Bičepangre 4
4
O Petro oun o Yohanni glan i pralstunende
1Har o Petro oun o Yohanni kova i menshenge penan, van i rashaya pash lende, ninna ko pralstouno kol klistendar an o Debleskro baro kheer, oun i Sadducarya. 2Yon his rhoyemen pral o Petreste oun o Yohanneste, te sikran kalla i menshende o Debleskro drom oun penan, kay o Yezous i moulendar pre stas. 3Doleske tapran le len oun čivran len i rati an o stilepen.
4Boud kolendar, kay shounan kol laba, hoy o Petro penas, van patslo. Nay his panč zerya menshe.
5O vavar dives, taysarlake, van i biboldengre pralstoune oun phoureder oun čačepangre an o foro Yerusalem khetne. 6Ninna o Hannas, ko baro rashay, oun o Kayafas, oun o Yohanno, oun o Alexandro, oun kol tsele vavar, kay his kol bare rashayengre menshendar, his koy pashel.
7Oun yon moukan o Yezouseskre bičepangren glan pende te anell, oun yon poučan lendar: “An koneskri zoor oun an koneskro lab kran t'mer kova?”
8Oun o Petro, pherdo Debleskro Dourho, penas ap lende:
“T'mer pralstoune oun t'mer phoureder, shounenn! 9Mer kram i lačo koova ap i nasselo mensheste. Oun doleske ham kanna glan t'mende tardo. T'mer poučenn mendar, har yob sasto vas.
10Yaake hounte djinenn t'mer oun i tsele menshe an o them Israel: O Yezous Kristo dran Nazaret, koles t'mer ap o troushel dan, kras kava morshes sasto. Kava Yezouses moukas o Devel i moulendar pre te stell. 11Kova hi ko bar, kay t'mer ap i rig vitsran.#4:11 dik: Debleskri gili 118:22 Kova vas i bar, kay hidjrell o tselo kheer.
12Kek vavar har o Yezous kokres nay anell men pash o Debleste. Ap i tseli phoub das o Devel kek vavares, kay nay lell men dran o čilačepen oun o merepen vin.”
13Har yon dikan, har o Petro oun o Yohanni rakran, kay kek traash an lende his, kran le bare yaka. Oun yon hayvan, kay kolla kek bare rakepangre oun goseve morsha hi, oun djinan ninna, kay yon o Yezouseha khetne his. 14Ninna dikan le ko morshes, kay sasto vas, pash lende tardo, oun nay penan bouder či.
15Koy bičran le len vin, oun rakran mank pende oun penan: 16“Hoy kras mer kal menshentsa? Hakeno an o foro Yerusalem djinell kanna, kay kran kolla i baro koova, hoy kek vavar nay krella. Mer nay dah kova gar bourhoste. 17Das len zoreles trad, te penenn yon kekeske bouder či o Yezousestar, te djal ko rakepen gar doureder pash i tsele menshende!”
18Oun yon dan len gole, dan len trad, oun penan ap lende: “Ma rakrenn bouder či o Yezousestar! Ma penenn i menshenge či, hoy yob t'menge penas!”
19O Petro oun o Yohanni penan ap lende: “Penenn menge, hi kova mishto glan o Debleste, te shounas mer boudeder ap t'mende har ap o Debleste? 20Mer nay rikrah gar maro mouy pral kova, hoy dikam oun shounam.”
21Koy dan le len zoreles trad, oun moukan len te djal. Yon hatsan či ap lende, kay nay dans yon lenge i phagi. I menshe sharan o Debles pral kova, hoy koy djas. 22Ko morsh, kay sasto vas, his star-deesh bersha phouro.
I patsle mangenn o Debles an
23Oun har kolla moukan len te djal, van yon pash i patslende, oun penan lenge, hoy kol bare rashaya, oun kol biboldengre phoureder ap lende penan.
24Har i patsle kova shounan, mangan yon khetne o Debles an, oun penan:
“Ray, tou kral o bolepen oun i phoub, oun o baro pani, oun lauter, hoy djivella.
25O Debleskro Dourho rakras dran o Davideskro mouy:
Hoske hi i menshe ap kay phoub čilačo?
Hoske krenn yon kova, hoy čičeske hi?
26 I bare raya ap kay phoub oun i bare pralstoune van lauter khetne.
Yon hi rhoyemen ap o Debleste oun ap ko baro rayeste, kones o Devel bičras. # 4:26 Ko baro ray kharella Kristo.
