Mʉkpanganɨa 27
27
Yakɔɓɔ ɔsɨkɔ ʉɓʉnga nɔ pɛtanaka
1Ɨyɛ ndʉ Isaka a꞉ɓio tɨa mʉkʉʉ, mesu ngʉkangɔ ka꞉ɓio tii ɓata nɔ angu, nɔ, ɔ꞉sɨa anɨna. Ɛ꞉soko Esau mwana angɔ ngɨa tapio, nɔ, ɔ꞉musigio ɓɔ: «Mwana asɛmɨ!» Ga ɨyɔ ɓɔ: «Ɨmɨ ɨya!» 2Ga ɨyɔ nayɔ ɓɔ: «Wanɨna ɓɔ ɨmɨ, na tɨa mʉkʉʉ, nɔ ɓisi ɓɔ ingwo ngʉɓɔsɛmɨ ɓa tɨa tinene. 3Kʉɓanɨ, wasɨka tɨa lɨkyɛmʉ lɔ upii ngɨlɛsɔɔ, ɓopi, nɔ magʉsa nɔ wɔsa nɛmɨ akponyio upii aneju. 4Wɔnɛsɨa idyo yɛta iɗo, ta ndʉ aka nakyɔkʉndaka-ɔɔ. Wɔnɛkɨa nayɔ nɨdya, ambɔ nɨ꞊nakiokio ta ɨmɨ makwɔngɔ, pɛɨ ɔ ingwo ngɨyɛsɛmɨ.»
5Lɛbɛka ɔ꞉ka kʉ kanɨ, aka Isaka a꞉ɓio-ɔɔ anʉngɨa mwana angɔ Esau yaka ngɨyɛnɛnɨ. Mbise ɔngɔ, Esau ɔ꞉sa akponyo upii aneju, dɔ, ɨnɨanɨa nɔ ɓanama ngʉɓa atɔwa naɓɔ. 6Ga Lɛbɛka nɔ mwana angɔ Yakɔɓɔ ɓɔ: «Ʉka iɗo, ɨmɨ nɔ꞉kɔ atɔ ɔ꞉ɓieni anʉngɨa mwana ɔ anʉ Esau asugo ɓɔ: 7‹Anɛkɨa nɔ nama, nɔ, wɔnɛsia idyo yɛta iɗo nɨdya, ambɔ nɨ꞊notio ʉɓʉnga ngʉwɔsɛmɨ apɛɨ MAKWƆƁƗƗ, pɛɨ ngɨa nawo-ɔɔ.› 8Mwana asɛmɨ, tɨa ɨtakɨtakɨ ngɨyɛɓɔ, nɔnɛtɔ anɔka iɗo, nɔ kɨa ta ndʉ aka na-ɔɔ nɔwɛ akɔtitio ɓɔ kɨa. 9Sa, inani mutunduga wɔ ɓanama wa-ɛɛ, wɔnɛkɨa nɔ mɨgbɔndɔ yɔ ɓamɛmɛ ɓɔta manjanja ɓapɨnɨ. Nɨpʉnga anɨsɨa atɔ idyo yɛta iɗo, ta ndʉ aka akʉndaka-ɔɔ. 10Wɔ꞊mʉsɨa nayɔ atɔ ɓɔ ɨdya, ambɔ ɨnakiokio, pɛɨ ɔ ingwo ngɨangɔ.» 11Ga Yakɔɓɔ nɔ inye aka ɓɔ: «Ndʉ aya Esau a dɔ ɨyɔ nɔ mata anɔ ndʉtʉ ɓɔ, ɨnadɔ ɨmɨ nangɔmʉ nakɔ. 12Andɔ aba ɔnapotokeni ndʉtʉ, nɔ ɔtɛna tɨa ndʉ nahataka nayɔ apɛta. Kʉdɔ, nabigakanakɨa kʉ yayɛ, nɔ sɔkɔ ɓata nɨnɨa nɔ ʉɓʉnga.» 13Ga inye nayɔ aka ɓɔ: «Mwana asɛmɨ, nʉgakanakɨa yɔngɔ yɨnatɔya-sɨ ɨmɨ. Anɔka ta ɨmɨ, sa nɛmɨ akɔsɨkɨa mɨgbɔndɔ yɔ ɓanama ngʉɓɔnanɨ nɔ꞉nasigio, ta ɓɔ kpalaa.»
