Marko 12
12
I čilače harhe
1Oun o Yezous penas lenge laba, kay i khatedo čačepen dren hi. Oun yob penas: His i morsh, koles his i kotar them. Kote čivas lo drakengre rouka an i phoub. Troul ko kotar them čivas lo barra. Oun kote kras lo ninna i platsa an i phoub, kay nay stakrenn le ap i drake, te vell i mool vin. Mashkral kol rouka kras lo i kheer, kay kova beshdo hi, kay dell garda ap i drake. Palle patsas lo ko kotar phoub ap i harhende, te boudrenn le kote leske. Oun yob djas peske an i vavar them. 2Har ko tsiro vas, te anenn le i drake dren, bičras lo peskro boudepaskres pash i harhende, te lell lo lendar kol drake, hoy leske hi. 3Oun i harhe dan les kek drake. Yon tapran les, dan les dava oun bičran les krik. 4Oun ko morsh bičras pale i vavar boudepaskres pash lende. Oun koles dan yon ap o shero, oun praasan les. 5Oun yob bičras i vavares, koles maran yon. Oun boud vavaren bičras lo pash lende. Boud lendar dan yon, kol vavaren maran le.
6Les his yek vavar, leskro čavo, koles kamell yob o djiyestar. Koy penas ko morsh peske: Miro čavestar darenn le. Oun yaake bičras lo pal kol tsele vavarende peskro čaves pash lende. 7Kol harhe rakran mashkral pende: Kova hi leskro čavo, kay lauter lella pal peskro dadeskro merepen. Avenn, maras les, te vell kava kotar them menge, hoy leske hounte vals! 8Oun yon tapran les, maran les, oun vitsran les vin glan ko drakengro them.
9Hoy krell kanna ko ray pral ko drakengro them? Yob vella, oun marell kol harhen, oun dell ko drakengro them i vavaren. 10Djinenn t'mer gar, hoy an o Debleskro lab činlo hi? Kote hi tardo: His i bar, kay i boudepangre lestar penan: Kova hi či moldo. Ko bar las o Devel oun čivas les yaake an o kheer, te rikrell lo ko tselo kheer khetne. 11O Devel kras kova, oun kova hi i baro koova menge.#12:11 dik: Debleskri gili 118:22-23
12Oun yon hayvan, te rakras o Yezous lendar, oun kaman les te taprell. Oun har trashan le i menshendar, tapran le les gar, oun djan krik.
Denn o Debleske kova, hoy leskro hi!
13I Farisarya kran pen khetne kolentsa, kay shounenn ap o Herodes, oun bičran morshen pash o Yezouseste, te taprenn le les an peskro rakepen. 14Oun yon van pash leste, oun penan: “Sikepaskro, mer djinah, tou peneh o čačepen, oun rakreh kekeske pal o mouy, ninna te hi les boud penepaske. Ava, tou sikreh mishto i menshende o Debleskro drom. Pen menge, hi mishto pal maro čačepen, te das mer o themeskre love o baro rayeste an o foro Rom? Playssras len? Playssras len gar?”
15Yob hayvas, te rakran le douy čipyentsa, oun penas ap lende: “Hoske kamenn t'mer man mire labentsa te taprell? Anenn mange i roupeni bema, te dikap lat!”
16Oun yon anan yek. Koy penas yob: “Koneskro shero oun lab hi ap kay bema?”
Penan le: “O shero oun o lab o baro rayestar an o foro Rom.”
17Oun o Yezous penas ap lende: “Yaake denn leste, hoy leskro hi, oun denn o Debleste, hoy leskro hi!” Oun yon kran bare yaka pral leste.
Krell o Devel i moulen djido?
18Palle van i Sadducarya pash leste. Yon hi kolla, kay penenna: I moule venna bouder gar djido.
Kolla poučan lestar: 19“Sikepaskro, o Mose činas an peskre lila: Te merell i rom, kay romedino hi, oun les hi kek čave, palle hounte romedinerell lat leskro phraal, te vell leskro phraleske čaven boldo.#12:19 dik: 5. Mose 25:5-6 20Koy his efta phrala. Oun o phoureder las i romyat, oun meras. Les his kek čave. 21Oun ko douyto las lat oun meras ninna. Oun les his vitar kek čave. Oun ko triinto phraleske djas kova ninna yaake. 22Oun hake efta morshen his kek čave. Palle meras ninna koy romni.
23Kanna poučah toutar: Ap ko tsiro, kay krell o Devel i moulen djido, koneskri romni hi li? Hake efta his lah romedino.”
