مرقس 10
10
یسُوع طلاق دے بارے ءچ تعلیم ڈیندے
1وَل یسُوع اُتھوں کنُوں روانہ تھی تے یردن دے پار یہُودیہ دے علاقے ءچ آیا۔ بِھیڑ اُوندے کولھ وَل جمع تھی گئی تے او آپنڑے دستور دے مطابق اُنہاں کُوں تعلیم ڈیوݨ لگا۔
2تے کُجھ فریسیاں کولھ آ تے اُونکُوں ازماوݨ کیتے پُچھیا، ”کیا بندے دا آپنڑی ذال کُوں چھوڑ ڈیوݨ جائز ہے؟“
3یسُوع جواب ءچ اُنہاں کُوں آکھیا جو ”مُوسیٰ تُہاکُوں کیا حُکم ڈِتے؟“
4اُنہاں آکھیا، ”مُوسیٰ تاں اِجازت ڈِتی ہے جو طلاق نامہ لِکھ تے اُونکُوں چھوڑ ڈیؤ۔“
5پر یسُوع اُنہاں کُوں آکھیا جو ”مُوسیٰ تُہاڈی سخت دِلی دے سببّوں تُہاڈے کیتے ایہ حُکم لِکھیا ہا۔ 6پر خلقت دے شروع کنُوں خُدا اُنہاں کُوں مرد تے عورت بنڑایا۔ 7’اِیں واسطے مرد آپنڑے ماء پِیُو کنُوں اَنج تھی تے آپنڑی ذال نال راہسی، 8تے ڈوہائیں ہِک تَن ہوسن#پیدائش 2:24۔ ۔‘ بس او ڈُو نئیں بلکہ ہِک تَن ہِن۔ 9اِیں واسطے جِینکُوں خُدا جوڑیا ہے اُونکُوں اِنسان جُدا نہ کرے۔“
10گھر ءچ شاگرداں یسُوع کنُوں اِیں گالھ دے بارے ولا پُچھیا۔ 11اُوں اُنہاں کُوں آکھیا، ”جیہڑا کوئی آپنڑی ذال کُوں چھوڑ ڈیوے تے ڈُوجھی نال شادی کر گِھنے تاں او آپنڑی پہلی ذال دے خلاف زِنا کریندے۔ 12تے جے عورت آپنڑے پئے کُوں چھوڑ تے ڈُوجھے نال شادی کر گِھنے تاں زِنا کریندی ہے۔“
یسُوع چھوٹے بالاں کُوں برکت ڈیندے
13وَل لوک بالاں کُوں اُوندے کولھ گِھن آوݨ لگے تاں جو او اُنہاں اُتے ہتھ رکھے، پر شاگرداں اُنہاں کُوں جِھڑکیا۔ 14یسُوع ایہ ڈیکھ تے ناراض تھیّا تے اُنہاں کُوں آکھیا، ”بالاں کُوں میڈے کولھ آوݨ ڈیؤ، اُنہاں کُوں نہ ہٹکو، کیوں جو خُدا دی بادشاہی ایجھیاں ای دی ہے۔ 15مَیں تُہاکُوں سچ آدھا ہاں جو جیہڑا کوئی خُدا دی بادشاہی کُوں بال آلی کار قبول نہ کرے او اُوندے ءچ کڈھائیں داخل نہ تھیسی۔“ 16وَل اُوں بالاں کُوں آپنڑی جھولی ءچ گِھدا تے اُنہاں اُتے ہتھ رکھ تے اُنہاں کُوں برکت ڈِتی۔
ہِک مال دار بندہ
17جِیں ویلے یسُوع نِکل تے آپنڑے رستے ویندا پِیا ہا تاں ہِک بندہ بھجدا ہویا آیا تے اُوندے سامنڑے گوڈے ٹیک تے پُچھنڑ لگا جو ”نیک اُستاد! مَیں کیا کراں جو ہمیشاں دی زندگی دا وارث بنڑاں؟“
