Yùxanà 1
1
Nìi kiriu goomaa, tɔ̀ nàu'n kur'la dziɲaan doùn
1Dan dan, sani gè sapɛ yeè ɲɛn, nìi kir'là Goomaa, tɔ̀ na ni nòn. Goomaa na ni Ŋaablà ka, Gooma ree yè bà na Ŋaablà yɛr'la. 2Fɔ dan dan, tɔ ni ko Ŋaablà ka. 3Goomaa nì baraka ɲan, Ŋaabla gè sapɛ ɲɛun, gèsɔn pɛn na ɲɛn à shɔ̀ùn waa. 4Jaamabee na ni wò rii ɲàn, tɔ̀ jaamabee to yè bà na vyevyee mòdzin neè rè. 5Vyevyee rèe deèn tsitsiɛ̀ ɲàn, ŋà, tsitsiɛ̀ na dzi à dzi waa.
6 #
Mat 3.1; Mar 1.4; Luk 3.1,2. Ŋaablà yeè e re kɛɛradzin sɔn ka tɔ̀ rii ɲàn, nìi tsoo Yùxanà. 7Tɔ̀ kpir'la nàu, è nà vyevyeè rìì shɛɛrɛbe fa, sànko wò baraka rɔ̀n, mòdzian yè ɲɛn vyevyeè rà. 8Yùxanà yɛ̀r'la naà vyevyeè dɛ, ŋà, à na naɔ̀ vyevyeè shɛɛrɛbe fa rii. 9Vyevyee taki takìà tɔ̀ vyevyee soo rìì, nìi nàu dziɲantsiɛ doùn, è bà mòdzian sapɛ ɲan via. 10Goomaa na ni dziɲan na. Wò rii baraka ɲan, Ŋaabla dziɲan ɲɛun, tà ko e sa ra, dziɲan na à tɔ̀ waa. 11À nàu e yɛr'la fàtsiɛ doùn, ŋà, à fàdzin nèè na e tsiì à ra waa.
12Ŋà, swey yè e tsiiŋ à rà, yè ɲɛn à ra. Tà doùn, à y'à tou twɛy sapɛ yeè bà Ŋaablà dzin ì. 13Mòdzin ker'là kereu'n kur'liì rà kpiri ko tàan raa sàɔ doùn, à na ni a ci è bàu tɔ̀ rii tsuru Ŋaablà dzin ì dɛ, ŋà, Ŋaablà yɛr'la rìì yè è bàu e dzin ì.
14Àwà, Goomaa bàu mòdzin, è tsuù mùn fi. À ɲan tsyɛɔ̀n wùɔ ko sààbeen rà. Mùn y'a nɔɔrɔɔ̀ jàu, nɔɔrɔ rìi daun Fà Ŋaablà re dzin kpiri soo raa.
15Yùxanà y'à shɛɛrɛbe fau, à gbango ci: «Mun mòò riì gooma deu ye ra, ci à nà nà mun shɔ̀ùn, tɔ ni mun jɔun, è bà blà mun mà, kàtsu à na ni tsuù nòn, tɔ̀ y'a tàrà mun naà ni ŋe waa.»
16Mùn sapɛ yeè e ninma jau à ɲanwùɔ ɲàn, dzwɛ sen ɲɛn dzwɛ tsɛ, mùn sapɛ yeè tɔ̀ tàrà. 17Ŋaabla sàrìyaa sìun mùn na, è bo kɛɛra Musà rìì ɲàn, ŋà, à ɲanwùɔ ko sààbeen, twɛy bou à Jaara Moo Yesù rìì ɲàn. 18Mòò pɛn jaa na ɲɛn ja Ŋaablà ma ŋe waa. Ŋà, dzin kpiri soo riì bou Ŋaablà ɲan, à Ŋaablà, è bà ni tsuù Fà Ŋaablà tɛyn, tɔ̀ y'a tou mùn y'a tɔ̀.
