Mʉkpanganɨa 24
24
Abalaama ɔhatɨɔ Isaka moi
1Abalaama a꞉ɓio tɨa mʉkʉʉ nɔgbɛ. Nɔ, MAKWƆƁƗƗ a꞉mukiokio alɨngbaa lɔ yaka ta liɓomu. 2Kʉdɔ, ɓisi mʉngana, ga ɨyɔ nɔ mutatasie ɔ ɓombi ɓɔ tɛa ngʉɓangɔ, ɨya, a꞉ɓikanga lɨkyɛmʉ ngɨlangɔ liɓomu ɓɔ: «Ha gue, ika tɔnapɨa ɨkɔndɔ aɨsɨ ɔ ɨpɔʉ ngɨyɛsɛmɨ aka. 3Nɔ, wɔkio silika akɔ ino yɔ MAKWƆƁƗƗ, Asɔɓɨɨ ngɨa a꞉kɨa ɓisi nɔ dɔdɔ ɓɔ wangɔsɨkɨa mwana asɛmɨ moi aka, ati ɔ ɓiga ɓeɓoi ngʉɓa ɓɔ Ɓakanana, aɨkʉmbʉ ngɨyɛ na꞉wolo-ɔɔ aka. 4Yakamɛngana, wabi ta akɔ ɨkʉmbʉ yɛta ɨja ngɨyɛ aki ɨfananja ngɨyɛsɛmɨ ya-ɛɛ, nɔ, wɔ꞊nasɨkɨa mwana asɛmɨ Isaka moi ta inani.» 5Ga mombi ɔ tɛa ngɨananɨ nayɔ ɓɔ: «Ha aba-e, andɔ moi ɔbayenimʉ anɨka ɨhɔ nɛmɨ, iyani aɨkʉmbʉ ngɨyɛ? Ɨsɨ yɔngɔ ɓɔ nabi ndɨ nɔ mwana ngɨasɔɔ ata gʉe inani aɨkʉmbʉ ngɨyɛ wɛ꞉ka jɛnɛ-ɛɛ?» 6Ga Abalaama nayɔ ɓɔ: «Pɔ bele, watɨsamʉ nɔ mwana ngɨasɛmɨ inani. 7MAKWƆƁƗƗ, Asɔɓɨɨ ngɨa a꞉kɨa ɓisi, ɨyakɛ a꞉nangwiso ɨmɨ amati ɔ ɨkáá ngɨa aba, nɔ amati ɔ ɨkʉmbʉ yɔ ɨfananja ngɨyɛsɛmɨ, kʉ ɨyɔ akɛ, a꞉yakanaka nɛmɨ. Nɔ, ɔ꞉kio silika ɓɔ ɛ꞊njo ɨkʉmbʉ gɨyɛ akɔ ɓanɔnɔ ɓɔsɛmɨ. Ta Asɔɓɨɨ ngɨananɨ akɛ, a꞊tʉma suo malaika ngʉwangɔ apɛɨ asɔɔ. Kʉɓanɨ, wa꞊sɨkɨa mwana asɛmɨ moi, anɨngwa ta inani. 8Moi ɔyaeni dɔ anɨka ɨhɔ nɔwɛ, ambɔ wɔɓoonokio nɔ silika ngɨa wanɨsa akɔkio. Yakamɛngana, watɨsamʉ pɛpɛ dɔ ta nɔ mwana ngɨasɛmɨ inani.» 9Kʉdɔ, mombi ɔ tɛa ngɨananɨ, ɔ꞉napɨa ɨkɔndɔ ɛsɨ ɔ ɨpɔɔ ngɨa Abalaama makwangɔ, nɔ, ɔ꞉kio silika ga a꞊kɨa yaka ngɨyɛnɛnɨ ɔ꞉mʉngɨɔ kɨanɨ.
Mombi ɔ tɛa ɔsɔ ahatɨa Isaka moi
10Ɔ꞉sɨka ɓangamɨa ngʉɓɔ makwangɔ tɛkɛɓɛ, ɨhɔ kʉ nɔ apɛpɛ wɔ ɓayaka ɓɔta manjanja nɔgbɛ ngʉɓɔ makwangɔ a꞉ɓio naɓɔ, ɔ꞉ngwɨa kyɛnda. Ɔ꞉pʉnga nɨsa nɔ ʉgbaa mesu nɔ ɨkʉmbʉ yɛta ɨja ngɨyɔ Mɛsɔpɔtamɨa, akɔ gʉlʉ ngɨa aki Naholi a꞉ɓio-ɛɛ. 11Ndʉ mombi ɔ tɛa ngɨananɨ wɔ Abalaama, a꞉ɓɔya aɓei ɔ gʉlʉ, tinene nɔ ʉpɨa wɔ mipo, ɔ꞉gbʉkʉmiso ɓangamɨa ananɨ. Ya꞉ɓio tɨa ɨpasɨ, angbinga ngɨa ɓoi ɓakyɔchwɛa-ɔɔ anɨsa atʉka mipo. 12Ɔ꞉sugo ɓɔ: «Hii, MAKWƆƁƗƗ, Asɔɓɨɨ ngɨyɔ makwasɛmɨ Abalaama, nɔnɛtɔ ɓɔ anasalɨa ɓaka ɓʉɓʉnʉ ɓɔ nɨnɨanɨa nɔ ɨkyɛmʉ ngɨyɛ nakʉnda, nɔ, wɔpananiso iɗo iɗo ngɨyɛsɔɔ akɔ makwasɛmɨ Abalaama. 13Ɨna ɨmɨ ɨya, nemaɔ anambamba ɔ ɨkɔ aka, nɔ, ɓasaɓakyɛ ɓɔ ɓamakwɔ ɓɔ gʉlʉ ɓakyɛka atʉka mipo aka. 14Mwana ɔ ɓasaɓakyɛ ngɨa na꞊musigio ɓɔ, kikiliki, chukumiso ɓaka kpɛngʉ nɨmwanana mwana ɔ mipo, nɔ, ɔnatosio ga: ‹Mwa pɨ, nɔ, na꞊mwiso kʉ nɔ ɓangamɨa ngʉɓɔsɔɔ.› Ɨyɔ akɛ, iɓio ɓaka ɨya, wa꞉mʉsʉakɨa baya asɔɔ Isaka. Kʉɓanɨ, ya꞊pananiso iɗo iɗo ngɨyɛsɔɔ, akʉʉ ɔ makwasɛmɨ.»