27Čačepah, yon van lauter an kava foro khetne:
O Pilato, o Herodes, i Remarya, oun i tsele bibolde dran boud themma.
Yon hi rhoyemen ap tiro boudepaskro Yezous, kay toutar vas.
Koles rodal tou vin, maro Devel, te vell lo baro ray.
28Yaake kran yon kova, hoy tou glan i rah tsiro penal, te vell kova lauter yaake.
29Ray, shouneh tou, kay yon men kanna trad denna?
Mer ham tire boudepangre. De men koy zoor, te nay rakras toutar!
30Sike lende tiri zoor! Kre i nasselen sasto, oun kre boud baro oun zorelo koova an ko lab o Yezousestar, kay toutar vas oun tiro boudepaskro hi!”
31Ap yek kopo, har yon o Debles an-mangan, trissas i phoub kote, kay yon his. Oun o Debleskro Dourho vas ap lauterende. Oun yon penan o Debleskro lab, oun kek traash his an lende.
I patsle čivenn pengro tselo bravlepen khetne
32Kol tsele patslen his yek dji oun yek djipen. Kek lendar penas: Ko bravlepen, hoy man hi, hi mange kokres. Na-a, kova his lauterenge koy!
33Bari zoryah penan o Yezouseskre bičepangre i menshenge, kay o Yezous i moulendar pre stas, oun i menshe hayvan o Debleskro lačepen.
34Hakenes his doha djipaske. Kolen, kay hi len i kotar phoub, i kheer, oun vavar koova, bikran kova, 35oun anan kol love pash i Yezouseskre bičepangre. Oun yon dan hakenes yaake boud, te his hakenes doha djipaske.
36Yaake kras kova ninna o Yosef. Kova his i Levitari oun vas dran o them Ciprus. O Yezouseskre bičepangre dan les ninna Barnabas gole. Ko kharella ap lengro rakepen: O morsh, kay rakrell i menshentsa lačo, te hi lengro dji pharo.
37Oun koles his i kotar phoub. Ko kotar phoub bikras yob, oun anas kol love pash o Yezouseskre bičepangre, te denn le kol love i patslende.
Currently Selected:
Bičepangre 4: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Bičepangre 4
4
O Petro oun o Yohanni glan i pralstunende
1Har o Petro oun o Yohanni kova i menshenge penan, van i rashaya pash lende, ninna ko pralstouno kol klistendar an o Debleskro baro kheer, oun i Sadducarya. 2Yon his rhoyemen pral o Petreste oun o Yohanneste, te sikran kalla i menshende o Debleskro drom oun penan, kay o Yezous i moulendar pre stas. 3Doleske tapran le len oun čivran len i rati an o stilepen.
4Boud kolendar, kay shounan kol laba, hoy o Petro penas, van patslo. Nay his panč zerya menshe.
5O vavar dives, taysarlake, van i biboldengre pralstoune oun phoureder oun čačepangre an o foro Yerusalem khetne. 6Ninna o Hannas, ko baro rashay, oun o Kayafas, oun o Yohanno, oun o Alexandro, oun kol tsele vavar, kay his kol bare rashayengre menshendar, his koy pashel.
7Oun yon moukan o Yezouseskre bičepangren glan pende te anell, oun yon poučan lendar: “An koneskri zoor oun an koneskro lab kran t'mer kova?”
8Oun o Petro, pherdo Debleskro Dourho, penas ap lende:
“T'mer pralstoune oun t'mer phoureder, shounenn! 9Mer kram i lačo koova ap i nasselo mensheste. Oun doleske ham kanna glan t'mende tardo. T'mer poučenn mendar, har yob sasto vas.
10Yaake hounte djinenn t'mer oun i tsele menshe an o them Israel: O Yezous Kristo dran Nazaret, koles t'mer ap o troushel dan, kras kava morshes sasto. Kava Yezouses moukas o Devel i moulendar pre te stell. 11Kova hi ko bar, kay t'mer ap i rig vitsran.#4:11 dik: Debleskri gili 118:22 Kova vas i bar, kay hidjrell o tselo kheer.
12Kek vavar har o Yezous kokres nay anell men pash o Debleste. Ap i tseli phoub das o Devel kek vavares, kay nay lell men dran o čilačepen oun o merepen vin.”
