بس او یسُوع کُوں گِھن گئے۔ 17تے او آپنڑی صلیب چا تے شہر تُوں باہر اُوں جاہ دو گِیا جیہڑی کھوپڑی اکھویندی ہے تے جِینکُوں عبرانی زبان ءچ گُلگُتا آدھے ہِن۔ 18اُتھاں اُنہاں اُونکُوں تے اُوندے نال ڈُو بئے بندیاں کُوں وی صلیب اُتے چڑھا ڈِتا، ہِک کُوں سجے پاسُوں تے ڈُوجھے کُوں کھبے پاسُوں تے یسُوع کُوں اَدھ ءچ۔ 19تے پِیلاطُس ہِک تختی اُتے لِکھوا تے صلیب اُتے لٹکا ڈِتی۔ اُوندے اُتے ایہ لِکھیا ہا ”یسُوع ناصری یہُودیاں دا بادشاہ۔“ 20بہُوں سارے یہُودیاں ایہ تختی پڑھی کیوں جو جیہڑی جاہ تے یسُوع کُوں صلیب اُتے چڑھایا گِیا ہا او شہر دے نیڑے ای ہئی تے تختی اُتے عبرانی، لاطینی تے یُونانی ءچ لِکھیا ہویا ہا۔ 21اِیں واسطے یہُودیاں دے سردار کاہِناں پِیلاطُس کُوں درخاست کیتی، ”یہُودیاں دا بادشاہ نہ لِکھو بلکہ ایہ جو اُوں دعویٰ کیتا ہا جو مَیں یہُودیاں دا بادشاہ ہاں۔“
22پِیلاطُس جواب ڈِتا ”مَیں جیہڑا کُجھ لِکھ ڈِتے بس لِکھ ڈِتے۔“
23جِیں ویلے سپاہیاں یسُوع کُوں صلیب اُتے چڑھا ڈِتا تاں اُنہاں یسُوع دے کپڑے گِھدے تے چار حصے کیتے، ہر ہِک سپاہی کیتے ہِک حصہ۔ تے اُوندا چوغہ وی گِھدا جیہڑا پُورے دا پُورا وُنڑیا ہویا ہا تے اُوں ءچ کوئی جوڑ نہ ہا۔ 24اُنہاں آپس ءچ آکھیا، ”اِیندے ٹوٹے نہ کرُوں بلکہ اِیندے اُتے پرچی پا تے ڈیدھے ہیں جو ایہ کیندے حصہ ءچ آندے۔“ ایہ اِیں واسطے تھیّا جو او نوِشتہ پُورا تھیوے جو
”اُنہاں میڈی پُشاک آپس ءچ وَنڈ گِھدی
تے میڈے کپڑیاں اُتے پرچی پاتی#زبُور 22:18۔ ۔“
تے سپاہیاں اِینویں ای کیتا۔
25یسُوع دی صلیب دے نیڑے اُوندی ماء، اُوندی خالہ، کلوپاس دی ذال مریم تے مریم مگدلینی، کھڑیاں ہَن۔ 26یسُوع آپنڑی ماء کُوں تے آپنڑے اُوں شاگرد کُوں جِینکُوں او عزیز رکھیندا ہا نیڑے کھڑے ڈِٹھا تاں ماء کُوں آکھیا، ”ماء#19:26 متن ءچ عورت! لِکھیا ہے۔ یُونانی معاشرے ءچ ایہ بے ادبی دی گالھ نئیں۔! ڈیکھ ایہ تیڈا پوتر ہے۔“
27وَل شاگرد کُوں آکھیا، ”ڈیکھ ایہ تیڈی ماء ہے۔“ تے اُوں ویلے کنُوں ای اُوں شاگرد اُونکُوں آپنڑے گھر رکھ گِھدا۔
یسُوع دی موت
28اِیندے بعد جِیں ویلے یسُوع جاݨ گِھدا جو ہُنڑ سارے گالھیں پُوریاں تھی گئیاں ہِن تاں جو خُدا دے کلام دا لِکھیا پُورا تھیوے تاں آکھیا، ”مَیں ترِسّا ہاں#زبُور 69:21۔ ۔“