14Yakɔɓɔ ɔ꞉ngwɨa kyɛnda, anɨsa asɨka ɓana ɓɔ ɓamɛmɛ ɓapɨnɨ, ɛka naɓɔ aninjo inye. Inye ɛ꞉sɨa idyo yɛta iɗo, ngbanga ta ndʉ aka ɨsɛ a꞉tɨkʉndaka-ɔɔ. 15Ndɨmaka, Lɛbɛka ɨyananɨ ɔ꞉sɨkɔ lɨpʉkʉ lɛta manjanja nɔgbɛ ngɨlɔ Esau, tapio ngɨangɔ, ɨlɛ a꞉lɨgbʉka ambɛnɨ sɨkanɨ. Kʉdɔ, e꞉njo Yakɔɓɔ, ɓɔ ɨlɨpɛnɨa. 16Kʉdɔ, ɔ꞉sɨka mamba kɔ mɨgbɔndɔ yɔ ɓamɛmɛ, ɔ꞉mukweyo nakɔ lɨkɔndɔ nɔ ɨmɨyɔ, akɔ ɨda ngɨyɛ mata ka꞉ɓiomʉ-ɔɔ. 17Mbise ɔngɔ, ɔ꞉minjo mwana angɔ Yakɔɓɔ idyo, nɔ mapa ngɨyɛ a꞉ɓio ɓɔ ɛ꞉sieni.
18Pɔ gbalakɨa, ɔ꞉sa atɨ ɨsɛ ga ɨyɔ nayɔ ɓɔ: «Ha aba-e!» Ga ɨsɛ nayɔ ɓɔ: «Na ta aka mwana asɛmɨ. Ʉwɛ anɨ dɔ-sɨ ɨyananɨ?» 19Yakɔɓɔ ɔ꞉tosio ɓɔ: «Ta ɨmɨ Esau ananɨ, mwana ngɨasɔɔ tapio. Nɔkɨɔ ɨkyɛmʉ ngɨyɛ wɔ꞉nasingiɔ pɛngɛ kɨanɨ. Nɔnɛtɔ ɓɔ ʉngwa ɨkʉʉ, nɔ wɔwolo tɨa jikomu, nɔ wɔdya tɨa anjɨɓɔ wɔ upii ngʉwɔsɛmɨ, tiɗo ambɔ anɔkiokio tɨa.» 20Yakamɛngana, Isaka ɔ꞉muɓokuo ɓɔ: «Ɨkananja yɔ upii nga weno tanɨ ʉwa, wɛnɨa-ɔɔ nɔ nama ta gagaa ɓɔ mwana asɛmɨ?» Yakɔɓɔ ɔ꞉mutosio ɓɔ: «Ta Asɔɓɨɨ ngɨasɔɔ, MAKWƆƁƗƗ akɛ ɔ꞉nenjo ɨmɨ, ngasa ngɨyɛnɛnɨ.» 21Ga Isaka nɔ Yakɔɓɔ ɓɔ: «Ɨsɨngana-sɨ tinene, nɨnapotoko tiɗo ɓɔ nɨmbɨa, ɓɔ ta ʉwɛ ndɨ mwana asɛmɨ, Esau ingono.» 22Yakɔɓɔ ɛ꞉sɨngana tinene nɔ ɨsɛ Isaka. Isaka ɔ꞉mupotoko ndʉtʉ, ga ɨyɔ ɓɔ: «Isó, ya iso yɔ Yakɔɓɔ, yakamɛngana, lɨkɔndɔ, la tɨa ɨlɔ Esau.» 23Sɔkɔmʉ ɨ꞉mɨmbɨa, dɔ lɨkɔndɔ ngɨlangɔ la꞉ɓio nɔ mata, ɓɔ mvʉlʉ mvʉlʉ ndʉ manye, Esau. Kʉdɔ, ɔ꞉mukiokio. 24Isaka ɔ꞉muɓokuo ɓata ga: «Ndɨ ta ʉwɛ mwana asɛmɨ Esau?» Yakɔɓɔ ɔ꞉mutosio ga: «Ii, ya ta ɨmɨ aba.» 25Kʉɓanɨ, ga ɨsɛ nayɔ ɓɔ: «Ha mwana asɛmɨ, anɛkɨa nɔ idyo ngɨyɛsɔɔ yɔ upii iyani, nɨdya, iɗo ambɔ, nɨnɔkiokio.» Kʉdɔ, Yakɔɓɔ ɔ꞉mɨkɨa nayɔ, nɔ ɔ꞉ɨdya. Ɔ꞉mɨkɨa ɨsɛ tɨa kʉ nɔ ʉkyɛpʉ, nɔ ɔ꞉ʉmwa. 26Ga Isaka nɔ mwana angɔ ɓɔ: «Ɛɛ mwana asɛmɨ, ɨsɨngana tɨa tinene nɛmɨ, nɔ, wɔnaputo ɓɔ putu.» 27Kʉdɔ, Yakɔɓɔ ɔ꞉mɨsɨnganɨa, nɔ, ɔ꞉mʉnaputo ga putu. Ɨsɛ ɔ꞉ka imbo yɔ lɨpʉkʉ ngɨlangɔ, nɔ, ɔmukiokio akɔsugo ɓɔ:
«Oi, ɨyɛnɛnɨ ya imbo yɛta tɨpɨ
ngɨyɛ yɔ mwana asɛmɨ-ɛɛ,
ya ndʉ kʉbaa ngɨa MAKWƆƁƗƗ a꞉mukiokio kikioni-ɛɛ.
