Phŭn Blŭng 19
19
Klơi set nă plơi Sôđô̆m
1Tơl yang r̂ơi ti lĕ, ling-jang dua r̂ăng tơl nao pơ plơi Sôđô̆m, pah anŭn Lot dŏ ben ti bah amăng jang plơi. Tơl Lot ƀôh gơñu, nŭn ñu gŭ đĭ nao tơkă gơñu, dăp bon kô̆p kŏ tơl pơ kơnah. 2Jr̂ŏng nŭn ñu laĭ: «Ơ khua, kâo dueh mơ̆ng gô-ih weh r̂ai mŭt tăm sang kâo hlŭn gô-ih, br̂ơi gô-ih đŏm ha ane ƀơĭ, dăp r̂ao le gô-ih he mơ̆n. Tơl gô-ih bơdih mơ̆ng pĕt sêng-ƀr̂êng mơ̆ng guah, br̂ơi gô-ih bat nao pơ năp dŏng.» Jr̂ŏng nŭn gơñu til glaĭ: «Bĭ ôh. Mlăm ne mơi ti đŏm gah lan plơi.» 3Yua Lot dŏ jak ƀel, nŭn môt ling-jang weh nao, mŭt tăm sang ñu. Jr̂ŏng nŭn ñu pơkr̂a klơi ƀŏng mơñŭm, dăp ŏm nŭmpăng bĭ čĕ pơi, jr̂ŏng nŭn môt ling-jang ƀŏng hĕ. 4Pah gơñu ka pĕt, môt đahkơi plơi Sôđô̆m nŭn, tô̆ mơ̆ng dơdăm tr̂uh pơ tha, bih môt đahkơi plơi nŭn r̂ai juang lôi jŭm dăl sang Lot. 5Gơñu iâo kr̂aih dăp kơña Lot: «Pơ pă đahkơi mŭt tăm sang ih klăm ne? Br̂ơi ba biă r̂ai pơ mơi wŏ, mơi čiăng đih hr̂ŏm gơñu.»#An Khua 19:22-24. 6Nŭn Lot biă nao pơ gơñu, jr̂ŏng nŭn kr̂ĭ glaĭ bah amăng gah r̂ŏng ñu. 7Ñu laĭ: «Ơ yŏng dơi, kâo dueh mơ̆ng gô-ih, anăm ngă set nĭng nŭn ôh! 8Ep wŏ, kâo hmâo nă dr̂a dua r̂ăng, gơñu ka jĕ jiăm hr̂ŏm đahkơi ôh, gon kâo ba gơñu biă r̂ai pơ gô-ih, glăng gô-ih hăt ngă hr̂ŏm gơñu, tui gô-ih ƀôh laĭ djơ̆. Kâo dueh mơ̆ng gô-ih ha tô̆ đơč, anăm ngă nŏ yĕt mơ̆ng đahkơi ne ôh, yua gơñu mŭt r̂ai tăm sang kâo.» 9Plai gơñu til glaĭ: «Weh wŏ!» Nŭn gơñu hiăp dŏng: «Ƀŏk a Lot ne, ñu tuai r̂ai dŏ dăng đơč, kơđai glaĭ ñu čiăng ngă pô tr̂ĕ kơđi! Nêne, mơi ti ngă set ŏng hloh mơ̆ng đahkơi dua r̂ăng nŭn dŏng.» Pah anŭn gơñu klĭ lôi Lot, dăp blŭng nao čiăng tŭl lôi bah amăng. 10Plai môt đahkơi dua r̂ăng nŭn mă dui glaĭ Lot mŭt tăm sang hr̂ŏm gơñu, jr̂ŏng nŭn kr̂ĭ glaĭ amăng. 11Nŭn gơñu ngă br̂ơi bih đahkơi dŏ ti bah amăng bôm ta, dăp dơdăm dăp tha, nĭng nŭn yơh, gơñu sem bah amăng bĭ thâo ƀôh dŏng tah.