29نیڑے ای ہِک تھاں سِرکے نال بھریا پِیا ہا۔ اُنہاں ہِک سپنج کُوں سِرکے ءچ بوڈ تے زُوفے دے سرے اُتے رکھ تے اُوندے مُنہ نال لایا۔ 30بس جِیں ویلے یسُوع او سِرکہ پِیتا تاں آکھیا جو ”سبھ کُجھ پُورا تھی گِیا،“ تے سر جُھکا تے جان ڈے ڈِتی۔
یسُوع دے پہلو کُوں چھیدیا ویندے
31او تیاری دا ڈینہہ ہا، اِیں واسطے یہُودی راہنماواں پِیلاطُس کُوں درخاست کیتی جو اُنہاں دیاں جنگھاں توڑ ڈِتیاں ونجنڑ#19:31 پیراں دے سہارے دے بغیر جسم دا سارا وزن لٹکے ہوئے بندے دے بانہیں اُتے آ ویندے، اِیں واسطے ساہ گِھننڑ مُشکل تھی ویندے تے اِینویں بندہ فوری مر ویندے۔ تے لاشاں لہا گِھدیاں ونجنڑ تاں جو سبت دے ڈینہہ صلیب اُتے نہ راہنڑ کیوں جو او سبت ہِک خاص ڈینہہ ہا#اِستِثنا 21:23۔۔ 32اِیں واسطے سپاہی آئے تے اُنہاں ڈُو بندیاں دیاں جنگھاں بَھن ڈِتیاں جیہڑے اُوندے نال صلیب اُتے چڑھائے گئے ہَن۔ 33پر جِیں ویلے اُنہاں یسُوع دے کولھ آ تے ڈِٹھا جو او تاں مر گِیا ہے تاں اُوندیاں جنگھاں نہ بَھنیاں۔ 34پر اُنہاں ءچوں ہِک سپاہی نیزے نال اُوندی پسلی چھیدی تے فوراً خون تے پانڑی واہنڑ پے گِیا۔ 35جئیں ایہ ڈِٹھے اُوں گواہی ڈِتی ہے تے اُوندی گواہی سچی ہے تے او جانڑدا ہے جو سچ آدھا ہے تاں جو تُساں وی اِیمان گِھن آؤ۔ 36ایہ گالھیں اِیں واسطے تھیّاں جو خُدا دے کلام ءچ لِکھیا ہویا پُورا تھی ونجے جو
”اُوندی کوئی ہڈی تروڑی نہ ویسی۔“
37تے خُدا دا کلام ہِک بئی جاہ تے آدھے جو
”جِینکُوں اُنہاں چھیدیا، اُوندے اُتے نِگاہ کریسن#زکریاہ 12:10۔ ۔“
یسُوع دی تدفین
38اِنہاں گالھیں دے بعد ہِک بندہ یُوسف جیہڑا ارِمَتِیاہ دا راہنڑ آلا ہا تے یسُوع دا شاگرد ہا، پر یہُودی سرداراں دے ڈر کنُوں خُفیہ طور تے، او پِیلاطُس دے کولھ گِیا تے یسُوع دی لاش کُوں گِھن ونجنڑ دی اِجازت منگی۔ پِیلاطُس اِجازت ڈے ڈِتی تے او آ تے یسُوع دی لاش کُوں گِھن گِیا۔ 39یُوسف نال نِیکُدِیمُس وی آیا جئیں پہلے یسُوع نال رات کُوں مُلاقات کیتی ہئی۔ او آپنڑے نال ترِیح کلو دے قریب مَلیا ہویا مُر تے کوار بُوٹی#19:39 ایہ ڈوہائیں بہُوں قیمتی خوشبودار مصالحے ہِن جیہڑے درختاں تُوں حاصل کیتے ویندے ہِن۔ گِھن آیا۔ 40بس اُنہاں یسُوع دی لاش کُوں گِھن تے اُونکُوں خوشبودار مصالحے سمیت ہِک مہین چادر ءچ کفنایا جِینویں یہُودیاں ءچ دفن دا دستور ہا۔ 41جیہڑی جاہ اُتے یسُوع کُوں صلیب اُتے چڑھایا گِیا، اُتھاں ہِک باغ ہا تے اُوں باغ ءچ ہِک نوِیں قبر ہئی جیندے ءچ پہلے کوئی نہ رکھیا گِیا ہا#19:41 یہُودی قبراں ءچ اکثر لاشاں کُوں ہِک ڈُوجھے دے نال دفنایا ویندا ہا۔۔ 42بس اُنہاں یہُودیاں دی تیاری دے ڈینہہ دی وجہ کنُوں یسُوع کُوں اُتھاں رکھ ڈِتا کیوں جو ایہ قبر نیڑے ہئی۔
Currently Selected:
یُوحنّا 19: SKRV
Highlight
Share
Copy
Want to have your highlights saved across all your devices? Sign up or sign in
Modern Central Saraiki Bible © 2024 Strategic Resource Group
یُوحنّا 19
19
1وَل پِیلاطُس یسُوع کُوں گِھن گِیا تے کوڑے مروائے۔ 2سپاہیاں کنڈیاں دا تاج بنڑا تے اُوندے سر اُتے رکھیا تے اُونکُوں جامنی چوغہ پوایا۔ 3وَل اُوندے سامنڑے آ تے آدھے ہَن، ”یہُودیاں دے بادشاہ! آداب“ تے اُوندے چاٹاں وی ماریاں۔
4پِیلاطُس ہِک پھیری ولا باہر آیا تے یہُودیاں کُوں آکھیا، ”ڈیکھو مَیں اُونکُوں تُہاڈے کولھ باہر گِھن آندا ہاں تاں جو تُہاکُوں پتہ لگ ونجے جو مَیں اُوندے ءچ کوئی جُرم نئیں ڈِٹھا۔“ 5یسُوع کنڈیاں دا تاج تے جامنی چوغہ پا تے باہر آیا تے پِیلاطُس اُنہاں کُوں آکھیا، ”ڈیکھو ایہ ہے او بندہ!“
6جِیں ویلے سردار کاہِناں تے سپاہیاں اُونکُوں ڈِٹھا تاں چیخنڑ لگ پئے، ”اُونکُوں صلیب اُتے چڑھا ڈیؤ! اُونکُوں صلیب اُتے چڑھا ڈیؤ!“
پِیلاطُس جواب ڈِتا ”تُساں ای اِینکُوں گِھن ونجو تے صلیب اُتے چڑھا ڈیؤ کیوں جو مَیں اِیندے ءچ کوئی جُرم نئیں ڈیدھا۔“
7یہُودیاں جواب ڈِتا ”ساڈے کولھ ہِک شریعت ہے تے اُوں شریعت دے مطابق او موت دے لائق ہے کیوں جو اُوں آکھیا ہے جو مَیں خُدا دا پوتر ہاں۔“
8جِیں ویلے پِیلاطُس ایہ سُنڑیا تاں بِیا وی ڈر گِیا۔ 9او ولا قلعہ ءچ چلیا گِیا تے یسُوع تُوں پُچھیا، ”تُوں کِتھوں دا ہیں؟“ پر یسُوع اُونکُوں جواب نہ ڈِتا۔ 10بس پِیلاطُس اُونکُوں آکھیا، ”تُوں میڈے نال کیوں نئیں بُولیندا؟ کیا تیکُوں پتہ نئیں جو میکُوں اِختیار ہے جو تیکُوں چھوڑ ڈیواں یا صلیب اُتے چڑھا ڈیواں؟“