18یسُوع اُونکُوں جواب ڈِتا، ”تُوں میکُوں نیک کیوں آدھا ہیں؟ کوئی نیک نئیں صرف ہِک ہے یعنی خُدا۔ 19تُوں حُکماں کُوں تاں جانڑدا ہیں جو ’خون نہ کر، زِنا نہ کر، چوری نہ کر، کُوڑی گواہی نہ ڈے، فریب نہ کر، آپنڑے ماء پِیُو دی عزت کر#خرُوج 20:12-16۔ ‘۔“
20اُوں آکھیا، ”اُستاد، اِنہاں ساریاں اُتے تاں مَیں چھوٹے لا کنُوں عمل کیتا ہے۔“
21یسُوع اُوندے اُتے نِگاہ کیتی تے اُونکُوں اُوندے اُتے پیار آیا تے آکھیا، ”ہِک گالھ دی تَیں ءچ کمی ہے۔ وَنج آپنڑا سبھ کُجھ ویچ تے غریباں کُوں ڈے، تاں تیکُوں اسمان اُتے خزانہ مِلسی۔ وَل آ تے میڈے پِچُھوں ٹُر پو۔“
22ایہ سُنڑ تے اُوں بندے دا مُنہ لہہ گِیا تے او غمگین تھی تے چلیا گِیا، کیوں جو او بہُوں مالدار ہا۔
23وَل یسُوع چودھارُوں نظر کر تے آپنڑے شاگرداں کُوں آکھیا، ”دولت منداں دا خُدا دی بادشاہی ءچ داخل تھیوݨ کیجھا اوکھا ہے!“
24شاگرد اُوندے گالھیں کنُوں حیران تھئے، پر یسُوع اُنہاں کُوں وَل آکھیا، ”بالو، خُدا دی بادشاہی ءچ داخل تھیوݨ کیجھا ای اوکھا ہے! 25اُٹھ دا سُوئی دے نکے ءچوں لنگھ ونجنڑ، دولت مند دے خُدا دی بادشاہی ءچ داخل تھیوݨ کنُوں سوکھا ہے۔“
26شاگرد بہُوں ای حیران تھی تے اُونکُوں آکھنڑ لگے، ”وَل کوݨ نجات پا سگدے#10:26 شاگرد سوچیندے ہَن جو دولتمند ہووݨ خُدا دی رضامندی تے برکت دا نشان ہے۔ ؟“
27یسُوع اُنہاں دو نظر کر تے آکھیا، ”اِنسان کیتے تاں ایہ ناممکن ہے پر خُدا کیتے سبھ کُجھ ممکن ہے۔“
28پطرس اُونکُوں آکھنڑ لگا، ”ڈیکھ اساں سبھ کُجھ چھوڑ تے تُہاڈے پِچُھوں تھی پئے ہیں۔“
29یسُوع آکھیا، ”مَیں تُہاکُوں سچ آدھا ہاں جو جئیں وی میڈے تے خُدا دی اِنجیل دی خاطر آپنڑے گھر یا بِھرانواں یا بھینڑاں یا ماء یا پِیُو یا بالاں یا رَڑھاں کُوں چھوڑ ڈِتا ہووے، 30اُونکُوں اِیں زمانہ ءچ گھر، بِھرا، بھینڑاں، ماء، بال تے رَڑھ سو گُنا ضرور مِلسی، پر نال نال ظلم وی تے آوݨ آلی دُنیا ءچ اُونکُوں ہمیشاں دی زندگی مِلسی۔ 31پر بہُوں سارے جیہڑے اوّل ہِن آخر تھی ویسن تے آخر اوّل۔“
یسُوع تریجھی پھیری آپنڑی موت دا ذِکر کریندے
32تے او یروشلیم دے رستے اُتے ویندے پئے ہَن تے یسُوع اُنہاں دے اگُوں اگُوں ٹُردا ویندا ہا۔ شاگرد حیران تھیوݨ لگے تے جیہڑے پِچُھوں آندے ہَن ڈرݨ لگے۔ وَل او اُنہاں بارہاں کُوں اَنج گِھن تے اُنہاں کُوں او گالھیں ڈسنڑ لگا جیہڑیاں اُوندے اُتے آوݨ آلیاں ہَن۔ 