Luk 20
20
Ira na lehona tana Jiu ara gesuaa ia Jisas vei te boroha mai nina susuliha ia
(Matiu 21:23-27; Mak 11:27-33)
1E chikai na dani tahuna ia Jisas te sasanira na tinoni nira levu kulina mai na Vale Tabu Leho, me kori vanira nina saurongo talana ia God, mara laba nidira lehona nira ira na tinoni ni kere mi ira na tinoni toto manasa tana nina keja ia Mosis mi ira na tinoni leholeho, mara mai 2mara gesuaa ia Jisas, “?Ko kori vanihami hoe, isei te sau vaniho hoe na mana to ago tatana? ?Na susuliha vahai vei to tamania hoe ovu ni agosia na omea nira nia?”
3Ma ia Jisas e kori vahai vanira de, “Inau ngavina lakamu ku gesuahamu chikai na omea. Kamu kori vaniu. 4?Vahai vei? ?Isei te sau vania ia Jon na susuliha hana te lesovi tabura ira na tinoni tatana? ?Ia God se na tinoni bamu?”
5Mara tuturiha ira na vaikorihi tovosi mara kori vahai de, “?Na hua ta kalu kori vania lohita ia? Rongona tina kalu kori vahai lohita ia e vota mai tatana ia God, ma ia ba ke kori vahai vanilohita de, ‘?Me vahai vei mamu teha lohamu na donua ia Jon?’ 6Me tina vahai kalu kori vahai lohita ia e vota mai bamu tatana na tinoni, mi ira kode lalaka de ba kara tai matelohita rongona ira ara hae vago nohaa ia e chikai na propet.”
7Ba, mara kori vahai vania loera de, “Lohami ami voo vei te vota mai.”
8Ma ia Jisas e kori vahai vanira de, “Me tina ke vahai ia, nau ba ku teha kori vanilohamu ivei te vota mai na susuliha tu agosia nau na omea nira de.”
Na kori titihila tatana na tinoni sekoseko tara morosi taonia na uta leho
(Matiu 21:33-46; Mak 12:1-12)
9Ma ia Jisas e kori vanira ira na tinoni na kori titihila me kori vahai de, “E toha chikai na dani me laba chikai na tinoni me chukaa nina uta ni grep. Kode me livu vanira kesana na tinoni kara pelua ma kara ni ago luhi tatana, me dia ia me toha oka tatana chikai na vera tovosi. 10Mi tahuna te laba tana tahu ni churia na uta leho nia, na tamanina uta nia e sau diaa chikai na tinoni ago tatadira na tinoni nira tara morosi taonia nina uta leho ia, me ke ni tahaa ia nina vatasa, te vahai na pepeluna ia. Mara tuu ira na tinoni morosi taonia na uta leho mara hulia nina tinoni ago taovia mara huru visu voloa, mara teha laka sau vania siki omea. 11Ma na tamanina na uta leho nia e sau diaa e chikai laka nina tinoni ago. Me vahai soha nomu uluhina, mara tuu ira tara morosi taoni uta mara labua mara sekoli kalavataa mara huru visu voloa. 12Ma na tamanina uta nia e sau dia lakaa na tolunina nina tinoni ago, mara vahani sohaa, mara labu kiraa mara choni salihia tana uta.
13“Bukena me kori vahai na tamanina uta nia de, ‘?Tina ke vahai ia, ma na hua ba ku agosia nau? Ngeni ba ku sau diaa nau na dalegu tu sahavia, ia kanau ba kara tamani kukuni ira tatana.’
14“Mi tahuna ira tara morosi taoni uta tara morosia na dalena te laba, mara vaikorihi ira mara kori vahai de, ‘Tahuna de, ide na dalena kalavata na tamanina uta te ke tuhua na tohana te sau maia de. Hida kalu labu matea ma kalu tamania lohita nina uta.’ 15Mi tahuna nia ara tuu mara choni salihia tana vota ni uta mara labu matea.”
Tahuna nia, me tuu ia Jisas me gesuara ira na tinoni, “?Na hua te ke agosia na tamanina uta nia vanira ira na tinoni tara morosi taoni uta nia? 16Ngeni ba ke mai me ke labu matera na tinoni nira, me ke saua na uta nia vanira kesana tinoni tovosi kara morosi taoni vania.”
Tahuna tara valingea ira mara kori vahai ira de, “!Ke mui kiki vahai ia!”
17Ma ia Jisas e moro susuliha dia tatadira me gesuara, “?Ba, ma na hua rongona ara vu mare vahania ira de tana Mamare Tabu,
“‘Ia na makara tara hoso tahania ira na tinoni loho vale
te lia na borongana makara te tuhurua na vale nia?’
