Lukì 23
23
È bèu Yesù ka fàan jɔundzin neè rè min niì
(Matsiyù 27.1-2; 27.11-14; Marikì 15.1-5; Yùxanà 18.28-38)
1Tà shɔ̀ùn, kitsi kunun kur'là sapɛ dzyeèmaa yè fù, yè dɔ̀n be Yesù ka jàmààntsi Pilatsì rè. 2Àyìwà, è bèu wɔ mɔn, yè e maa, yè sɔn ì wɔɔ̀ à ra nèe tsuru ci: «Ɲe y'à kààwɔɔ, ɲe y'à jà, ci nèe kpir'lee ɲe re jàmààndzin neè ɲan suùsuɔ̀ ci è mà xɔnsɔɔn sarà Ɔ̀rɔmùn màsà kpiri blàa rè waa. È bà ci sa wò rii Ŋaablà Jaara Modzìàn, nìi y'à kpàdèe, ci wò màsa.» 3Tɔ̀un, Pilatsì y'à tey ci: «Wo rìì Dzyèèsìbee mòdzin neè rè màsà kpir'là ɔ̀ ?» Yesù ci à ra ci: «Wo rìì ci tɔ̀ tsuru.» 4Pilatsì yè dzin Saaka Jɔundzin neè, ko jàmaà nà tɔ̀un ci: «Mun na kùn pɛn jàa nìi dzia à to mòò yè dzi ɲaan fa nèe kpir'lee ra waa.»
5Pilatsì tɔ̀ dèu min niì, yè dzin fàan na kɔn ci: «À goo nìì reè kàr'na mòdzian nà, à mòdzian ɲan suùsuɔ̀ ko twɛy ka. À y'à dzii kuun Galile mar'lɔùn, è nà Yude mar'la ɲàn, à yɛ naɔ̀ fɔ mìin dòònuùn.»
6Àyìwà, Pilatsì twɛy gooma reè myɛ̀un min niì, è tey fa, ci tà bwèy nèe kpir'le Galileka rii ɔ̀ ? 7Jàmààntsì rìi ni Galile mar'la kùùn, tɔ̀ yeè bà Erodzì, Pilatsì y'à myɛ̀un min niì, ci Yesù tɔ̀ gànè dzian sɔn, è dzin ci yè bè à ka Erodzì rè. Tɔ̀ y'a tàrà Erodzì sa na ni Yerusalɛmùn tɔ̀ bwèy fii rɔ̀n.
8Yesù bèu wɔ Erodzì tsɛ waatsi riì bwèy, tɔ dzibeu tɔ̀ ra fɔ è bè geren, kàtsu à na goo giri myɛɔ̀n Yesù tsɛ. Tà doùn, fɔ waatsi gbaan, à sàò na n'a re wò y'a tɔ̀, tà ko wò y'a jà kabagoo goo sɔn fama. 9Tɔ̀un, Erodzì y'à tey goo giri mà, ŋà, Yesù na à ɲancinan gooma pɛn ka waa.
10Tɔ faa waatsi riì bwèy, tɔ̀ y'a tàrà, Saaka Jɔundzin neè ko Sàrìyà Kaamoo reè na ni, twɛy yè bà sɔn ɲaan ɲaan kaatsià sapɛ wɔɔ̀ à rà. 11Erodzì ko e re kaadzin neè yè Yesù ɲanŋmɛn, y'à ɲanfyɛnbe cɛyn. È bè wɔ, fɔ Erodzì y'à to yè màsà mɛyɛ ji à mà, à y'à sèè bàji be Pilatsì rè e shɔùn. 12Tɔ̀ sii sèè ko e sa, Erodzì ko Pilatsì yè bà dzunwɛynsima ì. Tɔ̀ to y'à tàrà è na e si ɲan ì nì.
È byɛ̀un à mà min niì, ci Yesù wù è vu
(Matsiyù 27.15-26; Marikì 15.6-15; Yùxanà 18.39–19.16)
13Àwà, è bèu wɔ Pilatsì tsɛ tɔ̀un, tɔ̀ yeè Saaka Jɔundzin neè, ko Dzyèèsìbee mòdzin neè jɔundzin neè, ko Dzyèèsìbee mòdzin neè sapɛ ladzyèè. 14È dzin è ra ci: «Ye naɔ̀ ko nèe kpir'lee ka mun ne, ci à mòdzian ɲan suùsuɔ̀ yè e maban. Àwà, mun to y'à teroun ye sa jaa ra. Ye ci à goo gè o ge faɔ̀, mun na tɔ̀ sɔn fyɛ jà à ra waa. 15A to y'a jà, Erodzì sa y'a bàji naɔ ɲe re, tɔ̀ tsu na fyɛ̀ rìì jàunà à ra waa. Tà doùn, kpir'lee na fìrìgoo pɛn faɔ̀, nìi dzia bà à vua kùn waa. 16Àwà, mun nà à to y'à dɔrɔ cɛyn sɛyn ka, tà shɔ̀ùn, min shi sin à ra, è bèe.»