33اُوں آکھیا، ”اساں یروشلیم ویندے ہیں تے اِبنِ آدم سردار کاہِناں تے شریعت دے عالماں دے حوالے کیتا ویسی۔ او اُوندے قتل دا حُکم ڈیسن تے اُونکُوں غیر قوماں#10:33 یعنی رومی لوک جیہڑے یہُودیاں اُتے حکُومت کریندے ہَن۔ دے حوالے کریسن 34جیہڑے اُوندا مذاق اُڈیسن تے اُوندے اُتے تُھوکیسن، تے اُونکُوں کوڑے مریسن، تے قتل کریسن۔ پر ترے ڈینہہ بعد او زندہ تھی ویسی۔“
یعقُوب تے یُوحنّا کیتے درخاست
35وَل زبدی دے پوتراں یعقُوب تے یُوحنّا یسُوع دے کولھ آ تے اُونکُوں آکھیا، ”اُستاد! اساں چاہندے ہیں جو اساں جیہڑی درخاست تُہاکُوں کرُوں تُساں ساڈے کیتے کرو۔“
36اُوں اُنہاں کنُوں پُچھیا، ”تُساں کیا چاہندے ہیوے جو مَیں تُہاڈے کیتے کراں؟“
37اُنہاں آکھیا، ”ساڈے اُتے ایہ مہربانی کرو جو تُہاڈے جلال ءچ ساڈے ءچوں ہِک تُہاڈے سجے تے ڈُوجھا تُہاڈے کھبے پاسُوں بَہوے۔“
38پر یسُوع اُنہاں کُوں آکھیا، ”تُساں نئیں جانڑدے جو کیا منگدے ہیوے۔ ڈُکھ دا جیہڑا پیالہ مَیں پِیوݨ آلا ہاں، کیا تُساں او پی سگدے ہیوے؟ تے جیہڑا بپتسمہ مَیں گِھننڑ آلا ہاں، تُساں گِھن سگدے ہیوے؟“
39اُنہاں جواب ڈِتا، ”اساں کر سگدے ہاں۔“
یسُوع اُنہاں کُوں آکھیا، ”جیہڑا پیالہ مَیں پِیوݨ آلا ہاں تُساں پِیسو، تے جیہڑا بپتسمہ مَیں گِھننڑ آلا ہاں، تُساں گِھنسو#10:39 اِنہاں شاگرداں، بعد ءچ خُدا دی خاطر تکلیفاں برداشت کیتیاں تے یعقُوب قتل تھی گِیا۔ ڈیکھو اعمال 2:12۔۔ 40پر کہیں کُوں آپنڑے سجے یا کھبے پاسُوں بِلھاونڑاں میڈا کم نئیں۔ پر جِنہاں کیتے تیار کیتا گِیا ہے اُنہاں کیتے ہے۔“
41جِیں ویلے باقی ڈاہ شاگرداں ایہ سُنڑیا تاں یعقُوب تے یُوحنّا نال خفا تھیوݨ لگے۔ 42پر یسُوع اُنہاں کُوں کولھ سڈ تے آکھیا، ”تُہاکُوں پتہ ہے جو غیر قوماں دے سردار آپنڑے لوکاں اُتے حکُومت کریندے ہِن تے اُنہاں دے امیر اُنہاں اُتے اِختیار جتیندے ہِن۔ 43پر تُہاڈے ءچ اِینویں نئیں بلکہ تُہاڈے ءچوں جیہڑا وڈا بنڑݨ چاہندے او تُہاڈا خادم بنڑے۔ 44تے جیہڑا تُہاڈے ءچوں اوّل تھیوݨ چاہوے او ساریاں دا غُلام بنڑے۔ 45کیوں جو اِبنِ آدم وی اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“
یسُوع اندھے برتِمائی کُوں شِفا ڈیندے