18“Me siki tinoni te tubulahi tatana makara nia, ba ke kira taengana. Me tina ke ruchu na makara nia me ke matavia, ba ke pepeta.”
19Ira na tinoni toto manasa tana nina keja ia Mosis mi nidira lehona nira ira na tinoni ni kere ara ngangavina kara taria ia Jisas okana vahai nia, rongona ira ara pada hadovia nina kori titihila ia Jisas e kalera ira. Mara teha ira na taria ia rongona tara matahunira ira na tinoni.
Ira na lehona tana Jiu ara gesuaa ia Jisas tana pelu takisi vania i Rom
(Matiu 22:15-22; Mak 12:13-17)
20Mara daia siki tahu ta kara taria ia Jisas. Mara volia kesana tinoni kara dia vahai na tinoni talana ma kara bulesia ia Jisas me ke ni kori savi, kara ni hanaa ira na tariana ma na sau dia vania na taovia tana provins. 21Ba, mara tuu na tinoni chaumate nira mara gesuaa ia Jisas, “Ticha, lohami ami hanaa nimu valagu ma na nimu sasani hoe e hoto kalavata, mo morosia visa na tinoni me chikai bamu aja, mo sasanira na tinoni kara toha taonia na hua te ngangavina ia God. 22?Me vahai vei, e hoto vanihita hita na Jiu ka pelu takisi vania na tinoni taovia leho i Rom teha me teha?”
23Ma ia Jisas e hae vagoa tara ngavina ira na lekasia me kori vahai vanira de, 24“Kamu tihisi vaniu ba nau ke chikai na golo vahai tamu pelu takisi hamu tatana. ?Isei na nununa ma na asana te toha tatana?”
Mara kori vahai ira de, “Na nununa ma na asana ia Sisa.”
25Ma ia Jisas e kori vahai vanira de, “Kamu vania ia Sisa na hua ninana ia Sisa, ma kamu vania ia God na hua ninana ia God.”
26Ma na tinoni loera nia ara tangarebo na lekasia ia Jisas me ke ni kori ruri ia tana levuhadira ira na tinoni. Ara makaia loera na didiana vahai te tuhu visua ia lodira gesu loera mara mui bamu.
Ira na Sadiusi ara gesuaa ia Jisas tana tahu ni mauri visu
(Matiu 22:23-33; Mak 12:18-27)
27Mi bukena, mara mai kesana na Sadiusi, ira tara kovahai na tinoni te mate ba ke utu ke mauri visu laka. Mara gesuaa ia Jisas, 28mara kori vahai de, “Ticha, ia Mosis te mare vanihita na keja vahai de, ‘Tina vahai ke chikai na mane ke mate basia na tauna, mara ko teha vata na tamania siki dalekodira, nina ago na tasina na tinoni te mate nia ke tauha lakaa na daki chamu nia me ke ni tamani gari ke ni taha datoa na vuvuguna na tasina te mate nia.’ 29Me chikai dani, ara toha e vitu na mane tamatasi. Na tinoni uluhi e taulahi, me mate me teha tamani dalena. 30Me tuu na rukanina tasina me taulahinia na daki chamu nia, me mate basi sohaa. 31Saisai mi loera vitu tamatasi tara taulahinia daki nia ara mate kode, mara teha tamani siki dalelodira. 32Mi bukena me mate lakamu na daki nia. 33?Me vahai vei, tana dani ira na mate kara mauri visu, isei nomu vidalodira loera e vitu tamatasi nia na tauna kalavata na daki nia?”
34Ma ia Jisas e kori vahai vanira de, “Ira na tinoni tana pari de ara vaitaulahanihi na daki ma na mane. 35Mi ira te vilira ia God mara mauri visu tana mate mara toha tana mauri sali ba kara teha na vaitaulahanihi tana tahu vahai nia. 36Mi ira ba kara vahai nina enjol nira ia God tara voo na mate. Ira na dalena God ba kara mauri visu tana mate. 37Mi tana tahu ia God te laba lenga vania ia Mosis tana hai kakaruha te vuruvuru nia, ia Mosis e tihisi lengaa ira tara mate ba kara mauri visu. Rongona ia Mosis e marea tana Mamare Tabu me soloa na asana God vahai ‘na nina God ia Ebraham, ma ia Aesak, ma ia Jekob,’ seisuge ira ara mate nohaa. 38Ma ia God de na nidira God ira na tinoni tara mauri, me teha siki nidira God ira na tinoni mate, rongona na mamauri sali tatana ia God.”