Mòdzìn Jààràfoobaa Yùxanà shɛɛrɛbe riì fau
(Matsiyù 3.1-12; Marikì 1.1-8; Lukì 3.1-18)
19Yùxanà shɛɛrɛbe riì fau, tɔ̀ rii siin: Dzyèèsìbee mòdzin neè jɔundzin neè, twɛy saaka goojaabo reè swey, ko Lɛvì raa tsua mòò rèè swey ka bou Yerusalɛmùn. Twɛy yè bè Yùxanà rè, y'à tey ci: «Wo tsì rii ?»
20Yùxanà na e mɛnɛn è mà waa, à y'à dè fyɛ è ra ci: «Mun na Ŋaablà Jaara Modzìàn waa.»
21 #
Mak 3.23;
Sdk 18.15,18. Y'à tey tɔ̀un ci: «Wo to tsì rii ? Wo Ŋaablà re kɛɛra Àliì rìì gbɛ ?» Yùxanà yè dzin ci: «Ɔ̀ɔɔn, mun na tɔ̀ waa.» Yè dzin ci: «Wo Kɛɛraa rìì gbɛ ?» Yùxanà yè dzin ci ɔ̀ɔɔn.
22Yè dzin tɔ̀un ci: «Wo to tsì rii soo ? Nìì reè ɲe kaɔ, fɔ ɲe yè bònbàrè see sin twɛy rà. Wo ci dzùrù a re goò ɲàn.»
23 #
Ekk 40.3. Yùxanà yè dzin ci: «Ŋaablà re kɛɛra Esayì na à deò ci, Mòdzin sɔn sɛɛ̀y vu boò jènjàà kor'nà doùn ci: "Ye mùn Tsìfaà rè shia lamɔnɔ̀n, è bà tereòn can." Tɔ dèu mòò riì tsɛ, tɔ̀ rii mun.»
24Mòdzin niì reè na ka beò Yùxanà rè, twɛy na Faridziɲɛn ì. 25Twɛy y'à tey ci: «Wo ma ba Ŋaablà Jaara Modzìàn, wo mà bà Ŋaablà re Kɛɛra Àliì, wo to na Kɛɛra waa, fee y'à to wo yè bà mòdzian jaara foo Ŋaablà re shia goo rèè rà ?»
26Yùxanà yè dzin è ra ci: «Mun jaara foo faa yu rìì ka. Ŋà, mòò ni ye fi, ye na nìi tɔ̀ waa. 27À nàa mun shɔ̀ùn. Ŋà, min bà ni à re seereyn fɛɛ̀ foro, mun na wù tɔ̀ tsu ka waa.»
28Àwà, twɛy goo rèè sapɛ fau wɔ̀ sɔn ni ɲàn, ci Betanìn. À ni Yuridɛn baa kir'la kèrè, Yùxanà na mòdzian jaara foo min niì.
29Àyìwà, tɔ̀ raa gbey rɔn, Yùxanà yè Yesù nàkɔɔn ja e kpakèrè. Yùxanà yè dzin ci: «Ŋaablà re Sààtòmòìriɛ yɛ nèe, wò rii dziɲantsiɛ gooɲaan tsìɛ̀ mɛɛybobaà. 30Mun wò rii gooma deu nèe tsuru ci: "Kpiri sɔn nà nà mun shɔ̀ùn, tɔ ni mun jɔun, è bà blà mun mà, kàtsu à na ni tsuù nòn, tɔ̀ y'a tàrà, mun naà ni ŋe waa." 31Mun yɛ̀r'la tsu naà à tɔ̀ waa. Ŋà, mun nàu, min nà mòdzian jaara foò yuà ka, sànko Isirayɛlì mòdzin neè y'à tɔ̀.»
