Phŭn Blŭng 21
21
Klơi a pơpôn Isă
1 Yêhôwa nao pơ Sara hla ti ñu pơhiăp, jr̂ŏng nŭn ñu pha br̂ơi Sara hla ti klơi ñu uăn. 2Nŭn Sara dŏ năp, jr̂ŏng nŭn pơpôn br̂ơi Abrahăm nă đahkơi ha r̂ăng, djơ̆ tui r̂ơi blan Ơi Adai pơkă hr̂ŏm ñu.#An Hêb 11:11. Pah anŭn Abrahăm tha jat boih. 3Nă đahkơi Sara pơpôn br̂ơi Abrahăm nŭn, Abrahăm iâo ƀŏ ñu “Isă.”#21:3 Ƀŏ Isă tui tam Hêbrơ čiăng laĭ «Klao.» An Phŭn 21:6. 4Tơl nă ñu Isă hmâo păn r̂ơi boih, nŭn Abrahăm tr̂ĕ br̂ơi klĭ ñu, hla ti Ơi Adai pơtă br̂ơi ñu.#An Phŭn 17:12. 5Abrahăm hmâo ayŭ ha tuh thŭn boih, pah a pơpôn Isă nă đahkơi ñu. 6Jr̂ŏng nŭn Sara laĭ: «Ơi Adai ngă br̂ơi kâo klao hôk. Bih mơnuih hmĭ, gơñu ti klao hôk hr̂ŏm kâo mơ̆n.»#An Phŭn 17:17-19; 18:12-15. 7Sara laĭ dŏng: «Pah ahlâo, bĭ hmâo lơi khĭn r̂ă br̂ơi Abrahăm laĭ, “Sara ti pơmĕm nă.” Nêne, kâo pơpôn br̂ơi ñu nă đahkơi boih, pah ñu tha jat.»
A pơpŏl lôi Haga hr̂ŏm Ismael
8Tơl Isă dŭt đĭ dăp klaih mĕm, nŭn Abrahăm pơkr̂a klơi ƀŏng huă pr̂ŏng, mơ̆ng r̂ơi nă ñu klaih mĕm. 9Plai Sara dŏng, ñu ƀôh nă Haga sô̆n-sat Êjĭp klao pơmat. (Nă nŭn yơh Haga pơpôn br̂ơi Abrahăm.) 10Jr̂ŏng nŭn Sara r̂ă br̂ơi Abrahăm: «Pơpŏl lôi đahmơi hlŭn ne dăp nă ñu wŏ, yua nă hlŭn ne, bĭ djơ̆ ti tô̆ dr̂ăm pơđŏk hr̂ŏm Isă nă kâo ôh.»#An Kal 4:29-30. 11Boh hiăp nŭn ngă br̂ơi Abrahăm wă bŭt jat, yua Ismael nă ñu mơ̆n. 12Jr̂ŏng nŭn Ơi Adai pơhiăp hr̂ŏm Abrahăm: «Anăm wă bŭt ôh yua mơ̆ng nă dăm ne, dăp đahmơi hlŭn ih. Ngă tui wŏ tơgr̂ư̆ klơi Sara r̂ă br̂ơi ih, yua djuoi ih a ti yap r̂ai mơ̆ng Isă.#An Rôm 9:6-8. 13Gah nă hlŭn nŭn, kâo ti ngă br̂ơi ñu jr̂ŏng sô̆n-sat ha tô̆, yua ñu djuoi ih mơ̆n.» 14Sêng-ƀr̂êng mơ̆ng guah Abrahăm gŭ mơ̆ng pĕt, ñu tô̆ nŭmpăng dăp ia tăm gơdŭng klĭ br̂ơi Haga, jr̂ŏng nŭn băk br̂ơi mơ̆ng br̂a ñu, wŏt mop br̂ơi nă ñu he mơ̆n, jr̂ŏng nŭn pơđơi ñu biă đuĕ. Nŭn Haga biă đuĕ bat yô bŏ tăm čol dơdang wang ƀon Ƀie-sêƀa.