39Mi kesana na tinoni toto manasa tana nina keja ia Mosis tara toha tana tahu nia, ara valagu dia vania ia Jisas mara kori vahai de, “!Ticha, e mana solehana nimu valagu nira hoe ia!” 40Mi tahuna nia mara matahu ira na gesuaa ia siki omea laka.
Ia Jisas e gesuara na tinoni nira tana rongona na Mesaea
(Matiu 22:41-46; Mak 12:35-37)
41Ma ia Jisas e gesuara, “?E vahai vei ara vu koria ira na Mesaea nia na kukuana ia Deved? 42Rongona ia Deved tovosina te kori labati nohaa na Mesaea tana buka ni Linge Tabu, me kori vahai de,
“‘Ia God e kori vania nigu Taovia nau,
Ihoe ko tohotuu tana madoagu nau, mo ko ni tamani kolu nigu susuliha nau,
43po ke chau tana tahu inau ku livua hamu hala nira tana vavana tuamu.’
44“Ia Deved e soloa na Mesaea nia nina Taovia. ?Ke vahai laka vei ke vu kukuana ia Deved te ke lia laka nina Mesaea ia?”
Ia Jisas e paratanga vanira hana duli tana rongodira na tinoni toto manasa tana keja
(Matiu 23:1-36; Mak 12:38-40)
45Tahuna tara vavalinge na tinoni nira, ia Jisas e kori vahai vanira hana duli nira de, 46“Kamu kanakana hamu tatadira ira na tinoni toto manasa tana nina keja ia Mosis. Ira ara ngavina na lela kolu na tividira daho, mara ngavina na tinoni kara livu kaera tahuna tara laba tana sai leho. Mara ngavina ira kara tohotuu nahonaho tana vale lotu mi tana tahu ni hahani. 47Ara lagoia na nidira omea levo ira na daki chamu, mara koria kesana na nonginongi daho me ke ni padaa na tinoni, ira ara tutuni vania ia God. Na tinoni vahai nira nia, hadira rota ba ke leho solehana.”
Currently Selected:
Luk 20: mln
Highlight
Share
Copy
Want to have your highlights saved across all your devices? Sign up or sign in
© 2024 (active), Wycliffe Bible Translators, Inc. All rights reserved
Luk 20
20
Ira na lehona tana Jiu ara gesuaa ia Jisas vei te boroha mai nina susuliha ia
(Matiu 21:23-27; Mak 11:27-33)
1E chikai na dani tahuna ia Jisas te sasanira na tinoni nira levu kulina mai na Vale Tabu Leho, me kori vanira nina saurongo talana ia God, mara laba nidira lehona nira ira na tinoni ni kere mi ira na tinoni toto manasa tana nina keja ia Mosis mi ira na tinoni leholeho, mara mai 2mara gesuaa ia Jisas, “?Ko kori vanihami hoe, isei te sau vaniho hoe na mana to ago tatana? ?Na susuliha vahai vei to tamania hoe ovu ni agosia na omea nira nia?”
3Ma ia Jisas e kori vahai vanira de, “Inau ngavina lakamu ku gesuahamu chikai na omea. Kamu kori vaniu. 4?Vahai vei? ?Isei te sau vania ia Jon na susuliha hana te lesovi tabura ira na tinoni tatana? ?Ia God se na tinoni bamu?”
5Mara tuturiha ira na vaikorihi tovosi mara kori vahai de, “?Na hua ta kalu kori vania lohita ia? Rongona tina kalu kori vahai lohita ia e vota mai tatana ia God, ma ia ba ke kori vahai vanilohita de, ‘?Me vahai vei mamu teha lohamu na donua ia Jon?’ 6Me tina vahai kalu kori vahai lohita ia e vota mai bamu tatana na tinoni, mi ira kode lalaka de ba kara tai matelohita rongona ira ara hae vago nohaa ia e chikai na propet.”
7Ba, mara kori vahai vania loera de, “Lohami ami voo vei te vota mai.”
8Ma ia Jisas e kori vahai vanira de, “Me tina ke vahai ia, nau ba ku teha kori vanilohamu ivei te vota mai na susuliha tu agosia nau na omea nira de.”