17-19Tɔ̀ y'a tàrà, kpiri sɔn na ni, ci Barabasì. Tɔ̀ kpir'la na baɔ̀ saabu mòdzian yè e maban goò sɔn na wɔ̀ɔ̀ doùn, tà ko, è bà na mòò vuɔ̀ sa. Twɛy goo rèè na à too, y'à ji kàso doùn. [Àwà, jii o jii Geren n tsɛɛ̀ sɛr'là ye ba na wɔu, Pilatsì na wù, è kàsòdzian soo bo bàji è kɔ̀.] Tɔ̀ kàjaa kamà, jàmaà sapɛ yeè dzyèè, yè e maa yè dziàn nèe tsuru fààn na ci: «Barabasì bo mùn kɔ̀, e nèe kpir'lee vu !» 20Àwà, à ni Pilatsì duùn, è shi sin Yesù rà è bèe nìi fa, è sèè è gooma jàmaà ka kɔn. 21Jàmaà kpɛ̀ynto dziàn nì fààn na ci: «È gban gɔɔ̀ rà, è gban gɔɔ̀ rà !»
22Tɔ̀un, Pilatsì yè è tey e jaa zhiigira ɲan nèe tsuru ci: «À to gooɲaan kɛɛn nì soo fa ɔ̀ ? Mun kpɛ̀yn na fyɛ̀ pɛn jaɔ̀ à ra, nìi dzia à to mòò y'à vu waa. Tà doùn, mun nà à to y'à dɔrɔ cɛyn sɛyn ka, tà shɔ̀ùn, mun yè shi sin à ra, à yè bèe.» 23Tà ko e sa ra, è sɛ̀ɛ nìi tsuru, è kpɛ̀yn sɛ̀ɛ tɔ̀ rii tsuru, ci Yesù yè gban gɔɔ̀ rà. È re goomaa fàan blàbe ɲaanfaa suun, è latanmataa yè nà dzi Pilatsì dzuun.
24Àwà, Pilatsì yè e tsiì à ra tɔ̀ rii ɲàn, ci è nìi gaa wò re, wo nà tɔ̀ shi sin è ra. 25Tɔ̀un, è ci kpir'liì yè bo bàji, tɔ̀ yeè bà na jiɔ̀ kàsoò doùn mòdzian màbaunmaà raa goò kamà, ko à re mòò vuumaà kamà, Pilatsì yè tɔ̀ bo bàji. Nìi Yesù, è tɔ̀ wɔ è suun, ci è sào ni y'à bà nìi tsuru, y'à bà tɔ̀ tsuru.
È Yesù gbaun gɔɔ̀ rà min niì
(Matsiyù 27.32-44; Marikì 15.21-32; Yùxanà 19.16-27)
26Àyìwà, kaadzin neè bèkɔɔn ko Yesù ka e vuma nɔ̀n, yè tsi kpiri sɔn ka, tɔ dɔ̀ɔn Yerusalɛmùn. Tɔ̀ kpir'la sa tsoo na ci Shimɔ̀n, è bà na boò wɔ̀ sɔn ɲan, ci Sirɛnìn. Tɔ̀un, yè tɔ̀ kun, Yesù bèe gban gɔ̀ɔ nìi rà, ci è tɔ̀ sen, è gban Yesù kpɛyn.
27È bèkɔɔn jàma brìsi yè e gban è kpɛyn. Tàan rèè swey sa na ni jàmaà ɲàn, twɛy yè bà gɛɛ, yè e matsùrùkɔ̀ɔ̀n fa beè Yesù goojaa rà. 28Yesù yè nà e jaa kere twɛy tàan rèè rà, è dzin è ra ci: «Yerusalɛmùn taan ì, e maà gɛyn mun naa goojaa rà dɛ ! Ye gɛyn e yɛr'leè ko e dzin nèè raà rìì là ! 29A y'a jà mun yè tɔ̀ dè, jisee ɲaan ì nàa, nìì reè doùn mòdzian nà dzin nèe tsuru ci: "Tàan nìì reè na dzia dzin kere kuraa, ko nìì reè na dzin kere jà ŋe, yè nà dzin ci yè cɛn sìn dzin na, twɛy sapɛ raa wùbeu." 30#Ukk 10.8; Gokp 6.16.Tɔ̀un, mòdzian nà e maa yè dziàn jèn blà bla reè rà, ci yè mɛɛy ye tsɛ. Yè dziàn jènììn neè rà, ci yè ye mɛnɛn ! 31A y'a jà min tɔ̀ dè, nìi gɔ̀ɔ̀ ciraan, a y'a jà tɔ kuàn nèe kuun'n kur'lee ra, è na wɔ gɔɔ gɔ̀r'la tsɛ do !»