32Àyìwà, Yùxanà yè nèe goo rèe shɛɛrɛbe fa kɔn ci: «Mun Ŋaablà re Dzia jàà bo nakɔɔn jau jìrànxɔ rɔ̀n, a ci màsàkere, è nà e jaà à tsɛ. 33Mun yɛ̀r'la naà à tɔ̀ waa. Ŋà, Ŋaablà riì mun ka nau ci mun yè nà mòdzian jaara foò yuà ka, tɔ̀ na dziɔn mun na ci: "Wo nà mun Ŋaablà re Dzia jàà nakɔɔn ja, è nà e tsuù kpiri sɔn tsɛ. Tɔ̀ rii nà mòdzian jaara foò mun Ŋaablà re Dzi Fɛnɛɛ ka."» 34Yùxanà ci: «Mun yɛ̀r'la tɔ̀ jàu, mun to y'à shɛɛrɛbe faa, ci tɔ̀ kpir'la rìì Ŋaablà Dzin Kpir'la.»
Yesù rè kàràndzìn jɔna reè
35Àyìwà, tɔ̀ raa gbey rɔn kɔn, Yùxanà na ni tɔ̀ gàne soo ɲàn, à ko e re kàràndzin neè mòkun fii. 36Yesù nàu bà dɔ̀ɔn, Yùxanà y'à siin to, è dzin ci: «Ŋaablà re Sààtòmòìriɛ yɛ nèe !»
37Yùxanà rè kàràndzin fii nìì reè na ni à ka, twɛy tɔ̀ goomaa myɛ̀un min niì, yè e gban Yesù rà. 38Yesù yè e jaa kereu, à yè è gbaunma jà e kpɛyn. È tey ci: «Ye fee gaa ?»
Yè dzin à ra ci: «Àrabì, wo tsùùmaà ni min ?» 'Àrabì', tɔ̀ dzuɔn kàrànfaà.
39Yesù yè dzin è ra ci: «Ye nà, ye nà à jà.»
Yè dɔ̀n be, yè b'a tsùùmaà jà. À na ɲɛ̀rɛ̀ɛ̀ dziɛ rìì lè. Yè to mɔn, yè tɔ̀ bwèè dzyeè fa ko à ka. 40Mòkun fii nìì reè Yùxanà rè goomaa myɛ̀un, yè e gban Yesù rà, è ɲan, soo tsoo na Andère, è bà kpiri sɔn naa tseyn kpiri, nìi kir'là Shimɔn Piyɛrì. 41Andère bèu e tsinà kpiri Shimɔ̀n nì jɔ̀na kpɛyn ŋe, è bè dzin à ra ci: «Ɲe Masiyà jàu.» 'Masiyà', tɔ̀ dzuɔn Ŋaablà Jaara Modzìàn.
42Tɔ̀un, Andère yeè bè Shimɔ̀n ka Yesù rè. Yesù y'à siin, è dzin ci: «Wo Shimɔ̀n nì, Yùxanà dzin kpir'la. Wo nà kiri Sefasì.» 'Sefasì', tɔ̀ dzuɔn Piyɛrì. 'Piyɛrì', tɔ̀ dzuɔn kpàa.
43Àyìwà, tɔ̀ raa gbey rɔn, Yesù yè dzin, ci wo nà bè màrà sɔn ɲan, nìi kir'là Galile. È kpiri sɔn ja, tɔ̀ tsoo ci Fìlipù. È dzin tɔ̀ ra ci: «A gban mun na !»
44Fìlipù na wɔ̀ sɔn modzin, nìi kir'là Bɛtsisayidà. Andère ko Piyɛrì sa yeè bà na boò tɔ̀ wɔ̀ rɔ̀n. 45Tà shɔ̀ùn, Fìlipù sa yeè nà bè kpiri sɔn kpɛyn, tɔ̀ tsoo ci Natanayɛlì, è bè dzin à ra ci: «Ŋaablà re kɛɛra Musà mòò riì gooma deu sàrìyaa kìtaabuà doùn, kɛɛra dzyee reè sa yeè bà à gooma deu, ɲe y'à jàu. À Yesù rìì, Yusufù dzin kpir'la, è bo Nazarɛtsì wɔ̀ rɔ̀n.»