24Koy penas o Yezous ap lende: “T'mer prindjrenn gar o Debleskro lab, oun o Debleskri zoor vitar gar. Doleske hayvan t'mer či. 25Kol moulen, kay o Devel djido krella, romedinerenn bouder gar oun venna gar romedino. Yon hi har i bolepangre an o bolepen. 26Djinenn t'mer gar, har an o Moseskro liil tardo hi, te venn i moule pale djido. O Devel penas ap o Moseste, har his yob tardo pash o bour, hoy rhačas: Me hom o Abrahameskro Devel oun o Isaakeskro Devel oun o Yakobeskro Devel.#12:26 dik: 2. Mose 3:6
27Oun me penau t'menge: Yob hi gar o Devel kolenge, kay moulo hi. Na-a, yob hi o Devel kol djidenge. T'mer hayvan či!”
Hoy o Devel kamella
28Yek biboldengro čačepaskro his koy pashel oun shounas, har kol Sadducarya leha rakran. Har yob dikas, kay das o Yezous lenge i mishto lab pale, vas lo pash leste oun poučas lestar: “Kol tsele laba, kay penenna, hoy o Devel mendar kamella, havo lab hi o bareder lendar?”
29Penas o Yezous leske: “O bareder lab hi kova: Shoun tou, Israel! Maro Devel hi o ray, hi kek vavar. 30Tou kamess tiro Debles o tselo djiyestar an tiro tselo djipen, an lauter, hoy tou kreh oun djineh.#12:30 dik: 5. Mose 6:4-5 31O douyto Debleskro lab hi kova: Te vess yaake lačes ap koleste, kay pash toute hi, har hal lačes ap toute kokres.#12:31 dik: 3. Mose 19:18 Kek vavar lab, hoy penell, hoy o Devel mendar kamella, hi bareder har kolla douy.”
32Oun ko biboldengro čačepaskro penas ap leste: “Sikepaskro, tou rakral čačepah mishto. Hi yek Devel kokres oun kek vavar. 33Te kamah mer les o tselo djiyeha, an lauter hoy krah oun djinah, oun te ham yaake lačo ap koleste, kay pash mende hi, har ham lačo ap mende kokres, palle hi kova feteder, har i tsele bakre oun groumya, hoy mer marah oun rhačrah o Debleske.”
34Har o Yezous dikas, kay yob mishto rakras, penas lo ap leste: “Tou hal gar dour o Debleskro dromestar.”
Oun yon trashan, te poučenn le lestar boudeder.
O Davideskro čavo
35Oun har o Yezous an o Debleskro baro kheer i menshenge o Debleskro lab penas, poučas lo i menshendar: Hoske penenn kol biboldengre čačepangre, kay ko baro ray, koles o Devel bičrell, o Davideskro čavo hi? 36O David penas lestar, har o Debleskro Dourho ap leste vas: O Devel penas ap miro rayeste: Besh tout ap miri čači rig, bis te čivau kolen tel tire pire, kay hi rhoyedo ap toute.#12:36 dik: Debleskri gili 110:1 37Koy penell o David mo ray ap leste. Har vell lo nay leskro čavo?
Oun i tsele menshe kaman, te shounenn le o Yezouseskro rakepen.
I čačepangren hi douy djia
38Oun yob rakras ap lende oun penas: Denn yak ap t'mende! Kova, hoy kol biboldengre čačepangre krenna, hi gar mishto. Len hi lengste koola ap lende, te sikrenn le, te hi le o Debleskre menshe. Te djan le an o foro, kamenn le, te penenn i menshe “Lačo dives, mo ray” ap lende. 39An i biboldengre kangria kamenn le ap i pralstoune beshepangre te beshenn. Oun pash i baro rhapen kamenn le ap i feteder beshepangre te beshenn. 40Yon lenn i khera kol djouvyendar krik, kolengre romma meran. Yon rakrenn o Debleha i rah tsiro, te dikenn i menshe, har patslo yon hi. Ap ko dives, kay rakrell o Devel o čačepen pral lende vin, lenn le i zorleder phagi har kol vavar.
I čorveli romni
41An o Debleskro baro kheer his i lovengri piri tardo, kay i menshe love o Debleske dren čivan. Oun o Yezous beshas pes pashel oun dikas, har kol menshe love dren čivan. Oun boud bravele čivan boud dren. 42Koy vas i čorveli djouvel, kolakro rom meras. Yoy čivas douy tikne kotya dren. Kova his yaake boud har yek bema.
43Koy das yob peskre malen pash peste gole, oun penas ap lende: “Čačepah, me penau t'menge: Koy romni das boudeder o Debleske, har kol tsele vavar, kay čivan love dren. 44Kol tsele vavar dan love dran pengro bravlepen. Kay čorveli romni das halauter, hoy lat his, halauter, hoy lat his djipaske.”