32Àwà, è bèkɔɔn Yesù ka, gookoronfabaa mòkun fii swey sa na ni è suun, yè bà bèe twɛy sa vu à ka. 33Àyìwà, yè bè wɔ gàne sɔn ɲan, è nìi kir'là, ci 'Kùngɔ̀ xɔɔ̀ gàneè'. È bèu wɔ mɔn, yè Yesù gban gɔɔ̀ rà. Yè gookoronfabaa mòkun fii rèè sa gban à tɛyn gɔ̀ɔ kpɛrɛ ì rà. Soo ni à sirama re, soo yè bà ni à ɲɔ̀nma re. 34#Zab 22.19.Yesù gbaunmaà yè to gɔɔ̀ rà mɔn, è dzin ci: «Mun Fàà, nìì reè yɛ nèe faa mun na, a yɛrɛ to è re, kàtsu è na à tɔ̀, è nìi faa waa.» Tɔ̀ faumaà shɔ̀ùn, yè Yesù rè vya rèè tanan e si ra. È ci e ye è tanan, yè kaan ji à ra. 35#Zab 22.8.Tɔ̀ sapɛ faa, tɔ̀ y'a tàrà, mòdzian tsìiŋnà yè siin faa. Dzyèèsìbee mòdzin neè jɔundzin neè kpɛ̀ynto na Yesù ɲanŋmɛɛ̀n nì, yè dziàn ci: «Wò rii ye ba Ŋaablà Jaara Modzìàn, Ŋaabla nìi boo e jaara taki, è yɛrɛ tsi m'a jà sa kɛ̀, n ci à to mòdzian swey tsiu !» 36#Zab 69.22.Kaadzin neè sa y'a ɲanŋmɛɛ̀n, yè e kpɛr'la à ra, yè mììnge kùunma sìan à ra, yè dziàn ci: 37«Wo rìì ye ba Dzyèèsìbee mòdzin neè rè màsà kpir'là, a yɛrɛ tsi sa kɛ̀ !»
38È na sɛbɛndzin sɔn fa gbaɔn gɔɔ̀ rà à kùngɔ tsɛ, nìi yɛ nèe ci: «Dzyèèsìbee mòdzin neè rè màsà kpir'là rìì yɛ nèe.»
39Gookoronfabaa fii nìì reè sa gbaun gɔ̀ɔ fii rèè rà Yesù tààkuùn, twɛy ɲan mòò sɔɔ̀n y'à ɲɛ̀ɛn nèe tsuru ci: «Wo rìì na Ŋaablà Jaara Modzìàn gbɛ ? A yɛrɛ tsi, e mùn sa tsi kɛ̀ !» 40Ŋà, nìi mòò sɔɔ̀n, tɔ̀ yeè fù e koòsià kpɛyn nèe tsuru ci: «Wo na shia Ŋaablà jɔun dɛ ? N ci tɔ̀ byɛnbe soo rìì ni wo ko à sa tsɛ. 41Nìi yɛ faa ɲe ra nèe, à ni e shi tsɛ, kàtsu ɲe nìi fau, tɔ̀ tɔ̀n'nà nì yɛ ɲe tsɛ. Ŋà, nèe do, à fee soo rii faɔ̀ ?»
42Tɔ̀un, è sèè è dzin Yesù sa ra ci: «Yesù, a ye na a tsuù a re màsàbe tsɛ waatsi riì bwèy, a taa to n ne.» 43Yesù yè dzin à ra ci: «Sààben na, mun nì ci a ra, ke ko e sa, wo nà bà ni mun ka àrìjinɛɛ̀ doùn.»