46Natanayɛlì yè dzin Fìlipù rà ci: «Fee rìì soo dzia bo Nazarɛtsì wɔ̀ rɔ̀n, è bà wù ?»
Fìlipù yè dzin à ra ci: «Nà, wo nà à jà.»
47Àyìwà, Yesù Natanayɛlì nàkɔɔn jau e ra, è dzin à re goò ɲàn ci: «Nèe Isirayɛlidzin taki takì rìì yɛ nèe. À re goò sapɛ fyɛɔ.»
48Natanayɛlì y'à tey ci: «Wo mun tɔu dzùrù ?»
Yesù yè dzin à ra ci: «È wo to fiigikuà dzuun, sani Fìlipù yè bè wo kiri, mun jaa na ni wo ra mɔn.»
49Natanayɛlì yè dzin Yesù rà tɔ̀un ci: «Kàrànfaà, wo rìì Ŋaablà Dzin Kpir'la. Wo rìì Isirayɛlì màsà kpir'là !»
50Yesù yè dzin à ra ci: «Mun dzin nìi fau, ci mun wo jàu fiigikuà dzuun, tɔ̀ rii wo ɲɛun mun na. Wo nà goo kpɛrɛ ì jà, nìì reè blà tɔ̀ mà.»
51 #
Gok 28.12. Yesù yè nèe sa ba e re goomaa tɛ̀y ci: «Sààben na, mun nì ci e ra, ye nà ŋaablaxɔɔ̀ dzii saunma jà, Ŋaablà re mɛ̀rɛ̀kɛ rèè yè bà tèen, yè jàa Adamà dziàn kùngɔù !»
Currently Selected:
Yùxanà 1: BDZU
Highlight
Share
Copy
Want to have your highlights saved across all your devices? Sign up or sign in
© 2024 Église Évangélique Mennonite du Burkina Faso (EEMBF) et SIL International
Yùxanà 1
1
Nìi kiriu goomaa, tɔ̀ nàu'n kur'la dziɲaan doùn
1Dan dan, sani gè sapɛ yeè ɲɛn, nìi kir'là Goomaa, tɔ̀ na ni nòn. Goomaa na ni Ŋaablà ka, Gooma ree yè bà na Ŋaablà yɛr'la. 2Fɔ dan dan, tɔ ni ko Ŋaablà ka. 3Goomaa nì baraka ɲan, Ŋaabla gè sapɛ ɲɛun, gèsɔn pɛn na ɲɛn à shɔ̀ùn waa. 4Jaamabee na ni wò rii ɲàn, tɔ̀ jaamabee to yè bà na vyevyee mòdzin neè rè. 5Vyevyee rèe deèn tsitsiɛ̀ ɲàn, ŋà, tsitsiɛ̀ na dzi à dzi waa.
6 #
Mat 3.1; Mar 1.4; Luk 3.1,2. Ŋaablà yeè e re kɛɛradzin sɔn ka tɔ̀ rii ɲàn, nìi tsoo Yùxanà. 7Tɔ̀ kpir'la nàu, è nà vyevyeè rìì shɛɛrɛbe fa, sànko wò baraka rɔ̀n, mòdzian yè ɲɛn vyevyeè rà. 8Yùxanà yɛ̀r'la naà vyevyeè dɛ, ŋà, à na naɔ̀ vyevyeè shɛɛrɛbe fa rii. 9Vyevyee taki takìà tɔ̀ vyevyee soo rìì, nìi nàu dziɲantsiɛ doùn, è bà mòdzian sapɛ ɲan via. 10Goomaa na ni dziɲan na. Wò rii baraka ɲan, Ŋaabla dziɲan ɲɛun, tà ko e sa ra, dziɲan na à tɔ̀ waa. 11À nàu e yɛr'la fàtsiɛ doùn, ŋà, à fàdzin nèè na e tsiì à ra waa.