15Ɨyɔ, ta ɓɔ angɔpipenimʉ anʉnga yaka ngɨyɛnɛnɨ, mwana ata moi mʉngana ino ɓɔ Lɛbɛka, ɔ꞉chwɛanɨa nɔ kpɛngʉ amapaka. Ɨyɔ, a꞉ɓio mwana ɔ Bɛtʉɛlɨ; ɨya mwana ɔ Milika, Milika ngɨa moi ɔ Naholi. Naholi ngɨa ɓa꞉chwɛa nɔ Abalaama. 16A꞉ɓio aunabi ata muɗo ɓɔ njɨanjɨa, angɛmbɨenimʉ-sɨ yaka yɔ dɔdɔ. Kʉdɔ, ɔ꞉jo inani amʉdʉʉ wɔ ɨkɔ, nɔ, ɔ꞉huso mipo amati ɔ kpɛngʉ, nɔ, ɔ꞉potio chwɛa nakɔ. 17Mombi ɔ tɛa ngɨananɨ ɔ꞉mʉtɛtɨa, ɔ꞉musigio ɓɔ: «Kikiliki, anamwiso ɓaka mwana ɔ mipo ngʉka akpɛngʉ bele.» 18Ga ɨyɔ ɓɔ: «Mwa pɨ makwasɛmɨ.» Ɔ꞉diso kpɛngʉ gagaa akɔ ʉpaka, nɔ, ɔ꞉munjenjio mipo. 19Ɨyɛ ndʉ a꞉minjo mipo ɓanɨ, ga ɨyɔ nayɔ ɓɔ: «Na꞊tʉkɨa kʉ nɔ ɓangamɨa ngʉɓɔsɔɔ, akɔɓɔya ta aka ɓamwota-ɔɔ.» 20Gagaa ngɨananɨ, ɔ꞉sɨka mipo ngʉka ka꞉tukoo amati ɔ kpɛngʉ, ɔ꞉kutio ɓangamɨa amati ɔ ɨdɔmbɨa yɔ ikopi. Nɔ, ɔ꞉tʉgbʉa ɓata aɨkɔ akɔtʉkakɨa ɓanama mipo, akɔɓɔya ta aka ɓamwota-ɔɔ ɓaɓomu. 21Mafague ɔ꞉mʉkanga ɓɔ gbɔɔ, sɔkɔmʉ ɨsamʉa. Ɔ꞉ɓokwono amati angɔ ɓɔ: «MAKWƆƁƗƗ ɔ꞉kiokio ndɨ kyɛnda ngɨyɛsɛmɨ ayɛ kiokioni?»
22Ɨyɛ ndʉ ɓangamɨa ɓa꞉ndana anɨmwa mipo, mombi ɔ tɛa ngɨananɨ ɔ꞉minjo gwa ata moi pɛtɛ ɔ ɔlɔ, ɓagalama tinetine ndʉ mɛɗɨa, kʉ nɔ ɓangɛga ɓɔ lɨkɔndɔ ɓapɨnɨ ʉɓɔ ɔlɔ, mʉngana nɔ ɓagalama ndʉ mɨya mʉnga. 23Ga ɨyɔ ga: «Mwana ata moi, wa-sɨ mwana anɨ? Nɔnakikelekio ɨna, anɔngɨa-sɨ. Inani atɨ atɔ, ɨda ya ndɨ kʉɔ adaa ngɨa nakwaa-ɔɔ, ɨmɨ, ɨhɔ nɔ ambaja ngɨasɛmɨ kʉ nɔ ɓanama?» 24Gwa ata moi ɔ꞉mutosio ɓɔ: «Na mwana ɔ Bɛtʉɛlɨ ngɨa a mwana ɔ momo Milika ɨɓɔ nɔ kuku Naholi.» 25Ga ɨyɔ ɓata nayɔ ɓɔ: «Lanja akɔ ɓanama anɨdya ɨhɔ nɔ njele, dɔ, ɓɨkwaa akʉʉ ɔngɔ, la andɛsɔ lɨja. Ʉmʉa adaa ngɨa mubika akwaa-ɔɔ, wa kʉɔ.» 26Gue ngɨananɨ, ɔ꞉tʉkʉma, nɔ, ɔ꞉gbʉkʉmɨa apɛɨ ɔ MAKWƆƁƗƗ, 27ga ɨyɔ ananɨ ɓɔ: «MAKWƆƁƗƗ, Asɔɓɨɨ ngɨyɔ makwasɛmɨ Abalaama, ɨsɨka ʉbɨba. Ɨyɔ ngɨa a꞉sɨamʉ apananiso iɗo iɗo nɔ ɓʉkʉnda ngʉɓangɔ akɔ makwasɛmɨ! MAKWƆƁƗƗ ɔ꞉naɓoiso aɨfananja ngɨyɔ makwasɛmɨ ta gagaa.»
28Mwana ata moi ɔ꞉sa bangʉ akɔnʉngakɨa atɨ inye yaka ngɨyɛnɛnɨ iɓomu. 29Lɛbɛka a꞉ɓio nɔ manye ata gue ino ɓɔ Labanɨ. Kʉdɔ, ɨyɔ Labanɨ, a꞉chwɛa bangʉ aɓei anɨsa atɛtɨa gue ngɨananɨ tinene nɔ ɨkɔ. 30Labanɨ a꞉ɓio ɓɔ ɛneni pɛtɛ nɔ ɓangɛga alɨkɔndɔ lɔ manye, nɔ, ɔ꞉ka kʉ nɔ yaka ngɨyɛ gue ngɨananɨ, a꞉ngakɨa Lɛbɛka. Kʉdɔ, ɛ꞉ka agbʉka gue ngɨananɨ, aka a꞉ɓio-ɔɔ ɓɛmaɨ anambamba ɔ ɓangamɨa, tinene nɔ ɨkɔ. 31Ga Labanɨ nayɔ ɓɔ: «Ha gue, ika tɨɓɔya tɨa andɛsɔ andei, ʉwɛ ngɨa MAKWƆƁƗƗ a꞉nɔkiokio! Wa꞊ɓio-sɨ aɓei aka dɔtanɨ? Nɔ꞉natambanakɨɔ ɨda yɔ ɓʉkwaa tambanakɨanɨ, kʉ nɔ ʉmʉa akɔ ɓangamɨa ngʉɓɔsɔɔ.»
32Kʉdɔ, mombi ɔ tɛa ɔ꞉kumonio ambɛnɨ. Labanɨ ɔ꞉pʉnga dikiso lɨkyɛmʉ amʉkɔngʉ wɔ ɓangamɨa. E꞉njo ɓangamɨa lanja anɨdya, ɨhɔ nɔ njele, dɔ, ɓɨkwaa akʉʉ ɔngɔ. Ɓɛ꞉kɨa gue ngɨananɨ, nɔ mipo kɔ jaɓana mʉtɨndɨ, ɨhɔ tɨa kʉ nɔ ɓombi ngʉɓa ɓa꞉kyɛndaka naɓɔ. 33Ananɨ ɓɛ꞉ka nɔ idyo apɛɨ angɔ ga gbʉ. Yakamɛngana, ga ɨyɔ naɓɔ ɓɔ: «Nangɔmʉ-sɨ adyakaka, nangɔngakenimʉ yaka ngɨyɛ nɛ꞉kɔ nayɔ.» Ga Labanɨ nayɔ ɓɔ: «Sugo-ʉʉ.»