28Asɔɓɨɨ uto ɨmʉa yɔ ʉdɔɓɔ ngɨa anɨngwa akʉʉ ɔ ɓisi,
akɔ ihoi nɔ ikesi ngɨyɛ yachwɛa akɔ ɨtaka-ɛɛ.
Ɨnanjo ɓakʉbaa ngʉɓa ɓaɓaiso masɔɔ maja-ɛɛ.
Ɨnanjo mʉpʉnga ʉja nɔ makyɛpʉ-ɛɛ.
29Mababa kɔ ɓombi kɨnakyananakɨa,
nɔ ɓombi ɓɔgbʉkʉmɨa nɔ mau apɛɨ asɔɔ-ɛɛ.
Ɓio ngama ɔ ɓandɔɔ,
nɔ ɓana ɓɔ anʉ ɓɔgbʉkʉmɨa nɔ mau apɛɨ asɔɔ-ɛɛ.
Mombi muɓomu ngɨa a꞊nagbanga ʉwɛ,
a꞊sɨka mʉngwɛ, nɔ mombi muɓomu ngɨa a꞊nakiokio
ɛ꞊nɨanɨa nɔ ʉɓʉnga-ɛɛ.»
30Ndʉ Isaka a꞉pipo kiokio Yakɔɓɔ, nɔ ɨyɔ Yakɔɓɔ anɨngwa ta nɨngwa ndʉ aka, Esau e꞉joo ga buu, akɔtɔwa akɔ upii. 31Esau ɛ꞉sɨa ɨyɔ kʉ idyo yɛta iɗo, nɔ, ɔ꞉sa aninjo ɨsɛ. Ga ɨyɔ nɔ ɨsɛ ɓɔ: «Uwolo tɨa jikomu, nɔ, wɔdyanana idyo ngɨyɛsɛmɨ yɔ upii, ɨmɨ mwana asɔɔ, tiɗo ɓɔ anɔkiokio.» 32Isaka ɔ꞉ɓokuo ɓɔ: «Ʉwɛ anɨ dɔ-sɨ ɨyananɨ?» Ɔ꞉mutosio ɓɔ: «Ta ɨmɨ Esau, tapio ɔ mwanasɔɔ.» 33Atia ɔ꞉mugugumiso Isaka ndʉtʉ ɓɔ kpu kpu kpu. Ga ɨyɔ ɓɔ: «Anɨ dɔ-sɨ ɨya ɔ꞉sɔ pɛɨ akɔ upii, nɔ, ɔ꞉nɛkɨa nɔ idyo yɛta iɗo aka? Pɛɨ ʉwɛ anɨka, nɔ꞉dyɔ madyo ngʉkɔnanɨ ta maɓomu. Kʉdɔ, nomukiokio kiokioni, nɔ yangɔ ɓata adaa ngɨa nachʉchwakiso-ɔɔ ʉɓʉnga ngʉwɔnanɨ.»
34Angbinga ngɨa Esau a꞉kɔ-ɔɔ yaka ngɨyɛ ɨsɛ a꞉sugo, ɔ꞉natɨa nɔ ndɨa nɔ ikoko nɔ ɔ꞉mʉndɨanɨa ɨsɛ ɓɔ: «Hii aba, a꞉nakiokio ɓaka ɨmɨ kʉ kiokioni!» 35Ga ɨsɛ nayɔ ɓɔ: «Mwana ɔ anʉ ɛ꞉kɔ nɛmɨ akɔpɛtaka aka, nɔ, ɔ꞉sɨka ʉɓʉnga ngʉwa nɔ꞉ɓio ahata nɔwɛ aninjo.» 36Ga Esau ɓɔ: «Ambɔ kʉdɔ ɓa꞉mʉsʉa ino yɔ Yakɔɓɔ#popoko 25:26. Ɔ꞉pʉngɔ nachanɨa tɨa lɨda lɨsɛmɨ ɗepini. A꞉nasɨkɨa pɔngɔ-sɨ kʉ nɔ ɓutapio ngʉɓɔsɛmɨ, ɨtakɨtakɨ ngɨyɛ, ɔ꞉nasɨkɨɔ ɓata kʉ nɔ ʉɓʉnga ngʉwɔsɛmɨ.» Ɔ꞉matɨa ɓata ɓokuo ɨsɛ ɓɔ: «Wɔ꞉kɔnasɨɔ tii pɔ kʉɔ ɨmɨ mwana ɔ ʉɓʉnga bele?» 37Isaka ɔ꞉mutosio Esau akɔsugo ɓɔ: «Ʉka iɗo! Nɔ꞉mʉnapɨɔ ɨyɔ, mombi ngɨa a꞊dya suo ɓʉngama akʉʉ asɔɔ. Nɔ, nɔ꞉minjo ɓamanye ɓaɓomu aɓio ɓombi ɓɔ tɛa ɓangɔ, nɔ, nɔ꞉muhusio masɔɔ maja ɨhɔ nɔ ʉkyɛpʉ. Na꞊nakɨa dɔ ʉwɛ tɨa ɨmanɨ aka mwana asɛmɨ?» 38Ga Esau nɔ ɨsɛ ɓɔ: «Huu aba, ʉɓʉnga mʉngana ngʉwa wa nawɔ ndɨ tɨta ʉwɔnanɨ? Hii, anakiokio ɓaka ɨmɨ kʉ kiokioni.» Kʉdɔ, Esau ɔ꞉natɨa nɔ ndɨa. 39Ɨsɛ Isaka ɔ꞉mutosio akɔsugo ɓɔ:
«Ʉka iɗo, ambɔ ɨkʉmbʉ ngɨyɛsɔɔ yiɓio gɔ ta amʉkpakaɓʉmʉ,
aki ʉgbaá wangɔneyo-ɛɛ pɔ bele, anɨngwa akʉʉ ɔ ɓisi.