12Ŋà, swey yè e tsiiŋ à rà, yè ɲɛn à ra. Tà doùn, à y'à tou twɛy sapɛ yeè bà Ŋaablà dzin ì. 13Mòdzin ker'là kereu'n kur'liì rà kpiri ko tàan raa sàɔ doùn, à na ni a ci è bàu tɔ̀ rii tsuru Ŋaablà dzin ì dɛ, ŋà, Ŋaablà yɛr'la rìì yè è bàu e dzin ì.
14Àwà, Goomaa bàu mòdzin, è tsuù mùn fi. À ɲan tsyɛɔ̀n wùɔ ko sààbeen rà. Mùn y'a nɔɔrɔɔ̀ jàu, nɔɔrɔ rìi daun Fà Ŋaablà re dzin kpiri soo raa.
15Yùxanà y'à shɛɛrɛbe fau, à gbango ci: «Mun mòò riì gooma deu ye ra, ci à nà nà mun shɔ̀ùn, tɔ ni mun jɔun, è bà blà mun mà, kàtsu à na ni tsuù nòn, tɔ̀ y'a tàrà mun naà ni ŋe waa.»
16Mùn sapɛ yeè e ninma jau à ɲanwùɔ ɲàn, dzwɛ sen ɲɛn dzwɛ tsɛ, mùn sapɛ yeè tɔ̀ tàrà. 17Ŋaabla sàrìyaa sìun mùn na, è bo kɛɛra Musà rìì ɲàn, ŋà, à ɲanwùɔ ko sààbeen, twɛy bou à Jaara Moo Yesù rìì ɲàn. 18Mòò pɛn jaa na ɲɛn ja Ŋaablà ma ŋe waa. Ŋà, dzin kpiri soo riì bou Ŋaablà ɲan, à Ŋaablà, è bà ni tsuù Fà Ŋaablà tɛyn, tɔ̀ y'a tou mùn y'a tɔ̀.
Mòdzìn Jààràfoobaa Yùxanà shɛɛrɛbe riì fau
(Matsiyù 3.1-12; Marikì 1.1-8; Lukì 3.1-18)
19Yùxanà shɛɛrɛbe riì fau, tɔ̀ rii siin: Dzyèèsìbee mòdzin neè jɔundzin neè, twɛy saaka goojaabo reè swey, ko Lɛvì raa tsua mòò rèè swey ka bou Yerusalɛmùn. Twɛy yè bè Yùxanà rè, y'à tey ci: «Wo tsì rii ?»
20Yùxanà na e mɛnɛn è mà waa, à y'à dè fyɛ è ra ci: «Mun na Ŋaablà Jaara Modzìàn waa.»
21 #
Mak 3.23;
Sdk 18.15,18. Y'à tey tɔ̀un ci: «Wo to tsì rii ? Wo Ŋaablà re kɛɛra Àliì rìì gbɛ ?» Yùxanà yè dzin ci: «Ɔ̀ɔɔn, mun na tɔ̀ waa.» Yè dzin ci: «Wo Kɛɛraa rìì gbɛ ?» Yùxanà yè dzin ci ɔ̀ɔɔn.
22Yè dzin tɔ̀un ci: «Wo to tsì rii soo ? Nìì reè ɲe kaɔ, fɔ ɲe yè bònbàrè see sin twɛy rà. Wo ci dzùrù a re goò ɲàn.»
23 #
Ekk 40.3. Yùxanà yè dzin ci: «Ŋaablà re kɛɛra Esayì na à deò ci, Mòdzin sɔn sɛɛ̀y vu boò jènjàà kor'nà doùn ci: "Ye mùn Tsìfaà rè shia lamɔnɔ̀n, è bà tereòn can." Tɔ dèu mòò riì tsɛ, tɔ̀ rii mun.»
