Bičepangre 2
2
O Debleskro Dourho vella
1Ap i biboldengro baro dives, hoy kharella Fingsta#2:1 Kova his i biboldengro baro dives, hoy vas panč-deesh divessa pal o Passa. his yon lauter an yek kheer khetne.
2Ap yek kopo phourdas i zorelo oun divyo dourho dran o bolepen an ko tselo kheer, kay yon khetne his. 3Koy dikan le čomone, hoy hi har yagakre čipya. Oun ap hakeneste čivas pes yek čip. 4Oun yon van lauter pherdo Debleskro Dourho, oun rakran an vavar rakepen. Oun yon rakran ko rakepen, hoy o Debleskro Dourho len das.
5Ap ko tsiro his an o foro Yerusalem bibolde dran boud themma, kay mangan o Debles an. 6Har yon ko baro oun zorelo dourho shounan, van yon lauter koy khetne, oun kran bare yaka, har hakeno shounas len an leskro rakepen te rakrell.
7“Kova dell gar!” dan i bibolde gole. “Kolla, kay rakrenn kote, hi dran o them Galilea.
8Har vell kova, kay yon an maro rakepen rakrenna, har te vans le an maro them boldo? 9-10Mer vah dran i themma Partia, Media, Elam, Mesopotamia, Youdea, Kappadocia, Pontus, Asia#2:9-10 Asia: kava dives: Turquie , Frigia, Pamfilia, Egiptia, dran o foro Kirene, kay hi an o them Libia, oun ninna dran o foro Rom. 11Vavar mendar van dran i themma Arabia oun Kreta. Mer shounah len an maro rakepen te rakrell, havo baro koova o Devel kras!”
12Oun i bibolde dan i vasta pral o shero khetne, oun djinan gar bouder, hoy kova hi. Oun yek poučas i vavarestar: “Hoy vell kova?” 13Vavar san len vin, oun penan: “Kol morsha hi mato!”
O Petro penell i menshenge o Debleskro lab
14Koy stas o Petro oun kol vavar deesh-te-yek Yezouseskre bičepangre pre, oun o Petro das gole, oun penas ap i biboldende: “Morshale dran o them Youdea, oun t'mer tsele vavar, kay djivenn kanna an o foro Yerusalem, me kamau t'menge te penell, hoy kate lauter djala kolentsa, kay rakrenna an vavar rakepen. Shounenn, hoy t'menge penau! 15Kol morsha hi gar mato, har t'mer penenna. Hi enyenge taysarlake. 16Kova, hoy t'mer kate dikenna, penas o Debleskro rakepaskro Yoel glan i rah tsiro:
17 Ko tsiro vella, penell o Devel, kay me čivau miro Debleskro Dourho ap i tsele menshende.
Oun t'mare čave oun ča dikenn nay glan-vi, hoy vella.
Oun i terne morsha dikenn kova, hoy o Devel len sikrell, oun i phoure morsha denn souni.
18 Ninna ap mire boudepangre, morsha har djouvya, čivau me miro Debleskro Dourho.
Oun yon penenn i menshenge mire laba.
19 Oun me kamau baro oun zorelo koova te krap, an o bolepen oun ap i phoub.
T'mer dikenn rat, oun yag, oun tampa. 20O kham vell kalo, oun o čon vell lolo har o rat.#2:20 dik: Yoel 3:1-4
Koy djinenn t'mer, te vell ko baro dives sik, kay vell o ray Yezous pale.
21Oun koon ap leste gole della, koles lell lo dran o čilačepen oun o merepen vin.
22Morshale dran Israel, shounenn kal laba, hoy penau t'menge! O Devel bičras ko morshes, o Yezouses dran Nazaret, pash t'mende. Kova kras baro oun zorelo koova mank t'mende, hoy kek vavar nay krella. Yaake sikras o Devel, kay o Yezous lestar vas. T'mer djinenn kova, oun dikan kova lauter. 23T'mer dan o Yezouses an i vasta kolendar, kay gar ap o Debleste patsenna. Oun kolla dan les ap o troushel, oun kote meras yob. Oun hoy t'mer leha kran, kova his yaake glan-diklo o Deblestar.
24Ko Yezouses kras o Devel djido. Yob las les i moulendar vin, oun kek zoor nay rikras les pash i moulende pale.