15Tơl ia mơ̆ng gơdŭng klĭ bih boih, nŭn Haga čr̂oh klaih lôi nă ñu gah yô̆ phŭn kơyâo, 16jr̂ŏng nŭn ñu nao dŏ ben ha dr̂ơi ñu gah năp nă ñu, taih ha lơwang ƀr̂ŏm lĕ a pơnah hr̂ă, yua ñu khư̆t laĭ: «Kâo bĭ čiăng ƀôh nă kâo djai ti năp kâo ôh.» Nĭng nŭn yơh ñu dŏ ben taih iă, nŭn ñu hia hơmr̂ač đĭ. 17Ơi Adai hmĭ ñi nă dăm nŭn, jr̂ŏng nŭn ling-jang Ơi Adai iâo tr̂ŭn Haga mơ̆ng adai dih: «Ơ Haga, hiư̆m, buă yĕt ih hia? Ih anăm huĭ ôh, yua Ơi Adai hmĭ ñi nă ih mơ̆ng ƀon ñu dŏ nŭn yơh. 18Gŭ đĭ wŏ, nao pô̆ đĭ nă ih, djă ngan ñu, yua kâo ti ngă br̂ơi ñu jr̂ŏng sô̆n-sat pr̂ŏng.» 19Pah anŭn Ơi Adai ngă br̂ơi săl ta ñu đaih ƀông, nŭn ñu ƀôh ia kuai. Jr̂ŏng nŭn ñu nao sŏ ia bŏ ha gơdŭng klĭ, ba glaĭ br̂ơi nă ñu ñŭm.
20Ơi Adai dŏ hr̂ŏm nă dăm nŭn, nă nŭn pr̂ŏng đĭ. Ñu dŏ tăm čol dơdang, ñu mơnuih lơgơi gah pơnah hr̂ă. 21Ñu dŏ tăm čol dơdang a iâo čol Paran, jr̂ŏng nŭn mĭ ñu sem đahmơi sô̆n-sat Êjĭp ha r̂ăng, br̂ơi nă ñu ngă bơnai.
Abrahăm kă klơi uăn bơgop hr̂ŏm pơtao Aƀi-malĕk
22Pah anŭn pơtao Aƀi-malĕk dua ñu Phikŭl khua tơhan ñu, gơñu pơhiăp hr̂ŏm Abrahăm#An Phŭn 26:26.: «Ơi Adai dŏ hr̂ŏm ih mơ̆ng tơgr̂ư̆ buă ih ngă, 23nĭng nŭn yơh, nêne kâo dueh mơ̆ng ih uăn hr̂ŏm kâo ti năp Ơi Adai ha ane, ih anăm ngă bĭ kơpă hr̂ŏm kâo lơ nă čo kâo dơdơi kăl ôh, br̂ơi ih ngă hiam hr̂ŏm kâo, dăp ngă hiam hr̂ŏm mơnuih mơ̆ng lŏn-ia ih dŏ dăng ne, hla ti kâo ngă hiam hr̂ŏm ih mơ̆n.» 24Jr̂ŏng nŭn Abrahăm til glaĭ: «Ơ̆, kâo uăn mơ̆n.»