34Ɔ꞉pʉnga yaka asugo ɓɔ: «Ɨmɨ na aka, baya ɔ Abalaama. 35MAKWƆƁƗƗ a꞉kiokio Abalaama makwasɛmɨ kʉ ingono, nɔ, ɛ꞉ka mombi ata mʉja. A꞉minjo ɓakɔndɔlɔ nɔ ɓangɔmbɛ, nɔ ɓagyɛgyɛ nɔ ɔlɔ, nɔ ɓombi ɓɔ tɛa ɓague nɔ ɓoi ɓɔngɔ, nɔ ɓangamɨa, nɔ ɓapunda. 36Sala moi ɔ makwasɛmɨ, a꞉sɨa ɓɔ ɔ꞉mʉnɔtɨeni makwasɛmɨ mwana, ɨyɔ tɨta mʉkʉʉ wɔ moi. Abalaama e꞉njo mwana ngɨananɨ ata gue mʉgyɛndɔ wɔ maɓɨɨ ngʉwangɔ uɓomu. 37Makwasɛmɨ a꞉nakiiso pɔngɔ silika asugo ɓɔ: ‹Wangɔsɨkɨa mwana asɛmɨ moi aka, ati ɔ ɓiga ɓeɓoi ngʉɓa ɓɔ Ɓakanana aɨkʉmbʉ ngɨyɛ na꞉wolo-ɔɔ aka. 38Yakamɛngana, wabi ta akɔ ɨkáá ngɨa aba, nɔ aki ɨfananja ngɨyɛsɛmɨ ya-ɛɛ, nɔ, wɔ꞊nasɨkɨa mwana asɛmɨ Isaka moi ta inani.› 39Kʉdɔ, na꞉sigio makwasɛmɨ ɓɔ: ‹Adiga moi angɔbayamʉ nɛmɨ akɔkpata.› 40Makwasɛmɨ ɔ꞉natosio ɓɔ: ‹Ɨmɨ, na꞉kyɛndaka ɨhɔ nɔ MAKWƆƁƗƗ masi maɓomu. Ɨyɔ, a꞊natʉmɨa malaika ngʉwangɔ, ɨhɔ nɔwɛ, ambɔ kyɛnda ngɨyɛsɔɔ yɨkwa ta majɨɔ. Kʉdɔ, wa꞊sɨkɨa mwana asɛmɨ moi anɨngwa ta aɨkáá ngɨa aba, nɔ amati ɔ ɨfananja ngɨyɛsɛmɨ. 41Ndʉ wa꞊ɓɔya inani aɨfananja ngɨyɛsɛmɨ, nɔ ɨɓɔ, ɓɔyaa nɔwɛ aninjo gwa ata moi, ambɔ, wɔɓoonokio nɔ mʉgwɛ ngʉwa na꞉napakiso pɔngɔ ɓoonokio.› 42Ɨyɛ ndʉ nɔ꞉ɓɔyɔ ɓʉɓʉnʉ akɔ ɨkɔ, nɛtɔ ɓɔ: ‹Hii, MAKWƆƁƗƗ ngɨyɔ makwasɛmɨ Abalaama, nɔnɛtɔ ɓɔ anasalɨa ɓaka ɓʉɓʉnʉ, ɓɔ kyɛnda ngɨyɛsɛmɨ yɨkwa ta majɨɔ. 43Ɨna ɨmɨ ɨya, nɛmaɔ anambamba ɔ ɨkɔ-a, mwana ɔ ɓasaɓakyɛ ngɨa ɛ꞊ka atʉka mipo aka nɔ ɨya, na꞊musigio ɓɔ: Ananjonono ɓaka mwana ɔ mipo bele akɔ kpɛngʉ ngɨasɔɔ nɨmwa. 44Nɔ, ɨya a꞉natosio ɓɔ: Mwa pɨ, nɔ, na꞊tʉkɨa kʉ nɔ ɓangamɨa ngʉɓɔsɔɔ. Ɨyɔ ngɨananɨ akɛ, iɓio moi ngɨa MAKWƆƁƗƗ a꞉sʉakɨa, mwana ngɨyɔ makwasɛmɨ.›
45Ɨmɨ, ta ɓɔ na꞉ngɔpipenimʉ anʉnga yaka ngɨyɛnɛnɨ, Lɛbɛka ɔ꞉chwɛanɨa nɔ kpɛngʉ akɔ ʉpaka. Ɔ꞉jo amʉdʉʉ wɔ ɨkɔ, nɔ, ɔ꞉tʉka mipo. Ga ɨmɨ nayɔ ɓɔ: ‹Ananjonono ɓaka mwana ɔ mipo bele nɨmwa.› 46Kʉdɔ, ɔ꞉hʉya ta chukumiso kpɛngʉ ngɨa a꞉ɓio ɔtʉmbeni, ga ɨyɔ ananɨ ga: ‹Mwa-pɨ, nɔ ne꞊njo kʉ nɔ ɓangamɨa ngʉɓɔsɔɔ.› Kʉdɔ, nɔ꞉mwa ta ɓanɨ, nɔ, e꞉njo kʉ nɔ ɓangamɨa. 47Ga ɨmɨ nayɔ ɓɔ: ‹Wa-sɨ mwana ɔ anɨ?› Ɔ꞉natosio ɓɔ: ‹Na mwana ɔ Bɛtʉɛlɨ ngɨa mwana ɔ momo Milika nɔ kuku Naholi.› Kʉdɔ, ananɨ, nɔ꞉mʉsʉmbana pɛtɛ amɔɔ, nɔ ɓangɛga alɨkɔndɔ. 48Nɔ꞉tʉkʉma, nɔ, nɔ꞉gbʉkʉmɨa apɛɨ ɔ MAKWƆƁƗƗ, nɔ, nɔ꞉tosio ʉbɨba akɔ Asɔɓɨɨ, MAKWƆƁƗƗ ngɨyɔ makwasɛmɨ Abalaama, ɨya, ɔ꞉naɓoiso ta gagaa, anɨsa asɨkɨa mwana ɔ makwasɛmɨ, gwa ata moi ta mwana ɔ manye.