Yesu yè e xɔn bou min niì
(Matsiyù 27.54-56; Marikì 15.33-41; Yùxanà 19.28-30)
44-45 #
Jdk 26.31-33. Àyìwà, bwèè nàu wɔ sènfi waatsi riì bwèy, bwèè yè kuu. À kuuŋmaà, tɔ̀ yeè tsitsii brìsi wɔ jàmaàn min niì sapɛ. È to tɔ̀ tsuru, è bè suu fɔ ɲɛ̀rɛɛ̀rà. Tà doùn, vya rìi Ŋaablà re gbà blàa doùn fii rèè fi kunuɔ̀n, tɔ̀ yeè vyɛ̀ e shiɲaanfi pa, è bo jìran nɔ̀n, è nà dzɔn nɔ̀n. 46#Zab 31.6.Tɔ̀un, Yesù yè e vu bo fààn na ci: «Mun Fàà, min xɔɔn wɔɔ̀ wo suun.» Àwà, Yesù twɛy gooma reè dè dòu min niì, è xɔn bo. 47Tɔ fau min niì, kaadzin jɛrɛ̀blàtsi rìi na tsìiŋnà mɔn, tɔ tɔ̀ jàu, è tsoo dzi ɲɛn Ŋaablà tsɛ, è dzin ci: «Sààben ci yè e de, nèe kpir'lee na mòdzin tereonma nì !»
48Àwà, twɛy goo rèè faa waatsi riì bwèy, jàma brìsi rìì na naɔ̀ e tsiì mɔn, yè bà siɛ̀n faa. Tɔ̀un, goo nìi fau, è jaadzin yeè ɲɛn tɔ̀ mà. È tɔ̀ jàu min niì, è taama ŋununbeuma yè e re tsii shi rèè kun, yè e kungɔ laban beè. 49#Luk 8.2,3.Gè o ge na Yesù tɔ̀baa, ko tàan nìi reè yè gbaun à kpɛyn è bo fɔ Galile mar'lɔùn, twɛy yè e tsiì jeenà, yè goo rèè fakɔɔn siɛ̀n.
Yesù fùàn wɔɔ̀ goo rèè
(Matsiyù 27.57-61; Marikì 15.42-47; Yùxanà 19.38-42)
50-51Àwà, kpiri sɔn na ni, tɔ̀ tsoo yè bà ci Yusufù. À na boò wɔ̀ sɔn ɲan, ci Arimate, Dzyèèsìbee mòdzin neè rè wɔ̀ɔ̀ sɔn. Tɔ̀ kpir'la na mòdzin jaawuen è bà tereòn sa. À na Ŋaablà re Màsàbee fa waatsia rìì màshua. À sa na Dzyèèsìbee mòdzin neè rè kitsi kunun kuru blàa mòdzian sɔn ni. À kòòsi kitsikun'neè byɛ̀un nìi mà, ci è fa Yesù rà, tɔ̀ na ba à sàò waa. 52Tɔ̀un, è bè Pilatsì kpɛyn, è bè Yesù fùàn gaa à re. 53Pilatsì na e nɔn waa. Àwà, Pilatsì yè e tsiiŋ, Yusufù yè bè Yesù fùàn jàà bo gɔɔ̀ rà, à y'à kasange. À tɔ̀ fau, à y'à sen be wɔ fùnkɔɔ sɔn ne, tɔ ɲɛɛna faà ɲàn, a ci kpankɔɔ. Fùn pɛn naà wɔ jaɔ̀ tɔ̀ kɔ̀ɔ̀ rèe doùn ŋe waa. 54À na è re ɲànwɔsiɛ̀ jɔun wɔɔ jisee ɲɛ̀rɛɛ̀ rɔ̀n nì. Ɲànwɔsiɛ̀ dzii kun bwèy na wɔɔ nòn. 55Àwà, tàan nìi reè Yesù sàn mà ji nau, è bo fɔ Galile mar'la ɲàn, twɛy yè e gban Yusufù rà, yè bè fùnkɔɔ siin, yè Yesù fùàn ɲɛun'n kur'la siin. 56#Jdk 20.10; Sdk 5.14.Tà shɔ̀ùn, yè e kpɛyn sèè be e re tsii. È bèu wɔ, yè mà yɛ̀ɛ̀ ɲinin kinin dziù rèè ko làtsìkɔrɔ kinin dziù rèè lamɔnɔ̀n tsùù Yesù fùàn raa. Àwà, ɲànwɔsiɛ̀ wɔu, yè e ɲanwɔ, a ci Ŋaablà dzugooma xɔɔ̀ ci è fa nìi tsuru.