11یسُوع اُونکُوں جواب ڈِتا ”جے ایہ اِختیار تیکُوں اُتوں نہ مِلیا ہوندا تاں تیڈا میڈے اُتے کوئی اِختیار نہ ہوندا۔ اِیں سببّوں جیہڑے بندے میکُوں تیڈے حوالے کیتے، او زیادہ گُنہگار ہے۔“
12اِیندے بعد پِیلاطُس اُونکُوں چھوڑ ڈیوݨ دی کوشش کیتی پر یہُودی چیخ چیخ تے آکھنڑ لگے جو ”جے تُوں اِیں بندے کُوں چھوڑ ڈیسیں تاں تُوں رومی بادشاہ قیصر#19:12 یعنی رومی شہنشاہ۔ دا خیر خواہ نئیں۔ جیہڑا کوئی آپنڑے بادشاہ ہووݨ دا اعلان کریندے تاں او قیصر دا مخالف ہے۔“
13جِیں ویلے پِیلاطُس ایہ سُنڑیا تاں یسُوع کُوں باہر سڈیا تے آپنڑے تختِ عدالت اُتے بہہ گِیا۔ اُوں جاہ کُوں پتھر دا فرش آکھیا ویندا ہا جِینکُوں عبرانی ءچ گبّتا آدھے ہِن۔ 14ایہ فسح دی تیاری دا ڈینہہ تے چِھینویں گھنٹے#19:14 یعنی ڈوپہر دے بارہاں وجے۔ دے نیڑے ہا۔ وَل اُوں یہُودیاں کُوں آکھیا، ”ڈیکھو! تُہاڈا بادشاہ۔“
15بس او چیخنڑ لگے جو ”اُونکُوں گِھن وَنج! گِھن وَنج! اُونکُوں صلیب اُتے چڑھا ڈے!“
پِیلاطُس آکھیا، ”کیا مَیں تُہاڈے بادشاہ کُوں صلیب اُتے چڑھا ڈیواں؟“
سردار کاہِناں آکھیا، ”قیصر دے علاوہ ساڈا کوئی بادشاہ نئیں۔“ 16ایہ گالھ سُنڑ تے پِیلاطُس اُونکُوں اُنہاں دے حوالے کر ڈِتا جو اُونکُوں صلیب اُتے چڑھا ڈیوݨ۔
یسُوع کُوں صلیب اُتے چڑھایا ویندے
بس او یسُوع کُوں گِھن گئے۔ 17تے او آپنڑی صلیب چا تے شہر تُوں باہر اُوں جاہ دو گِیا جیہڑی کھوپڑی اکھویندی ہے تے جِینکُوں عبرانی زبان ءچ گُلگُتا آدھے ہِن۔ 18اُتھاں اُنہاں اُونکُوں تے اُوندے نال ڈُو بئے بندیاں کُوں وی صلیب اُتے چڑھا ڈِتا، ہِک کُوں سجے پاسُوں تے ڈُوجھے کُوں کھبے پاسُوں تے یسُوع کُوں اَدھ ءچ۔ 19تے پِیلاطُس ہِک تختی اُتے لِکھوا تے صلیب اُتے لٹکا ڈِتی۔ اُوندے اُتے ایہ لِکھیا ہا ”یسُوع ناصری یہُودیاں دا بادشاہ۔“ 20بہُوں سارے یہُودیاں ایہ تختی پڑھی کیوں جو جیہڑی جاہ تے یسُوع کُوں صلیب اُتے چڑھایا گِیا ہا او شہر دے نیڑے ای ہئی تے تختی اُتے عبرانی، لاطینی تے یُونانی ءچ لِکھیا ہویا ہا۔ 21اِیں واسطے یہُودیاں دے سردار کاہِناں پِیلاطُس کُوں درخاست کیتی، ”یہُودیاں دا بادشاہ نہ لِکھو بلکہ ایہ جو اُوں دعویٰ کیتا ہا جو مَیں یہُودیاں دا بادشاہ ہاں۔“