46وَل او یرِیحُو ءچ آئے۔ تے جِیں ویلے یسُوع تے اُوندے شاگرد تے ہِک وڈی بِھیڑ یرِیحُو ءچوں نِکلدی پئی ہئی تاں اُتھاں تمائی دا پوتر برتِمائی جیہڑا ہِک اندھا فقیر ہا، رستے دے کنارے بیٹھا ہا۔ 47او ایہ سُنڑ تے جو یسُوع ناصری ہے، دھاڑ دھاڑ کریندے ہوئے آکھنڑ لگا جو ”اِبنِ ِ داؤد#10:47 ایہ داؤد بادشاہ دی نسل ءچوں آوݨ آلے بادشاہ المسیح کیتے ہِک لقب ہا۔! یسُوع! میڈے اُتے رحم کرو۔“
48لوک اُونکُوں دَڑکاوݨ لگے جو ”چُپ تھی وَنج۔“ پر او بِیا وی دھاڑ دھاڑ کرݨ لگ پِیا جو ”اِبنِ داؤد! میڈے اُتے رحم کرو۔“
49یسُوع کھڑ تے آکھیا، ”اُونکُوں سڈو۔“
بس اُنہاں اُوں اندھے کُوں اواز ڈِتی تے آکھیا، ”حوصلہ رکھ، اُٹھی او تیکُوں سڈیندے۔“
50او آپنڑا کپڑا سَٹ تے اُچھل پِیا تے یسُوع دے کولھ آیا۔
51یسُوع اُوں کنُوں پُچھیا، ”تُوں کیا چاہندا ہیں جو مَیں تیڈے کیتے کراں؟“
اندھے آکھیا، ”ربّی! ایہ جو مَیں ڈیکھ سگاں۔“
52یسُوع اُونکُوں آکھیا، ”وَنج تیڈے اِیمان تیکُوں چنگا کر ڈِتے۔“
او فوراً ڈیکھنڑ لگ پِیا تے رستے ءچ اُوندے پِچُھوں ٹُر پِیا۔
Currently Selected:
مرقس 10: SKRV
Highlight
Share
Copy
Want to have your highlights saved across all your devices? Sign up or sign in
Modern Central Saraiki Bible © 2024 Strategic Resource Group
مرقس 10
10
یسُوع طلاق دے بارے ءچ تعلیم ڈیندے
1وَل یسُوع اُتھوں کنُوں روانہ تھی تے یردن دے پار یہُودیہ دے علاقے ءچ آیا۔ بِھیڑ اُوندے کولھ وَل جمع تھی گئی تے او آپنڑے دستور دے مطابق اُنہاں کُوں تعلیم ڈیوݨ لگا۔
2تے کُجھ فریسیاں کولھ آ تے اُونکُوں ازماوݨ کیتے پُچھیا، ”کیا بندے دا آپنڑی ذال کُوں چھوڑ ڈیوݨ جائز ہے؟“
3یسُوع جواب ءچ اُنہاں کُوں آکھیا جو ”مُوسیٰ تُہاکُوں کیا حُکم ڈِتے؟“
4اُنہاں آکھیا، ”مُوسیٰ تاں اِجازت ڈِتی ہے جو طلاق نامہ لِکھ تے اُونکُوں چھوڑ ڈیؤ۔“
5پر یسُوع اُنہاں کُوں آکھیا جو ”مُوسیٰ تُہاڈی سخت دِلی دے سببّوں تُہاڈے کیتے ایہ حُکم لِکھیا ہا۔ 6پر خلقت دے شروع کنُوں خُدا اُنہاں کُوں مرد تے عورت بنڑایا۔ 7’اِیں واسطے مرد آپنڑے ماء پِیُو کنُوں اَنج تھی تے آپنڑی ذال نال راہسی، 8تے ڈوہائیں ہِک تَن ہوسن#پیدائش 2:24۔ ۔‘ بس او ڈُو نئیں بلکہ ہِک تَن ہِن۔ 9اِیں واسطے جِینکُوں خُدا جوڑیا ہے اُونکُوں اِنسان جُدا نہ کرے۔“