49Anaɓɨa ɨtakɨtakɨ ngɨyɛ, ɓɔ ii ga pɔ ɓɔ haa, ɓɔ wa-ndɨ akʉnda pananiso ɓʉkʉnda nɔ iɗo iɗo, atɨ Abalaama makwasɛmɨ. Anaɓɨa, iɗo ambɔ nɨmbɨa ɓɔ ya tanɨ.» 50Ga Labanɨ ɨɓɔ nɔ Bɛtʉɛlɨ ananɨ ɓɔ: «Isu, tangɔmʉ nɔ yaka pɔ mɛnga nɔwɛ anʉngɨa, ga pɔ ɓɔ ii, ga pɔ ɓɔ haa. Yaka ngɨyɛ, yɛ꞉kɔ atɨ MAKWƆƁƗƗ. 51Lɛbɛka kʉ ɨya, aɓɛmaɨ apɛɨ asɔɔ. Mʉsɨka pɨ, nɔ, wɔsa nayɔ akɔɓio moi ɔ mwana ɔ makwasɔɔ, kʉndʉ aka MAKWƆƁƗƗ a꞉sugo-ɔɔ.»
Lɛbɛka ɔngwɨɔ kyɛnda yɔ ɨɓáá
52Ɨyɛ ndʉ mombi ɔ tɛa ngɨyɔ Abalaama ɔ꞉ka yaka ngɨyɛnɛnɨ, ɔ꞉gbʉkʉmɨa aɨsɨ apɛɨ ɔ MAKWƆƁƗƗ. 53Mombi ɔ tɛa ɔ꞉chwɛiso lɨkyɛmʉ lɔ mako kɔ dada, nɔ ɓayaka ɓɔ ɔlɔ nɔ lɨpʉkʉ, kʉdɔ, ɔ꞉minjo Lɛbɛka. Nɔ, e꞉njo kʉ nɔ lɨkyɛmʉ ngalɛmɔ lɔ ɨgabʉ atɨ manye ngɨa ata gue nɔ atɨ inye. 54Mbise ɔ yaka ngɨyɛnɛnɨ, ndʉ ɨyɔ, nɔ ɓombi ngʉɓa a꞉kyɛndaka naɓɔ, ɓa꞉dyakaka, nɔ, mwakanaka, ɓɔ꞉kwaa tɨta ananɨ. Ɨyɛ ɓisi ɓɔ꞉ya nayɔ nekuɓa yɔngɔ, ga mombi ɔ tɛa ngɨyɔ Abalaama ɓɔ: «Nɔnɨtɔ ɓɔ, na-sɨ ɨmɨ, a꞉tɔa tɨa kʉ atɨ makwasɛmɨ.» 55Ga atɨ inye ɔ Lɛbɛka nɔ ɓamanye ɓɔ: «Isu ta tukoo-sɨ nɔ atɨ Lɛbɛka ta aka, abi suo inani tɨa ambise ɔ makwaa ndʉ tɛkɛɓɛ.» 56Yakamɛngana, mombi ɔ tɛa ngɨananɨ, ɔ꞉ɓutosio ɓɔ: «Nátɨnachanisienimʉ ɓaka ɓata ngbinga, dɔ MAKWƆƁƗƗ ɔ꞉to majɨɔ toni akɔ kyɛnda ngɨyɛsɛmɨ. Yɛtɔ tɨa ɓɔ nɨtɔwa, atɨ makwasɛmɨ.» 57Ga ɨɓɔ nayɔ ɓɔ: «Ndʉ ya gɔ ɓanɨ, ta꞊misoko-sɨ ɨyɔ, gwa ata moi, iɗo ambɔ tɨmbɨa ɓɔ ɨyɔ, akʉnda tanɨ.» 58Kʉdɔ, ɓa꞉misoko Lɛbɛka, ɓɔ꞉muɓokuo ɓɔ: «Ná-ndɨ anɨsa tɨta nɔ gue ngɨakɛ?» Ga ɨyɔ, ɓɔ: «Ii nanɨsa tɨta nɨsa.» 59Kʉdɔ, ɓɔ꞉minjo kyɛnda anɨsa nɔ mombi ɔ tɛa ngɨa Abalaama, nɔ ambaja ngɨangɔ. Ɓa꞉kyɛndaka kʉ nɔ inye yɔ moi ngɨa a꞉ɓimʉkyanakɨa Lɛbɛka, nɔ ɨya a꞉muhuo anɨngwa ta aɨɓwana. 60Ɓɔ꞉mukiokio asugo ɓɔ:
«Ʉwɛ Lɛbɛka gwa ata moi ngɨyeso-ɛɛ!
Ɓio inye ɔ ɓana sɔkɔmʉ nɔ ipoye-ɛɛ.
Ɓana, nɔ ɓanɔnɔ nɔ ɓanɔnɔ ɓɔ ɓanɔnɔ ngʉɓɔsɔɔ,
ɓɨsɨka ihoi ngɨyɛ yɔ ɓamʉyaa ɓeɓo sɨkanɨ-ɛɛ!»
61Kʉdɔ, Lɛbɛka nɔ ɓoi ngʉɓa ɓa꞉ɓimʉkyanakɨa ɓa꞉ɗeto akʉʉ ɔ ɓangamɨa. Ɓɔ꞉kpata mombi ɔ tɛa ngɨyɔ Abalaama, ɓɔsɨka ɓɔsa.
62Angbinga ngɨa ɓa꞉ɓio-ɔɔ anɨsa anɔ Kanana, Isaka a꞉ɓio ɓɔ ɔhokeni anɨngwa anɔ Bɛlɨ-Laɨ-Lɔɨ, ɔ꞉tɔwolo tɨa ɨkʉmbʉ anɔ Negebu. 63Tɨa nɔ ɨpasɨ yɔ ɓisi mʉngana ɓɔ, Isaka a꞉chwɛa akɔkyɛndanaka ati ɔ chʉngbʉ. Ɨyɛ a꞉giso ɓajwa ɓɔ, ɛ꞉na ta mʉkalapa wɔ ɓangamɨa akɔnɨka. 64Ɨyɛ Lɛbɛka a꞉mɨna Isaka, ɔ꞉jo ga kputuku, aka a꞉ɓio akʉʉ ngamɨa aka. 65Kʉdɔ, a꞉ɓokuo mombi ɔ tɛa ngɨyɔ Abalaama ɓɔ: «Anɨ pɨ akɛ anɨka nesu akɔtɛtɨa iyani ati ɔ chʉngbʉ ɓɔ?» Mombi ɔ tɛa ɔ꞉mutosio ɓɔ: «Makwasɛmɨ ɨyananɨ.» Kʉdɔ, Lɛbɛka ɔ꞉sɨka ɨtambala ngɨangɔ, ɔ꞉kutono nayɔ mesu. 66Mombi ɔ tɛa ɔ꞉mʉngakɨa Isaka yaka iɓomu ngɨyɛ a꞉kɨa. 67Kʉdɔ, Isaka a꞉mʉsɨka Lɛbɛka, ɔ꞉tɔmukumoniso amati ɔ ɨhɛma ngɨyɛ abɨɨ ɔ inye Sala a꞉ɓikɨa-ɛɛ. Isaka ɔ꞉mʉkʉnda Lɛbɛka, kʉdɔ, ɔ꞉pʉnga ɓʉsaa igwo yɔ inye.
