Bičepangre 3
3
O Petro oun o Yohanni krenn i banges sasto
1His yek dives, his trinenge, koy djan o Petro oun o Yohanni an o Debleskro baro kheer, te mangenn le o Debles an. 2Kote his i morsh, kova his bango yaake rah har djivell lo. Leskre menshe beshan les hako dives glan o shoukar voudar glan o Debleskro baro kheer, te nay mangell lo love kolendar, kay djan an o Debleskro baro kheer dren.
3Har yob o Yohannes oun o Petres dikas, har yon an o Debleskro baro kheer kaman te djal, mangas yob lendar love. 4Yon dikan zoreles ap leste, oun o Petro penas ap leste: “Dik ap mende!”
5Oun yob dikas ap lende. Yob patsas, te denn le les čomone.
6O Petro penas: “Rup oun sonakay hi man gar. Hoy man hi, dau me tout. An o lab o Yezous Kristestar dran Nazaret penau me touke: Ste pre oun dja trouyel!”
7Oun o Petro tapras les pash o čačo vast, oun har yob les pre tserdas, van leskre pire zorelo oun sasto. 8Yob stas sik pre, nay djas, oun djas lentsa an o Debleskro baro kheer, nashas oun stas trouyel oun sharas o Debles.
9Oun i tsele menshe dikan, kay stas yob trouyel, oun sharas o Debles. 10Oun yon prindjran les pale, kay yob ko mangepaskro his, kay glan o Debleskro baro kheer beshdo his, glan ko voudar, kay kharell shoukar voudar. Oun yon kran bare yaka pral kova, hoy yon dikan, hoy leha djas.
O Petro rakrell an o Debleskro baro kheer
11Oun kava morsh djas bouder gar lendar krik. Oun i tsele menshe nashan pash lende khetne an koy isema, hoy kharell Salomeskri bari isema#3:11 isema chambre , oun yon kran bare yaka.
12Har o Petro kolen dikas, penas lo ap lende: “Morshale dran Israel, hoske krenn t'mer save bare yaka, oun dikenn ap mende? Kova kras gar mari zoor, vitar gar maro patsepen, te nay nashell kava morsh. 13Na-a! O Devel o Abrahamestar, oun o Isaakestar oun o Yakobestar, ko Devel mare dadendar sikras t'mende kate, havi bari zoor oun raylepen yob peskro boudepaskres, o Yezouses, das. Koles dan t'mer an o Pilateskre vasta, oun dan les bourhoste, har o Pilato kamas les te djal moukell. 14T'mer dan koles bourhoste, kay vas o Deblestar, oun kay his kek čilačepen an leste. Oun t'mer mangan o Pilatestar, te moukell lo koles dran o stilepen te djal, kay maras yekes. 15Ko rayes, kay o djipen della, maran t'mer. Koles moukas o Devel i moulendar pre te stell. Kova djinah mer, mer dikam les. 16Mer patsah ap leste. Doleske vas kava morsh sasto. T'mer prindjrenn les lauter oun djinenn, kay yob nashas nay gar. Yob patsas ap o Yezous Kristeste, oun kova kras les sasto.
17Me djinau, mire phrala, kay t'mer djinan gar, hoy t'mer koy kran o Yezouseha. Oun t'mare pralstoune djinan kova vitar gar. 18Lauter vas yaake, har o Devel kova penas. Leskre rakepangre penan glan i rah tsiro, kay hounte merell ko baro ray, kolestar o Devel penas, te vell yob oun lell i menshen dran o čilačepen vin.
19Moukenn t'maro phouro djipen oun avenn pash o Debleste, te lell yob t'mari doosh t'mendar!
20Palle vell ko lačo tsiro, kay dell t'men o Devel nevi zoor. Yob bičrell t'menge koles, kay vas t'menge glan i rah tsiro vin rodedo. Kova hi o Yezous Kristo. 21Yob ačell an o bolepen yaake rah, bis te vell ko tsiro, kay vella lauter neves kerdo. Kova penan menge o Debleskre rakepangre glan i rah tsiro. O Devel penas les lenge.
22O Mose penas: I Debleskro rakepaskro har me hom, saves bičrell o Devel pash t'mende. Kova hi yek t'mare menshendar. Shounenn ap hako lab, hoy yob t'menge penella! 23Koon gar ap koleste shounella, koles hounte čivenn t'mer pale, te nay vell lo bouder gar pash t'mende.#3:23 dik: 5. Mose 18:15; 3. Mose 23:29
24Ninna o Samuel oun kol vavar rakepangre, kay pal leste van, rakran pral kal divessa, kay mer kanna djivah. 25Kova, hoy kol Debleskre rakepangre i menshenge penan, hi t'menge. T'mer han i čave kolendar. Oun ko lab, hoy o Devel t'mare phourenge penas, oun peskro vast pre das, hi ninna t'menge. Yob penas ap o Abrahameste: Koy barht, hoy dau tire menshende, djal doureder ap i tsele menshende, kay ap i phoub hi.#3:25 dik: 1. Mose 12:3; 1. Mose 18:18
26Doleske bičras o Devel peskro boudepaskres, o Yezouses, glanstounes pash t'mende, te anell yob t'menge o Debleskri barht#3:26 Debleskri barht bénédiction , te djal hakeno t'mendar peskro čilačo dromestar tele.”
Currently Selected:
Bičepangre 3: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