13Har yon dikan, har o Petro oun o Yohanni rakran, kay kek traash an lende his, kran le bare yaka. Oun yon hayvan, kay kolla kek bare rakepangre oun goseve morsha hi, oun djinan ninna, kay yon o Yezouseha khetne his. 14Ninna dikan le ko morshes, kay sasto vas, pash lende tardo, oun nay penan bouder či.
15Koy bičran le len vin, oun rakran mank pende oun penan: 16“Hoy kras mer kal menshentsa? Hakeno an o foro Yerusalem djinell kanna, kay kran kolla i baro koova, hoy kek vavar nay krella. Mer nay dah kova gar bourhoste. 17Das len zoreles trad, te penenn yon kekeske bouder či o Yezousestar, te djal ko rakepen gar doureder pash i tsele menshende!”
18Oun yon dan len gole, dan len trad, oun penan ap lende: “Ma rakrenn bouder či o Yezousestar! Ma penenn i menshenge či, hoy yob t'menge penas!”
19O Petro oun o Yohanni penan ap lende: “Penenn menge, hi kova mishto glan o Debleste, te shounas mer boudeder ap t'mende har ap o Debleste? 20Mer nay rikrah gar maro mouy pral kova, hoy dikam oun shounam.”
21Koy dan le len zoreles trad, oun moukan len te djal. Yon hatsan či ap lende, kay nay dans yon lenge i phagi. I menshe sharan o Debles pral kova, hoy koy djas. 22Ko morsh, kay sasto vas, his star-deesh bersha phouro.
I patsle mangenn o Debles an
23Oun har kolla moukan len te djal, van yon pash i patslende, oun penan lenge, hoy kol bare rashaya, oun kol biboldengre phoureder ap lende penan.
24Har i patsle kova shounan, mangan yon khetne o Debles an, oun penan:
“Ray, tou kral o bolepen oun i phoub, oun o baro pani, oun lauter, hoy djivella.
25O Debleskro Dourho rakras dran o Davideskro mouy:
Hoske hi i menshe ap kay phoub čilačo?
Hoske krenn yon kova, hoy čičeske hi?
26 I bare raya ap kay phoub oun i bare pralstoune van lauter khetne.
Yon hi rhoyemen ap o Debleste oun ap ko baro rayeste, kones o Devel bičras. # 4:26 Ko baro ray kharella Kristo.
27Čačepah, yon van lauter an kava foro khetne:
O Pilato, o Herodes, i Remarya, oun i tsele bibolde dran boud themma.
Yon hi rhoyemen ap tiro boudepaskro Yezous, kay toutar vas.
Koles rodal tou vin, maro Devel, te vell lo baro ray.
28Yaake kran yon kova, hoy tou glan i rah tsiro penal, te vell kova lauter yaake.
29Ray, shouneh tou, kay yon men kanna trad denna?
Mer ham tire boudepangre. De men koy zoor, te nay rakras toutar!
30Sike lende tiri zoor! Kre i nasselen sasto, oun kre boud baro oun zorelo koova an ko lab o Yezousestar, kay toutar vas oun tiro boudepaskro hi!”
31Ap yek kopo, har yon o Debles an-mangan, trissas i phoub kote, kay yon his. Oun o Debleskro Dourho vas ap lauterende. Oun yon penan o Debleskro lab, oun kek traash his an lende.
I patsle čivenn pengro tselo bravlepen khetne
32Kol tsele patslen his yek dji oun yek djipen. Kek lendar penas: Ko bravlepen, hoy man hi, hi mange kokres. Na-a, kova his lauterenge koy!
33Bari zoryah penan o Yezouseskre bičepangre i menshenge, kay o Yezous i moulendar pre stas, oun i menshe hayvan o Debleskro lačepen.
34Hakenes his doha djipaske. Kolen, kay hi len i kotar phoub, i kheer, oun vavar koova, bikran kova, 35oun anan kol love pash i Yezouseskre bičepangre. Oun yon dan hakenes yaake boud, te his hakenes doha djipaske.
36Yaake kras kova ninna o Yosef. Kova his i Levitari oun vas dran o them Ciprus. O Yezouseskre bičepangre dan les ninna Barnabas gole. Ko kharella ap lengro rakepen: O morsh, kay rakrell i menshentsa lačo, te hi lengro dji pharo.
37Oun koles his i kotar phoub. Ko kotar phoub bikras yob, oun anas kol love pash o Yezouseskre bičepangre, te denn le kol love i patslende.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.