Currently Selected:
Mʉkpanganɨa 24: buuN
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Mʉkpanganɨa 24
24
Abalaama ɔhatɨɔ Isaka moi
1Abalaama a꞉ɓio tɨa mʉkʉʉ nɔgbɛ. Nɔ, MAKWƆƁƗƗ a꞉mukiokio alɨngbaa lɔ yaka ta liɓomu. 2Kʉdɔ, ɓisi mʉngana, ga ɨyɔ nɔ mutatasie ɔ ɓombi ɓɔ tɛa ngʉɓangɔ, ɨya, a꞉ɓikanga lɨkyɛmʉ ngɨlangɔ liɓomu ɓɔ: «Ha gue, ika tɔnapɨa ɨkɔndɔ aɨsɨ ɔ ɨpɔʉ ngɨyɛsɛmɨ aka. 3Nɔ, wɔkio silika akɔ ino yɔ MAKWƆƁƗƗ, Asɔɓɨɨ ngɨa a꞉kɨa ɓisi nɔ dɔdɔ ɓɔ wangɔsɨkɨa mwana asɛmɨ moi aka, ati ɔ ɓiga ɓeɓoi ngʉɓa ɓɔ Ɓakanana, aɨkʉmbʉ ngɨyɛ na꞉wolo-ɔɔ aka. 4Yakamɛngana, wabi ta akɔ ɨkʉmbʉ yɛta ɨja ngɨyɛ aki ɨfananja ngɨyɛsɛmɨ ya-ɛɛ, nɔ, wɔ꞊nasɨkɨa mwana asɛmɨ Isaka moi ta inani.» 5Ga mombi ɔ tɛa ngɨananɨ nayɔ ɓɔ: «Ha aba-e, andɔ moi ɔbayenimʉ anɨka ɨhɔ nɛmɨ, iyani aɨkʉmbʉ ngɨyɛ? Ɨsɨ yɔngɔ ɓɔ nabi ndɨ nɔ mwana ngɨasɔɔ ata gʉe inani aɨkʉmbʉ ngɨyɛ wɛ꞉ka jɛnɛ-ɛɛ?» 6Ga Abalaama nayɔ ɓɔ: «Pɔ bele, watɨsamʉ nɔ mwana ngɨasɛmɨ inani. 7MAKWƆƁƗƗ, Asɔɓɨɨ ngɨa a꞉kɨa ɓisi, ɨyakɛ a꞉nangwiso ɨmɨ amati ɔ ɨkáá ngɨa aba, nɔ amati ɔ ɨkʉmbʉ yɔ ɨfananja ngɨyɛsɛmɨ, kʉ ɨyɔ akɛ, a꞉yakanaka nɛmɨ. Nɔ, ɔ꞉kio silika ɓɔ ɛ꞊njo ɨkʉmbʉ gɨyɛ akɔ ɓanɔnɔ ɓɔsɛmɨ. Ta Asɔɓɨɨ ngɨananɨ akɛ, a꞊tʉma suo malaika ngʉwangɔ apɛɨ asɔɔ. Kʉɓanɨ, wa꞊sɨkɨa mwana asɛmɨ moi, anɨngwa ta inani. 8Moi ɔyaeni dɔ anɨka ɨhɔ nɔwɛ, ambɔ wɔɓoonokio nɔ silika ngɨa wanɨsa akɔkio. Yakamɛngana, watɨsamʉ pɛpɛ dɔ ta nɔ mwana ngɨasɛmɨ inani.» 9Kʉdɔ, mombi ɔ tɛa ngɨananɨ, ɔ꞉napɨa ɨkɔndɔ ɛsɨ ɔ ɨpɔɔ ngɨa Abalaama makwangɔ, nɔ, ɔ꞉kio silika ga a꞊kɨa yaka ngɨyɛnɛnɨ ɔ꞉mʉngɨɔ kɨanɨ.
Mombi ɔ tɛa ɔsɔ ahatɨa Isaka moi
10Ɔ꞉sɨka ɓangamɨa ngʉɓɔ makwangɔ tɛkɛɓɛ, ɨhɔ kʉ nɔ apɛpɛ wɔ ɓayaka ɓɔta manjanja nɔgbɛ ngʉɓɔ makwangɔ a꞉ɓio naɓɔ, ɔ꞉ngwɨa kyɛnda. Ɔ꞉pʉnga nɨsa nɔ ʉgbaa mesu nɔ ɨkʉmbʉ yɛta ɨja ngɨyɔ Mɛsɔpɔtamɨa, akɔ gʉlʉ ngɨa aki Naholi a꞉ɓio-ɛɛ. 11Ndʉ mombi ɔ tɛa ngɨananɨ wɔ Abalaama, a꞉ɓɔya aɓei ɔ gʉlʉ, tinene nɔ ʉpɨa wɔ mipo, ɔ꞉gbʉkʉmiso ɓangamɨa ananɨ. Ya꞉ɓio tɨa ɨpasɨ, angbinga ngɨa ɓoi ɓakyɔchwɛa-ɔɔ anɨsa atʉka mipo. 12Ɔ꞉sugo ɓɔ: «Hii, MAKWƆƁƗƗ, Asɔɓɨɨ ngɨyɔ makwasɛmɨ Abalaama, nɔnɛtɔ ɓɔ anasalɨa ɓaka ɓʉɓʉnʉ ɓɔ nɨnɨanɨa nɔ ɨkyɛmʉ ngɨyɛ nakʉnda, nɔ, wɔpananiso iɗo iɗo ngɨyɛsɔɔ akɔ makwasɛmɨ Abalaama. 13Ɨna ɨmɨ ɨya, nemaɔ anambamba ɔ ɨkɔ aka, nɔ, ɓasaɓakyɛ ɓɔ ɓamakwɔ ɓɔ gʉlʉ ɓakyɛka atʉka mipo aka. 14Mwana ɔ ɓasaɓakyɛ ngɨa na꞊musigio ɓɔ, kikiliki, chukumiso ɓaka kpɛngʉ nɨmwanana mwana ɔ mipo, nɔ, ɔnatosio ga: ‹Mwa pɨ, nɔ, na꞊mwiso kʉ nɔ ɓangamɨa ngʉɓɔsɔɔ.› Ɨyɔ akɛ, iɓio ɓaka ɨya, wa꞉mʉsʉakɨa baya asɔɔ Isaka. Kʉɓanɨ, ya꞊pananiso iɗo iɗo ngɨyɛsɔɔ, akʉʉ ɔ makwasɛmɨ.»