Na kori titihila tatana na tinoni sekoseko tara morosi taonia na uta leho
(Matiu 21:33-46; Mak 12:1-12)
9Ma ia Jisas e kori vanira ira na tinoni na kori titihila me kori vahai de, “E toha chikai na dani me laba chikai na tinoni me chukaa nina uta ni grep. Kode me livu vanira kesana na tinoni kara pelua ma kara ni ago luhi tatana, me dia ia me toha oka tatana chikai na vera tovosi. 10Mi tahuna te laba tana tahu ni churia na uta leho nia, na tamanina uta nia e sau diaa chikai na tinoni ago tatadira na tinoni nira tara morosi taonia nina uta leho ia, me ke ni tahaa ia nina vatasa, te vahai na pepeluna ia. Mara tuu ira na tinoni morosi taonia na uta leho mara hulia nina tinoni ago taovia mara huru visu voloa, mara teha laka sau vania siki omea. 11Ma na tamanina na uta leho nia e sau diaa e chikai laka nina tinoni ago. Me vahai soha nomu uluhina, mara tuu ira tara morosi taoni uta mara labua mara sekoli kalavataa mara huru visu voloa. 12Ma na tamanina uta nia e sau dia lakaa na tolunina nina tinoni ago, mara vahani sohaa, mara labu kiraa mara choni salihia tana uta.
13“Bukena me kori vahai na tamanina uta nia de, ‘?Tina ke vahai ia, ma na hua ba ku agosia nau? Ngeni ba ku sau diaa nau na dalegu tu sahavia, ia kanau ba kara tamani kukuni ira tatana.’
14“Mi tahuna ira tara morosi taoni uta tara morosia na dalena te laba, mara vaikorihi ira mara kori vahai de, ‘Tahuna de, ide na dalena kalavata na tamanina uta te ke tuhua na tohana te sau maia de. Hida kalu labu matea ma kalu tamania lohita nina uta.’ 15Mi tahuna nia ara tuu mara choni salihia tana vota ni uta mara labu matea.”
Tahuna nia, me tuu ia Jisas me gesuara ira na tinoni, “?Na hua te ke agosia na tamanina uta nia vanira ira na tinoni tara morosi taoni uta nia? 16Ngeni ba ke mai me ke labu matera na tinoni nira, me ke saua na uta nia vanira kesana tinoni tovosi kara morosi taoni vania.”
Tahuna tara valingea ira mara kori vahai ira de, “!Ke mui kiki vahai ia!”
17Ma ia Jisas e moro susuliha dia tatadira me gesuara, “?Ba, ma na hua rongona ara vu mare vahania ira de tana Mamare Tabu,
“‘Ia na makara tara hoso tahania ira na tinoni loho vale
te lia na borongana makara te tuhurua na vale nia?’
18“Me siki tinoni te tubulahi tatana makara nia, ba ke kira taengana. Me tina ke ruchu na makara nia me ke matavia, ba ke pepeta.”
19Ira na tinoni toto manasa tana nina keja ia Mosis mi nidira lehona nira ira na tinoni ni kere ara ngangavina kara taria ia Jisas okana vahai nia, rongona ira ara pada hadovia nina kori titihila ia Jisas e kalera ira. Mara teha ira na taria ia rongona tara matahunira ira na tinoni.
Ira na lehona tana Jiu ara gesuaa ia Jisas tana pelu takisi vania i Rom
(Matiu 22:15-22; Mak 12:13-17)
20Mara daia siki tahu ta kara taria ia Jisas. Mara volia kesana tinoni kara dia vahai na tinoni talana ma kara bulesia ia Jisas me ke ni kori savi, kara ni hanaa ira na tariana ma na sau dia vania na taovia tana provins. 21Ba, mara tuu na tinoni chaumate nira mara gesuaa ia Jisas, “Ticha, lohami ami hanaa nimu valagu ma na nimu sasani hoe e hoto kalavata, mo morosia visa na tinoni me chikai bamu aja, mo sasanira na tinoni kara toha taonia na hua te ngangavina ia God. 22?Me vahai vei, e hoto vanihita hita na Jiu ka pelu takisi vania na tinoni taovia leho i Rom teha me teha?”
23Ma ia Jisas e hae vagoa tara ngavina ira na lekasia me kori vahai vanira de, 24“Kamu tihisi vaniu ba nau ke chikai na golo vahai tamu pelu takisi hamu tatana. ?Isei na nununa ma na asana te toha tatana?”
Mara kori vahai ira de, “Na nununa ma na asana ia Sisa.”
25Ma ia Jisas e kori vahai vanira de, “Kamu vania ia Sisa na hua ninana ia Sisa, ma kamu vania ia God na hua ninana ia God.”