24Mòdzin niì reè na ka beò Yùxanà rè, twɛy na Faridziɲɛn ì. 25Twɛy y'à tey ci: «Wo ma ba Ŋaablà Jaara Modzìàn, wo mà bà Ŋaablà re Kɛɛra Àliì, wo to na Kɛɛra waa, fee y'à to wo yè bà mòdzian jaara foo Ŋaablà re shia goo rèè rà ?»
26Yùxanà yè dzin è ra ci: «Mun jaara foo faa yu rìì ka. Ŋà, mòò ni ye fi, ye na nìi tɔ̀ waa. 27À nàa mun shɔ̀ùn. Ŋà, min bà ni à re seereyn fɛɛ̀ foro, mun na wù tɔ̀ tsu ka waa.»
28Àwà, twɛy goo rèè sapɛ fau wɔ̀ sɔn ni ɲàn, ci Betanìn. À ni Yuridɛn baa kir'la kèrè, Yùxanà na mòdzian jaara foo min niì.
29Àyìwà, tɔ̀ raa gbey rɔn, Yùxanà yè Yesù nàkɔɔn ja e kpakèrè. Yùxanà yè dzin ci: «Ŋaablà re Sààtòmòìriɛ yɛ nèe, wò rii dziɲantsiɛ gooɲaan tsìɛ̀ mɛɛybobaà. 30Mun wò rii gooma deu nèe tsuru ci: "Kpiri sɔn nà nà mun shɔ̀ùn, tɔ ni mun jɔun, è bà blà mun mà, kàtsu à na ni tsuù nòn, tɔ̀ y'a tàrà, mun naà ni ŋe waa." 31Mun yɛ̀r'la tsu naà à tɔ̀ waa. Ŋà, mun nàu, min nà mòdzian jaara foò yuà ka, sànko Isirayɛlì mòdzin neè y'à tɔ̀.»
32Àyìwà, Yùxanà yè nèe goo rèe shɛɛrɛbe fa kɔn ci: «Mun Ŋaablà re Dzia jàà bo nakɔɔn jau jìrànxɔ rɔ̀n, a ci màsàkere, è nà e jaà à tsɛ. 33Mun yɛ̀r'la naà à tɔ̀ waa. Ŋà, Ŋaablà riì mun ka nau ci mun yè nà mòdzian jaara foò yuà ka, tɔ̀ na dziɔn mun na ci: "Wo nà mun Ŋaablà re Dzia jàà nakɔɔn ja, è nà e tsuù kpiri sɔn tsɛ. Tɔ̀ rii nà mòdzian jaara foò mun Ŋaablà re Dzi Fɛnɛɛ ka."» 34Yùxanà ci: «Mun yɛ̀r'la tɔ̀ jàu, mun to y'à shɛɛrɛbe faa, ci tɔ̀ kpir'la rìì Ŋaablà Dzin Kpir'la.»
Yesù rè kàràndzìn jɔna reè
35Àyìwà, tɔ̀ raa gbey rɔn kɔn, Yùxanà na ni tɔ̀ gàne soo ɲàn, à ko e re kàràndzin neè mòkun fii. 36Yesù nàu bà dɔ̀ɔn, Yùxanà y'à siin to, è dzin ci: «Ŋaablà re Sààtòmòìriɛ yɛ nèe !»
37Yùxanà rè kàràndzin fii nìì reè na ni à ka, twɛy tɔ̀ goomaa myɛ̀un min niì, yè e gban Yesù rà. 38Yesù yè e jaa kereu, à yè è gbaunma jà e kpɛyn. È tey ci: «Ye fee gaa ?»
Yè dzin à ra ci: «Àrabì, wo tsùùmaà ni min ?» 'Àrabì', tɔ̀ dzuɔn kàrànfaà.
39Yesù yè dzin è ra ci: «Ye nà, ye nà à jà.»