25Jr̂ŏng nŭn Abrahăm hiăp pơtao Aƀi-malĕk, mơ̆ng buă môt hlŭn Aƀi-malĕk mă tô̆ ia kuai ñu. 26Nŭn pơtao Aƀi-malĕk til glaĭ: «Kâo bĭ thâo ôh lơi ngă nĭng nŭn, yua ih bĭ r̂ă br̂ơi kâo. Kâo pah hmĭ r̂ơi ne đơč mơ̆ng buă ne.» 27Jr̂ŏng nŭn Abrahăm tô̆ triw pơanah, mo pơanah, ba nao br̂ơi pơtao Aƀi-malĕk, nŭn dua gơñu kă klơi uăn bơgop hr̂ŏm gŏp gơñu. 28Jr̂ŏng nŭn Abrahăm r̂ih nă triw ña juh dr̂ơi čr̂oh lôi phar̂a. 29Nŭn pơtao Aƀi-malĕk kơña Abrahăm: «Nă triw ña juh dr̂ơi ih čr̂oh lôi phar̂a ne, ih čiăng ngă hiư̆m pă lĕ?» 30Jr̂ŏng nŭn Abrahăm til glaĭ: «Nă triw ña juh dr̂ơi ne, ih ti tô̆ mơ̆ng ngan kâo, čiăng r̂ăng thâo kr̂ăn jel laĭ, kâo yơh pô klơi ia kuai ne dơdi.» 31Yua nŭn yơh, r̂ăng mơ̆ng iâo ƀon nŭn “Ƀie-sêƀa” (čiăng laĭ “Ia kuai klơi uăn”#21:31 Ia kuai klơi uăn lơ «Ia kuai juh dr̂ơi.»), yua dua gơñu hiăp uăn ti ƀon nŭn. 32Nĭng nŭn yơh, dua gơñu kă klơi uăn bơgop hr̂ŏm gŏp gơñu ti ƀon Ƀie-sêƀa nŭn. Jr̂ŏng nŭn pơtao Aƀi-malĕk dua ñu Phikŭl khua tơhan ñu, gơñu gŭ đĭ wŏt glaĭ pơ čal Philistin. 33Abrahăm pla kơyâo ha phŭn tăm ƀon Ƀie-sêƀa, jr̂ŏng nŭn ñu iâo đĭ ƀŏ Yêhôwa, yang dŏ dĭp nao-nao hayoh. 34Abrahăm dŏ dăng mơ̆ng čal Philistin wĭ r̂ơi sơi thŭn.
Currently Selected:
Phŭn Blŭng 21: JKB
Highlight
Share
Copy
Want to have your highlights saved across all your devices? Sign up or sign in
© 2024, Wycliffe Bible Translators, Inc.
Phŭn Blŭng 21
21
Klơi a pơpôn Isă
1 Yêhôwa nao pơ Sara hla ti ñu pơhiăp, jr̂ŏng nŭn ñu pha br̂ơi Sara hla ti klơi ñu uăn. 2Nŭn Sara dŏ năp, jr̂ŏng nŭn pơpôn br̂ơi Abrahăm nă đahkơi ha r̂ăng, djơ̆ tui r̂ơi blan Ơi Adai pơkă hr̂ŏm ñu.#An Hêb 11:11. Pah anŭn Abrahăm tha jat boih. 3Nă đahkơi Sara pơpôn br̂ơi Abrahăm nŭn, Abrahăm iâo ƀŏ ñu “Isă.”#21:3 Ƀŏ Isă tui tam Hêbrơ čiăng laĭ «Klao.» An Phŭn 21:6. 4Tơl nă ñu Isă hmâo păn r̂ơi boih, nŭn Abrahăm tr̂ĕ br̂ơi klĭ ñu, hla ti Ơi Adai pơtă br̂ơi ñu.#An Phŭn 17:12. 5Abrahăm hmâo ayŭ ha tuh thŭn boih, pah a pơpôn Isă nă đahkơi ñu. 6Jr̂ŏng nŭn Sara laĭ: «Ơi Adai ngă br̂ơi kâo klao hôk. Bih mơnuih hmĭ, gơñu ti klao hôk hr̂ŏm kâo mơ̆n.»#An Phŭn 17:17-19; 18:12-15. 7Sara laĭ dŏng: «Pah ahlâo, bĭ hmâo lơi khĭn r̂ă br̂ơi Abrahăm laĭ, “Sara ti pơmĕm nă.” Nêne, kâo pơpôn br̂ơi ñu nă đahkơi boih, pah ñu tha jat.»