40Ambɔ ʉwɛ, wɨ꞊dya gɔ sina uɓei
ta ɨngbaa akɔ ɓʉkaɓʉkaɨ.
Nɔ ʉwɛ, wa꞊kyananakɨa sina mwana ɔ anʉ,
yakamɛngana, wɔsɨkanakieni,
sɔkɔ tii ɓata wiɓio-sɨ ɛsɨ ɔ ɓubaya ɓangɔ.»
Esau ɔnapɨɔ Yakɔɓɔ nɔ ikosi
41Kʉdɔ, Esau ɔ꞉mʉnapɨa Yakɔɓɔ nɔ ikosi, dɔ, ɨsɛ eɓo a꞉minjo ʉɓʉnga ngʉwangɔ wɔ Esau. Ɔ꞉pʉnga yakanaka amati angɔ ɓɔ: «Yɔtukoo ta makwaa bele, aba ɔ꞊wo suo. Tɔpipeni ta didima ɓɔ gba, ambɔ kyɛnda ngɨyɛsɛmɨ anɨsa anɨwa Yakɔɓɔ mwana ɔ ɨna yɔndanɔ.» 42Ɓɔ꞊sa aɓɨakɨa Lɛbɛka yaka ngɨyɛnɛnɨ, tapio ngɨangɔ a꞉ɓio asugo. Kʉdɔ, ɛ꞉soko Yakɔɓɔ nɔ ɔmusigio ɓɔ: «Mwana ɔ anʉ Esau a dɔ akwaisio nɔwɛ anɨwa, atosio ikosi yɔ yaka ngɨyɛ wa꞉mʉkɨa pɛ. 43Mwana asɛmɨ, ɨtakɨtakɨ ngɨyɛ, ʉka yaka ngɨyɛ nanɔwɛ asigio ta iɗo: ʉngwa aka ta nɨngwa, wɔsa bangʉ atɨ manyanʉ Labanɨ, anɔ Halanɨ. 44Wa꞊ɓio-sɨ ta ɨnanɨ amati ɔ makwaa, akɔɓɔya ta aka ʉnganga ngʉwɔ mwana ɔ anʉ Esau, wa꞊mujo-ɔɔ. 45Ndʉ ʉnganga ngʉwɔ mwana ɔ anʉ Esau wa꞊mujo, nɔ, ɔ꞊ɓʉsaa yaka ngɨyɛ wa꞉mʉkɨa, kʉdɔ, na꞊namayakɨa iso ɓɔ ʉngwa inani, nɔ, wɔ꞊tɔwa tɨa kʉ ɨyani. Na꞊nɨjanga-sɨ inu ɓaɓomu ɓapɨnɨ ɓisi mʉngana, yɔkweni tanɨ?»
46Ga Lɛbɛka nɔ Isaka ɓɔ: «Taa yɔ uɓei yɔnopio ɨmɨ ta nupio, akʉʉ ɔ yaka yɔ ɓuto Ɓahɨtɨ ngʉɓa. Mwana asɛmɨ Yakɔɓɔ ɔsɨkaneni ta nɔ muto Ɓahɨtɨ, ati ɔ ɓiga ɓeɓoi ɓɔ ɨkʉmbʉ ngɨyɛ, ambɔ uɓei nga wɔsɛmɨ, wambiti pɔ nɔ dada pɔ bele.»