Currently Selected:
Marko 12: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Marko 12
12
I čilače harhe
1Oun o Yezous penas lenge laba, kay i khatedo čačepen dren hi. Oun yob penas: His i morsh, koles his i kotar them. Kote čivas lo drakengre rouka an i phoub. Troul ko kotar them čivas lo barra. Oun kote kras lo ninna i platsa an i phoub, kay nay stakrenn le ap i drake, te vell i mool vin. Mashkral kol rouka kras lo i kheer, kay kova beshdo hi, kay dell garda ap i drake. Palle patsas lo ko kotar phoub ap i harhende, te boudrenn le kote leske. Oun yob djas peske an i vavar them. 2Har ko tsiro vas, te anenn le i drake dren, bičras lo peskro boudepaskres pash i harhende, te lell lo lendar kol drake, hoy leske hi. 3Oun i harhe dan les kek drake. Yon tapran les, dan les dava oun bičran les krik. 4Oun ko morsh bičras pale i vavar boudepaskres pash lende. Oun koles dan yon ap o shero, oun praasan les. 5Oun yob bičras i vavares, koles maran yon. Oun boud vavaren bičras lo pash lende. Boud lendar dan yon, kol vavaren maran le.
6Les his yek vavar, leskro čavo, koles kamell yob o djiyestar. Koy penas ko morsh peske: Miro čavestar darenn le. Oun yaake bičras lo pal kol tsele vavarende peskro čaves pash lende. 7Kol harhe rakran mashkral pende: Kova hi leskro čavo, kay lauter lella pal peskro dadeskro merepen. Avenn, maras les, te vell kava kotar them menge, hoy leske hounte vals! 8Oun yon tapran les, maran les, oun vitsran les vin glan ko drakengro them.
9Hoy krell kanna ko ray pral ko drakengro them? Yob vella, oun marell kol harhen, oun dell ko drakengro them i vavaren. 10Djinenn t'mer gar, hoy an o Debleskro lab činlo hi? Kote hi tardo: His i bar, kay i boudepangre lestar penan: Kova hi či moldo. Ko bar las o Devel oun čivas les yaake an o kheer, te rikrell lo ko tselo kheer khetne. 11O Devel kras kova, oun kova hi i baro koova menge.#12:11 dik: Debleskri gili 118:22-23
12Oun yon hayvan, te rakras o Yezous lendar, oun kaman les te taprell. Oun har trashan le i menshendar, tapran le les gar, oun djan krik.
Denn o Debleske kova, hoy leskro hi!
13I Farisarya kran pen khetne kolentsa, kay shounenn ap o Herodes, oun bičran morshen pash o Yezouseste, te taprenn le les an peskro rakepen. 14Oun yon van pash leste, oun penan: “Sikepaskro, mer djinah, tou peneh o čačepen, oun rakreh kekeske pal o mouy, ninna te hi les boud penepaske. Ava, tou sikreh mishto i menshende o Debleskro drom. Pen menge, hi mishto pal maro čačepen, te das mer o themeskre love o baro rayeste an o foro Rom? Playssras len? Playssras len gar?”
15Yob hayvas, te rakran le douy čipyentsa, oun penas ap lende: “Hoske kamenn t'mer man mire labentsa te taprell? Anenn mange i roupeni bema, te dikap lat!”
16Oun yon anan yek. Koy penas yob: “Koneskro shero oun lab hi ap kay bema?”
Penan le: “O shero oun o lab o baro rayestar an o foro Rom.”
17Oun o Yezous penas ap lende: “Yaake denn leste, hoy leskro hi, oun denn o Debleste, hoy leskro hi!” Oun yon kran bare yaka pral leste.
Krell o Devel i moulen djido?
18Palle van i Sadducarya pash leste. Yon hi kolla, kay penenna: I moule venna bouder gar djido.
Kolla poučan lestar: 19“Sikepaskro, o Mose činas an peskre lila: Te merell i rom, kay romedino hi, oun les hi kek čave, palle hounte romedinerell lat leskro phraal, te vell leskro phraleske čaven boldo.#12:19 dik: 5. Mose 25:5-6 20Koy his efta phrala. Oun o phoureder las i romyat, oun meras. Les his kek čave. 21Oun ko douyto las lat oun meras ninna. Oun les his vitar kek čave. Oun ko triinto phraleske djas kova ninna yaake. 22Oun hake efta morshen his kek čave. Palle meras ninna koy romni.
23Kanna poučah toutar: Ap ko tsiro, kay krell o Devel i moulen djido, koneskri romni hi li? Hake efta his lah romedino.”