A pơpŏl lôi Haga hr̂ŏm Ismael
8Tơl Isă dŭt đĭ dăp klaih mĕm, nŭn Abrahăm pơkr̂a klơi ƀŏng huă pr̂ŏng, mơ̆ng r̂ơi nă ñu klaih mĕm. 9Plai Sara dŏng, ñu ƀôh nă Haga sô̆n-sat Êjĭp klao pơmat. (Nă nŭn yơh Haga pơpôn br̂ơi Abrahăm.) 10Jr̂ŏng nŭn Sara r̂ă br̂ơi Abrahăm: «Pơpŏl lôi đahmơi hlŭn ne dăp nă ñu wŏ, yua nă hlŭn ne, bĭ djơ̆ ti tô̆ dr̂ăm pơđŏk hr̂ŏm Isă nă kâo ôh.»#An Kal 4:29-30. 11Boh hiăp nŭn ngă br̂ơi Abrahăm wă bŭt jat, yua Ismael nă ñu mơ̆n. 12Jr̂ŏng nŭn Ơi Adai pơhiăp hr̂ŏm Abrahăm: «Anăm wă bŭt ôh yua mơ̆ng nă dăm ne, dăp đahmơi hlŭn ih. Ngă tui wŏ tơgr̂ư̆ klơi Sara r̂ă br̂ơi ih, yua djuoi ih a ti yap r̂ai mơ̆ng Isă.#An Rôm 9:6-8. 13Gah nă hlŭn nŭn, kâo ti ngă br̂ơi ñu jr̂ŏng sô̆n-sat ha tô̆, yua ñu djuoi ih mơ̆n.» 14Sêng-ƀr̂êng mơ̆ng guah Abrahăm gŭ mơ̆ng pĕt, ñu tô̆ nŭmpăng dăp ia tăm gơdŭng klĭ br̂ơi Haga, jr̂ŏng nŭn băk br̂ơi mơ̆ng br̂a ñu, wŏt mop br̂ơi nă ñu he mơ̆n, jr̂ŏng nŭn pơđơi ñu biă đuĕ. Nŭn Haga biă đuĕ bat yô bŏ tăm čol dơdang wang ƀon Ƀie-sêƀa.
15Tơl ia mơ̆ng gơdŭng klĭ bih boih, nŭn Haga čr̂oh klaih lôi nă ñu gah yô̆ phŭn kơyâo, 16jr̂ŏng nŭn ñu nao dŏ ben ha dr̂ơi ñu gah năp nă ñu, taih ha lơwang ƀr̂ŏm lĕ a pơnah hr̂ă, yua ñu khư̆t laĭ: «Kâo bĭ čiăng ƀôh nă kâo djai ti năp kâo ôh.» Nĭng nŭn yơh ñu dŏ ben taih iă, nŭn ñu hia hơmr̂ač đĭ. 17Ơi Adai hmĭ ñi nă dăm nŭn, jr̂ŏng nŭn ling-jang Ơi Adai iâo tr̂ŭn Haga mơ̆ng adai dih: «Ơ Haga, hiư̆m, buă yĕt ih hia? Ih anăm huĭ ôh, yua Ơi Adai hmĭ ñi nă ih mơ̆ng ƀon ñu dŏ nŭn yơh. 18Gŭ đĭ wŏ, nao pô̆ đĭ nă ih, djă ngan ñu, yua kâo ti ngă br̂ơi ñu jr̂ŏng sô̆n-sat pr̂ŏng.» 19Pah anŭn Ơi Adai ngă br̂ơi săl ta ñu đaih ƀông, nŭn ñu ƀôh ia kuai. Jr̂ŏng nŭn ñu nao sŏ ia bŏ ha gơdŭng klĭ, ba glaĭ br̂ơi nă ñu ñŭm.