Currently Selected:
Mʉkpanganɨa 27: buuN
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Mʉkpanganɨa 27
27
Yakɔɓɔ ɔsɨkɔ ʉɓʉnga nɔ pɛtanaka
1Ɨyɛ ndʉ Isaka a꞉ɓio tɨa mʉkʉʉ, mesu ngʉkangɔ ka꞉ɓio tii ɓata nɔ angu, nɔ, ɔ꞉sɨa anɨna. Ɛ꞉soko Esau mwana angɔ ngɨa tapio, nɔ, ɔ꞉musigio ɓɔ: «Mwana asɛmɨ!» Ga ɨyɔ ɓɔ: «Ɨmɨ ɨya!» 2Ga ɨyɔ nayɔ ɓɔ: «Wanɨna ɓɔ ɨmɨ, na tɨa mʉkʉʉ, nɔ ɓisi ɓɔ ingwo ngʉɓɔsɛmɨ ɓa tɨa tinene. 3Kʉɓanɨ, wasɨka tɨa lɨkyɛmʉ lɔ upii ngɨlɛsɔɔ, ɓopi, nɔ magʉsa nɔ wɔsa nɛmɨ akponyio upii aneju. 4Wɔnɛsɨa idyo yɛta iɗo, ta ndʉ aka nakyɔkʉndaka-ɔɔ. Wɔnɛkɨa nayɔ nɨdya, ambɔ nɨ꞊nakiokio ta ɨmɨ makwɔngɔ, pɛɨ ɔ ingwo ngɨyɛsɛmɨ.»
5Lɛbɛka ɔ꞉ka kʉ kanɨ, aka Isaka a꞉ɓio-ɔɔ anʉngɨa mwana angɔ Esau yaka ngɨyɛnɛnɨ. Mbise ɔngɔ, Esau ɔ꞉sa akponyo upii aneju, dɔ, ɨnɨanɨa nɔ ɓanama ngʉɓa atɔwa naɓɔ. 6Ga Lɛbɛka nɔ mwana angɔ Yakɔɓɔ ɓɔ: «Ʉka iɗo, ɨmɨ nɔ꞉kɔ atɔ ɔ꞉ɓieni anʉngɨa mwana ɔ anʉ Esau asugo ɓɔ: 7‹Anɛkɨa nɔ nama, nɔ, wɔnɛsia idyo yɛta iɗo nɨdya, ambɔ nɨ꞊notio ʉɓʉnga ngʉwɔsɛmɨ apɛɨ MAKWƆƁƗƗ, pɛɨ ngɨa nawo-ɔɔ.› 8Mwana asɛmɨ, tɨa ɨtakɨtakɨ ngɨyɛɓɔ, nɔnɛtɔ anɔka iɗo, nɔ kɨa ta ndʉ aka na-ɔɔ nɔwɛ akɔtitio ɓɔ kɨa. 9Sa, inani mutunduga wɔ ɓanama wa-ɛɛ, wɔnɛkɨa nɔ mɨgbɔndɔ yɔ ɓamɛmɛ ɓɔta manjanja ɓapɨnɨ. Nɨpʉnga anɨsɨa atɔ idyo yɛta iɗo, ta ndʉ aka akʉndaka-ɔɔ. 10Wɔ꞊mʉsɨa nayɔ atɔ ɓɔ ɨdya, ambɔ ɨnakiokio, pɛɨ ɔ ingwo ngɨangɔ.» 11Ga Yakɔɓɔ nɔ inye aka ɓɔ: «Ndʉ aya Esau a dɔ ɨyɔ nɔ mata anɔ ndʉtʉ ɓɔ, ɨnadɔ ɨmɨ nangɔmʉ nakɔ. 12Andɔ aba ɔnapotokeni ndʉtʉ, nɔ ɔtɛna tɨa ndʉ nahataka nayɔ apɛta. Kʉdɔ, nabigakanakɨa kʉ yayɛ, nɔ sɔkɔ ɓata nɨnɨa nɔ ʉɓʉnga.» 13Ga inye nayɔ aka ɓɔ: «Mwana asɛmɨ, nʉgakanakɨa yɔngɔ yɨnatɔya-sɨ ɨmɨ. Anɔka ta ɨmɨ, sa nɛmɨ akɔsɨkɨa mɨgbɔndɔ yɔ ɓanama ngʉɓɔnanɨ nɔ꞉nasigio, ta ɓɔ kpalaa.»