25Ninna o David rakras o Yezousestar, har yob penas: Me dikau hako tsiro ap o Debleste, miro rayeste. Yob dell man zoor, te rikrap man ap leste. 26Doleske hom me barhtelo an o dji oun me givau. Ninna te merau, djinau: 27Tou moukeh man gar pash i moulende, oun kameh gar, te merell miro mass tele. 28Tou sikral mange ko drom, hoy dell man o djipen. Oun pash toute hom me barhtelo.” #2:28 dik: Debleskri gili 16:8-11
29Oun o Petro penas doureder ap lende: “Morshale, mire phrala, moukenn man t'menge te penell, hoy man ap o dji hi. Maro baro ray David meras, oun vas paskedo. Leskro moulengro kheer nay dikenn t'mer kava dives. 30O David his i Debleskro rakepaskro, kay nay dikas glan-vi, hoy vella. O David djinas, hoy o Devel leske penas, te vell yek pal leste, hoy vell o baro ray. Oun kova vella leskre menshendar. O Devel das pes sovel, te vell kova yaake. 31Oun o Devel moukas o David glan-vi te dikell, kay o Yezous Kristo i moulendar pre stella. Lestar penas o David, te ačell yob gar pash i moulende, oun te ferdjal gar leskro mass.
32Kava Yezouses moukas o Devel i moulendar pre te stell. Kova djinah mer. Mer halauter dikam les djido. 33Oun o Devel kras les ray pral halauter, oun čivas o Debleskro Dourho ap leste, yaake har yob penas. Oun ko Debleskro Dourhes čivas o Yezous ninna ap mende. Kava shounenn oun dikenn t'mer kate.
34O David djas gar pre an o bolepen. Yaake rakras yob gar pral peste, har yob penas: O Devel penas ap miro rayeste: Besh tout ap miri čači rig, 35bis te čivau kolen tel tire pire, kay kamenn tout gar.#2:35 dik: Debleskri gili 110:1
36I tsele menshe an Israel hounte djinenna, o Devel kras, te hi kava Yezous, koles t'mer ap o troushel dan, o ray pral halauter. Yob hi ko baro ray, kolestar o Devel penas, te vell yob.”
37Har kol menshe kova shounan, djas lenge kova an lengro dji. Oun yon poučan o Petrestar oun kol vavar Yezouseskre bičepangrendar: “Morshale, mire phrala, hoy kras mer?”
38Koy penas o Petro ap lende: “T'mer anan doosh#2:38 doosh péché, faute ap t'mende. Mangenn t'men tele glan o Debleste! Oun moukenn t'men ap o Yezous Kristeskro lab te taufrell, te lell o Devel t'mari doosh t'mendar tele, oun te lenn t'mer o Debleskro Dourho! 39O Devel penas, te dell lo peskro Dourho t'mende, oun t'mare čavende, ninna kolende lauterende, kay kanna dour lestar hi, oun kay yob pash peste gole della.”
40Oun boud vavar labentsa rakras o Petro lentsa, oun mangas len, oun penas ap lende: “Moukenn t'men vin te lell dran o čilačepen, te lenn gar koy phagi, hoy vell pral kal čilače menshende, kay djivenn an kava tsiro.”
41Kolla, kay lan leskre laba an pengro dji pre, moukan pen te taufrell. Oun ap ko dives van triin zerya menshe ap o Yezouseste patslo. 42Oun hako tsiro van le khetne oun shounan, hoy o Yezouseskre bičepangre lenge penan. Oun yon rhan o maro khetne, oun mangan o Debles an.
Har i patsle djivan
43Oun o Yezouseskre bičepangre kran boud baro oun zorelo koova, hoy kek vavar nay krella. Oun i traash vas pral i menshende.
44Kolla, kay patslo van, ačan lauter khetne. Oun yon čivan pengro tselo bravlepen khetne, oun kova his lauterenge koy. 45Yon bikran kova, hoy len his, i kotar phoub oun vavar kouč koova, oun dan les kol patslende, kay len či his. 46Hako dives van le khetne an o Debleskro baro kheer. Yon rhan o maro khetne an i khera. Oun yon his barhtelo, te dan yon nay i phralen ninna te rhal. Kova kran le o djiyestar.
47Yon sharan o Debles, oun i tsele menshe dikan lačes ap lende.
Oun hako dives van vavar menshe koy pashel, hoy patslo van.