10گھر ءچ شاگرداں یسُوع کنُوں اِیں گالھ دے بارے ولا پُچھیا۔ 11اُوں اُنہاں کُوں آکھیا، ”جیہڑا کوئی آپنڑی ذال کُوں چھوڑ ڈیوے تے ڈُوجھی نال شادی کر گِھنے تاں او آپنڑی پہلی ذال دے خلاف زِنا کریندے۔ 12تے جے عورت آپنڑے پئے کُوں چھوڑ تے ڈُوجھے نال شادی کر گِھنے تاں زِنا کریندی ہے۔“
یسُوع چھوٹے بالاں کُوں برکت ڈیندے
13وَل لوک بالاں کُوں اُوندے کولھ گِھن آوݨ لگے تاں جو او اُنہاں اُتے ہتھ رکھے، پر شاگرداں اُنہاں کُوں جِھڑکیا۔ 14یسُوع ایہ ڈیکھ تے ناراض تھیّا تے اُنہاں کُوں آکھیا، ”بالاں کُوں میڈے کولھ آوݨ ڈیؤ، اُنہاں کُوں نہ ہٹکو، کیوں جو خُدا دی بادشاہی ایجھیاں ای دی ہے۔ 15مَیں تُہاکُوں سچ آدھا ہاں جو جیہڑا کوئی خُدا دی بادشاہی کُوں بال آلی کار قبول نہ کرے او اُوندے ءچ کڈھائیں داخل نہ تھیسی۔“ 16وَل اُوں بالاں کُوں آپنڑی جھولی ءچ گِھدا تے اُنہاں اُتے ہتھ رکھ تے اُنہاں کُوں برکت ڈِتی۔
ہِک مال دار بندہ
17جِیں ویلے یسُوع نِکل تے آپنڑے رستے ویندا پِیا ہا تاں ہِک بندہ بھجدا ہویا آیا تے اُوندے سامنڑے گوڈے ٹیک تے پُچھنڑ لگا جو ”نیک اُستاد! مَیں کیا کراں جو ہمیشاں دی زندگی دا وارث بنڑاں؟“
18یسُوع اُونکُوں جواب ڈِتا، ”تُوں میکُوں نیک کیوں آدھا ہیں؟ کوئی نیک نئیں صرف ہِک ہے یعنی خُدا۔ 19تُوں حُکماں کُوں تاں جانڑدا ہیں جو ’خون نہ کر، زِنا نہ کر، چوری نہ کر، کُوڑی گواہی نہ ڈے، فریب نہ کر، آپنڑے ماء پِیُو دی عزت کر#خرُوج 20:12-16۔ ‘۔“
20اُوں آکھیا، ”اُستاد، اِنہاں ساریاں اُتے تاں مَیں چھوٹے لا کنُوں عمل کیتا ہے۔“
21یسُوع اُوندے اُتے نِگاہ کیتی تے اُونکُوں اُوندے اُتے پیار آیا تے آکھیا، ”ہِک گالھ دی تَیں ءچ کمی ہے۔ وَنج آپنڑا سبھ کُجھ ویچ تے غریباں کُوں ڈے، تاں تیکُوں اسمان اُتے خزانہ مِلسی۔ وَل آ تے میڈے پِچُھوں ٹُر پو۔“
22ایہ سُنڑ تے اُوں بندے دا مُنہ لہہ گِیا تے او غمگین تھی تے چلیا گِیا، کیوں جو او بہُوں مالدار ہا۔
23وَل یسُوع چودھارُوں نظر کر تے آپنڑے شاگرداں کُوں آکھیا، ”دولت منداں دا خُدا دی بادشاہی ءچ داخل تھیوݨ کیجھا اوکھا ہے!“
24شاگرد اُوندے گالھیں کنُوں حیران تھئے، پر یسُوع اُنہاں کُوں وَل آکھیا، ”بالو، خُدا دی بادشاہی ءچ داخل تھیوݨ کیجھا ای اوکھا ہے! 25اُٹھ دا سُوئی دے نکے ءچوں لنگھ ونجنڑ، دولت مند دے خُدا دی بادشاہی ءچ داخل تھیوݨ کنُوں سوکھا ہے۔“
26شاگرد بہُوں ای حیران تھی تے اُونکُوں آکھنڑ لگے، ”وَل کوݨ نجات پا سگدے#10:26 شاگرد سوچیندے ہَن جو دولتمند ہووݨ خُدا دی رضامندی تے برکت دا نشان ہے۔ ؟“