14Yakɔɓɔ ɔ꞉ngwɨa kyɛnda, anɨsa asɨka ɓana ɓɔ ɓamɛmɛ ɓapɨnɨ, ɛka naɓɔ aninjo inye. Inye ɛ꞉sɨa idyo yɛta iɗo, ngbanga ta ndʉ aka ɨsɛ a꞉tɨkʉndaka-ɔɔ. 15Ndɨmaka, Lɛbɛka ɨyananɨ ɔ꞉sɨkɔ lɨpʉkʉ lɛta manjanja nɔgbɛ ngɨlɔ Esau, tapio ngɨangɔ, ɨlɛ a꞉lɨgbʉka ambɛnɨ sɨkanɨ. Kʉdɔ, e꞉njo Yakɔɓɔ, ɓɔ ɨlɨpɛnɨa. 16Kʉdɔ, ɔ꞉sɨka mamba kɔ mɨgbɔndɔ yɔ ɓamɛmɛ, ɔ꞉mukweyo nakɔ lɨkɔndɔ nɔ ɨmɨyɔ, akɔ ɨda ngɨyɛ mata ka꞉ɓiomʉ-ɔɔ. 17Mbise ɔngɔ, ɔ꞉minjo mwana angɔ Yakɔɓɔ idyo, nɔ mapa ngɨyɛ a꞉ɓio ɓɔ ɛ꞉sieni.
18Pɔ gbalakɨa, ɔ꞉sa atɨ ɨsɛ ga ɨyɔ nayɔ ɓɔ: «Ha aba-e!» Ga ɨsɛ nayɔ ɓɔ: «Na ta aka mwana asɛmɨ. Ʉwɛ anɨ dɔ-sɨ ɨyananɨ?» 19Yakɔɓɔ ɔ꞉tosio ɓɔ: «Ta ɨmɨ Esau ananɨ, mwana ngɨasɔɔ tapio. Nɔkɨɔ ɨkyɛmʉ ngɨyɛ wɔ꞉nasingiɔ pɛngɛ kɨanɨ. Nɔnɛtɔ ɓɔ ʉngwa ɨkʉʉ, nɔ wɔwolo tɨa jikomu, nɔ wɔdya tɨa anjɨɓɔ wɔ upii ngʉwɔsɛmɨ, tiɗo ambɔ anɔkiokio tɨa.» 20Yakamɛngana, Isaka ɔ꞉muɓokuo ɓɔ: «Ɨkananja yɔ upii nga weno tanɨ ʉwa, wɛnɨa-ɔɔ nɔ nama ta gagaa ɓɔ mwana asɛmɨ?» Yakɔɓɔ ɔ꞉mutosio ɓɔ: «Ta Asɔɓɨɨ ngɨasɔɔ, MAKWƆƁƗƗ akɛ ɔ꞉nenjo ɨmɨ, ngasa ngɨyɛnɛnɨ.» 21Ga Isaka nɔ Yakɔɓɔ ɓɔ: «Ɨsɨngana-sɨ tinene, nɨnapotoko tiɗo ɓɔ nɨmbɨa, ɓɔ ta ʉwɛ ndɨ mwana asɛmɨ, Esau ingono.» 22Yakɔɓɔ ɛ꞉sɨngana tinene nɔ ɨsɛ Isaka. Isaka ɔ꞉mupotoko ndʉtʉ, ga ɨyɔ ɓɔ: «Isó, ya iso yɔ Yakɔɓɔ, yakamɛngana, lɨkɔndɔ, la tɨa ɨlɔ Esau.» 23Sɔkɔmʉ ɨ꞉mɨmbɨa, dɔ lɨkɔndɔ ngɨlangɔ la꞉ɓio nɔ mata, ɓɔ mvʉlʉ mvʉlʉ ndʉ manye, Esau. Kʉdɔ, ɔ꞉mukiokio. 24Isaka ɔ꞉muɓokuo ɓata ga: «Ndɨ ta ʉwɛ mwana asɛmɨ Esau?» Yakɔɓɔ ɔ꞉mutosio ga: «Ii, ya ta ɨmɨ aba.» 25Kʉɓanɨ, ga ɨsɛ nayɔ ɓɔ: «Ha mwana asɛmɨ, anɛkɨa nɔ idyo ngɨyɛsɔɔ yɔ upii iyani, nɨdya, iɗo ambɔ, nɨnɔkiokio.» Kʉdɔ, Yakɔɓɔ ɔ꞉mɨkɨa nayɔ, nɔ ɔ꞉ɨdya. Ɔ꞉mɨkɨa ɨsɛ tɨa kʉ nɔ ʉkyɛpʉ, nɔ ɔ꞉ʉmwa. 26Ga Isaka nɔ mwana angɔ ɓɔ: «Ɛɛ mwana asɛmɨ, ɨsɨngana tɨa tinene nɛmɨ, nɔ, wɔnaputo ɓɔ putu.» 27Kʉdɔ, Yakɔɓɔ ɔ꞉mɨsɨnganɨa, nɔ, ɔ꞉mʉnaputo ga putu. Ɨsɛ ɔ꞉ka imbo yɔ lɨpʉkʉ ngɨlangɔ, nɔ, ɔmukiokio akɔsugo ɓɔ:
«Oi, ɨyɛnɛnɨ ya imbo yɛta tɨpɨ
ngɨyɛ yɔ mwana asɛmɨ-ɛɛ,
ya ndʉ kʉbaa ngɨa MAKWƆƁƗƗ a꞉mukiokio kikioni-ɛɛ.