Currently Selected:
Bičepangre 2: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Bičepangre 2
2
O Debleskro Dourho vella
1Ap i biboldengro baro dives, hoy kharella Fingsta#2:1 Kova his i biboldengro baro dives, hoy vas panč-deesh divessa pal o Passa. his yon lauter an yek kheer khetne.
2Ap yek kopo phourdas i zorelo oun divyo dourho dran o bolepen an ko tselo kheer, kay yon khetne his. 3Koy dikan le čomone, hoy hi har yagakre čipya. Oun ap hakeneste čivas pes yek čip. 4Oun yon van lauter pherdo Debleskro Dourho, oun rakran an vavar rakepen. Oun yon rakran ko rakepen, hoy o Debleskro Dourho len das.
5Ap ko tsiro his an o foro Yerusalem bibolde dran boud themma, kay mangan o Debles an. 6Har yon ko baro oun zorelo dourho shounan, van yon lauter koy khetne, oun kran bare yaka, har hakeno shounas len an leskro rakepen te rakrell.
7“Kova dell gar!” dan i bibolde gole. “Kolla, kay rakrenn kote, hi dran o them Galilea.
8Har vell kova, kay yon an maro rakepen rakrenna, har te vans le an maro them boldo? 9-10Mer vah dran i themma Partia, Media, Elam, Mesopotamia, Youdea, Kappadocia, Pontus, Asia#2:9-10 Asia: kava dives: Turquie , Frigia, Pamfilia, Egiptia, dran o foro Kirene, kay hi an o them Libia, oun ninna dran o foro Rom. 11Vavar mendar van dran i themma Arabia oun Kreta. Mer shounah len an maro rakepen te rakrell, havo baro koova o Devel kras!”
12Oun i bibolde dan i vasta pral o shero khetne, oun djinan gar bouder, hoy kova hi. Oun yek poučas i vavarestar: “Hoy vell kova?” 13Vavar san len vin, oun penan: “Kol morsha hi mato!”
O Petro penell i menshenge o Debleskro lab
14Koy stas o Petro oun kol vavar deesh-te-yek Yezouseskre bičepangre pre, oun o Petro das gole, oun penas ap i biboldende: “Morshale dran o them Youdea, oun t'mer tsele vavar, kay djivenn kanna an o foro Yerusalem, me kamau t'menge te penell, hoy kate lauter djala kolentsa, kay rakrenna an vavar rakepen. Shounenn, hoy t'menge penau! 15Kol morsha hi gar mato, har t'mer penenna. Hi enyenge taysarlake. 16Kova, hoy t'mer kate dikenna, penas o Debleskro rakepaskro Yoel glan i rah tsiro:
17 Ko tsiro vella, penell o Devel, kay me čivau miro Debleskro Dourho ap i tsele menshende.
Oun t'mare čave oun ča dikenn nay glan-vi, hoy vella.
Oun i terne morsha dikenn kova, hoy o Devel len sikrell, oun i phoure morsha denn souni.
18 Ninna ap mire boudepangre, morsha har djouvya, čivau me miro Debleskro Dourho.
Oun yon penenn i menshenge mire laba.
19 Oun me kamau baro oun zorelo koova te krap, an o bolepen oun ap i phoub.
T'mer dikenn rat, oun yag, oun tampa. 20O kham vell kalo, oun o čon vell lolo har o rat.#2:20 dik: Yoel 3:1-4
Koy djinenn t'mer, te vell ko baro dives sik, kay vell o ray Yezous pale.
21Oun koon ap leste gole della, koles lell lo dran o čilačepen oun o merepen vin.
22Morshale dran Israel, shounenn kal laba, hoy penau t'menge! O Devel bičras ko morshes, o Yezouses dran Nazaret, pash t'mende. Kova kras baro oun zorelo koova mank t'mende, hoy kek vavar nay krella. Yaake sikras o Devel, kay o Yezous lestar vas. T'mer djinenn kova, oun dikan kova lauter. 23T'mer dan o Yezouses an i vasta kolendar, kay gar ap o Debleste patsenna. Oun kolla dan les ap o troushel, oun kote meras yob. Oun hoy t'mer leha kran, kova his yaake glan-diklo o Deblestar.
24Ko Yezouses kras o Devel djido. Yob las les i moulendar vin, oun kek zoor nay rikras les pash i moulende pale.