24Koy penas o Yezous ap lende: “T'mer prindjrenn gar o Debleskro lab, oun o Debleskri zoor vitar gar. Doleske hayvan t'mer či. 25Kol moulen, kay o Devel djido krella, romedinerenn bouder gar oun venna gar romedino. Yon hi har i bolepangre an o bolepen. 26Djinenn t'mer gar, har an o Moseskro liil tardo hi, te venn i moule pale djido. O Devel penas ap o Moseste, har his yob tardo pash o bour, hoy rhačas: Me hom o Abrahameskro Devel oun o Isaakeskro Devel oun o Yakobeskro Devel.#12:26 dik: 2. Mose 3:6
27Oun me penau t'menge: Yob hi gar o Devel kolenge, kay moulo hi. Na-a, yob hi o Devel kol djidenge. T'mer hayvan či!”
Hoy o Devel kamella
28Yek biboldengro čačepaskro his koy pashel oun shounas, har kol Sadducarya leha rakran. Har yob dikas, kay das o Yezous lenge i mishto lab pale, vas lo pash leste oun poučas lestar: “Kol tsele laba, kay penenna, hoy o Devel mendar kamella, havo lab hi o bareder lendar?”
29Penas o Yezous leske: “O bareder lab hi kova: Shoun tou, Israel! Maro Devel hi o ray, hi kek vavar. 30Tou kamess tiro Debles o tselo djiyestar an tiro tselo djipen, an lauter, hoy tou kreh oun djineh.#12:30 dik: 5. Mose 6:4-5 31O douyto Debleskro lab hi kova: Te vess yaake lačes ap koleste, kay pash toute hi, har hal lačes ap toute kokres.#12:31 dik: 3. Mose 19:18 Kek vavar lab, hoy penell, hoy o Devel mendar kamella, hi bareder har kolla douy.”
32Oun ko biboldengro čačepaskro penas ap leste: “Sikepaskro, tou rakral čačepah mishto. Hi yek Devel kokres oun kek vavar. 33Te kamah mer les o tselo djiyeha, an lauter hoy krah oun djinah, oun te ham yaake lačo ap koleste, kay pash mende hi, har ham lačo ap mende kokres, palle hi kova feteder, har i tsele bakre oun groumya, hoy mer marah oun rhačrah o Debleske.”
34Har o Yezous dikas, kay yob mishto rakras, penas lo ap leste: “Tou hal gar dour o Debleskro dromestar.”
Oun yon trashan, te poučenn le lestar boudeder.
O Davideskro čavo
35Oun har o Yezous an o Debleskro baro kheer i menshenge o Debleskro lab penas, poučas lo i menshendar: Hoske penenn kol biboldengre čačepangre, kay ko baro ray, koles o Devel bičrell, o Davideskro čavo hi? 36O David penas lestar, har o Debleskro Dourho ap leste vas: O Devel penas ap miro rayeste: Besh tout ap miri čači rig, bis te čivau kolen tel tire pire, kay hi rhoyedo ap toute.#12:36 dik: Debleskri gili 110:1 37Koy penell o David mo ray ap leste. Har vell lo nay leskro čavo?
Oun i tsele menshe kaman, te shounenn le o Yezouseskro rakepen.
I čačepangren hi douy djia
38Oun yob rakras ap lende oun penas: Denn yak ap t'mende! Kova, hoy kol biboldengre čačepangre krenna, hi gar mishto. Len hi lengste koola ap lende, te sikrenn le, te hi le o Debleskre menshe. Te djan le an o foro, kamenn le, te penenn i menshe “Lačo dives, mo ray” ap lende. 39An i biboldengre kangria kamenn le ap i pralstoune beshepangre te beshenn. Oun pash i baro rhapen kamenn le ap i feteder beshepangre te beshenn. 40Yon lenn i khera kol djouvyendar krik, kolengre romma meran. Yon rakrenn o Debleha i rah tsiro, te dikenn i menshe, har patslo yon hi. Ap ko dives, kay rakrell o Devel o čačepen pral lende vin, lenn le i zorleder phagi har kol vavar.
I čorveli romni
41An o Debleskro baro kheer his i lovengri piri tardo, kay i menshe love o Debleske dren čivan. Oun o Yezous beshas pes pashel oun dikas, har kol menshe love dren čivan. Oun boud bravele čivan boud dren. 42Koy vas i čorveli djouvel, kolakro rom meras. Yoy čivas douy tikne kotya dren. Kova his yaake boud har yek bema.
43Koy das yob peskre malen pash peste gole, oun penas ap lende: “Čačepah, me penau t'menge: Koy romni das boudeder o Debleske, har kol tsele vavar, kay čivan love dren. 44Kol tsele vavar dan love dran pengro bravlepen. Kay čorveli romni das halauter, hoy lat his, halauter, hoy lat his djipaske.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.