22پِیلاطُس جواب ڈِتا ”مَیں جیہڑا کُجھ لِکھ ڈِتے بس لِکھ ڈِتے۔“
23جِیں ویلے سپاہیاں یسُوع کُوں صلیب اُتے چڑھا ڈِتا تاں اُنہاں یسُوع دے کپڑے گِھدے تے چار حصے کیتے، ہر ہِک سپاہی کیتے ہِک حصہ۔ تے اُوندا چوغہ وی گِھدا جیہڑا پُورے دا پُورا وُنڑیا ہویا ہا تے اُوں ءچ کوئی جوڑ نہ ہا۔ 24اُنہاں آپس ءچ آکھیا، ”اِیندے ٹوٹے نہ کرُوں بلکہ اِیندے اُتے پرچی پا تے ڈیدھے ہیں جو ایہ کیندے حصہ ءچ آندے۔“ ایہ اِیں واسطے تھیّا جو او نوِشتہ پُورا تھیوے جو
”اُنہاں میڈی پُشاک آپس ءچ وَنڈ گِھدی
تے میڈے کپڑیاں اُتے پرچی پاتی#زبُور 22:18۔ ۔“
تے سپاہیاں اِینویں ای کیتا۔
25یسُوع دی صلیب دے نیڑے اُوندی ماء، اُوندی خالہ، کلوپاس دی ذال مریم تے مریم مگدلینی، کھڑیاں ہَن۔ 26یسُوع آپنڑی ماء کُوں تے آپنڑے اُوں شاگرد کُوں جِینکُوں او عزیز رکھیندا ہا نیڑے کھڑے ڈِٹھا تاں ماء کُوں آکھیا، ”ماء#19:26 متن ءچ عورت! لِکھیا ہے۔ یُونانی معاشرے ءچ ایہ بے ادبی دی گالھ نئیں۔! ڈیکھ ایہ تیڈا پوتر ہے۔“
27وَل شاگرد کُوں آکھیا، ”ڈیکھ ایہ تیڈی ماء ہے۔“ تے اُوں ویلے کنُوں ای اُوں شاگرد اُونکُوں آپنڑے گھر رکھ گِھدا۔
یسُوع دی موت
28اِیندے بعد جِیں ویلے یسُوع جاݨ گِھدا جو ہُنڑ سارے گالھیں پُوریاں تھی گئیاں ہِن تاں جو خُدا دے کلام دا لِکھیا پُورا تھیوے تاں آکھیا، ”مَیں ترِسّا ہاں#زبُور 69:21۔ ۔“
29نیڑے ای ہِک تھاں سِرکے نال بھریا پِیا ہا۔ اُنہاں ہِک سپنج کُوں سِرکے ءچ بوڈ تے زُوفے دے سرے اُتے رکھ تے اُوندے مُنہ نال لایا۔ 30بس جِیں ویلے یسُوع او سِرکہ پِیتا تاں آکھیا جو ”سبھ کُجھ پُورا تھی گِیا،“ تے سر جُھکا تے جان ڈے ڈِتی۔
یسُوع دے پہلو کُوں چھیدیا ویندے
31او تیاری دا ڈینہہ ہا، اِیں واسطے یہُودی راہنماواں پِیلاطُس کُوں درخاست کیتی جو اُنہاں دیاں جنگھاں توڑ ڈِتیاں ونجنڑ#19:31 پیراں دے سہارے دے بغیر جسم دا سارا وزن لٹکے ہوئے بندے دے بانہیں اُتے آ ویندے، اِیں واسطے ساہ گِھننڑ مُشکل تھی ویندے تے اِینویں بندہ فوری مر ویندے۔ تے لاشاں لہا گِھدیاں ونجنڑ تاں جو سبت دے ڈینہہ صلیب اُتے نہ راہنڑ کیوں جو او سبت ہِک خاص ڈینہہ ہا#اِستِثنا 21:23۔۔ 