Ơi Adai pơklaih Lot mơ̆ng klơi bơr̂ăm plơi Sôđô̆m
12Jr̂ŏng nŭn môt đahkơi kơña Lot: «Hiư̆m, ih hmâo mơ̆n, mơnuih pơkŏn dŏng dŏ ha ane? Jơ̆ ih hmâo nă pơtâo đahkơi, nă đahkơi, nă đahmơi, lơ yŏng dơi ih pơkŏn dŏng dŏ tăm plơi ne, br̂ơi ih jak gơñu biă đuĕ mơ̆ng ƀon ne wŏ. 13Yua mơi iă ti bơr̂ăm lôi ƀon ne, yua klơi set nă plơi lan ne ngă, hmĭ i tơl đĭ pơ năp Yêhôwa boih, nŭn yơh Yêhôwa pơđơi mơi r̂ai bơr̂ăm lôi ƀon ne.» 14Nŭn Lot biă nao r̂ă thâo br̂ơi môt dơdăm djă kong hr̂ŏm nă dr̂a ñu#19:14 Môt dơdăm djă kong hr̂ŏm nă dr̂a ñu Hêbrơ laĭ «Môt nă pơtâo ti dŏ nă dr̂a ñu.»: «Gŭ đĭ wŏ! Br̂ơi gô-ih biă đuĕ mơ̆ng ƀon ne, yua Yêhôwa ti bơr̂ăm lôi plơi ne boih.» Plai môt dơdăm nŭn khư̆t laĭ ñu pơhiăp ngui đơč.
15Tơl sêng-ƀr̂êng mơ̆ng guah, môt ling-jang pơtr̂ŭt Lot: «Gŭ đĭ wŏ, djă ba bơnai hr̂ŏm nă đahmơi ih dua r̂ăng dŏ hr̂ŏm ih ha ane, br̂ơi biă đuĕ mơ̆ng plơi ne, huĭ ih djai yua mơ̆ng klơi set plơi ne.» 16Plai Lot dŏ pơkaih lôi pô ñu, nŭn môt đahkơi mă ngan Lot, dăp bơnai ñu, hr̂ŏm nă đahmơi ñu dua r̂ăng, dui bơbiă gơñu čr̂oh gah ia-wang plơi, yua Yêhôwa pap-dr̂ap ñu.#An 2Pê 2:7. 17Tơl ling-jang dui bơbiă gơñu gah ia-wang boih, nŭn ñu laĭ: «Đuĕ wŏ, gô-ih mơ̆ng dĭp! Anăm ep glaĭ gah r̂ŏng ôh, dăp anăm bơdơi r̂ah r̂ok čol ne le! Br̂ơi đuĕ nao pơ kŏ čĭ wŏ, huĭ gô-ih djai.» 18Nŭn Lot pơhiăp hr̂ŏm gơñu: «Ơ khua, bĭ ôh. 19Nêne, wŏt kâo hlŭn ih đơč, kâo ƀôh laĭ ih čiăng kâo, dăp khăp-pap kâo jat, nŭn yơh ih mơ̆ng čr̂oh klơi hơdĭp kâo. Plai kâo ti đuĕ nao pơ kŏ čĭ bĭ hmao ôh, huĭ klơi set ne hmao tui kâo, nŭn lah kâo djai. 20Ep pơ anŭn wŏ, hmâo plơi ha boh dŏ jĕ, wŏt ñu anĕt, kâo hmao nao pơ anŭn. Dueh mơ̆ng ih br̂ơi kâo đuĕ nao pơ anŭn ho, yua plơi nŭn anĕt đơč. Nŭn kâo ti hmâo klơi hơdĭp.» 21Jr̂ŏng nŭn ling-jang til glaĭ pơ ñu: «Ơ̆, kâo phom tui klơi ih dueh ne mơ̆n. Plơi ih laĭ ne, kâo bĭ bơr̂ăm lôi ôh. 22Đuĕ nao pơ anŭn tăñ-tăñ wŏ, yua kâo bĭ thâo ngă nŏ yĕt ôh, tơl ih tr̂uh nao pơ anŭn ƀơĭ.» Yua nĭng nŭn yơh, r̂ăng mơ̆ng iâo plơi nŭn “Plơi Sô-a” (čiăng laĭ “Anĕt”). 23Pah Lot mŭt tăm plơi Sô-a, nŭn yang r̂ơi biă đĭ boih.
24Jr̂ŏng nŭn Yêhôwa plĕ tr̂ŭn bohtâo sôm dăp phui tăm plơi Sôđô̆m dăp plơi Kômôra, ñu lĕ mơ̆ng adai hla ti ia jan.#An Mat 10:14-15; Lŭk 17:28-30; 2Pê 2:6-10. 25Nĭng nŭn yơh, ñu bơr̂ăm lôi bih dua boh plơi nŭn, wŏt tơgr̂ư̆ čol jŭm dăl plơi nŭn, dăp bih mơnuih dŏ mơ̆ng plơi nŭn, wŏt hla mr̂ơ̆k hla mr̂ôñ čă mơ̆ng kơnah he mơ̆n. 26Plai bơnai Lot dŏng, ñu dơdơi gah r̂ŏng Lot, ñu ep glaĭ gah klon, jr̂ŏng nŭn ñu ki jr̂ŏng hĕ gŏk bohtâo hr̂a.#An Lŭk 17:31-32.