15Ɨyɔ, ta ɓɔ angɔpipenimʉ anʉnga yaka ngɨyɛnɛnɨ, mwana ata moi mʉngana ino ɓɔ Lɛbɛka, ɔ꞉chwɛanɨa nɔ kpɛngʉ amapaka. Ɨyɔ, a꞉ɓio mwana ɔ Bɛtʉɛlɨ; ɨya mwana ɔ Milika, Milika ngɨa moi ɔ Naholi. Naholi ngɨa ɓa꞉chwɛa nɔ Abalaama. 16A꞉ɓio aunabi ata muɗo ɓɔ njɨanjɨa, angɛmbɨenimʉ-sɨ yaka yɔ dɔdɔ. Kʉdɔ, ɔ꞉jo inani amʉdʉʉ wɔ ɨkɔ, nɔ, ɔ꞉huso mipo amati ɔ kpɛngʉ, nɔ, ɔ꞉potio chwɛa nakɔ. 17Mombi ɔ tɛa ngɨananɨ ɔ꞉mʉtɛtɨa, ɔ꞉musigio ɓɔ: «Kikiliki, anamwiso ɓaka mwana ɔ mipo ngʉka akpɛngʉ bele.» 18Ga ɨyɔ ɓɔ: «Mwa pɨ makwasɛmɨ.» Ɔ꞉diso kpɛngʉ gagaa akɔ ʉpaka, nɔ, ɔ꞉munjenjio mipo. 19Ɨyɛ ndʉ a꞉minjo mipo ɓanɨ, ga ɨyɔ nayɔ ɓɔ: «Na꞊tʉkɨa kʉ nɔ ɓangamɨa ngʉɓɔsɔɔ, akɔɓɔya ta aka ɓamwota-ɔɔ.» 20Gagaa ngɨananɨ, ɔ꞉sɨka mipo ngʉka ka꞉tukoo amati ɔ kpɛngʉ, ɔ꞉kutio ɓangamɨa amati ɔ ɨdɔmbɨa yɔ ikopi. Nɔ, ɔ꞉tʉgbʉa ɓata aɨkɔ akɔtʉkakɨa ɓanama mipo, akɔɓɔya ta aka ɓamwota-ɔɔ ɓaɓomu. 21Mafague ɔ꞉mʉkanga ɓɔ gbɔɔ, sɔkɔmʉ ɨsamʉa. Ɔ꞉ɓokwono amati angɔ ɓɔ: «MAKWƆƁƗƗ ɔ꞉kiokio ndɨ kyɛnda ngɨyɛsɛmɨ ayɛ kiokioni?»
22Ɨyɛ ndʉ ɓangamɨa ɓa꞉ndana anɨmwa mipo, mombi ɔ tɛa ngɨananɨ ɔ꞉minjo gwa ata moi pɛtɛ ɔ ɔlɔ, ɓagalama tinetine ndʉ mɛɗɨa, kʉ nɔ ɓangɛga ɓɔ lɨkɔndɔ ɓapɨnɨ ʉɓɔ ɔlɔ, mʉngana nɔ ɓagalama ndʉ mɨya mʉnga. 23Ga ɨyɔ ga: «Mwana ata moi, wa-sɨ mwana anɨ? Nɔnakikelekio ɨna, anɔngɨa-sɨ. Inani atɨ atɔ, ɨda ya ndɨ kʉɔ adaa ngɨa nakwaa-ɔɔ, ɨmɨ, ɨhɔ nɔ ambaja ngɨasɛmɨ kʉ nɔ ɓanama?» 24Gwa ata moi ɔ꞉mutosio ɓɔ: «Na mwana ɔ Bɛtʉɛlɨ ngɨa a mwana ɔ momo Milika ɨɓɔ nɔ kuku Naholi.» 25Ga ɨyɔ ɓata nayɔ ɓɔ: «Lanja akɔ ɓanama anɨdya ɨhɔ nɔ njele, dɔ, ɓɨkwaa akʉʉ ɔngɔ, la andɛsɔ lɨja. Ʉmʉa adaa ngɨa mubika akwaa-ɔɔ, wa kʉɔ.» 26Gue ngɨananɨ, ɔ꞉tʉkʉma, nɔ, ɔ꞉gbʉkʉmɨa apɛɨ ɔ MAKWƆƁƗƗ, 27ga ɨyɔ ananɨ ɓɔ: «MAKWƆƁƗƗ, Asɔɓɨɨ ngɨyɔ makwasɛmɨ Abalaama, ɨsɨka ʉbɨba. Ɨyɔ ngɨa a꞉sɨamʉ apananiso iɗo iɗo nɔ ɓʉkʉnda ngʉɓangɔ akɔ makwasɛmɨ! MAKWƆƁƗƗ ɔ꞉naɓoiso aɨfananja ngɨyɔ makwasɛmɨ ta gagaa.»
28Mwana ata moi ɔ꞉sa bangʉ akɔnʉngakɨa atɨ inye yaka ngɨyɛnɛnɨ iɓomu. 29Lɛbɛka a꞉ɓio nɔ manye ata gue ino ɓɔ Labanɨ. Kʉdɔ, ɨyɔ Labanɨ, a꞉chwɛa bangʉ aɓei anɨsa atɛtɨa gue ngɨananɨ tinene nɔ ɨkɔ. 30Labanɨ a꞉ɓio ɓɔ ɛneni pɛtɛ nɔ ɓangɛga alɨkɔndɔ lɔ manye, nɔ, ɔ꞉ka kʉ nɔ yaka ngɨyɛ gue ngɨananɨ, a꞉ngakɨa Lɛbɛka. Kʉdɔ, ɛ꞉ka agbʉka gue ngɨananɨ, aka a꞉ɓio-ɔɔ ɓɛmaɨ anambamba ɔ ɓangamɨa, tinene nɔ ɨkɔ. 31Ga Labanɨ nayɔ ɓɔ: «Ha gue, ika tɨɓɔya tɨa andɛsɔ andei, ʉwɛ ngɨa MAKWƆƁƗƗ a꞉nɔkiokio! Wa꞊ɓio-sɨ aɓei aka dɔtanɨ? Nɔ꞉natambanakɨɔ ɨda yɔ ɓʉkwaa tambanakɨanɨ, kʉ nɔ ʉmʉa akɔ ɓangamɨa ngʉɓɔsɔɔ.»
32Kʉdɔ, mombi ɔ tɛa ɔ꞉kumonio ambɛnɨ. Labanɨ ɔ꞉pʉnga dikiso lɨkyɛmʉ amʉkɔngʉ wɔ ɓangamɨa. E꞉njo ɓangamɨa lanja anɨdya, ɨhɔ nɔ njele, dɔ, ɓɨkwaa akʉʉ ɔngɔ. Ɓɛ꞉kɨa gue ngɨananɨ, nɔ mipo kɔ jaɓana mʉtɨndɨ, ɨhɔ tɨa kʉ nɔ ɓombi ngʉɓa ɓa꞉kyɛndaka naɓɔ. 33Ananɨ ɓɛ꞉ka nɔ idyo apɛɨ angɔ ga gbʉ. Yakamɛngana, ga ɨyɔ naɓɔ ɓɔ: «Nangɔmʉ-sɨ adyakaka, nangɔngakenimʉ yaka ngɨyɛ nɛ꞉kɔ nayɔ.» Ga Labanɨ nayɔ ɓɔ: «Sugo-ʉʉ.»