28Asɔɓɨɨ uto ɨmʉa yɔ ʉdɔɓɔ ngɨa anɨngwa akʉʉ ɔ ɓisi,
akɔ ihoi nɔ ikesi ngɨyɛ yachwɛa akɔ ɨtaka-ɛɛ.
Ɨnanjo ɓakʉbaa ngʉɓa ɓaɓaiso masɔɔ maja-ɛɛ.
Ɨnanjo mʉpʉnga ʉja nɔ makyɛpʉ-ɛɛ.
29Mababa kɔ ɓombi kɨnakyananakɨa,
nɔ ɓombi ɓɔgbʉkʉmɨa nɔ mau apɛɨ asɔɔ-ɛɛ.
Ɓio ngama ɔ ɓandɔɔ,
nɔ ɓana ɓɔ anʉ ɓɔgbʉkʉmɨa nɔ mau apɛɨ asɔɔ-ɛɛ.
Mombi muɓomu ngɨa a꞊nagbanga ʉwɛ,
a꞊sɨka mʉngwɛ, nɔ mombi muɓomu ngɨa a꞊nakiokio
ɛ꞊nɨanɨa nɔ ʉɓʉnga-ɛɛ.»
30Ndʉ Isaka a꞉pipo kiokio Yakɔɓɔ, nɔ ɨyɔ Yakɔɓɔ anɨngwa ta nɨngwa ndʉ aka, Esau e꞉joo ga buu, akɔtɔwa akɔ upii. 31Esau ɛ꞉sɨa ɨyɔ kʉ idyo yɛta iɗo, nɔ, ɔ꞉sa aninjo ɨsɛ. Ga ɨyɔ nɔ ɨsɛ ɓɔ: «Uwolo tɨa jikomu, nɔ, wɔdyanana idyo ngɨyɛsɛmɨ yɔ upii, ɨmɨ mwana asɔɔ, tiɗo ɓɔ anɔkiokio.» 32Isaka ɔ꞉ɓokuo ɓɔ: «Ʉwɛ anɨ dɔ-sɨ ɨyananɨ?» Ɔ꞉mutosio ɓɔ: «Ta ɨmɨ Esau, tapio ɔ mwanasɔɔ.» 33Atia ɔ꞉mugugumiso Isaka ndʉtʉ ɓɔ kpu kpu kpu. Ga ɨyɔ ɓɔ: «Anɨ dɔ-sɨ ɨya ɔ꞉sɔ pɛɨ akɔ upii, nɔ, ɔ꞉nɛkɨa nɔ idyo yɛta iɗo aka? Pɛɨ ʉwɛ anɨka, nɔ꞉dyɔ madyo ngʉkɔnanɨ ta maɓomu. Kʉdɔ, nomukiokio kiokioni, nɔ yangɔ ɓata adaa ngɨa nachʉchwakiso-ɔɔ ʉɓʉnga ngʉwɔnanɨ.»
34Angbinga ngɨa Esau a꞉kɔ-ɔɔ yaka ngɨyɛ ɨsɛ a꞉sugo, ɔ꞉natɨa nɔ ndɨa nɔ ikoko nɔ ɔ꞉mʉndɨanɨa ɨsɛ ɓɔ: «Hii aba, a꞉nakiokio ɓaka ɨmɨ kʉ kiokioni!» 35Ga ɨsɛ nayɔ ɓɔ: «Mwana ɔ anʉ ɛ꞉kɔ nɛmɨ akɔpɛtaka aka, nɔ, ɔ꞉sɨka ʉɓʉnga ngʉwa nɔ꞉ɓio ahata nɔwɛ aninjo.» 36Ga Esau ɓɔ: «Ambɔ kʉdɔ ɓa꞉mʉsʉa ino yɔ Yakɔɓɔ#popoko 25:26. Ɔ꞉pʉngɔ nachanɨa tɨa lɨda lɨsɛmɨ ɗepini. A꞉nasɨkɨa pɔngɔ-sɨ kʉ nɔ ɓutapio ngʉɓɔsɛmɨ, ɨtakɨtakɨ ngɨyɛ, ɔ꞉nasɨkɨɔ ɓata kʉ nɔ ʉɓʉnga ngʉwɔsɛmɨ.» Ɔ꞉matɨa ɓata ɓokuo ɨsɛ ɓɔ: «Wɔ꞉kɔnasɨɔ tii pɔ kʉɔ ɨmɨ mwana ɔ ʉɓʉnga bele?» 37Isaka ɔ꞉mutosio Esau akɔsugo ɓɔ: «Ʉka iɗo! Nɔ꞉mʉnapɨɔ ɨyɔ, mombi ngɨa a꞊dya suo ɓʉngama akʉʉ asɔɔ. Nɔ, nɔ꞉minjo ɓamanye ɓaɓomu aɓio ɓombi ɓɔ tɛa ɓangɔ, nɔ, nɔ꞉muhusio masɔɔ maja ɨhɔ nɔ ʉkyɛpʉ. Na꞊nakɨa dɔ ʉwɛ tɨa ɨmanɨ aka mwana asɛmɨ?» 