20Ơi Adai dŏ hr̂ŏm nă dăm nŭn, nă nŭn pr̂ŏng đĭ. Ñu dŏ tăm čol dơdang, ñu mơnuih lơgơi gah pơnah hr̂ă. 21Ñu dŏ tăm čol dơdang a iâo čol Paran, jr̂ŏng nŭn mĭ ñu sem đahmơi sô̆n-sat Êjĭp ha r̂ăng, br̂ơi nă ñu ngă bơnai.
Abrahăm kă klơi uăn bơgop hr̂ŏm pơtao Aƀi-malĕk
22Pah anŭn pơtao Aƀi-malĕk dua ñu Phikŭl khua tơhan ñu, gơñu pơhiăp hr̂ŏm Abrahăm#An Phŭn 26:26.: «Ơi Adai dŏ hr̂ŏm ih mơ̆ng tơgr̂ư̆ buă ih ngă, 23nĭng nŭn yơh, nêne kâo dueh mơ̆ng ih uăn hr̂ŏm kâo ti năp Ơi Adai ha ane, ih anăm ngă bĭ kơpă hr̂ŏm kâo lơ nă čo kâo dơdơi kăl ôh, br̂ơi ih ngă hiam hr̂ŏm kâo, dăp ngă hiam hr̂ŏm mơnuih mơ̆ng lŏn-ia ih dŏ dăng ne, hla ti kâo ngă hiam hr̂ŏm ih mơ̆n.» 24Jr̂ŏng nŭn Abrahăm til glaĭ: «Ơ̆, kâo uăn mơ̆n.»
25Jr̂ŏng nŭn Abrahăm hiăp pơtao Aƀi-malĕk, mơ̆ng buă môt hlŭn Aƀi-malĕk mă tô̆ ia kuai ñu. 26Nŭn pơtao Aƀi-malĕk til glaĭ: «Kâo bĭ thâo ôh lơi ngă nĭng nŭn, yua ih bĭ r̂ă br̂ơi kâo. Kâo pah hmĭ r̂ơi ne đơč mơ̆ng buă ne.» 27Jr̂ŏng nŭn Abrahăm tô̆ triw pơanah, mo pơanah, ba nao br̂ơi pơtao Aƀi-malĕk, nŭn dua gơñu kă klơi uăn bơgop hr̂ŏm gŏp gơñu. 28Jr̂ŏng nŭn Abrahăm r̂ih nă triw ña juh dr̂ơi čr̂oh lôi phar̂a. 29Nŭn pơtao Aƀi-malĕk kơña Abrahăm: «Nă triw ña juh dr̂ơi ih čr̂oh lôi phar̂a ne, ih čiăng ngă hiư̆m pă lĕ?» 30Jr̂ŏng nŭn Abrahăm til glaĭ: «Nă triw ña juh dr̂ơi ne, ih ti tô̆ mơ̆ng ngan kâo, čiăng r̂ăng thâo kr̂ăn jel laĭ, kâo yơh pô klơi ia kuai ne dơdi.» 31Yua nŭn yơh, r̂ăng mơ̆ng iâo ƀon nŭn “Ƀie-sêƀa” (čiăng laĭ “Ia kuai klơi uăn”#21:31 Ia kuai klơi uăn lơ «Ia kuai juh dr̂ơi.»), yua dua gơñu hiăp uăn ti ƀon nŭn. 32Nĭng nŭn yơh, dua gơñu kă klơi uăn bơgop hr̂ŏm gŏp gơñu ti ƀon Ƀie-sêƀa nŭn. Jr̂ŏng nŭn pơtao Aƀi-malĕk dua ñu Phikŭl khua tơhan ñu, gơñu gŭ đĭ wŏt glaĭ pơ čal Philistin. 33Abrahăm pla kơyâo ha phŭn tăm ƀon Ƀie-sêƀa, jr̂ŏng nŭn ñu iâo đĭ ƀŏ Yêhôwa, yang dŏ dĭp nao-nao hayoh. 34Abrahăm dŏ dăng mơ̆ng čal Philistin wĭ r̂ơi sơi thŭn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024, Wycliffe Bible Translators, Inc.