27یسُوع اُنہاں دو نظر کر تے آکھیا، ”اِنسان کیتے تاں ایہ ناممکن ہے پر خُدا کیتے سبھ کُجھ ممکن ہے۔“
28پطرس اُونکُوں آکھنڑ لگا، ”ڈیکھ اساں سبھ کُجھ چھوڑ تے تُہاڈے پِچُھوں تھی پئے ہیں۔“
29یسُوع آکھیا، ”مَیں تُہاکُوں سچ آدھا ہاں جو جئیں وی میڈے تے خُدا دی اِنجیل دی خاطر آپنڑے گھر یا بِھرانواں یا بھینڑاں یا ماء یا پِیُو یا بالاں یا رَڑھاں کُوں چھوڑ ڈِتا ہووے، 30اُونکُوں اِیں زمانہ ءچ گھر، بِھرا، بھینڑاں، ماء، بال تے رَڑھ سو گُنا ضرور مِلسی، پر نال نال ظلم وی تے آوݨ آلی دُنیا ءچ اُونکُوں ہمیشاں دی زندگی مِلسی۔ 31پر بہُوں سارے جیہڑے اوّل ہِن آخر تھی ویسن تے آخر اوّل۔“
یسُوع تریجھی پھیری آپنڑی موت دا ذِکر کریندے
32تے او یروشلیم دے رستے اُتے ویندے پئے ہَن تے یسُوع اُنہاں دے اگُوں اگُوں ٹُردا ویندا ہا۔ شاگرد حیران تھیوݨ لگے تے جیہڑے پِچُھوں آندے ہَن ڈرݨ لگے۔ وَل او اُنہاں بارہاں کُوں اَنج گِھن تے اُنہاں کُوں او گالھیں ڈسنڑ لگا جیہڑیاں اُوندے اُتے آوݨ آلیاں ہَن۔ 33اُوں آکھیا، ”اساں یروشلیم ویندے ہیں تے اِبنِ آدم سردار کاہِناں تے شریعت دے عالماں دے حوالے کیتا ویسی۔ او اُوندے قتل دا حُکم ڈیسن تے اُونکُوں غیر قوماں#10:33 یعنی رومی لوک جیہڑے یہُودیاں اُتے حکُومت کریندے ہَن۔ دے حوالے کریسن 34جیہڑے اُوندا مذاق اُڈیسن تے اُوندے اُتے تُھوکیسن، تے اُونکُوں کوڑے مریسن، تے قتل کریسن۔ پر ترے ڈینہہ بعد او زندہ تھی ویسی۔“
یعقُوب تے یُوحنّا کیتے درخاست
35وَل زبدی دے پوتراں یعقُوب تے یُوحنّا یسُوع دے کولھ آ تے اُونکُوں آکھیا، ”اُستاد! اساں چاہندے ہیں جو اساں جیہڑی درخاست تُہاکُوں کرُوں تُساں ساڈے کیتے کرو۔“
36اُوں اُنہاں کنُوں پُچھیا، ”تُساں کیا چاہندے ہیوے جو مَیں تُہاڈے کیتے کراں؟“
37اُنہاں آکھیا، ”ساڈے اُتے ایہ مہربانی کرو جو تُہاڈے جلال ءچ ساڈے ءچوں ہِک تُہاڈے سجے تے ڈُوجھا تُہاڈے کھبے پاسُوں بَہوے۔“
38پر یسُوع اُنہاں کُوں آکھیا، ”تُساں نئیں جانڑدے جو کیا منگدے ہیوے۔ ڈُکھ دا جیہڑا پیالہ مَیں پِیوݨ آلا ہاں، کیا تُساں او پی سگدے ہیوے؟ تے جیہڑا بپتسمہ مَیں گِھننڑ آلا ہاں، تُساں گِھن سگدے ہیوے؟“
39اُنہاں جواب ڈِتا، ”اساں کر سگدے ہاں۔“