Yè dɔ̀n be, yè b'a tsùùmaà jà. À na ɲɛ̀rɛ̀ɛ̀ dziɛ rìì lè. Yè to mɔn, yè tɔ̀ bwèè dzyeè fa ko à ka. 40Mòkun fii nìì reè Yùxanà rè goomaa myɛ̀un, yè e gban Yesù rà, è ɲan, soo tsoo na Andère, è bà kpiri sɔn naa tseyn kpiri, nìi kir'là Shimɔn Piyɛrì. 41Andère bèu e tsinà kpiri Shimɔ̀n nì jɔ̀na kpɛyn ŋe, è bè dzin à ra ci: «Ɲe Masiyà jàu.» 'Masiyà', tɔ̀ dzuɔn Ŋaablà Jaara Modzìàn.
42Tɔ̀un, Andère yeè bè Shimɔ̀n ka Yesù rè. Yesù y'à siin, è dzin ci: «Wo Shimɔ̀n nì, Yùxanà dzin kpir'la. Wo nà kiri Sefasì.» 'Sefasì', tɔ̀ dzuɔn Piyɛrì. 'Piyɛrì', tɔ̀ dzuɔn kpàa.
43Àyìwà, tɔ̀ raa gbey rɔn, Yesù yè dzin, ci wo nà bè màrà sɔn ɲan, nìi kir'là Galile. È kpiri sɔn ja, tɔ̀ tsoo ci Fìlipù. È dzin tɔ̀ ra ci: «A gban mun na !»
44Fìlipù na wɔ̀ sɔn modzin, nìi kir'là Bɛtsisayidà. Andère ko Piyɛrì sa yeè bà na boò tɔ̀ wɔ̀ rɔ̀n. 45Tà shɔ̀ùn, Fìlipù sa yeè nà bè kpiri sɔn kpɛyn, tɔ̀ tsoo ci Natanayɛlì, è bè dzin à ra ci: «Ŋaablà re kɛɛra Musà mòò riì gooma deu sàrìyaa kìtaabuà doùn, kɛɛra dzyee reè sa yeè bà à gooma deu, ɲe y'à jàu. À Yesù rìì, Yusufù dzin kpir'la, è bo Nazarɛtsì wɔ̀ rɔ̀n.»
46Natanayɛlì yè dzin Fìlipù rà ci: «Fee rìì soo dzia bo Nazarɛtsì wɔ̀ rɔ̀n, è bà wù ?»
Fìlipù yè dzin à ra ci: «Nà, wo nà à jà.»
47Àyìwà, Yesù Natanayɛlì nàkɔɔn jau e ra, è dzin à re goò ɲàn ci: «Nèe Isirayɛlidzin taki takì rìì yɛ nèe. À re goò sapɛ fyɛɔ.»
48Natanayɛlì y'à tey ci: «Wo mun tɔu dzùrù ?»
Yesù yè dzin à ra ci: «È wo to fiigikuà dzuun, sani Fìlipù yè bè wo kiri, mun jaa na ni wo ra mɔn.»
49Natanayɛlì yè dzin Yesù rà tɔ̀un ci: «Kàrànfaà, wo rìì Ŋaablà Dzin Kpir'la. Wo rìì Isirayɛlì màsà kpir'là !»
50Yesù yè dzin à ra ci: «Mun dzin nìi fau, ci mun wo jàu fiigikuà dzuun, tɔ̀ rii wo ɲɛun mun na. Wo nà goo kpɛrɛ ì jà, nìì reè blà tɔ̀ mà.»
51 #
Gok 28.12. Yesù yè nèe sa ba e re goomaa tɛ̀y ci: «Sààben na, mun nì ci e ra, ye nà ŋaablaxɔɔ̀ dzii saunma jà, Ŋaablà re mɛ̀rɛ̀kɛ rèè yè bà tèen, yè jàa Adamà dziàn kùngɔù !»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Église Évangélique Mennonite du Burkina Faso (EEMBF) et SIL International