27Sêng-ƀr̂êng mơ̆ng guah, Abrahăm gŭ biă nao pơ ƀon hađăp, ƀon ñu dŏ dŏng ti năp Yêhôwa.#An Phŭn 18:22. 28Jr̂ŏng nŭn ñu ep tr̂ŭn pơ plơi Sôđô̆m dăp plơi Kômôra dăp tơgr̂ư̆ čol nŭn, ƀôh biă săp mơ̆ng lŏn kơnah klông-kôih, hla ti săp biă đĭ mơ̆ng lo a čuh ĕt.
29Pah Ơi Adai bơr̂ăm lôi bih plơi dŏ mơ̆ng ƀon čol nŭn, Ơi Adai kơčăng mơ̆ng Abrahăm, nŭn yơh Ơi Adai mơ̆ng pơklaih Lot mơ̆ng klơi djai, pah ñu bơr̂ăm lôi plơi Lot dŏ nŭn.
19:30-38
30-38Mơi ka ƀŏ pr̂e ôh 19:30-38. Jlan 30-38 ne r̂ă r̂oi mơ̆ng klơi nă đahmơi Lot dua r̂ăng ngă br̂ơi ma gơñu măt pai, jr̂ŏng nŭn gơñu đih hr̂ŏm ma gơñu čiăng hmâo nă. Mai ñu pơpôn nă đahkơi a iâo ƀŏ ñu Mô-ăp, nă čo Mô-ăp nŭn yơh jr̂ŏng môt sô̆n-sat Mô-ăp (an Rut 1). Dơi ñu dŏng pơpôn nă đahkơi a iâo ƀŏ ñu Ƀên-ami, nă čo Ƀên-ami nŭn yơh jr̂ŏng môt sô̆n-sat Amôn.
Currently Selected:
Phŭn Blŭng 19: JKB
Highlight
Share
Copy
Want to have your highlights saved across all your devices? Sign up or sign in
© 2024, Wycliffe Bible Translators, Inc.
Phŭn Blŭng 19
19
Klơi set nă plơi Sôđô̆m
1Tơl yang r̂ơi ti lĕ, ling-jang dua r̂ăng tơl nao pơ plơi Sôđô̆m, pah anŭn Lot dŏ ben ti bah amăng jang plơi. Tơl Lot ƀôh gơñu, nŭn ñu gŭ đĭ nao tơkă gơñu, dăp bon kô̆p kŏ tơl pơ kơnah. 2Jr̂ŏng nŭn ñu laĭ: «Ơ khua, kâo dueh mơ̆ng gô-ih weh r̂ai mŭt tăm sang kâo hlŭn gô-ih, br̂ơi gô-ih đŏm ha ane ƀơĭ, dăp r̂ao le gô-ih he mơ̆n. Tơl gô-ih bơdih mơ̆ng pĕt sêng-ƀr̂êng mơ̆ng guah, br̂ơi gô-ih bat nao pơ năp dŏng.» Jr̂ŏng nŭn gơñu til glaĭ: «Bĭ ôh. Mlăm ne mơi ti đŏm gah lan plơi.» 3Yua Lot dŏ jak ƀel, nŭn môt ling-jang weh nao, mŭt tăm sang ñu. Jr̂ŏng nŭn ñu pơkr̂a klơi ƀŏng mơñŭm, dăp ŏm nŭmpăng bĭ čĕ pơi, jr̂ŏng nŭn môt ling-jang ƀŏng hĕ. 4Pah gơñu ka pĕt, môt đahkơi plơi Sôđô̆m nŭn, tô̆ mơ̆ng dơdăm tr̂uh pơ tha, bih môt đahkơi plơi nŭn r̂ai juang lôi jŭm dăl sang Lot. 5Gơñu iâo kr̂aih dăp kơña Lot: «Pơ pă đahkơi mŭt tăm sang ih klăm ne? Br̂ơi ba biă r̂ai pơ mơi wŏ, mơi čiăng đih hr̂ŏm gơñu.»