32اِیں واسطے سپاہی آئے تے اُنہاں ڈُو بندیاں دیاں جنگھاں بَھن ڈِتیاں جیہڑے اُوندے نال صلیب اُتے چڑھائے گئے ہَن۔ 33پر جِیں ویلے اُنہاں یسُوع دے کولھ آ تے ڈِٹھا جو او تاں مر گِیا ہے تاں اُوندیاں جنگھاں نہ بَھنیاں۔ 34پر اُنہاں ءچوں ہِک سپاہی نیزے نال اُوندی پسلی چھیدی تے فوراً خون تے پانڑی واہنڑ پے گِیا۔ 35جئیں ایہ ڈِٹھے اُوں گواہی ڈِتی ہے تے اُوندی گواہی سچی ہے تے او جانڑدا ہے جو سچ آدھا ہے تاں جو تُساں وی اِیمان گِھن آؤ۔ 36ایہ گالھیں اِیں واسطے تھیّاں جو خُدا دے کلام ءچ لِکھیا ہویا پُورا تھی ونجے جو
”اُوندی کوئی ہڈی تروڑی نہ ویسی۔“
37تے خُدا دا کلام ہِک بئی جاہ تے آدھے جو
”جِینکُوں اُنہاں چھیدیا، اُوندے اُتے نِگاہ کریسن#زکریاہ 12:10۔ ۔“
یسُوع دی تدفین
38اِنہاں گالھیں دے بعد ہِک بندہ یُوسف جیہڑا ارِمَتِیاہ دا راہنڑ آلا ہا تے یسُوع دا شاگرد ہا، پر یہُودی سرداراں دے ڈر کنُوں خُفیہ طور تے، او پِیلاطُس دے کولھ گِیا تے یسُوع دی لاش کُوں گِھن ونجنڑ دی اِجازت منگی۔ پِیلاطُس اِجازت ڈے ڈِتی تے او آ تے یسُوع دی لاش کُوں گِھن گِیا۔ 39یُوسف نال نِیکُدِیمُس وی آیا جئیں پہلے یسُوع نال رات کُوں مُلاقات کیتی ہئی۔ او آپنڑے نال ترِیح کلو دے قریب مَلیا ہویا مُر تے کوار بُوٹی#19:39 ایہ ڈوہائیں بہُوں قیمتی خوشبودار مصالحے ہِن جیہڑے درختاں تُوں حاصل کیتے ویندے ہِن۔ گِھن آیا۔ 40بس اُنہاں یسُوع دی لاش کُوں گِھن تے اُونکُوں خوشبودار مصالحے سمیت ہِک مہین چادر ءچ کفنایا جِینویں یہُودیاں ءچ دفن دا دستور ہا۔ 41جیہڑی جاہ اُتے یسُوع کُوں صلیب اُتے چڑھایا گِیا، اُتھاں ہِک باغ ہا تے اُوں باغ ءچ ہِک نوِیں قبر ہئی جیندے ءچ پہلے کوئی نہ رکھیا گِیا ہا#19:41 یہُودی قبراں ءچ اکثر لاشاں کُوں ہِک ڈُوجھے دے نال دفنایا ویندا ہا۔۔ 42بس اُنہاں یہُودیاں دی تیاری دے ڈینہہ دی وجہ کنُوں یسُوع کُوں اُتھاں رکھ ڈِتا کیوں جو ایہ قبر نیڑے ہئی۔
Currently Selected:
:
Highlight
Share
Copy
Want to have your highlights saved across all your devices? Sign up or sign in
Modern Central Saraiki Bible © 2024 Strategic Resource Group