یسُوع اُنہاں کُوں آکھیا، ”جیہڑا پیالہ مَیں پِیوݨ آلا ہاں تُساں پِیسو، تے جیہڑا بپتسمہ مَیں گِھننڑ آلا ہاں، تُساں گِھنسو#10:39 اِنہاں شاگرداں، بعد ءچ خُدا دی خاطر تکلیفاں برداشت کیتیاں تے یعقُوب قتل تھی گِیا۔ ڈیکھو اعمال 2:12۔۔ 40پر کہیں کُوں آپنڑے سجے یا کھبے پاسُوں بِلھاونڑاں میڈا کم نئیں۔ پر جِنہاں کیتے تیار کیتا گِیا ہے اُنہاں کیتے ہے۔“
41جِیں ویلے باقی ڈاہ شاگرداں ایہ سُنڑیا تاں یعقُوب تے یُوحنّا نال خفا تھیوݨ لگے۔ 42پر یسُوع اُنہاں کُوں کولھ سڈ تے آکھیا، ”تُہاکُوں پتہ ہے جو غیر قوماں دے سردار آپنڑے لوکاں اُتے حکُومت کریندے ہِن تے اُنہاں دے امیر اُنہاں اُتے اِختیار جتیندے ہِن۔ 43پر تُہاڈے ءچ اِینویں نئیں بلکہ تُہاڈے ءچوں جیہڑا وڈا بنڑݨ چاہندے او تُہاڈا خادم بنڑے۔ 44تے جیہڑا تُہاڈے ءچوں اوّل تھیوݨ چاہوے او ساریاں دا غُلام بنڑے۔ 45کیوں جو اِبنِ آدم وی اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“
یسُوع اندھے برتِمائی کُوں شِفا ڈیندے
46وَل او یرِیحُو ءچ آئے۔ تے جِیں ویلے یسُوع تے اُوندے شاگرد تے ہِک وڈی بِھیڑ یرِیحُو ءچوں نِکلدی پئی ہئی تاں اُتھاں تمائی دا پوتر برتِمائی جیہڑا ہِک اندھا فقیر ہا، رستے دے کنارے بیٹھا ہا۔ 47او ایہ سُنڑ تے جو یسُوع ناصری ہے، دھاڑ دھاڑ کریندے ہوئے آکھنڑ لگا جو ”اِبنِ ِ داؤد#10:47 ایہ داؤد بادشاہ دی نسل ءچوں آوݨ آلے بادشاہ المسیح کیتے ہِک لقب ہا۔! یسُوع! میڈے اُتے رحم کرو۔“
48لوک اُونکُوں دَڑکاوݨ لگے جو ”چُپ تھی وَنج۔“ پر او بِیا وی دھاڑ دھاڑ کرݨ لگ پِیا جو ”اِبنِ داؤد! میڈے اُتے رحم کرو۔“
49یسُوع کھڑ تے آکھیا، ”اُونکُوں سڈو۔“
بس اُنہاں اُوں اندھے کُوں اواز ڈِتی تے آکھیا، ”حوصلہ رکھ، اُٹھی او تیکُوں سڈیندے۔“
50او آپنڑا کپڑا سَٹ تے اُچھل پِیا تے یسُوع دے کولھ آیا۔
51یسُوع اُوں کنُوں پُچھیا، ”تُوں کیا چاہندا ہیں جو مَیں تیڈے کیتے کراں؟“
اندھے آکھیا، ”ربّی! ایہ جو مَیں ڈیکھ سگاں۔“
52یسُوع اُونکُوں آکھیا، ”وَنج تیڈے اِیمان تیکُوں چنگا کر ڈِتے۔“
او فوراً ڈیکھنڑ لگ پِیا تے رستے ءچ اُوندے پِچُھوں ٹُر پِیا۔
Currently Selected:
:
Highlight
Share
Copy
Want to have your highlights saved across all your devices? Sign up or sign in
Modern Central Saraiki Bible © 2024 Strategic Resource Group