26Ma na tinoni loera nia ara tangarebo na lekasia ia Jisas me ke ni kori ruri ia tana levuhadira ira na tinoni. Ara makaia loera na didiana vahai te tuhu visua ia lodira gesu loera mara mui bamu.
Ira na Sadiusi ara gesuaa ia Jisas tana tahu ni mauri visu
(Matiu 22:23-33; Mak 12:18-27)
27Mi bukena, mara mai kesana na Sadiusi, ira tara kovahai na tinoni te mate ba ke utu ke mauri visu laka. Mara gesuaa ia Jisas, 28mara kori vahai de, “Ticha, ia Mosis te mare vanihita na keja vahai de, ‘Tina vahai ke chikai na mane ke mate basia na tauna, mara ko teha vata na tamania siki dalekodira, nina ago na tasina na tinoni te mate nia ke tauha lakaa na daki chamu nia me ke ni tamani gari ke ni taha datoa na vuvuguna na tasina te mate nia.’ 29Me chikai dani, ara toha e vitu na mane tamatasi. Na tinoni uluhi e taulahi, me mate me teha tamani dalena. 30Me tuu na rukanina tasina me taulahinia na daki chamu nia, me mate basi sohaa. 31Saisai mi loera vitu tamatasi tara taulahinia daki nia ara mate kode, mara teha tamani siki dalelodira. 32Mi bukena me mate lakamu na daki nia. 33?Me vahai vei, tana dani ira na mate kara mauri visu, isei nomu vidalodira loera e vitu tamatasi nia na tauna kalavata na daki nia?”
34Ma ia Jisas e kori vahai vanira de, “Ira na tinoni tana pari de ara vaitaulahanihi na daki ma na mane. 35Mi ira te vilira ia God mara mauri visu tana mate mara toha tana mauri sali ba kara teha na vaitaulahanihi tana tahu vahai nia. 36Mi ira ba kara vahai nina enjol nira ia God tara voo na mate. Ira na dalena God ba kara mauri visu tana mate. 37Mi tana tahu ia God te laba lenga vania ia Mosis tana hai kakaruha te vuruvuru nia, ia Mosis e tihisi lengaa ira tara mate ba kara mauri visu. Rongona ia Mosis e marea tana Mamare Tabu me soloa na asana God vahai ‘na nina God ia Ebraham, ma ia Aesak, ma ia Jekob,’ seisuge ira ara mate nohaa. 38Ma ia God de na nidira God ira na tinoni tara mauri, me teha siki nidira God ira na tinoni mate, rongona na mamauri sali tatana ia God.”
39Mi kesana na tinoni toto manasa tana nina keja ia Mosis tara toha tana tahu nia, ara valagu dia vania ia Jisas mara kori vahai de, “!Ticha, e mana solehana nimu valagu nira hoe ia!” 40Mi tahuna nia mara matahu ira na gesuaa ia siki omea laka.
Ia Jisas e gesuara na tinoni nira tana rongona na Mesaea
(Matiu 22:41-46; Mak 12:35-37)
41Ma ia Jisas e gesuara, “?E vahai vei ara vu koria ira na Mesaea nia na kukuana ia Deved? 42Rongona ia Deved tovosina te kori labati nohaa na Mesaea tana buka ni Linge Tabu, me kori vahai de,
“‘Ia God e kori vania nigu Taovia nau,
Ihoe ko tohotuu tana madoagu nau, mo ko ni tamani kolu nigu susuliha nau,
43po ke chau tana tahu inau ku livua hamu hala nira tana vavana tuamu.’
44“Ia Deved e soloa na Mesaea nia nina Taovia. ?Ke vahai laka vei ke vu kukuana ia Deved te ke lia laka nina Mesaea ia?”
Ia Jisas e paratanga vanira hana duli tana rongodira na tinoni toto manasa tana keja
(Matiu 23:1-36; Mak 12:38-40)
45Tahuna tara vavalinge na tinoni nira, ia Jisas e kori vahai vanira hana duli nira de, 46“Kamu kanakana hamu tatadira ira na tinoni toto manasa tana nina keja ia Mosis. Ira ara ngavina na lela kolu na tividira daho, mara ngavina na tinoni kara livu kaera tahuna tara laba tana sai leho. Mara ngavina ira kara tohotuu nahonaho tana vale lotu mi tana tahu ni hahani. 47Ara lagoia na nidira omea levo ira na daki chamu, mara koria kesana na nonginongi daho me ke ni padaa na tinoni, ira ara tutuni vania ia God. Na tinoni vahai nira nia, hadira rota ba ke leho solehana.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (active), Wycliffe Bible Translators, Inc. All rights reserved