Currently Selected:
Lukì 23: BDZU
Highlight
Share
Copy
Want to have your highlights saved across all your devices? Sign up or sign in
© 2024 Église Évangélique Mennonite du Burkina Faso (EEMBF) et SIL International
Lukì 23
23
È bèu Yesù ka fàan jɔundzin neè rè min niì
(Matsiyù 27.1-2; 27.11-14; Marikì 15.1-5; Yùxanà 18.28-38)
1Tà shɔ̀ùn, kitsi kunun kur'là sapɛ dzyeèmaa yè fù, yè dɔ̀n be Yesù ka jàmààntsi Pilatsì rè. 2Àyìwà, è bèu wɔ mɔn, yè e maa, yè sɔn ì wɔɔ̀ à ra nèe tsuru ci: «Ɲe y'à kààwɔɔ, ɲe y'à jà, ci nèe kpir'lee ɲe re jàmààndzin neè ɲan suùsuɔ̀ ci è mà xɔnsɔɔn sarà Ɔ̀rɔmùn màsà kpiri blàa rè waa. È bà ci sa wò rii Ŋaablà Jaara Modzìàn, nìi y'à kpàdèe, ci wò màsa.» 3Tɔ̀un, Pilatsì y'à tey ci: «Wo rìì Dzyèèsìbee mòdzin neè rè màsà kpir'là ɔ̀ ?» Yesù ci à ra ci: «Wo rìì ci tɔ̀ tsuru.» 4Pilatsì yè dzin Saaka Jɔundzin neè, ko jàmaà nà tɔ̀un ci: «Mun na kùn pɛn jàa nìi dzia à to mòò yè dzi ɲaan fa nèe kpir'lee ra waa.»
5Pilatsì tɔ̀ dèu min niì, yè dzin fàan na kɔn ci: «À goo nìì reè kàr'na mòdzian nà, à mòdzian ɲan suùsuɔ̀ ko twɛy ka. À y'à dzii kuun Galile mar'lɔùn, è nà Yude mar'la ɲàn, à yɛ naɔ̀ fɔ mìin dòònuùn.»
6Àyìwà, Pilatsì twɛy gooma reè myɛ̀un min niì, è tey fa, ci tà bwèy nèe kpir'le Galileka rii ɔ̀ ? 7Jàmààntsì rìi ni Galile mar'la kùùn, tɔ̀ yeè bà Erodzì, Pilatsì y'à myɛ̀un min niì, ci Yesù tɔ̀ gànè dzian sɔn, è dzin ci yè bè à ka Erodzì rè. Tɔ̀ y'a tàrà Erodzì sa na ni Yerusalɛmùn tɔ̀ bwèy fii rɔ̀n.
8Yesù bèu wɔ Erodzì tsɛ waatsi riì bwèy, tɔ dzibeu tɔ̀ ra fɔ è bè geren, kàtsu à na goo giri myɛɔ̀n Yesù tsɛ. Tà doùn, fɔ waatsi gbaan, à sàò na n'a re wò y'a tɔ̀, tà ko wò y'a jà kabagoo goo sɔn fama. 9Tɔ̀un, Erodzì y'à tey goo giri mà, ŋà, Yesù na à ɲancinan gooma pɛn ka waa.
10Tɔ faa waatsi riì bwèy, tɔ̀ y'a tàrà, Saaka Jɔundzin neè ko Sàrìyà Kaamoo reè na ni, twɛy yè bà sɔn ɲaan ɲaan kaatsià sapɛ wɔɔ̀ à rà. 11Erodzì ko e re kaadzin neè yè Yesù ɲanŋmɛn, y'à ɲanfyɛnbe cɛyn. È bè wɔ, fɔ Erodzì y'à to yè màsà mɛyɛ ji à mà, à y'à sèè bàji be Pilatsì rè e shɔùn. 12Tɔ̀ sii sèè ko e sa, Erodzì ko Pilatsì yè bà dzunwɛynsima ì. Tɔ̀ to y'à tàrà è na e si ɲan ì nì.
È byɛ̀un à mà min niì, ci Yesù wù è vu
(Matsiyù 27.15-26; Marikì 15.6-15; Yùxanà 18.39–19.16)
13Àwà, è bèu wɔ Pilatsì tsɛ tɔ̀un, tɔ̀ yeè Saaka Jɔundzin neè, ko Dzyèèsìbee mòdzin neè jɔundzin neè, ko Dzyèèsìbee mòdzin neè sapɛ ladzyèè. 14È dzin è ra ci: «Ye naɔ̀ ko nèe kpir'lee ka mun ne, ci à mòdzian ɲan suùsuɔ̀ yè e maban. Àwà, mun to y'à teroun ye sa jaa ra. Ye ci à goo gè o ge faɔ̀, mun na tɔ̀ sɔn fyɛ jà à ra waa. 15A to y'a jà, Erodzì sa y'a bàji naɔ ɲe re, tɔ̀ tsu na fyɛ̀ rìì jàunà à ra waa. Tà doùn, kpir'lee na fìrìgoo pɛn faɔ̀, nìi dzia bà à vua kùn waa. 16Àwà, mun nà à to y'à dɔrɔ cɛyn sɛyn ka, tà shɔ̀ùn, min shi sin à ra, è bèe.»