34Ɔ꞉pʉnga yaka asugo ɓɔ: «Ɨmɨ na aka, baya ɔ Abalaama. 35MAKWƆƁƗƗ a꞉kiokio Abalaama makwasɛmɨ kʉ ingono, nɔ, ɛ꞉ka mombi ata mʉja. A꞉minjo ɓakɔndɔlɔ nɔ ɓangɔmbɛ, nɔ ɓagyɛgyɛ nɔ ɔlɔ, nɔ ɓombi ɓɔ tɛa ɓague nɔ ɓoi ɓɔngɔ, nɔ ɓangamɨa, nɔ ɓapunda. 36Sala moi ɔ makwasɛmɨ, a꞉sɨa ɓɔ ɔ꞉mʉnɔtɨeni makwasɛmɨ mwana, ɨyɔ tɨta mʉkʉʉ wɔ moi. Abalaama e꞉njo mwana ngɨananɨ ata gue mʉgyɛndɔ wɔ maɓɨɨ ngʉwangɔ uɓomu. 37Makwasɛmɨ a꞉nakiiso pɔngɔ silika asugo ɓɔ: ‹Wangɔsɨkɨa mwana asɛmɨ moi aka, ati ɔ ɓiga ɓeɓoi ngʉɓa ɓɔ Ɓakanana aɨkʉmbʉ ngɨyɛ na꞉wolo-ɔɔ aka. 38Yakamɛngana, wabi ta akɔ ɨkáá ngɨa aba, nɔ aki ɨfananja ngɨyɛsɛmɨ ya-ɛɛ, nɔ, wɔ꞊nasɨkɨa mwana asɛmɨ Isaka moi ta inani.› 39Kʉdɔ, na꞉sigio makwasɛmɨ ɓɔ: ‹Adiga moi angɔbayamʉ nɛmɨ akɔkpata.› 40Makwasɛmɨ ɔ꞉natosio ɓɔ: ‹Ɨmɨ, na꞉kyɛndaka ɨhɔ nɔ MAKWƆƁƗƗ masi maɓomu. Ɨyɔ, a꞊natʉmɨa malaika ngʉwangɔ, ɨhɔ nɔwɛ, ambɔ kyɛnda ngɨyɛsɔɔ yɨkwa ta majɨɔ. Kʉdɔ, wa꞊sɨkɨa mwana asɛmɨ moi anɨngwa ta aɨkáá ngɨa aba, nɔ amati ɔ ɨfananja ngɨyɛsɛmɨ. 41Ndʉ wa꞊ɓɔya inani aɨfananja ngɨyɛsɛmɨ, nɔ ɨɓɔ, ɓɔyaa nɔwɛ aninjo gwa ata moi, ambɔ, wɔɓoonokio nɔ mʉgwɛ ngʉwa na꞉napakiso pɔngɔ ɓoonokio.› 42Ɨyɛ ndʉ nɔ꞉ɓɔyɔ ɓʉɓʉnʉ akɔ ɨkɔ, nɛtɔ ɓɔ: ‹Hii, MAKWƆƁƗƗ ngɨyɔ makwasɛmɨ Abalaama, nɔnɛtɔ ɓɔ anasalɨa ɓaka ɓʉɓʉnʉ, ɓɔ kyɛnda ngɨyɛsɛmɨ yɨkwa ta majɨɔ. 43Ɨna ɨmɨ ɨya, nɛmaɔ anambamba ɔ ɨkɔ-a, mwana ɔ ɓasaɓakyɛ ngɨa ɛ꞊ka atʉka mipo aka nɔ ɨya, na꞊musigio ɓɔ: Ananjonono ɓaka mwana ɔ mipo bele akɔ kpɛngʉ ngɨasɔɔ nɨmwa. 44Nɔ, ɨya a꞉natosio ɓɔ: Mwa pɨ, nɔ, na꞊tʉkɨa kʉ nɔ ɓangamɨa ngʉɓɔsɔɔ. Ɨyɔ ngɨananɨ akɛ, iɓio moi ngɨa MAKWƆƁƗƗ a꞉sʉakɨa, mwana ngɨyɔ makwasɛmɨ.›
45Ɨmɨ, ta ɓɔ na꞉ngɔpipenimʉ anʉnga yaka ngɨyɛnɛnɨ, Lɛbɛka ɔ꞉chwɛanɨa nɔ kpɛngʉ akɔ ʉpaka. Ɔ꞉jo amʉdʉʉ wɔ ɨkɔ, nɔ, ɔ꞉tʉka mipo. Ga ɨmɨ nayɔ ɓɔ: ‹Ananjonono ɓaka mwana ɔ mipo bele nɨmwa.› 46Kʉdɔ, ɔ꞉hʉya ta chukumiso kpɛngʉ ngɨa a꞉ɓio ɔtʉmbeni, ga ɨyɔ ananɨ ga: ‹Mwa-pɨ, nɔ ne꞊njo kʉ nɔ ɓangamɨa ngʉɓɔsɔɔ.› Kʉdɔ, nɔ꞉mwa ta ɓanɨ, nɔ, e꞉njo kʉ nɔ ɓangamɨa. 47Ga ɨmɨ nayɔ ɓɔ: ‹Wa-sɨ mwana ɔ anɨ?› Ɔ꞉natosio ɓɔ: ‹Na mwana ɔ Bɛtʉɛlɨ ngɨa mwana ɔ momo Milika nɔ kuku Naholi.› Kʉdɔ, ananɨ, nɔ꞉mʉsʉmbana pɛtɛ amɔɔ, nɔ ɓangɛga alɨkɔndɔ. 48Nɔ꞉tʉkʉma, nɔ, nɔ꞉gbʉkʉmɨa apɛɨ ɔ MAKWƆƁƗƗ, nɔ, nɔ꞉tosio ʉbɨba akɔ Asɔɓɨɨ, MAKWƆƁƗƗ ngɨyɔ makwasɛmɨ Abalaama, ɨya, ɔ꞉naɓoiso ta gagaa, anɨsa asɨkɨa mwana ɔ makwasɛmɨ, gwa ata moi ta mwana ɔ manye.