38Ga Esau nɔ ɨsɛ ɓɔ: «Huu aba, ʉɓʉnga mʉngana ngʉwa wa nawɔ ndɨ tɨta ʉwɔnanɨ? Hii, anakiokio ɓaka ɨmɨ kʉ kiokioni.» Kʉdɔ, Esau ɔ꞉natɨa nɔ ndɨa. 39Ɨsɛ Isaka ɔ꞉mutosio akɔsugo ɓɔ:
«Ʉka iɗo, ambɔ ɨkʉmbʉ ngɨyɛsɔɔ yiɓio gɔ ta amʉkpakaɓʉmʉ,
aki ʉgbaá wangɔneyo-ɛɛ pɔ bele, anɨngwa akʉʉ ɔ ɓisi.
40Ambɔ ʉwɛ, wɨ꞊dya gɔ sina uɓei
ta ɨngbaa akɔ ɓʉkaɓʉkaɨ.
Nɔ ʉwɛ, wa꞊kyananakɨa sina mwana ɔ anʉ,
yakamɛngana, wɔsɨkanakieni,
sɔkɔ tii ɓata wiɓio-sɨ ɛsɨ ɔ ɓubaya ɓangɔ.»
Esau ɔnapɨɔ Yakɔɓɔ nɔ ikosi
41Kʉdɔ, Esau ɔ꞉mʉnapɨa Yakɔɓɔ nɔ ikosi, dɔ, ɨsɛ eɓo a꞉minjo ʉɓʉnga ngʉwangɔ wɔ Esau. Ɔ꞉pʉnga yakanaka amati angɔ ɓɔ: «Yɔtukoo ta makwaa bele, aba ɔ꞊wo suo. Tɔpipeni ta didima ɓɔ gba, ambɔ kyɛnda ngɨyɛsɛmɨ anɨsa anɨwa Yakɔɓɔ mwana ɔ ɨna yɔndanɔ.» 42Ɓɔ꞊sa aɓɨakɨa Lɛbɛka yaka ngɨyɛnɛnɨ, tapio ngɨangɔ a꞉ɓio asugo. Kʉdɔ, ɛ꞉soko Yakɔɓɔ nɔ ɔmusigio ɓɔ: «Mwana ɔ anʉ Esau a dɔ akwaisio nɔwɛ anɨwa, atosio ikosi yɔ yaka ngɨyɛ wa꞉mʉkɨa pɛ. 43Mwana asɛmɨ, ɨtakɨtakɨ ngɨyɛ, ʉka yaka ngɨyɛ nanɔwɛ asigio ta iɗo: ʉngwa aka ta nɨngwa, wɔsa bangʉ atɨ manyanʉ Labanɨ, anɔ Halanɨ. 44Wa꞊ɓio-sɨ ta ɨnanɨ amati ɔ makwaa, akɔɓɔya ta aka ʉnganga ngʉwɔ mwana ɔ anʉ Esau, wa꞊mujo-ɔɔ. 45Ndʉ ʉnganga ngʉwɔ mwana ɔ anʉ Esau wa꞊mujo, nɔ, ɔ꞊ɓʉsaa yaka ngɨyɛ wa꞉mʉkɨa, kʉdɔ, na꞊namayakɨa iso ɓɔ ʉngwa inani, nɔ, wɔ꞊tɔwa tɨa kʉ ɨyani. Na꞊nɨjanga-sɨ inu ɓaɓomu ɓapɨnɨ ɓisi mʉngana, yɔkweni tanɨ?»
46Ga Lɛbɛka nɔ Isaka ɓɔ: «Taa yɔ uɓei yɔnopio ɨmɨ ta nupio, akʉʉ ɔ yaka yɔ ɓuto Ɓahɨtɨ ngʉɓa. Mwana asɛmɨ Yakɔɓɔ ɔsɨkaneni ta nɔ muto Ɓahɨtɨ, ati ɔ ɓiga ɓeɓoi ɓɔ ɨkʉmbʉ ngɨyɛ, ambɔ uɓei nga wɔsɛmɨ, wambiti pɔ nɔ dada pɔ bele.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.