17-19Tɔ̀ y'a tàrà, kpiri sɔn na ni, ci Barabasì. Tɔ̀ kpir'la na baɔ̀ saabu mòdzian yè e maban goò sɔn na wɔ̀ɔ̀ doùn, tà ko, è bà na mòò vuɔ̀ sa. Twɛy goo rèè na à too, y'à ji kàso doùn. [Àwà, jii o jii Geren n tsɛɛ̀ sɛr'là ye ba na wɔu, Pilatsì na wù, è kàsòdzian soo bo bàji è kɔ̀.] Tɔ̀ kàjaa kamà, jàmaà sapɛ yeè dzyèè, yè e maa yè dziàn nèe tsuru fààn na ci: «Barabasì bo mùn kɔ̀, e nèe kpir'lee vu !» 20Àwà, à ni Pilatsì duùn, è shi sin Yesù rà è bèe nìi fa, è sèè è gooma jàmaà ka kɔn. 21Jàmaà kpɛ̀ynto dziàn nì fààn na ci: «È gban gɔɔ̀ rà, è gban gɔɔ̀ rà !»
22Tɔ̀un, Pilatsì yè è tey e jaa zhiigira ɲan nèe tsuru ci: «À to gooɲaan kɛɛn nì soo fa ɔ̀ ? Mun kpɛ̀yn na fyɛ̀ pɛn jaɔ̀ à ra, nìi dzia à to mòò y'à vu waa. Tà doùn, mun nà à to y'à dɔrɔ cɛyn sɛyn ka, tà shɔ̀ùn, mun yè shi sin à ra, à yè bèe.» 23Tà ko e sa ra, è sɛ̀ɛ nìi tsuru, è kpɛ̀yn sɛ̀ɛ tɔ̀ rii tsuru, ci Yesù yè gban gɔɔ̀ rà. È re goomaa fàan blàbe ɲaanfaa suun, è latanmataa yè nà dzi Pilatsì dzuun.
24Àwà, Pilatsì yè e tsiì à ra tɔ̀ rii ɲàn, ci è nìi gaa wò re, wo nà tɔ̀ shi sin è ra. 25Tɔ̀un, è ci kpir'liì yè bo bàji, tɔ̀ yeè bà na jiɔ̀ kàsoò doùn mòdzian màbaunmaà raa goò kamà, ko à re mòò vuumaà kamà, Pilatsì yè tɔ̀ bo bàji. Nìi Yesù, è tɔ̀ wɔ è suun, ci è sào ni y'à bà nìi tsuru, y'à bà tɔ̀ tsuru.
È Yesù gbaun gɔɔ̀ rà min niì
(Matsiyù 27.32-44; Marikì 15.21-32; Yùxanà 19.16-27)
26Àyìwà, kaadzin neè bèkɔɔn ko Yesù ka e vuma nɔ̀n, yè tsi kpiri sɔn ka, tɔ dɔ̀ɔn Yerusalɛmùn. Tɔ̀ kpir'la sa tsoo na ci Shimɔ̀n, è bà na boò wɔ̀ sɔn ɲan, ci Sirɛnìn. Tɔ̀un, yè tɔ̀ kun, Yesù bèe gban gɔ̀ɔ nìi rà, ci è tɔ̀ sen, è gban Yesù kpɛyn.