25Ninna o David rakras o Yezousestar, har yob penas: Me dikau hako tsiro ap o Debleste, miro rayeste. Yob dell man zoor, te rikrap man ap leste. 26Doleske hom me barhtelo an o dji oun me givau. Ninna te merau, djinau: 27Tou moukeh man gar pash i moulende, oun kameh gar, te merell miro mass tele. 28Tou sikral mange ko drom, hoy dell man o djipen. Oun pash toute hom me barhtelo.” #2:28 dik: Debleskri gili 16:8-11
29Oun o Petro penas doureder ap lende: “Morshale, mire phrala, moukenn man t'menge te penell, hoy man ap o dji hi. Maro baro ray David meras, oun vas paskedo. Leskro moulengro kheer nay dikenn t'mer kava dives. 30O David his i Debleskro rakepaskro, kay nay dikas glan-vi, hoy vella. O David djinas, hoy o Devel leske penas, te vell yek pal leste, hoy vell o baro ray. Oun kova vella leskre menshendar. O Devel das pes sovel, te vell kova yaake. 31Oun o Devel moukas o David glan-vi te dikell, kay o Yezous Kristo i moulendar pre stella. Lestar penas o David, te ačell yob gar pash i moulende, oun te ferdjal gar leskro mass.
32Kava Yezouses moukas o Devel i moulendar pre te stell. Kova djinah mer. Mer halauter dikam les djido. 33Oun o Devel kras les ray pral halauter, oun čivas o Debleskro Dourho ap leste, yaake har yob penas. Oun ko Debleskro Dourhes čivas o Yezous ninna ap mende. Kava shounenn oun dikenn t'mer kate.
34O David djas gar pre an o bolepen. Yaake rakras yob gar pral peste, har yob penas: O Devel penas ap miro rayeste: Besh tout ap miri čači rig, 35bis te čivau kolen tel tire pire, kay kamenn tout gar.#2:35 dik: Debleskri gili 110:1
36I tsele menshe an Israel hounte djinenna, o Devel kras, te hi kava Yezous, koles t'mer ap o troushel dan, o ray pral halauter. Yob hi ko baro ray, kolestar o Devel penas, te vell yob.”
37Har kol menshe kova shounan, djas lenge kova an lengro dji. Oun yon poučan o Petrestar oun kol vavar Yezouseskre bičepangrendar: “Morshale, mire phrala, hoy kras mer?”
38Koy penas o Petro ap lende: “T'mer anan doosh#2:38 doosh péché, faute ap t'mende. Mangenn t'men tele glan o Debleste! Oun moukenn t'men ap o Yezous Kristeskro lab te taufrell, te lell o Devel t'mari doosh t'mendar tele, oun te lenn t'mer o Debleskro Dourho! 39O Devel penas, te dell lo peskro Dourho t'mende, oun t'mare čavende, ninna kolende lauterende, kay kanna dour lestar hi, oun kay yob pash peste gole della.”
40Oun boud vavar labentsa rakras o Petro lentsa, oun mangas len, oun penas ap lende: “Moukenn t'men vin te lell dran o čilačepen, te lenn gar koy phagi, hoy vell pral kal čilače menshende, kay djivenn an kava tsiro.”
41Kolla, kay lan leskre laba an pengro dji pre, moukan pen te taufrell. Oun ap ko dives van triin zerya menshe ap o Yezouseste patslo. 42Oun hako tsiro van le khetne oun shounan, hoy o Yezouseskre bičepangre lenge penan. Oun yon rhan o maro khetne, oun mangan o Debles an.
Har i patsle djivan
43Oun o Yezouseskre bičepangre kran boud baro oun zorelo koova, hoy kek vavar nay krella. Oun i traash vas pral i menshende.
44Kolla, kay patslo van, ačan lauter khetne. Oun yon čivan pengro tselo bravlepen khetne, oun kova his lauterenge koy. 45Yon bikran kova, hoy len his, i kotar phoub oun vavar kouč koova, oun dan les kol patslende, kay len či his. 46Hako dives van le khetne an o Debleskro baro kheer. Yon rhan o maro khetne an i khera. Oun yon his barhtelo, te dan yon nay i phralen ninna te rhal. Kova kran le o djiyestar.
47Yon sharan o Debles, oun i tsele menshe dikan lačes ap lende.
Oun hako dives van vavar menshe koy pashel, hoy patslo van.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.