#An Khua 19:22-24. 6Nŭn Lot biă nao pơ gơñu, jr̂ŏng nŭn kr̂ĭ glaĭ bah amăng gah r̂ŏng ñu. 7Ñu laĭ: «Ơ yŏng dơi, kâo dueh mơ̆ng gô-ih, anăm ngă set nĭng nŭn ôh! 8Ep wŏ, kâo hmâo nă dr̂a dua r̂ăng, gơñu ka jĕ jiăm hr̂ŏm đahkơi ôh, gon kâo ba gơñu biă r̂ai pơ gô-ih, glăng gô-ih hăt ngă hr̂ŏm gơñu, tui gô-ih ƀôh laĭ djơ̆. Kâo dueh mơ̆ng gô-ih ha tô̆ đơč, anăm ngă nŏ yĕt mơ̆ng đahkơi ne ôh, yua gơñu mŭt r̂ai tăm sang kâo.» 9Plai gơñu til glaĭ: «Weh wŏ!» Nŭn gơñu hiăp dŏng: «Ƀŏk a Lot ne, ñu tuai r̂ai dŏ dăng đơč, kơđai glaĭ ñu čiăng ngă pô tr̂ĕ kơđi! Nêne, mơi ti ngă set ŏng hloh mơ̆ng đahkơi dua r̂ăng nŭn dŏng.» Pah anŭn gơñu klĭ lôi Lot, dăp blŭng nao čiăng tŭl lôi bah amăng. 10Plai môt đahkơi dua r̂ăng nŭn mă dui glaĭ Lot mŭt tăm sang hr̂ŏm gơñu, jr̂ŏng nŭn kr̂ĭ glaĭ amăng. 11Nŭn gơñu ngă br̂ơi bih đahkơi dŏ ti bah amăng bôm ta, dăp dơdăm dăp tha, nĭng nŭn yơh, gơñu sem bah amăng bĭ thâo ƀôh dŏng tah.
Ơi Adai pơklaih Lot mơ̆ng klơi bơr̂ăm plơi Sôđô̆m
12Jr̂ŏng nŭn môt đahkơi kơña Lot: «Hiư̆m, ih hmâo mơ̆n, mơnuih pơkŏn dŏng dŏ ha ane? Jơ̆ ih hmâo nă pơtâo đahkơi, nă đahkơi, nă đahmơi, lơ yŏng dơi ih pơkŏn dŏng dŏ tăm plơi ne, br̂ơi ih jak gơñu biă đuĕ mơ̆ng ƀon ne wŏ. 13Yua mơi iă ti bơr̂ăm lôi ƀon ne, yua klơi set nă plơi lan ne ngă, hmĭ i tơl đĭ pơ năp Yêhôwa boih, nŭn yơh Yêhôwa pơđơi mơi r̂ai bơr̂ăm lôi ƀon ne.» 14Nŭn Lot biă nao r̂ă thâo br̂ơi môt dơdăm djă kong hr̂ŏm nă dr̂a ñu#19:14 Môt dơdăm djă kong hr̂ŏm nă dr̂a ñu Hêbrơ laĭ «Môt nă pơtâo ti dŏ nă dr̂a ñu.»: «Gŭ đĭ wŏ! Br̂ơi gô-ih biă đuĕ mơ̆ng ƀon ne, yua Yêhôwa ti bơr̂ăm lôi plơi ne boih.» Plai môt dơdăm nŭn khư̆t laĭ ñu pơhiăp ngui đơč.