27È bèkɔɔn jàma brìsi yè e gban è kpɛyn. Tàan rèè swey sa na ni jàmaà ɲàn, twɛy yè bà gɛɛ, yè e matsùrùkɔ̀ɔ̀n fa beè Yesù goojaa rà. 28Yesù yè nà e jaa kere twɛy tàan rèè rà, è dzin è ra ci: «Yerusalɛmùn taan ì, e maà gɛyn mun naa goojaa rà dɛ ! Ye gɛyn e yɛr'leè ko e dzin nèè raà rìì là ! 29A y'a jà mun yè tɔ̀ dè, jisee ɲaan ì nàa, nìì reè doùn mòdzian nà dzin nèe tsuru ci: "Tàan nìì reè na dzia dzin kere kuraa, ko nìì reè na dzin kere jà ŋe, yè nà dzin ci yè cɛn sìn dzin na, twɛy sapɛ raa wùbeu." 30#Ukk 10.8; Gokp 6.16.Tɔ̀un, mòdzian nà e maa yè dziàn jèn blà bla reè rà, ci yè mɛɛy ye tsɛ. Yè dziàn jènììn neè rà, ci yè ye mɛnɛn ! 31A y'a jà min tɔ̀ dè, nìi gɔ̀ɔ̀ ciraan, a y'a jà tɔ kuàn nèe kuun'n kur'lee ra, è na wɔ gɔɔ gɔ̀r'la tsɛ do !»
32Àwà, è bèkɔɔn Yesù ka, gookoronfabaa mòkun fii swey sa na ni è suun, yè bà bèe twɛy sa vu à ka. 33Àyìwà, yè bè wɔ gàne sɔn ɲan, è nìi kir'là, ci 'Kùngɔ̀ xɔɔ̀ gàneè'. È bèu wɔ mɔn, yè Yesù gban gɔɔ̀ rà. Yè gookoronfabaa mòkun fii rèè sa gban à tɛyn gɔ̀ɔ kpɛrɛ ì rà. Soo ni à sirama re, soo yè bà ni à ɲɔ̀nma re. 34#Zab 22.19.Yesù gbaunmaà yè to gɔɔ̀ rà mɔn, è dzin ci: «Mun Fàà, nìì reè yɛ nèe faa mun na, a yɛrɛ to è re, kàtsu è na à tɔ̀, è nìi faa waa.» Tɔ̀ faumaà shɔ̀ùn, yè Yesù rè vya rèè tanan e si ra. È ci e ye è tanan, yè kaan ji à ra. 35#Zab 22.8.Tɔ̀ sapɛ faa, tɔ̀ y'a tàrà, mòdzian tsìiŋnà yè siin faa. Dzyèèsìbee mòdzin neè jɔundzin neè kpɛ̀ynto na Yesù ɲanŋmɛɛ̀n nì, yè dziàn ci: «Wò rii ye ba Ŋaablà Jaara Modzìàn, Ŋaabla nìi boo e jaara taki, è yɛrɛ tsi m'a jà sa kɛ̀, n ci à to mòdzian swey tsiu !» 36#Zab 69.22.Kaadzin neè sa y'a ɲanŋmɛɛ̀n, yè e kpɛr'la à ra, yè mììnge kùunma sìan à ra, yè dziàn ci: 37«Wo rìì ye ba Dzyèèsìbee mòdzin neè rè màsà kpir'là, a yɛrɛ tsi sa kɛ̀ !»
38È na sɛbɛndzin sɔn fa gbaɔn gɔɔ̀ rà à kùngɔ tsɛ, nìi yɛ nèe ci: «Dzyèèsìbee mòdzin neè rè màsà kpir'là rìì yɛ nèe.»
39Gookoronfabaa fii nìì reè sa gbaun gɔ̀ɔ fii rèè rà Yesù tààkuùn, twɛy ɲan mòò sɔɔ̀n y'à ɲɛ̀ɛn nèe tsuru ci: «Wo rìì na Ŋaablà Jaara Modzìàn gbɛ ? A yɛrɛ tsi, e mùn sa tsi kɛ̀ !» 40Ŋà, nìi mòò sɔɔ̀n, tɔ̀ yeè fù e koòsià kpɛyn nèe tsuru ci: «Wo na shia Ŋaablà jɔun dɛ ? N ci tɔ̀ byɛnbe soo rìì ni wo ko à sa tsɛ. 41Nìi yɛ faa ɲe ra nèe, à ni e shi tsɛ, kàtsu ɲe nìi fau, tɔ̀ tɔ̀n'nà nì yɛ ɲe tsɛ. Ŋà, nèe do, à fee soo rii faɔ̀ ?»
42Tɔ̀un, è sèè è dzin Yesù sa ra ci: «Yesù, a ye na a tsuù a re màsàbe tsɛ waatsi riì bwèy, a taa to n ne.» 43Yesù yè dzin à ra ci: «Sààben na, mun nì ci a ra, ke ko e sa, wo nà bà ni mun ka àrìjinɛɛ̀ doùn.»