49Anaɓɨa ɨtakɨtakɨ ngɨyɛ, ɓɔ ii ga pɔ ɓɔ haa, ɓɔ wa-ndɨ akʉnda pananiso ɓʉkʉnda nɔ iɗo iɗo, atɨ Abalaama makwasɛmɨ. Anaɓɨa, iɗo ambɔ nɨmbɨa ɓɔ ya tanɨ.» 50Ga Labanɨ ɨɓɔ nɔ Bɛtʉɛlɨ ananɨ ɓɔ: «Isu, tangɔmʉ nɔ yaka pɔ mɛnga nɔwɛ anʉngɨa, ga pɔ ɓɔ ii, ga pɔ ɓɔ haa. Yaka ngɨyɛ, yɛ꞉kɔ atɨ MAKWƆƁƗƗ. 51Lɛbɛka kʉ ɨya, aɓɛmaɨ apɛɨ asɔɔ. Mʉsɨka pɨ, nɔ, wɔsa nayɔ akɔɓio moi ɔ mwana ɔ makwasɔɔ, kʉndʉ aka MAKWƆƁƗƗ a꞉sugo-ɔɔ.»
Lɛbɛka ɔngwɨɔ kyɛnda yɔ ɨɓáá
52Ɨyɛ ndʉ mombi ɔ tɛa ngɨyɔ Abalaama ɔ꞉ka yaka ngɨyɛnɛnɨ, ɔ꞉gbʉkʉmɨa aɨsɨ apɛɨ ɔ MAKWƆƁƗƗ. 53Mombi ɔ tɛa ɔ꞉chwɛiso lɨkyɛmʉ lɔ mako kɔ dada, nɔ ɓayaka ɓɔ ɔlɔ nɔ lɨpʉkʉ, kʉdɔ, ɔ꞉minjo Lɛbɛka. Nɔ, e꞉njo kʉ nɔ lɨkyɛmʉ ngalɛmɔ lɔ ɨgabʉ atɨ manye ngɨa ata gue nɔ atɨ inye. 54Mbise ɔ yaka ngɨyɛnɛnɨ, ndʉ ɨyɔ, nɔ ɓombi ngʉɓa a꞉kyɛndaka naɓɔ, ɓa꞉dyakaka, nɔ, mwakanaka, ɓɔ꞉kwaa tɨta ananɨ. Ɨyɛ ɓisi ɓɔ꞉ya nayɔ nekuɓa yɔngɔ, ga mombi ɔ tɛa ngɨyɔ Abalaama ɓɔ: «Nɔnɨtɔ ɓɔ, na-sɨ ɨmɨ, a꞉tɔa tɨa kʉ atɨ makwasɛmɨ.» 55Ga atɨ inye ɔ Lɛbɛka nɔ ɓamanye ɓɔ: «Isu ta tukoo-sɨ nɔ atɨ Lɛbɛka ta aka, abi suo inani tɨa ambise ɔ makwaa ndʉ tɛkɛɓɛ.» 56Yakamɛngana, mombi ɔ tɛa ngɨananɨ, ɔ꞉ɓutosio ɓɔ: «Nátɨnachanisienimʉ ɓaka ɓata ngbinga, dɔ MAKWƆƁƗƗ ɔ꞉to majɨɔ toni akɔ kyɛnda ngɨyɛsɛmɨ. Yɛtɔ tɨa ɓɔ nɨtɔwa, atɨ makwasɛmɨ.» 57Ga ɨɓɔ nayɔ ɓɔ: «Ndʉ ya gɔ ɓanɨ, ta꞊misoko-sɨ ɨyɔ, gwa ata moi, iɗo ambɔ tɨmbɨa ɓɔ ɨyɔ, akʉnda tanɨ.» 58Kʉdɔ, ɓa꞉misoko Lɛbɛka, ɓɔ꞉muɓokuo ɓɔ: «Ná-ndɨ anɨsa tɨta nɔ gue ngɨakɛ?» Ga ɨyɔ, ɓɔ: «Ii nanɨsa tɨta nɨsa.» 59Kʉdɔ, ɓɔ꞉minjo kyɛnda anɨsa nɔ mombi ɔ tɛa ngɨa Abalaama, nɔ ambaja ngɨangɔ. Ɓa꞉kyɛndaka kʉ nɔ inye yɔ moi ngɨa a꞉ɓimʉkyanakɨa Lɛbɛka, nɔ ɨya a꞉muhuo anɨngwa ta aɨɓwana. 60Ɓɔ꞉mukiokio asugo ɓɔ:
«Ʉwɛ Lɛbɛka gwa ata moi ngɨyeso-ɛɛ!
Ɓio inye ɔ ɓana sɔkɔmʉ nɔ ipoye-ɛɛ.
Ɓana, nɔ ɓanɔnɔ nɔ ɓanɔnɔ ɓɔ ɓanɔnɔ ngʉɓɔsɔɔ,
ɓɨsɨka ihoi ngɨyɛ yɔ ɓamʉyaa ɓeɓo sɨkanɨ-ɛɛ!»
61Kʉdɔ, Lɛbɛka nɔ ɓoi ngʉɓa ɓa꞉ɓimʉkyanakɨa ɓa꞉ɗeto akʉʉ ɔ ɓangamɨa. Ɓɔ꞉kpata mombi ɔ tɛa ngɨyɔ Abalaama, ɓɔsɨka ɓɔsa.
62Angbinga ngɨa ɓa꞉ɓio-ɔɔ anɨsa anɔ Kanana, Isaka a꞉ɓio ɓɔ ɔhokeni anɨngwa anɔ Bɛlɨ-Laɨ-Lɔɨ, ɔ꞉tɔwolo tɨa ɨkʉmbʉ anɔ Negebu. 63Tɨa nɔ ɨpasɨ yɔ ɓisi mʉngana ɓɔ, Isaka a꞉chwɛa akɔkyɛndanaka ati ɔ chʉngbʉ. Ɨyɛ a꞉giso ɓajwa ɓɔ, ɛ꞉na ta mʉkalapa wɔ ɓangamɨa akɔnɨka. 64Ɨyɛ Lɛbɛka a꞉mɨna Isaka, ɔ꞉jo ga kputuku, aka a꞉ɓio akʉʉ ngamɨa aka. 65Kʉdɔ, a꞉ɓokuo mombi ɔ tɛa ngɨyɔ Abalaama ɓɔ: «Anɨ pɨ akɛ anɨka nesu akɔtɛtɨa iyani ati ɔ chʉngbʉ ɓɔ?» Mombi ɔ tɛa ɔ꞉mutosio ɓɔ: «Makwasɛmɨ ɨyananɨ.» Kʉdɔ, Lɛbɛka ɔ꞉sɨka ɨtambala ngɨangɔ, ɔ꞉kutono nayɔ mesu. 66Mombi ɔ tɛa ɔ꞉mʉngakɨa Isaka yaka iɓomu ngɨyɛ a꞉kɨa. 67Kʉdɔ, Isaka a꞉mʉsɨka Lɛbɛka, ɔ꞉tɔmukumoniso amati ɔ ɨhɛma ngɨyɛ abɨɨ ɔ inye Sala a꞉ɓikɨa-ɛɛ. Isaka ɔ꞉mʉkʉnda Lɛbɛka, kʉdɔ, ɔ꞉pʉnga ɓʉsaa igwo yɔ inye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.