15Tơl sêng-ƀr̂êng mơ̆ng guah, môt ling-jang pơtr̂ŭt Lot: «Gŭ đĭ wŏ, djă ba bơnai hr̂ŏm nă đahmơi ih dua r̂ăng dŏ hr̂ŏm ih ha ane, br̂ơi biă đuĕ mơ̆ng plơi ne, huĭ ih djai yua mơ̆ng klơi set plơi ne.» 16Plai Lot dŏ pơkaih lôi pô ñu, nŭn môt đahkơi mă ngan Lot, dăp bơnai ñu, hr̂ŏm nă đahmơi ñu dua r̂ăng, dui bơbiă gơñu čr̂oh gah ia-wang plơi, yua Yêhôwa pap-dr̂ap ñu.#An 2Pê 2:7. 17Tơl ling-jang dui bơbiă gơñu gah ia-wang boih, nŭn ñu laĭ: «Đuĕ wŏ, gô-ih mơ̆ng dĭp! Anăm ep glaĭ gah r̂ŏng ôh, dăp anăm bơdơi r̂ah r̂ok čol ne le! Br̂ơi đuĕ nao pơ kŏ čĭ wŏ, huĭ gô-ih djai.» 18Nŭn Lot pơhiăp hr̂ŏm gơñu: «Ơ khua, bĭ ôh. 19Nêne, wŏt kâo hlŭn ih đơč, kâo ƀôh laĭ ih čiăng kâo, dăp khăp-pap kâo jat, nŭn yơh ih mơ̆ng čr̂oh klơi hơdĭp kâo. Plai kâo ti đuĕ nao pơ kŏ čĭ bĭ hmao ôh, huĭ klơi set ne hmao tui kâo, nŭn lah kâo djai. 20Ep pơ anŭn wŏ, hmâo plơi ha boh dŏ jĕ, wŏt ñu anĕt, kâo hmao nao pơ anŭn. Dueh mơ̆ng ih br̂ơi kâo đuĕ nao pơ anŭn ho, yua plơi nŭn anĕt đơč. Nŭn kâo ti hmâo klơi hơdĭp.» 21Jr̂ŏng nŭn ling-jang til glaĭ pơ ñu: «Ơ̆, kâo phom tui klơi ih dueh ne mơ̆n. Plơi ih laĭ ne, kâo bĭ bơr̂ăm lôi ôh. 22Đuĕ nao pơ anŭn tăñ-tăñ wŏ, yua kâo bĭ thâo ngă nŏ yĕt ôh, tơl ih tr̂uh nao pơ anŭn ƀơĭ.» Yua nĭng nŭn yơh, r̂ăng mơ̆ng iâo plơi nŭn “Plơi Sô-a” (čiăng laĭ “Anĕt”). 23Pah Lot mŭt tăm plơi Sô-a, nŭn yang r̂ơi biă đĭ boih.
24Jr̂ŏng nŭn Yêhôwa plĕ tr̂ŭn bohtâo sôm dăp phui tăm plơi Sôđô̆m dăp plơi Kômôra, ñu lĕ mơ̆ng adai hla ti ia jan.#An Mat 10:14-15; Lŭk 17:28-30; 2Pê 2:6-10. 25Nĭng nŭn yơh, ñu bơr̂ăm lôi bih dua boh plơi nŭn, wŏt tơgr̂ư̆ čol jŭm dăl plơi nŭn, dăp bih mơnuih dŏ mơ̆ng plơi nŭn, wŏt hla mr̂ơ̆k hla mr̂ôñ čă mơ̆ng kơnah he mơ̆n. 26Plai bơnai Lot dŏng, ñu dơdơi gah r̂ŏng Lot, ñu ep glaĭ gah klon, jr̂ŏng nŭn ñu ki jr̂ŏng hĕ gŏk bohtâo hr̂a.#An Lŭk 17:31-32.
27Sêng-ƀr̂êng mơ̆ng guah, Abrahăm gŭ biă nao pơ ƀon hađăp, ƀon ñu dŏ dŏng ti năp Yêhôwa.#An Phŭn 18:22. 28Jr̂ŏng nŭn ñu ep tr̂ŭn pơ plơi Sôđô̆m dăp plơi Kômôra dăp tơgr̂ư̆ čol nŭn, ƀôh biă săp mơ̆ng lŏn kơnah klông-kôih, hla ti săp biă đĭ mơ̆ng lo a čuh ĕt.
29Pah Ơi Adai bơr̂ăm lôi bih plơi dŏ mơ̆ng ƀon čol nŭn, Ơi Adai kơčăng mơ̆ng Abrahăm, nŭn yơh Ơi Adai mơ̆ng pơklaih Lot mơ̆ng klơi djai, pah ñu bơr̂ăm lôi plơi Lot dŏ nŭn.
19:30-38
30-38Mơi ka ƀŏ pr̂e ôh 19:30-38. Jlan 30-38 ne r̂ă r̂oi mơ̆ng klơi nă đahmơi Lot dua r̂ăng ngă br̂ơi ma gơñu măt pai, jr̂ŏng nŭn gơñu đih hr̂ŏm ma gơñu čiăng hmâo nă. Mai ñu pơpôn nă đahkơi a iâo ƀŏ ñu Mô-ăp, nă čo Mô-ăp nŭn yơh jr̂ŏng môt sô̆n-sat Mô-ăp (an Rut 1). Dơi ñu dŏng pơpôn nă đahkơi a iâo ƀŏ ñu Ƀên-ami, nă čo Ƀên-ami nŭn yơh jr̂ŏng môt sô̆n-sat Amôn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024, Wycliffe Bible Translators, Inc.