Yesu yè e xɔn bou min niì
(Matsiyù 27.54-56; Marikì 15.33-41; Yùxanà 19.28-30)
44-45 #
Jdk 26.31-33. Àyìwà, bwèè nàu wɔ sènfi waatsi riì bwèy, bwèè yè kuu. À kuuŋmaà, tɔ̀ yeè tsitsii brìsi wɔ jàmaàn min niì sapɛ. È to tɔ̀ tsuru, è bè suu fɔ ɲɛ̀rɛɛ̀rà. Tà doùn, vya rìi Ŋaablà re gbà blàa doùn fii rèè fi kunuɔ̀n, tɔ̀ yeè vyɛ̀ e shiɲaanfi pa, è bo jìran nɔ̀n, è nà dzɔn nɔ̀n. 46#Zab 31.6.Tɔ̀un, Yesù yè e vu bo fààn na ci: «Mun Fàà, min xɔɔn wɔɔ̀ wo suun.» Àwà, Yesù twɛy gooma reè dè dòu min niì, è xɔn bo. 47Tɔ fau min niì, kaadzin jɛrɛ̀blàtsi rìi na tsìiŋnà mɔn, tɔ tɔ̀ jàu, è tsoo dzi ɲɛn Ŋaablà tsɛ, è dzin ci: «Sààben ci yè e de, nèe kpir'lee na mòdzin tereonma nì !»
48Àwà, twɛy goo rèè faa waatsi riì bwèy, jàma brìsi rìì na naɔ̀ e tsiì mɔn, yè bà siɛ̀n faa. Tɔ̀un, goo nìi fau, è jaadzin yeè ɲɛn tɔ̀ mà. È tɔ̀ jàu min niì, è taama ŋununbeuma yè e re tsii shi rèè kun, yè e kungɔ laban beè. 49#Luk 8.2,3.Gè o ge na Yesù tɔ̀baa, ko tàan nìi reè yè gbaun à kpɛyn è bo fɔ Galile mar'lɔùn, twɛy yè e tsiì jeenà, yè goo rèè fakɔɔn siɛ̀n.
Yesù fùàn wɔɔ̀ goo rèè
(Matsiyù 27.57-61; Marikì 15.42-47; Yùxanà 19.38-42)
50-51Àwà, kpiri sɔn na ni, tɔ̀ tsoo yè bà ci Yusufù. À na boò wɔ̀ sɔn ɲan, ci Arimate, Dzyèèsìbee mòdzin neè rè wɔ̀ɔ̀ sɔn. Tɔ̀ kpir'la na mòdzin jaawuen è bà tereòn sa. À na Ŋaablà re Màsàbee fa waatsia rìì màshua. À sa na Dzyèèsìbee mòdzin neè rè kitsi kunun kuru blàa mòdzian sɔn ni. À kòòsi kitsikun'neè byɛ̀un nìi mà, ci è fa Yesù rà, tɔ̀ na ba à sàò waa. 52Tɔ̀un, è bè Pilatsì kpɛyn, è bè Yesù fùàn gaa à re. 53Pilatsì na e nɔn waa. Àwà, Pilatsì yè e tsiiŋ, Yusufù yè bè Yesù fùàn jàà bo gɔɔ̀ rà, à y'à kasange. À tɔ̀ fau, à y'à sen be wɔ fùnkɔɔ sɔn ne, tɔ ɲɛɛna faà ɲàn, a ci kpankɔɔ. Fùn pɛn naà wɔ jaɔ̀ tɔ̀ kɔ̀ɔ̀ rèe doùn ŋe waa. 54À na è re ɲànwɔsiɛ̀ jɔun wɔɔ jisee ɲɛ̀rɛɛ̀ rɔ̀n nì. Ɲànwɔsiɛ̀ dzii kun bwèy na wɔɔ nòn. 55Àwà, tàan nìi reè Yesù sàn mà ji nau, è bo fɔ Galile mar'la ɲàn, twɛy yè e gban Yusufù rà, yè bè fùnkɔɔ siin, yè Yesù fùàn ɲɛun'n kur'la siin. 56#Jdk 20.10; Sdk 5.14.Tà shɔ̀ùn, yè e kpɛyn sèè be e re tsii. È bèu wɔ, yè mà yɛ̀ɛ̀ ɲinin kinin dziù rèè ko làtsìkɔrɔ kinin dziù rèè lamɔnɔ̀n tsùù Yesù fùàn raa. Àwà, ɲànwɔsiɛ̀ wɔu, yè e ɲanwɔ, a ci Ŋaablà dzugooma xɔɔ̀ ci è fa nìi tsuru.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Église Évangélique Mennonite du Burkina Faso (EEMBF) et SIL International